ADVERTISEMENT

ADVERTISEMENT

പഞ്ചായത്ത് ഓഫീസ് സത്യഗ്രഹം

നെടുമങ്ങാട്: പനവൂർ മണ്ഡലം കോൺഗ്രസ് കമ്മിറ്റി സംഘടിപ്പിച്ച ഏകദിന പഞ്ചായത്ത് ഓഫീസ് സത്യഗ്രഹം എം. വിൻസന്‍റ് എംഎൽഎ ഉദ്‌ഘാടനം ചെയ്തു. പനവൂർ മണ്ഡലം കോൺഗ്രസ് കമ്മിറ്റി പ്രസിഡന്‍റ് കുന്നിൽ ശശി അധ്യക്ഷത വഹിച്ചു.

ആനാട് ജയൻ, ആനക്കുഴി ഷാനവാസ്, ബിനു എസ്. നായർ, അഡ്വ. മുജീബ്, പുരുഷോത്തമൻ നായർ, രഘുനാഥൻ നായർ, വി.എസ്. പ്രവീൺ, എസ്.എൻ. പുരം ജലാൽ, തോട്ടുമുക്ക് റഷീദ്, ലാൽ, വാഴോടു ഹുസൈൻ, പനവൂർ രാജശേഖരൻ നായർ, സരസ്വതി അമ്മ, എസ്. എൻ. പുരം ഷൈല, ശോഭ, ജലീൻ, ദാദുഷ എന്നിവർ സംസാരിച്ചു.

ADVERTISEMENT

വ്യാജരേഖ ചമച്ച് കോണ്‍ട്രാക്ടറില്‍നിന്ന് ഒന്നരലക്ഷം തട്ടിയയാള്‍ അറസ്റ്റില്‍

പേരൂര്‍ക്കട: വ്യാജരേഖ ചമച്ച് കോണ്‍ട്രാക്ടറെ കബളിപ്പിച്ചയാളെ മ്യൂസിയം പോലീസ് അറസ്റ്റുചെയ്തു. അമരവിള മഞ്ചംകുഴി വിളയില്‍ വീട്ടില്‍ അരുണ്‍ സാം (31) ആണ് അറസ്റ്റിലായത്. മൂന്നുമാസത്തിനു മുമ്പായിരുന്നു കേസിനാസ്പദമായ സംഭവം. പോലീസ് പറയുന്നത്: വെമ്പായം സ്വദേശിയും കോണ്‍ട്രാക്ടറുമായ രാജേഷ് (44) ആണ് കബളിപ്പിക്കപ്പെട്ടത്. ഇദ്ദേഹം റോ മെറ്റീരിയല്‍സ് വിതരണക്കാരനായിരുന്നു. പിഡബ്ല്യുഡിയുടേത് ഉള്‍പ്പെടെ വലിയ കരാറുകൾ ഏറ്റെടുക്കുന്നതുമായി ബന്ധപ്പെട്ട് കോണ്‍ട്രാക്ട് നേടിയെടുക്കുന്നതിനാണ് ഇദ്ദേഹം അരുണിനെ സമീപിച്ചത്. കണ്‍സള്‍ട്ടന്‍റായ അരുണ്‍ സാമിനെ സുഹൃത്തുവഴിയാണ് രാജേഷ് പരിചയപ്പെട്ടത്. സര്‍ട്ടിഫിക്കറ്റ് ലഭിക്കുന്നതിന് ഒന്നരലക്ഷം രൂപ ആവശ്യമുണ്ടെന്ന് അറിയിച്ച അരുണ്‍ സാം ട്രഷറിയിലേക്ക് അടയ്ക്കുന്നതിനുള്ള തുക തയാറാക്കിവയ്ക്കാന്‍ ആവശ്യപ്പെട്ടു. സര്‍ട്ടിഫിക്കറ്റ് ലഭിക്കാനായി ഒന്നരലക്ഷം രൂപ അരുണ്‍ സാമിന് രാജേഷ് നല്‍കുകയായിരുന്നു. യഥാര്‍ഥ സര്‍ട്ടിഫിക്കറ്റ് നല്‍കുന്നതിനു പകരം സബ് ട്രഷറിയില്‍ പണമടച്ചുവെന്നു കാണിച്ച് ട്രഷറി സൂപ്രണ്ടിന്‍റെ വ്യജ ഒപ്പിട്ട രശീത് പ്രതി രാജേഷിന് നല്‍കുകയായിരുന്നു. ഇതില്‍ വച്ചിരുന്ന സീലും വ്യാജമായിരുന്നു. മുമ്പ് പ്രതിയുടെ കൈവശമുണ്ടായിരുന്ന രശീതിൽ തിരിമറികള്‍ നടത്തി കമ്പ്യൂട്ടറിന്‍റെ സഹായത്തോടെ വ്യാജമായി പുതിയ രശീത് നിർമിക്കുകയായിരുന്നു. ശേഷം ഇതു വാട്ട്‌സ്ആപ്പ് വഴി രാജേഷിന് അയച്ചുകൊടുത്തു. കാലാവധി കഴിഞ്ഞിട്ടും കോണ്‍ട്രാക്ട് സര്‍ട്ടിഫിക്കറ്റ് ലഭിക്കാതായതോടെ ഒരു സുഹൃത്തുമൊത്ത് രാജേഷ് വെള്ളയമ്പലത്തെ ട്രഷറിയിലെത്തി വിവരങ്ങള്‍ അന്വേഷിച്ചപ്പോഴാണ് രശീത് വ്യാജമാണെന്നു മനസിലായത്. സബ്ട്രഷറി ഓഫീസറും രാജേഷും മ്യൂസിയം സ്റ്റേഷനില്‍ നല്‍കിയ പരാതിയുടെ അടിസ്ഥാനത്തിലാണ് അന്വേഷണം പുരോഗമിച്ചത്. അരുണ്‍ സാമിന്‍റെ വീട്ടില്‍നിന്ന് രേഖകള്‍ പോലീസ് കണ്ടെടുത്തു. അസി. കമ്മീഷണര്‍ സ്റ്റ്യുവര്‍ട്ട് കീലറിന്‍റെ നേതൃത്വത്തില്‍ മ്യൂസിയം സിഐ വിമല്‍, എസ്ഐമാരായ വിപിന്‍, ബാലസുബ്രഹ്മണ്യം, സൂരജ്, സിപിഒമാരായ മനോജ്, വൈശാഖ്, അരുണ്‍ എന്നിവര്‍ ഉള്‍പ്പെട്ട സംഘമാണ് വീട്ടില്‍നിന്നു പ്രതിയെ കസ്റ്റഡിയിലെടുത്തത്. ഇയാളെ കോടതിയില്‍ ഹാജരാക്കി.

പുതിയ കാലം എംടി കൃതികളിൽ പുതുസാധ്യതകൾ കണ്ടെത്തുന്നു: ഡോ. കെ.എസ്. രവികുമാർ

തിരുവനന്തപുരം: കാലം കഴിയുംതോറും എം.ടി. വാസുദേവൻ നായരുടെ രചനകൾക്കു പുതിയ കാഴ്ചകൾ സംഭവിക്കുന്നു എന്ന് സാഹിത്യ നിരൂപകൻ ഡോ. കെ.എസ്. രവികുമാർ. പുതിയ കാലത്ത് പുതിയ സാധ്യതകൾ എംടിയുടെ കഥകളിൽ നിന്നും നോവലുകളിൽ നിന്നും വായനാസമൂഹം കണ്ടെടുക്കുന്നുവെന്നും അദ്ദേഹം ചൂണ്ടിക്കാട്ടി. എം. ടി. വാസുദേവൻ നായരുടെ 92-ാം ജയന്തി ആഘോഷത്തിന്‍റെ ഭാഗമായി ഭാരത് ഭവൻ ചലച്ചിത്ര അക്കാഡമിയുടെ സഹകരണത്തോടെ സംഘടിപ്പിച്ച സാംസ്കാരിക കൂട്ടായ്മയിൽ എംടിയുടെ സർഗലോകം എന്ന വിഷയം അവതരിപ്പിച്ച് പ്രസംഗിക്കുകയായിരുന്നു അദ്ദേഹം. എഴുതിയതിനെക്കാളേറെ എംടി എഴുതാതെ ഉപേക്ഷിച്ച കഥകൾ ഏറെയുണ്ടെന്ന് കെ. എസ്. രവികുമാർ ചൂണ്ടിക്കാട്ടി. തന്നിലെ എഴുത്തുകാരനെയും വായനക്കാരനെയും തൃപ്തിപ്പെടുത്താത്ത ഒന്നും എംടി എഴുതിയിട്ടില്ല. പുറമേ നിന്ന് നോക്കുന്പോൾ വൈകാരികമായി ജീവിതത്തെ ആവിഷ്കരിക്കുന്ന രീതിയിലെ എഴുത്താണ് എം.ടിയുടേത്. എന്നാൽ ഈ വൈയക്തികതയ്ക്കപ്പുറം സൂക്ഷ്മമായ സാമൂഹ്യനിരീക്ഷണത്തിന്‍റെ അന്തർധാരകൾ എംടിയുടെ രചനകളിലുണ്ട്. എഴുതിയ കാലം മുതൽ എംടിയുടെ രചനകൾക്കു വായനക്കാരിൽ നിന്നും ലഭിച്ച സ്വീകാര്യത ഇന്നും അതുപോലെ നിലനില് ക്കുന്നു. കെ. എസ്. രവികുമാർ പറഞ്ഞു. വായനക്കാരെ ഒപ്പം കൊണ്ട് പോകാനുള്ള ഒരു കാന്തിക സിദ്ധിയും ആഖ്യാനശേഷിയും എംടിയ്ക്കു സ്വന്തമായിരുന്നു എന്നും അദ്ദേഹം പറഞ്ഞു. ഭാരത് ഭവൻ മെന്പർ സെക്രട്ടറി ഡോ. പ്രമോദ് പയ്യന്നൂർ ആമുഖ പ്രസംഗം നടത്തി. എഴുത്തുകാരായ ബൈജു ചന്ദ്രൻ, ഗിരിജ സേതുനാഥ്, ഭാരത് ഭവൻ നിർവാഹക സമിതി അംഗങ്ങളായ ഡോ. സി. എസ്. റെജിയ, ജയ്സപ്പൻ മത്തായി എന്നിവർ പ്രസംഗിച്ചു. തുടർന്ന് എംടിയുടെ നിർമാല്യം എന്ന ചലച്ചിത്രത്തിന്‍റെ പ്രദർശനം നടന്നു. സ്വന്തം ലേഖിക

വയോധികയെ കൊലപ്പെടുത്തിയ കേസിലെ പ്രതി റിമാൻഡിൽ

കുറ്റിച്ചൽ : കുറ്റിച്ചലിൽ നിന്നും കാണാതായ വയോധികയെ തമിഴ്‌നാട് തിരുനെൽവേലിയിൽ വച്ച് പീഡന ശ്രമത്തിനിടെ ശ്വാസംമുട്ടിച്ചു കൊലപ്പെടുത്തിയ കേസിലെ പ്രതി തമിഴ്‌നാട് സ്വദേശിയായ വിമൽരാജ് തമിഴ്‌നാട് തിരുനെൽവേലി പാലവൂർ പോലീസ് സ്റ്റേഷനിൽ പിടിയിലായി. പ്രതിയെ റിമാൻഡ് ചെയ്തു. നെയ്യാർ ഡാം പോലീസ് സ്റ്റേഷൻ പരിധിയിൽ കുറ്റിച്ചൽ തച്ചങ്കോട് സ്വദേശിയായ 61 കാരിയായ ത്യേസ്യാമ്മയാണ് തമിഴ്‌നാട്ടിൽ അതി ദാരുണമായി കൊലപ്പെട്ടത്. ഇക്കഴിഞ്ഞ പതിനൊന്നാം തീയതി മുതൽ ത്രേസ്യാമ്മയെ കാണാനില്ലെന്നു വീട്ടുകാർ നെയ്യാർ ഡാം പോലീസ് സ്റ്റേഷനിൽ പരാതി നൽകിയിരുന്നു. ഇടക്കു വേളാകണ്ണിയിൽവച്ച് ഫോണിൽ സംസാരിച്ചിരുന്നു എന്നും പറഞ്ഞു. എന്നാൽ പിന്നീട് ഇവരെക്കുറിച്ച് ഒരു അറിവും ഇല്ലാ എന്നാണ് വീട്ടുകാർ പരാതി നൽകിയത്. ആരാധനാലയങ്ങൾ സന്ദർശിക്കാൻ ഇടക്കിടെ പോകുന്ന പതിവ് ഇവർക്കുണ്ടായിരുന്നു. അത്തരത്തിൽ പോയാൽ ദിവസങ്ങൾ കഴിഞ്ഞാണ് ഇവർ മടങ്ങി എത്തുക. നിശ്ചിത ദിവസം കഴിഞ്ഞിട്ടും കാണാത്തതിനാ ലാണു വീട്ടുകാർ പരാതി നൽകാൻ കാരണം. പരാതിയുടെ അടിസ്ഥാനത്തിൽ പോലീസ് അന്വേഷണം നടത്തിവരികയായി രുന്നു. ഇതിനിടെ തിങ്കളാഴ്ച രാവിലെയോടെ പാലാവൂർ സ്റ്റേഷനിൽനിന്നും നെയ്യാർഡാം സ്റ്റേഷനിലേക്ക് ഒരു വയോധിക ത്രേസ്യാമ്മ മരിച്ചതായി വിവരം എത്തുകയായിരുന്നു. തുടർന്നു പോലീസ് നടത്തിയ പരിശോധനയിലാണ് മിസ്സിംഗ് കേസ് ആയി രജിസ്റ്റർ ചെയ്ത് വയോധിക തന്നെയാണ് ഇത് മനസിലായത്. തുടർന്ന് നെയ്യാർ ഡാം പോലീസും ത്രേസിയയുടെ ബന്ധുക്കളും തമിഴ്‌നാട്ടിലെത്തി മൃതദേഹം തിരിച്ചറിഞ്ഞു അവിടെ പൊതു ശ്മ ശാനത്തിൽ സംസ്‌കരിച്ചു. പ്രതി വിമൽരാജ് ത്രേസ്യാമ്മ യെ ശ്വാസം മുട്ടിച്ചു കൊലപ്പെടു ത്തുകയായിര ുന്നുവെന്നു പോ ലീസിനോടു സമ്മതിച്ചിട്ടുണ്ട്. മൃതദേഹം കണ്ടെടുക്കുമ്പോൾ മൂന്നുദിവസത്തെ പഴക്കമുണ്ടായിരുന്നു. സംഭവ സ്ഥലത്തു നിന്നും ലഭിച്ച ബാഗിൽ ഉണ്ടായിരുന്ന വിലാസത്തിലാണ് തമിഴ്‌നാട് പോലീസ് നെയ്യാർ ഡാം പോലിസിനെ വിവരം അറിയിച്ചത്.

നെടുമങ്ങാട് നഗരസഭ കൗൺസിലർ രാജിവച്ചു

നെടുമങ്ങാട്: നെടുമങ്ങാട് നഗരസഭ കൊപ്പം വാർഡ് കൗൺസിലർ പി. രാജീവ്‌ രാജിവച്ചു. ഇന്നലെ നഗരസഭ സെക്രട്ടറിക്ക് രാജിക്കത്തു കൈമാറി. സിപിഎമ്മുകാരനായ രാജീവ് പാർട്ടി നേതൃത്വവുമായി കഴിഞ്ഞ കുറേ നാളുകളായി അഭിപ്രായ ഭിന്നതയിലായിരിന്നു. ""കൊപ്പം വാർഡിലെ കുന്നം ജനതയ്ക്കു കൗൺസിലർ എന്ന നിലയിൽ നൽകിയ കുന്നം വലിയ പാലം 2026 മുനിസിപ്പൽ തെരഞ്ഞടുപ്പിന് മുൻപ് തുറന്ന് കൊടുക്കാൻ ശ്രമിക്കും എന്നതു നടപ്പിലാക്കാൻ കഴിഞ്ഞില്ല. നിലവിൽ ചെറിയ താൽകാലിക നടപ്പാലം നിർമിച്ചു. വലിയ പാലത്തിനു നിലവിൽ 1.50 കോടി അനുവദിച്ചു കൊണ്ടുള്ള നടപടിക്രമങ്ങൾ നടന്നുവരുന്നു. എങ്കിലും പാലത്തിന്‍റെ നിർമാണത്തിനും അനുബന്ധ റോഡിനുള്ള സ്ഥലവും ഏറ്റെടുക്കൽ നടപടിക്രമങ്ങൾ ഇപ്പോഴും അവ്യക്തമാണ്. കുന്നം വലിയ പാലം ഇനിയും സ്വപ്നങ്ങളിൽ ആണ്. ഉപതെരഞ്ഞടുപ്പ് എന്ന ദുരന്തം വിളിച്ച് വരുത്താതിരിക്കുവാൻ വേണ്ടിയാണ് എന്‍റെ രാജി കുറച്ചു ദിവസം നീണ്ടത്. വാക്കു പാലിക്കാൻ കഴിയാത്തവനും, ഒരു നാടിന്‍റെ വിശ്വാസം കാത്തുസൂക്ഷിക്കുവാൻ കഴിയാത്തവനും ജനപ്രതിനിധിയായി തുടരാൻ പാടില്ല. കൂടാതെ പ്രതിനിധാനം ചെയ്യുന്ന പ്രസ്ഥാനത്തിനും നാണക്കേട് വരും.. അത് ഒഴിവാക്കുന്നു. ഒരുപക്ഷേ എന്‍റെ വിടവാങ്ങൽ ഈ നാടിന് അർഹതപ്പെട്ട പാലത്തിന് നിർമാണാനുമതി ലഭിക്കാൻ കാരണമായാൽ സന്തോഷം. നിങ്ങളുടെ അനുവാദത്തോട് കൂടി ഞാൻ ഒഴിയുന്നു...'' എന്ന് സമൂഹ മാധ്യമങ്ങളിൽ രാജീവ്‌ കുറിപ്പ് ഇട്ടിട്ടുണ്ട്. രാജീവിന്‍റെ രാജി സംബന്ധിച്ചു സിപിഎം നേതൃത്വം പ്രതികരിച്ചിട്ടില്ല.

