മുതലക്കോടം: വർഷങ്ങൾക്കു മുന്പ് കലോത്സവവേദികളിൽ തിളങ്ങിയ ഗുരുവിന്റെ പാത പിന്തുടർന്ന് ശിഷ്യർ നേടിയത് ഒന്നാം സ്ഥാനം. തബലയിൽ എച്ച്എസ്എസ്, എച്ച്എസ് വിഭാഗങ്ങളിലാണ് ഇവർ ഒന്നാം സ്ഥാനം നേടിയത്. തൊടുപുഴ ജയ്റാണി പബ്ലിക് സ്കൂളിലെ സംഗീതാധ്യാപകനായ ആർഎൽവി സുനിൽകുമാറിന്റെ ശിഷ്യരായ കെ.വി. ശ്രീഹരിയും ജയശങ്കർ ജയേഷുമാണ് തബലയിൽ ഒന്നാമതെത്തിയത്. കുമാരമംഗലം എംകഐൻഎം എച്ച്എസ്എസിലെ ഒൻപതാം ക്ലാസ് വിദ്യാർഥിയാണ് ശ്രീഹരി. കരിങ്കുന്നം സെന്റ് അഗസ്റ്റിൻസ് സ്കൂൾ വിദ്യാർഥിയാണ് ജയശങ്കർ.
എംകഐൻഎം എച്ച്എസ്എസിലെ പൂർവവിദ്യാർഥിയായ സുനിൽ കുമാർ വർഷങ്ങൾക്കു മുന്പ് തുടർച്ചയായി മൂന്ന് വർഷം സ്കൂൾ കലോത്സവത്തിൽ തബലയിൽ ഒന്നാം സ്ഥാനം നേടിയിരുന്നു. ഇത്തവണ കലോത്സവത്തിൽ സുനിൽകുമാറിന്റെ ശിഷ്യസന്പത്തിൽനിന്ന് ഒൻപത് പേർ വിവിധയിനങ്ങളിൽ മത്സരിക്കുന്നുണ്ട്.
സുനിൽ കുമാറിന്റെ മകനും തൊടുപുഴ ഡിവൈഎസ്പി ഓഫീസ് ഉദ്യോഗസ്ഥനുമായ കൈലാസ് നാഥ് തുടർച്ചയായി അഞ്ച് വർഷം കലോത്സവത്തിൽ ഒന്നാം സ്ഥാനം നേടിയിരുന്നു.
വേദിയിൽ ഇന്ന്
സ്റ്റേജ് 1 -പാരീഷ് ഹാൾ: 9.30 ന് ഉദ്ഘാടന സമ്മേളനം,10.40 ന് ഭരതനാട്യം -ആണ്, പെണ്, എച്ച് എസ്, എച്ച്എസ്എസ്1.50 ന് കുച്ചിപ്പുടി-യുപി ,2.40 ന് കുച്ചിപ്പുടി -ആണ്,പെണ്, എച്ച് എസ്, എച്ച്എസ്എസ്
സ്റ്റേജ് 2 - എസ്ജിഎച്ച്എസ് ഓഡിറ്റോറിയം : 9.30ന് കഥകളി സംഗീതം-ആണ്, പെണ് എച്ച് എസ്, എച്ച്എസ്എസ്, 11 ന് കഥകളി ഗ്രൂപ്പ്-എച്ച് എസ് , 11.50ന് കഥകളി ഗ്രൂപ്പ്-എച്ച് എസ് എസ് , 12.15ന് ചാക്യാർകൂത്ത്-ആണ്, എച്ച്എസ്,എച്ച്എസ്എസ്, 1.55ന് നങ്ങ്യാർകൂത്ത് - എച്ച്എസ് , 3.05 ന് ഓട്ടൻതുള്ളൽ-യുപി,എച്ച്എസ്, എച്ച്എസ്എസ് , 4.35 ന് ഓട്ടൻതുള്ളൽ- പെണ് , എച്ച്എസ്, എച്ച്എസ്എസ്
സ്റ്റേജ് 3 -എസ്ജിഎച്ച്എസ്എസ് ഓഡിറ്റോറിയം: 10.30 ന് സംസ്കൃതം ജനറൽ മത്സരങ്ങൾ-യുപി, എച്ച്എസ്, എച്ച്എസ്എസ് , പ്രസംഗം- സംസ്കൃതം, പദ്യം ചൊല്ലൽ- സംസ്കൃതം, സംസ്കൃതോത്സവം -സ്റ്റേജിനങ്ങൾ.
സ്റ്റേജ് 4 -എസ്എച്ച്ജിഎച്ച്എസ് ഓഡിറ്റോറിയം :9.30 ന് നാടകം-യുപി ,11.40 ന് നാടകം- എച്ച്എസ് ,3.20 ന് നാടകം-എച്ച്എസ്എസ്.
സ്റ്റേജ് 5 - എസ്എച്ച്ജിഎച്ച്എസ് ഓപ്പണ് സ്റ്റേജ് : എസ്എച്ച്ജിഎച്ച്എസ് ഗ്രൗണ്ട്- 9.30ന് ശാസ്ത്രീയ സംഗീതം-യുപി,10.40 ന് ശാസ്ത്രീയ സംഗീതം-ആണ് എച്ച് എസ്,എച്ച്എസ്എസ്,1.30 ന് ശാസ്ത്രീയ സംഗീതം-പെണ്, എച്ച്എസ്എസ് 2.40 ന് സംഘഗാനം -യുപി, എച്ച് എസ്, എച്ച്എസ്എസ്.
സ്റ്റേജ് 6 -എസ്ജിഎച്ച്എസ് ഓപ്പണ് സ്റ്റേജ് : 9.30ന് ഭരതനാട്യം യുപി,11.30 ന് അറബി സാഹിത്യോത്സവം -സ്റ്റേജിനങ്ങൾ.
സ്റ്റേജ് 7- എസ്ജിഎച്ച്എസ്എസ് ക്ലാസ് റൂം :9.30 ന് അറബി ജനറൽ മത്സരങ്ങൾ, അറബി സാഹിത്യോത്സവം, രചനാമത്സരങ്ങൾ, കഥാരചന, കവിതാരചന -അറബി, ഉപന്യാസം
സ്റ്റേജ് 8 -എസ്ജിഎച്ച്എസ്എസ് ക്ലാസ് റൂം: 9.30ന് സംസ്കൃതം ജനറൽ മത്സരങ്ങൾ, സംസ്കൃതം കലോത്സവം, രചനാമത്സരങ്ങൾ കഥാരചന,കവിതാരചന-സംസ്കൃതം,ഉപന്യാസം
സ്റ്റേജ് 9 -എസ്ജിഎച്ച്എസ്എസ് ക്ലാസ് റൂം: 9.30ന് അറബി ജനറൽ മത്സരങ്ങൾ, പദ്യം ചൊല്ലൽ-അറബി എച്ച്എസ്, എച്ച്എസ്എസ്, 11.05 ന് പ്രസംഗം-അറബി എച്ച്എസ്എസ്
സ്റ്റേജ് 10 -എസ്ജിഎച്ച്എസ്എസ് ക്ലാസ് റൂം: മത്സരങ്ങളില്ല.