ADVERTISEMENT

ADVERTISEMENT

സെന്‍റ് ജോൺസ് കോളജിൽ ബിരുദ ക്ലാസുകൾക്ക് തുടക്കം

അഞ്ചൽ : അഞ്ചൽ സെന്‍റ് ജോൺസ് കോളേജിൽ നാല് വർഷ ബിരുദ ക്ലാസുകളുടെ വിജ്ഞാനോത്സവത്തി െ ന്‍റ ഉദ്‌ഘാടനം കാര്യവട്ടം ഗവൺമെന്‍റ് കോളേജിലെ പ്രഫ. ഗ്ലാഡ്സൺ രാജ് നിർവഹിച്ചു.

പ്രിൻസിപ്പൽ ഡോ. നിഷ തോമസ് അധ്യക്ഷത വഹിച്ചു. കോളജ് ബർസാർ ഫാ. ക്രിസ്റ്റി ചരുവിള, അഞ്ചൽ ഗ്രാമപഞ്ചായത്ത് പ്രസിഡന്‍റ് എ. നൗഷാദ്, ജില്ലാ പഞ്ചായത്ത് അംഗം അംബിക കുമാരി, പിടിഎ വൈസ് പ്രസിഡന്‍റ് ദിലീപ്, കോർഡിനേറ്റർ ഡോ.സിബി.സി.ബാബു എന്നിവർ പ്രസംഗിച്ചു.

പ്രവേശനം ലഭിച്ച ഒന്നാംവർഷ വിദ്യാർഥികൾക്ക് കോളജിൽ വരവേൽപ്പ് നൽകി.

ADVERTISEMENT

പഞ്ചായത്ത് ജീവനക്കാരനെ കൈയേറ്റം ചെയ്ത സംഭവം; പ്രതിഷേധ സംഗമം നടത്തി

ചവറ: ചവറ പഞ്ചായത്തിൽ ജോലി ചെയ്തുകൊണ്ടിരുന്ന ജീവനക്കാരൻ അനിൽകുമാറിനെ കൈയേറ്റം ചെയ്യുകയും സ്ത്രീകൾ ഉൾപ്പെടെയുള്ള വനിതാ ജീവനക്കാരോട് അസഭ്യം പറയുകയും ചെയ്ത അക്രമികളെ അറസ്റ്റ് ചെയ്യണമെന്ന് ആവശ്യപ്പെട്ട് എൻജിഒ അസോസിയേഷൻ പ്രതിഷേധ സംഗമം നടത്തി. ചവറ പഞ്ചായത്ത് പടിക്കൽ നടന്ന സമരം ഡിസിസി വൈസ് പ്രസിഡന്‍റ് അരുൺരാജ് ഉദ്ഘാടനം ചെയ്തു. ജീവനക്കാരനെ അക്രമിച്ചത് ഏറെ ദൗർഭാഗ്യകരമായി പോയെന്ന് അദ്ദേഹം പറഞ്ഞു. ഇന്ന് സർക്കാർ ജീവനക്കാർ ഏറെ അവഗണനയിലാണ്. സംസ്ഥാനം ഭരിക്കുന്ന സർക്കാർ പോലും അവർക്ക് വേണ്ട കാര്യങ്ങൾ ചെയ്തു കൊടുക്കുന്നില്ല. ഒരു രഹസ്യ ബാലറ്റ് വോട്ടെടുപ്പ് നടത്തിയാൽ ഇന്ന് ഭരിക്കുന്ന പാർട്ടിയുടെ യൂണിയൻകാർ പോലും മുഖ്യമന്ത്രിക്കെതിരെ വോട്ട് ചെയ്യുന്ന അവസ്ഥയാണ് നിലനിൽക്കുന്നത്. പല സമരങ്ങളും നടന്നിട്ടുണ്ടെങ്കിലും ചവറ പഞ്ചായത്തിൽ ഉദ്യോഗസ്ഥനെ കൈയേറ്റം ചെയ്യുന്നത് ആദ്യ സംഭവമാണ്. കുറ്റക്കാർക്കെതിരേ പോലീസ് നടപടി സ്വീകരിച്ചില്ലെങ്കിൽ പോലീസ് സ്റ്റേഷൻ മാർച്ച് ഉൾപ്പെടെ പ്രതിഷേധ സമരങ്ങൾ സംഘടിപ്പിക്കുമെന്ന് ഉദ്ഘാടകൻ പറഞ്ഞു. എൻജിഒ അസോസിയേഷൻ ജില്ലാ പ്രസിഡന്‍റ് സി .അനിൽ ബാബു അധ്യക്ഷനായി. സെറ്റോ ജില്ലാ ചെയർമാൻ അർത്തിയിൽ സമീർ, എൻജിഒ അസോസിയേഷൻ ജില്ലാ വൈസ് പ്രസിഡന്‍റ് എസ്. ഉല്ലാസ്, ചവറ പഞ്ചായത്ത് പ്രസിഡന്‍റ് സുരേഷ് കുമാർ, വൈസ് പ്രസിഡന്‍റ് ജയലക്ഷ്മി, ബിനു കോട്ടാത്തല, സൈജു അലി , എം മനോജ്, എം. ആർ. ദിലീപ്, പൗളിൻ ജോർജ്, ഷമീർ , പ്രദീപ് ഫെർണാണ്ടസ് ,ഗിരീഷ്, കോൺഗ്രസ് മണ്ഡലം പ്രസിഡന്‍റുമാർ, ജനപ്രതിനിധികൾ തുടങ്ങിയവർ പങ്കെടുത്തു.