ലോക യുവജന നൈപുണ്യ ദിനം ആഘോഷിച്ചു

വിഴിഞ്ഞം: അദാനി വിഴിഞ്ഞം തുറമുഖ കമ്പനിയുടെ സാമൂഹ്യ പ്രതിബദ്ധത വിഭാഗത്തിന്‍റെ കീഴിൽ പ്രവർത്തിക്കുന്ന നൈപുണ്യ പരിശീലന കേന്ദ്രമായ അദാനി സ്കിൽ ഡെവലപ്പ്മെന്‍റ് സെന്‍ററിൽ ലോക യുവജന നൈപുണ്യ ദിനം വിവിധ പരിപാടികളോടെ ആഘോഷിച്ചു. തുറമുഖം കമ്പനിയിലെ കോർപ്പറേറ്റ് ഹെഡ് ഡോ. അനിൽ ബാലകൃഷ്ണൻ, ഹ്യൂമൻ റിസോഴ്സ് ഹെഡ് ദീപേഷ്, അദാനി ഫൗണ്ടേഷൻ വിഴിഞ്ഞം ഹെഡ്ഡായ സെബാസ്റ്റ്യൻ ബ്രിട്ടോ എന്നിവർ മുഖ്യാതിഥികളായി. അദാനി ഫൗണ്ടേഷൻ വിഴിഞ്ഞം ടീം അംഗങ്ങൾ, അസാപ് കേരളയുടെ വിഴിഞ്ഞം ടീം അംഗങ്ങൾ എന്നിവരും പങ്കെടുത്തു. ആഘോഷ പരിപാടിയുടെ ഭാഗമായി ഈ അധ്യയന വർഷം ആരംഭിച്ച നൈപുണ്യ പരിശീലന പരിപാടികളായ നഴ്സിംഗ് അസിസ്റ്റന്‍റ്, ഡാറ്റാ എൻട്രി വിത്ത്‌ ഓഫീസ് ഓട്ടോമാഷൻ, ബ്യൂട്ടി തെറാപ്പിസ്റ്റ്, ഹെയർ സ്റ്റൈലിസ്റ്റ്, സെൽഫ് എംപ്ലോയീഡ് ടൈലർ, വെയർഹൗസ് എക്സിക്യൂട്ടീവ് എന്നിവയുടെ ഔദ്യോഗിക ഉദ്ഘടനവും നടന്നു. പങ്കെടുക്കുന്ന വിദ്യാർഥികൾക്കുള്ള സ്റ്റുഡന്‍റ് കിറ്റുകളുടെ വിതരണവും വീശിഷ്ട്ട വ്യക്തികൾ നിർവഹിച്ചു. യുവജന നൈപുണ്യ ദിനത്തിനത്തിന്‍റെ പ്രാധാന്യം ഉൾക്കൊണ്ട്‌ സ്കൂൾ-കോളജ് പാഠനകാലത്ത് കായിക മത്സരങ്ങളിൽ ജില്ല-സംസ്ഥാന-ദേശീയ തലങ്ങ ളിൽ വിജയം കരസ്തമാക്കിയ കുട്ടികളെ ചടങ്ങിൽ ആദരിച്ചു. അദാനി സ്കിൽ ഡെവലപ്പ്മെന്‍റ് വിഴിഞ്ഞം സെന്‍ററിലെ സ്റ്റാഫ്‌ അംഗങ്ങൾ പരിപാടികൾക്കു നേതൃത്വം നൽകി.

മത്സ്യത്തൊഴിലാളിക്കായുള്ള തെരച്ചിൽ തുടരുന്നു

വിഴിഞ്ഞം: കടലിൽ കാണാതായ മത്സ്യത്തൊഴിലാളിക്കായുള്ള തിരച്ചിൽ തുടരുന്നു. ശക്തമായ കടൽക്ഷോഭവും കടലൊഴുക്കും കാറ്റും തെരച്ചിലിനെ പ്രതികൂലമായി ബാധിക്കുന്നതായി അധികൃതർ വ്യക്തമാക്കി. കഴിഞ്ഞ ദിവസം തെരച്ചിലിനിറങ്ങിയ സ്കൂബ സംഘവും കടലിന്‍റെ അടിത്തട്ടിൽ എത്താൻ കഴിയാതെ മടങ്ങി. ഇക്കഴിഞ്ഞ വെള്ളിയാഴ്ച വിഴിഞ്ഞത്തുനിനന്നു ചൂണ്ടയിട്ട് മീൻ പിടിക്കാൻ ഒറ്റക്ക് വള്ളത്തിൽ പോയ പൂവാർ പള്ളം പുരയിടത്തിൽനിന്ന് വിഴിഞ്ഞം കോട്ടപ്പുറം തെന്നൂർക്കോണം കുഴിവിളയിൽ താമസമാക്കിയ ക്രിസ്തുദാസിന്‍റെ മകൻ ബൻസിഗറി (39) നായുള്ള തെരച്ചിലാണ് അനന്തമായി നീളുന്നത്. വിഴിഞ്ഞത്തിനും രണ്ടര കിലോമീറ്റർ ഉൾക്കടലിൽ 35 മീറ്റർ ആഴമുള്ള ഭാഗത്തു നിന്നാണ് ഇയാളെ കാണാതായത്. കടലിന്‍റെ തെക്കോട്ടുള്ള ശക്തമായ ഒഴുക്കിൽപ്പെട്ടു പോയിരിക്കാമെന്നും അധികൃതർ കരുതുന്നു. കുളച്ചൽ, കന്യാകുമാരി എന്നിവിടങ്ങളിലെ തീരദേശ പോലീസിന്‍റെയും മത്സ്യത്തൊഴിലാളികളുടെയും സഹായം തേടിയതായി വിഴിഞ്ഞം തീരദേശ പോലീസ് അറിയിച്ചു. തമിഴ്നാട്ടിൽ നിന്നുള്ള ഒരു സംഘം മുങ്ങൽ വിദഗ്ദർ കഴിഞ്ഞ ദിവസം എത്തുമെന്നറിയിച്ചെങ്കിലും കടൽക്ഷോഭം കാരണം അവരും പിൻവാങ്ങി. ഇന്നു ബൻസിഗറിന്‍റെ ബന്ധുക്കൾക്കൂടി തിരച്ചിലിനിറങ്ങുമെന്നും അധികൃതർ അറിയിച്ചു. കൂടാതെ നാവികസേനയുടെ സഹായവും അധികൃതർ തേടിയിട്ടുള്ളതായും അറിയുന്നു. ഇതോടൊപ്പം തീരദേശപോലീസും, മറൈൻ എൻഫോഴ്സ്മെന്‍റും തെരച്ചിൽ തുടരുന്നു. വെള്ളിയാഴ്ച രാത്രിയിൽ തീരത്തിനും രണ്ടര കിലോമീറ്റർ ഉള്ളിൽ ആളില്ലാത്ത വള്ളം നങ്കുരമിട്ടിരിക്കുന്നതു ശ്രദ്ധയിൽപ്പെട്ട മറ്റു മത്സ്യത്തൊഴിലാളികളാണു തീരദേശ പോലീസിനെ വിവരമറിയിച്ചത്. മറൈൻ എൻഫോഴ്സ്മെന്‍റ് അധികൃതർ രക്ഷാബോട്ടിൽ നടത്തിയ പരിശോധനയിൽ വള്ളത്തിൽനിന്നു ഫോണും ആധാർ കാർഡും ചെരിപ്പും കണ്ടെത്തി. തുടർന്നു നടത്തിയ പരിശോധനയിലാണു വള്ളം ബൻസിഗറിന്‍റെതാണെന്നു മനസിലായത്.

ചരിത്രത്തിന്‍റെ ഓർമപ്പെടുത്തലുമായി സാംസ്കാരിക യാത്ര

തിരുവനന്തപുരം: പുരോഗമന കലാസാഹിത്യ സംഘം തിരുവനന്തപുരം ജില്ലാ കമ്മിറ്റിയുടെ നേതൃത്വത്തിൽ സംഘടിപ്പിച്ച സാംസ്കാരിക യാത്രയെ നാട് വരവേറ്റു. വർക്കല ശിവഗിരി മുതൽ പാറശാല വരെ മൂന്ന് ദിവസങ്ങളിലായി സംഘടിപ്പിച്ച സാംസ്കാരിക യാത്ര ജില്ലയിലെ 19 നവോത്ഥാന-സാംസ്കാരിക കേന്ദ്രങ്ങളാണ് സന്ദർശിച്ചത്. ജില്ലാ സെക്രട്ടറി എസ്. രാഹുൽ ക്യാപ്റ്റനും സംസ്ഥാന സെക്രട്ടറി വി.എസ്. ബിന്ദു മാനേജറും ജില്ലാ പ്രസിഡന്‍റ് കെ.ജി. സൂരജ് വൈസ് ക്യാപ്റ്റനും ജില്ലാ ട്രഷറർ ഡോ. ഉണ്ണികൃഷ്ണൻ പാറയ്ക്കൽ കോ-ഓർഡിനേറ്ററുമായാണ് സാംസ്കാരിക യാത്ര നടന്നത്. യാത്രയുടെ ഭാഗമായി പുസ്തകോത്സവങ്ങൾ, ഫുഡ് ഫെസ്റ്റ്, മുതിർന്ന കലാകാരരെ ആദരിക്കൽ, കലാസാഹിത്യമത്സരങ്ങൾ, മെഗാ ക്വിസ് എന്നിവയും സംഘടിപ്പിച്ചിരുന്നു. സമാപനയോഗം മന്ത്രി വി ശിവൻകുട്ടി ഉദ്ഘാടനം ചെയ്തു.

പട്ടം താണുപിള്ളയുടെ ജന്മവാർഷികം ആഘോഷിച്ചു

തിരുവനന്തപുരം: സ്വാതന്ത്ര്യസമര നായകനും ഭരണഘടനാ നിർമാണ സഭാംഗവും കേരള മുഖ്യമന്ത്രിയും ആയിരുന്ന പട്ടം താണുപിള്ളയുടെ 140-ാം ജയന്തി ആഘോഷങ്ങൾ പാളയത്തെ പ്രതിമയ്ക്ക് മുന്നിൽ കെപിസിസി മുൻ അധ്യക്ഷൻ എം.എം. ഹസ്സൻ ഉദ്ഘാടനം ചെയ്തു. അനുസ്മരണ വേദി ചെയർമാൻ ഡോ. കെ. മോഹൻകുമാർ അധ്യക്ഷത വഹിച്ചു. നിയമസഭാ മുൻ സ്പീക്കർ എം. വിജയകുമാർ മുഖ്യപ്രഭാഷണം നടത്തി. പട്ടംതാണുപിള്ളയുടെ മൂന്നും നാലും തലമുറകളിൽപ്പെട്ട സേതുക്കുട്ടി രമാദേവി, ഗോപകുമാർ, ശിവകുമാർ, നിരഞ്ചൻ എന്നിവരും ചടങ്ങിൽ പങ്കെടുത്തു. ടി. ശരത്ചന്ദ്രപ്രസാദ്, മണക്കാട് സുരേഷ്, കരുംകുളം രാധാകൃഷ്ണൻ, മുട്ടട രാജേന്ദ്രൻ, എം.കെ. റഹ്മാൻ, സജു അമർദാസ്, കടകംപള്ളി ഹരിദാസ്, ജോൺസൺ ജോസഫ്, ചെറുവയ് ക്കൽ പത്മകുമാർ, വി. മുത്തു കൃഷ്ണൻ, ജെ.എസ്. അഖിൽ, രാജേന്ദ്രബാബു ഇടവക്കോ ട് അശോകൻ, തിരുവല്ലം പ്രസാദ് എന്നിവർ സംബന്ധിച്ചു.

മാലിന്യങ്ങൾ കോർപറേഷൻ പരിധിയിലേത് ; വനമേഖലകളിൽ മാലിന്യം തള്ളുന്ന സംഘം പിടിയിൽ

പാലോട്: കോർപ്പറേഷൻ മാലിന്യം ലോറികളിൽ വനമേഖലകളിൽ തള്ളുന്ന സംഘത്തെ പാലോട് വനപാലകർ പിടികൂടി. പനവൂർ എസ്എൻ പുരം ശോഭനം വീട്ടിൽ സജീവ് കുമാർ (45), നേപ്പാൾ സ്വദേശിയായ കാലി ബഹദൂർ പരിയാർ (24) എന്നിവരാണ് വനം വകുപ്പിന്‍റെ പിടിയിലായത്. രാത്രിയിൽ പാലോട് ചെമ്പൻകോട് ഭാഗത്ത് കണ്ടെയ്നർ ലോറിയിൽ 18 ബാരൽ പ്ലാസ്റ്റിക് അടക്കമുള്ള മാലിന്യങ്ങളുമായി എത്തി വനത്തിൽ നിക്ഷേപിക്കാൻ ശ്രമിക്കുന്നതിനിടയിലാണ് പിടിയിലായത്. മാലിന്യം കൊണ്ടുവന്ന കെഎൽ 10 എ ജി 200 എന്ന ലോറിയും കസ്റ്റഡിയിലെത്തിയിട്ടുണ്ട്. ദിവസങ്ങൾക്കുമുമ്പ് ചെമ്പൻകോട് പന്നി ഫാമിലേക്ക് മാലിന്യം കൊണ്ടുപോകാൻ ശ്രമിച്ച ഫാം ഉടമ മധു ജോൺസനെയും ഇയാളുടെ ഇന്നോവ കാറും വനം വകുപ്പ് പിടിച്ചെടുത്തിരുന്നു. ഈ കേസിൽ ജാമ്യത്തിൽ ഇറങ്ങിയ ഇയാൾ ഭാര്യയുടെ പേരിലുള്ള കണ്ടെയ്നർ ലോറിയിൽ ഇന്നലെ പ്രതികളെ ഉപയോഗിച്ച് മാലിന്യം കടത്താൻ ശ്രമിക്കുകയായിരുന്നു. മധു ജോൺസനെയും ഭാര്യയും ഈ കേസിൽ പ്രതി ചേർത്തിട്ടുണ്ട്. ഇതോടെ ഇയാളുടെ ജാമ്യം റദ്ദാവുന്നതാണ്. പാലോട്ടെ വനമേഖലകളിൽ പന്നി ഫാമിന്‍റെ പേരിൽ തിരുവനന്തപുരം കോർപ്പറേഷനിലെ പ്ലാസ്റ്റിക് അടക്കമുള്ള മാലിന്യങ്ങൾ വ്യാപകമായി നിക്ഷേപിക്കുന്നത് പതിവായിരിക്കുകയാണ്. തിരുവനന്തപുരം കോർപ്പറേഷനിലെ മാലിന്യങ്ങൾ തമിഴ്നാട്ടിലേക്കാണു കൊണ്ടു പോയിരുന്നത്. തമിഴ്നാട് കോടതി വിധിയുടെ അടിസ്ഥാനത്തിൽ ഇവ ഇപ്പോൾ തമിഴ്നാട്ടിലേക്ക് പ്രവേശിപ്പിക്കാറില്ല. ഈ സാഹചര്യത്തിലാണ് കോർപ്പറേഷനിലെ നൂറ് വാർഡുകളിൽ നിന്നുള്ള മാലിന്യം വിവിധ ആളുകൾക്കു കരാർ അടിസ്ഥാനത്തിൽ നൽകുന്നതെന്നു വനം വകുപ്പ് അധികൃതർ പറഞ്ഞു. കരാർ എടുക്കുന്നവർ മാലിന്യങ്ങൾ പാലോട്, കുളത്തൂപ്പുഴ, ആര്യങ്കാവ്, അച്ചൻകോവിൽ, അമ്പനാർ തുടങ്ങിയ വനമേഖലകളിൽ നിക്ഷേപിക്കുന്നു. ജനങ്ങളെയും പരിസ്ഥിതിയെയും വന്യജീവികളെയും ദോഷകരമായി ബാധിക്കുന്ന പ്രവൃത്തികൾ ചെയ്യുന്ന ഇത്തരക്കാർക്കെതിരെ കർശന നടപടി സ്വീകരിക്കുമെന്നു വനവകുപ്പ് അധികൃതർ അറിയിച്ചു. പാലോട് റെയിഞ്ച് ഓഫീസർ വിപിൻ ചന്ദ്രൻ, ഡെപ്യൂട്ടി റെയിഞ്ചർ സന്തോഷ്, ഫോറസ്റ്റ് സന്തോഷ്, ബിഎഫ്ഒ മാരായ ഡോൺ, ഷാനവാസ് എന്നിവരുടെ സംഘമാണ് പ്രതികളെയും വാഹനവും പിടികൂടിയത്.

