വെ​ള്ള​റ​ട: വെ​ള്ള​റ​ട മ​ര​പ്പാ​ല​ത്ത് പ്ര​വ​ര്‍​ത്തി​ക്കു​ന്ന സ്വ​കാ​ര്യ ക്വാ​റി​യി​ല്‍ നി​ന്ന് ലോ​ഡ് എ​ടു​ക്കു​ന്ന​തി​നെ ചൊ​ല്ലി ത​ര്‍​ക്കം. ത​ർ​ക്കം രൂ​ക്ഷ​മ​ായതി​നെ തു​ട​ർ​ന്ന് വെ​ള്ള​റ​ട പ​ഞ്ചാ​യ​ത്ത് ഒാഫീ​സി​ന് മു​ന്നി​ല്‍ ടി​പ്പ​റു​ക​ൾ നി​ർ​ത്തി​യി​ട്ട് ക്വാ​റി തൊ​ഴി​ലാ​ളി​ക​ളു​ടെ സ​മ​രം.
പ്ര​ധാ​ന ഗേ​റ്റി​നു മു​ന്നി​ലും വാ​ഹ​നം നി​ര്‍​ത്തി​യി​ട്ട​തി​നാ​ല്‍ പ​ഞ്ചാ​യ​ത്തി​ലെ​ത്തു​ന്ന​വ​ര്‍​ക്ക് അ​ക​ത്തു ക​യ​റാ​നും ബു​ദ്ധി​മു​ട്ടാ​യി. ക്വാ​റി​യി​ല്‍ നി​ന്നും ലോ​ഡ് എ​ടു​ക്കു​ന്ന​തി​ല്‍ പ​ഞ്ചാ​യ​ത്ത് പ​രി​ധി​യി​ലെ വാ​ഹ​ന​ങ്ങ​ള്‍​ക്ക് മു​ന്‍​ഗ​ണ​ന ന​ല്‍​കി​യി​രു​ന്നു.​മു​ന്‍​ഗ​ണ​നാ വാ​ഹ​ന​ങ്ങ​ളു​ടെ എ​ണ്ണം വ​ര്‍​ധി​പ്പി​ക്ക​ണ​മെ​ന്ന പ്ര​ദേ​ശ​ത്തെ ലോ​റി​ക്കാ​രു​ടെ ആ​വ​ശ്യം ക്വാ​റി ഉ​ട​മ അം​ഗീ​ക​രി​ച്ചി​രു​ന്നി​ല്ല. തു​ട​ര്‍​ന്നാ​ണ് ടി​പ്പ​ര്‍ ലോ​റി​ക​ളു​മാ​യി തൊ​ഴി​ലാ​ളി​ക​ള്‍ പ​ഞ്ചാ​യ​ത്തോ​ഫീ​സ് വ​ള​ഞ്ഞ​ത്.
പ​ഞ്ചാ​യ​ത്ത് പ്ര​തി​നി​ധി​ക​ളും വെ​ള്ള​റ​ട പോ​ലീ​സും സ്ഥ​ല​ത്തെ​ത്തി ന​ട​ത്തി​യ ച​ര്‍​ച്ച​ക​ള്‍​ക്കൊ​ടു​വി​ല്‍ വാ​ഹ​ന​ങ്ങ​ള്‍ മാ​റ്റു​ക​യാ​യി​രു​ന്നു. തു​ട​ര്‍ ച​ര്‍​ച്ച​ക​ളി​ല്‍ ലേ​ബ​ര്‍ വകുപ്പുമായി തീ​രു​മാ​ന​ത്തി​ലെ​ത്താ​ന്‍ പ​ഞ്ചാ​യ​ത്ത് തീ​രു​മാ​നി​ച്ചു.