ADVERTISEMENT

ADVERTISEMENT

ലഹരിക്കെതിരെ പ്രതിരോധം; അമൃതയിൽ ബോധവത്്കരണപരിപാടി

അമൃതപുരി (കൊല്ലം): ലഹരിയുടെ ആസക്തി സമൂഹത്തിനെതിരെ ഉയർത്തുന്ന ഭീഷണിക്കെതിരെ അമൃത വിശ്വവിദ്യാപീഠം അമൃതപുരി കാമ്പസിൽ ബോധവൽക്കരണ പരിപാടി സംഘടിപ്പിച്ചു.

അമൃത വിശ്വവിദ്യാപീഠം അമൃതപുരി കാമ്പസിലെ ഇന്‍റേണൽ ക്വാളിറ്റി അഷ്വറൻസ് സെൽ കേരളാ പോലീസിന്‍റെ സഹകരണത്തോടെ സംഘടിപ്പിച്ച ഏകദിന ബോധവൽക്കരണ പരിപാടിയിൽ തിരുവനന്തപുരം റേഞ്ച് ഡെപ്യൂട്ടി ഇൻസ്‌പെക്ടർ ജനറൽ ഓഫ് പോലീസ് അജിത ബീഗം , കൊല്ലം സിറ്റി പോലീസ് കമ്മീഷണർ കിരൺ നാരായൺ , കരുനാഗപ്പള്ളി എ എസ് പി അഞ്ജലി ഭാവന എന്നിവർ മുഖ്യാതിഥികളായി.

ചടങ്ങിൽ അമൃത സ്‌കൂൾ ഓഫ് എൻജിനീയറിങ് വിഭാഗം അസോസിയേറ്റ് ഡീൻ ഡോ. എസ് .എൻ .ജ്യോതി, സ്പിരിച്വൽ ആന്‍റ് കൾച്ചറൽ സ്റ്റഡീസ് പ്രിൻസിപ്പാൾ അച്യുതാമൃത ചൈതന്യ, സി ഐ ആർ വിഭാഗം മേധാവി വിശ്വനാഥാമൃത ചൈതന്യ, സ്റ്റുഡന്‍റ് അഫയേഴ്‌സ് ചെയർമാൻ പ്രഫ.എ .ആർ .ജി .മേനോൻ എന്നിവർ പങ്കെടുത്തു.

ഉദ്ഘാടന ചടങ്ങിനുശേഷം നടന്ന ബോധവൽക്കരണ സെഷനിൽ മുഖ്യാതിഥികൾക്ലാസുകളെടുത്തു. ചടങ്ങിൽ പങ്കെടുത്ത വിദ്യാർഥികൾ ഉൾപ്പെടെയുള്ളവർ അതിഥികളുമായി സംവദിച്ചു.

ADVERTISEMENT

ദേശീയപാത വികസനം: തിരുമുക്കിലെ അടിപ്പാത പുനർനിർമിക്കണം

ചാത്തന്നൂർ: ദേശീയപാത വികസന ഭാഗമായി ചാത്തന്നൂർ തിരുമുക്കിൽ പണിത അടിപ്പാത പെ ളിച്ച് പുനർ നിർമിക്കണമെന്ന ആവശ്യം ശക്തമായി. ഈ ആവശ്യം ഉന്നയിച്ച് ചാത്തന്നൂർ വികസന സമിതി ദേശീയപാത അഥോറിറ്റി ചെയർമാന് നിവേദനം നൽകി. നിലവിലുള്ള അടിപ്പാതജനങ്ങളെനട്ടംതിരിക്കുന്നതാണ്. ചെറിയ വാഹനങ്ങൾക്ക് കടന്നുപോകാൻ മാത്രമായാണ് ഇവിടെ അടിപ്പാത (എസ് വിയുപി) നിർമിച്ചിരിക്കുന്നത്.അടിപ്പാതയുടെ ഇരുവശത്തും വാഹനങ്ങൾക്ക് വന്നുതിരിഞ്ഞു പോകാൻ ഏറെ പ്രയാസമുണ്ടാക്കുന്ന തരത്തിലാണിതിന്‍റെ നിർ മാണമെന്നാണ് ആക്ഷേപം. ജി ല്ലയിലെ ഏറെ പ്രധാനപ്പെട്ട ഒരു ജംഗ്ഷനാണ് ചാത്തന്നൂർ തിരുമു ക്ക്. കൊല്ലം-പരവൂർ-വർക്കല തുട ങ്ങിയ സ്ഥലങ്ങളിലേക്ക് പോകുന്ന സംസ്ഥാന പാത ഇവിടെനിന്നാണ് ആരംഭിക്കുന്നത്. പരവൂർ ഭാഗത്തുനിന്നു വരുന്ന യാത്രാവാഹനങ്ങൾ അടക്കമുള്ള ഒരു വാഹനത്തിനും തൊട്ടടുത്ത ചാത്തന്നൂർ ജംഗ്ഷനിലേക്ക് ഈ അടിപ്പാത വഴി പോകുക സാധ്യമ ല്ല . ചാത്തന്നൂർ നിയമസഭാമണ്ഡലത്തിലെ അഗ്നിരക്ഷാനിലയം പരവൂരിലാണുള്ളത്. ചാത്തന്നൂർ പ്രദേശങ്ങളിൽ എന്തെങ്കിലും അത്യാഹിതം സംഭവിച്ചാൽ അഗ്നിരക്ഷാസേനയ്ക്ക് ഇതുവഴി ചാത്തന്നൂരിലേക്ക് പെട്ടെന്ന് എത്തിച്ചേരാൻ കഴിയാത്ത വിധമാണ് നി ലവിലെ അടിപ്പാതയുടെ നിർമാണം നടത്തിയിരിക്കുന്നത്.ആയിരക്കണക്കിന് വിദ്യാർഥികൾ പഠിക്കുന്ന ചാത്തന്നൂരിലെ ഗവ. വൊക്കേഷണൽ ഹയർ സെക്കൻഡറി സ്കൂൾ, എൻഎൻഎസ് ഹയർ സെക്കൻഡറി സ്കൂൾ എന്നിവിടങ്ങളിലേക്ക് എത്തിച്ചേരാനും ഏറെ ബുദ്ധി മുട്ടേണ്ടിവരും. ജനങ്ങളുടെ വികസന ആവശ്യങ്ങളോ പ്രദേശത്തിന്‍റെ പ്രത്യേകതകളോ പരിഗണിക്കാ തെയാണ് ഡിപിആർ (വിശദ പദ്ധ തിരേഖ) തയാറാക്കിയതെന്നാണ് ആക്ഷേപം. വലിയ വാഹന ങ്ങൾക്ക് കടന്നുപോകാൻ കഴിയുന്ന തരത്തിൽ തിരുമുക്കിലെ അടിപ്പാത പുനർനിർമിക്കണമെന്നാണ് ആവശ്യം. ഈ ആവശ്യമുന്നയിച്ച്ചാത്തന്നൂർ വികസനസമിതി ദേശീയപാത അഥോറിറ്റി ചെയർമാൻ, റിജിണൽ ഓഫീസർ, പ്രോജക്ട് ഡയറക്ടർ എന്നിവർക്ക് നിവേദനം സമർപ്പിച്ചു.നിലവിലെ വിഷയം സംബന്ധിച്ച് വികസനസമിതി നിരവധി പരാതികൾ ചെയർമാനും റീജിണൽ ഓഫീസർക്കും പ്രോജക്ട് ഡയറക്ടർക്കും നൽകിയിരുന്നു. പ്രോജക്ട് ഡയറക്ടറുമായി നടത്തിയ യോഗത്തിൽ ഗൗരവമായി പ്രശ്നം ഉന്നയിക്കുകയും ചെയ്തിരുന്നെങ്കിലും ഒരു ഫലവും ഇതുവരെയും ഉണ്ടായിട്ടില്ല. ഈ സാഹചര്യത്തിലാണ് വീണ്ടും നിവേദനം നൽകിയത്. ജനങ്ങൾക്കുവേണ്ടിയാണ് ദേശീയപാത വികസനം നടത്തുന്നതെങ്കിൽ അവരുടെ ആവശ്യങ്ങൾകുടി പരിഗണിക്കാൻ ദേശീയപാതാ അഥോറിറ്റി തയാറാകുകയാണ് വേണ്ടതെന്ന് വിക സനസമിതി ഭാരവാഹികൾ പറഞ്ഞു. ചാത്തന്നൂർ തിരുമുക്കിലെ അടിപ്പാത സംബന്ധിച്ച വിഷയം കൂടി പുനഃപരിശോധിക്ക ണമെന്നും വലിയ വാഹനങ്ങൾ ക്ക് സൗകര്യപ്രദമായി കടന്നു പോകാൻ കഴിയുന്ന തരത്തിൽ അടിപ്പാത പുനർനിർമിക്കണമെന്നുമാണ് നിവേദനത്തിൽ ആവശ്യപ്പെട്ടിട്ടുള്ളതെന്ന് വികസന സമിതി ചെയർമാൻ ജി. രാജശേഖരനും കൺവീനർ ജി.പി.രാജേഷും പറഞ്ഞു.

വൈദ്യുതി ബന്ധം പുന:സ്ഥാപിച്ചില്ല ; റോഡിൽ മെഴുകുതിരി ദീപം വച്ച് പ്രതിഷേധിച്ചു

കുണ്ടറ: വൈദ്യുതി അഭാവം പുനസ്ഥാപിക്കാൻ നാലു ദിവസമായിട്ടും അധികൃതർക്ക് കഴിയാത്തതിനെതുടർന്ന് റോഡിൽ മെഴുകുതിരി ദീപം വച്ച് പ്രതിഷേധിച്ചു. പെരുമ്പുഴ കല്ലുപാലക്കട കലാസമിതി ഭാഗത്താണ് മ ഴക്കെടുതി മൂലമുണ്ടായ വൈദ്യുതി അഭാവം പുനസ്ഥാപിക്കാൻ നാലു ദിവസമായിട്ടും അധികൃതർക്ക് കഴിയാതായത്. സ്ഥലം മെമ്പർമാർ മറ്റ് സാമൂഹ്യ പ്രവർത്തകർ തുടങ്ങി എല്ലാവർക്കും പരാതി നൽകിയിട്ടും നടപടി എടുക്കാത്തതിനാലാണ് നാട്ടുകാർ മെഴുകുതിരി റോഡിൽ കത്തിച്ചുവച്ച് പ്രതിഷേധം നടത്തിയത്. ഇത് മൂലം ജനങ്ങളുടെ എല്ലാ ദൈനംദിന കാര്യങ്ങളും മുടങ്ങിയ അവസ്ഥയിലാണ്. ഫിനാൻസ് ഇട്ട് ഇലക്ട്രിക് ഓട്ടോറിക്ഷ എടുത്ത കാൻസർ രോഗികൾ വരെ ഉള്ള നിരവധി വീട്ടുകാർ ഈ മേഖലയിലുണ്ട്. അവരുടെ മരുന്നിന്‍റെ സാമ്പത്തികവും, വാഹനത്തിന്‍റെ അടവും എല്ലാം ഈ വാഹനത്തെ ആശ്രയിച്ചാണ് നടക്കുന്നത് .കഴിഞ്ഞ നാല് ദിവസമായി ഉണ്ടായ ഈ അഭാവം മൂലം തങ്ങൾക്കുണ്ടായ കഷ്ടം നഷ്ടങ്ങൾ എങ്ങനെ നികത്തുമെന്ന് അറിയാത്ത അവസ്ഥയിലാണ് നാട്ടുകാർ. എന്നാൽ കെഎസ്ഇബി അധികൃതർ പറയുന്നത് സ്റ്റാഫുകളുടെ അഭാവം മൂലം എല്ലാഇടവും എത്തിപ്പറ്റാൻ കഴിയാത്ത അവസ്ഥ ആണെന്നാണ്. എഴുകോൺ കെ എസ് ഇ ബി സബ്സ്റ്റേഷൻ പരിധിയിൽ വരുന്ന കരിപ്പുറം കടമാൻതടം മേഖലയിലും ഇതേ അവസ്ഥ തുടരുകയാണ്. 24 മണിക്കൂറിനകം ബദൽ സംവിധാനം ഒരുക്കി നൽകേണ്ട നിയമം നിലനിൽക്കേയാണ് കെഎസ്ഇബിയുടെ ഈ അലംഭാവം. ഇത് തുടരുകയാണെങ്കിൽ ശക്തമായ പ്രതിഷേധ നടപടികളുമായി മുന്നോട്ടു പോകുമെന്ന് നാട്ടുകാർ പറയുന്നു.

കുട്ടികളുടെ നൈപുണ്യ ശേഷികൾ കണ്ടെത്താൻ അങ്കണവാടികൾക്ക് കഴിയണം : മന്ത്രി കെ.എൻ.ബാലഗോപാൽ

എഴുകോൺ: തുടക്കത്തിലേ കുട്ടികളുടെ നൈപുണ്യ ശേഷികൾ കണ്ടെത്താനും ആരോഗ്യ - വിദ്യാഭ്യാസ കാര്യങ്ങളിൽ അടിത്തറ പാകാനും അങ്കണവാടികൾക്ക് കഴിയണമെന്ന് മന്ത്രി കെ .എൻ. ബാലഗോപാൽ. എഴുകോണിൽ പുതുതായി ആരംഭിച്ച അങ്കണവാടിയുടെ ഉദ്ഘാടനം നിർവഹിക്കുകയായിരുന്നു അദ്ദേഹം.പ്രാദേശിക വികസന ഫണ്ടിൽ നിന്ന് വകയിരുത്തിയ 18,02,000 രൂപ വിനിയോഗിച്ചാണ് എഴുകോൺ എസ്എച്ച് വാർഡിലെ 80ാം നമ്പർ അങ്കണവാടി നിർമിച്ചത്. സംസ്ഥാനത്തെ അങ്കണവാടികൾക്ക് സ്മാർട്ട്ഫോണുകൾ വാങ്ങാൻ 30 കോടി രൂപയും അനുവദിച്ചു. എഴുകോണിലെ മാർക്കറ്റ്, ഷോപ്പിംഗ്, ഓഫീസ് കോംപ്ലക്സുകളുടെ നിർമാണത്തിനായി മൂന്ന് കോടി രൂപ ആസ്തി വികസന ഫണ്ടിൽ നിന്നും വകയിരുത്തി. ജില്ലയുടെ ക്രിക്കറ്റ് തലസ്ഥാനമാകുന്ന എഴുകോണിലെ റോഡുകളുടെ നവീകരണം പുരോഗമിക്കുന്നു. വിഴിഞ്ഞം പദ്ധതി വഴി കൊല്ലം-പുനലൂർ മേഖലയിൽ പുതിയ വ്യവസായ സംരംഭങ്ങൾ ഉയരുമെന്നും കൊട്ടാരക്കരയിൽ ഉയരുന്ന സോഹോയുടെ ഐ ടി പാർക്ക്‌ ഉടൻ പൂർത്തിയാകുമെന്നും എഴുകോണിലെ അടിസ്ഥാന സൗകര്യങ്ങൾ മെച്ചപ്പെടുത്താൻ കൂടുതൽ പദ്ധതികൾ വരികയാണെന്നും അദ്ദേഹം കൂട്ടിച്ചേർത്തു. കൊട്ടാരക്കര ബ്ലോക്ക്‌ പഞ്ചായത്ത്‌ പ്രസിഡന്‍റ് എ .അഭിലാഷ്, ജില്ലാ പഞ്ചായത്ത് അംഗം അഡ്വ. സുമലാൽ, അഡ്വ. ബിജു എബ്രഹാം, ബ്ലോക്ക്‌-ഗ്രാമ പഞ്ചായത്ത്‌ അംഗങ്ങൾ ,അങ്കണവാടി പ്രവർത്തകർ, ഐ സി ഡി എസ് ഉദ്യോഗസ്ഥർ തുടങ്ങിയവർ പങ്കെടുത്തു.

യൂത്ത് കോൺഗ്രസ് പെരുമ്പുഴ വൈദ്യുതി ഓഫീസിലേയ്ക്ക് മാർച്ച് നടത്തി

കൊട്ടിയം: വൈദ്യുതി ബോർഡിന്‍റെ അനാസ്ഥമൂലം പൊട്ടിക്കിടന്ന കമ്പിയിൽ നിന്ന് വൈദ്യുതാഘാതംഏറ്റ്അച്ഛൻ മരിക്കുകയും മകൾ ഗുരുതര പരുക്കുകളോടെ ആശുപത്രിയിൽ പ്രവേശിപ്പിക്കുകയും ചെയ്തതിൽ കെഎസ്ഇബി അനാസ്ഥയാരോപിച്ച് പെരുമ്പുഴ ഇലക്ട്രിക്കൽ സെക്ഷൻ ഓഫീസിലേക്ക് യൂത്ത് കോൺഗ്രസ് മാർച്ചും, പ്രതിഷേധ യോഗവും സംഘടിപ്പിച്ചു. മാർച്ച് കെഎസ്ഇബി ഓഫീസിന് മുന്നിൽ പോലീസ് തടഞ്ഞു. ഓഫീസിനുള്ളിലേക്ക് തള്ളിക്കയറാൻ ശ്രമിച്ചത് സംഘർഷത്തിന് കാരണമായി.ഡിസിസി ജനറൽ സെക്രട്ടറി ഫൈസൽ കുളപ്പാടം മാർച്ച്‌ ഉദ്ഘാടനം ചെയ്തു. പെരുമ്പുഴ തലപ്പറമ്പ് ജംഗ്ഷന് സമീപം നാല് ദിവസങ്ങളായി കറണ്ട് ഇല്ലാത്ത, സാഹചര്യത്തിൽ ഉത്തരവാദിത്വപ്പെട്ട കെഎസ്ഇബി ഉദ്യോഗസ്ഥർ അനധികൃതമായി സർവീസ് വയർ ജോയിന്‍റ് ചെയ്തു കൊടുത്തതിലുള്ള പാളിച്ചയാണ് വൈദ്യുതി പ്രവഹിച്ച് ഗോപാലകൃഷ്ണപിള്ള മരിക്കുവാൻ ഇടയായത്. കെഎസ്ഇബിയുടെ അനാസ്ഥ മൂലമാണ് ജീവൻ പൊലിഞ്ഞതെന്നും അതിനാൽ അടിയന്തര ധനസഹായം കുടുംബത്തിന് നൽകണമെന്നും, ഇതിന് കാരണക്കാരായ കെഎസ്ഇബി ഉദ്യോഗസ്ഥരുടെ പേരിൽ നരഹത്യയ്ക്ക് കേസെടുക്കുവാൻ പോലീസ് തയാറാകണമെന്നും, ഇതുമായി ബന്ധപ്പെട്ട് മനുഷ്യാവകാശ കമ്മീഷനും പോലീസിനും പരാതി നൽകുമെന്നും ഫൈസൽ കുളപ്പാടം പറഞ്ഞു. ഷാൻ മുട്ടയ്ക്കാവ് അധ്യക്ഷനായി. യുഡിഎഫ് കുണ്ടറ നിയോജകമണ്ഡലം കമ്മിറ്റി ചെയർമാൻ കുരീപ്പള്ളി സലിം, കോൺഗ്രസ് മണ്ഡലം പ്രസിഡന്‍റുമാരായ വിനോദ് ജിപിള്ള, ഗോപകുമാർ, വിനോദ് കോണിൽ, അതുൽ പള്ളിമൺ, റെക്സൺ, ഹാരോൺ, ജയൻ തട്ടാർകോണം, ഷാജഹാൻ ഇളംപള്ളൂർ,സൽമാൻ വിളയിൽ,വിളവീട്ടിൽ മുരളി, ഗ്രാമപഞ്ചായത്ത് മെമ്പർമാരായ മിനി, സിന്ധു ഗോപൻ, മഹിളാ കോൺഗ്രസ് ജില്ലാ സെക്രട്ടറി സുവർണ ,തുടങ്ങിയവർ നേതൃത്വം നൽകി. എക്സിക്യൂട്ടീവ് എൻജിനീയർക്ക് പരാതി രേഖാമൂലം നൽകുകയുംചെയ്തു. കുറ്റക്കാർക്കെതിരെ നടപടിയെടുക്കുമെന്ന ഉറപ്പിന്മേൽ സമരം താൽക്കാലികമായി അവസാനിപ്പിക്കുകയും ചെയ്തു.

കോൺഗ്രസ് സമാഹരിച്ച ധനസഹായം കൈമാറി

കൊട്ടിയം: കണ്ണനല്ലൂർ ചേരികോണത്ത് മഞ്ഞപ്പിത്തം ബാധിച്ച് മരണപ്പെട്ട കുട്ടികളുടെ കുടുംബത്തിന് ഇന്ത്യൻ നാഷണൽ കോൺഗ്രസ് തൃക്കോവിൽവട്ടം ബ്ലോക്ക് കമ്മിറ്റിയുടെ ആഭിമുഖ്യത്തിൽ സമാഹരിച്ച ധനസഹായം കെപിസിസി വർക്കിംഗ് പ്രസിഡന്‍റ് പി.സി. വിഷ്ണുനാഥ് എംഎൽഎ കൈമാറി. മഞ്ഞപ്പിത്തം ബാധിച്ചു സ്വകാര്യ ആശുപത്രിയിൽ ചികിത്സയിലായിരുന്ന ഇളയ കുട്ടിയുടെചികിത്സാ ചെലവ് നേരത്തെ പി.സി. വിഷ്ണുനാഥ് എംഎൽഎ ഏറ്റെടുത്തിരുന്നു.ഫൈസൽ കുളപ്പാടം, കണ്ണനല്ലൂർ എ. എൽ. നിസാമുദീൻ, കുരീപ്പള്ളി സലിം,സുധീർ ചെരിക്കോണം, കെ. ആർ. സുരേന്ദ്രൻ, ബിജു, രാധാകൃഷ്ണൻ മുഖത്തല, റാണി ചെരിക്കോണം, ഷമീർ ചെരിക്കോണം, തുടങ്ങിയവർ സന്നിഹിതനായിരുന്നു. കണ്ണനല്ലൂർ ചേരിക്കോണത്ത് മഞ്ഞപ്പിത്തം ബാധിച്ച് മരിച്ച സഹോദരിമാരുടെ കുടുംബത്തിന് കോൺഗ്രസ് സമാഹരിച്ച ധനസഹായം പി.സി.വിഷ്ണുനാഥ് എം എൽ എ കൈമാറുന്നു.