പോക്‌സോ കോടതിയിലെ തീപിടിത്തം: അന്വേഷണം പുരോഗമിക്കുന്നു; ദൂരൂഹതയെന്നു പോലീസ്

കാട്ടാക്കട: അതിവേഗ പോക്‌സോ കോടതിയിൽ ഫയലും തൊണ്ടിമുതലും സൂക്ഷിക്കുന്ന മുറി തീപിടിച്ച സംഭവത്തിൽ തിരുവനന്തപുരം റൂറൽ എസിപി സ്ഥലം സന്ദർശിച്ചു. ശാസ്ത്രീയമായ പരിശോധനകൾക്ക് ശേഷം മാത്രമേ തീപിടിച്ചതിനുള്ള വ്യക്തമായ കാരണം ലഭിക്കൂവെന്ന് അദ്ദേഹം പറഞ്ഞു. ഫോറൻസിക് സംഘം വിരലടയാള വിദഗ്ധരും ഡോഗ് സ്‌കോഡും സ്ഥലത്ത് പരിശോധന നടത്തി തെളിവുകൾ ശേഖരിച്ചു. ഡിവൈഎസ്പി റാഫി, ഇൻസ്‌പെക്ടർ മൃദുൽകുമാർ, സബ് ഇൻസ്‌പെക്ടർ മനോജ് എന്നിവരുൾപെട്ട സംഘവും സ്ഥലത്തു പരിശോധന നടത്തി. കുറച്ചു ഫയലുകൾ നനഞ്ഞു നശിച്ചിട്ടുണ്ട്. കാട്ടാക്കട പോലീസ് കേസ് രജിസ്റ്റർ ചെയ്തു അന്വേഷണം കൂടുതൽ വ്യാപിച്ചിട്ടുണ്ട്. ഇതേ കെട്ടിടത്തിലെ വിവിധ സിസിടിവി ദൃശ്യങ്ങളും സമീപ കെട്ടിടങ്ങളിലെ സിസിടിവി ദൃശ്യങ്ങളും റോഡിലെ സിസിടിവി ദൃശ്യങ്ങളും പോലീസ് പരിശോധിച്ചു വരുന്നു. തിങ്കളാഴ്ച സംഭവം നടന്നതറിഞ്ഞു അതിവേഗ പോക്‌സോ കോടതി ജഡ്ജി എസ്. രമേശ് കുമാർ സ്ഥലം സന്ദർശിച്ചു. അവധിയിലായിരുന്ന പബ്ലിക്ക് പ്രോസിക്യൂട്ടർ ഡി.ആർ. പ്രമോദും ഇന്നലെ സ്ഥലത്തെത്തി. ഇന്നലെ കോടതിയിൽ സാധാരണഗതിയിൽ സിറ്റിംഗ് നടന്നു.

പ്രായപൂര്‍ത്തിയാകാത്തവരെ കാണാതായ സംഭവം: നാല്‍വര്‍ സംഘത്തെ നാട്ടിലെത്തിച്ചു; പോക്‌സോ കേസില്‍ 18-കാരന്‍ അറസ്റ്റില്‍

പേരൂര്‍ക്കട: തിരുവനന്തപുരം നഗരത്തില്‍ നിന്നു ദിവസങ്ങള്‍ക്കു മുമ്പു കാണാതായ നാല്‍വര്‍ സംഘത്തെ ബംഗലൂരുവിൽ കണ്ടെത്തിയ പോലീസ് ഇവരെ നാട്ടിലെത്തിച്ചു. 16 വയസുവീതം പ്രായമുള്ള രണ്ടു പെണ്‍കുട്ടികളെയും ഒരാണ്‍കുട്ടിയെയുമാണ് 18-കാരനൊപ്പം പോലീസ് കണ്ടെത്തിയത്. ബംഗലൂരു റെയില്‍വേ സ്റ്റേഷനിലാണ് ഇവര്‍ ഉണ്ടായിരുന്നത്. പുതിയ വസ്ത്രങ്ങള്‍ വാങ്ങിയശേഷം വീട്ടിലേക്കുതന്നെ മടങ്ങാനിരിക്കുകയായിരുന്നു തങ്ങളെന്നു പിടിയിലായവര്‍ വെളിപ്പെടുത്തി. വട്ടിയൂര്‍ക്കാവ് സ്വദേശിയായ 16-കാരനെ വീട്ടില്‍ വഴക്കു പറഞ്ഞതിലുള്ള വിരോധത്തിലാണ് സുഹൃത്തുക്കള്‍ ചേര്‍ന്നു നാടുവിട്ടത്. 18-കാരനാണ് ഇവരെ കൂട്ടിക്കൊണ്ടുപോയത്. മൊബൈല്‍ ടവര്‍ ലൊക്കേഷന്‍റെ സഹായത്തോടെയാണ് ഇവര്‍ ബാംഗ്ലൂരിലെത്തിയതായി വിവരം ലഭിച്ചത്. പേരൂര്‍ക്കട, വട്ടിയൂര്‍ക്കാവ് പോലീസ് സംയുക്തമായാണ് ഇവരെ കണ്ടെത്താന്‍ തെരച്ചില്‍ നടത്തിയത്. പ്രായപൂര്‍ത്തിയാകാത്ത കുട്ടികളെ ജുവനൈല്‍ കോടതിയില്‍ ഹാജരാക്കിയശേഷം മാതാപിതാക്കള്‍ക്കൊപ്പം വിട്ടു. ഇവരെ ഒപ്പം കൂട്ടിയ പൂജപ്പുര തിരുമല സ്വദേശിക്കെതിരെയാണ് പേരൂര്‍ക്കട പോലീസ് പോക്‌സോ കേസ് ചുമത്തിയത്. അറസ്റ്റിലായ പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.

കാപ്പാനിയമ ലംഘനം; പ്രതി പിടിയില്‍

പേരൂര്‍ക്കട: കാപ്പാനിയമ ലംഘനവുമായി ബന്ധപ്പെട്ട് ഒരാളെ കോന്‍റോൺമെന്‍റ് പോലീസ് പിടികൂടി. തമ്പാനൂര്‍ രാജാജി നഗര്‍ ഫ്‌ളാറ്റ് നമ്പര്‍ 460-ല്‍ ബ്രൂസിലി വിനോദ് എന്നുവിളിക്കുന്ന വിനോദ് (40) ആണ് അറസ്റ്റിലായത്. നിരവധി കുറ്റകൃത്യങ്ങളില്‍ ഏര്‍പ്പെട്ടുവന്നതോടെയാണ് ഇയാള്‍ക്കെതിരേ ജില്ലാ കളക്ടറുടെ നിര്‍ദേശപ്രകാരം ഗുണ്ടനിയമം പ്രയോഗിക്കുന്നത്. ജയില്‍ശിക്ഷ കഴിഞ്ഞു പുറത്തിറങ്ങിയ വിനോദ് കാപ്പനിയമം ലംഘിക്കുകയായിരുന്നു. ആറുമാസത്തേക്കു ക്രിമിനല്‍ക്കേസുകളില്‍ ഏര്‍പ്പെടാന്‍ പാടില്ലെന്നും കന്‍റോൺമെന്‍റ് സ്റ്റേഷനില്‍ ഹാജരാകണമെന്നുള്ള കോടതിയുടെ ഉത്തരവ് പാലിക്കാതെ വന്നതോടെയാണ് ഇയാളെ വീണ്ടും പോലീസ് പിടികൂടിയത്.

പൂവനി ജമന്തിക്കൃഷി ആരംഭിച്ചു

പാറശാല: പരശുവയ്ക്കല്‍ എല്‍എംഎസ്‌ യുപി സ്‌കൂളില്‍ പൂവനി പദ്ധതിയുടെ ഭാഗമായി ജമന്തി കൃഷി ആരംഭിച്ചു. പാറശാല ബ്ലോക്ക് പഞ്ചായത്ത് പ്രസിഡന്‍റ് അഡ്വ. എസ്.കെ. ബെന്‍ഡാര്‍വിന്‍ ഉദ്ഘാടനം നിര്‍വ്വഹിച്ചു. പിടിഎ. പ്രസിഡന്‍റ് ഡേവിഡ് ജോണ്‍ അധ്യക്ഷത വഹിച്ചു. സ്‌കൂള്‍ പ്രധാനാധ്യാപകന്‍ ജസ്റ്റിന്‍ രാജ്, സ്റ്റാഫ് സെക്രട്ടറി ഷീബ, കണ്‍വീനര്‍ മീരാ തങ്കച്ചി എന്നിവര്‍ സംസാരിച്ചു.

ഇൻസ്റ്റിറ്റ്യൂഷണൽ ട്വിന്നിംഗ് പരിപാടിക്കു തുടക്കമായി

തിരുവല്ലം: തൈക്കാട് ഗവ. കോളജ് ഓഫ് ടീച്ചർ എഡ്യൂക്കേഷനിലെ എംഎഡ് വിദ്യാർഥികൾക്കായി ഇഷ്ടം എന്ന പേരിൽ അഞ്ചുദിവസത്തെ ഇൻസ്റ്റിറ്റ്യൂഷണൽ ട്വിന്നിംഗ് പ്രോഗ്രാമിന് വെള്ളായണി കാർഷിക കോളജിൽ തുടക്കമായി. കാർഷിക കോളജിലെ ഇന്‍റേണൽ ക്വാളിറ്റി അഷ്വറൻസ് സെല്ലിന്‍റെ നേതൃത്വത്തിലാണ് അഞ്ചു ദിവസം നീണ്ടുനിൽക്കുന്ന പരിപാടി നടത്തുന്നത്. തൈക്കാട് ഗവ. കോളജ് ഓഫ് ടീച്ചർ എഡ്യൂക്കേഷനിലെ അസിസ്റ്റന്‍റ് പ്രഫ. ഡോ. വി.ആർ. രാഹുൽ അധ്യക്ഷത വഹിച്ച ചടങ്ങ് ഡീൻ ഡോ. റോയ് സ്റ്റീഫൻ പരിപാടി ഉദ്ഘാടനം ചെയ്തു. അധ്യാപകരായ ഡോ. സ്വപ്ന അലക്സ്, ഡോ. അലൻ തോമസ്, ഡോ. എം.എച്ച്. ഫൈസൽ, ഡോ. ബി. റാണി, ഡോ. എസ്. സജീന, വിദ്യാർഥി പ്രതിനിധി അതുൽ എന്നിവർ പ്രസംഗിച്ചു.

പഴകിയ ഭക്ഷണസാധനങ്ങളും നിരോധിത പ്ലാസ്റ്റിക് ഉത്പന്നങ്ങളും പിടിച്ചെടുത്തു

വെള്ളറട: തദ്ദേശ സ്വയംഭരണ വകുപ്പിന്‍റെയും ആരോഗ്യവകുപ്പിന്‍റെയും സംയുക്താഭിമുഖ്യത്തില്‍ വെള്ളട പഞ്ചായത്ത് പരിധിയിലെ ഭക്ഷണസാധനങ്ങള്‍ വില്പന നടത്തുന്ന കടകളില്‍ പരിശോധന നടത്തി. പരിശോധനയില്‍ പഴകിയതും കാലഹരണപ്പെട്ടതുമായ ഭക്ഷണസാധനങ്ങളും ഉപയോഗശൂന്യമായ എണ്ണയും നിരോധിത പ്ലാസ്റ്റിക് ഉത്പന്നങ്ങളും പിടിച്ചെടുത്തു നശിപ്പിച്ചു. നിരോധിത പ്ലാസ്റ്റിക് ഉല്‍പ്പന്നങ്ങള്‍ അനധികൃതമായി സൂക്ഷിച്ചു വില്‍പ്പന നടത്തി വന്നിരുന്ന പനച്ചമൂട്ടിലെ ടി.എം. ട്രേഡേഴ്‌സില്‍നിന്നു 250 കിലോയോളം നിരോധിത പ്ലാസ്റ്റിക് ഉല്‍പ്പന്നങ്ങള്‍ പിടിച്ചെടുത്തു. ഇവിടെനിന്നു 35,000 രൂപയിലധികം പിഴ ചുമത്തി. പഞ്ചായത്ത് സെക്രട്ടറി സുജിത്ത് കുമാര്‍, സൂപ്രണ്ട് പി. രഘു, വെള്ളറട ഹെല്‍ത്ത് സൂപ്പര്‍വൈസര്‍ വി. ഷാജി, ഹെല്‍ത്ത് ഇന്‍സ്‌പെക്ടര്‍ ശ്രീലേഖ എന്നിവര്‍ നേതൃത്വം വഹിച്ചു. തുടര്‍ന്നുള്ള ദിവസങ്ങളില്‍ പരിശോധന തുടരുമെന്നും ലൈസന്‍സ് ഇല്ലാതെയും മാനദണ്ഡങ്ങള്‍ പാലിക്കാതെയും വൃത്തിഹീനമായ അന്തരീക്ഷത്തിലും സംരംഭങ്ങള്‍ നടത്തുന്നവര്‍ക്കെതിരെയും മാലിന്യം വലിച്ചെറിയുകയോ കത്തിക്കുകയോ ചെയ്യുന്നവര്‍ക്കെതിരെയും ജലാശയങ്ങളിലേക്കും, ഓടകളിലേക്കും മലിനജലം ഒഴുക്കിവിടുകയും ചെയ്യുന്നവര്‍ക്കെതിരെ കര്‍ശന നടപടി സ്വീകരിക്കുമെന്നും സെക്രട്ടറി അറിയിച്ചു.

ഇ-മാലിന്യ ശേഖരണ ഡ്രൈവിന്‍റെ സംസ്ഥാനതല ഉദ്ഘാടനം

നെയ്യാറ്റിന്‍കര : മാലിന്യശേഖരണവുമായി ബന്ധപ്പെട്ട് യൂസർ ഫീ നൽകാത്ത വ്യക്തികൾക്കെതിരെ പുതിയ നിയമ ഭേദഗതി അനുസരിച്ചുള്ള നടപടികൾ തദ്ദേശ സ്വയംഭരണ സ്ഥാപനങ്ങൾ സ്വീകരിക്കണമെന്നും ഫീസ് നൽകാത്തവർക്ക് തദ്ദേശസ്വയംഭരണ സ്ഥാപനങ്ങളിൽ നിന്നുള്ള ആനുകൂല്യങ്ങൾ ലഭ്യമാക്കില്ലെന്നും മന്ത്രി എം.ബി രാജേഷ്. ഇ-മാലിന്യ ശേഖരണ ഡ്രൈവിന്‍റെ സംസ്ഥാനതല ഉദ്ഘാടനം നെയ്യാറ്റിന്‍കര നഗരസഭയുടെ അമരവിള ആര്‍ആര്‍എഫിൽ നിർവഹിക്കുകയായിരുന്നു മന്ത്രി. കെ. ആൻസലൻ എംഎൽഎ അധ്യക്ഷനായി. എൽഎസ്ജിഡി സ്പെഷൽ സെക്രട്ടറി ടി.വി. അനുപമ കാമ്പയിൻ വിശദീകരണവും സികെസിഎൽ മാനേജിംഗ് ഡയറക്ടർ ജി.കെ. സുരേഷ് കുമാർ വിഷയാവതരണവും നടത്തി. നഗരസഭ ചെയർമാൻ പി.കെ. രാജമോഹനൻ, സ്റ്റാൻഡിംഗ് കമ്മിറ്റി ചെയർമാൻമാരായ കെ.കെ. ഷിബു, എൻ.കെ. അനിതകുമാരി, ജെ. ജോസ് ഫ്രാങ്ക്ളിൻ, ആർ. അജിത, ഡോ. എം.എ. സാദത്ത്, കൗൺസിലർമാരായ എം. ഷിബുരാജ് കൃഷ്ണ, കെ. സുരേഷ്, സിപിഎം ഏരിയ സെക്രട്ടറി ടി. ശ്രീകുമാർ, സിപിഐ മണ്ഡലം സെക്രട്ടറി ജി.എൻ. ശ്രീകുമാരൻ എന്നിവര്‍ സംബന്ധിച്ചു.

