ശ്രീ​നാ​രാ​യ​ണ​ഗു​രു ഓ​പ്പ​ൺ യൂ​ണി​വേ​ഴ്സി​റ്റി​യു​ടെ എ​ല്ലാ ബി​രു​ദ - ബി​രു​ദാ​ന​ന്ത​ര പ്രോ​ഗ്രാ​മു​ക​ളും കേ​ര​ള സ​ർ​വ​ക​ലാ​ശാ​ല അം​ഗീ​ക​രി​ച്ചു
Saturday, August 2, 2025 6:21 AM IST
കൊ​ല്ലം: ശ്രീ​നാ​രാ​യ​ണ​ഗു​രു ഓ​പ്പ​ൺ യൂ​ണി​വേ​ഴ്സി​റ്റി ന​ട​ത്തു​ന്ന എ​ല്ലാ ബി​രു​ദ - ബി​രു​ദാ​ന​ന്ത​ര പ്രോ​ഗ്രാ​മു​ക​ളും കേ​ര​ള സ​ർ​വ​ക​ലാ​ശാ​ല അം​ഗീ​ക​രി​ച്ചു. ഇ​ന്ന​ലെ കൂ​ടി​യ പ്ര​ത്യേ​ക ഡീ​ൻ കൗ​ൺ​സി​ൽ യോ​ഗ​ത്തി​ലാ​ണ് അ​ടി​യ​ന്ത​ര തീ​രു​മാ​നം ഉ​ണ്ടാ​യ​ത്. ഇ​തോ​ടെ കു​റ​ച്ചു മാ​സ​ങ്ങ​ളാ​യി നി​ല​നി​ന്നി​രു​ന്ന ആ​ശ​ങ്ക​ക​ൾ​ക്ക് വി​രാ​മ​മാ​യി.

ശ്രീ​നാ​രാ​യ​ണ​ഗു​രു ഓ​പ്പ​ൺ യൂ​ണി​വേ​ഴ്സി​റ്റി വൈ​സ് ചാ​ൻ​സി​ല​ർ പ്ര​ഫ.​ഡോ. വി.​പി. ജ​ഗ​തി രാ​ജും അ​ക്കാ​ദ​മി​ക് ആ​ൻഡ് റി​സ​ർ​ച്ച് ക​മ്മി​റ്റി ക​ൺ​വീ​ന​റും സി​ൻ​ഡി​ക്കേ​റ്റ് അം​ഗ​വു​മാ​യ ഡോ. എം. ജ​യ​പ്ര​കാ​ശും കഴിഞ്ഞ ദിവസം നേ​രി​ട്ട് ഈ ​വി​ഷ​യ​ത്തി​ന്‍റെ ഗൗ​ര​വം കേ​ര​ള സ​ർ​വ​ക​ലാ​ശാ​ല വൈ​സ് ചാ​ൻ​സി​ല​ർ ഡോ. ​മോ​ഹ​ൻ കു​ന്നു​മ്മ​ലി​നെ ബോ​ധ്യ​പ്പെ​ടു​ത്തി​യി​രു​ന്നു.

ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് അ​ടി​യ​ന്ത​ര ഡീ​ൻ കൗ​ൺ​സി​ൽ കൂ​ടു​ക​യും അ​നു​കൂ​ല തീ​രു​മാ​നം ഉ​ണ്ടാ​വു​ക​യും ചെ​യ്ത​ത്. വൈ​സ് ചാ​ൻ​സി​ല​റു​ടെ പ്ര​ത്യേ​ക അ​ധി​കാ​രം ഉ​പ​യോ​ഗി​ച്ചാ​ണ് ഡീ​ൻ കൗ​ൺ​സി​ലി​ൽ എ​ടു​ത്ത തീ​രു​മാ​നം അം​ഗീ​ക​രി​ച്ച​ത്.

ശ്രീ​നാ​രാ​യ​ണ​ഗു​രു ഓ​പ്പ​ൺ യൂ​ണി​വേ​ഴ്സി​റ്റി​യു​ടെ എ​ല്ലാ ബി​രു​ദ ബി​രു​ദാ​ന​ന്ത​ര പ്രോ​ഗ്രാ​മു​ക​ളും കേ​ര​ള സ​ർ​വ​വ​ക​ലാ​ശാ​ല അം​ഗീ​ക​രി​ച്ച​ത് ച​രി​ത്ര​പ​ര​മാ​യ തീ​രു​മാ​നം ആ​ണെ​ന്നും അ​തി​നെ സ്വാ​ഗ​തം ചെ​യ്യു​ന്നു എ​ന്നും ഓ​പ്പ​ൺ യൂ​ണി​വേ​ഴ്സി​റ്റി വൈ​സ് ചാ​ൻ​സി​ല​ർ ഡോ. ​ജ​ഗ​തി രാ​ജ് പ​റ​ഞ്ഞു.

ഓ​പ്പ​ൺ യൂ​ണി​വേ​ഴ്സി​റ്റി​യി​ൽ പ​ഠി​ച്ചി​റ​ങ്ങു​ന്ന​വ​ർ​ക്ക് ഇ​തു​മാ​യി ബ​ന്ധ​പ്പെ​ട്ട് ഒ​രു ബു​ദ്ധി​മു​ട്ടും ഇ​നി അ​നു​ഭ​വി​ക്കേ​ണ്ടി വ​രി​ല്ലായെന്നും എ​ല്ലാ ഉ​ന്ന​ത വി​ദ്യാ​ഭ്യാ​സ​ത്തി​നും പിഎ​സ്‌സി, ​യുപിഎ​സ്‌സി ​പോ​ലു​ള്ള പ​രീ​ക്ഷ​ക​ൾ​ക്കും ഓ​പ്പ​ൺ യൂ​ണി​വേ​ഴ്സി​റ്റി​യു​ടെ ബി​രു​ദം അം​ഗീ​കൃ​തം ആ​ണെ​ന്നും വൈ​സ് ചാ​ൻ​സി​ല​ർ പ​റ​ഞ്ഞു.

നി​ല​വി​ൽ 31 യു​ജി പി​ജി പ്രോ​ഗ്രാ​മു​ക​ളും നാ​ലു സ​ർ​ട്ടി​ഫി​ക്ക​റ്റ് കോ​ഴ്സു​ക​ളും ആ​ണ് ശ്രീ​നാ​രാ​യ​ണ​ഗു​രു ഓ​പ്പ​ൺ യൂ​ണി​വേ​ഴ്സി​റ്റി ന​ട​ത്തു​ന്ന​ത്. ഇ​തി​ൽ 29 യു​ജി പി​ജി പ്രോ​ഗ്രാ​മു​ക​ളു​ടെ​യും മൂ​ന്ന് സ​ർ​ട്ടി​ഫി​ക്ക​റ്റ് പ്രോ​ഗ്രാ​മു​ക​ളു​ടെ​യും അ​ഡ്മി​ഷ​ൻ ഇ​പ്പോ​ൾ ന​ട​ക്കു​ക​യാ​ണ്. സെ​പ്റ്റം​ബ​ർ 10 വ​രെ അ​പേ​ക്ഷി​ക്കാം.
Copyright @ 2018 , Rashtra Deepika Ltd.