അക്ഷര മധുരം നുകരാനെത്തിയ കുരുന്നു ശലഭങ്ങളെ സ്വീകരിച്ച് സ്കൂളുകൾ

കൊല്ലം: ആദ്യാക്ഷരത്തി െ ന്‍റ അമൃത് നുകരാനായി പറന്നെത്തിയ കുരുന്നു ശലഭങ്ങളെ സ്വീകരിച്ച് ജില്ലയിലെ സ്കൂളുകൾ. ചിത്രശലഭങ്ങൾ കണക്കെ പാറി പരിലസിക്കുന്ന കുരുന്നുകൾക്ക് ഇന്ദ്രിയാനുഭവങ്ങളിലൂടെ പുത്തനറിവുകൾ സ്വായത്തമാക്കാനിണങ്ങുന്ന വർണക്കൂടാരം അവർക്ക് അത്ഭുതങ്ങളുടെ ലോകം തുറക്കുന്നതായിരുന്നു. കൊല്ലം: തങ്കശ്ശേരി ഇൻഫന്‍റ് ജീസസ് ആംഗ്ലോ-ഇന്ത്യൻ ഹയർ സെക്കന്‍ററി സ്കൂളിൽ നടന്ന പ്രവേശനോത്സവം മുൻ ലോക്കൽ മാനേജർ ഫാ. റൊമാൻസ് ആന്‍റണി ഫ്ലാഗ് ഉയർത്തിയതോടെയാണ് ആരംഭിച്ചത്. പ്രിൻസിപ്പൽ റവ. ഡോ. സിൽവി ആന്‍റണി അധ്യക്ഷത വഹിച്ചു. ജൂനിയർ പ്രിൻസിപ്പൽ ഡോണാ ജോയിപ്രസംഗിച്ചു. ഫാ. റൊമാൻസ് ആന്‍റണി ഉദ്ഘാടനം നിർവഹിച്ചു. കുട്ടികളിൽ അറിവും സ്വഭാവ രൂപീകരണവും രൂപാന്തരീകരണവും നടക്കേണ്ട ഇടമാണ് വിദ്യലയങ്ങളെന്ന് അദ്ദേഹം പറഞ്ഞു. കൊല്ലം: ഗവ.ടി ടി ഐയിൽ അറിവരങ്ങിലേക്ക് എത്തിചേർന്ന കുരുന്നുകളെ ഡിവിഷൻ കൗൺസിലറും മുൻ മേയറുമായ പ്രസന്ന ഏണസ്റ്റ് ആണ് സ്വീകരിച്ചത്. അക്ഷര മധുരം നുകരാനായെത്തി ചേർന്ന കുരുന്നുകൾക്കിത് നേരി െ ന്‍റ പുത്തനറിവുകൾ ആർജിക്കുന്നതിനുള്ള നാന്ദി കുറിക്കലാണ് ഓരോ പ്രവേശനോത്സവവുമെന്ന് പ്രസന്ന ഏണസ്റ്റ് ആശംസിച്ചു. അത്യാധുനിക നിലവാരത്തിലുള്ള സ്മാർട്ട് ക്ലാസ് റൂമുകൾ, യുക്തിബോധവും ശാസ്ത്ര ചിന്തയും വളർത്താനിണങ്ങുന്ന ശാസ്ത്ര, ജ്യോതിശാസ്ത്ര പാർക്ക്, എ ഐ -യുടെ പുത്തൻ സാങ്കേതിക വിദ്യകൾ ആർജിക്കാനിണങ്ങുന്ന ഐ ടി പാർക്ക് എന്നിവ ഗവ ടി ടി ഐയുടെ പ്രത്യേകതകളാണ്. ചടങ്ങിൽ പ്രിൻസിപ്പാൾ ഇ.ടി.സജി അധ്യക്ഷത വഹിച്ചു. സ്റ്റാഫ് സെക്രട്ടറി ജി.ലെനൊ, അധ്യാപകരായ പി.കെ.ഷാജി, ഇ.എം.അൻസർ, സുലത രാമചന്ദ്രൻ, എൻ.ആർ. ജീന, സി.പി. ഗീതാകുമാരി എന്നിവർ നേതൃത്യം നൽകി. കൊല്ലം: ഉളിയക്കോവിൽ സെന്‍റ് മേരീസ് പബ്ലിക് സ്കൂ‌ളിൽ പ്രവേശനോൽസവം 2025 സ്‌കൂൾ ചെയർമാൻ ഡോ. ഡി. പൊന്നച്ചൻ പതാക ഉയർത്തി ഉദ്ഘാടനം ചെയ്തു. സ്‌കൂൾ പ്രിൻസിപ്പാൾ മഞ്ജു രാജീവ് ,ചാത്തന്നൂർ സൈലോർ ശ്രീ നികേതൻ സെൻട്രൽ സ്‌കൂൾ പ്രിൻസിപ്പാൾ കിഷോർ ആന്‍റ ണി , റവ. ഫാ. മാത്യൂ തോമസ് ,അക്കാഡമിക് കോർഡിനേറ്റർ എൽ. ഗിരിജാ എന്നിവർ പ്രസംഗിച്ചു. വിദ്യാർഥിവിദ്യാർഥി നികൾ അവതരിപ്പിച്ച സ്വാഗത നൃത്ത ശില്‌പവും വിവിധ കലാ പരിപാടി കളും ചടങ്ങിന് മാറ്റ് കൂട്ടി. ഓൺലൈൻ പേജിയന്‍റ് ഷോ ആയ അറോറ 2025 വിജയികൾക്കും, സമ്മർ ക്യാമ്പ് അംഗങ്ങൾക്കും 2025 ബോർഡ് പരീക്ഷയിൽ ഉന്നത വിജയം കരസ്ഥമാക്കിയ 10, 12 ക്ലാസിലെ വിദ്യാർഥികൾക്കുളള അവാർഡുകൾ വിതരണം ചെയ്‌തു. ബിഷൻ ക്രിസ്റ്റോ, അനഘ അജിത്ത്, സനിത ,അജ്‌മൽ ,നിതിൻ തോമസ് എന്നിവർ പരിപാടികൾ ഏകോപിപ്പിച്ചു. കുളത്തൂപ്പുഴ: പട്ടിക വർഗ വികസന വകുപ്പിന്‍റെ മേൽനോട്ടത്തിൽ അരിപ്പയിൽ പ്രവർത്തിക്കുന്ന മോഡൽ റസിഡൻഷൽ സ്കൂളിൽ പ്രവേശനോൽസവം സംഘടിപ്പിച്ചു. അക്ഷര മധുരം നുകരാനായി സ്കൂളിൽ എത്തിയ കുരുന്നുകളെ അധ്യാപകരും പട്ടിക വർഗ വകുപ്പ് ജീവനക്കാരും വരവേറ്റ് വർണ കുടകളും ബലൂണുകളും കൊണ്ട് അലങ്കരിച്ച ഹരിത ക്യാമ്പസിലേക്ക് ആനയിച്ചു. പി ടി എ പ്രസിഡന്‍റ് എം.ആര്യ അധ്യക്ഷത വഹിച്ച യോഗത്തിൽ പ്രവേശനോത്സവ ഉദ്ഘാടനം അഞ്ചൽ ബ്ലോക്ക് പഞ്ചായത്ത് മെമ്പർ റീനാ ഷാജഹാൻ നിർവഹിച്ചു. ജില്ലാ പട്ടിക വർഗ വകുപ്പ് ഓഫീസർ എസ്.വിധുമോൾ മുഖ്യപ്രഭാഷണം നടത്തി. സ്കൂൾ സീനിയർ സൂപ്രണ്ട് വി.സുരേഷ്കുമാർ, സ്കൂൾ പ്രഥമധ്യാപിക സി.ഗിരിജ, സ്കൂൾ മാനേജർ എസ്. ഷാഹിർ, സ്റ്റാഫ് സെക്രട്ടറി സണ്ണി സെറാഫിൻ, സീനിയർ അസിസ്റ്റന്‍റ് എസ്.ബിനുകുമാർ, അധ്യാപകൻ പി.ശ്രീജിത്ത്, പിടിഎ മെമ്പർ സരിത, ആർ.ടി. രമേശ്, എഫ്.എൽ. ബിനിൽകുമാർ എന്നിവർ പ്രസംഗിച്ചു. കുട്ടികൾക്ക് യൂണിഫോം, പഠനോപകരണങ്ങൾ എന്നിവയുടെ വിതരണവും ചടങ്ങിൽ നടന്നു. എസ് എസ് എൽസി പരീക്ഷയിൽ ഫുൾ എ പ്ലസ് കിട്ടിയ എ.എൻ അഥിൻ, ഹയർ സെക്കണ്ടറിയിൽ ഉന്നത വിജയം നേടിയ വിദ്യാർഥികളെയും ചടങ്ങിൽ ആദരിച്ചു. പുനലൂർ : സെന്‍റ്ഗൊരേറ്റി ഹയർ സെക്കന്‍ററി സ്കൂളിൽ പ്രവേശനോത്സവം നടന്നു. പിടിഎ പ്രസിഡന്‍റ്അജി ആന്‍റണി അധ്യക്ഷത വഹിച്ചു.മുൻസിപ്പൽ വൈസ് ചെയർമാൻ രഞ്ജിത് പ്രവേശനോത്സവം ഉദ്ഘാടനം ചെയ്തു. കോർപറേറ്റ് മാനേജർ റവ.ഡോ. ക്രിസ്റ്റി ജോസഫ് അനുഗ്രഹ പ്രഭാഷണം നടത്തി. എം പി ടി എ പ്രസിഡന്‍റ് ബീമ ഷെഫീഖ്, ഹെഡ്മിസ്ട്രസ് പുഷ്പമ്മ, അധ്യാപക പ്രതിനിധി സിസ്റ്റർ ഐറിൻ, സിസ്റ്റർ ജെസി എന്നിവർ പ്രസംഗിച്ചു. സ്കൂളിന്‍റെപൂർവവിദ്യാർഥികളും യൂണിവേഴ്സിറ്റി റാങ്ക് ജേതാക്കളുമായ ഉത്തര രാജി, മിഥുൻ ലാൽ എന്നിവർ നവാഗതർക്ക് സ്കൂൾ അനുഭവം പങ്കുവച്ചു. തുടർന്ന് നവാഗതരായ വിദ്യാർഥികൾക്കും രക്ഷകർത്താക്കൾക്കും സമ്മാനങ്ങൾ നൽകിയും പായസം വിളമ്പിയും പ്രവേശനോത്സവം ആഹ്ലാദഭരിതമാക്കി. ശാസ്താം കോട്ട രാജഗിരി ബ്രൂക്ക് ഇന്‍റർനാഷണൽ സ്കൂളിലെ പ്രവേശനോത്സവവും മെറിറ്റ് ഡേയും വർണാഭമായി ആഘോഷിച്ചു. ഇരുപത് വർഷം പൂർത്തിയാകുന്ന ബ്രൂക്കിലെ വൈജ്ഞാനിക ചരിത്രത്തിന്‍റെ തുടർച്ചയെന്നോണം വർണ്ണക്കാഴ്ചകളൊരുക്കി പാട്ടും സംഗീതവും നൃത്താവിഷ്കാരങ്ങളും ഒക്കെ നിറഞ്ഞ ബ്രൂക്ക് അങ്കണത്തിൽ പ്രവേശനോത്സവ ഔദ്യോഗിക ഉദ്ഘാടനം കേരള സർവകലാശാല കൊമേഴ്സ് വിഭാഗം വകുപ്പ് മേധാവി ബിജു ടെറൻസ് നിർവഹിച്ചു.സി ബി എസ് ഇ പരീക്ഷയിൽ പത്താം ക്ലാസ്‌സിലും പ്ലസ്ടു വിലും ഉന്നത വിജയം നേടിയ ബ്രൂക്കിലെ കുട്ടികൾക്കുള്ള മെറിറ്റ് അവാർഡ് വിതരണവും സ്കൂളിൽ നടന്നു. ബ്രൂക്ക് ഡയറക്ടർ റവ. ഫാദർ. ഡോ. ജി എബ്രഹാം തലോത്തിലിന്‍റെ അധ്യക്ഷതയിൽ ചേർന്ന ചടങ്ങുകൾക്ക് പ്രിൻസിപ്പൽ ബോണിഫെസിയ വിൻസെന്‍റ് സ്വാഗതവും സെക്രട്ടറി ജോജി റ്റി കോശി കൃതജ്ഞതയും രേഖപ്പെടുത്തി. കൊട്ടാരക്കര: സ്കൂൾ പ്രവേശനോത്സവം ജില്ലാതല ഉദ്ഘാടനം ഗവ.എച്ച്എസ്എസ്ആന്‍റ് വിഎച്ച്എസ്എസ് കൊട്ടാരക്കരയിൽ മന്ത്രി കെ .എൻ .ബാലഗോപാൽ ഉദ്ഘാടനം ചെയ്തു. സമീപകാലത്ത് പൊതു വിദ്യാഭ്യാസ ചരിത്രത്തിൽ കാലോചിതമായപരിഷ്കാരങ്ങളാണ് സർക്കാർ നടപ്പിലാക്കിയത് യഥാസമയം പാഠപുസ്തകങ്ങൾ എത്തിക്കുക കുട്ടികളുടെ പഠനഭാരം കുറയ്ക്കുക എന്നിവയൊക്കെ പരിഷ്കരങ്ങളുടെ ഭാഗമാണ് വിദ്യാഭ്യാസത്തിന്‍റെ കാര്യത്തിലും ആരോഗ്യത്തിന്റെ കാര്യത്തിലും കേരളം മറ്റു സംസ്ഥാനങ്ങളിൽ നിന്നും ഒന്നാം സ്ഥാനത്താണ് എന്ന് മന്ത്രി കൂട്ടിച്ചേർത്തു . നഗരസഭാ ചെയർമാൻ അഡ്വ .കെ .ഉണ്ണികൃഷ്ണമേനോൻ അധ്യക്ഷത വഹിച്ച ചടങ്ങ് വിദ്യാഭ്യാസ ഉപഡയറക്ടർ ലാൽ കെ. ഐ. സ്വാഗതവും പ്രവേശനോത്സവ സന്ദേശം ജില്ലാ പഞ്ചായത്ത് പ്രസിഡന്‍റ് ഡോ. പി .കെ .ഗോപൻ , മൈലം പഞ്ചായത്ത് പ്രസിഡന്‍റ് ബിന്ദു ജി .നാഥ് , ബിജി ഷാജി , മുൻ ചെയർമാൻമാരായ എസ്. ആർ. രമേശ് , എ .ഷാജു , സ്റ്റാൻഡിങ് കമ്മിറ്റി ചെയർമാൻമാരായ ഫൈസൽ ബഷീർ, മിനി കുമാരി , സുഷമ,കൗൺസിലർമാരായ അനിത ഗോപകുമാർ , അരുൺ കാടാംകുളം, വനജ രാജീവ്, ഡി ഇ ഒ അമൃത, എ ഇ ഒ ബിന്ദു, പ്രിൻസിപ്പൽ പ്രദീപ്കുമാർ, എന്നിവർ പ്രസംഗിച്ചു. ചാത്തന്നൂർ: ഗവ.എൽപി സ്കൂളിലെ പ്രവേശനോത്സവം ചാത്തന്നൂർ ഗ്രാമപഞ്ചായത്ത് വികസന സമിതി ചെയർമാൻ ആർ. സജീവ് കുമാർ ഉദ്ഘാടനം ചെയ്തു. ചാത്തന്നൂർ ഗ്രാമപഞ്ചായത്ത് പ്രസിഡന്‍റ് എസ്. കെ. ചന്ദ്രകുമാർ, ബ്ലോക്ക് പഞ്ചായത്ത് വൈസ് പ്രസിഡന്‍റ് നിർമ്മല വർഗീസ് എന്നിവർ പഠനോപകരണങ്ങളുടെ വിതരണോദ്ഘാടനം നടത്തി. ഗ്രാമപഞ്ചായത്ത് വൈസ് പ്രസിഡന്‍റ് ഒ.മഹേശ്വരി, ആരോഗ്യ വിദ്യാഭ്യാസ സ്റ്റാൻ്റിംഗ്കമ്മിറ്റി ചെയർപേഴ്സൺ സജീന നജീം, ചാത്തന്നൂർ ബ്ലോക്ക് പഞ്ചായത്ത് മെമ്പർ ദസ്തക്കീർ, ചാത്തന്നൂർ ഗ്രാമപഞ്ചായത്ത് അംഗങ്ങളായ റ്റി. ദിജു, ഷീബ മധു, എസ്.ജയകുമാർ എന്നിവർ പ്രസംഗിച്ചു. ചാത്തന്നൂർ : ചാത്തന്നൂർ ഗവ. വൊക്കേഷണൽ ആന്‍റ് ഹയർ സെക്കന്‍ററി സ്കൂൾ പ്രവേശനോത്സവം ജില്ലാ പഞ്ചായത്ത്‌ വൈസ് പ്രസിഡന്‍റ് ശ്രീജ ഹരീഷ് ഉദ്ഘാടനം ചെയ്തു. പി ടി എ പ്രസിഡന്‍റ് ജി. ബിജു അധ്യക്ഷനായിരുന്നു. ഇത്തിക്കര ബ്ലോക്ക്‌ പഞ്ചായത്ത്‌ പ്രസിഡന്‍റ് എം. കെ. ശ്രീകുമാർ , എസ് എം സി ചെയർമാൻ ടി. ദിജു, പി ടി എ വൈസ് പ്രസിഡന്‍റ്എസ്. സേതുലാൽ, വി എച്ച് എസ് ഇ പ്രിൻസിപ്പൽ എസ്. രാഖി, കെ. സിന്ധു, പി. പ്രദീപ്‌, എ. രാജേഷ്, എസ്. സതീശൻ, എസ്. ബിജിലി, ആർ. സി. റീജ, സി. ജി. ശ്രീജനാഥ്‌, സ്റ്റാഫ്‌ സെക്രട്ടറി എ. സുഷമ, ബി. വേണു, നിഷ മോൾ എന്നിവർപ്രസംഗിച്ചു.

ചവറ : ചവറ ഉപജില്ലാതല പ്രവേശനോത്സവം വടക്കുംതല ഗവ.ഡി വി എൽ പി എസിൽ നടന്നു. സുജിത്ത് വിജയൻ പിള്ളഎംഎൽഎ ഉദ്ഘാടനം ചെയ്തു. പന്മന ഗ്രാമപഞ്ചായത്ത് പ്രസിഡന്‍റ് പി. ശ്രീകല അധ്യക്ഷയായി. മുഖ്യപ്രഭാഷണം ബ്ലോക്ക് പഞ്ചായത്ത് പ്രസിഡന്‍റ് സന്തോഷ് തുപ്പാശേത്രിതല പഞ്ചായത്ത് പ്രതിനിധികളായ എസ്. സോമൻ, നിഷ സുനീഷ് , ജോർജ് ചാക്കോ, മല്ലയിൽ അബ്ദുൽ സമദ് ,ഉപജില്ല വിദ്യാഭ്യാസ ഓഫീസർ റ്റി.കെ .അനിത , എസ്എംസി ചെയർമാൻ എം. അനീസ്, സ്കൂൾ പ്രധമാധ്യാപിക അമ്പിളി കുമാരി, വിവിധ സംഘടനാ പ്രതിനിധികൾ എന്നിവർ പ്രസംഗിച്ചു. ചവറ : ഗവ.യുപിഎസ്ചവറ സൗത്തിൽ ചവറ തെക്കുംഭാഗം പഞ്ചായത്ത് തല പ്രവേശനോത്സവം വർണാഭമായി നടന്നു.തെക്കുംഭാഗം ഗ്രാമ പഞ്ചായത്ത് പ്രസിഡന്‍റ് തങ്കച്ചി പ്രഭാകരൻ പ്രവേശനോത്സവം ഉദ്ഘാടനം ചെയ്തു. സ്ക്കൂൾ എസ്. എം.സി ചെയർമാൻ സുനിൽ പള്ളിപ്പാടൻ അധ്യക്ഷനായി. തെക്കുംഭാഗം എസ്എച്ച്ഒ ശ്രീകുമാർ മുഖ്യ പ്രഭാഷണം നടത്തി. തെക്കും ഭാഗം ഗ്രാമ പഞ്ചായത്ത് വൈസ് പ്രസിഡന്‍റ് ് പ്രഭാകരൻ പിള്ള, വിദ്യാഭ്യാസ സ്റ്റാൻഡിംഗ് കമ്മറ്റി ചെയർപേഴ്സൺ അപർണ രാജഗോപാൽ, മെമ്പർമാരായ സജുമോൻ, മീന, സ്മിത .സിന്ധു, എച്ച്എം കൃഷ്ണകുമാരി,സ്റ്റാഫ് സെക്രട്ടറി വി.അഞ്ജു എന്നിവർ പ്രസംഗിച്ചു. ചടങ്ങിൽ പഠനോപകരണങ്ങൾ വിതരണം ചെയ്തു.