ഇടിഞ്ഞാർ ട്രൈബൽ എച്ച്എസ് മന്ദിരം ഉദ്ഘാടനം ചെയ്തു

പാലോട്: ഇടിഞ്ഞാർ ട്രൈബൽ എച്ച്എസിൽ ബഡ്ജറ്റ് പ്ലാൻ ഫണ്ട് ഉപയോഗിച്ച് നിർമിച്ച മന്ദിരത്തിന്‍റെ ഉദ്ഘാടനം മന്ത്രി വി. ശിവൻകുട്ടി നിർവഹിച്ചു. ഡി.കെ. മുരളി എംഎൽഎ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്‍റ് ജി. കോമളം, ജില്ലാ പഞ്ചായത്തംഗം സോഫി തോമസ്, പഞ്ചായത്ത് വൈസ് പ്രസിഡന്‍റ് ഷൈന ദിൽഷാദ്, വികസന സമിതി അധ്യക്ഷൻ കലയപുരം അൻസാരി, വിദ്യാഭ്യാസ സമിതി അധ്യക്ഷൻ എം.എസ്. സിയാദ്, ബ്ലോക്ക് പഞ്ചായത്ത് അംഗം ബീന അജ്മൽ, വാർഡ് അംഗം ഭാസുരാംഗി, ഹെഡ്മിസ്ട്രസ് ജെസ്‌ലറ്റ് സേവ്യർ, വിവിധ രാഷ്ട്രീയ, വിദ്യാഭ്യാസ മേഖല പ്രതിനിധികൾ പങ്കെടുത്തു.

കാമരാമരാജ് ജയന്തി ആഘോഷം

പാറശാല: മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ 122-ാമത് കാമരാമരാജ് ജയന്തി ആഘോഷം നടത്തി. പ്രസിഡന്‍റ് ജെ.കെ. ജസ്റ്റിന്‍ രാജ അധ്യതവഹിച്ചു. മുന്‍ എംഎല്‍എ എ.ടി. ജോര്‍ജ് ഉദ്ഘാടനം ചെയ്തു. ഡിസിസി ജനറല്‍ സെക്രട്ടറിമാരായ വില്‍ഫ്രെഡ് രാജ്, പാറശാല സുധാകരന്‍, ബ്ലോക്ക് കോണ്‍ഗ്രസ് കമ്മിറ്റി പ്രസിഡന്‍റ് അഡ്വ. ജോണ്‍, സുരേന്ദ്രന്‍, ലിജിത്ത് വിന്‍സര്‍, സ്റ്റീഫന്‍, ജോയ്, രാജേന്ദ്രപ്രസാദ്, സുനില്‍, അനില്‍, വിജയകുമാര്‍, സുരേഷ്, സെയ്ദലി, ലെസ്‌റിന്‍രാജ്, മല്ലിക, മുരുകന്‍ തുടങ്ങിയവര്‍ പ്രസംഗിച്ചു. കോണ്‍ഗ്രസ് പാറശാല മണ്ഡലം കമ്മിറ്റിയുടെ ആഭിമുഖ്യത്തില്‍ പാറശാല ജംഗ്ഷനില്‍കാമരാജ് നാടാരുടെ പ്രതിമയില്‍ പുഷ്പാര്‍ച്ചനയും അനുസ്മരണവും നടത്തി.

സാംബവ സഭ താലൂക്ക് യൂണിയൻ പ്രവർത്തന സമ്മേളനം

നെടുമങ്ങാട്: കേരള സാംബവ സഭയുടെ നെടുമങ്ങാട് താലൂക്ക് യൂണിയൻ പ്രവർത്തക സമ്മേളനം സംസ്ഥാന വൈസ് പ്രസിഡന്‍റ് പൂവാർ റെജി ഉദ്ഘാടനം ചെയ്തു. പള്ളം രാജേന്ദ്രൻ, കൊപ്പം ഷാജി, വടക്കേക്കോണം ബാബു, വെമ്പായം ജോർജ്കുട്ടി, ഷിബു ഏലിയാസ്, ബാർട്ടൺഹിൽ രാജൻ, വാഴവിള വിജി, എൽ. രാജു, വേട്ടൻപള്ളി ലോറൻസ്, ഭരതന്നൂർ ബാബുജി, പിന്നവേലികോണം വിജയൻ തുടങ്ങിയവർ പ്രസംഗിച്ചു. യൂണിയൻ പ്രസിഡന്‍റ് വെമ്പായം വർഗീസ് അധ്യക്ഷത വഹിച്ചു. സെക്രട്ടറി ഇടിഞ്ഞാർ ജോയി സ്വാഗതം പറഞ്ഞു. ഈറ്റ തൊഴിലാളികളുടെ വിഷയം ഉയർത്തി 30നു സെക്രട്ടേറിയേറ്റിനു മുന്നിൽ സംഘടിപ്പിക്കുന്ന ഈറ്റ തൊഴിൽ നിലനിൽപ്പ് സമരം പ്രതിപക്ഷ നേതാവ് വി.ഡി. സതീശൻ ഉദ്ഘാടനം ചെയ്യുമെന്നും യോഗം അറിയിച്ചു.

കരകുളത്ത് ഡ്രോണ്‍ സ്‌പ്രേയിംഗ്

നെടുമങ്ങാട്: കരകുളം പഞ്ചായത്തിലെ മുക്കോല, കിഴക്കേല വാര്‍ഡുകളില്‍ കൃഷി വിജ്ഞാന കേന്ദ്രത്തിന്‍റെ ആഭിമുഖ്യത്തില്‍ കാര്‍ഷിക വിളകള്‍ക്ക് ഡ്രോണ്‍ വഴി പ്രതിരോധമരുന്നുകളും മൂലകങ്ങളും തളിച്ചു. അഗ്രികള്‍ച്ചറല്‍ എന്‍ജിനീയറിംഗ് വിഭാഗം നടത്തുന്ന നവീന പദ്ധതിയാണിത്. രണ്ടുമാസം പ്രായമുള്ള നേന്ത്രവാഴയിലാണ് മൂലകങ്ങളും വളങ്ങളും തളിച്ചത്. "നെക്സ്റ്റ് ലീപ്' എന്ന കമ്പനിയുടെ ആധുനിക ഡ്രോണ്‍ ഉപയോഗിച്ചാണ് പദ്ധതി നടപ്പിലാക്കിയത്. വെള്ളനാട് മിത്രനികേതനാണ് നേതൃത്വം നല്‍കുന്നത്. കെ.വി.കെ അഗ്രികള്‍ച്ചറല്‍ എന്‍ജിനീയറിംഗ് വിദഗ്ധ ജി.ചിത്ര, കര്‍ഷകര്‍, കൃഷി ഉദ്യോഗസ്ഥര്‍ എന്നിവര്‍ പങ്കെടുത്തു. കരകുളം പഞ്ചായത്ത് പ്രസിഡന്റ് യു.ലേഖാറാണി ഉത്ഘാടനം ചെയ്തു. കൃഷി ഓഫീസര്‍ അശ്വതി എന്നിവര്‍ സംസാരിച്ചു.

ജവഹര്‍നഗറിലെ വസ്തു തട്ടിപ്പ്; അനില്‍ തമ്പിക്ക് പ്രമാണം ഹാജരാക്കാന്‍ സാവകാശം

പേരൂര്‍ക്കട: ജവഹര്‍നഗറിലെ വീടും വസ്തുവും തട്ടിപ്പുമായി ബന്ധപ്പെട്ട് ഒളിവില്‍ക്കഴിയുന്ന ചന്ദ്രസേനന്‍റെ മരുമകന്‍ അനില്‍ തമ്പിക്ക് വസ്തുവിന്‍റെ അസല്‍ പ്രമാണം ഹാജരാക്കാന്‍ പോലീസ് സാവകാശം നല്‍കി. രണ്ടുദിവസംകൂടിയാണു സമയം അനുവദിച്ചിരിക്കുന്നത്. പ്രമാണം ഹാജരാക്കാത്തപക്ഷം ഇദ്ദേഹത്തിന്‍റെ ജവഹര്‍നഗറിലെ വീട്ടില്‍ റെയ്ഡ് നടത്താനാണ് പോലീസ് നീക്കം. ചന്ദ്രസേനന്‍റെ പൈപ്പിന്‍മൂട്ടിലുള്ള ഫ്ളാറ്റില്‍ പോലീസ് ദിവസങ്ങള്‍ക്കു മുമ്പുനടത്തിയ അന്വേഷണത്തിലാണ് അനില്‍ തമ്പിയുടെ കൈവശമാണ് അമേരിക്കയില്‍ താമസിക്കുന്ന ഡോറയുടെ വീടിന്‍റെയും വസ്തുവിന്‍റെയും പ്രമാണമുള്ളതെന്ന് ചന്ദ്രസേനന്‍റെ ഭാര്യ മൊഴിനല്‍കിയത്. ഇതിനെത്തുടര്‍ന്നാണ് പ്രമാണം ഹാജരാക്കാന്‍ പോലീസ് നിര്‍ദേശിച്ചത്. ഡോറയുടെ വീടും വസ്തുവും തട്ടിയെടുത്ത മെറിന്‍ ജേക്കബ് ചന്ദ്രസേനനു വിലയാധാരമായി നല്‍കുകയായിരുന്നു. തന്‍റെ മരുമകന്‍റെ നിര്‍ദേശപ്രകാരമാണു ചന്ദ്രസേനന്‍ പ്രമാണത്തില്‍ ഒപ്പുവച്ചതെന്നും മരുമകനാണ് എല്ലാ വിവരങ്ങളും അറിയാവുന്നതെന്നും ഫ്ളാറ്റില്‍ നടത്തിയ ചോദ്യം ചെയ്യലില്‍ ചന്ദ്രസേനന്‍റെ ഭാര്യ പറയുകയുണ്ടായി. അതേസമയം ചന്ദ്രസേനനും ആധാരമെഴുത്തുകാരന്‍ അനന്തപുരി മണികണ്ഠനുമായി പോലീസ് ലുക്ക്ഔട്ട് നോട്ടീസ് പുറപ്പെടുവിച്ചിരിക്കുകയാണ്. ഇവര്‍ കോടതിയില്‍ ജാമ്യത്തിനു ശ്രമിക്കുന്നുണ്ടെന്നാണ് സൂചന. ബിസിനസ് മാഗ്‌നറ്റ് ആയി അറിയപ്പെടുന്നയാളാണ് അനില്‍ തമ്പി.

അഞ്ച് കിലോ കഞ്ചാവുമായി പിടിയിൽ

നേമം: അയൽ സംസ്ഥാനത്തിൽ നിന്നും ട്രെയിനിൽ കടത്തികൊണ്ടുവന്ന അഞ്ചുകിലോ കഞ്ചാവുമായി രണ്ടുപേരെ ഡാന്‍സാഫ് സംഘം പിടികൂടി. ബീമാപള്ളി സ്വദേശികളായ സുല്‍ഫിക്കര്‍ (64), നൗഷാദ് (38) എന്നിവരെയാണ് അറസ്റ്റുചെയ്തത്. ഇരുവരും ട്രെ യിൻ ഇറങ്ങിയശേഷം ബസില്‍ കയറി പള്ളിച്ചലില്‍ വന്നിറങ്ങി ഇടപാടുകാരെ കാത്തുനില്‍ക്കുമ്പോഴാണ് അറസ്റ്റ്. രഹസ്യവിവരത്തെ തുടര്‍ന്ന് പോലീസ് സംഘം ഇവരെ പിന്‍തുടര്‍ന്നാണ് പിടികൂടിയത്. പിടികൂടിയ കഞ്ചാവിന് വിപണിയില്‍ ഒരു ലക്ഷം രൂപയോളം വില വരുമെന്ന് പോലീസ് പറഞ്ഞു.

ലൈബ്രറി കൗൺസിൽ വായന പക്ഷാചരണം

നേമം: താലൂക്ക് ലൈബ്രറി കൗൺസിൽ സംഘടിപ്പിച്ച വായന പക്ഷാചരണത്തിന്‍റെ സമാപന സമ്മേളനം മന്ത്രി വി. ശിവൻകുട്ടി ഉദ്ഘാടനം ചെയ്തു. താലൂക്ക് ലൈബ്രറി കൗൺസിൽ പ്രസിഡന്‍റ് കെ. ജി. സനൽകുമാർ അധ്യക്ഷതവഹിച്ചു. എൻ.എസ്. വിനോദ് ഐ.വി. ദാസ് അനുസ്മരണം നടത്തി. ഹരിത ഗ്രന്ഥശാലകൾക്കുള്ള സർട്ടിഫിക്കറ്റ് വിതരണവും സമ്മാനദാനവും സി. അനിൽകുമാർ നിർവഹിച്ചു. മുതിർന്ന ഗ്രന്ഥശാല പ്രവർത്തകരെ ബി.പി. മുരളി ആദരിച്ചു. വി.എസ്. ബിന്ദു, ജി. രാധാകൃഷ്ണൻ, സി.ആർ. ശശിധരൻ, ബി. ചന്ദ്രബാബു, പി. ഗോപകുമാർ, എം.ബൈജു, എസ്.വിശ്വംഭരൻനായർ, എൻ. എസ്. അജയകുമാർ, ജി. ശ്രീകണ്ഠൻ, എസ്. ഉമാചന്ദ്രബാബു എന്നിവർ പങ്കെടുത്തു.

കായിക പരിശീലകർക്ക് പരിശീലനം; രണ്ടാം ഘട്ടത്തിന് തുടക്കമായി

തിരുവനന്തപുരം: കായിക യുവജന കാര്യാലയത്തിന്‍റെ നേതൃത്വത്തിൽ സ്പോർട്സ് കൗണ്‍സിലുമായി ചേർന്ന് സംഘടിപ്പിക്കുന്ന "കോച്ചസ് എംപവർമെന്‍റ് പ്രോഗ്രാം 2025’ ന്‍റെ രണ്ടാംഘട്ട പരിശീലനം തുടക്കമായി. സായി എൽഎൻസിപി റീജണൽ ഹെഡും പ്രിൻസിപ്പാളുമായ ഡോ. ജി. കിഷോർ രണ്ടാം ബാച്ചിന്‍റെ പരിശീലന പരിപാടിയുടെ ഒൗദ്യോഗിക ഉദ്ഘാടനം നിർവഹിച്ചു. ധ്യാൻചന്ദ് അവാർഡ് ജേതാവും ലോക ബോക്സിംഗ് ചാന്പ്യനുമായ കെ.സി. ലേഖ ചടങ്ങിൽ മുഖ്യപ്രഭാഷണം നടത്തി. ദ്രോണാചാര്യ അവാർഡ് ജേതാവും ഇന്ത്യൻ അത് ലറ്റിക്സ് ചീഫ് കോച്ചുമായ രാധാകൃഷ്ണൻ നായർ, ഡോ. ആർ. നടരാജൻ ഐആർഎസ്, ഭാസ്കർ ചന്ദ്ര ഭട്ട്, ശ്രീധരൻ പ്രദീപ് കുമാർ, യശ്പാൽ സോളങ്കി, ഡോ. സദാനന്ദൻ, വി. അക്ഷയ് എന്നിവർ പങ്കെടുത്തു. ഡോ. സി.എസ്. പ്രദീപ്, ഡോ. പി.ടി. ജോസഫ് എന്നിവർ പ്രസംഗിച്ചു.

മരം മുറിക്കുന്നതിനിടെ വീണ് പരിക്കേറ്റ യുവാവ് മരിച്ചു

പൂവച്ചൽ: മരം മുറിക്കുന്നതിനിടെ മരത്തിൽ നിന്നു വീണ് ഗുരുതരമായി പരിക്കേറ്റ യുവാവ് മരിച്ചു. പൂവച്ചൽ പൊന്നെടുത്തുകുഴി പറക്കാണി പാറാംകുഴി സ്വദേശി സുനിൽകുമാർ (38) ആണ് പുലർച്ചെ മെഡിക്കൽ കോളജിൽ മരിച്ചത്. കുറച്ചു നാളായി പൂവച്ചൽ മുണ്ടുകോണം പാലേലിയിൽ താമസിച്ചുവരികയായിരുന്നു സുനിൽ. കട്ടക്കോട് ബഥനിപുരത്തിനടുത്ത് അല്പശി മരം മുറിക്കാനായി ജോലിക്കാരുമായി എത്തിയതായിരുന്നു സുനിൽകുമാർ. മരത്തിന്‍റെ കൊമ്പ് മുറിക്കുന്നതിനിടയിൽ കാൽവഴുതി നിലത്തുവീഴുകയായിരുന്നുവെന്ന് ദൃക്സാക്ഷികൾ പറഞ്ഞു. ഗുരുതരമായ പരിക്കേറ്റ സുനിൽകുമാറിനെ സഹപ്രവർത്തകർ ഉടൻതന്നെ മെഡിക്കൽ കോളജിൽ പ്രവേശിപ്പിച്ചു. തലയ്ക്കും ശരീരത്തിലും ഗുരുതരമായ പരിക്കേറ്റ സുനിൽകുമാർ മൂന്നുദിവസം മെഡിക്കൽ കോളജിലെ തീവ്രപരിചരണ വിഭാഗത്തിൽ ചികിത്സയിലിരിക്കെ ഇന്നലെ പുലർച്ചെ മരിച്ചു. കുടുംബത്തിന്‍റെ അത്താണിയായിരുന്നു സുനിൽ കുമാർ. സംസ്കാര ചടങ്ങുകൾ പൂവച്ചൽ പാലേലിയിൽ നടക്കും.

