തിരുവനന്തപുരം: നി​ത്യ​ഹ​രി​ത നാ​യ​ക​ന്‍ പ്രേം​ന​സീ​റിന്‍റെ ആദ്യ സി​ഐ​ഡി ക​ഥാ​പാ​ത്ര​ത്തിു തു​ട​ക്ക​മി​ട്ട ക​റു​ത്ത കൈ ​എ​ന്ന സി​നി​മ​യ്ക്ക് 60 വ​യ​സ് പി​ന്നി​ട്ടു. 1964 ആ​ഗ​സ്റ്റ് 14 ന് ​കേ​ര​ള​ക്ക​ര​യാ​കെ ഇ​ള​ക്കി​മ​റി​ച്ച ചി​ത്രം ഒ​രു ഓ​ണ​ക്കാ​ല ചി​ത്ര​മാ​യാ​ണ് പ്ര​ദ​ര്‍​ശ​ന​ത്തി​നെ​ത്തി​യ​ത്. പ്രേം​ന​സീ​റെ​ന്ന ന​ട​നു മ​ല​യാ​ള സി​നി​മ​യി​ല്‍ ജ​യിം​സ് ബോ​ണ്ടെ​ന്ന നാ​മം ചേ​ര്‍​ക്ക​പ്പെ​ട്ട​തും ഈ ​സി​നി​മ​യാ​യി​രു​ന്നു. ആ​ദ്യ​വ​സാ​നം വ​രെ മു​ഖം മൂ​ടി ധ​രി​ച്ച കൊ​ള്ള​ത്ത​ല​വ​നും ബാ​ങ്ക് കൊ​ള്ള​യും കൊ​ല​പാ​ത​ക​ങ്ങ​ളും ഒ​ടു​വി​ല്‍ പ്രേം​ന​സീ​റെ​ന്ന സി​ഐ​ഡി ക​ണ്ടെ​ത്തു​ന്ന​തായ ഈ ​ചി​ത്ര​ത്തി​ലെ ഓ​രോ രം​ഗ​ങ്ങ​ളും പ്രേ​ക്ഷ​ക​രെ ആ​കാം​ക്ഷ കൊ​ള്ളിച്ചിരുന്നു.

മ​ല​യാ​ള സി​നി​മ​യി​ലെ സം​വി​ധാ​ന ക​ലാ​പ്ര​തി​ഭ എം.​ കൃ​ഷ്ണ​ന്‍ നാ​യ​രാ​ണ് നീ​ലാ പ്രൊ​ഡ​ക്ഷ​ന്‍​സിന്‍റെ ബാ​ന​റി​ല്‍ മെ​രി​ലാ​ന്‍റ് പി.​ സു​ബ്ര​ഹ്മ​ണ്യം നി​ര്‍​മിച്ച ക​റു​ത്ത കൈ ​സം​വി​ധാ​നം ചെ​യ്ത​ത്. തി​രു​ന​യ​ന​ര്‍ കു​റി​ച്ചി മാ​ധ​വ​ന്‍ നാ​യ​ര്‍ ര​ചി​ച്ച ഇ​തി​ലെ മ​നോ​ഹ​ര​മാ​യ ഗാ​ന​ങ്ങ​ള്‍​ക്ക് സം​ഗീ​തം ന​ല്‍​കി​യ​ത് ബാ​ബു​രാ​ജാ​യിരുന്നു.

"പ​ഞ്ച​വ​ര്‍​ണ ത​ത്ത​പോ​ലെ കൊ​ഞ്ചിവന്ന പെ​ണ്ണ്..​.' എ​ന്ന ഇ​തി​ലെ ഇ​മ്പ​മേ​റി​യ ഗാ​നം ഇ​ന്നും ആ​ര്‍​ക്കും മ​റ​ക്കു​വാ​ന്‍ സാ​ധി​ക്കി​ല്ല. പ്രേം​ന​സീ​ര്‍, ഷീ​ല, ഭാ​സി, തി​ക്കു​റിശി, കെ.​വി. ശാ​ന്തി, എ​സ്.​പി. പി​ള്ള, ആ​റ​ന്‍​മു​ള പൊ​ന്ന​മ്മ, പ​റ​വൂ​ര്‍ ഭ​ര​ത​ന്‍ എ​ന്നി​വ​രാ​യിരുന്നു ചിത്ര ത്തിലെ മറ്റ​ഭി​നേ​താ​ക്ക​ള്‍. 60 വ​ര്‍​ഷം പൂ​ര്‍​ത്തി​യാ​ക്കു​ന്ന ക​റു​ത്ത കൈ ​എ​ന്ന സി​നി​മ പ്രേം​ന​സീ​ര്‍ സു​ഹൃ​ത് സ​മി​തി ആ​ഘോ​ഷി​ക്കു​ന്നു.

നാളെ വൈ​കു​ന്നേ​രം 5.30 ന് ​ലെ​നി​ന്‍ ബാ​ല​വാ​ടി​യി​ല്‍ ന​ട​ക്കു​ന്ന ചി​ത്ര​ത്തി​ന്‍റെ അറുപതാം വാർഷിക ആ​ഘോ​ഷങ്ങൾ എം. ​കൃ​ഷ്ണ​ന്‍ നാ​യ​രു​ടെ മ​ക​ന്‍ കെ.​ ജ​യ​കു​മാ​ര്‍ നി​ര്‍​വ​ഹി​ക്കു​മെ​ന്നു സ​മി​തി സം​സ്ഥാ​ന സെ​ക്ര​ട്ട​റി തെ​ക്ക​ന്‍ സ്റ്റാ​ര്‍ ബാ​ദു​ഷ അ​റി​യി​ച്ചു. തുടർന്ന് കറുത്ത കൈയുടെ പ്രദർശനവും ഉണ്ടായിരിക്കും.