മന്ത്രി കനിയുന്നതും കാത്ത് കെഎസ്ആർടിസി ഡിപ്പോ

കൊല്ലം: കെ എസ് ആർ ടി സി കൊല്ലം ഡിപ്പോ താലൂക്ക് ഓഫീസ് ജംഗ്ഷനിലേക്ക് മാറ്റുന്ന പദ്ധതി ധന വകുപ്പിന്‍റെ അനുമതി കിട്ടാതെ നീളുകയാണ്. മന്ത്രി ബാലഗോപാൽ കനിയുന്നതും കാത്ത് കോൾഡ് സ്റ്റോറേജിലാണ് പദ്ധതി. കെ എസ് ആർ ടി സി കൊല്ലം ഡിപ്പോക്ക് ഫണ്ട് അനുമതി നൽകുന്നത് സംബന്ധിച്ച ഫയലിന് ധന വകുപ്പിന്‍റെ അനുമതി കിട്ടാത്തതാണ് പദ്ധതി നീണ്ടുപോകാൻ നിലവിൽ കാരണമായിരിക്കുന്നത്. 16 കോടി മതിപ്പു ചെലവ് പ്രതീക്ഷിക്കുന്ന പദ്ധതിക്ക് അന്തിമ രൂപരേഖയായെങ്കിലും ധന വകുപ്പ് പണം മാത്രം അനുവദിച്ചിട്ടില്ല. ബജറ്റിൽ വകയിരുത്തിയിട്ടുള്ള പദ്ധതിക്ക് ധന വകുപ്പിന്‍റെ പച്ചക്കൊടിയാണ് ഇനി വേണ്ടിയിരിക്കുന്നത്. അതിനുള്ള കാത്തിരിപ്പിലാണ് കൊല്ലക്കാർ. \ കാറ്റത്തോ മഴയാത്തതോ ഏത് സമയവും നിലം പൊത്താറായി നിൽക്കുന്ന കൊല്ലത്തെ കെഎസ്ആർടിസി ഓഫിസീനും ഡിപ്പോക്കും പകരമായി പുതിയ ഡിപ്പോയും ബസ് സ്റ്റാന്‍റും വരുന്നത് കൊല്ലക്കാർ കാത്തിരിക്കാൻ തുടങ്ങിയിട്ട് കാലമേറെയായി. ഇത് സംബന്ധിച്ച് മന്ത്രിമാരുടെയും എം എൽ എ മാരുടെയും കാലപരിധി പറയുന്ന വാഗ്ദാനങ്ങൾ അനന്തമായി തുടരുമ്പോൾ പദ്ധതിക്ക് തുടക്കം കുറിക്കാൻ പോലും കഴിഞ്ഞിട്ടില്ലെന്നതാണ് വാസ്തവം. നിലവിൽ ഡിപ്പോ പ്രവർത്തിക്കുന്ന സ്ഥലം വിനോദ സഞ്ചാര കേന്ദ്രമായി വികസിപ്പിക്കാനാണു ആദ്യം ലക്ഷ്യമിട്ടിരുന്നത്. ഓഫിസ്, ഡിപ്പോ, ഗാരേജ് ഉൾപ്പെടെ മുഴുവൻ സംവിധാനവും താലൂക്ക് ഓഫിസ് ജംഗ്ഷനിൽ നിലവിൽ ഗാരേജ് പ്രവർത്തിക്കുന്ന സ്ഥലത്തേക്കു മാറ്റാനുള്ള പദ്ധതിയാണിത്.ഗാരേജ് പ്രവർത്തിക്കുന്നത് 1.73 ഏക്കർ സ്ഥലത്താണ്. വകുപ്പ് മന്ത്രിയുടെ നിർദേശം കൂടി പരിഗണിച്ചാണ് ഇത്. 16 കോടി രൂപയാണ് ഇതിനായി ചെലവു പ്രതീക്ഷിക്കുന്നത്. കഴിഞ്ഞ ഫെബ്രുവരിയിൽ ഒരു മാസത്തിനുള്ളിൽ പദ്ധതിയുടെ പ്രോജക്ട് സർക്കാരിന് സമർപ്പിക്കുമെന്ന് പറഞ്ഞിരുന്നെങ്കിലും അതിനു കാലതാമസം ഉണ്ടായി. കൊല്ലം ഡിപ്പോ യാഥാർഥ്യമാകുമെന്നു ജനപ്രതിനിധികർ പ്രഖ്യാപങ്ങൾ തുടർന്ന് നടത്തിയെങ്കിലും എല്ലാം അസ്ഥാനത്തായി. നിലവിൽ ഗാരേജ് പ്രവർത്തിക്കുന്ന സ്ഥലത്തേക്കു ഡിപ്പോ മാറ്റുമ്പോൾ, ഗാരേജിനു മതിയായ സ്ഥലം ലഭിക്കാതെ വരും. ഡിപ്പോയിൽ 103 ബസുകൾ ആണ് ഉള്ളത്. ലിങ്ക് റോഡിലും മറ്റുമാണ് വൈകുന്നേരമായാൽ ബസുകൾ പാർക്ക് ചെയ്യാറുള്ളത്. സ്ഥല പരിമിതി പരിഹരിക്കാൻ ഗാരേജ് ചാത്തന്നൂരിലേക്ക് മാറ്റാനായിരുന്നു തീരുമാനിയിച്ചിരുന്നത്. നിലവിൽ ഗാരേജ് പ്രവർത്തിക്കുന്ന സ്ഥലത്ത് രണ്ടുനില കെട്ടിടം നിർമിച്ച് താഴെ ഗാരേജും മുകളിൽ ഓഫിസും ഡിപ്പോയും പ്രവർത്തിപ്പിക്കും. ആധുനിക സൗകര്യങ്ങളോടു കൂടിയ ഡിപ്പോയാണ് ലക്ഷ്യമിടുന്നത്. കോഫി ഷോപ്പ് ഉൾപ്പെടെയുള്ള സംവിധാനങ്ങൾ ഒരുക്കാൻ ലക്ഷ്യമുണ്ട്. താഴത്തെ നില പൂർണമായി ഉപയോഗിക്കാൻ കഴിയുന്നതിനാൽ ഗാരിജ് ചാത്തന്നൂരിലേക്കു മാറ്റുന്നത് ഒഴിവാക്കാനാകും. താലൂക്ക് ഓഫിസ് ജംഗ്ഷന്‍റെ വികസനവും ഇതോടെ നടക്കും. എം.മുകേഷ് എംഎൽഎയാണ് പദ്ധതിക്ക് മുൻകൈ എടുത്തത്. വർഷങ്ങൾ വലിച്ചു നീട്ടപ്പെട്ടെങ്കിലും ധന വകുപ്പിന്‍റെ അനുമതിയുടെ വാതിൽപ്പടി വരെ കാര്യങ്ങൾ എത്തിയത് മുകേഷിന്‍റെ ശ്രമഫലമായാണ്. കാന്‍റീൻ കെട്ടിടം നിൽക്കുന്ന 18 സെന്‍റ് വസ്തു ഉൾപ്പെടെ നിലവിൽ ഡിപ്പോ പ്രവർത്തിക്കുന്ന സ്ഥലത്ത് വിനോദ സഞ്ചാര വികസന പദ്ധതി നടപ്പാക്കാനാണ് ഉദ്ദേശിക്കുന്നത്. ഇതിനു മുന്നിൽ ഹൗസ് ബോട്ടുകൾക്കുള്ള അരീനയും ജലഗതാഗത വകുപ്പിന്‍റെബോട്ട് ജെട്ടിയും നിർമിക്കാനും ലക്ഷ്യമിടുന്നു. കൊല്ലം എം എൽ എ എം. മുകേഷിന്‍റെ ഫണ്ടിൽ നിന്നുള്ള അഞ്ച് കോടിയും ബജറ്റിൽ വകയിരുത്തിയ 10 കോടിയും പദ്ധതിക്കായി ഉപയോഗിക്കുമെന്നാണ് പറഞ്ഞിരിക്കുന്നത്. മൂന്നു വർഷം മുൻപ് വെറും 8 കോടിക്ക് നടപ്പിലാക്കാൻ ആലോചിച്ചിരുന്ന പദ്ധതിയുടെ മതിപ്പു ചെലവ് ഇപ്പോൾ 16 കോടി എത്തുമെന്നാണ് കണക്കാക്കുന്നത്. ബജറ്റിൽ അനുമതി കിട്ടിയെങ്കിലും ധന വകുപ്പ് പണം അനുവദിച്ച ശേഷം മാത്രമേ ടെൻഡർ ഉൾപ്പടെ നിർമാണ നടപടികൾ ആരംഭിക്കാൻ കഴിയൂ. അതിനിനിയും കാലതാമസം വേണ്ടി വന്നാൽ പുതിയ ഡിപ്പോക്കും ബസ് സ്റ്റാന്‍റിനും വേണ്ടിയുള്ള വേണ്ടിയുള്ള കാത്തിരിപ്പ് കൊല്ലക്കാർ കുറഞ്ഞത് രണ്ടു വർഷം കൂടി തുടരേണ്ടി വരും. അജി വള്ളിക്കീഴ്

ബോട്ടുകളും വള്ളങ്ങളും കടലിൽ പോയി; ഫിഷിംഗ് ഹാർബറുകൾ സജീവം

കൊല്ലം: ബോട്ടുകളും വള്ളങ്ങളും മത്സ്യബന്ധനത്തിനായി കടലിൽ പോയതോടെ ജില്ലയിലെ ഫിഷിംഗ് ഹാർബറുകൾ വീണ്ടും സജീവമായി.പ്രതികൂല കാലാവസ്ഥാ മുന്നറിയിപ്പും കൊച്ചിയിൽ കപ്പൽ മുങ്ങിയതുമായി ബന്ധപ്പെട്ട ആശങ്കകൾ കാരണവും ജില്ലയിൽ ഒരാഴ്ചയായി മത്സ്യബന്ധനം തടസപ്പെട്ടിരിക്കയായിരുന്നു. മഴയ്ക്ക് നേരിയ ശമനം ഉണ്ടായതോടെ ഞായർ വൈകുന്നേരം മുതൽ വള്ളങ്ങളിലും ബോട്ടുകളിലും തൊഴിലാളികൾ മത്സ്യബന്ധനത്തിന് പോയത്. ഇന്നലെ രാവിലെ മുതൽ തിരികെ എത്തിയവർക്ക് ആവശ്യത്തിന് മീൻ ലഭിക്കുകയും ചെയ്തു. വാടി തുറമുഖത്ത് നിന്ന് പോയവർക്ക് നെയ്ച്ചാള, പരവ, പാര, താട , കരിക്കാടി ചെമ്മീൻ തുടങ്ങിയവാണ് ലഭിച്ചത്. ശക്തികുളങ്ങരയിലും നീണ്ടകരയിലും ഇത് തന്നെയായിരുന്നു സ്ഥിതി.എല്ലായിടത്തും തീരത്ത് എത്തിച്ച മീനുകൾ പൂർണമായും നിമിഷങ്ങൾക്കകം ലേലത്തിൽ വിറ്റുപോയി. വില അൽപ്പം കൂടുതലായിരുന്നു എന്നു മാത്രം.വൈകുന്നേരം മുതൽ തിരിച്ചെത്തിയ ബോട്ടുകൾക്കും ആവശ്യത്തിന് മത്സ്യം കിട്ടി. സാധാരണ ഗതിയിൽ ട്രോളിംഗ് നിരോധനം കഴിഞ്ഞ ശേഷമാണ് കരിക്കാടി കൊഞ്ച് കിട്ടാറുള്ളത്. എന്നാൽ ഇന്നലെ വള്ളക്കാർക്കും ബോട്ടുകളിൽ പോയവർക്കും നല്ല രീതിയിൽ കരിക്കാടി കിട്ടി. അതേ സമയം മത്സ്യം വാങ്ങാൻ പലരും വിമുഖത കാട്ടുന്നതായി ഹാർബറുകളിൽ നിന്ന് മീനെടുത്ത് ചന്തകളിലും വീടുകളിലുമൊക്കെ കൊണ്ടുപോയി വിറ്റഴിക്കുന്ന ചെറുകിട കച്ചവടക്കാർ പറഞ്ഞു. സ്ഥിരമായി മത്സ്യം വാങ്ങുന്ന പലരും ഇന്നലെ വാങ്ങാൻ കൂട്ടാക്കിയില്ല.മുങ്ങിയ കപ്പലിൽ നിന്ന് ഏറ്റവും കൂടുതൽ കണ്ടെയ്നറുകൾ അടിഞ്ഞത് കൊല്ലത്തെ തീരപ്രദേശങ്ങളിലാണ്. ഇവ പൂർണമായും അവിടങ്ങളിൽ നിന്ന് മാറ്റിയിട്ടുമില്ല. ഇതൊക്കെയാണ് ആൾക്കാൾ മീൻ വാങ്ങി കഴിക്കാൻ താത്പര്യം കാണിക്കാത്തതിന്‍റെ പ്രധാന കാരണം. അതേ സമയം മത്സ്യം കഴിക്കുന്നത് കൊണ്ട് ഒരു കുഴപ്പവുമില്ലെന്ന് അധികൃതർ വ്യക്തമാക്കിയിരുന്നു. ശക്തികുളങ്ങരയിൽ മന്ത്രി കെ.എൻ. ബാലഗോപാലും കരുനാഗപ്പള്ളി അഴീക്കലിൽ കെ.സി. വേണുഗോപാൽ എംപിയും നാട്ടുകാർക്ക് ഒപ്പം മത്സ്യ വിഭവങ്ങൾ അടങ്ങിയ ഭക്ഷണം കഴിച്ച് ബോധവത്ക്കരണം നടത്തുകയുണ്ടായി. സംസ്ഥാനത്ത് ട്രോളിംഗ് നിരോധനം ആരംഭിക്കാൻ എതാനും ദിവസങ്ങൾ മാത്രമേയുള്ളൂ. ഈ മാസം ഒമ്പത് മുതൽ ജൂലൈ 31 വരെയാണ് ട്രോളിംഗ് നിരോധനം. അതിനു മുമ്പുള്ള വിരലിലെണ്ണാവുന്ന ദിവസങ്ങളിൽ കാലാവസ്ഥ അനുകൂലമായാൽ കടലമ്മ കനിയുമെന്ന പ്രതീക്ഷയിലാണ് കൊല്ലത്തെ മത്സ്യത്തൊഴിലാളി സമൂഹം.

വൈദ്യുതി പ്രശ്നം പരിഹരിക്കാൻ എംഎൽഎയുടെ ഇടപെടീൽ

കുണ്ടറ:കുണ്ടറയുടെ പല ഭാഗങ്ങളിലും മഴക്കെടുതിയിൽ താറുമാറായ വൈദ്യുതിബന്ധം നാല് ദിവസം കഴിയുമ്പോഴും പുനസ്ഥാപിക്കാൻ കഴിയാത്തത് മൂലം ജനങ്ങൾ വലിയ ബുദ്ധിമുട്ടിലാണെന്ന് പി.സി. വിഷ്ണു നാഥ്‌ എം എൽ എ പറഞ്ഞു. ഇതിന് അടിയന്തരമായി പരിഹാരം കാണണമെന്ന് ആവശ്യപ്പെട്ട് വൈദ്യുതി വകുപ്പ് മന്ത്രിക്ക് എം എൽ എ കത്ത് നൽകി. കുഞ്ഞുങ്ങളും, രോഗികളും, പ്രായമായവരുമൊ ക്കെയുള്ള കുടുംബങ്ങൾ കടുത്ത പ്രയാസത്തിലാണ്. തകരാറിലായ വൈദ്യുതി തൂണുകൾ മാറ്റുന്നതിനായി തൂണുകളുടെ ദൗർലഭ്യത നേരിടുന്നതായി നേരിട്ട് മനസിലാക്കുവാൻ കഴിഞ്ഞു. ഇത് പരിഹരിക്കുവാൻ വേണ്ട അടിയന്തിര നടപടികൾ സ്വീകരിക്കണമെന്ന് ആവശ്യപ്പെട്ടാണ് മന്ത്രിക്ക്‌ എംഎൽഎ കത്ത് നൽകിയത്. നിയോജക മണ്ഡലത്തിലെ വിവിധ പ്രദേശങ്ങളിൽ എംഎൽഎ നേരിട്ട് എത്തി സ്ഥിതി ഗതികൾ വിലയിരുത്തുകയും കെഎസ്ഇബി ഉദ്യോഗസ്ഥരുമായി ആശയവിനിമയം നടത്തി തകരാർ പരിഹരിക്കാനുള്ള നിർദ്ദേശങ്ങൾ നൽകുകയും ചെയ്തു.

കേരളത്തിലെ ഭരണം തൊഴിലാളി വിരുദ്ധം: ബാബു ദിവാകരൻ

കൊല്ലം: കേരളത്തിലെ പിണറായി വിജയ െ ന്‍റ നേതൃത്വത്തിലുള്ള സർക്കാർ തൊഴിലാളി വിരുദ്ധ നിലപാടുകൾ മൂലം കൊല്ലം ജില്ലയിലെ പരമ്പരാഗത തൊഴിൽ മേഖല പൂർണമായി സ്തംഭിച്ചെന്നു മുൻമന്ത്രി ബാബു ദിവാകരൻ. ആർ എസ് പി നേതാവും മുൻ എം എൽ എയുമായ എസ്. ത്യാഗരാജ െ ന്‍റ മൂന്നാമത് ചരമവാർഷിക ദിനാചരണ ഭാഗമായി ജില്ലാ കമ്മിറ്റി ഓഫിസിൻ സംഘടിപ്പിച്ച അനുസ്മരണ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു ബാബു ദിവാകരൻ. ജില്ലാ സെക്രട്ടറി കെ.എസ്. വേണുഗോപാൽ അധ്യക്ഷത വഹിച്ചു. യോഗത്തിൽ ഇടവനശേരി സുരേന്ദ്രൻ, ടി. സി. വിജയൻ, പി. പ്രകാശ്ബാബു, ആർ. സുനിൽ, സജി. ഡി. ആനന്ദ്, ടി.കെ. സുൽഫി ഇരവിപുരം നിയോജക മണ്ഡലം സെക്രട്ടറി എൻ .നൗഷാദ്, ഡി. എസ്. സുരേഷ് കുമാർ എന്നിവർ പ്രസംഗിച്ചു.

രാജ്യത്ത് ഏറ്റവും കൂടുതൽ സ്കൂളുകൾ കേരളത്തിൽ: മന്ത്രി

കൊല്ലം: ജനസംഖ്യയുടെ ശതമാനാടിസ്ഥാനത്തിൽ ഇന്ത്യയിൽ എറ്റവും കൂടുതൽ സ്കൂളുകൾ ഉള്ളത് കേരളത്തിലാണെന്ന് മന്ത്രി കെ.എൻ. ബാലഗോപാൽ. പൊതു വിദ്യാഭ്യാസത്തിന് എറ്റുവുമധികം പണം ചെലവഴിക്കുന്ന സംസ്ഥാനം കേരളമാണെന്നും അദ്ദേഹം കൂട്ടിച്ചേർത്തു. മീയണ്ണൂർ സർക്കാർ എൽപി സ്കൂളി െ ന്‍റ പുതിയ കെട്ടിടം അദ്ദേഹം ഉദ്ഘാടനംചെയ്തുപ്രസംഗിക്കുകയായിരുന്നു. കോളജുകളിൽ ഡിജിറ്റൽ വിദ്യാഭ്യാസത്തി െ ന്‍റ ഭാഗമായി കൂടുതൽ സൗകര്യങ്ങൾ ഒരുക്കും. ഇതിനായി കിഫ്‌ബി 250 കോടി രൂപയുടെ പദ്ധതി നടപ്പാക്കും. സ്കൂളുകളുടെ അടിസ്ഥാന സൗകര്യം വികസിപ്പിക്കാൻ വിവിധ പദ്ധതികൾ നടപ്പിലാക്കുകയാണ്. കൊട്ടാരക്കരയിൽ വിവിധ ഇടങ്ങളിയായി അക്കാഡമിക് ക്ലസ്റ്ററുകൾ ഒരുങ്ങുന്നു. പുതിയ സ്കൂൾ കെട്ടിടത്തിൽ വിശാലമായ സ്മാർട്ട്‌ ക്ലാസ് മുറികളുണ്ട്. കുട്ടികൾക്ക് ഭക്ഷണം കഴിക്കാനുള്ള സൗകര്യത്തിനൊപ്പം അടുക്കളയും ഒരുക്കുന്നുണ്ടെന്നും മന്ത്രി പറഞ്ഞു. പി. സി. വിഷ്ണുനാഥ് എംഎൽഎ അധ്യക്ഷനായി. ജില്ലാ പഞ്ചായത്ത്‌ അംഗം പ്രിജി ശശിധരൻ, ബ്ലോക്ക്‌ പഞ്ചായത്ത്‌ പ്രസിഡന്‍റ് ബി. യശോദ, നെടുമ്പന ഗ്രാമപഞ്ചായത്ത്‌ പ്രസിഡന്‍റ് എസ്. ഗിരിജാകുമാരി, ഹെഡ്മിസ്ട്രസ് ജസിയ ബീഗം തുടങ്ങിയവർ പങ്കെടുത്തു.

മുട്ടയ്ക്കാവ് സർക്കാർ എൽപിഎസിന് പുതിയ കെട്ടിടം തുറന്നു കൊടുത്ത് മന്ത്രി

കൊല്ലം: മുട്ടയ്ക്കാവ് സർക്കാർ എൽപിഎസിന് നിർമിച്ച പുതിയ കെട്ടിടം മന്ത്രി കെ. എൻ. ബാലഗോപാൽ ഉദ്ഘാടനം ചെയ്തു. വിദ്യാഭ്യാസ മേഖലയുടെ സമഗ്ര മുന്നേറ്റത്തിനായി നടപ്പാക്കിയ പദ്ധതികളുടെ ശ്രമഫലമായി കേരളം രാജ്യത്ത് ഒന്നാമതാണെന്നു ഉദ്ഘാടന പ്രസംഗത്തിൽ മന്ത്രി കെ.എൻ. ബാലഗോപാൽ പറഞ്ഞു. ഒരു കോടി രൂപ ചെലവഴിച്ചാണ് പുതിയ കെട്ടിടം നിർമിച്ചത്. 15 ലക്ഷം മുടക്കി വർണകൂടാരവും ഒരുക്കിയിട്ടുണ്ട്. ഇന്‍റർനെറ്റ്‌ സൗകര്യങ്ങൾ, സ്മാർട്ട്‌ ക്ലാസ് റൂമുകൾ എന്നിവയും പുതിയ കെട്ടിടത്തിൽ ലഭ്യമാണ്. മികച്ച വിദ്യാഭ്യാസത്തിലൂടെ മികവുറ്റ ഭാവി പുതുതലമുറയ്ക്കായി ഉറപ്പാക്കുകയാണ് സർക്കാർ എന്നും മന്ത്രി പറഞ്ഞു. പി.സി. വിഷ്ണുനാഥ് എം എൽഎ അധ്യക്ഷനായി. ജില്ലാ പഞ്ചായത്ത് അംഗം എൻ.എസ്.പ്രസന്നകുമാർ, നെടുമ്പന ഗ്രാമപഞ്ചായത്ത്‌ പ്രസിഡന്‍റ് എസ്. ഗിരിജാകുമാരി, വൈസ് പ്രസിഡന്‍റ് ബി. സുധാകരൻ നായർ, പ്രിൻസിപ്പൽ ഹസീന ബീഗം, പഞ്ചായത്ത്‌ അംഗങ്ങൾ,വിദ്യാർഥികൾ തുടങ്ങിയവർ പങ്കെടുത്തു.

കൊട്ടാരക്കര റസ്റ്റ് ഹൗസ് നവീകരിച്ചു

കൊട്ടാരക്കര: കൂടുതല്‍ സൗകര്യങ്ങള്‍ ഉള്‍പ്പെടുത്തി നവീകരിച്ച കൊട്ടാരക്കര പൊതുമരാമത്ത് വിശ്രമകേന്ദ്രത്തിന് പുതിയമുഖം. ആവശ്യക്കാരുടെ എണ്ണം വര്‍ധിക്കുന്നത് കണക്കിലെടുത്ത് റസ്റ്റ് ഹൗസിന്‍റെസൗകര്യങ്ങള്‍ വർധിപ്പിച്ചു. ഒന്‍പത് മുറികള്‍, കാന്റീൻ, കോര്‍ട്ട് യാര്‍ഡ്, കോണ്‍ഫറന്‍സ് ഹാള്‍ എന്നീ സൗകര്യങ്ങള്‍ ഉള്‍പ്പെടുത്തിയാണ് വിപുലീകരണം. നവീകരിച്ച സംവിധാനങ്ങളുടെ ഉദ്ഘാടനം മന്ത്രി കെ. എന്‍. ബാലഗോപാല്‍ നിര്‍വഹിച്ചു. എല്ലാ മേഖലയിലുമെന്ന പോലെ താമസ സൗകര്യവികസനത്തിലും സര്‍ക്കാര്‍ നടത്തുന്ന ഇടപടെലിന് ഉദാഹരണമാണ് റസ്റ്റ് ഹൗസിന്‍റെ മാറ്റമെന്ന് അദ്ദേഹം പറഞ്ഞു. ആവശ്യാനുസരണം കൂടുതല്‍ സൗകര്യങ്ങള്‍ ഇത്തരം കേന്ദ്രങ്ങളിലെല്ലാം നടപ്പിലാക്കുന്നത് പരിഗണിക്കുമെന്നും മന്ത്രി പറഞ്ഞു. പ്ലാന്‍ ഫണ്ടില്‍ നിന്നും 74.60 ലക്ഷം രൂപ വിനിയോഗിച്ച് ആറ് മാസ കാലയളവിനുള്ളിലാണ് നവീകരണം പൂര്‍ത്തിയാക്കിയത്.

ഗ്ലോബൽ അലൂമ്നി മീറ്റ് - ഗ്രിഗോറിയൻ സംഗമ സംഘാടക സമിതി രൂപീകരണം നാളെ

കൊട്ടാരക്കര : സെന്‍റ് ഗ്രിഗോറിയോസ് കോളജ് വജ്ര ജൂബിലി ആഘോഷങ്ങളുടെ ഭാഗമായി ജൂലൈ 12ന് നടക്കുന്ന പൂർവ വിദ്യാർഥി കുടുംബ സംഗമം ഗ്ലോബൽ അലൂമ്നി മീറ്റ് - ഗ്രിഗോറിയൻ സംഗമത്തിന്‍റെ സംഘാടക സമിതി രൂപീകരണം നാളെ ഉച്ചക്ക് ശേഷം 3.30ന് കോളജ് സെമിനാർ ഹാളിൽ നടക്കും. മാനേജ്മെന്‍റ് പ്രതിനിധികൾ, അലുമ്നി അസോസിയേഷൻ നിർവാഹക സമിതി അംഗങ്ങൾ, പൂർവ വിദ്യാർഥികൾ, മുൻകാല അധ്യാപകർ, ഡിപ്പാർട്ട്മെന്‍റ് മേധാവികൾ എന്നിവർ പങ്കെടുക്കുമെന്ന് ഭാരവാഹികൾ അറിയിച്ചു.