മകന്‍റെ അടിയേറ്റ പിതാവ് ചികിത്സയിലിരിക്കെ‍ മരിച്ചു

നെയ്യാറ്റിന്‍കര : മകന്‍റെ അടിയേറ്റ് ചികിത്സയിലായിരുന്ന പിതാവ് മരണമടഞ്ഞു. വെണ്‍പകല്‍ പട്യക്കാല സംഗീതില്‍ സുനില്‍കുമാര്‍ (60) ആണ് മരിച്ചത്. സംഭവവുമായി ബന്ധപ്പെട്ട് മകന്‍ സിജോയ് സാമുവല്‍ (19) പോലീസ് കസ്റ്റഡിയില്‍. സുനില്‍കുമാറും ഭാര്യ ലളിതകുമാരിയും കാഞ്ഞിരംകുളം കാലായിത്തോട്ടത്തിലാണ് താമസിക്കുന്നത്. വെണ്‍പകലിലെ വീട്ടില്‍ മകന്‍ സിജോയ് ഒറ്റയ്ക്കാണ് താമസം. മാനസിക വെല്ലുവിളി നേരിടുന്നുവെന്ന് പറയപ്പെടുന്ന സിജോയിക്ക് ദിവസവും ആഹാരം കൊണ്ടുനല്‍കുന്നത് പിതാവാണ്. ഇക്കഴിഞ്ഞ 11ന് പതിവുപോലെ പിതാവ് രാവിലെ ആഹാരവുമായി എത്തിയപ്പോഴായിരുന്നു സിജോയിയുടെ മര്‍ദ്ദനം. കന്പ് കൊണ്ട് ശിരസിന് ഗുരുതരമായി പരിക്കേറ്റ് നെയ്യാറ്റിന്‍കരയിലെ സ്വകാര്യ ആശുപത്രിയില്‍ ചികിത്സയില്‍ കഴിയുന്പോഴും മകനാണ് ഇതിന് കാരണക്കാരന്‍ എന്ന് സുനില്‍കുമാര്‍ ഭാര്യയോട് പറഞ്ഞില്ല. കാല്‍വഴുതിവീണതിനെ തുടര്‍ന്ന് ശിരസിന് പരിക്കേറ്റു എന്നാണ് പറഞ്ഞിരുന്നത്. ശസ്ത്രക്രിയയ്ക്കു തൊട്ടുമുന്പ് സുനില്‍കുമാര്‍ മകന്‍റെ ആക്രമണത്തെക്കുറിച്ച് ഭാര്യയോട് വെളിപ്പെടുത്തി. പിന്നീട് ചികിത്സയ്ക്കിടയില്‍ ഇന്നലെ സുനില്‍കുമാര്‍ മരണമടഞ്ഞു. തുടര്‍ന്ന് നെയ്യാറ്റിന്‍കര പോലീസ് സിജോയിയെ കസ്റ്റഡിയിലെടുത്ത് ചോദ്യം ചെയ്തു. പോസ്റ്റുമോര്‍ട്ടത്തിനു ശേഷം മൃതദേഹം ബന്ധുക്കള്‍ക്ക് വിട്ടു നല്‍കിയതായി കേസെടുത്ത നെയ്യാറ്റിന്‍കര പോലീസ് അറിയിച്ചു.

കോർപറേഷനിൽ ഭരണ-പ്രതിപക്ഷ ബഹളം; കൗണ്‍സിൽ ഹാളിനുള്ളിൽ കടന്നു പോലീസ്

തിരുവനന്തപുരം : തദേശ തെരഞ്ഞെടുപ്പിനു നാലുമാസം മാത്രം ശേഷിക്കേ തിരുവനന്തപുരം കോർപറേഷനിൽ ഭരണ-പ്രതിപക്ഷങ്ങൾ തമ്മിൽ രാഷ്ട്രീയം പറഞ്ഞു കയ്യാങ്കളി. ഇന്നലെ ചേർന്ന കൗണ്‍സിൽ യോഗത്തിൽ ശുചീകരണ തൊഴിലാളികളുടെ റാങ്ക് ലിസ്റ്റിനെച്ചൊല്ലിയുണ്ടായ തർക്കം സിപിഎം-ബിജെപി കൗ ണ്‍സിലർമാർ തമ്മിൽ വാക്കേറ്റത്തിനും ഉന്തുംതള്ളിനും കാരണമായി. 56 ഒഴിവുകളിലേക്കുള്ള പട്ടികയിൽ സിപിഎം-സിപിഐ അനുഭാവികളെ അനധികൃതമായി ഉൾപ്പെടുത്തിയെന്നാരോപിച്ചു ബിജെപി വനിതാ കൗണ്‍സിലർമാർ കൗണ്‍സിൽ യോഗം തുടങ്ങുന്നതിനു മുന്പു തന്നെ മേയർ ആര്യ രാജേന്ദ്രനെതിരെ പോസ്റ്റുകളുമായി മേയറുടെ ഡയസിൽ കയറി പ്രതിഷേധിച്ചു. മേയർ എത്തുന്പോൾ സംരക്ഷണമൊരുക്കാൻ ഭരണപക്ഷത്തെ വനിതാ കൗണ്‍സിലർമാരും സംഘടിച്ചു.

രണ്ടരയ്ക്കാണു കൗണ്‍സിൽ യോഗം ആരംഭിക്കേണ്ടിയി രുന്നത്. എന്നാൽ 45 മിനിറ്റു വൈകിയാണു മേയർ എത്തി യത്. ഇതോടെ ബിജെപി അംഗങ്ങൾ അഴിമതിക്കാരിയായ മേയർ രാജിവയ്ക്കണമെന്നാവശ്യപ്പെട്ടു ബാനറുയർത്തി മുദ്രാവാക്യം വിളിച്ചു. ബിജെപിയുടെ വനിതാ കൗണ്‍സിലർമാർ മേയറുടെ ഡയസിലേയ് ക്കു കയറി ബഹളം വച്ചു. ഇതോടെ കൗണ്‍സിൽ യോഗം ചേരാൻ കഴിയാത്ത സാഹചര്യമുണ്ടായി. പിന്നീടു വനിതാ പോലീസ് അടക്കം കോർപറേഷനിലെത്തി. ബിജെപി വനിതാ കൗണ്‍സിലർമാരും വനിതാ പോലീസും തമ്മിൽ ഏറെ നേരം പിടിയും വലിയുമായി. വനിതാ കൗണ്‍സിലർമാരെ ബലം പ്രയോഗിച്ചു തൂക്കിയെടുത്താണു മേയറുടെ ഡയസിൽ നിന്നും പോലീസ് പുറത്തേയ്ക്കു കൊണ്ടുപോയത്. എന്നാൽ വീണ്ടും കൗണ്‍സിലർമാർ തിരിച്ചെത്തിയോടെ പ്രതിഷേധം കടുത്തു. മേയറെ മറച്ചു ബിജെപിയിലെ ഗിരികുമാറും നന്ദ ഭാർഗവും ഉയർത്തിയ ബാനർ പിടിച്ചു വാങ്ങാൻ എൽഡിഎഫ് കൗണ്‍സിലർമാർ ശ്രമിച്ചു. ബാനർ കീറിയതിനെ തുടർന്നു വീണ്ടും കൗണ്‍സിലർമാർ ചേരി തിരിഞ്ഞ് ഉന്തും തള്ളുമുണ്ടായി. ഇതിനിടെ അജണ്ടകളെല്ലാം പാസാക്കിയതായി അറിയിച്ചു മേയർ യോഗം പിരിച്ചു വിട്ടു. ബിജെപിയുടെ കൗണ്‍സിലർമാർ നടത്തിയ അഴിമതി മറയ്ക്കാനാണു ഇപ്പോൾ സംഘർഷം ഉണ്ടാക്കുന്നതെന്ന് എൽഡിഎഫ് പാർലമെന്‍ററി പാർട്ടി നേതാവ് ഡി.ആർ. അനിൽ പറഞ്ഞു. പട്ടിക റദ്ദാക്കിയില്ലെങ്കിൽ സത്യാഗ്രഹ സമരം ഉൾപ്പെടെ നടത്തുമെന്ന് ബിജെപി സെൻട്രൽ ജില്ലാ കമ്മിറ്റി പ്രസിഡന്‍റ് കരമന ജയനും പറഞ്ഞു.

ഉന്നത വിദ്യാഭ്യാസ മന്ത്രിയുടെ വസതിയിലേക്ക് കെഎസ്‌യു നടത്തിയ മാർച്ചിൽ സംഘർഷം

തിരുവനന്തപുരം: ഉന്നത വിദ്യാഭ്യാസ മന്ത്രി ആർ. ബിന്ദുവിന്‍റെ രാജി ആവശ്യപ്പെട്ടു മന്ത്രിയുടെ ഒൗദ്യോഗിക വസതിയിലേക്കു കെഎസ്‌യു നടത്തിയ മാർച്ചിൽ സംഘർഷം. പ്രകോപിതരായ പ്രവർത്തകർക്കു നേരെ പോലീസ് അഞ്ചുതവണ ജലപീരങ്കി പ്രയോഗിച്ചു. ഉന്നത വിദ്യാഭ്യാസ മേഖല തകർത്ത് വിദ്യാർഥികളെ വഴിയാധാരമാക്കിയ മന്ത്രി രാജി വയ്ക്കണമെന്നാവശ്യപ്പെട്ടു നൂറോളം കെ എസ്‌യു പ്രവർത്തകരാണ് ഡോ. ആർ. ബിന്ദുവിന്‍റെ വഴുതക്കാട്ടെ ഒൗദ്യോഗിക വസതിയായ "സാനഡു' വിലേക്ക് മാർച്ചു നടത്തിയത്. ഉച്ചയ്ക്ക് ഒന്നോടെ ബേക്കറി ജംഗ്ഷനിൽ നിന്നാരംഭിച്ച മാർച്ച് വിമൻസ് കോളജിനു സമീപം ബാരിക്കേഡ് തീർത്തു പോലീസ് തടഞ്ഞു. മന്ത്രിയുടെ കോലം കത്തിച്ച പ്രവർത്തകർ ബാരിക്കേഡ് മറിച്ചിടാൻ ശ്രമിച്ചതോടെ പോലീസ് ജലപീരങ്കി പ്രയോഗിക്കുകയായിരുന്നു. ഇതിൽ പ്രകോപിതരായ പ്രവർത്തകർ ബാരിക്കേഡിനു മുകളിൽ കയറി മുദ്രാവാക്യം വിളിക്കുകയും പോലീസിനുനേരെ കൊടി കന്പുകൾ വലിച്ചെറിയുകയും ചെയ്തു. ഇതോടെ പോലീസും പ്രവർത്തകരും തമ്മിൽ വാക്കേറ്റമുണ്ടായി. തുടർന്ന് നേതാക്കൾ ഇടപട്ടൊണ് പ്രവർത്തകരെ ശാന്തരാക്കിയത്. കെഎസ്‌യു സംസ്ഥാന പ്രസിഡന്‍റ് അലോഷ്യസ് സേവ്യർ സമരം ഉദ്ഘാടനം ചെയ്തു. ഒറ്റരാത്രികൊണ്ടു കീം പ്രവേശന പരീക്ഷ അട്ടിമറിച്ച സർക്കാർ കേരളത്തിന്‍റെ വിദ്യാഭ്യാസ മേഖലയെ അന്യസംസ്ഥാന വിദ്യാഭ്യാസ ലോബിക്കു തീറെഴുതിയെന്നും അദ്ദേഹം ഉദ്ഘാടന പ്രസംഗത്തിൽ പറഞ്ഞു.

പഞ്ചായത്തംഗവും അമ്മയും തൂങ്ങി മരിച്ച സംഭവം: മൃതദേഹങ്ങളുമായി കോൺഗ്രസ് പോലീസ് സ്റ്റേഷൻ ഉപരോധിച്ചു

ആറ്റിങ്ങൽ: അരുണിന്‍റെയും മാതാവ് വത്സലയുടെയും മൃതദേഹങ്ങളുമായി കോൺഗ്രസ് പ്രവർത്തകർ കടയ്ക്കാവൂർ പൊലീസ് സ്റ്റേഷൻ ഉപരോധിച്ചു. സോഷ്യൽ മീഡിയായിലൂടെയുള്ള നിരന്തര പീഡനമാണ് അരുണിന്‍റെയും മാതാവിന്‍റെയും മരണകാരണമെന്ന് ആരോപിച്ചാണ് കോൺഗ്രസ് പ്രവർത്തകർ പൊലീസ് സ്റ്റേഷൻ ഉപരോധിച്ചത്. ഉപരോധ സമരം ടി. ശരത്ചന്ദ്രപ്രസാദ് ഉദ്ഘാടനം ചെയ്തു. തിരുവനന്തപുരം മെഡിക്കൽ കോളജിൽനിന്ന് പോസ്റ്റുമോർട്ടത്തിനുശേഷം ആംബുലൻസിൽ മൃതദേഹവുമായി കോൺഗ്രസ് പ്രവർത്തകർ കടയ്ക്കാവൂർ പോ ലീസ് സ്റ്റേഷനു മുന്നിലെത്തുകയായിരുന്നു. അരുണിനെതിരേ സോഷ്യൽ മീഡിയിൽ നടത്തിയ അധിക്ഷേപങ്ങൾക്ക് ആത്മഹത്യ കുറുപ്പിൽ പറഞ്ഞിട്ടുള്ള പ്രതികളെ 48 മണിക്കൂറിനുള്ളിൽ പിടികൂടാമെന്ന വർക്കല ഡിവൈഎസ്പിയുടെ ഉറപ്പിൽ പ്രതിഷേധം അവസാനിപ്പിക്കുകയായിരുന്നു. കെപിസിസി സെക്രട്ടറി കെ. ശ്രീകുമാർ, ജോസഫ് പെരേര, ചെറുന്നിയൂർ പഞ്ചായത്ത് പ്രസിഡന്‍റ് ശശികല, വക്കം പഞ്ചായത്ത് പ്രസിഡന്‍റ് ലാലിജ, ബ്ലോക്ക് കോൺഗ്രസ് പ്രസിഡന്‍റ് എൻ. ബിഷ്ണു, അംബിരാജ് തുടങ്ങിയവർ ഉപരോധ സമരത്തിനു നേതൃത്വം നൽകി. തുടർന്ന് വക്കം പഞ്ചായത്ത് കാര്യാലയത്തിനു മുന്നിൽ പൊതുദർശനത്തിനുശേഷം മൃതദേ ഹങ്ങൾ സംസ്കാരത്തിനായി വീട്ടിലേയ്ക്കു കൊണ്ടുപോയി.

