വെള്ളരിക്കുണ്ട്: ഇന്ത്യയുടെ അയല്‍രാജ്യങ്ങളായ ഭൂട്ടാന്‍, നേപ്പാള്‍, മ്യാന്‍മര്‍ എന്നിവിടങ്ങളിലേക്ക് ബൈക്കില്‍ യാത്ര ചെയ്യാന്‍ ഒരുങ്ങുകയാണ് രണ്ടു ചെറുപ്പക്കാര്‍.
ബിസിനസുകാരായ വെള്ളരിക്കുണ്ട് സ്വദേശി ലിബിനും ചീമേനി സ്വദേശി നിതിനുമാണ് യാത്രികര്‍. 2021 ഓഗസ്റ്റില്‍ വെള്ളരിക്കുണ്ടില്‍ നിന്ന് ബുള്ളറ്റില്‍ യാത്ര ചെയ്ത് ഹിമാലയത്തിലെ കര്‍ദുങ് ലാ പാസില്‍ വരെയെത്തി കെഎല്‍ 79 ഫ്‌ളാഗ് ഉയര്‍ത്തി ശ്രദ്ധ നേടിയിട്ടുണ്ട് ഇരുവരും. റോയല്‍ എന്‍ഫീല്‍ഡ് 450 സിസി ഹിമാലയന്‍ ബുള്ളറ്റിലാണ് യാത്ര.
എല്‍ഐസി ഏജന്‍റ്സ് ഫെഡറേഷന്‍
ഭാരവാഹികള്‍
കാഞ്ഞങ്ങാട്: ഓള്‍ ഇന്ത്യ എല്‍ഐസി ഏജന്‍റ്സ് ഫെഡറേഷന്‍ കാഞ്ഞങ്ങാട് ബ്രാഞ്ച് സമ്മേളനം കോഴിക്കോട് ഡിവിഷന്‍ പ്രസിഡന്‍റ് സി.ഒ.രവീന്ദ്രന്‍ ഉദ്ഘാടനം ചെയ്തു. പി.വി.രാജേഷ് അധ്യക്ഷതവഹിച്ചു. കെ.വി.ഷാജി, ടി.കുഞ്ഞികൃഷ്ണന്‍, വി.എം.ജോസഫ്, കെ.ബാബു, പി.എം.അഗസ്റ്റിന്‍, ടി.രാജന്‍, പി. ജനാര്‍ദ്ദനന്‍ നായര്‍ എന്നിവര്‍ പ്രസംഗിച്ചു. മേഴ്സിക്കുട്ടി ജോര്‍ജ് സ്വാഗതവും എം.പ്രദീപ്കുമാര്‍ നന്ദിയും പറഞ്ഞു.
ഭാരവാഹികള്‍: പി.എം.അഗസ്റ്റിന്‍ (പ്രസിഡന്‍റ്), ഷിന്‍സ് ജോര്‍ജ്, മേഴ്സിക്കുട്ടി ജോര്‍ജ് (വൈസ് പ്രസിഡന്‍റുമാര്‍), എം.പ്രദീപ് കുമാര്‍ (സെക്രട്ടറി), കെ.ബാബു, ലക്ഷ്മി തമ്പാന്‍ (ജോയിന്‍റ് സെക്രട്ടറിമാര്‍),പി.ജനാര്‍ദ്ദനന്‍ നായര്‍ (ട്രഷറര്‍).