വൈദികർക്കെതിരേയുള്ള ആക്രമണത്തെ അപലപിച്ച് കെഎൽസിഎ കൊ ല്ലം രൂപത

കൊല്ലം : വൈദികർക്കെതിരെ ഒറീസയിൽ നടന്ന ആക്രമണത്തെ അപലപിച്ച് കെഎൽസിഎ കൊല്ലം രൂപത. ഭരണഘടന ഉറപ്പുനൽകുന്ന മതസ്വാതന്ത്ര്യത്തിനു മേലുള്ള കടന്നുകയറ്റമാണ് ഇന്ത്യയിലുടനീളം നടത്തുന്നതെന്ന് കെഎൽസിഎ കൊല്ലം രൂപത കുറ്റപ്പെടുത്തി. മതേതര മൂല്യങ്ങളെ ഉയർത്തിപ്പിടിക്കുന്ന ഭാരതത്തിൽ ഇത് ഒറ്റപ്പെട്ട സംഭവമല്ല. കഴിഞ്ഞ കുറെ നാളുകളായി ഇത്തരക്കാർക്ക് മൗന അനുവാദം നൽകുകയാണ് കേന്ദ്രസർക്കാർ ചെയ്യുന്നത്. മാസങ്ങൾക്കു മുമ്പ് സമാനമായ സംഭവം മധ്യപ്രദേശിലും അരങ്ങേറി. ക്രൈസ്തവ മൂല്യങ്ങൾ എന്താണെന്ന് അറിയാത്തവരാണ് ഇത്തരത്തിലുള്ള കാടത്തങ്ങൾ കാട്ടിക്കൂട്ടുന്നത്. സ്നേഹം, ക്ഷമ, സമാധാനം, എന്നീ മൂല്യങ്ങളെ ക്രൈസ്തവ സഭ ഉയർത്തിപ്പിടിക്കുന്നു. എന്നു കരുതി വിശ്വാസത്തെ വ്രണപ്പെടുത്തുവാൻ നോക്കിയാൽ കൈയുംകെട്ടി നോക്കിയിരിക്കില്ലെന്നു കെഎൽസിഎ പറഞ്ഞു. കഴിഞ്ഞ കുറെ നാളുകൾ ആയി നിലനിന്നിരുന്ന സമാധാന അന്തരീക്ഷം ഒഡീസയിൽ ബിജെപി സർക്കാർ അധികാരത്തിലെത്തിയ ശേഷം തകർന്നിരിക്കുകയാണ്. ഇത്തരം വർഗീയവാദികളെ പിടികൂടി നിയമത്തിനു മുന്നിൽ കൊണ്ടുവന്നില്ലെങ്കിൽ ശക്തമായ പ്രതിഷേധത്തിന് സാക്ഷ്യം വഹിക്കേണ്ടി വരുമെന്നും യോഗം ഉദ്ഘാടനം ചെയ്ത രൂപതാ പ്രസിഡന്‍റ് ലെസ്റ്റർകാർഡോസ് പറഞ്ഞു. ജനറൽ സെക്രട്ടറി ജാക്സൺ നീണ്ടകര, ലറ്റീഷ്യ, ജോസഫ് കുട്ടി കടവിൽ, അഡ്വ. നെറ്റോ, ഡൽസി, എഡിസൺ അലക്സ്, അജിതാ ഷാജി, റോണ റിബൈരോ, എന്നിവർ പ്രസംഗിച്ചു.

വൈഎംസിഎ സ്ഥാപക ദിനാചരണവും ലഹരി വിരുദ്ധ കാമ്പയിന്‍റെ ഉദ്ഘാടനവും ആറിന്

കൊല്ലം: വൈഎംസിഎ പ്രസ്ഥാനത്തി െ ന്‍റ സ്ഥാപക ദിനാചരണം കൊല്ലം സബ് റീജിയ െ ന്‍റ നേതൃത്വത്തിൽ ആറിന് ഉച്ചകഴിഞ്ഞ് 3.30ന് കൊല്ലം വൈഎംസിഎ ഹാളിൽ നടക്കും.യൂണിറ്റ് വൈഎംസി എകളുടെ ലഹരി വിരുദ്ധ കാമ്പയി െ ന്‍റ ഉദ്ഘാടനവും സ്ഥാപക ദിനാചരണ സമ്മേളനവും ബിഷപ് ഡോ.ജോഷ്വാ മാർ ഇഗ്നാത്തിയോസ് നിർവഹിക്കും. സബ് റീജിയൻ ചെയർമാൻ കുളക്കട രാജു അധ്യക്ഷത വഹിക്കും.മുൻ ദേശീയ നിർവാഹക സമിതി അംഗം കെ.ഒ. രാജുക്കുട്ടി സ്ഥാപകദിന സന്ദേശം നൽകും. കൊല്ലം വൈഎംസിഎ പ്രസിഡന്‍റ് ഫ്രാൻസിസ് സേവ്യർ, എം.തോമസ്കുട്ടി, അഡ്വ.കെ.കെ.ഐസക്, എ.കെ. സന്തോഷ് ബേബി, ടി.കെ. ജേക്കബ്, തങ്കച്ചൻ തോമസ്, ജി.വി.ചാക്കോ, സി.കെ.പൊടിയൻ, കെ. കെ.കുര്യൻ, സജയ് തങ്കച്ചൻ എന്നിവർ പ്രസംഗിക്കും. യാക്കോബാ സഭ കൊല്ലം ഭദ്രാസന സെക്രട്ടറിയായി തിരഞ്ഞെടുത്ത ആദിച്ചനല്ലൂർ വൈഎംസിഎ പ്രസിഡന്‍റ്ഫാ. സാബു സാമുവേലിനെ ചടങ്ങിൽ ആദരിക്കും.

മത്സ്യത്തൊഴിലാളിക്ക് വായ്പ തിരിച്ചടക്കാൻ സാവകാശം നൽകണം : മനുഷ്യാവകാശ കമ്മീഷൻ

കൊല്ലം : ശാസ്താംകോട്ട കേരള ബാങ്കിൽ നിന്നും വായ്പയെടുത്ത മത്സ്യ ത്തൊഴിലാളിക്ക് മത്സ്യ തൊഴിലാളി കടാശ്വാസ കമ്മീഷനിൽ നിന്നും അനുവദിച്ച തുക ഉപയോഗിച്ച് വായ്പ തിരിച്ചടയ്ക്കുന്നതുവരെ മാനുഷിക പരിഗണന നൽകി നിയമാനുസൃതം സാവകാശം നൽകണമെന്ന് മനുഷ്യാവകാശ കമ്മീഷൻ അംഗം വി. ഗീത.കേരള ബാങ്ക് ശാസ്താംകോട്ട ശാഖാ മാനേജർക്കാണ് കമ്മീഷൻ നിർദ്ദേശം നൽകിയത്. 2006 മാർച്ച് 15നാണ് പരാതിക്കാരിയായ ശാസ്താംകോട്ട മനക്കര സ്വദേശിനി മേഴ്സി കേരള ബാങ്കിൽ നിന്നും വായപയെടുത്തത്. 2015ൽ 44,030 രൂപ തിരിച്ചടച്ചു. 2024 ഓഗസ്റ്റ് 31 വരെ 42,449 രൂപ തിരിച്ചടക്കാനുണ്ട്. പണം തിരിച്ചടച്ചാൽ മാത്രമേ പണയാധാരം തിരികെ നൽകുകയുള്ളുവെന്ന് റിപ്പോർട്ടിൽ പറയുന്നു. കടാശ്വാസ കമ്മീഷനിൽ നിന്നും അനുവദിച്ച തുകയിൽ നിന്നും വായ്പ തുക ഈടാക്കി ആധാരം തിരികെ നൽകണമെന്ന് പരാതിക്കാരി ആവശ്യപ്പെട്ടു.

കുടുംബശ്രീ ബഡ്‌സ് പ്രവേശനോത്സവം

കൊല്ലം :ജില്ലയില്‍ കുടുംബശ്രീ ജില്ലാ മിഷന്‍റെആഭിമുഖ്യത്തില്‍ ബഡ്‌സ് സ്ഥാപനങ്ങളില്‍ പ്രവേശനോത്സവം സംഘടിപ്പിച്ചു. പനയം സ്‌നേഹവീട് പുനരധിവാസ കേന്ദ്രത്തില്‍ ജില്ലാതല ബഡ്‌സ് പ്രവേശനോത്സവം എം .മുകേഷ് എംഎല്‍എ ഉദ്ഘാടനം ചെയ്തു. പനയം ഗ്രാമപഞ്ചായത്ത് പ്രസിഡന്‍റ് കെ .രാജശേഖരന്‍ അധ്യക്ഷനായി. മാനേജ്‌മെന്‍റ്സമിതി അംഗം കെ .ജി .തോമസ്, ഡോ. ജോര്‍ജ് വര്‍ഗീസ്, പമ്പാരി വാര്‍ഡ് അക്ഷര കുടുംബശ്രീ യൂണിറ്റ്, രാഷ്ട്രീയ പ്രവര്‍ത്തകര്‍, വാര്‍ഡ് അംഗം വിജയകുമാര്‍ എന്നിവര്‍ ബഡ്‌സ് സ്ഥാപനങ്ങള്‍ക്കാവശ്യമായ ബുക്കുകള്‍, യൂണിഫോം, വസ്ത്രങ്ങള്‍ തുടങ്ങിയവയ്ക്ക് സ്‌പോണ്‍സര്‍ഷിപ്പ് നല്‍കി. ജില്ലയില്‍ പ്രവര്‍ത്തിക്കുന്ന 36 ബഡ്സ് സ്ഥാപനങ്ങളിലും പ്രവേശനോത്സവം ആഘോഷമായി നടത്തി. ബഡ്‌സ് കുട്ടികള്‍, ബാലസഭ അംഗങ്ങള്‍, കുടുംബശ്രീ അംഗങ്ങള്‍ എന്നിവരെ ഉള്‍പ്പെടുത്തി കലാപരിപാടികളും നടന്നു

ഹൈദരാബാദിലെ മാതൃകയിൽ മിനി പ്ലാന്‍റുകൾ സ്ഥാപിക്കാൻ കൊല്ലം കോർപറേഷൻ ആലോചിക്കുന്നു

കൊല്ലം :മലിനജലവും കക്കൂസ് മാലിന്യങ്ങളും സംസ്ക്കരിക്കാൻ ഹൈദരാബാദ് നഗരത്തിൽ നടപ്പാക്കിയ മാതൃകയിൽ മിനി പ്ലാന്‍റുകൾ സ്ഥാപിക്കാൻ കൊല്ലം കോർപറേഷൻ ആലോചിക്കുന്നു. ഓടകളിലേക്കും ജലാശയങ്ങളിലേക്കും വീടുകളിൽ നിന്നുള്ള മലിന ജലം ഒഴുകിയെത്തി ദുർഗന്ധവും മറ്റ് പകർച്ചവ്യാധികളും ഉണ്ടാകാനുള്ള സാഹചര്യം ഒഴിവാക്കാൻ ലക്ഷ്യം വെച്ചാണിത്.മണിച്ചിതോട്ടിലൂടെ ഒഴുകിയെത്തുന്ന മലിന ജലം അഷ്ടമുടി കായലിൽ എത്താതെ നോക്കാൻ പുള്ളിക്കട കോളനിക്ക് സമീപം സീവേജ് ട്രീറ്റ്മെന്‍റ് പ്ലാന്‍റ് സ്ഥാപിക്കാനാണ് ആദ്യ പടിയായി തീരുമാനിച്ചിട്ടുള്ളത്. ഇതിനായി കോർപറേഷൻ ടെൻഡർ വിളിച്ചിട്ടുണ്ട്. കോളനിക്ക് സമീപം രണ്ട് എം എൽ ഡി ശേഷി വരുന്ന പ്ലാന്‍റാണ് സ്ഥാപിക്കുന്നത്. അതേസമയം ഇവിടെ ഒഴുകി വരുന്ന മാലിന്യ അളവിന്‍റെ അടിസ്ഥാനത്തിലായിരിക്കും പ്ലാന്‍റിന്‍റെ ശേഷി തീരുമാനിക്കുക.മാലിന്യ ം സംസ്ക്കരിച്ച ശേഷം ശുദ്ധീകരിക്കപ്പെടുന്ന വെള്ളം ഓടകളിലേക്കോ ജലാശയങ്ങളിലേക്കോ ഒഴുക്കാനാണ് ആലോചിക്കുന്നത്. കുരീപ്പുഴയിലെ സീവേജ് ട്രീറ്റ്മെന്‍റ് പ്ലാന്‍റിന്‍റെ നിർമാണം ഇനിയും പൂർത്തിയായിട്ടില്ല. അത് പൂർത്തിയാക്കി അവിടേക്ക് മാലിന്യമെത്തിക്കാൻ ഇനിയും രണ്ട് വർഷ ത്തിലേറെ കാത്തിരിക്കേണ്ടി വരും.അതിനാലാണ് നഗരത്തിൽ മിനി പ്ലാന്‍റുകൾ സ്ഥാപിക്കാൻ ആലോചിക്കുന്നത്.

സ്നേഹാശ്രമത്തിന് കുട്ടികൾ കലോപഹാരം സമ്മാനിച്ചു

പാരിപ്പള്ളി:കേരളലളിതകലാ അക്കാദമിയുടെ കുട്ടികളുടെ കലാപരിശീലനക്യാമ്പിൽ പങ്കെടുത്തവർ വേളമാനൂർഗാന്ധിഭവൻ സ്നേഹാശ്രമത്തിന് മനോഹരമായ ഒരു കലോപഹാരം തയാറാക്കി സമ്മാനിച്ചു. കഴിഞ്ഞ മൂന്ന് ദിവസങ്ങളിലായി വേളമാനൂർഗാന്ധിഭവൻ സ്നേഹാശ്രമത്തിൽ നടന്ന ക്യാമ്പിൽ തെരഞ്ഞെടുക്കപ്പെട്ട 40 കുട്ടികളാണ് പങ്കെടുത്തത്. സമാപന സമ്മേളനത്തിൽ ചലച്ചിത്ര പിന്നണിഗായിക ആലീസ് ഉണ്ണികൃഷ്ണൻ എല്ലാ കുട്ടികൾക്കും കേരളലളിതകലാ അക്കാദമിയുടെ സർട്ടിഫക്കറുകൾ നൽകി. കേരളസംഗീതനാടക അക്കാദമിയുടെ പുരസ്ക്കാര ജേതാവായ ആലീസ് ഉണ്ണികൃഷ്ണനെ സ്നേഹാശ്രമം സ്നേഹോപഹാരം നൽകി ആദരിച്ചു. സ്നേഹാശ്രമത്തിലെ അമ്മമാരുടെ സ്നേഹത്തിനു മുന്നിൽ കണ്ണീരണിഞ്ഞ ഗായിക അവർക്കായി പഴയ പാട്ടുകളും ലളിതസഹസ്രനാമസ്തോത്രങ്ങളും ആലപിച്ചു. ഗാനമേളകളിലൂടെ ലഭിക്കുന്ന വരുമാനത്തിന്‍റെ ഒരു ഭാഗം അമ്മമാരുടെ ക്ഷേമത്തിനായി സമർപ്പിക്കുമെന്നും ആലീസ് ഉറപ്പ് നൽകി. ക്ലാസുകൾ നയിച്ച എൻ.നസീർ കായംകുളം, മഹേഷ് കിളിമാനൂർ,ആർട്ടിസ്റ്റ് ലീനാരാജ് , ആർട്ടിസ്റ്റ് സന്ധ്യ എന്നിവരെയും ചടങ്ങിൽ ആദരിച്ചു. സ്നേഹാശ്രമം ഡയറക്ടർ പത്മാലയം ആർ.രാധാഷ്ണൻ, സെക്രട്ടറി പി.എം.രാധാകൃഷ്ണൻ, കെ.എം.രാജേന്ദ്രകുമാർ, ജി.രാമചന്ദ്രൻപിള്ള എന്നിവർ ചടങ്ങിൽ പങ്കെടുത്തു.

നിരവധി കവര്‍ച്ച കേസിലെ പ്രതിപിടിയിൽ

അഞ്ചല്‍ : നിരവധി കവര്‍ച്ച കേസുകളില്‍ പ്രതിയായ ആലഞ്ചേരി പണ്ടാരക്കോണം സ്വദേശി ജെനി പിടിയില്‍. അഞ്ചല്‍ പട്ടണത്തിലെ വ്യാപാര സ്ഥാപനത്തില്‍ കവര്‍ച്ചക്കു ശ്രമിക്കുന്നതിനിടെയാണ് ജെനി അഞ്ചല്‍ പോലീസിന്‍റെ പിടിയിലാകുന്നത്. ആർ ഓ ജംഗ്ഷനിൽ പ്രവർത്തിക്കുന്ന പ്രഭാ സ്റ്റോറിലെ കാഷ് കൗണ്ടറിൽ എത്തിയ ജെനി പണമെടുക്കുന്നതിനിടെ കടയുടമയും മറ്റുള്ളവരുമെത്തുകയും തടഞ്ഞു വച്ച് പോലീസിന് കൈമാറുകയുമായിരുന്നു. അഞ്ചല്‍ പോലീസ് സ്റ്റേഷന്‍ പരിധിയില്‍ മാത്രം നിരവധി കവര്‍ച്ച കേസുകളില്‍ പ്രതിയാണ് ജെനി. മൂന്നു ദിവസങ്ങള്‍ക്ക് മുമ്പാണ് ഇയാള്‍ ജാമ്യത്തിലിറങ്ങിയത്. അഞ്ചല്‍ സര്‍ക്കിള്‍ ഇന്‍സ്പെക്ടര്‍ ഹരീഷ്, എസ്ഐ പ്രജീഷ്കുമാര്‍ എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്. വൈദ്യപരിശോധന പൂര്‍ത്തിയാക്കിയ പ്രതിയെ പിന്നീട് പുനലൂര്‍ കോടതിയില്‍ ഹാജരാക്കി റിമാന്‍റ് ചെയ്തു.

പരമ്പരാഗത വ്യവസായങ്ങളെ പുനരുദ്ധരിക്കണം: സി.ആർ.മഹേഷ് എംഎൽഎ

കൊല്ലം: കൊല്ലത്തെ പരമ്പരാഗത വ്യവസായങ്ങളായ കയർ, കൈത്തറി, തഴപ്പനെയ്ത് എന്നിവയെ പരിപോഷിപ്പിക്കാനുള്ള സത്വര നടപടികൾ സ്വീകരിക്കണമെന്ന് സി. ആർ. മഹേഷ് എം എൽ എ ആവശ്യപ്പെട്ടു. അഭിലാഷാ ചാരിറ്റബിൾ സൊസൈറ്റിയും നബാർഡും സംയുക്തമായി തഴവയിൽ 15 ദിവസം നീണ്ടുനിൽക്കുന്ന തഴപ്പായും തഴ ഉല്പന്നങ്ങളുടേയും നിർമാണ പരിശീലനപരിപാടി ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. തഴവയുടെ സാംസ്കാരിക പാരമ്പര്യം കൂടിയായ തഴപ്പായും തഴ ഉല്പന്നങ്ങളും ലോക മാർക്കറ്റിൽ ശ്രദ്ധ കേന്ദ്രീകരിക്കുന്നതിന് കേന്ദ്ര-സംസ്ഥാന സർക്കാരുകളുടെ ഇടപെടൽ അനിവാര്യമാണെന്നും സി. ആർ. മഹേഷ് പറഞ്ഞു. ഓച്ചിറ ബ്ലോക്ക് പഞ്ചായത്ത് അംഗം ശ്രീലത അധ്യക്ഷത വഹിച്ചു. നബാർഡ് എ ജി എം. ജെ. രാഖിമോൾ, ഓച്ചിറ ബ്ലോക്ക് പഞ്ചായത്ത് അംഗം സുനിത അശോക്, തഴവ ഗ്രാമ പഞ്ചായത്ത് അംഗങ്ങളായ എസ്. വത്സല, ആർ. സുജ, സലില ദേവി, ചെറാശേരിയിൽ കൃഷ്ണകുമാർ, ശ്രീകുമാരി ആർ. ചന്ദ്രൻ, ജേക്കബ് ഉമ്മൻ, ഡോ. ആർ. ഡി. അയ്യർ എന്നിവർ പ്രസംഗിച്ചു.15 ദിവസം നീണ്ടുനിൽക്കുന്ന പരിശീലന പരിപടി13 ന് സമാപിക്കും.

ഓടനാവട്ടത്ത് കലാസംഗമവും പ്രതിഭകളെ ആദരിക്കലും നടത്തി

ഓടനാവട്ടം: കോസ്മിക് കൾച്ചറൽ ആ െന്‍റ റിസർച്ച് സെന്‍റ റി െ ന്‍റ ആഭിമുഖ്യത്തിൽ നടന്ന കലാസംഗമവും പ്രതിഭകളെ ആദരിക്കലും അധ്യാപക കലാസാഹിതി സംസ്ഥാന പ്രസിഡന്‍റ് എ.ഷാനവാസ് ഉദ്ഘാടനം ചെയ്തു. രക്ഷാധികാരി കെ.ഒ.രാജുക്കുട്ടി അധ്യക്ഷത വഹിച്ചു. പ്രതിഭകൾക്കുള്ള ആദരവ് സംഗീത സംവിധായകൻ രാജൻ കോസ്മിക് നിർവഹിച്ചു. ഗ്രാമപഞ്ചായത്തംഗം ഷീബ സന്തോഷ്, ഓടനാവട്ടം വിജയപ്രകാശ്, റിട്ട.ഡിവൈഎസ്പി എസ്.വിദ്യാധരൻ, ഡോ.എൽ.ടി.ലക്ഷ്മി, കെ. ശശിധരൻ, അബ്ദുൾ ലത്തീഫ്, ബിജു ഇല്ലിക്കൽ, ടി.എസ്.ആഭ, വരദരാജൻ, ഐശ്വര്യ ഷൈൻ, ഷീന എന്നിവർ പ്രസംഗിച്ചു. വിവിധ രംഗങ്ങളിൽ മികവ് തെളിയിച്ച പ്രതിഭകളെയും എസ്എസ്എൽസി,പ ്ലസ് ടു, ബിരുദ തലങ്ങളിൽ ഉന്നത വിജയം നേടിയ 30 ൽ പരം വിദ്യാർഥികളെയും യോഗത്തിൽ ആദരിച്ചു.