ഹോട്ടൽ ഉടമയ്ക്കും ജീവനക്കാർക്കും മർദനം: രണ്ടുപേർ റിമാൻഡിൽ

വെള്ളറട: ഓർഡർ ചെയ്ത ഭക്ഷണം ലഭിക്കാൻ താമസിച്ചു എന്നാരോപിച്ച് ഹോട്ടലുടമയ്ക്കും ജീവനക്കാര്‍ക്കും മര്‍ദനം. പരിക്കേറ്റ ഹോട്ടല്‍ ഉടമ ആശുപത്രിയില്‍ ചികിത്സയില്‍. സംഭവവുമായി ബന്ധപ്പെട്ടു രണ്ടുപേര്‍ കസ്റ്റഡിയില്‍. കഴിഞ്ഞ ദിവസം രാത്രി 8.30 ഓടെ വെള്ളറട കണ്ണൂര്‍കോണത്ത് ഹോട്ടല്‍ നടത്തുകയായിരുന്ന ആല്‍ഫ്രഡ് ജോണിനും (62) ജീവനക്കാര്‍ക്കുമാണു മര്‍ദനമേറ്റത്. ‌ കടയിലെത്തിയ ഏഴംഗസംഘം ഭക്ഷണത്തിന് ഓർഡൽ നൽകി. തുടർന്ന് ഭക്ഷണം തങ്ങൾക്ക് ആദ്യമെത്തിക്കണമെന്ന് ആവശ്യപ്പെട്ട് അസഭ്യവർഷം തുടങ്ങി. ഇതു ചോദ്യം ചെയ്തതോടെയാണ് ഹോട്ടല്‍ ഉടമയ്ക്ക് നേരെ ആക്രമണം നടത്തിയത്. അക്രമികളുടെ മര്‍ദനത്തില്‍ ആല്‍ഫ്രഡ് ജോണിന്‍റെ തലയ്ക്കു സാരമായ പരിക്കേറ്റു. വിവരമറിഞ്ഞെത്തിയ ആല്‍ഫ്രഡ് ജോണിന്‍റെ മകന്‍ അഹു എല്‍ ജോണിനു നേരെയും സംഘം ആക്രമണം നടത്തി. ഇതു തടയാനെത്തിയ ജീവനക്കാരൻ സുരേഷ് കുമാറിനേയും സംഘം മർദിച്ചു. ബഹളംകേട്ടു നാട്ടുകാരും സമീപവാസികളും ഓടിയെത്തിയപ്പോഴേക്കും സംഘം കടന്നു കളഞ്ഞു. സംഭവവുമായി ബന്ധപ്പെട്ട രണ്ടുപേര്‍ പോലീസിന്‍റെ പിടിയിലായി. കീഴാറൂര്‍ റോഡരികത്തു വീട്ടില്‍ ആദിത്യന്‍ (24), മുട്ടച്ചല്‍ ആറടിക്കര വീട്ടില്‍ വിനീഷ് (25)എന്നിവരാണ് പിടിയിലായത്. ഏഴു പേര്‍ക്കെതിരേയാണ് വെള്ളറട പോലീസില്‍ പരാതി നല്‍കിയത്. സര്‍ക്കിള്‍ ഇന്‍സ്പക്ടര്‍ പ്രസാദ്, സബ് ഇന്‍സ്‌ക്ടര്‍മാരായ എസ്. ശശികുമാർ, എം. ശശികുമാര്‍, എഎസ്ഐ അശ്വതി, സിവില്‍ പോലീസുകാരായ പ്രദീപ്, രാജ്‌മോഹന്‍, ദീപു അടങ്ങുന്ന സംഘമാണ് അക്രമികളെ പിടികൂടിയത്. കോടതിയില്‍ ഹാജരാക്കിയ പ്രതികളെ റിമാൻഡു ചെയ്തു. ഒളിവില്‍ പോയവരെക്കുറിച്ച് അന്വേഷിച്ചു വരികയാണെന്നും പ്രതികള്‍ ഉടന്‍തന്നെ പിടിയിലാകുമെന്നും പോലീസ് വ്യക്തക്കി.

സർക്കാര്‍ സ്ഥലം കൈയേറി പാര്‍ക്കിംഗ് ഗ്രൗണ്ട് നിര്‍മിച്ചു; വ്യാപക പ്രതിഷേധം

വെള്ളറട : കുന്നത്തുകാല്‍ പഞ്ചായത്തില്‍ പാലിയോട് വാര്‍ഡില്‍ ആഴാംകുളത്ത് പഞ്ചായത്തിന്‍റെ തോടും നടപ്പാതയും കൈയേറി സ്വകാര്യവ്യക്തി വാഹന പാര്‍ക്കിംഗ് ഗ്രൗണ്ട് നിർമിച്ച സംഭവത്തിൽ പ്രതിഷേധം ശക്തമാകുന്നു. പാലിയോട് എസ്എസ് ഓഡിറ്റോറിയം ഉടമ സെല്‍വരാജാണു സര്‍ക്കാര്‍ ഭൂമി കൈയേറിയിരിക്കുന്നതെന്നാണ് ആക്ഷേപം. സര്‍ക്കാരിന്‍റെ 10 ലക്ഷം രൂപയില്‍ അധികം വിലയുള്ള സ്ഥലമാണ് സ്വകാര്യ വ്യക്തി കൈക്കലാക്കിയത്. വസ്തുവില്‍ അനധികൃത കൈയേറ്റം നടത്തിയതിനെതിരേ നെയ്യാറ്റിന്‍കര തഹസില്‍ദാർക്കും, കുന്നത്തുകാല്‍ പഞ്ചായത്തിനും തദ്ദേശസ്വയഭരണ വകുപ്പ് ജോയിന്‍റ് ഡയറക്ടര്‍ക്കും നാട്ടുകാര്‍ പരാതി നല്‍കിയിട്ടുണ്ട്. അടിയന്തരമായി കൈയേറ്റം ഒഴിപ്പിച്ചു സ്ഥലം പൂര്‍വസ്ഥിതിയില്‍ ആക്കണമെന്നാണു നാട്ടുകാരുടെ ആവശ്യം. നടപ്പാതയും തോടും പൂര്‍വ സ്ഥിതിയിലാക്കിയില്ലെങ്കില്‍ അടുത്തുവരുന്ന മഴയില്‍ വെള്ളം വാര്‍ന്നു പോകുന്നതിനായി സുഗമമായ സൗകര്യം ഉണ്ടാക്കണമെന്നുന്നും നാട്ടുകാര്‍ ആവശ്യപ്പെടുന്നത്.

തെരുവുനായ ആക്രമണം; രണ്ടുപേർക്കു പരിക്കേറ്റു

വെമ്പായം: വെമ്പായം പഞ്ചായത്തിലെ തേക്കടയിൽ തെരുവ് നായയുടെ ആ ക്രമണത്തിൽ രണ്ടുപേർക്ക് പരിക്ക്. രാവിലെ പ്രഭാത നമസ്കാരത്തിനായി പള്ളിയിൽ പോയവരെയാണു നായ ആക്രമിച്ചത്. പ്രദേശവാസികളായ അബ്ദുൽ അസീസ് (65), നാസർ (60) എന്നിവർക്കാണ് പരിക്കേറ്റത്. കൈക്കും കാലിനും സാരമായി പരിക്കേറ്റ ഇരുവരെയുംതിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരിക്കുകയാണ്. രാവിലെ ആറുമണിയോടെയായിരുന്നു സംഭവം. പ്രദേശത്തെ തെരുവുനായുടെ ശല്യം ഏറെ നാളായി രൂക്ഷമാണെന്നാണ് നാട്ടുകാരുടെ ആക്ഷേപം. കുട്ടികളെ ഉൾപ്പെടെ ഇവിടെ തെരുവുനായ കടിച്ചു പരിക്കേൽപ്പിച്ച സംഭവം മുമ്പും നടന്നിട്ടുണ്ട്. തെരുവുനായ ശല്യം പരിഹരിക്കാൻ അടിയന്തര നടപടി സ്വീകരിക്കണമെന്നാണ് നാട്ടുകാരുടെ ആവശ്യം.

യുവതിയെ വാഹനം ഇടിച്ച സംഭവത്തില്‍ പരാതി നല്‍കി

പേരൂര്‍ക്കട: സ്‌കൂട്ടര്‍ യാത്രികയായ യുവതിയെ ഇടിച്ചിട്ടശേഷം വാഹനം നിര്‍ത്താതെ പോയ സംഭവത്തില്‍ ഇവര്‍ മ്യൂസിയം സ്റ്റേഷനില്‍ പരാതി നല്‍കി. ഞായറാഴ്ച വൈകുന്നേരം ആറോടെ പട്ടത്തെ ജ്വല്ലറിക്കു മുന്നിലായിരുന്നു അപകടം. കരുമം സ്വദേശിനി ദീപ്തി (36) ക്കാണ് വീഴ്ചയില്‍ പരിക്കേറ്റത്. പട്ടം സിഗ്നല്‍ പോയിന്‍റിനും പ്ലാമൂടിനും ഇടയ്ക്കായിരുന്നു സംഭവം. പ്ലാമൂട് ഇറക്കം ഇറങ്ങുന്നതിനിടെ സ്‌കൂട്ടറില്‍ വാഹനം ഇടിച്ചതോടെ ഇവര്‍ നിലത്തുവീണു. അപകടത്തെത്തുടര്‍ന്ന് റോഡിലേക്കു വീണ് പേടിച്ചുപോയ ഇവരെ സമീപത്തുണ്ടായിരുന്നവരാണ് രക്ഷപ്പെടുത്തിയത്. ഒരു ആംബുലന്‍സാണ് ഇവരെ ഇടിച്ചതെന്നാണ് ദൃക്‌സാക്ഷികളുടെ മൊഴി. വീഴ്ചയില്‍ ശരീരമാകെ പരിക്കേറ്റ ഇവര്‍ ആശുപത്രിയില്‍ ചികിത്സ തേടിയിരുന്നു.

ഒളിവില്‍ കഴിയുകയായിരുന്ന പിടികിട്ടാപ്പുള്ളിയെ പിടികൂടി

പാറശാല: 30 വര്‍ഷമായി ഒളിവില്‍ കഴിയുകയായിരുന്ന പിടികിട്ടാപ്പുള്ളിയെ പാറശാല പോലീസ് പിടികൂടി. നിരവധി മോഷണ കേസിലെ പ്രതിയായ പളുകല്‍ തേരുപുറം സ്വദേശി ജയകുമാര്‍ (55) ആണ് പിടിയിലായത്. മോഷണവും പിടിച്ചുപറിയും ഉള്‍പ്പെടെ നിരവധി കേസിലെ പ്രതിയാണ് ജയകുമാര്‍. 1996 കാലഘട്ടത്തില്‍ കൊടങ്ങാവിളയിലെ ഒരു വീട് കുത്തിത്തുറന്ന് 10 പവനിലധികം സ്വര്‍ണവും പണവും കവര്‍ന്ന കേസില്‍ ജാമ്യത്തില്‍ ഇറങ്ങിയതിന് പിന്നാലെ കടന്നുകളയുകയായിരുന്നു. ഫോണ്‍ ഉള്‍പ്പെടെയുള്ളവ ഇയാൾ ഉപയോ ഗിച്ചിരുന്നില്ല. തിരുവനന്തപുരം ജില്ലയ്ക്കു പുറമേ, തമിഴ്‌നാട്ടിലെ വിവിധ ഇടങ്ങളില്‍ നിര്‍മാണ തൊഴിലാളിയായി വേഷം മാറിയാണ് ഇയാള്‍ ജീവിച്ചുപോന്നത്. ഈയടുത്ത്, കാട്ടാക്കട കണ്ടലയിലെ പെണ്‍സുഹൃത്തിന്‍റെ അടുത്തേക്ക് ജയകുമാര്‍ എത്തുന്നു എന്ന രഹസ്യവിവരം ലഭിച്ചതിനെ തുടര്‍ന്നാണ് പാറശാല പോലീസ് ജയകുമാറിനായി വലവിരിച്ചത്. സര്‍ക്കിള്‍ ഇന്‍സ്പക്ടര്‍ സജി, സബ് ഇന്‍സ്പക്ടര്‍ ദീബു എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്.

സാൽവേഷൻ ആർമി സംസ്ഥാന സാരഥികൾ സ്ഥാനനിയുക്തരായി

തിരുവനന്തപുരം: സഭയുടെ വിശ്വാസപ്രമാണങ്ങളോടുള്ള കൂറും ആത്മ നേട്ടത്തിനായുള്ള അചഞ്ചലമായ സമർപ്പണവും ഉയർത്തിപ്പിടിച്ച ചടങ്ങിൽ ആഗോള രക്ഷാസൈന്യസഭയുടെ മലയാള മണ്ണിലെ (ഇന്ത്യാ സൗത്ത് വെസ്റ്റേണ്‍ ടെറിട്ടറി) പുതിയ ടെറിട്ടോറിയൽ കമാൻഡർ കേണൽ പ്രകാശ് ചന്ദ്ര പ്രധാൻ, വനിതാ ശുശ്രൂഷകളുടെ സംസ്ഥാന പ്രസിഡന്‍റ് കേണൽ റാണി ഫൂല പ്രധാൻ എന്നിവരുടെ സ്ഥാനാരോഹണ ശുശ്രൂഷ നടന്നു. കവടിയാർ കമ്മീഷണർ പി ഇ ജോർജ്, മെമ്മോറിയൽ ചർച്ചിൽ നടന്ന ചടങ്ങിൽ കമ്മീഷണർ വിൽഫ്രഡ് വർഗീസും കമ്മീഷണർ പ്രേമാ വിൽഫ്രഡും ചേർന്നാണു സ്ഥാനാരോഹണ ശുശ്രൂഷ നിർവഹിച്ചത്. മുഖ്യകാര്യദർശി ലെഫ്. കേണൽ ജേക്കബ് ജോണ്‍ ജോസഫ് അധ്യക്ഷനായി. ശുശ്രൂഷയ്ക്കായി എത്തിച്ചേർന്ന പുതിയ സംസ്ഥാന നേതാക്കളെ സ്വീകരിച്ച് ദേവാലയത്തിലേക്ക് ആനയിച്ചു. കമ്മീഷണർ എംസി ജെയിംസിന്‍റെ പ്രാർഥനയോടെയാണ് ശുശ്രൂഷകൾ ആരംഭിച്ചത്. മുഖ്യ കാര്യദർശി ലെഫ്. കേണൽ ജേക്കബ് ജോസഫ് പുതിയ നേതൃത്വത്തെ പരിചയപ്പെടുത്തി. സാൽവേഷൻ ആർമി ജനറൽ ലിൻഡൻ ബക്കിംഗ്ഹാമിന്‍റെ സന്ദേശം ചടങ്ങിൽ കമ്മീഷണർ വിൽഫ്രഡ് വർഗീസ് വായിച്ചു. മേജർ ആശ ജസ്റ്റിൻ, ലെഫ്.കേണൽ ഡേവിഡ്സണ്‍ വർഗീസ്, ജൂനി കോശി മറിയം, ശ്യം അരുവിക്കര, പോൾ രാജ് കുമാർ, ലെഫ്.കേണൽ ജോസ് പി മാത്യു, ലെഫ്.കേണൽ സജൂ ഡാനിയേൽ, ലെഫ്.കേണൽ സി.ജെ ബെന്നി മോൻ, ലെഫ്. കേണൽ എൻ ഡി ജോഷ്വാ എന്നിവർ പ്രസംഗിച്ചു. സംസ്ഥാന മുഖ്യസ്ഥാനത്തെ വനിതാ ഉദ്യോഗസ്ഥർ ടിം ബ്രൽ ഡിസ്പ്ലേ അവതരിപ്പിച്ചു. കേണൽ റാണി ഫൂലെ പ്രധാൻ മറുപടി പ്രസംഗം നടത്തി.കേണൽ പ്രകാശ് ചന്ദ്ര പ്രധാൻ തിരുവചന സന്ദേശം നൽകി. ലെഫ്.കേണൽ സോണിയാ ജേക്കബ് സമർപ്പണ ഗാനം നയിച്ചു. സംസ്ഥാനാധിപൻ കേണൽ പ്രകാശ് ചന്ദ്ര പ്രധാൻ ആശീർവദിച്ചു.

തുടര്‍ച്ചയായ ഹൃദയാഘാതങ്ങൾ: 47-കാരന് കിംസ്ഹെൽത്തിൽ പുതുജീവന്‍

തിരുവനന്തപുരം: തുടര്‍ച്ചയായ ഹൃദയാഘാതങ്ങളെ തുടർന്ന് അതീവ ഗുരുതരാവസ്ഥയിലായിരുന്ന 47കാരന് തിരുവനന്തപുരം കിംസ്ഹെല്‍ത്തിൽ പുതുജീവൻ. ജോലി സ്ഥലത്ത് കുഴഞ്ഞുവീണതിനെത്തുടര്‍ന്നു സമീപത്തുള്ള ആശുപത്രിയിൽ പ്രവേശിപ്പിക്കുകയും അവിടെ നിന്ന് വിദഗ്ധ ചികിത്സയ്ക്കായി കിംസ്ഹെല്‍ത്തിലേക്ക് മാറ്റുകയുമായിരുന്നു. ഹൃദയമിടിപ്പ് അസാധാരണ നിലയിലാകുന്ന വെന്‍ട്രിക്കുലാര്‍ ഫൈബ്രിലിയേഷൻ എന്ന അതീവ ഗുരുതരമായ രോഗാവസ്ഥ കാരണം രോഗി ഒന്നിലധികം തവണ അടിയന്തര ഡിഫൈബ്രിലിയേഷന് വിധേയമായി. ഇത് കൂടാതെ രോഗിക്ക് തുടർച്ചയായി ഹൃദയസ്തഭനവും അനുഭവപ്പെട്ടിരുന്നു. മുന്‍പ് ഹൃദയസംബന്ധമായ യാതൊരു പ്രശ്നങ്ങളുമില്ലാതിരുന്ന രോഗിയുടെ ഹൃദയപേശികള്‍ അസാധാരണമായി ചുരുങ്ങിവരുന്നതായി കാര്‍ഡിയാക് ഇമേജിംഗില്‍ വ്യക്തമാവുകയായിരുന്നു. തുടർന്നു നടന്ന പ്രൊസീജ്യറുകൾക്ക് കാര്‍ഡിയോ തൊറാസിക് സര്‍ജറി വിഭാഗം സീനീയര്‍ കണ്‍സള്‍ട്ടന്‍റ് ഡോ. ഷാജി പാലങ്ങാടന്‍, നെഫ്രോളജി വിഭാഗം സീനിയര്‍ കണ്‍സള്‍ട്ടന്‍റ് ഡോ. ബി. സതീഷ്, കാര്‍ഡിയാക് അനസ്തേഷ്യ വിഭാഗം കണ്‍സള്‍ട്ടന്‍റുമാരായ ഡോ. എസ്. സുഭാഷ്്, ഡോ. അനില്‍ രാധാകൃഷ്ണന്‍ പിള്ള എന്നിവര്‍ നേതൃത്വം നൽകി.

