ലത്തീന്‍ കത്തോലിക്കാ സമൂഹ ശക്തീകരണത്തിന് കര്‍മപദ്ധതികൾ നടപ്പാക്കും: ആർച്ച്ബിഷപ്
Friday, May 30, 2025 1:40 AM IST
കൊച്ചി: കേരളത്തിന്‍റെ സാമൂഹികജീവിതത്തിലും പുരോഗതിയിലും നിര്‍ണായക പങ്കാളിത്തവും നേതൃത്വവും വഹിക്കാന്‍ ലത്തീന്‍ കത്തോലിക്കാ സമൂഹം സജ്ജമാണെന്ന് ആര്‍ച്ച്ബിഷപ് ഡോ. വര്‍ഗീസ് ചക്കാലക്കല്‍.
സഭയുടെ ഉന്നത നയരൂപീകരണ ഏകോപനസമിതിയായ കെആര്‍എല്‍സിസി യുടെ 24-ാം സ്ഥാപിതദിനഘോഷം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
പാലാരിവട്ടം പിഒസിയില്‍ നടന്ന സമ്മേളനത്തില്‍ വൈസ് പ്രസിഡന്‍റ് ജോസഫ് ജൂഡ് അധ്യക്ഷത വഹിച്ചു. പ്രഫ. ഡോ. മിലന്‍ ഫ്രാന്‍സ് മുഖ്യപ്രഭാഷണം നടത്തി. മോണ്‍.ഡോ. ജോയി പുത്തന്‍വീട്ടില്‍, പ്രഫ. ഡോ. ബിജു ടെറന്‍സ് എന്നിവര്‍ വിഷയാവതരണങ്ങള്‍ നടത്തി.
ജനറല്‍ സെക്രട്ടറി റവ. ഡോ. ജിജു അറക്കത്തറ, വൈസ് പ്രസിഡന്‍റ് സിസ്റ്റര്‍ ജൂഡി വര്‍ഗീസ്, കെഎല്‍സിഎ പ്രസിഡന്‍റ് അഡ്വ. ഷെറി ജെ.തോമസ്, കെആര്‍എല്‍സിസി ഭാരവാഹികളായ ബിജു ജോസി, മെറ്റില്‍ഡ മൈക്കിള്‍, പാട്രിക് മൈക്കിള്‍, പ്രബല ദാസ് തുടങ്ങിയവര്‍ പ്രസംഗിച്ചു.