ആരോഗ്യമുള്ള സമൂഹത്തിന് സൂംബയും ലഹരിക്കെതിരെ കരാട്ടെയും : ആരോഗ്യമുള്ള സമൂഹത്തിന് സൂംബയും ലഹരിക്കെതിരെ കരാട്ടെയും ഇപ്ലോയുടെ 'സുന്ദര കേരളം' പദ്ധതിക്ക് തുടക്കമായി

കൊല്ലം: ഇന്‍റർനാഷണൽ പീപ്പിൾ ലീപ് ഓർഗനൈസേഷ െന്‍റ (ഇപ്ലോ) ആഭിമുഖ്യത്തിൽ ആരോഗ്യമുള്ള സമൂഹത്തിനായി സൂംബയും ലഹരിക്കെതിരെ കരാട്ടെയും ഉൾപ്പെടുത്തിയ ലഹരിവിമുക്ത, ആരോഗ്യമുള്ള ജനതയുടെ 'സുന്ദര കേരളം' പദ്ധതിയുടെ ഉദ്ഘാടനം മന്ത്രി ജെ.ചിഞ്ചു റാണി നിർവഹിച്ചു. മനുഷ്യനിഷ്ടമുള്ള നൃത്തവും സംഗീതവും അതിനോടൊപ്പമുള്ള അയോധനകലകളുടെ ചുവടുകളും എയ്റോബിക്സും ചേർന്ന സൂംബ സകലരിലേക്കും എത്തിക്കുവാനുള്ള കരുതൽ അക്കാദമിയുടെ പദ്ധതിയായ 'സൂംബ ഫിറ്റ്നസ് വിത്ത്‌ ഹെൽത്തി ന്യൂജൻ' സംസ്ഥാനതല ഉദ്ഘാടനം കൂടിയാണ് നടന്നത്. ആരോഗ്യമുള്ള ലഹരിവിമുക്ത കേരളമാണ് ഇപ്ലോ മുന്നോട്ട് വെക്കുന്നത്. ഇപ്ലോയുടെ സുന്ദരകേരളം അതിനോടൊപ്പമുള്ള മുന്നേറ്റമാണ്. പുതുതലമുറക്ക് ഇഷ്ടമുള്ള സംഗീതവും നൃത്തവും ചേർന്ന് കൊടുക്കുന്ന സൂംബയെന്ന വ്യായാമം ആരോഗ്യമുള്ള ഒരു ജനതയെ രൂപപ്പെടുത്തുന്നതിന് സമൂഹത്തെ സഹായിക്കും. കരാട്ടെ പോലുള്ള മാർഷ്യൽ ആർട്സിലേക്ക് കുഞ്ഞുങ്ങളെ തിരിച്ചുവിടുമ്പോൾ അവർ മറ്റു മാരകമായ ലഹരിയിൽ നിന്ന് അകലം പാലിക്കും. അതിനാൽ സ്കൂളുകളിലേക്ക് ഇത് പകർന്നു നൽകുവാനുള്ള ്രവർത്തനങ്ങൾ കാഴ്ച വെക്കുന്ന കരുതൽ സൂംബ, യോഗ ആന്‍റ് കരാട്ടെ സെന്‍ററി െ ന്‍റ പ്രവർത്തനങ്ങൾ അനുകരണീയമാണെന്നും ചിഞ്ചുറാണി പറഞ്ഞു. കൊല്ലം ഹൈസ്കൂൾ ജംഗ്ഷനിൽ ഉള്ള കരുതൽ സൂംബ, യോഗ ആന്‍റ് കരാട്ടെ സെന്‍ററിൽ നടന്ന സുന്ദര കേരളം പരിപാടിയിൽ കെ പി എ സി ലീലാകൃഷ്ണൻ അധ്യക്ഷത വഹിച്ചു. സൂംബയുടെ പ്രചരണത്തിനായി സ്ഥിതി പബ്ലിക്കേഷൻ പ്രസിദ്ധീകരിച്ച ജോർജ് എഫ്. സേവ്യർ വലിയവീടി െന്‍റ സൂംബ ഡാൻസ് ഫിറ്റ്നസ് െ ന്‍റ പ്രകാശനം എൻ.കെ. പ്രേമചന്ദ്രൻ എംപി നിർവഹിച്ചു. പുസ്തകം എം.നൗഷാദ് എം എൽ എ ഏറ്റുവാങ്ങി.സാഹിത്യകാരൻ വി.ടി.കുരീപ്പുഴ പുസ്തകാവതരണം നടത്തി. എൻ. കെ. പ്രേമചന്ദ്രൻ എം പി, എം.നൗഷാദ് എം എൽ എ, ഇപ്ലോ ഇന്‍റർനാഷണൽ പ്രസിഡന്‍റ് ജോർജ് എഫ്.സേവ്യർ വലിയവീട്, സാഹിത്യകാരൻ വി. ടി. കുരീപ്പുഴ, കാഥികൻ .വി വി. ജോസ് കല്ലട, ഇപ്ലോ ഇന്‍റർനാഷണൽ ജനറൽ സെക്രട്ടറി കാപ്റ്റൻ ക്രിസ്റ്റഫർ ഡിക്കോസ്റ്റ, സാമൂഹ്യപ്രവർത്തക ജയിൻ ആൻസിൽ ഫ്രാൻസിസ്, സാഹിത്യകാരൻ ശിവരാജൻ കോവിലഴികം, ഇമ്‌നാ ജോർജ് വലിയവീട് എന്നിവർ പ്രസംഗിച്ചു. കുരീപ്പുഴ മോഹനൻ, ഷിഹാൻ വിക്രമൻനായർ, എച്ച്. ഷാനവാസ്‌, യോഹന്നാൻ ആന്‍റണി, നൗഷാദ് മുഹമ്മദ്‌, ജോസഫ് എഡ്‌വേർഡ്, ടൈറ്റസ് ലൂക്കോസ്, എ.ജെ. ഡിക്രൂസ്, ബോബൻ ആന്‍റണി, ആന്‍റണി ബോയ് എന്നിവർക്ക് ഇപ്ലോ ഗ്ലോബൽ അവാർഡ് സമ്മാനിച്ചു. സിൻ ജോസ്ഫിൻ ജോർജ്, കരാട്ടെ ബ്ലാക് ബെൽറ്റ് സെക്കന്‍റ് ഡാൻ നേടിയ സ്നേഹ, ഫസ്റ്റ് ഡാൻ നേടിയ എഫ്രോൺ ജോർജ് വലിയവീട് എന്നിവരെ ആദരിച്ചു. തുടർന്ന് കരാട്ടെ ഗ്രേഡിംഗ് വിജയികൾക്ക് സർട്ടിഫിക്കറ്റുകൾ നൽകി.

ഉഴുന്നുവടയിലും പഴംപൊരിയിലും പ്ലാസ്റ്റിക് ഉരുക്കിയ എണ്ണ: അന്വേഷണം പുകപോലെയായി

അജി വള്ളിക്കീഴ് കൊല്ലം: ഉഴുന്നുവടയും പഴംപൊരിയും പൊരിക്കാന്‍ പ്ലാസ്റ്റിക് ഉരുക്കിച്ചേര്‍ത്ത എണ്ണ ഉപയോഗിച്ചെന്ന ആരോപണത്തെ തുടർന്ന് കൊല്ലം റെയില്‍വേ സ്റ്റേഷനു സമീപത്തെ കട കോര്‍പറേഷന്‍ അധികൃതര്‍ അടച്ച് പൂട്ടിച്ച സംഭവത്തി െന്‍റ അന്വേഷണം എങ്ങുമെത്താതെ പാതി വഴിയിൽ നിലച്ച് പുകപോലെയായി. കോർപറേഷൻ അധികൃതരുടെ അനാസ്ഥയാണ് സംഭവത്തിൽ ഉണ്ടായതെന്ന് ഫുഡ് ആന്‍റ് സേഫ്റ്റി വകുപ്പും തങ്ങൾ കൃത്യമായി റിപ്പോർട്ട് ചെയ്തിട്ടും ഫുഡ് ആന്‍റ് സേഫ്റ്റി നടപടികൾക്ക് വൈകിയെന്നു കോർപറേഷൻ ആരോഗ്യ വിഭാഗവും സംഭവത്തിൽ അന്യോന്യം പഴിചാരുകയാണ്. റെയില്‍വേ സ്റ്റേഷനു സമീപത്തെ കട കോര്‍പറേഷന്‍ അധികൃതര്‍ പൂട്ടിയ വാര്‍ത്ത വലിയ പ്രാധാന്യത്തോടെയാണ് മലയാളികള്‍ കേൾക്കുന്നത്. പാമൊലിന്‍ എണ്ണയുടെയും മറ്റു ബേക്കറി പലഹാരങ്ങളുടെയും പ്ലാസ്റ്റിക് പോളിത്തീന്‍ കവറുകള്‍, പൊരിക്കാന്‍ ഉപയോഗിക്കുന്ന എണ്ണയോടൊപ്പം ഇട്ടു തിളപ്പിക്കുന്നത് പതിവെന്നതായിരുന്നു ആരോപണം. പരാതിക്കാരനായ ആൾ വിവരം കോർപറേഷനിലെ ആരോഗ്യ വിഭാഗത്തെയാണ് ആദ്യം അറിയിക്കുന്നത്. കോർപറേഷൻ ജീവനക്കാർ സ്ഥലത്തെത്തി പരിശോധന നടത്തുമ്പോൾ എണ്ണയിൽ പ്ലാസ്റ്റിക് കവർ കിടക്കുന്നത് നേരിൽ കണ്ടതോടെ ഫുഡ് ആന്‍റ് സേഫ്റ്റിയെ അറിയിക്കുകയാണ് ഉണ്ടായത്. കോർപറേഷൻ ഉദ്യോഗസ്ഥർ നഗര പരിധിയിലെ ഇത്തരം പ്രശ്നങ്ങളിൽ ഇടപെട്ടാലും ഫൈൻ അടപ്പിക്കാറാണ് പതിവ്. ഇക്കാര്യത്തിൽ കേസെടുത്ത് നടപടികളിലേക്ക് നീക്കേണ്ട ചുമതല ഫുഡ് ആന്‍റ് സേഫ്റ്റി വകുപ്പി േന്‍റതാണ്. ഫുഡ് ആന്‍റ് സേഫ്റ്റി ഉദ്യോഗസ്ഥർ എത്തുമ്പോഴും ചട്ടിയിലെ എണ്ണയിൽ പ്ലാസ്റ്റിക് കവർ ഉണ്ടായിരുന്നെങ്കിലും കടയുടമയുടെ മൊഴിയുടെ അടിസ്ഥാനത്തിൽ അവ്യക്ത കണ്ടതോടെ കൂടുതൽ അന്വേഷണത്തിനായി പോലീസ് അന്വേഷണം ആവശ്യപ്പെട്ടു ജില്ലാ കളക്ടർക്ക് റിപ്പോർട്ട് ചെയ്യുകയായിരുന്നു. വിവാദമായ സംഭവം കണ്ടെത്തിയ കോർപറേഷൻ ഹെൽത്ത് വിഭാഗം അപ്പോൾ തന്നെ തെളിവിനുള്ള സാമ്പിളുകൾ ശേഖരിക്കാതിരുന്നത് ഫുഡ് ആന്‍റ് സേഫ്റ്റിയുടെ തുടർ അന്വേഷണ സാധ്യതകൾ അടക്കുന്നതായിരുന്നു. കോർപറേഷൻ ഹെൽത്ത് വിഭാഗവും ഫുഡ് ആന്‍റ് സേഫ്റ്റി വകുപ്പും തമ്മിൽ ഇതിനിടെ നേർക്ക് നേർ പോരാണ് നടന്നത്. കോർപറേഷനു ഭക്ഷണ വസ്തുക്കളുമായി ബന്ധപ്പെട്ട പരിശോധന നടത്താനുള്ള അധികാരമില്ലെന്ന് ഫുഡ് ആന്‍റ് സേഫ്റ്റിയും ഉണ്ടെന്നു കോർപറേഷൻ ഉദ്യോഗസ്ഥരും നിലപാടെടുത്തതോടെ ശുചിത്വത്തി ിെ ന്‍റ കാര്യത്തിൽ പോലും കോർപറേഷനിലെ ആരോഗ്യവിഭാഗം നടത്തി വന്ന പരിശോധനകൾ നാമമാത്രമായി മാറി. സംഭവം കൗൺസിൽ യോഗത്തിൽ എത്തിയപ്പോൾ നഗര പരിധിയിലെ ശുചിത്വവും ആരോഗ്യ സുരക്ഷിതത്വവും ഉറപ്പാക്കേണ്ട ഉത്തരവാദിത്തം കോർപറേഷനുള്ളതാണെന്നാണ് മേയർ ഹണി ബെഞ്ചമിൻ പറഞ്ഞത്. ഉഴുന്നുവടയും പഴംപൊരിയും പൊരിക്കാന്‍ പ്ലാസ്റ്റിക് ഉരുക്കിച്ചേര്‍ത്ത എണ്ണ ഉപയോഗിച്ചെന്ന ആരോപണത്തിനു അടിസ്ഥാനമില്ലെന്നാണ് ജില്ലയിലെ ഫുഡ് ആന്‍റ് സേഫ്റ്റിയുടെ ചുമതല വഹിക്കുന്ന വിനോദ് കുമാർ ദീപികയോട് പറഞ്ഞത്. രാജ്യത്ത് ഇത്തരത്തിൽ ഒരു കേസ് റിപ്പോർട്ട് ചെയ്യപ്പെട്ടിട്ടില്ലെന്നും എണ്ണയിൽ പ്ലാസ്റ്റിക് കവർ ഉരുകിച്ചേരില്ലെന്നും വിനോദ് കുമാർ പറയുന്നു. ഇക്കാര്യത്തിൽ കോർപറേഷൻ ഹെൽത്ത് വിഭാഗം ഉടനടി തെളിവ് ശേഖരിക്കാൻ തയാറാകാതിരുന്നത് ഗുരുതര വീഴ്ചയായെന്ന ആരോപണമാണ് ഇപ്പോൾ ഉയർന്നിരിക്കുന്നത്. ചിപ്‌സ് തയാറാക്കുന്പോൾ കേടാകാതെ ഇരിക്കുന്നതിനായി ഇത്തരത്തിൽ ചിലര്‍ ഉപയോഗിക്കുന്നതായി ആരോഗ്യവകുപ്പ് കണ്ടെത്തിയ റിപ്പോർട്ടുകൾ വന്നിരുന്നതാണ്. പലഹാരങ്ങള്‍ നന്നായി മൊരിയാനും തിളക്കം കിട്ടാനുമാണ് ഇതു ചെയ്യുന്നതെന്നും ഇതിനാൽ പെട്ടെന്നു എണ്ണ പലഹാരങ്ങൾ ചീത്തയാകുന്നില്ലെന്നും ആയിരുന്നു പറഞ്ഞിരുന്നത്. സംഭവം വലിയ കോളിളക്കം ഉണ്ടാക്കിയെങ്കിലും കോർപറേഷൻ ആരോഗ്യ വിഭാഗത്തി െ ന്‍റ അനാസ്ഥ മൂലം തെളിവില്ലാത്ത വെറും ആരോപണവുമായി 'പ്ലാസ്റ്റിക് ഉരുക്കി പൊരിക്കൽ' മാറി. പ്ലാസ്റ്റിക് ഉരുകി ചേര്‍ന്ന എണ്ണയുടെ ഉപയോഗം ഗുരുതര ആരോഗ്യപ്രശ്‌നങ്ങള്‍ക്ക് കാരണമാകുമെന്നാണ് പൊതുവെയുള്ള വിലയിരുത്തല്‍. കാന്‍സര്‍ ഉള്‍പ്പെടെ ഗുരുതര ആരോഗ്യ പ്രശ്‌നങ്ങള്‍ക്ക് ഇത്തരം എണ്ണപ്പലഹാരങ്ങള്‍ കാരണമാകുമെന്നാണ് വിദഗ്ധര്‍ പറയുന്നത്. വലിച്ചാല്‍ വലിയുന്ന ടൈപ് സോഫ്റ്റ് ആന്‍റ് ക്ലിയര്‍ പ്ലാസ്റ്റിക് ബാഗുകള്‍ ഉണ്ടാക്കാന്‍ ഉപയോഗിക്കുന്ന ലോ ഡെന്‍സിറ്റി പോളി എതിലിന്‍ നൂറ് ഡിഗ്രിയില്‍ അധികം ചൂടാകുമ്പോള്‍ കട്ടിയുള്ള ദ്രാവക രൂപത്തിലേക്ക് മാറും. എന്നാല്‍ അത് പൂര്‍ണമായി എണ്ണയുമായി ചേരില്ല. 120 ഡിഗ്രിയില്‍ കൂടുതല്‍ വരുന്ന പൂരിത കൊഴുപ്പ് കൂടുതലുള്ള തിളച്ച വെളിച്ചെണ്ണയില്‍ ഇത് നന്നായി ചേർക്കാനാവുമെങ്കിലും പൂര്‍ണമായി ലയിക്കില്ല. ഇത് തിളച്ച വെളിച്ചെണ്ണയുടെ വിസ്‌കോസിറ്റി കൂടുതല്‍ കട്ടിയുള്ളതുമാക്കുകയാണ് ചെയ്യുക. ഇത്തരത്തില്‍ പ്ലാസ്റ്റിക് ചേര്‍ത്ത് കട്ടികൂടുന്ന ഓയിലില്‍ വറുക്കുന്ന പലഹാരങ്ങള്‍ക്ക് തുല്യമായ രീതിയില്‍ ചൂട് കിട്ടുകയും കരിയാതെ ഫ്രൈ ആവുകയും ചെയ്യുന്നു എന്നതാണ് വാസ്തവം. തുല്യമായ ചൂട് കിട്ടുന്നത് വഴി എണ്ണക്കടികള്‍ ഗോള്‍ഡന്‍ ബ്രൗണ്‍ കളര്‍ നല്‍കുന്ന മൈലാര്‍ഡ് രാസപ്രവര്‍ത്തനം ത്വരിതപ്പെടുകയും ചെയ്യുന്നുണ്ട്. പലഹാരങ്ങള്‍ പൊടിയാതിരിക്കാനും ചിലർ പ്ലാസ്റ്റിക് എണ്ണയില്‍ ചേർക്കാറുണ്ട്. ഇത് വീണ്ടും വീണ്ടും ഉപയോഗിക്കുന്നതിലൂടെ എണ്ണയുടെ നിറം മാറില്ല. ഒരു തവണ ഉപയോഗം കഴിഞ്ഞ ഈ എണ്ണയിൽ നിന്ന് അരിപ്പയില്‍ അരിച്ച് പ്ലാസ്റ്റിക് വേര്‍തിരിച്ചെടുക്കാന്‍ സാധിക്കും. എണ്ണയുടെ ചൂട് കുറയുന്നതോടെ പ്ലാസ്റ്റിക് വീണ്ടും എണ്ണയില്‍ നിന്ന് വേറിട്ട് കിടക്കുകയും ചെയ്യും. ചുരുക്കത്തിൽ 120 ഡിഗിയില്‍ കൂടുതല്‍ ചൂടുള്ളപ്പോൾ മാത്രമെ പ്ലാസ്റ്റിക് വെളിച്ചെണ്ണയിലും പാം ഓയിലിലും ചേർക്കാനാകു.

ഗുണ്ടാനിയമ പ്രകാരം അറസ്റ്റില്‍

തിരുവനന്തപുരം: ഗുണ്ടാ നിയമപ്രകാരം യുവാവിനെ മെഡിക്കല്‍കോളജ് പോലീസ് അറസ്റ്റുചെയ്തു. പാറോട്ടുകോണം ചിറയില്‍ പുത്തന്‍വീട്ടില്‍ പനങ്ങ രാജേഷ് എന്നുവിളിക്കുന്ന രാജേഷ് (45) ആണ് അറസ്റ്റിലായത്. ഏകദേശം 27 ക്രിമിനല്‍ക്കേസുകളിലെ പ്രതിയാണ് രാജേഷ്. നിരന്തരം കുറ്റകൃത്യങ്ങളില്‍ ഏര്‍പ്പെട്ടുവന്നതോടെയാണ് ഇയാള്‍ക്കെതിരേ ഗുണ്ടാനിയമം പ്രയോഗിക്കാന്‍ ജില്ലാകളക്ടര്‍ ഉത്തരവിട്ടത്. സൈബര്‍ സിറ്റി എസി ജെ. കെ ദിനിലിന്റെ നിര്‍ദ്ദേശപ്രകാരം മെഡിക്കല്‍കോളജ് സി.ഐ ബി.എം ഷാഫി, ഗ്രേഡ് എസ്.ഐ സജിരാജ് കുമാര്‍, പോലീസുകാരായ ബിനു, മുബാറക്, മോഹന്‍ദാസ് എന്നിവരാണ് പ്രതിയെ പിടികൂടിയത്. ഇയാളെ തിരുവനന്തപുരം സെന്‍ട്രല്‍ ജയിലില്‍ കരുതല്‍ തടങ്കലില്‍ പാര്‍പ്പിച്ചിട്ടുണ്ട്.

കടലിൽ കാണാതായ മത്സ്യത്തൊഴിലാളിക്കായി തെരച്ചിൽ തുടരുന്നു

വിഴിഞ്ഞം : കടലിൽ കാണാതായ പുല്ലുവിള കിണറ്റടിവിളാകം പുരയിടത്തിൽ സ്റ്റെല്ലസ് (48) നായുള്ള തെരച്ചിൽ തുടരുന്നു. തീരദേശ പോലീസും മറൈൻ എൻഫോഴ്സ്മെന്‍റ്ും കോസ്റ്റു ഗാർഡും ഇന്നലെ രാവിലെ മുതൽ നടത്തിയ തെരച്ചിലും ഫലം കണ്ടില്ല. ശക്തമായ കടൽക്ഷോഭമുള്ളതിനാൽ ഉൾക്കടലിലേക്ക് ഒഴുകി പോകാമെന്നും അധികൃതർ കണക്ക് കൂട്ടുന്നു. വ്യാഴാഴ്ച വിഴിഞ്ഞത്തു നിന്ന് മീൻ പിടിക്കാൻ പോയ അഞ്ചംഗ സംഘത്തിലെ ഒരാളായിരുന്നു സ്റ്റെല്ലസ്. ‌ ഇവർ സഞ്ചരിച്ച ബോട്ട് വെള്ളിയാഴ്ച പുലർച്ചെ വിഴിഞ്ഞം തുറമുഖത്തിന് സമീപം മറിഞ്ഞാണ് അപകടമുണ്ടായത്. അഞ്ചുപേരിൽ പുല്ലുവിള പഴയതുറ പുരയിടത്തിൽ ആന്‍റണി തിരയിൽപ്പെട്ടു മരണമടഞ്ഞിരുന്നു. കാണാതായ സ്റ്റെല്ലസിനെ കണ്ടെത്താൻ രക്ഷാബോട്ടിറക്കിയെങ്കിലും പരാജയമടഞ്ഞു. പ്രതികൂല കാലാവസ്ഥയെ തുടർന്ന് നിർത്തിവച്ച തെരച്ചിൽ ഇന്ന് വീണ്ടും ആരംഭിക്കുമെന്ന് അധികൃതർ അറിയിച്ചു.

മരംവീണ് വീടുകൾ തകര്‍ന്നു

പേരൂര്‍ക്കട: മഴക്കെടുതി തുടരുന്നു. ഇന്നലെ രാവിലെ മുതല്‍ ഉച്ചവരെ മഴ ഏറെക്കുറെ ഒഴിഞ്ഞുനിന്നുവെങ്കിലും ഈയൊരുദിവസം 8 കോളുകളാണ് തിരുവനന്തപുരം ഫയര്‍ഫോഴ്‌സിന് ലഭിച്ചത്. പേരൂര്‍ക്കട ഹാര്‍വിപുരത്ത് പ്രകാശിന്‍റെ ഉടമസ്ഥതയിലുള്ള വീടിന്‍റെ ആസ്ബസ്‌റ്റോസ് റൂഫിലേക്ക് തണല്‍മരം വീണ് വീടു തകര്‍ന്നു. പൂജപ്പുര മുടവന്‍മുകളില്‍ ഇലക്‌ട്രിക് ലൈനിനു മുകളില്‍ കൂറ്റന്‍ പ്ലാവ് വേരറ്റുവീണു. മുറിഞ്ഞുമാറിയ ലൈനുകള്‍ കെഎസ്ഇബി ജീവനക്കാരെത്തി പുന:സ്ഥാപിച്ചു. ശാസ്തമംഗലം കുറുപ്പ്‌സ് ലെയിനില്‍ അജയകുമാറിന്‍റെ 32-ാം നമ്പര്‍ വീടിനുമുകളില്‍ കൂറ്റന്‍ തെങ്ങുവീണ് വീടിനു കേടുപാടുകള്‍ ഉണ്ടായി. പാങ്ങോട് മിലിറ്ററി ക്യാമ്പിലെ ഇലക്‌ട്രിക് സെക്ഷന്‍ കെട്ടിടത്തിനു മുകളില്‍ വീണ കൂറ്റന്‍ വട്ടമരം മണിക്കൂറുകള്‍ പരിശ്രമിച്ചാണ് മുറിച്ചുനീക്കിയത്. തിരുവനന്തപുരം ഫൈന്‍ആര്‍ട്ട് കോളജ് വളപ്പിനുള്ളില്‍നിന്ന തണല്‍മരം വീണ് യാത്രാതടസമുണ്ടായി. തിരുവനന്തപുരം നിലയത്തില്‍ നിന്ന് സീനിയര്‍ ഫയര്‍ ആന്റ് റസ്‌ക്യു ഓഫീസര്‍മാരായ ഷാഫി, ഷഹീന്‍ എന്നിവരുടെ നേതൃത്വത്തിലുള്ള സംഘമാണ് പ്രവര്‍ത്തനങ്ങള്‍ക്കു മേല്‍നോട്ടം വഹിച്ചത്.

