കോട്ടയം: ഡോക്ടമാര് സമൂഹത്തോടും സാധാരണക്കാരോടും പ്രതിബദ്ധതയുള്ളവരായി പ്രവര്ത്തിക്കണമെന്ന് തോമസ് ചാഴികാടന് എംപി. എംപിയുടെ പ്രാദേശിക വികസന നിധിയില്നിന്നും കോട്ടയം മെഡിക്കല് കോളജ് ആശുപത്രിയിലെ കമ്മ്യൂണിറ്റി മെഡിസിന് വിഭാഗത്തിന് അനുവദിച്ച ബസിന്റെ ഫ്ളാഗ് ഓഫും മെഡിക്കല് വിദ്യാര്ഥികള് മുഖേന നടത്തുന്ന കുടുംബങ്ങളെ ദത്തെടുക്കല് പദ്ധതിയും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. എംപിയുടെ പ്രദേശിക വികസന പദ്ധതിയില് ഉള്പ്പെടുത്തി 23.33 ലക്ഷം രൂപ ചെലവിട്ടാണ് ബസ് ലഭ്യമാക്കിയത്.
മെഡിക്കല് കോളജ് കമ്യൂണിറ്റി വിഭാഗത്തിന്റെ ഗ്രാമീണ പഠന, ദത്തെടുക്കല്, സേവന പ്രവര്ത്തനങ്ങള്ക്കായാണ് ബസ് ഉപയോഗപ്പെടുത്തുക. കുടുംബങ്ങളെ ദത്തെടുക്കല്, ഗ്രാമീണ പഠന പദ്ധതി വഴി ഒരു മെഡിക്കല് വിദ്യാര്ഥി തെരെഞ്ഞെടുക്കപ്പെടുന്ന ഗ്രാമത്തിലെ അഞ്ച് കുടുംബങ്ങളെയാണ് ദത്തെടുക്കുന്നത്. ദത്തെടുക്കുന്ന കുടുംബങ്ങള്ക്ക് ആവശ്യമായ ആരോഗ്യ സേവനങ്ങള് അടുത്ത അഞ്ചു വര്ഷം വിദ്യാര്ഥികളുടെ നേതൃത്വത്തില് ലഭ്യമാക്കും.
ജില്ലാ കളക്ടര് പി.കെ ജയശ്രീ അധ്യക്ഷത വഹിച്ചു. പഞ്ചായത്ത് പ്രസിഡന്റുമാരായ അഞ്ജു മനോജ്, സജി തടത്തില്, ജില്ലാ പഞ്ചായത്തംഗം റോസമ്മ സോണി, ബ്ലോക്ക് പഞ്ചായത്തംഗം അന്നമ്മ മാണി, ആര്പ്പൂക്കര പഞ്ചായത്തംഗങ്ങളായ അരുണ് ഫിലിപ്പ്, റോസിലി ടോമിച്ചന്, മെഡിക്കല് കോളജ് പ്രിന്സിപ്പല് ഡോ. എസ്. ശങ്കര്, സൂപ്രണ്ട് ഡോ. ടി.കെ. ജയകുമാര്, വൈസ് പ്രിന്സിപ്പല് ഡോ. വര്ഗീസ് പി. പുന്നൂസ്, കുട്ടികളുടെ ആശുപത്രി സൂപ്രണ്ട് ഡോ. കെ.പി. ജയപ്രകാശ്, കമ്മ്യൂണിറ്റി മെഡിസിന് വിഭാഗം മേധാവി ഡോ. സൈറു ഫിലിപ്പ്, ദന്തല് കോളജ് പ്രിന്സിപ്പല് ഡോ. വത്സാ തോമസ്, ഗവണ്മെന്റ് നഴ്സിംഗ് കോളജ് പ്രിന്സിപ്പല് ഡോ. വി.കെ. ഉഷ, പി.ജി. രാമകൃഷ്ണപിള്ള എന്നിവര് പങ്കെടുത്തു.