കാട്ടാക്കട അതിവേഗ പോക്സോ കോടതിയിൽ തീപിടിത്തം

കാട്ടാക്കട: കാട്ടാക്കടയിലെ അതിവേഗ പോക്സോ കോടതിയിൽ തീപിടിത്തം. കോടതി ഓഫീസ് മുറിക്കാണു ഇന്നലെ രാത്രി 9.15ഓടെ തീപിടിച്ചത്. ഷോർട്ട് സർക്യൂട്ട് ആണോ മറ്റെന്തെങ്കിലുമാണോ തീപിടിത്തത്തി കാരണമെന്ന് അന്വേഷിക്കുന്നു. തൊണ്ടിമുതലുകളും ഫയലുക ളും ഉൾപ്പെടെ സൂക്ഷിച്ചിരിക്കുന്ന ഓഫീസാണ് ഇതെന്നാണു വിവരം. തീപിടിച്ചപ്പോഴും തീകെടുത്തുമ്പോൾ വെള്ളം നനഞ്ഞും ഇവയ്ക്കു നാശം സംഭവിച്ചിട്ടുണ്ടോ എന്നതും കൂടുതൽ അന്വേഷണം നടത്തിയാൽ മാത്രമേ വ്യക്തമാകൂ. കാട്ടാക്കട കെഎസ്ആർടിസി ബസ്റ്റാൻഡിന് എതിർവശത്തുള്ള മൂന്നുനില കെട്ടിടത്തിന്‍റെ ഏറ്റവും മുകളിലത്തെ നിലയിലാണ് പോക്സോ കോടതി പ്രവർത്തിക്കുന്നത്. രാത്രി കെട്ടിടത്തിൽനിന്നും തീയും പുകയും ഉയരുന്നതുകണ്ടു പ്രദേശവാസികൾ വിവരം പോലീസിലും അഗ്നിരക്ഷാ നിലയത്തിലും അറിയിക്കുകയായിരുന്നു. കണ്ണാടിച്ചില്ലുകൾ പൊട്ടിച്ചാണ് ഫയർ ഫോഴ്സ് അകത്ത് കടന്നത്. കാട്ടാക്കട അഗ്നിരക്ഷ യൂണിറ്റെത്തി തീ നിയന്ത്രണവിധേയമാക്കി. അതിവേഗ പോക്സോ കോടതി ജഡ്ജ് എസ്. രമേശ് കുമാർ രാത്രിയോടെ കോടതിയിലെത്തി പരിശോധന നടത്തി. കാട്ടാക്കട ഡിവൈഎസ് പി റാഫിയുടെ നേതൃത്വത്തിൽ പോലിസും സ്ഥലത്തെത്തി.

അരുവിക്കരയിൽ വാവുബലിക്ക് ഒരുക്കങ്ങളായി

നെടുമങ്ങാട്: തിരുവനന്തപുരം ജില്ലയിലെ പ്രധാന ബലിതർപ്പണ ചടങ്ങ് നടക്കുന്ന അരുവിക്കരയിൽ ഒരുക്കങ്ങളായി. അഡ്വ. ജി. സ്റ്റിഫൻ എം എൽ എ അധ്യക്ഷത വഹിച്ച അവലോകന യോഗത്തിൽ കേരള വാട്ടർ അഥോറിറ്റി, ദേവസ്വം ബോർഡ്, റവന്യൂ, പോലീസ്, ഫയർ ഫോഴ്സ്, കെഎസ്ആർടിസി ഇറിഗേഷൻ, ഹെൽത്ത്, പഞ്ചായത്ത് ഉദ്വേഗസ്ഥരും പങ്കെടുത്തു. അരുവിക്കര ഡാം സൈറ്റിൽ 19 മുതൽ 24 വരെ കാർഷിക വ്യാവസായിക പ്രദർശനവും നടക്കും. സർക്കാർ- അർധ സർക്കാർ നടത്തുന്ന മേളയും ഉണ്ടാകും. കർക്കടക വാവുബലി ദിവസം രാവിലെ നാലുമുതൽ ഡാം ഷട്ടറിനു സമീപത്തെ ബലി മണ്ഡപത്തിലും ക്ഷേത്രകടവിനു സമീപമുള്ള ബലിക്കടവിലും ബലിതർപ്പണം നടക്കും. പഞ്ചായത്ത് പ്രസിഡന്‍റ് ആർ. കല, ജില്ലാ പഞ്ചായത്ത് അംഗം വൈള്ളനാട് ശശി, ബ്ലോക്ക് പഞ്ചായത്ത് അംഗങ്ങളായ വി.ആർ. ഹരിലാൽ, വി. വിജയൻ നായർ, തഹസിൽദാർ സജികുമാർ, പഞ്ചായത്ത് സെക്രട്ടറി ഇൻ ചാർജ് രേണുക, ഗീതാഹരി കുമാർ, ഷജിത, വിവിധ രാഷ്ട്രീയ പാർട്ടി പ്രതിനിധികൾ, യുവജന സംഘടന പ്രവർത്തകർ ക്ഷേത്രോപദേശക സമിതി സെക്രട്ടറിമാർ, ദേവസ്വം ജീവനക്കാർ എന്നിവർ പ ങ്കെടുത്തു.

നെയ്യാറ്റിന്‍കര ജനറല്‍ ആശുപത്രിയില്‍ നിരവധി വികസന പ്രവൃത്തികൾ നടപ്പിലാക്കി: കെ. ആന്‍സലന്‍ എംഎല്‍എ

നെയ്യാറ്റിന്‍കര : കഴിഞ്ഞ ഒൻപത് വർഷങ്ങള്‍ക്കിടയില്‍ നെയ്യാറ്റിന്‍കര ജനറല്‍ ആശുപത്രിയില്‍ ഒട്ടേറെ വികസനങ്ങള്‍ സാധ്യമാക്കിയതായി കെ. ആന്‍സലന്‍ എംഎല്‍എ അറിയിച്ചു. ജനറൽ ആശുപത്രിക്ക് 8.75 ഏക്കർ സ്ഥലം ഏറ്റെടുക്കുന്നതിന് 10 കോടി രൂപ അനുവദിച്ചതു വികസന നേട്ടങ്ങളില്‍പ്പെടുന്നു. ആറു കോടി രൂപയുടെ പുതിയ മന്ദിരവും കാഷ്വാലിറ്റി കെട്ടിടത്തിനു മുകളിൽ ഒരു കോടി രൂപ ചെലവിൽ പുതിയ വാർഡും മൂന്നു കോടി രൂപ ചെലവിൽ പുതിയ പേവാർഡും നെയ്യാറ്റിൻകര ജനറൽ ആശുപത്രിയുമായി ബന്ധപ്പെട്ട വികസന പ്രവര്‍ത്തനങ്ങളാണ്. നെയ്യാറ്റിൻകര ജനറൽ ആശുപത്രിയോടനുബന്ധിച്ച് നഴ്സിംഗ് കോളജു യാഥാർഥ്യമാക്കി. ട്രോമാ കെയർ യൂണിറ്റിനായി 1.28 കോടി രൂപയുടെ ആധുനിക ഉപകരണങ്ങൾ വാങ്ങി. ആശുപത്രിയുടെ പ്രവര്‍ത്തനം കൂടുതല്‍ മെച്ചപ്പെടുത്തുന്നതിനായി 40 ഡോക്ടർമാർ ഉൾപ്പെടെ കൂടുതൽ ജീവനക്കാരെ നിയമിച്ചു. ഹൗസ് സർജൻമാരുടെ സേവനം ലഭ്യമാക്കി. രാത്രികാലങ്ങളിൽ മൂന്ന് ഡോക്ടർമാരുടെ സേവനം ഉറപ്പാക്കി. ആശുപത്രിയിലെ കെഎച്ച്ആര്‍ഡബ്ല്യുഎസ് പേ വാർഡ്, ഒന്നാം നിലയുടെ നിർമാണം (70 ലക്ഷം), അത്യാധുനിക ഡ്രഗ്സ് സ്റ്റോർ (50 ലക്ഷം)പുതിയ ഗൈനക്ക് വാർഡ് (40 ലക്ഷം), പാലിയേറ്റിവ് കെയറിനായി പുതിയ മന്ദിരം (60 ലക്ഷം), ഓക്സിജന്‍ പ്ലാന്‍റ്, കുട്ടികളുടെ ഐസിയു യൂണിറ്റ്, ദന്തല്‍ എക്സ്റേ യൂണിറ്റ്, ദന്തല്‍ എക്സ്റേ മന്ദിരം, ആധുനിക ലാബ് സംവിധാനം, സോളാർ പ്ലാന്‍റ് (50 ലക്ഷം), അത്യാധുനിക ജറിയാട്രിക് വാർഡ്, കൗമാര ആരോഗ്യ ക്ലിനിക്ക് എന്നീ നേട്ടങ്ങളും കഴിഞ്ഞ ഒൻപത് വർഷത്തെ പട്ടികയിലുണ്ട്. ബ്ലഡ് ബാങ്കിന് ലൈസൻസ് പ്രാപ്തമായതും ബ്ലഡ് ബാങ്കിലേക്ക് ബ്ലഡ് കളക്‌ഷൻ മോണിറ്ററും എലിസ റീഡറും ലഭ്യമായതും ആശുപത്രിയുടെ വികസനത്തിനു മുതല്‍ക്കൂട്ടാകുന്നു. എച്ച്എല്‍എല്ലുമായി സഹകരിച്ച് സിടി സ്കാൻ യൂണിറ്റ് ആരംഭിച്ചു. ഹിന്ദ് ലാബ് സഹായത്തോടെ സിടി സ്കാൻ, അൾട്രാ സൗണ്ട് സ്കാൻ, ഡോപ്ലർ സ്കാൻ തുടങ്ങിയ സംവിധാനങ്ങൾ പ്രാവര്‍ത്തികമാക്കി. ഓപ്പറേഷൻ തിയറ്റർ, വാർഡുകൾ, കാന്‍റീൻ എന്നിവയുടെ നവീകരണം, ഇന്‍റർലോക്ക്, ഡ്രയ്‌നേജ് തുടങ്ങിയ പ്രവൃത്തികൾ 1.75 കോടി രൂപ വിനിയോഗിച്ച് പൂര്‍ത്തീകരിച്ചു. ശുപത്രിയുടെ സുഗമമായ പ്രവര്‍ത്തനം ലക്ഷ്യമാക്കി 11 കെ.വി സബ്‌സ്റ്റേഷനും എച്ച്ടി കണക്ഷനും (38 ലക്ഷം രൂപ) യാഥാര്‍ഥ്യമാക്കിയതോടൊപ്പം 26 ലക്ഷം രൂപ ചെലവഴിച്ച് പുതിയ ജനറേറ്ററും അനുവദിച്ചു. വിവിധ ഭാഗങ്ങളിൽ മൂന്നു മിനിമാസ്റ്റ് ലൈറ്റ് സ്ഥാപിച്ചു. ലഹരി നിർമാർജനത്തിനു വിമുക്തി, ജനന വൈകല്യങ്ങൾ കണ്ടുപിടിക്കുന്നതിനു ശലഭം, വീടുകളിൽചെന്നു ചികിത്സ നടത്തുന്നതിനായി അനുയാത്രയ്ക്ക് വാഹനം, പ്രസവശേഷം അമ്മയെയും കുഞ്ഞിനേയും വീട്ടിലെത്തിക്കാൻ മാതൃയാനം പദ്ധതി, ഇ- ഹെൽത്ത് പ്രോഗ്രാം എന്നീ പദ്ധതികളും നെയ്യാറ്റിന്‍കര ജനറല്‍ ആശുപത്രിയെ മികവുറ്റതാക്കാന്‍ സഹായിക്കുന്നുണ്ടെന്നും എംഎല്‍എ പറഞ്ഞു.

ഓണത്തിന് ഒരു മുറം പച്ചക്കറി പദ്ധതി

നെയ്യാറ്റിന്‍കര: കമുകിൻകോട് സെന്‍റ് മേരീസ് ഹയർസെക്കൻഡറി സ്കൂളിൽ "ഓണത്തിന് ഒരു മുറം പച്ചക്കറി' പദ്ധതിക്കു തുടക്കം കുറിച്ചു. പദ്ധതിയുടെ ഭാഗമായി വിദ്യാര്‍ഥികളും അധ്യാപകരും സംയുക്തമായി സ്കൂൾ അങ്കണത്തിൽ പച്ചക്കറികള്‍ക്കു പുറമേ പൂക്കളും കിഴങ്ങുവർഗങ്ങളും കൃഷി ചെയ്യും. അതിയന്നൂർ പഞ്ചായത്ത് ആരോഗ്യ- വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ കൊടങ്ങാവിള വിജയകുമാർ പദ്ധതിയുടെ ഉദ്ഘാടനം നിര്‍വഹിച്ചു. പിടിഎ പ്രസിഡന്‍റ് സാം ജോസ് അധ്യക്ഷനായി. പ്രിൻസിപ്പൽ യേശുദാസ്, ഹെഡ്മിസ്ട്രസ് ജയശ്രീ, കോ-ഓർഡിനേറ്റർ ക്രിസ്റ്റിൻ ജോസ്, സിസ്റ്റർ സ്റ്റെല്ല എന്നിവർ പ്രസംഗിച്ചു.

ജില്ലാ ആശുപത്രിയിൽ ലിഫ്റ്റ് സ്ഥാപിക്കാൻ 20 ലക്ഷം അനുവദിക്കും: ജി.ആർ. അനിൽ

നെടുമങ്ങാട് : ജില്ലാ ആശുപത്രിയുടെ പുതിയ മന്ദിരത്തിന്‍റെ നിർമാണ പുരോഗതി വിലയിരുത്തി മന്ത്രി ജി.ആർ. അനിൽ. ഫ്ലോറിംഗ് , ഇലക്ട്രിഫിക്കേഷൻ, പെയിന്‍റിംഗ് ജോലികൾ ഓഗസ്റ്റ് 20 നുള്ളിൽ പൂർത്തീകരിക്കാൻ അദ്ദേഹം നിർദേശം നൽകി. ലിഫ്റ്റ് സ്ഥാപിക്കുന്നതിന് 20 ലക്ഷം രൂപ അധികമായി എംഎൽഎ ഫണ്ടിൽനിന്ന് അനുവദിക്കുമെന്നു മന്ത്രി പറഞ്ഞു. എംഎൽഎ ഫണ്ടിൽനിന്നു 4.6 കോടി രൂപ വിനിയോഗിച്ചാണ് ആശുപത്രിക്ക് പുതിയ കെട്ടിടം നിർമി ക്കുന്നത്. ആശുപത്രിയിൽ നടന്ന അവലോകന യോഗത്തിൽ എച്ച്എംസി അംഗം ആർ. ജയദേവൻ, സിപിഐ മണ്ഡലം സെക്രട്ടറി പാട്ടത്തിൽ ഷെരീഫ്, സിപിഎം ഏരിയാ സെക്രട്ടറി കെ.പി. പ്രമോഷ്, സൂപ്രണ്ട് ഡോ. രേഖാ എം. കുമാർ തുടങ്ങിയവർ പങ്കെടുത്തു.

ഇ- മാലിന്യ ശേഖരണ ഡ്രൈവ്: സംസ്ഥാനതല ഉദ്ഘാടനം ഇന്ന്

നെയ്യാറ്റിന്‍കര: ഇ- മാലിന്യ ശേഖരണ ഡ്രൈവിന്‍റെ സംസ്ഥാനതല ഉദ്ഘാടനം നെയ്യാറ്റിന്‍കര നഗരസഭയിലെ അമരവിള ആര്‍ആര്‍എഫില്‍ മന്ത്രി എം.ബി. രാജേഷ് നിര്‍വഹിക്കും. രാവിലെ 11നു ചേരുന്ന യോഗത്തില്‍ കെ. ആന്‍സലന്‍ എംഎല്‍എ അധ്യക്ഷനാകും. എല്‍എസ്ജിഡി സ്പെഷല്‍ സെക്രട്ടറി ടി.വി. അനുപമ കാന്പയിന്‍ വിശദീകരണവും സികെസിഎല്‍ മാനേജിംഗ് ഡയറക്ടര്‍ ജി.കെ. സുരേഷ് കുമാര്‍ വിഷയാവതരണവും നടത്തും. നഗരസഭ ചെയര്‍മാന്‍ പി.കെ. രാജമോഹനന്‍, വൈസ് ചെയര്‍പേഴ്സണ്‍ പ്രിയാ സുരേഷ്, സ്റ്റാന്‍ഡിംഗ് കമ്മിറ്റി ചെയര്‍മാന്മാരായ കെ.കെ. ഷിബു, എന്‍.കെ. അനിതകുമാരി, ജെ. ജോസ് ഫ്രാങ്ക്ളിന്‍, ഡോ. എം.എ. സാദത്ത്, ആര്‍. അജിത, ബിജെപി പാര്‍ലമെന്‍ററി പാര്‍ട്ടി ലീഡര്‍ ഷിബുരാജ് കൃഷ്ണ, കൗണ്‍സിലര്‍ സുരേഷ് കുമാര്‍, വിവിധ രാഷ്ട്രീയ കക്ഷി നേതാക്കള്‍ എന്നിവര്‍ സംബന്ധിക്കും.