റോഡുകള്‍ ആധുനിക നിലവാരം കൈവരിച്ചു: മന്ത്രി വി. ശിവന്‍കുട്ടി

പേരൂര്‍ക്കട: ജില്ലയിലെ റോഡുകള്‍ ആധുനിക നിലവാരം കൈവരിച്ചതായി മന്ത്രി വി. ശിവന്‍കുട്ടി പറഞ്ഞു. 12 കോടി രൂപ ചെലവില്‍ അന്താരാഷ്‌ട്ര നിലവാരത്തിലുള്ള സ്മാര്‍ട്ട് റോഡായി നവീകരിച്ച ശാസ്തമംഗലം-ഊളമ്പാറ-പേരൂര്‍ക്കട-അമ്പലമുക്ക് റോഡിന്‍റെ ഉദ്ഘാടനം നിര്‍വഹിക്കുകയായിരുന്നു മന്ത്രി. അന്താരാഷ്‌ട്ര നിലവാരത്തിലുള്ള റോഡ് സുരക്ഷാ മാനദണ്ഡങ്ങള്‍ പാലിച്ചാണ് ഈ പ്രവൃത്തി നടപ്പാക്കിയിരിക്കുന്നതെന്നും മന്ത്രി അറിയിച്ചു. ശാസ്തമംഗലം-പേരൂര്‍ക്കട-ഊളമ്പാറ-അമ്പലമുക്ക് റോഡിന് മൂന്നര കിലോമീറ്റര്‍ നീളമാണുള്ളത്. എല്ലാ വീടുകളിലും ഭൂമിക്കടിയിലൂടെ ഗ്യാസ് കണക്ഷന്‍ ലഭ്യമാക്കുന്ന രീതിയിലാണ് റോഡ് നിര്‍മിച്ചിരിക്കുന്നത്. വി.കെ പ്രശാന്ത് എംഎല്‍എ അധ്യക്ഷത വഹിച്ചു.

മേലെക്കോണത്ത് കരടിയെ കണ്ടെന്ന് നാട്ടുകാർ; വനംവകുപ്പ് അധികൃതർ പരിശോധന നടത്തി

നെടുമങ്ങാട് : വെള്ളനാട് കുതിരകളത്തിന് സമീപം മേലെക്കോണത്ത് കരടിയെ കണ്ടതായി നാട്ടുകാർ. വിവരം അറിയിച്ചതിനെ തുടർന്ന് വനംവകുപ്പ് അധികൃതർ പ്രദേശത്ത് പരിശോധന നടത്തി. പരുത്തിപ്പള്ളി ഫോറസ്റ്റ് റേഞ്ച് ഓഫീസർ എസ്.ശ്രീജു, ആർആർടി സെക്‌ഷൻ ഓഫീസർ മുഹമ്മദ് നൗഷാദ്, പഞ്ചായത്തംഗം എസ്.ബിന്ദു തുടങ്ങിയവരുടെ നേതൃത്വത്തിലായിരുന്നു പരിശോധന. കഴിഞ്ഞ ദിവസം നടത്തിയ പരിശോധനയിൽ ചില കാൽപാടുകൾ കണ്ടെത്തി. മഴ കാരണം മണ്ണൊലിച്ച് കാൽപാടുകൾ അവ്യക്തമായതിനാൽ ഇത് കരടിയുടേതാണെന്ന് സ്ഥിരീകരിക്കാൻ കഴിഞ്ഞിട്ടില്ല. ശാസ്ത്രീയമായ പരിശോധനയ്ക്ക് ശേഷമേ കാൽപാടുകൾ കരടിയുടേതാണോയെന്ന് പറയാൻ കഴിയുള്ളുവെന്നും വരും ദിവസങ്ങളിൽ പ്രദേശത്ത് നിരീക്ഷണ ക്യാമറകൾ സ്ഥാപിച്ച് കൂടുതൽ പരിശോധന നടത്തുമെന്നും വനംവകുപ്പ് അധികൃതർ പറഞ്ഞു. കഴിഞ്ഞ വെള്ളിയാഴ്ച വൈകീട്ട് മൂന്നോടെ നാട്ടുകാരനായ രവി മേലെക്കോണം കമലാസനന്‍റെ പറമ്പിൽ ചക്കയിടാൻ പോയപ്പോൾ സമീപത്തെ പാറയിൽ കരടി ഇരിക്കുന്നത് കണ്ടെന്നാണ് പറയുന്നത്.

ഓച്ചിറ റെയിൽവേ സ്റ്റേഷനിൽ ട്രാക്കിലെ കണക്ടിങ് റോഡ് ഊരിമാറിയ സംഭവം: റെയിൽവേ അന്വേഷിക്കും

കൊല്ലം: റെയിൽവേ പാളത്തിലെ കണക്ടിങ് റോഡ് ഊരിമാറിയതിനാൽ സിഗ്നൽ കിട്ടാതെ പാസഞ്ചർ ട്രെയിൻ റെയിൽവേ സ്റ്റേഷനിൽ കയറാൻ കഴിയാതായ സംഭവം റെയിൽവേ അന്വേഷിക്കും. സിഗ്നൽ കിട്ടാതെ ട്രെയിൻ റെയിൽവേ സ്റ്റേഷനിലെ പാളത്തിൽ കയറാതെ വന്നതോടെ നടന്ന പരിശോധനയിലാണ് ലൈനിൽനിന്നും ലൂപ്പ് ലൈനിലേക്കും, മറിച്ചും ട്രെയിൻ വഴിതിരിച്ചുവിടുന്ന കണക്ടിങ് റോഡ് ഊരിമാറിയനിലയിലാണെന്ന് കണ്ടെത്തുന്നത്. ഓച്ചിറ റെയിൽവേ സ്‌റ്റേഷനു തെക്കുഭാഗത്തെ ട്രാക്കിലാണ് ഈ സംഭവം. ശനിയാഴ്ച പുലർച്ചെ 5.15 ന് പാസഞ്ചർ ട്രയിൻ എത്തുമ്പോഴാണ് ഇത് അറിയുന്നത്. കണക്ടിങ് റോഡ് ഊരിമാറിയതു റെയിൽവെയുടെ ആധുനിക സംവിധാനത്തിലൂടെ മനസിലാക്കുകയായിരുന്നു. സിഗ്നൽ ലഭ്യമാകാത്തതിനെ തുടർന്ന് ട്രെയിൻ നിർത്തിയിട്ട് പരിശോധിക്കുമ്പോഴാണ് ഇതറിയുന്നത്. ഇതോടെ ട്രെയിൻ പ്ലാറ്റ്ഫോമിൽ നിന്ന് മാറി മധ്യഭാഗത്തുള്ള പ്രധാന ലൈനിലൂടെ സ്‌റ്റേഷനിൽ എത്തി യാത്രക്കാരെ കയറ്റുകയായിരുന്നു. ഇതിനാൽ പിന്നീടുവന്ന പാലരുവി എക്‌സപ്രസും പ്രധാന ലൈനിൽ നിർത്തിയാണ് യാത്രക്കാരെ കയറ്റിയത്. തുടർന്ന് ഏറനാട് എക്‌സ്പ്രസ്, വന്ദേഭാരത് എക്‌സപ്രസ് എന്നീ ട്രെയിനുകളും കടന്നുപോയി. സിഗ്നൽ,ട്രാഫിക് വിഭാഗങ്ങളിലെ ഉന്നത ഉദ്യോഗസ്ഥരും റെയിൽവേ പൊലീസും സ്ഥലത്ത് എത്തി തകരാർ പിന്നീട് പരിഹരിക്കുകയാണ് ഉണ്ടായത്. തിരുവനന്തപുരത്തുനിന്നും എത്തിയ ആർ പി എഫ് എ എസ് പിയുടെ നേതൃത്വത്തിലുള്ള സംഘം എത്തി തകരാർ വിശദമായി പരിശോധിച്ചിരുന്നു. മുൻപും രണ്ടിടത്ത് സമാന സംഭവം ഉണ്ടായിട്ടുണ്ടെന്നും, സംഭവത്തിൽ ദുരൂഹത ഇല്ലെന്നുമായിരുന്നു പ്രാഥമിക നിഗമനം. തുടർന്നാണ് സംഭവത്തിൽ അന്വേഷണം നടത്തുമെന്ന് റെയിൽവേ അറിയിച്ചിരിക്കുന്നത്.

വൈദ്യുതി ബന്ധം പുനസ്ഥാപിക്കൽ ജീവനക്കാരോട് സഹകരിക്കണമെന്ന്

പുനലൂർ: ശക്തമായ കാറ്റിലും മഴയിലും മരങ്ങൾ കടപുഴകി വീണ് നിരവധി വൈദ്യുതി തൂണുകൾ ഒടിയുകയും കമ്പികൾ പൊട്ടുകയും ട്രാൻസ്‌ഫോർമർ സ്റ്റേഷനുകൾക്ക് കേടുപാടുകൾ സംഭവിക്കുകയും ചെയ്തിട്ടുണ്ട്. പുനലൂർ ഡിവിഷൻ പരിധിയിലെ മുഴുവൻ പ്രദേശത്തും അനവധി കേടുപാടുകൾ സംഭവിച്ചിട്ടുണ്ട്.പരിമിതമായ ജീവനക്കാരെയും കോൺട്രാക്ടമാരെയും ഉപയോഗിച്ച് വൈദ്യുതി ബന്ധം സമയബന്ധിതമായി പുനസ്ഥാപിക്കുന്നതിന് വേണ്ടിയുള്ള തീവ്ര പരിശ്രമത്തിലാണ് ഇലക്ട്രിസിറ്റിബോർഡ്. സുരക്ഷാക്രമമനുസരിച്ചു ഹൈ ടെൻഷൻ ,ലോ ടെൻഷൻ ലൈനുകളിൽ പണിയെടുക്കാൻ എത്തിച്ചേരുന്ന ജീവനക്കാർക്കും തൊഴിലാളികൾക്കും ഉപഭോക്താക്കളുടെയും പ്രദേശ വാസികളുടെയും സഹകരണം ഉണ്ടാകണം. ജീവനക്കാരുടെ കൃത്യ നിർവഹണം തടസപ്പെടുത്തുന്ന തരത്തിൽ ബുദ്ധിമുട്ടുകൾ ഉണ്ടാക്കുകയാണെങ്കിൽ അത്തരക്കാർക്കെതിരെ നിയമ നടപടി സ്വീകരിക്കുന്നതാണെന്നും കെ എസ് ഇ ബി പുനലൂർ ഡിവിഷൻ എക്സിക്യൂട്ടീവ് എൻജിനീയർ അറിയിച്ചു. കൊച്ചുവെറ്റമുക്കിന് സമീപം വീടുകളിൽ വൈദ്യുതി കിട്ടാതായിട്ട് നാലുദിവസം ചവറ : ശക്തമായി പെയ്ത മഴയില്‍ വൈദ്യുതി പോയി നാലു ദിവസമായിട്ടും വൈദ്യുതി ബന്ധം പുനസ്ഥാപിക്കാത്തതില്‍ പരാതിയുമായി നാട്ടുകാര്‍ രംഗത്തെത്തി. പന്മന ഇലട്രിക് സെക്ഷന്‍ പരിധിയില്‍ വെറ്റമുക്ക് വാര്‍ഡില്‍ കൊച്ചു വെറ്റമുക്കിന് വടക്കുവശത്തുള്ളവരുടെ വീടുകളില്‍ നാല് ദിവസമായിട്ടും വൈദ്യുതി കിട്ടുന്നില്ലായെന്നാരോപണം ഉയരുന്നത്. വൈദ്യുത പോസ്റ്റ് മറിഞ്ഞ് വീണാണ് ഇവിടെ വൈദ്യുതി നിലച്ചത്. ഡയാലിസിസ് , പ്രഷര്‍ രോഗികളുള്‍പ്പെടെയുള്ളവര്‍ വൈദ്യുതിയില്ലാത്തതിനാല്‍ ബുദ്ധുമുട്ടനുഭവിക്കുകയാണ്.ബന്ധപ്പെട്ട അധികൃതരോട് പറയുമ്പോള്‍ ഉടന്‍ ശരിയാകും എന്ന മറുപടി മാത്രമാണ് ലഭിക്കുന്നതെന്ന് നാട്ടുകാര്‍ പറയുന്നു. മറ്റുള്ളിടത്ത് വൈദ്യുതി ബന്ധം പുന:സ്ഥാപിച്ചിട്ടും ഇവിടെ മാത്രം ദിവസങ്ങള്‍ കഴിഞ്ഞിട്ടും വൈദ്യുതി എത്താത്തതില്‍ അമര്‍ഷത്തിലാണ് നാട്ടുകാര്‍.ഇനിയെങ്കിലും പ്രശ്‌നത്തിന് പരിഹാരം കണ്ടില്ലെങ്കില്‍ ഉപരോധമുള്‍പ്പെടെയുള്ള സമര പരിപാടികളുമായി മുന്നോട്ട് പോകാനാണ് നാട്ടുകാരുടെ തീരുമാനം.

സിസിടിവിയില്‍ കണ്ട അജ്ഞാത ജീവി പുലിയെന്ന് നാട്ടുകാര്‍

അഞ്ചല്‍ : സിസിടിവിയില്‍ അജ്ഞാത ജീവിയെ കണ്ടത് പുലിയെന്ന് നാട്ടുകാര്‍ . സ്ഥിരീകരിക്കാതെ വനം വകുപ്പ്.ഏരൂര്‍ പത്തടി കാഞ്ഞുവയലില്‍ ലക്ഷംവീട് കുന്നുംപുറത്താണ് സിസിടിവിയില്‍ പുലിയുടെതിന് സാമ്യമുള്ള ജീവിയുടെ ദൃശ്യങ്ങള്‍ പതിഞ്ഞത്. ഷാനവാസ് എന്നയാളുടെ വീട്ടിലെ സിസിടിവി കാമറയിലാണ് അജ്ഞാത ജീവിയുടെ ദൃശ്യങ്ങള്‍ കണ്ടെത്തിയത്. ദൃശ്യങ്ങള്‍ പരിശോധിച്ചപ്പോള്‍ പുലിയുടെതെന്ന സംശയത്തില്‍ വിവരം വനം വകുപ്പ് അധികൃതരെ അറിയിക്കുകയായിരുന്നു. സ്ഥലത്തെത്തിയ അഞ്ചല്‍ റേഞ്ച് ആര്‍ആര്‍ടി അധികൃതര്‍ വിശദമായ പരിശോധന നടത്തി. പ്രാഥമിക പരിശോധനയില്‍ പുലിയല്ലെന്നും കാട്ടുപൂച്ചയാണെന്നും വനം വകുപ്പ് നാട്ടുകാരെ അറിയിച്ചു. എന്നാല്‍ വനം വകുപ്പിന്‍റെ വാദം നാട്ടുകാര്‍ തള്ളുകയാണ്. കണ്ടത് പുലിയാണെന്ന നിഗമനത്തില്‍ തന്നെയാണ് നാട്ടുകാര്‍. തന്‍റെ പശുവടക്കമുള്ള ഫാം ലക്ഷ്യമിട്ടാണ് ഇവയെത്തിയതെന്നും ഷാനവാസ് പറയുന്നു. നാട്ടുകാരും പൊതുപ്രവര്‍ത്തകര്‍ ഉള്‍പ്പടെയുള്ളവരും ആശങ്ക പങ്കുവച്ചതോടെ വൈകിട്ട് വീണ്ടും സ്ഥലത്തെത്തിയ ആര്‍ആര്‍ടി സംഘം സിസിടി ദൃശ്യങ്ങളില്‍ കണ്ടത് പുലിയാണെന്ന് സ്ഥിരീകരിക്കാന്‍ കഴിഞ്ഞിട്ടില്ലെന്നും കൂടുതല്‍ പരിശോധന നടത്തുമെന്നും അറിയിച്ചു. രാത്രി കാലങ്ങളില്‍ കൂടുതല്‍ പരിശോധന നടത്തുമെന്നും കാമറകള്‍ പരിശോധിച്ച് പുലിയാണോ അല്ലയോ എന്നത് സംബന്ധിച്ച സ്ഥിരീകരണം നടത്തുമെന്നും അറിയിച്ചു. സ്ഥിരീകരണം ഉണ്ടാകുംവരെ ജാഗ്രത വേണമെന്നും അധികൃതര്‍ മുന്നറിയിപ്പ് നല്‍കിയിട്ടുണ്ട്.

മഴക്കെടുതി: നാശനഷ്ടങ്ങളുടെ വ്യാപ്തി ഭീകരം; വൈദ്യുതി ബന്ധം പുനസ്ഥാപിച്ചു

കുളത്തൂപ്പുഴ: കിഴക്കൻ മലയോര മേഖലകളിൽ മഴക്ക് നേരിയ ശമനമുണ്ടായെങ്കിലും കഴിഞ്ഞ ദിവസങ്ങളിലെ ശക്തമായ മഴയെ തുടര്‍ന്നുണ്ടായ മഴക്കെടുതി ഇപ്പോഴും കുളത്തൂപ്പുഴയുടെ ഗ്രാമപ്രദേശങ്ങളില്‍ രൂക്ഷമായി തുടരുന്നു. മരം വീണും മേല്‍ക്കൂര തകര്‍ന്നും നിരവധി വീടുകള്‍ക്ക് നാശം നേരിട്ടു. അമ്പതേക്കര്‍ കുന്നുംപുറത്ത് ഷീബാ മന്‍സിലില്‍ താജുദ്ദീന്‍റെ വീടിനു മുകളിലേക്ക് സമീപത്ത് നിന്നിരുന്ന പ്ലാവ് ഒടിഞ്ഞു വീണു കോണ്‍ക്രീറ്റിനു വിള്ളലുണ്ടായി. കുളത്തൂപ്പുഴ കൈതക്കാട് ഓർത്തഡോക്സ് പള്ളിക്ക് സമീപം ഷാഹുല്‍ ഹമീദിന്‍റെ വീടിനു സമീപം നിന്നിരുന്നു രണ്ടു പ്ലാവുകള്‍ കഴിഞ്ഞ ദിവസത്തെ ശക്തമായ കാറ്റില്‍ ഒടിഞ്ഞ് അടുക്കളക്ക് മുകളിലേക്ക് വീണു പൂര്‍ണമായി തകര്‍ന്നു. സംഭവ സമയം വീട്ടില്‍ താമസക്കാരില്ലാതിരുന്നതിനാല്‍ വൻ അപകടം ഒഴിവായി. കൃഷി നാശം സംബന്ധിച്ച് ഇപ്പോഴും കണക്കുകള്‍ക്ക് വ്യക്തത വന്നിട്ടില്ല. ഓരോ ദിവസവും വിവിധ പ്രദേശങ്ങളിലെ കര്‍ഷകര്‍ തങ്ങളുടെ നാശനഷ്ടം സംബന്ധിച്ച് പരാതികളും അറിയിപ്പുമായി എത്തുകയാണെന്നും ഭൂരിഭാഗം പേരും വിള ഇന്‍ഷുറന്‍സ് പദ്ധതിയില്‍ അംഗങ്ങളല്ലാത്തവരാണ്. അതിനാല്‍ മഴക്കെടുതിക്കായി സര്‍ക്കാര്‍ ഫണ്ട് വകയിരുത്തിയെങ്കില്‍ മാത്രമേ ഏതെങ്കിലും തരത്തിലുള്ള നഷ്ടപരിഹാരം എല്ലാവര്‍ക്കുമെത്തിക്കാന്‍ കഴിയുകയുള്ളൂവെന്നുമാണ് കൃഷി വകുപ്പുമായി ബന്ധപ്പെട്ട ഉദ്യോഗസ്ഥര്‍ പറയുന്നത്. പ്രദേശത്ത് വ്യാപകമായി മരങ്ങളും ചില്ലകളും വീണ് വൈദ്യുതി ലൈനുകള്‍ തകര്‍ന്നത് പൂര്‍വസ്ഥിതിയിലാക്കി വൈദ്യുതി എത്തിക്കാനുള്ള ശ്രമം തുടരുകയാണ്. ഭൂരിഭാഗം പ്രദേശങ്ങളിലും വൈദ്യുതി ബന്ധം പുനസ്ഥാപിച്ചെങ്കിലും ഏതാനും കോളനി പ്രദേശങ്ങളില്‍ 11 കെ. വി. ലൈനുകള്‍ തകര്‍ന്ന് കിടക്കുന്നതിനാല്‍ ആറാം ദിവസമായിട്ടും വൈദ്യുതി ബന്ധം പുനസ്ഥാപിക്കാന്‍ കഴിഞ്ഞില്ലെന്ന് ജീവനക്കാര്‍ വ്യക്തമാക്കി. കുളത്തൂപ്പുഴ സെക്ഷനു കീഴില്‍ അറുപതോളം വൈദ്യുതി തൂണുകള്‍ തകര്‍ന്നതായും ലക്ഷങ്ങളുടെ നാശനഷ്ടമാണ് കാറ്റും മഴയും കൊണ്ട് ബോര്‍ഡിനുണ്ടായിട്ടുള്ളതെന്നും അധികൃതര്‍ അറിയിച്ചു.

അപകട ജംഗ്ഷനായി കൊച്ചു കലിംഗ് ; ഭീതിയോടെ പ്രദേശവാസികൾ

മടത്തറ : മലയോര ഹൈവേയില്‍ കുളത്തൂപ്പുഴ മടത്തറ പാതയില്‍ കൊച്ചുകലിംഗ് ജംഗ്ഷന്‍ വാഹനങ്ങളുടെ അന്തകനാകുന്നു. ചെറുതും വലുതുമായി ഈ ഭാഗത്ത് അപകടം ഇല്ലാത്ത ദിവസങ്ങളില്ല. കഴിഞ്ഞ ഒരാഴ്ച്ചയ്ക്കിടെ മാത്രം ഇവിടെ നടന്നത് നാല് അപകടങ്ങളാണ്. ഒരു വര്‍ഷത്തിനിടെ 20 ഓളം അപകടങ്ങള്‍ ഈ ജംഗ്ഷനില്‍ ഉണ്ടായിട്ടുണ്ട്. ഇവിടെ ബ്രേക്ക് ഇടുന്ന വാഹനങ്ങള്‍ വെട്ടി തിരിഞ്ഞു എതിര്‍ ദിശയിലേക്ക് മറിയുകയാണ്. ഇന്നലെ ഡെലിവറി വാന്‍ നിയന്ത്രണവിട്ടു എതിരെ പോയ കാറിലിടിച്ച് അപകടം ഉണ്ടായി. കാര്‍ യാത്രികര്‍ക്ക് സാരമായി പരിക്കേറ്റു. ഇവരെ പിന്നീട് കടയ്ക്കല്‍ താലൂക്ക് ആശുപത്രിയിലേക്ക് മാറ്റി. രണ്ടു ദിവസം മുമ്പാണ് സമാനമായി പാഴ്സലുമായി വന്ന വാഹനം എതിര്‍ ദിശയില്‍ നിര്‍ത്തിയിരുന്ന ബൈക്കിന് മുകളിലേക്കു മറിയുന്നത്. പാതയുടെ നിര്‍മാണത്തിലെ അശാസ്ത്രീയതയാണ് അപകട കാരണം എന്ന് നാട്ടുകാര്‍ ആരോപിക്കുന്നു. മുമ്പ് ഇതുസംബന്ധിച്ച് ദീപിക റിപ്പോര്‍ട്ട് ചെയ്ത വാര്‍ത്തയുടെ അടിസ്ഥാനത്തില്‍ ജെസിബി എത്തിച്ചു പാതയില്‍ ഗ്രിപ്പ് വരുത്തി അപാകടാവസ്ഥ ഒഴിവാക്കാനുള്ള ശ്രമം നടത്തിയിരുന്നു. പക്ഷേ ഇക്കാര്യത്തിലും കാര്യമായ പ്രയോജനം ഉണ്ടായിട്ടില്ല. അപകടങ്ങളില്‍പ്പെടുന്നവരെല്ലാം തലനാരിഴക്കാണ് രക്ഷപ്പെട്ടത്. അപകടങ്ങള്‍ തുടര്‍ക്കഥയായതോടെ നാട്ടുകാരുടെ നേതൃത്വത്തില്‍ പ്രത്യേക സമിതി ഉണ്ടാക്കി പ്രക്ഷോഭം സംഘടിപ്പിക്കാനുള്ള തീരുമനത്തിലാണിപ്പോള്‍. ജനപ്രതിനിധികള്‍ ഉള്‍പ്പടെയുള്ളവര്‍ മുഖ്യമന്ത്രി ,മാരാമത്ത് വകുപ്പ് മന്ത്രി എന്നിവര്‍ക്ക് പരാതി നല്‍കാനും തീരുമാനിച്ചിട്ടുണ്ട്.