ബിഎംജി ഹൈസ്കൂൾ വെഞ്ചരിച്ചു

കുളത്തൂപ്പുഴ: ബിഎംജി എച്ച്എസ് വെഞ്ചരിച്ചു. ഫാ. ജോസഫ് തോട്ടത്തിൽ കടയിലി െ ന്‍റ മുഖ്യകാർമികത്വത്തിലും ലോക്കൽ മാനേജർ ഫാ.മാത്യു ചരിവുകാലായിൽ,ഫാ. വിൽ‌സൺ ചരുവിള എന്നിവർ ചേർന്നാണ് വെഞ്ചരിച്ചത്. സ്കൂൾ ഹെഡ്മാസ്റ്റർ കെ. ഷാജുമോൻ, സ്റ്റാഫ് സെക്രട്ടറി ജെ.ജോസ്മോൻ, സുനിൽ .കെ. തോമസ്, സി .ഐശ്വര്യ, ആൻസ് മേരി, അപർണ, ഷൈൻകുമാർ എന്നിവർ നേതൃത്വം നൽകി. കെസിഎസ്എൽ വിദ്യാർഥികൾ പ്രാർഥന ഒരുക്കി.

പോളച്ചിറ ഏലാ വികസനത്തിന്‍റെ പിതൃത്വത്തിനായുള്ള ബിജെപി ശ്രമം തരംതാഴ്ന്നതെന്ന്

പരവൂർ : പോളച്ചിറ ഏലാ വികസനത്തി െ ന്‍റ പിതൃത്വം ഏറ്റെടുക്കാനുള്ള ബിജെപി നേതാവി െ ന്‍റ ശ്രമം തരം താഴ്ന്ന രാഷ്ട്രീയ അജണ്ടയാണെന്ന് കെപിസിസി അംഗവും യുഡിഎഫ് ചാത്തന്നൂർ നിയോജക മണ്ഡലം ചെയർമാനുമായ നെടുങ്ങോലം രഘു. ചിറക്കര പഞ്ചായത്ത്‌ വൈസ് പ്രസിഡന്‍റ് കെ.സുജയ് കുമാർ ചിറക്കര പഞ്ചായത്തിലെ പോളച്ചിറ ഏലാകളുടെ സമഗ്രവികസനം നടപ്പാക്കുന്നതുമായി ബന്ധപ്പെട്ട് തയാറാക്കി എൻ.കെ. പ്രേമചന്ദ്രൻ എം പിയ്ക്ക് സമർപ്പിച്ച നിവേദനമാണ് എംപി കേന്ദ്ര കൃഷി-ജലവിഭവ മന്ത്രാലയങ്ങൾക്ക് സമർപ്പിച്ച് വിശദമായ പ്രോജക്‌ട് സമർപ്പിക്കാനായി അനുമതി നേടിയെടുക്കുന്നതെന്ന് നെടുങ്ങോലം രഘു പ്രസ്താവനയിൽ പറഞ്ഞു.

ചാത്തന്നൂർ ദേശീയപാതയിൽ വെള്ളക്കെട്ട്

ചാത്തന്നൂർ : ചാത്തന്നൂർ പോലീസ് സ്റ്റേഷന് സമീപം പബ്ലിക് ലൈബ്രറിക്ക് മുമ്പിൽ ദേശീയപാത പണി പൂർത്തിയായ ഭാഗത്ത് വെള്ളം കെട്ടി കിടക്കുന്നു. ഊറാംവിളയിൽ അടിപ്പാതക്ക് മുകളിൽ പണിപൂർത്തിയായ പല ഭാഗങ്ങളും ഗതാഗത യോഗ്യമല്ലാതായി. നേരത്തേ വാഹനങ്ങൾ കടന്നു പോയ്ക്കൊണ്ടിരുന്ന ഭാഗമാണിത്. ഇവിടെ പല ഭാഗങ്ങളും കുത്തിപ്പൊളിച്ച് വീണ്ടും പണി നടക്കുകയാണ്. മേൽനോട്ടത്തി െ ന്‍റയും എൻജിനിയറിംഗ് വൈദഗ്ധ്യത്തി െ ന്‍റയും അഭാവത്തിലേക്കാണ് ഇതൊക്കെ വിരൽ ചൂണ്ടുന്നത്. നിർമാണം നടക്കുന്നിടങ്ങളിൽ ഹൈവേ അഥോറിറ്റിയുടെ നിതാന്ത ജാഗ്രത ഉണ്ടാകണമെന്ന് ആന്‍റി കറപ്ഷൻ പീപ്പിൾസ് മൂവ്മെന്‍റ് ജില്ലാ പ്രസിഡന്‍റ് ജി. ദിവാകരൻ ആവശ്യപ്പെട്ടു.