പ്രതികളെ വെറുതെ വിട്ടു

നെടുമങ്ങാട്: പട്ടിക ജാതി വിഭാഗത്തിൽ പെട്ടവരുടെ വസ്തുവിൽ അതിക്രമിച്ചു കയറി വസ്തുവിൽ ഉള്ള ഫല വൃക്ഷങ്ങളും മറ്റും മുറിച്ചു മാറ്റി തടം വെട്ടി എന്നാരോപിച്ചു പോലീസ് രജിസ്റ്റർ ചെയ്ത കേസിലെ പ്രതികൾ കുറ്റക്കാരല്ല എന്ന് കണ്ടു നെടുമങ്ങാട് എസ് സി / എസ് ടി കോടതി ജഡ്ജ് എ ഷാജഹാൻ വെറുതെ വിട്ടു. മഞ്ചാടിയിൽ താമസം ഷാഫി, സിറാജ്ജുദീൻ, രാമചന്ദ്രൻ, രാമചന്ദ്രൻ നായർ,, അൻവർ സാദത്ത്, ഗെoഗാധരൻ, അൻഷാദ്,നസീമ, ശോഭന എന്നിവരെയാണ് കോടതി വെറുതെ വിട്ടത്. ഡിവൈഎസ്പി ആർ . പ്രതാപൻ നായർ, ഡിവൈഎസ്പി ആർ . ചന്ദ്രശേഖരൻ പിള്ള, ഡിവൈഎസ്പി, ടി അജിത് കുമാർ എന്നി വരാണ് കേസുമായി ബന്ധപ്പെട്ട അന്വേഷണ നടപടികൾ പൂർത്തിയാക്കിയത്. പ്രതികൾക്ക് വേണ്ടി അഭിഭാഷകരായ. എം എ കാസിം, എസ് എസ്. ബിമൽ, അലിഫ്. കെ എസ് തുടങ്ങിയവർ ഹാജരായി.

ആദരവ് 2025 സംഘടിപ്പിച്ചു

മാരായമുട്ടം: കോണ്‍ഗ്രസ് മാരായമുട്ടം മണ്ഡലം കമ്മിറ്റിയുടെ കീഴില്‍ വരുന്ന അരുവിക്കര വാര്‍ഡില്‍ എസ്എസ്എല്‍സി, പ്ലസ്ടു, ഡിഗ്രി പരീക്ഷകളില്‍ ഉന്നത വിജയം നേടിയ വിദ്യാർഥികളെ അരുവിക്കര വാര്‍ഡ് കമ്മിറ്റി ആദരിച്ചു. എഐസിസി അംഗം നെയ്യാറ്റിന്‍കര സനല്‍ ഉദ്ഘാടനം ചെയ്തു. മാരായമുട്ടം മണ്ഡലം കമ്മിറ്റി വൈസ് പ്രസിഡന്‍റ് ശ്രീരാഗം ശ്രീകുമാര്‍ അധ്യക്ഷത വഹിച്ചു. കര്‍ഷക കോണ്‍ഗ്രസ് സംസ്ഥാന വൈസ് പ്രസിഡന്‍റ് എം.എസ്. അനില്‍ മാരായമുട്ടം മുഖ്യപ്രഭാഷണം നടത്തി. മാരായമുട്ടം മണ്ഡലം പ്രസിഡന്‍റ് ബിനില്‍ മണലുവിള, പാറശാല ബ്ലോക്ക് കമ്മിറ്റി സെക്രട്ടറി മണ്ണൂര്‍ ശ്രീകുമാര്‍, മണ്ണൂര്‍ ഗോപന്‍, ഗോപകുമാര്‍, വടകര ജയന്‍, അഡ്വ. ജോണി മാരായമുട്ടം, വാര്‍ഡ് മെമ്പര്‍മാരയായ കാക്കണം മധു, മഞ്ജുഷ ജയന്‍, മണ്ഡലം ഭാരവാഹികളായ എസ്.കെ. അനില്‍കുമാര്‍, ആർ.എ. അനില്‍കുമാര്‍, ശശീന്ദ്രന്‍ നായര്‍ പാട്ടവിള, ശ്രീവിദ്യ അരുവിക്കര, സുരേഷ് ഇടഞ്ഞി, കര്‍ഷക കോണ്‍ഗ്രസ് ജില്ലാ സെക്രട്ടറി അരുവിക്കര മണികണ്ഠന്‍, ജവഹര്‍ ബാലമഞ്ച് മണ്ഡലം കോ-ഓർഡിനേറ്റര്‍മാരായ നിഷ അക്കുഡേറ്റ്, സിജി അപ്‌ഡേറ്റ്, ഇടത്തി സുരേഷ്, ജെസ്റ്റിന്‍, ശ്രീകുമാര്‍, ശശിധരന്‍ നായര്‍ എന്നിവര്‍ നേതൃത്വം നല്‍കി.

അറിവ്-കരുപ്പൂര് ഗ്രന്ഥശാല ഉദ്ഘാടനം

നെടുമങ്ങാട്: കരുപ്പൂര്-ഉഴപ്പാക്കോണം കേന്ദ്രമാക്കി അറിവ് - കരുപ്പൂര് എന്ന പേരിൽ ഗ്രന്ഥശാല ജില്ലാലൈബ്രറി കൗൺസിൽ പ്രസിഡന്‍റും കിളിമാനൂർ ബ്ലോക്ക് പഞ്ചായത്ത് പ്രസിഡന്‍റുമായ ബി.പി. മുരളി ഉദ്ഘാടനം ചെയ്തു. നഗരസഭ സ്റ്റാൻഡിംഗ് കമ്മിറ്റി ചെയർമാൻ പി. ഹരികേശൻ നായർ അധ്യക്ഷനായി. ലൈബ്രറി സെക്രട്ടറി ടി.എസ്. സുരേഷ് സ്വാഗതം പറഞ്ഞു. താലൂക്ക് ലൈബ്രറി കൗൺസിൽ സെക്രട്ടറി ജി. രാജേന്ദ്രൻ, ഡോ. ബി. ബാലചന്ദ്രൻ, പി.ജി. പ്രേമചന്ദ്രൻ, കൗൺസിലർമാരായ ബിന്ദു, സംഗീത രാജേഷ്, സുമയ്യ മനോജ് എന്നിവരും കമ്മിറ്റി അംഗങ്ങളായ കുമാർ, ഫ്രാൻസിസ്, ബിനു എന്നിവർ പ്രസംഗിച്ചു. പ്രസിഡന്‍റ് രാജേഷ് നായർ നന്ദി പറഞ്ഞു.

എൻഎസ്എസ് പൊതുയോഗം

വെഞ്ഞാറമൂട്: കോലിയക്കോട് 3979-ാം നമ്പർ എൻഎസ്എസ് കരയോഗത്തിന്‍റെ പൊതുയോഗവും , തെരഞ്ഞെടുപ്പും കോലിയക്കോട്ട് നടന്നു. മേഖല കൺവീനർ അനിൽകുമാർ ഉദ്ഘാടനം ചെയ്തു. നെടുമങ്ങാട് താലൂക്ക് യൂണിയൻ സെക്രട്ടറി ബിജു, യൂണിയൻ ഇൻസ്‌പെക്ടർ മനോജ്‌ തുടങ്ങിയവർ തെരഞ്ഞെടുപ്പിനു നേതൃത്വവും നൽകി. ഭാരവാഹികളായി കോലിയക്കോട് മുരളീകൃഷ്ണൻ -പ്രസിഡന്‍റ്, അഡ്വ. കോലിയക്കോട് എം അശോകകുമാർ - വൈസ് പ്രസിഡന്‍റ്, രാധാകൃഷ്ണൻ നായർ ക്രോസാനി - സെക്രട്ടറി, മുണ്ടക്കൽ അനിൽകുമാർ - ജോയിന്‍റ് സെക്രട്ടറി, അരുൺകുമാർ - ഖജാൻജി, ശ്രീകുമാർ, രാധാകൃഷ്ണൻ നായർ, കെ. ജയകുമാർ, ബീന, മണിക്കുട്ടൻ നായർ, നീതു - എക്സിക്യൂട്ടീവ് കമ്മിറ്റി അംഗങ്ങൾ.

നിയോജക മണ്ഡലം കോര്‍ കമ്മിറ്റി

വെള്ളറട: കോണ്‍ഗ്രസ് പാറശാല നിയോജക മണ്ഡലം കോര്‍ കമ്മിറ്റിയോഗം ചേർന്നു. നെയ്യാറ്റിന്‍കര സനല്‍ അധ്യക്ഷത വഹിച്ച യോഗത്തില്‍ മുന്‍ എംഎല്‍എ എ.ടി. ജോര്‍ജ്, ആര്‍. വത്സലന്‍, അഡ്വ. ഗിരീഷ് കുമാര്‍, അഡ്വ. ജോണ്‍, അഡ്വ: മഞ്ചവിളാകം ജയന്‍, സോമന്‍കുട്ടി നായര്‍, കെ. ദസ്തഗീര്‍, എം. രാജ്‌മോഹന്‍, ബാബുക്കുട്ടന്‍ നായര്‍, നിര്‍മല, വത്സല രാജു, വിജയ ചന്ദ്രന്‍, കൊല്ലിയോട് സത്യനേശന്‍ തുടങ്ങിയ പ്രമുഖരായ നേതാക്കള്‍ സംസാരിച്ചു.

ബൈക്ക് മതിലിൽ ഇടിച്ച് പരിക്കേറ്റ യുവാവ് മരിച്ചു

പൂവാർ: അമിത വേഗതയിൽ നിയന്ത്രണം വിട്ട ബൈക്ക് മതിലിൽ ഇടിച്ച് കയറി പരിക്കേറ്റ് യുവാവ് മരിച്ചു. നെയ്യാറ്റിൻകര മണലൂർ സിഎസ്ഐ പള്ളിക്ക് സമീപം പി. കെ. നിവാസിൽ ജയന്‍റെയും സുജയുടെയും മകൻ അഖിൽ (22) ആണ് മരിച്ചത്. കഴിഞ്ഞദിവസം രാത്രി 11 ന് പൂവാർ തെറ്റിക്കാട് ഫയർ സ്റ്റേഷന് സമീപമായിരുന്നു അപകടം. ബൈക്ക് ഇടിച്ചുണ്ടായ വീഴ്ചയിൽ തല റോഡുവക്കിലെ സ്ലാബിൽ ഇടിച്ച് ഗുരുതരമായി പരുക്കേറ്റിരുന്നു. നാട്ടുക്കാരുടെ സഹായത്തോടെ ഉടൻ തന്നെ നെയ്യാറ്റിൻകര ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അഖിൽ എൽഎൽബി പഠനം കഴിഞ്ഞ് ഉപരി പഠനത്തിനായി തയ്യെറുക്കുകയായിരുന്നു. സുഹൃത്തി ന്‍റെ വീട്ടിൽ പോയ ശേഷം തിരികെ മടങ്ങുമ്പോഴാണ് അപകടമുണ്ടായതെന്ന് ബന്ധുക്കൾ പറയുന്നു. പോസ്റ്റുമോർട്ടത്തിന് ശേഷം സംസ്കാരം നടത്തി. പൂവാർ പോലീസ് കേസെടുത്തു. സഹോദരൻ അഭിജിത്ത്.

റാങ്ക് ജേതാവിനെ അനുമോദിച്ചു

നെയ്യാറ്റിൻകര : എല്‍എല്‍ബി പരീക്ഷയില്‍ പത്താം റാങ്ക് നേടിയ ജി.എ. പൂജയെ നെയ്യാറ്റിന്‍കര അസോസിയേഷന്‍ ഫോര്‍ റൂറല്‍ ഡവലപ്പ്മെന്‍റ് (നാര്‍ഡ്) അനുമോദിച്ചു. ഡോ. ജി.ആര്‍. പബ്ലിക് സ്കൂളില്‍ നടന്ന ചടങ്ങില്‍ നാര്‍ഡ് ചെയര്‍മാന്‍ ജെ. ജോസ് ഫ്രാങ്ക്ളിന്‍ അധ്യക്ഷനായി. സ്കൂള്‍ പ്രിന്‍സിപ്പാള്‍ ഷംനാ ബീഗം പൂജയ്ക്ക് ഉപഹാരം സമ്മാനിച്ചു. നെയ്യാറ്റിൻകര നഗരസഭ പൊതു മരാമത്ത് സ്റ്റാന്‍ഡിംഗ് കമ്മിറ്റി ചെയർപേഴ്സണ്‍ അജിതയുടെയും മുന്‍ കൗണ്‍സിലര്‍ ഗോപീകൃഷ്ണന്‍റെയും മകളാണ് പൂജ.

കാരാളി പഴയറോഡിൽ കാൽനടയാത്രപോലും ദുസ്സഹം

പാറശാല: തകര്‍ന്നു തരിപ്പണമായി കുണ്ടും കുഴിയും നിറഞ്ഞ് കാല്‍നട യാത്രക്കാര്‍ക്കു പോലും യാത്ര ദുസ്സഹമായി കാരാളി പഴയറോഡ്. ചരക്കു ഗതാഗതം നടത്തിയിരുന്ന പഴയകാല രാജ പാതയുടെ ഭാഗമായിരുന്നു ഈറോഡ്. കാരാളിക്കു സമീപം ചാനല്‍ ക്രോസിന് താഴ്ഭാഗത്തു നൂറു മീറ്ററോളം ദൂരത്തെ റോഡ് ദുരവസ്ഥയിലായിട്ടു നാളേറെയായി. റോഡ് സഞ്ചാരയോഗ്യമാക്കണമെന്ന ആവശ്യവുമായി നാട്ടുകാര്‍ കയറിയിറങ്ങാന്‍ ഇനി ഓഫീസുകളില്ല. നിവര്‍ത്തിയില്ലാതെ ഇടയ്ക്കിടെ നാട്ടുകാര്‍ മെറ്റലും പാറപൊടിയും ഉപയോഗി ച്ചു കുഴികള്‍ മൂടിയാലും അടുത്ത മഴയില്‍ ഒലിച്ചുപോയി പഴയ സ്ഥിതിയിലാകും. ഇതിനുമുന്‍പ് 2016ലാണ് എംഎല്‍എ ഫണ്ടില്‍നിന്നും ഒന്‍പത് ലക്ഷം രൂപ മുടക്കി റോഡ് അറ്റകുറ്റപ്പണി നടത്തിയത്. അതിനുശേഷം ഇതു വരെയും കാര്യമായ നവീകരണ പ്രവര്‍ത്തനങ്ങളൊന്നും നടന്നില്ല. ഇതുവഴി റോഡിനു കുറുകെയാണു നെയ്യാര്‍ ഇറിഗേഷന്‍റെ ഇടതുകര ചാനല്‍ കടന്നു പോകുന്നത്. ചാനലില്‍ എക്കലും മാലിന്യങ്ങളും അവിടവിടെ കെട്ടിക്കിടക്കുന്നതുമൂലം വെള്ളം സുഗമമായി ഒഴുകി പോകുന്നതിനും തടസം നേരിടുന്നു. ഇതുകാരണം മിക്കപ്പോഴും ചാനലില്‍നിന്നും വെള്ളം കരകവിഞ്ഞ് റോഡിലൂടെ ഒഴുകി ക്രോസ് ചെയ്ത് കാരാളി തോട്ടിലേക്കു പതിക്കുന്നുണ്ട്. നിരന്തരം റോഡിലെ ടാറിനു മുകളിലൂടെയാണു വെള്ളം ഒഴുകുന്നത്. ഇതുമൂലം ടാര്‍ ഇളകിഒലിച്ചുപോകുന്നു. രാത്രികാലങ്ങളില്‍ അമിത ഭാരം കയറ്റിയ ടിപ്പറുകളുടെയും മറ്റു വാഹനങ്ങളുടെ അനിയന്ത്രിതമായ യാത്രയും റോഡ് പൊട്ടിപൊളിയാനുള്ള മറ്റൊരു കാരണമാണ്. കുത്തിറക്കമായതിനാല്‍ പലപ്പോഴും ഇരുചക്രവാഹനങ്ങള്‍ തെന്നിമാറി വീണ് അപകടവും പതിവാണ്. കാല്‍നടയാത്ര അസാധ്യവും. ശാസ്ത്രീയമായി റോഡു നവീകരിച്ച് സഞ്ചാരയോഗ്യമാക്കമെന്നാണ് നാട്ടുകാരുടെ ആവശ്യം. അല്ലാത്ത പക്ഷം സമരവുമായി മുന്നോട്ട് പോകാനാണു തീരുമാനം.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]