കിഴക്കേകല്ലടയിൽ ക്ഷീരകർഷകർ ദുരിതത്തിൽ

കിഴക്കേ കല്ലട. കിഴക്കേ കല്ലടയിലെ മൃഗാശുപത്രിയിലെ ഡോക്ടർ പോയിട്ട് മാസങ്ങളാകുന്നു. മഴക്കാല സമയത്ത് കന്നുകാലികൾക്ക് നിരന്തരമായ അസുഖങ്ങൾ ബാധിക്കുന്ന സമയമാണ്. കല്ലടയിലെ കന്നുകാലികൾക്ക് അസുഖങ്ങൾ വന്നാൽ അവരെ പരിചരിക്കാനോ ഹോസ്പിറ്റലിൽ മരുന്ന് കൊടുക്കാനോ ആളില്ലാത്ത അവസ്ഥയായി മാറിയിരിക്കുന്നു. പുറത്തുനിന്ന് ഡോക്ടർമാരെ വിളിക്കുന്നതും മെഡിക്കൽ സ്റ്റോറിൽ പോയി മരുന്നു വാങ്ങുന്നതും കർഷകർക്ക് ഒരു ബാധ്യതയായി മാറിയിരിക്കുന്നു .മിക്ക കർഷകരും പശു പരിപാലനം നിർത്തി തുടങ്ങിയിരിക്കുന്നു. ഇതുകൊണ്ട് ഉപജീവനമാർഗംനടത്തുന്ന ക്ഷീരകർഷകർ കഷ്ടത്തിൽ ആയിരിക്കുകയാണ്. പാലിന്‍റെ വിലക്കുറവും തീറ്റയുടെ വില കൂടുതലും കാരണം മിക്ക കർഷകരും ക്ഷീരമേഖല ഉപേക്ഷിക്കുകയാണ് . കിഴക്കേ കല്ലടയിലെ ഡോക്ടറുടെ അഭാവവും ഇതിനൊരു കാരണമായി മാറുന്നു. എത്രയും പെട്ടെന്ന് അധികാരികൾ ഇടപെട്ട് ഇതിന് പരിഹാരം കാണണമെന്ന് ക്ഷീരകർഷകനും സാമൂഹിക പ്രവർത്തകനുമായ ചന്ദ്രൻ കല്ലട ആവശ്യപ്പെട്ടു.

കണ്ടെയ്നറുകളുടെ മാലിന്യങ്ങൾ വീശു വല തൊഴിലാളികളുടെ വലകൾ നശിപ്പിച്ചു

കൊല്ലം: മുങ്ങിയ കപ്പലിലെ കണ്ടെയ്നറുകളിൽ നിന്ന് പുറത്തായ മാലിന്യങ്ങൾ നീണ്ടകരയിലെ വീശുവല തൊഴിലാളികളുടെ വലകളിൽ അടിഞ്ഞുകൂടി വലകൾ കേടുപാടു വരുത്തി യതായി മത്സ്യതൊഴി ലാളി കോൺഗ്രസ് യോഗം ആരോപിച്ചു. തീരം വറുതിയുടെ നാളുകളിലൂടെ കടന്നു പോകുമ്പോൾ മത്സ്യത്തൊഴിലാളികൾക്ക് ഏറ്റ കനത്ത പ്രഹരമാണ് ദൈനംദിനമായ അവരുടെ ജീവിതമാർഗം നഷ്ടമാക്കിയത്. ടൈറ്റസ് ആഗ്നസ് ഭവൻ നീണ്ടകര, കുഞ്ഞച്ചൻ കുന്നേൽ, കൊളുമ്പി തങ്കച്ചൻ, ഷാജി കാവ്, ജോസ് റിച്ചാർഡ്, ബിജു പൂച്ച തുരുത്ത്, തങ്കച്ചൻ വടക്കേ കുന്നേൽ എന്നിവർക്കാണ് വലകൾ നഷ്ടമായത്. വലകൾ നഷ്ടമായവർക്ക് അടിയന്തരമായി ധനസഹായം നൽകണമെന്നും കളക്ടർക്കും, ഫിഷറീസ് മന്ത്രിക്കും, പരാതികൾ സമർപ്പിക്കുമെന്നും യോഗം ഉദ്ഘാടനം ചെയ്ത മത്സ്യത്തൊഴിലാളി കോൺഗ്രസ് ജില്ലാ സെക്രട്ടറി ജാക്സൺ നീണ്ടകര അഭിപ്രായപ്പെട്ടു. ആൽബർട്ട് ഗില്‍ബട്ട്, റോമി പയസ്, രാജൻ ജോബോയ്, മെൻഡൻസ് ജോസഫ് എന്നിവർ പ്രസംഗിച്ചു.

കൊട്ടാരക്കര, കൊല്ലം ഐടി പാർക്കുകളുടെ നിർമാണം കിഫ്ബി വഴി ഏറ്റെടുക്കും

കൊല്ലം: സംസ്ഥാന ബജറ്റിൽ പ്രഖ്യാപിച്ച കൊട്ടാരക്കര, കൊല്ലം ഐടി പാർക്കുകളുടെ നിർമാണം കിഫ്‌ബി വഴി ഏറ്റെടുക്കും. രണ്ട്‌ ഐടി പാർക്ക്‌ പദ്ധതികൾക്കും കഴിഞ്ഞ ദിവസം ചേർന്ന കിഫ്‌ബി ജനറൽ ബോഡി യോഗം അംഗീകാരം നൽകി. 160 കോടി രൂപ ഇതിനായി കിഫ്‌ബി അനുവദിക്കുമെന്ന്‌ മന്ത്രി കെ .എൻ .ബാലഗോപാൽ അറിയിച്ചു. കൊട്ടാരക്കര ഐടി പാർക്കിനായി 80 കോടി രൂപയുടെ പദ്ധതിക്കാണ് അംഗീകാരമായത്‌.നഗര മധ്യത്തിൽ രവിനഗറിലെ കല്ലട ജലസേചന പദ്ധതി ആസ്ഥാനത്തിന്‍റെ ഭാഗമായി അധികമുള്ള ഭൂമിയിലാണ് ഐടി പാർക്ക് സ്ഥാപിക്കുന്നത്‌. കേരള ഇറിഗേഷൻ ഇൻഫ്രാസ്‌ട്രക്‌ചർ ഡവലെപ്പ്‌മെന്‍റ് കോർപറേഷൻ (കിഡ്‌ക്‌) ആണ് പദ്ധതി നിർവഹണ ഏജൻസി. കിഡ്‌ക്‌ തയാറാക്കിയ പദ്ധതിരേഖ അനുസരിച്ചാണ് പദ്ധതിക്ക്‌ കിഫ്‌ബി അംഗീകാരം നൽകിയത്‌. വികേന്ദ്രീകൃത ഐടി വികസനം ലക്ഷ്യമിട്ട്‌ 2022–23ൽ സംസ്ഥാന ബജറ്റിൽ ഐടി ഇടനാഴികൾ പ്രഖ്യാപിച്ചിരുന്നു. ഇതിന്‍റെ ഭാഗമായാണ് കൊട്ടാരക്കരയിൽ സർക്കാർ ഉടമസ്ഥതയിൽ ഐടി പാർക്ക്‌ സ്ഥാപിക്കുന്നത്‌. എട്ടു നിലകളിലായാണ് പ്രധാന ഐടി കെട്ടിടം നിർമിക്കുക. ഇതിൽ തറനിരപ്പിന്‌ താഴെയായി രണ്ടു നിലകളുണ്ടാകും. 70 കെഎൽഡി സ്വിവറേജ്‌ ട്രീറ്റ്‌മെന്‍റ് പ്ലാന്‍റ്, മഴവെള്ള സംഭരണി ഉൾപ്പെടെയുള്ള സംവിധാനങ്ങളും ഒരുക്കും. ഇത്തവണത്തെ ബജറ്റിൽ അവതരിപ്പിച്ച പുതിയ വികസന മാതൃകയുടെ ഭാഗമായാണ് 80 കോടി രൂപ ചെലവിൽ കൊല്ലം ഐടി പാർക്ക്‌ സ്ഥാപിക്കുന്നത്‌. തദ്ദേശ സ്വയംഭരണ സ്ഥാപനങ്ങളെയും പൊതുമേഖലാ സ്ഥാപനങ്ങളെയുമടക്കം വരുമാനദായക ഐടി വികസന പദ്ധതികളിൽ പങ്കാളിയാക്കുകയാണ് ലക്ഷ്യം. അധിക ഭൂമിയും കെട്ടിടങ്ങളുമടക്കം ഐടി വികസനത്തിന്‌ പ്രയോജനപ്പെടുത്തുകയും, വരുമാനം പങ്കിടുകയും ചെയ്യുന്നതാണ് ബജറ്റിൽ മുന്നോട്ടുവച്ച നിർദിഷ്ട വികസന മാതൃക. കൊല്ലം നഗരസഭയുടെ കീഴിൽ കുരീപ്പുഴയിലും, താമരക്കുളത്തുമുള്ള ഭൂമികളിലാണ് ഐടി പാർക്ക്‌ നിർമാണത്തിന് ഉപയോഗിക്കുന്നത്‌. രണ്ടിടത്തും 50,000 ചതുരശ്രയടി വിസ്‌തൃതിയിൽ കെട്ടിടം നിർമിക്കും. ഓരോന്നിനും 40 കോടി രൂപയാണ് അടങ്കൽ പ്രതീക്ഷിക്കുന്നത്‌. പദ്ധതിയെ നിർദിഷ്ട വിഴിഞ്ഞം–കൊല്ലം–പുനലൂർ വളർച്ചാമുനമ്പുമായും ബന്ധിപ്പിക്കും.

രണ്ടാം ലഹരി വർജന പ്രക്ഷോഭത്തിന് സമയമായിരിക്കുന്നു : ബി.ബി.ഗോപകുമാർ

ചാത്തന്നൂർ: കേരളത്തിൽ രണ്ടാം ലഹരി വർജന പ്രക്ഷോഭത്തിന് സമയമായിരിക്കുന്നുവെന്ന് ചാത്തന്നൂർ എസ്എൻഡിപി യൂണിയൻ പ്രസിഡന്‍റ് ബി.ബി. ഗോപകുമാർ പറഞ്ഞു. ലഹരിക്ക് എതിരെ എസ്എൻ ഡി പിയോഗം വനിത സംഘം സംഘടിപ്പിച്ച ലഹരി വിരുദ്ധ സദസ് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. 1920ൽ ശ്രീനാരായണ ഗുരുദേവൻ ജന്മദിന സന്ദേശമായിട്ടാണ് ലഹരിയ്ക്ക് എതിരെയുള്ള പ്രചരണ പരിപാടികൾക്ക് തുടക്കം കുറിച്ചത്. ഗുരുദേവ ശിഷ്യരിൽ പ്രധാനിയും എസ് എൻ ഡി പി യോഗത്തിന്‍റെ സംഘടന സെക്രട്ടറിയുമായിരുന്ന ടി.കെ.മാധവന്‍റെ നേതൃത്വത്തിൽ നടത്തിയ മദ്യവർജന പ്രക്ഷോഭം ചരിത്ര ഭാഗമാണ്. നിലവിൽ വീണ്ടും കേരളം ലഹരിയ്ക്ക് അടിമപ്പെട്ടിരിക്കുന്നു. എസ്എൻ ഡി പി യോഗം രണ്ടാം ലഹരി വർജന പ്രക്ഷോഭത്തിന് നേതൃത്വം കൊടുക്കുകയാണെന്നും അദ്ദേഹം പറഞ്ഞു വനിതാ സംഘം യൂണിയൻ പ്രസിഡന്‍റ് ചിത്രമോഹൻദാസ് അധ്യക്ഷത വഹിച്ചു. യൂണിയൻ വൈസ് പ്രസിഡന്‍റ് ഡി.സജീവ്, സെക്രട്ടറി കെ.വിജയകുമാർ, അസിസ്റ്റന്‍റ് സെക്രട്ടറി കെ.നടരാജൻ,ഏറം എസ്എൻഡിപി ശാഖ പ്രസിഡന്‍റ് കെ.ആർ. വലലൻ ,വനിത സംഘം യൂണിയൻ സെക്രട്ടറി ബിന പ്രശാന്ത് എന്നിവർ പ്രസംഗിച്ചു. കമ്മിറ്റി അംഗങ്ങളായ മനീഷ, ഷീലവിജയൻ, ഉഷ,മിനി ജോഷ്, ഷൈമ, വിജയ ലക്ഷ്മി എന്നിവർ ചർച്ചയിൽ പങ്കെടുത്തു. തുടർന്ന് ലഹരി ക്കെതിരെ ഫ്ലാഷ് മോബും റാലിയും നടത്തി.

ദേശീയപാതയിലെ മേൽപ്പാലത്തിൽ വിള്ളൽ അടച്ചിട്ടും ഫലം കണ്ടില്ല

ചാത്തന്നൂർ: നിർമാണം നടക്കുന്ന ദേശീയപാതയിലെ മേൽപ്പാലത്തിന് മുകളിൽ വിള്ളൽ. കരാർ കന്പനി രഹസ്യമായി വിള്ളൽ അടയ്ക്കാൻ ശ്രമിച്ചുവെങ്കിലും മഴ പെയ്ത് വെള്ളം കെട്ടി നിന്നപ്പോൾ അടച്ച വിള്ളലുകൾ വ്യക്തമായി.ചാത്തന്നൂർഊറാം വിള ജംഗ്ഷനിലെ മേൽപാലത്തിലാണ് വിള്ളലുണ്ടായത്. ഇവിടെ റോഡ് നിർമാണം പൂർത്തിയാക്കി ആറ് വരിപ്പാത ഗതാഗതത്തിനായി തുറന്നു കൊടുത്തതാണ്. ഒരാഴ്ചയിലധികം ഇതുവഴി വാഹനങ്ങൾ ഓടുകയും ചെയ്തു . അതിനിടയിലാണ് വിള്ളലുണ്ടായതുംഅത് കണ്ടെത്തിയ കരാർ കന്പനി വാഹനഗതാഗതം സർവീസ് റോഡിലൂടെ തിരിച്ചുവിട്ട് വിള്ളലുകൾ അടച്ചത്.നിർമാണ പ്രവൃത്തി പൂർത്തിയായ മേൽപാലത്തിന്‍റെ തെക്കുഭാഗത്ത് മതിലിനോട് ചേർന്ന ഭാഗത്താണ് വിള്ളൽ കണ്ടത്. തുടർന്ന് ഇത് വഴിയുള്ള ഗതാഗതം നിരോധിച്ചു കൊണ്ടാണ് അറ്റകുറ്റപണികൾ തുടങ്ങിയത്.അതേസമയം പാലത്തിന് മുകളിൽ കണ്ട വിള്ളൽ ഗൗരവമുള്ളതല്ലെന്നാണ് സ്‌ഥലം സന്ദർശിച്ച ദേശീയ പാത അധികൃതരുടെ വിശദീകരണം. ടാർ ചെയ്‌തതിന്‍റെ മുകളിൽ മാത്രമാണ് വിള്ളൽ ഉണ്ടായത്. ഇതു പാലത്തിന് ഒരു വിധ ബലക്ഷയവും ഉണ്ടാക്കില്ല എന്ന നിലപാടിലാണ് അധികൃതർ. ഈ ഭാഗത്തെ ടാറിംഗ് മാറ്റി സിലിക്കൺ ഒഴിച്ച് മണ്ണ് ബലപ്പെടുത്താനുള്ള നീക്കമാണ് നിർമാണ കമ്പിനി അധികൃതർ നടത്തുന്നത്. വാഹനങ്ങൾ പോകാതിരിക്കാനും ആളുകൾ ഈ ഭാഗത്തേക്ക് പോകാതിരിക്കാനും ഇരു സൈഡുകളും പൂർണമായും അടച്ചത് സംശയത്തിന് കാരണമായിട്ടുണ്ട്.

യുവാവിന്‍റെ കൊലപാതകം: പ്രതിക്ക് ജീവപര്യന്തം

കൊല്ലം: യുവാവിനെ കുത്തിക്കൊലപ്പെടുത്തിയ കേസില്‍ പ്രതിക്ക് ജീവപര്യന്തം കഠിന തടവും ഒരു ലക്ഷം രൂപ പിഴയും ശിക്ഷ. കുന്നിക്കോട് പുളിമുക്ക് ' റസീന മന്‍സിലില്‍ റിയാസി(29)നെ കൊലപ്പെടുത്തിയ കേസിലെ പ്രതി കുന്നിക്കോട് പാപ്പരംകോട് ഷിബിന മന്‍സിലില്‍ നിന്നും മേലില കടമ്പ്ര കുഞ്ഞിരത്തുംമൂട് വീട്ടില്‍ താമസിക്കുന്ന ഷിഹാബുദീനെ(വക്കീല്‍ ഷിഹാബ് -44)യാണ് കൊല്ലം അഡീഷണൽ ജില്ലാ ജഡ്ജ് ബിന്ദു സുധാകരന്‍ ശിക്ഷിച്ചത്. 2013 ഫെബ്രുവരി 25ന് രാത്രിയിലായിരുന്നു കേസിനാസ്പദമായ സംഭവം നടന്നത്. കുന്നിക്കോട് - പട്ടാഴി റോഡില്‍ ബൈക്കില്‍ വരികയായിരുന്ന റിയാസിനെ കുന്നിക്കോട് പള്ളിക്ക് സമീപം തടഞ്ഞുനിര്‍ത്തി ബൈക്കില്‍ നിന്നും പിടിച്ചിറക്കി പ്രതി കൈയില്‍ കരുതിയിരുന്ന കൂര്‍ത്ത കത്തി ഉപയോഗിച്ച് റിയാസിനെ നെഞ്ചിലും വയറ്റിലും മുതുകിലും ശരീരത്തിന്‍റെ മറ്റു ഭാഗങ്ങളിലും കുത്തിപരുക്കേല്‍പ്പിക്കുകയായിരുന്നു. നാട്ടുകാര്‍ വിവരമറിയിച്ചതിനെത്തുടര്‍ന്ന് പോലിസ് എത്തി റിയാസിനെ പുനലൂര്‍ താലൂക്ക് ആശുപത്രിയിലും തുടര്‍ന്ന് സ്വകാര്യ ആശുപത്രിയിലും എത്തിച്ചെങ്കിലും മരിച്ചു. സംഭവ സ്ഥലത്തുനിന്നും പ്രതിയെ പോലീസ് കസ്റ്റഡിയില്‍ എടുക്കുകയും ചെയ്തു. പ്രതിയുടെ അനുജനും റിയാസും വിളക്കുടി പഞ്ചായത്തിലെ ഇറച്ചി സ്റ്റാള്‍ ലേലത്തില്‍ പിടിക്കുന്നതുമായുള്ള തര്‍ക്കത്തെ തുടര്‍ന്ന് ശത്രുതയില്‍ കഴിഞ്ഞു വരവേ കൊല്ലപ്പെട്ട റിയാസും സുഹൃത്തുക്കളും പ്രതിയുടെ വീട്ടില്‍ കയറി പ്രതിയേയും മാതാവിനേയും ഉപദ്രവിച്ചതിലുള്ള മുന്‍ വിരോധത്താലായിരുന്നു കൊലപാതകം. കുന്നിക്കോട് പോലിസ് രജിസ്റ്റര്‍ ചെയ്ത കേസില്‍ ഐഎസ്എച്ച്ഒ എം. അന്‍വര്‍ കേസ് അന്വേഷിച്ച് കുറ്റപത്രം സമര്‍പ്പിച്ചു. 31 രേഖകളും അഞ്ച് തൊണ്ടി മുതലും ഹാജരാക്കിയ കേസില്‍ 20 സാക്ഷികളേയും വിസ്തരിച്ചു. പ്രോസിക്യൂഷനുവേണ്ടി അഡ്വ. ജയ കമലാസനന്‍ ഹാജരായി.

ആധ്യാത്മിക പഠന കേന്ദ്രങ്ങൾ ശക്തിപ്പെടുത്തും: ചാത്തന്നൂർ മുരളി

പാരിപ്പള്ളി: സമൂഹത്തിലെ മദ്യത്തിനും മയക്കുമരുന്നു നെതിരെ പോരാടുവാനും സമുദായ അംഗങ്ങളുടെ കുട്ടികൾ ഈശ്വര വിശ്വാസവും സാമൂഹിക നന്മയും സഹാനുഭൂതിയും ഉള്ളവരായി വാർത്തെടുക്കുന്നതിനുമായി ആധ്യാത്മിക പഠനകേന്ദ്രങ്ങൾ ശക്തിപ്പെടുത്തുമെന്ന് എൻ എസ് എസ് ചാത്തന്നൂർ യൂണിയൻ പ്രസിഡന്‍റ് ചാത്തന്നൂർ മുരളി. താലൂക്കിലെ 81 കരയോഗങ്ങളിലും ആധ്യാത്മിക പഠന കേന്ദ്രങ്ങൾ ശക്തിപ്പെടുത്തുന്നതിനും അംഗങ്ങളിൽ 18 വയസുവരെ പ്രായമുള്ള എല്ലാ കുട്ടികളെയും പങ്കെടുപ്പിച്ച് ആധ്യാത്മിക പഠന ക്ലാസ് നടത്തി പുതിയ തലമുറയെ വാർത്തെടുക്കുന്നതിന് കർമ്മപദ്ധതി ആവിഷ്കരിക്കുമെന്നും ചാത്തന്നൂർ മുരളി പറഞ്ഞു. കിഴക്കനേല കിഴക്ക് ശ്രീ മഹാദേവ എൻഎസ്എസ് കരയോഗ വാർഷികാഘോഷ പരിപാടി ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.കരയോഗം പ്രസിഡന്‍റ് പാരിപ്പള്ളി വിനോദ് അധ്യക്ഷത വഹിച്ചു. സെക്രട്ടറി കെ. അനിൽകുമാർ റിപ്പോർട്ട് അവതരിപ്പിച്ചു. .താലൂക്ക് യൂണിയൻ ഇൻസ്പെക്ടർ പി. എം. പ്രകാശ്, ഭരണസമിതി അംഗം വിജയൻ പിള്ള, വനിതാ സമാജം താലൂക്ക് യൂണിയൻ ട്രഷറർ എസ്. ജലജകുമാരി, ഇലക്ട്രോ മെമ്പർ അഡ്വ. എള്ളംകുളം ജയഗോപാൽ, യൂണിയൻ പ്രതിനിധികളായ ജി. ആർ .നായർ, ബിജു കിഴക്കനേല ,വനിതാ സമാജം പ്രസിഡന്‍റ് മിനി കൃഷ്ണൻ, സെക്രട്ടറി ആർ. വൃന്ദ, ബാലസമാജം പ്രസിഡന്‍റ് ആദിത്യ എം. കൃഷ്ണൻ, സെക്രട്ടറി എ.ആർ.രോഹിത്ത്, കരയോഗം വൈസ് പ്രസിഡന്‍റ് മധുസൂദനൻ, പ്രസന്നകുമാർ, ജയചന്ദ്ര ബാബു, രമ്യ അനിൽ, എസ്. എസ്. വിഷ്ണു,ശശിധരൻപിള്ള, ബൈജു ഉണ്ണിത്താൻ, ത്രികർത്തൻ, ബി. രാജേന്ദ്രൻ പിള്ള, പുഷ്പവല്ലി, വിലാസിനിയമ്മ, രതിഭായി എന്നിവർ പ്രസംഗിച്ചു.എംബിബിഎസിന് ഉന്നത വിജയം നേടിയ ഡോ. എ .എസ്. കൃഷ്ണയെ ആദരിച്ചു. ഇക്കഴിഞ്ഞ എസ്എസ്എൽസി, പ്ലസ് ടു പരീക്ഷയിൽ ഉന്നത വിജയം നേടിയ കരയോഗ അംഗങ്ങളുടെ മക്കൾക്ക് വിദ്യാഭ്യാസ അവാർഡും പ്ലസ് ടു വരെ പഠിക്കുന്ന എല്ലാ കുട്ടികൾക്കും പഠനോപകരണങ്ങളും നൽകി.

