പാലക്കാട്: ജില്ലാ എംപ്ലോയ്മെന്റ് എക്സ്ചേഞ്ച്, എംപ്ലോയബിലിറ്റി സെന്‍ററിന്‍റെ ആഭിമുഖ്യത്തിൽ മൂന്ന് പ്രമുഖ സ്വകാര്യ സ്ഥാപനങ്ങളിലേക്ക് നിയമനം നടത്തുന്നതിനായി മെഗാജോബ് ഡ്രൈവ് സംഘടിപ്പിക്കുന്നു. റൂഫിംഗ് ഫാബ്രിക്കേറ്റർ, വെൽഡർ, വെൽഡിംഗ് ഹെൽപ്പർ, മാനേജർ, അസിസ്റ്റന്‍റ് മാനേജർ, ബിസിനസ് ഡെവലപ്മെന്‍റ് ഓഫീസർ, ഫീൽഡ് സെയിൽസ് മാനേജർ, ഫീൽഡ് സെയിൽസ് ഓഫീസർ, സർവീസ് എഞ്ചിനീയർ, പ്രൊഫഷണൽ അക്കൗണ്ടന്‍റ് എന്നീ തസ്തികകളിലാണ് ഒഴിവുകളുള്ളത്.
ജില്ലാ എംപ്ലോയ്മെന്റ് എക്സ്ചേഞ്ചിനോടനുബന്ധിച്ച് പ്രവർത്തിക്കുന്ന എംപ്ലോയബിലിറ്റി സെന്‍ററിൽ 21 രാവിലെ 10 ന് അഭിമുഖം നടക്കും. പത്താംക്ലാസ്, പ്ലസ്ടു, ഡിഗ്രി, ഐടിഐ ഡിപ്ലോമ യോഗ്യതയുള്ളതും എംപ്ലോയബിലിറ്റി സെന്‍ററിൽ പേര് രജിസ്റ്റർ ചെയ്തിട്ടുള്ളതുമായ ഉദ്യോഗാർഥികൾക്ക് മാത്രമാണ് മേളയിൽ പ്രവേശനം. രജിസ്റ്റർ ചെയ്യാൻ തിരിച്ചറിയൽ രേഖയുടെ പകർപ്പും, ഒറ്റത്തവണ രജിസ്ട്രേഷൻ ഫീസായി 250 രൂപയും സഹിതം ജില്ലാ എംപ്ലോയ്മെന്റ് എക്സ്ചേഞ്ച്, എംപ്ലോയബിലിറ്റി സെന്‍ററിൽ നേരിട്ട് ഹാജരാവണം. 0491 2505435, 2505204.