പോ​ള​ണ്ടി​ല്‍ ജോ​ലി വാ​ഗ്ദാ​നം ചെ​യ്ത് ത​ട്ടി​പ്പ്: കൂ​ടു​ത​ല്‍ പേ​ര്‍ ഇ​ര​യാ​യെന്ന് പോ​ലീ​സ്
Tuesday, July 22, 2025 4:00 AM IST
കൊ​ച്ചി: ബ്രി​ട്ട​നി​ലെ ക​ണ്‍​സ​ള്‍​ട്ടിം​ഗ് സ്ഥാ​പ​നം​വ​ഴി പോ​ള​ണ്ടി​ല്‍ ജോ​ലി വാ​ഗ്ദാ​നം ചെ​യ്ത് 22 ല​ക്ഷം രൂ​പ ത​ട്ടി​യെ​ടു​ത്ത കേ​സി​ല്‍ അ​റ​സ്റ്റി​ലാ​യ ബ്രി​ട്ടീ​ഷ് പൗ​ര​ത്വ​മു​ള്ള മ​ല​യാ​ളി കൂ​ടു​ത​ല്‍ പേ​രി​ല്‍ നി​ന്ന് പ​ണം കൈ​ക്ക​ലാ​ക്കി​യി​ട്ടു​ണ്ടെ​ന്ന് പോ​ലീ​സ്.

കേ​സു​മാ​യി ബ​ന്ധ​പ്പെ​ട്ട് 2017ലെ ​ബ്രി​ട്ടീ​ഷ് പാ​ര്‍​ല​മെ​ന്‍റ് തെ​ര​ഞ്ഞെ​ടു​പ്പി​ല്‍ സ്വ​ത​ന്ത്ര സ്ഥാ​നാ​ര്‍​ഥി​യാ​യി മ​ത്സ​രി​ച്ച് പ​രാ​ജ​യ​പ്പെ​ട്ട ച​ങ്ങ​നാ​ശേ​രി കു​റി​ച്ചി ക​ല്ലു​മാ​ടി​ക്ക​ല്‍ വീ​ട്ടി​ല്‍ ലാ​ക്‌​സ​ണ്‍ എ​ഫ്. അ​ഗ​സ്റ്റി​നെ​യാ​ണ് (45) എ​റ​ണാ​കു​ളം സൗ​ത്ത് പോ​ലീ​സ് ഇ​ന്‍​സ്‌​പെ​ക്ട​ര്‍ പി.​ആ​ര്‍. സ​ന്തോ​ഷി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം അ​റ​സ്റ്റ് ചെ​യ്ത​ത്. നി​ല​വി​ല്‍ ഒ​മ്പ​തു പേ​രാ​ണ് ഇ​യാ​ള്‍​ക്കെ​തി​രെ പ​രാ​തി ന​ല്‍​കി​യി​രി​ക്കു​ന്ന​ത്. ഇ​യാ​ള്‍​ക്കെ​തി​രെ കൂ​ടു​ത​ല്‍ പ​രാ​തി​ക​ള്‍ വ​രു​മെ​ന്ന നി​ഗ​മ​ന​ത്തി​ലാ​ണ് പോ​ലീ​സ് സം​ഘം.

പ​ന​മ്പി​ള്ളി​ന​ഗ​ര്‍ ചാ​ക്കേ​യ​ത്ത് വീ​ട്ടി​ല്‍ അ​ശ്വി​ന്‍ പ​ത്രോ​സ് ന​ല്‍​കി​യ പ​രാ​തി​യി​ല്‍ 2024ല്‍ ​കേ​സെ​ടു​ത്തി​രു​ന്നു. ബ്രി​ട്ട​നി​ല്‍ ത​ന്‍റെ ഉ​ട​മ​സ്ഥ​ത​യി​ലു​ള്ള സി​യോ​ണ്‍ ക​ണ്‍​സ​ള്‍​ട്ടിം​ഗ് ലി​മി​റ്റ​ഡ് യൂ​റോ​പ്പ് ആ​ന്‍​ഡ് യു​കെ എ​ന്ന സ്ഥാ​പ​നം പോ​ള​ണ്ടി​ലേ​ക്ക് തൊ​ഴി​ല്‍ റി​ക്രൂ​ട്ട്‌​മെ​ന്‍റ് ന​ട​ത്തു​ന്നു​ണ്ടെ​ന്ന് പ​റ​ഞ്ഞാ​യി​രു​ന്നു ത​ട്ടി​പ്പ്. ഇ​തു വി​ശ്വ​സി​ച്ച അ​ശ്വി​ന്‍ സ​മൂ​ഹ​മാ​ധ്യ​മ​ങ്ങ​ളും സു​ഹൃ​ത്തു​ക്ക​ളും വ​ഴി പ​ര​സ്യം ന​ല്‍​കി ഒ​ന്പ​തു പേ​രി​ല്‍​നി​ന്ന് 22 ല​ക്ഷം​രൂ​പ വാ​ങ്ങി ന​ല്‍​കി. 2023 ജ​നു​വ​രി ഒ​ന്നു മു​ത​ല്‍ ഡി​സം​ബ​ര്‍ നാ​ലു വ​രെ​യാ​യി​രു​ന്നു ഇ​ട​പാ​ട്. ജോ​ലി​യും പ​ണ​വും കി​ട്ടാ​ത്ത​തോ​ടെ​യാ​ണ് ഇ​വ​ര്‍ പോ​ലീ​സി​ല്‍ ന​ല്‍​കി​യ​ത്.