എസ്എഫ്ഐ ഗുണ്ടാ ആക്രമണം അവസാനിപ്പിക്കണം: ഡിസിസി പ്രസിഡന്‍റ്

കൊല്ലം: കെ എസ് യു കാർക്ക് എതിരെയുള്ള എസ്എഫ്ഐയുടെ ഗൂണ്ടാ ആക്രമണം അവസാനിപ്പിക്കണമെന്ന് ഡി സി സി പ്രസിഡന്‍റ് പി. രാജേന്ദ്രപ്രസാദ് ആവശ്യപ്പെട്ടു. കേരള സർവകലാശാല കലോത്സവവുമായി ബന്ധപ്പെട്ട് റ്റി കെഎംകോളജിൽ നാടകം കഴിഞ്ഞ് ഇറങ്ങി വന്ന കെഎസ്‌യു ജില്ലാ ഭാരവാഹികളായ ഗൗരി, ആദി, സുബാൻ, മീനാക്ഷി എന്നീ കുട്ടികളെ മൃഗീയമായി ആക്രമിച്ച യൂണിവേഴ്‌സിറ്റി യൂണിയൻ വൈസ് ചെയർമാൻ ഉൾപ്പടെയുള്ളവർക്കെതിരെ കേസ് രജിസ്റ്റർ ചെയ്യാൻ പോലീസ് തയാറാകേണ്ടതാണ്. കഴിഞ്ഞ കോളജ് യൂണിയൻ തെരഞ്ഞെടുപ്പിൽ എസ് എഫ്ഐയുടെ കുത്തക തകർത്ത് കെഎസ് യു പല കോളജുകളിലും മുന്നേറ്റം നടത്തിയതിന്‍റെ പകയും വൈരാഗ്യവുമാണ് പെൺകുട്ടികൾ അടക്കമുള്ള നേതാക്കളെ ആക്രമിച്ചതിന് പിന്നിലെന്നും ഇതിൽ ഗൂഢാലോചന ഉണ്ടെന്നും അദ്ദേഹം ആരോപിച്ചു. ഇത്തരത്തിലുള്ള ആക്രമണത്തിൽ നിന്നും എസ്എഫ്ഐയെ പിൻതിരിപ്പിക്കുവാൻ സിപി എം ജില്ലാ നേതൃത്വം തയാറാകാത്തപക്ഷം കെഎസ് യുക്കാരെ സംരക്ഷിക്കുവാൻ കോൺഗ്രസ് പാർട്ടി ഏതറ്റം വരെ പോകുമെന്നും പ്രസിഡന്‍റ് പറഞ്ഞു.

പുകയില വിരുദ്ധ പോരാട്ടംഅനിവാര്യം : എ.ജെ.ഡിക്രൂസ്

കൊല്ലം : പുകയില ഉൽപ്പന്നങ്ങൾ ഉൾപ്പെടെ ലഹരിയുടെ ഭീകരവിപത്തുകൾ സമൂഹത്തിന്‍റെ എല്ലാ തലങ്ങളെയും നശിപ്പിച്ചുകൊണ്ടിരിക്കുന്ന സമകാലിക സാഹചര്യത്തിൽ ഇവയ്ക്കെതിരെയുള്ള പോരാട്ടം അനിവാര്യമാണെന്ന് പീപ്പിൾ സോഷ്വോ-കൾച്ചറൽ ഫോറം പ്രസിഡന്‍റ് എ.ജെ. ഡിക്രൂസ്. ഫോറം സംഘടിപ്പിച്ച ലോക പുകയിലവിരുദ്ധദിനാചരണവും പുകയില വിരുദ്ധ വാരാചണവും ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. മനുഷ്യന്‍റെ ആയുസ് എത്താതെയുള്ള മരണത്തിന്‍റെ കാരണങ്ങളിൽ മുഖ്യമായ ഒന്നാണ് പുകവലിയെന്നും പുകയില ഉൽപ്പന്നങ്ങൾക്കും മറ്റ് ലഹരിയ്ക്കുമെതിരെയുള്ള പോരാട്ടത്തിൽ നാം കാണിക്കുന്ന അലംഭാവത്തിനും അലസതയ്ക്കും വലിയ വിലകൊടുക്കേണ്ടി വരും. പുതുതലമുറയെ രക്ഷിക്കുവാനുള്ള പരിശ്രമങ്ങൾക്ക് എല്ലാവരും ഒരുമയോടെ പ്രവർത്തിക്കണമെന്ന് അദ്ദേഹം അഭ്യർഥിച്ചു. ഫോറം ജനറൽ സെക്രട്ടറി എസ്. സന്തോഷ്കുമാർ അധ്യക്ഷനായിരുന്നു. റ്റി. സെബാസ്റ്റ്യൻ പുകയില വിരുദ്ധ പ്രതിജ്ഞ ചൊല്ലികൊടുത്തു. എസ്. പ്രകാശ്, സുരേഷ് ബാബു, നിയാസ് മുഹമ്മദ്, ബി. സെബാസ്റ്റ്യൻ എന്നിവർ പ്രസംഗിച്ചു. പുകയില വിരുദ്ധ ദിനാചരണഭാഗമായി ഭവനസന്ദർശനവും ബോധവൽക്കരണ പരിപാടികളും സംഘടിപ്പിച്ചു.

മൂല്യവർധിത ഉത്പന്നങ്ങളിൽ ചേനപ്രഥമൻ അടയും

കൊല്ലം: ചേനകർഷകർക്ക് കൈത്താങ്ങായി കൊല്ലം മുനിസിപ്പൽ കോർപറേഷൻ കൃഷിഭവനും. കൃഷിഭവന്‍റെ ആഭിമുഖ്യത്തിൽ 'ഹരിതലക്ഷ്മി കൃഷിക്കൂട്ടം' വികസിപ്പിച്ചെടുത്ത ചേന പ്രഥമൻ അടയുടെ വിപണനോദ്‌ഘാടനം മേയർ ഹണി ബെഞ്ചമിന്‍റെഅധ്യക്ഷതയിൽ നിയമസഭ ഡെപ്യൂട്ടി സ്പീക്കർ ചിറ്റയം ഗോപകുമാർ നിർവഹിച്ചു. കാർഷിക മേഖലയിൽ വിവിധ പദ്ധതികൾ നടപ്പാക്കി വരുന്ന സർക്കാരിന്‍റെ ലക്ഷ്യം തരിശുരഹിത കേരളമാണെന്ന് അദ്ദേഹം ചൂണ്ടിക്കാട്ടി. പ്രധാനമായും കിഴങ്ങ് വർഗ വിളകളുടെ കൃഷി വ്യാപിപ്പിക്കുന്നതോടെ ലക്ഷ്യപ്രാപ്തിയിൽ എത്തിച്ചേരാം എന്നാണ് വിശ്വാസം. സമസ്ത മേഖലയിലെയും ജനങ്ങളെ ഉൾപ്പെടുത്തി സമഗ്രമായി നടപ്പാക്കുന്ന 'ഞങ്ങളും കൃഷിയിലേക്ക് " എന്ന പദ്ധതി പ്രകാരം പച്ചക്കറികൃഷിയിൽ വലിയ നേട്ടം കൈവരിക്കാൻ സാധിച്ചു. പൊതുസമൂഹത്തിന് സുരക്ഷിതമായ ഭക്ഷണം സുഭിക്ഷമായി ലഭിക്കുവാൻ കൃഷിവകുപ്പിന്‍റെ പ്രവർത്തനം കൊണ്ട് സാധിക്കുമെന്നും ഡെപ്യൂട്ടി സ്പീക്കർ പറഞ്ഞു. കേന്ദ്ര കിഴങ്ങ് വർഗവിള ഗവേഷ‌ണ കേന്ദ്രത്തിന്‍റെ ടെക്നോളജി ഉപയോഗിച്ച് രാജ്യത്ത് ആദ്യമായിട്ടാണ് ചേനയിൽ നിന്നും ചേന പ്രഥമൻ അട വികസിപ്പിച്ചെടുത്തത് എന്ന് കേന്ദ്രത്തിലെ ഡോ. ജി ബിജു അഭിപ്രായപ്പെട്ടു. യോഗത്തിൽ ജില്ലാ കൃഷി ഓഫിസർ എസ്. രാജേഷ് കുമാർ പദ്ധതി വിശദീകരണം നടത്തി. ഡെപ്യൂട്ടി മേയർ എസ്‌.ജയൻ, വികസനകാര്യ സ്റ്റാന്‍റിംഗ്കമ്മറ്റി ചെയർപേഴ്സൺ എസ്. ഗീതാകുമാരി,ആത്‌മ പ്രോജക്ട് ഡയറക്ടർ എസ്. ഗീത, കൃഷി ഡെപ്യൂട്ടി ഡയറക്ടർ ശ്രീഹരി, കൃഷി ഫീൽഡ് ഓഫീസർ ടി. പ്രകാശ്, അസിസ്റ്റന്‍റ്് കൃഷി ഓഫീസർ ബി. സജീവ് കുമാർ എന്നിവർ പ്രസംഗിച്ചു.

ജനറേറ്ററിന് ഡീസൽ വാങ്ങാനുള്ള പണമില്ല; ഗർഭിണികളെ ജില്ലാ ആശുപത്രിയിലേക്ക് മാറ്റി

കുണ്ടറ താലൂക്ക് ആശുപത്രിയിൽ പ്രതിഷേധം കുണ്ടറ : വൈദ്യുതി നിലച്ചപ്പോൾ ജനറേറ്റർ പ്രവർത്തിപ്പിക്കാൻ ഡീസൽ വാങ്ങാൻ പണമില്ലെന്ന കാരണത്താൽ, കുണ്ടറ താലൂക്ക് ആശുപത്രിയിൽ പ്രവേശിപ്പിച്ചിരുന്ന ഗർഭിണികളെ ജില്ലാ ആശുപത്രിയിലേക്ക് മാറ്റിയതിൽ കോൺഗ്രസ് പ്രതിഷേധം. മഴയിൽ വൈദ്യുതി മുടങ്ങിയതോടെ, ജനറേറ്റർ പ്രവർത്തിപ്പിക്കാൻ കഴിയാതെ വന്നു. ജനറേറ്റർ പ്രവർത്തിപ്പിക്കാൻ ഡീസൽ വാങ്ങാൻ പണമില്ലെന്ന കാരണത്താലാണ് ജില്ലാ ആശുപത്രിയിലേക്ക് മാറ്റിയത്. ഇതിൽപ്രതിഷേധിച്ച് കോൺഗ്രസിന്‍റെയും,യൂത്ത് കോൺഗ്രസിന്‍റെയും പ്രവർത്തകർ താലൂക്ക് ആശുപത്രി സൂപ്രണ്ട് ഡോ. ബാബു ലാലിനെ തടഞ്ഞുവച്ചു. ഡീസൽ വാങ്ങി ഹോസ്പിറ്റലിൽ കൊണ്ടുവന്ന് ജനറേറ്റർ പ്രവർത്തിപ്പിച്ചു എന്ന് ഉറപ്പുവരുത്തിയതിന് ശേഷമാണ് ഉപരോധം അവസാനിപ്പിച്ചത്. ചുറ്റുമല ബ്ലോക്ക് പഞ്ചായത്ത് ഡീസൽ വാങ്ങുന്ന പമ്പിൽ 75,000 രൂപ കൊടുക്കാനുള്ളതിനാൽ പമ്പുകാർ ഡീസൽ തന്നില്ല എന്ന ന്യായമാണ് ഹോസ്പിറ്റൽ അധികാരികൾ പറഞ്ഞത്. ഡിസിസി ജനറൽ സെക്രട്ടറിയും മുഖത്തല ബ്ലോക്ക് പഞ്ചായത്ത് അംഗവുമായ ഫൈസൽ കുളപ്പാടം, പേരയം ഗ്രാമപഞ്ചായത്ത് പ്രസിഡന്‍റ് അനീഷ് പടപ്പക്കര, പേരയം ഗ്രാമപഞ്ചായത്ത് അംഗങ്ങളായ റേച്ചൽ ജോൺസൺ, ഷേർലി ഷാൻ മുട്ടക്കാവ്, ജയൻ തട്ടാർകോണം, രാഹുൽ , റെക്സൺ പേരയം, കോൺഗ്രസ് നേതാക്കന്മാരായ പ്രവീൺ രാജ് കണ്ണനല്ലൂർ , നാസർ കണ്ണല്ലൂർതുടങ്ങിയവർ പ്രതിഷേധത്തിന് നേതൃത്വം നൽകി. ചുറ്റുമല ബ്ലോക്ക് പഞ്ചായത്തിന്‍റെയും, ഹോസ്പിറ്റൽ മാനേജ്മെന്‍റ് കമ്മിറ്റിയുടെയും അനാസ്ഥയാണ് ഡീസൽ മുടങ്ങാൻ കാരണമെന്ന്ഡിസിസി ജനറൽ സെക്രട്ടറി ഫൈസൽ കുളപ്പാടം പറഞ്ഞു. മഴ പെയ്തതോടെ ആശുപത്രിയിലെ വൈദ്യുതി തകരാറിലായി. ലേബർ റൂമിലായിരുന്ന രണ്ടു ഗർഭിണികളെയാണ് ജില്ലാ ആശുപത്രിയിലേക്ക് മാറ്റിയത്.

പ്രതിയെ വെറുതെ വിട്ടു

കൊല്ലം: ആശ്രാമം ഉൾനാടൻ ജലഗതാഗത വകുപ്പ് ഡയറക്‌ടറേറ്റ് കാര്യാലയത്തിന്‍റെ വാഹനം തകർക്കുകയും, ആശ്രാമം മുനീശ്വരൻ സ്വാമി ക്ഷേത്രത്തിലെ ഉത്സവം അലങ്കോലപ്പെടുത്തുകയും ചെയ്‌ത കേസിലെ പ്രതിയെവെറുതെവിട്ടു.പുള്ളിക്ക ടസ്വദേശിചെന്പൻ എന്ന വിഷ്ണുവിനെയാണ് വെറുതെവിട്ടത്. 2018 മാർച്ച് അഞ്ചിനാണ് കേസിനാസ്‌പദമായ സംഭവം .അന്നേ ദിവസം രാത്രി പുളളിക്കട സ്വദേശികളായ ഉദയകിരണും, ചെമ്പൻ എന്ന വിഷ്‌ണുവും ആശ്രാമം മുനീശ്വരൻ കോവിലിലെ ഗാനമേളയിൽ പങ്കെടുക്കു കയും അവിടെ വച്ച് മദ്യപിച്ച പ്രതികൾ അക്രമം അഴിച്ച് വിടുകയും ക്ഷേത്ര പരിസരത്തുണ്ടായിരുന്ന ട്യൂബ് ലൈറ്റുകളും മറ്റും നശിപ്പിച്ചു. തുടർന്ന് അവർ ഉൾനാടൻ ജലഗതാഗതവകുപ്പ് കാര്യാലയ മതിൽ ചാടി കടന്ന് ഡയറക്‌ടറുടെ കാർ അടിച്ചു തകർത്തു എന്ന് ആരോപിച്ച് ഈസ്റ്റ് പോലീസ് രജിസ്റ്റർ ചെയ്‌ത കേസിലാണ് കൊല്ലം ചീഫ് ജുഡീഷൽ മജിസ്ട്രേറ്റ് കെ.വി.നൈനയുടെ ഉത്തരവ് . കേസിന്‍റെ വിചാരണയ്ക്കിടെ ഒന്നാം പ്രതി ഉദയകിരൺ മരണപ്പെടുകയും രണ്ടാം പ്രതി ചെമ്പൻ മാത്രം വിചാരണ നേരിടുകയായിരുന്നു. പ്രതികൾക്ക് വേണ്ടി അഭിഭാഷകരായ അഡ്വ. ചവറ ഫ്രാൻസിസ്.ജെ നെറ്റോ, സി.എസ്. മനോഹർ മുണ്ടയ്ക്കൽ മോനിഷ എന്നിവർ കോടതിയിൽ ഹാജരായി.

മത്സ്യത്തൊഴിലാളി കുടുംബങ്ങൾക്ക് പതിനായിരം രൂപവീതം സഹായം നൽകണം

കൊല്ലം: ചരക്ക് കപ്പൽ അവകടവും കടൽ ക്ഷോഭവും കാരണം ഒരാഴ്ചയായി കടലിൽ പോകാനാവാത്ത മത്സ്യ തൊഴിലാളികളുടെ കുടുംബങ്ങൾക്ക് സർക്കാർ നൽകുന്ന സഹായം പതിനായിരം രൂപയാക്കി വർധിപ്പിച്ച് നൽകണമെന്ന് ഓൾ കേരള ഫിഷിംഗ് ബോട്ട് ഓപ്പററ്റേഴ്സ് അസോസിയേഷൻആവശ്യപ്പെട്ടു. സർക്കാർ നൽകുമെന്ന് പറഞ്ഞിരിക്കുന്ന സഹായം ജീവിതം ദുരിതപൂർന്ന മായിരിക്കുന്ന മത്സ്യ തൊഴിലാളികൾക്ക് അപര്യാപ്തമാണ്. ജൂണിൽ സ്കൂളുകൾ തുറക്കാനിരിക്കെ തൊഴിൽ നഷ്ടം മൂലം വരുമാന മാർഗമടഞ്ഞ തൊഴിലാളികളുടെ അടിയന്തിര ആവശ്യങ്ങൾ പോലും നിറവേറ്റാൻ പ്രഖ്യാപിച്ച സഹായം കൊണ്ട് കഴിയില്ലെന്ന് ബോട്ട് ഓപറേറ്റേഴ്സ് അസോസിയേഷൻ പ്രസിഡന്‍റ് പീറ്റർ മത്യാസ് പ്രസ്താവനയിൽ പറഞ്ഞു.

പവർഹൗസ് അങ്കണവാടി പ്രവർത്തനം ആരംഭിച്ചു

പുനലൂർ : പവർഹൗസ് വാർഡിൽ നിർമാണം പൂർത്തിയാക്കിയ അങ്കണവാടിയും കൃഷ്ണൻ കോവിലിന് സമീപത്ത് നിന്നും പോകുന്ന റോഡിന്‍റെയും ഉദ്ഘാടനം നടന്നു. അങ്കണവാടി അങ്കണത്തിൽ ചേർന്ന യോഗത്തിൽ പി .എസ്. സുപാൽ എം എൽഎ ഉദ്ഘാടനം നിർവഹിച്ചു. നഗരസഭാ ചെയർപേഴ്സൺ കെ. പുഷ്പലത അധ്യക്ഷയായി. വൈസ് ചെയർമാൻ രഞ്ജിത്ത് രാധാകൃഷ്ണൻ വിശിഷ്ട വ്യക്തികളെ ആദരിച്ചു. വാർഡ് കൗൺസിലറും സ്ഥിരം സമിതി അധ്യക്ഷയുമായ പ്രിയ പിള്ള സ്വാഗതം പറഞ്ഞു. നഗരസഭാ മുൻ വൈസ് ചെയർമാൻ കരിക്കത്തിൽ പ്രസേനന്‍റെ പേരാണ് അങ്കണവാടിയ്ക്ക് നൽകിയിട്ടുള്ളത്.അങ്കണവാടിയ്ക്ക് ഭൂമി വിട്ടുനൽകിയ പ്രണവം ആശുപത്രി മാനേജിംഗ് ഡയറക്ടർ പി .പ്രശാന്തൻ, കരിക്കത്തിൽ പ്രസേന്‍റെഭാര്യ സരസമ്മ ടീച്ചർ എന്നിവരെ ചടങ്ങിൽ ആദരിച്ചു. സ്ഥിരം സമിതി അധ്യക്ഷൻ അഡ്വ .പി.എ .അനസ്, മുൻ ചെയർമാൻമാരായ കെ. രാധാകൃഷ്ണൻ, നിമ്മി അബ്രഹാം, മുൻ വൈസ് ചെയർമാൻ ഡി .ദിനേശൻ, സിപിഎം ഏരിയ സെക്രട്ടറി അഡ്വ.പി .സജി, കൗൺസിലർമാരായ എൻ.പി. അരവിന്ദാക്ഷൻ, നാസില ഷാജി, നഗരസഭാ സെക്രട്ടറി എസ്. സുമയ്യബീവി, റൂറൽ ബാങ്ക്സെക്രട്ടറി പ്രകാശ്, എഡിഎസ് ചെയർപേഴ്സൺ മണി ബാബു തുടങ്ങിയവർ പങ്കെടുത്തു.തുടർന്ന് കുട്ടികളുടെ വിവിധ പരിപാടികളും നടന്നു.

കെഎസ്ഇബി അസിസ്റ്റന്‍റ് എൻജിനീയറെ ഉപരോധിച്ചു

ചവറ : കെഎസ്ഇബി ചവറ അസിസ്റ്റന്‍റ് എൻജിനീയറെ ഉപരോധിച്ചു കോൺഗ്രസ് പ്രവർത്തകർ.കഴിഞ്ഞ മൂന്ന് ദിവസമായി തുടർച്ചയായി ചവറ പഞ്ചായത്തിന്‍റെ വിവിധ ഭാഗങ്ങൾ പൂർണമായി ഇരുട്ടിലായിട്ട് വൈദ്യബന്ധം പുനസ്ഥാപിക്കാൻ കഴിയാത്ത കെ എസ് ഇ ബി ചവറ സെക്ഷൻ ഓഫിസിന്‍റെ അനാസ്ഥയിൽ പ്രതിഷേധിച്ചായിരുന്നു ഉപരോധം . കൂടുതൽ തൊഴിലാളികളെ ഉൾപ്പെടുത്തി തകർന്ന പോസ്റ്റുകളും പൊട്ടിവീണ കമ്പികളും മാറ്റാതെ കെഎസ്ഇബി അലംഭാവം തുടരുകയാണെന്ന് ചവറ വെ വെസ്റ്റ്മണ്ഡലം കോൺഗ്രസ് കമ്മിറ്റി ആരോപിച്ചു. തട്ടാശേരി ഇലക്ട്രിക്കൽ സെക്ഷൻ ഓഫീസ് ചവറ വെസ്റ്റ് മണ്ഡലം കോൺഗ്രസ് കമ്മിറ്റിയുടെ നേതൃത്വത്തി രണ്ട് മണിക്കൂറോണം നിണ്ട സമരം ഏക്സിക്യൂട്ടിവ് എൻജിനയർ മേലധികാരികളുമായി നടത്തിയ ചർച്ചയുടെ ഫലമായി നാളെ വൈകുന്നേരത്തോടെ വൈദുതി കണക്ഷൻ പരിപൂർണമായി സ്ഥാപിക്കാമെന്ന ഉറപ്പിൻ മേൽ സമരം താ ത്കാലികമായി അവസാനിപ്പിച്ചു .മണ്ഡലം പ്രസിഡന്‍റ് പി.ആർ .ജയപ്രകാശ് അധ്യക്ഷനായി. പ്രതിഷേധ യോഗം ജില്ലാ കോൺഗ്രസ് കമ്മിറ്റി വൈസ് പ്രസിഡന്‍റ് ആർ .അരുൺ രാജ് ഉദ്ഘാടനം ചെയ്തു . പ്രതിഷേധ സമരത്തിൽ ചവറ ബ്ലോക്ക് പ്രസിഡന്‍റ് മേച്ചേഴത്ത് ഗിരിഷ്, ബാബു ജി പട്ടത്താനം, പ്രഭാ അനിൽ, ഇ.റഷിദ്, സുശീല അജയൻ ഗാന്ധി തറ, മണലിൽ മന്മഥൻ, സെബാസ്റ്റ്യൻആം ബ്രാസ് , ജിജി എന്നിവർ നേതൃത്വം നൽകി.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]