നെ​യ്യാ​റ്റി​ന്‍​ക​ര: ദേ​ശീ​യ​പാ​ത​യോ​ര​ത്ത​ട​ക്ക​മു​ള്ള ട്രാ​ന്‍​സ്ഫോ​ര്‍​മ​റു​ക​ള്‍ മ​തി​യാ​യ സം​ര​ക്ഷ​ണ​മി​ല്ലാ​തെ അ​പ​ക​ട​ഭീ​ഷ​ണി സൃ​ഷ്ടി​ക്കു​ന്നു. നെ​യ്യാ​റ്റി​ന്‍​ക​ര താ​ലൂ​ക്കി​ല്‍ ചി​ല​യി​ട​ങ്ങ​ളി​ലെ കെ​എ​സ്ഇ​ബി ട്രാ​ന്‍​സ്ഫോ​ര്‍​മ​റു​ക​ളു​ടെ സ്ഥി​തി ഏ​റെ പ​രി​താ​പ​ക​ര​മാ​ണ്.

തു​രു​ന്പെ​ടു​ത്ത ക​ന്പി​വേ​ലി​ക​ളും ഇ​ള​കി​വീ​ഴും​വി​ധ​ത്തി​ലു​ള്ള ഫ്യൂ​സു​ക​ളും പ​ല​യി​ട​ത്തെ​യും ട്രാ​ന്‍​സ്ഫോ​ര്‍​മ​റു​ക​ളി​ല്‍ കാ​ണാം. ചി​ല ട്രാ​ന്‍​സ് ഫോ​ര്‍​മ​ര്‍ കോ​ന്പൗ​ണ്ടു​ക​ളി​ല്‍ സ്ഥാ​പി​ച്ചി​ട്ടു​ള്ള അ​പാ​യം എ​ന്ന ബോ​ര്‍​ഡ് പോ​ലും തു​രു​ന്പെ​ടു​ത്ത നി​ല​യി​ലാ​ണെ​ന്ന ആ​രോ​പ​ണ​വും നി​ല​വി​ലു​ണ്ട്. ട്രാ​ന്‍​സ്ഫോ​ര്‍​മ​ര്‍ പ​രി​സ​ര​ത്തും ചു​റ്റും കാ​ടും പ​ട​ര്‍​പ്പും പ​ട​ര്‍​ന്നി​ട്ടു​ള്ള​ത് പു​തി​യ കാ​ഴ്ച​യ​ല്ല. യ​ഥാ​സ​മ​യം അ​റ്റ​കു​റ്റ​പ്പ​ണി ന​ട​ത്താ​റി​ല്ലാ​യെ​ന്ന ആ​ക്ഷേ​പ​വും വ്യാ​പ​ക​മാ​ണ്.

വി​ദ്യാ​ര്‍​ഥി​ക​ള്‍ ഉ​ള്‍​പ്പെ​ടെ​യു​ള്ള നി​ര​വ​ധി കാ​ല്‍​ന​ട​യാ​ത്ര​ക്കാ​ര്‍ പാ​ത​യോ​ര​ങ്ങ​ളി​ലെ ട്രാ​ന്‍​സ്ഫോ​ര്‍​മ​റു​ക​ള്‍​ക്ക് സ​മീ​പ​ത്തു കൂ​ടി​യാ​ണു വ​ന്നു​പോ​കു​ന്ന​ത്. അ​പ​ക​ട​സാ​ധ്യ​ത​യു​ള്ള ട്രാ​ന്‍​സ്ഫോ​ര്‍​മ​റു​ക​ള്‍ അ​ടി​യ​ന്ത​ര​മാ​യി അ​റ്റ​കു​റ്റ​പ്പ​ണി​ക​ള്‍​ക്ക് വി​ധേ​യ​മാ​ക്കി സു​ര​ക്ഷി​ത​മാ​ക്ക​ണ​മെ​ന്ന് നാ​ട്ടു​കാ​ര്‍ ആ​വ​ശ്യ​പ്പെ​ട്ടു.