ഏ​റ്റു​മാ​നൂ​രി​ല്‍ കെ​എ​സ്ഇ​ബി അ​സി​സ്റ്റ​ന്‍റ് എ​ന്‍​ജി​നി​യ​റാ​യി​രി​ക്കെ​യാ​ണ് ലാ​ക്‌​സ​ണ്‍ രാ​ജി​വ​ച്ച് ബ്രി​ട്ട​നി​ലേ​ക്ക് കു​ടും​ബ​സ​മേ​തം കു​ടി​യേ​റി​യ​ത്. 2017ലെ ​തെ​ര​ഞ്ഞെ​ടു​പ്പി​ല്‍ വൈ​ത​ന്‍​ഷാ​വെ​സെ​യി​ല്‍ ഈ​സ്റ്റി​ല്‍ മ​ത്സ​രി​ച്ച് ലേ​ബ​ര്‍​പാ​ര്‍​ട്ടി​യി​ലെ മൈ​ക്ക് കെ​യി​നോ​ട് പ​രാ​ജ​യ​പ്പെ​ട്ടി​രു​ന്നു. സി​യോ​ണ്‍ മേ​രി ഇ​ന്‍റര്‍​നാ​ഷ​ണ​ല്‍, സി 2 ​ക​മ്യൂ​ണി​ക്ക​ഷേ​ന്‍​സ് സ്ഥാ​പ​ന​ങ്ങ​ളു​ടെ ഡ​യ​റ​ക്ട​റാ​യി​ന്നു. ഇ​തു​മാ​യി ബ​ന്ധ​പ്പെ​ട്ട സാ​മ്പ​ത്തി​ക ഇ​ട​പാ​ടു​ക​ളി​ല്‍ പ്ര​ശ്‌​ന​മാ​യ​തോ​ടെ കേ​ര​ള​ത്തി​ലേ​ക്ക് മ​ട​ങ്ങി. ഓ​വ​ര്‍​സീ​സ് കോ​ണ്‍​ഗ്ര​സി​ല്‍ ഉ​ള്‍​പ്പെ​ടെ ഭാ​ര​വാ​ഹി​ത്വം വ​ഹി​ച്ചി​ട്ടു​ണ്ട്.

എ​ഐ​സി​സി അം​ഗ​മാ​യി​രു​ന്ന ഇ​യാ​ള്‍ അ​ടു​ത്തി​ടെ​യാ​ണ് രാ​ജീ​വ് ച​ന്ദ്ര​ശേ​ഖ​റി​ല്‍ നി​ന്നാ​ണ് ബി​ജെ​പി അം​ഗ​ത്വം നേ​ടി​യ​തെ​ന്ന് പ​റ​യു​ന്നു. എ​റ​ണാ​കു​ളം ടൗ​ണ്‍ നോ​ര്‍​ത്ത് പോ​ലീ​സ് സ്റ്റേ​ഷ​നി​ലെ സ്ത്രീ ​പീ​ഡ​ന​ക്കേ​സി​ലും എ​റ​ണാ​കു​ളം സെ​ന്‍​ട്ര​ല്‍ പോ​ലീ​സ് സ്റ്റേ​ഷ​നി​ലെ സാ​മ്പ​ത്തി​ക ത​ട്ടി​പ്പു​കേ​സി​ലും പ്ര​തി​യാ​ണ്.
Copyright @ 2018 , Rashtra Deepika Ltd.