ചണ്ണപ്പേട്ടയിൽ മാട്ടിറച്ചി സ്റ്റാൾ പുനഃസ്ഥാപിക്കണമെന്ന്‌

അഞ്ചല്‍ : അലയമൺ പഞ്ചായത്തിന്‍റെ കിഴക്കൻ മേഖലയായ ചണ്ണപ്പേട്ടയിൽ മാട്ടിറച്ചി സ്റ്റാൾ സ്ഥാപിക്കണമെന്ന് ആവശ്യം ശക്തമാവുകയാണ്. അലയമൺ പഞ്ചായത്തിലും സമീപപ്രദേശമായ ഇട്ടിവാ പഞ്ചായത്തിലെയും പ്രധാന കാർഷിക വിപണന കേന്ദ്രമായ ചണ്ണപ്പേട്ട മാർക്കറ്റിനെ തകർക്കുവാൻ വേണ്ടി ചിലർ ബോധപൂർവം ശ്രമിക്കുകയാണെന്ന് ആക്ഷേപം ഉയരുകയാണ്. മാംസ വ്യാപാര കേന്ദ്രം ചണ്ണപ്പേട്ടയിൽ ഇല്ലാത്തതുമൂലം കിലോമീറ്റർ സഞ്ചരിച്ച് വേണം വിശേഷ ദിവസങ്ങളില്‍ ഉൾപ്പെടെ ഇറച്ചി വാങ്ങാൻ. ഇത് ചണ്ണപ്പേട്ടയിലെ മറ്റ് വ്യാപാര സ്ഥാപനങ്ങളെയും പ്രതികൂലമായി ബാധിക്കുന്നുണ്ടെന്നു നാട്ടുകാരും വ്യാപാരികളും ആരോപിക്കുന്നു. പച്ചക്കറിയും മീനും പലചരക്ക് സാധനങ്ങള്‍ ഉള്‍പ്പടെ ചണ്ണപ്പേട്ട ചന്തയിൽ നിന്നും ഇറച്ചി വാങ്ങുവാൻ പോകുന്നവര്‍ വാങ്ങി വരുന്നത് വ്യാപാരികളെ പ്രതി സന്ധിയിലാക്കുന്നുണ്ട്. ഇത് വ്യാപാര തകര്‍ച്ചയ്ക്ക് ഇടയാക്കുന്നതായി ചണ്ണപ്പേട്ടയിലെ വ്യാപാരികള്‍ പറയുന്നു. അലയമൺ പഞ്ചായത്തിന്‍റെ അനാസ്ഥയാണ് മാട്ടിറച്ചി സ്റ്റാൾ ചണ്ണപ്പേട്ടയിൽ ലേലത്തിന് എടുക്കാതിരിക്കാൻ കാരണമെന്നും ചന്തയുടെ പ്രവർത്തനം സുഗമമാക്കുവാൻ ഇറച്ചി സ്റ്റാൾ പുനഃസ്ഥാപിക്കണമെന്നും യുവജന കൂട്ടായ്മയായ ചണ്ണപ്പേട്ട ഡയറീസ് ആവശ്യപ്പെട്ടു. ഇക്കാര്യം ചൂണ്ടിക്കാട്ടി പഞ്ചായത്ത് പ്രസിഡന്‍റ് , വൈസ് പ്രസിഡന്‍റ്, വാര്‍ഡ് അംഗം ഉള്‍പ്പെടെയുള്ള ജനപ്രതിനിധികള്‍ക്ക് നിവേദനം നല്‍കുമെന്നും കൂട്ടായ്മ ഭാരവാഹികള്‍ പറഞ്ഞു. എന്നാല്‍ പലതവണ മാട്ടിറച്ചി സ്റ്റാള്‍ ലേലത്തിന് നടപടി എടുത്തിരുന്നുവെന്നും വളരെ കുറഞ്ഞ തുകയായതിനാൽ അംഗീകാരം ലഭിച്ചിരുന്നില്ലെന്നും പഞ്ചായത്ത് പ്രസിഡന്‍റ് എം. ജയശ്രീ പറഞ്ഞു. ഇപ്പോള്‍ സ്റ്റാള്‍ ലേലം ചെയ്തുവെന്നും ‍ ഉടന്‍ പ്രവര്‍ത്തിച്ചു തുടങ്ങുമെന്നും പഞ്ചായത്ത് പ്രസിഡന്‍റ് വ്യക്തമാക്കിയിട്ടുണ്ട്.

സംസ്ഥാനത്തെ വെറ്റില കർഷകർ പ്രതിസന്ധിയിൽ: കർഷക കോൺഗ്രസ്

പുനലൂർ : സംസ്ഥാനത്ത് നിന്നും ഇതര സംസ്ഥാനങ്ങളിലേക്കും ഗൾഫ് ഉൾപ്പെടെ വിദേശ രാജ്യങ്ങളിലേക്കും വെറ്റില കയറ്റുമതി ചെയ്ത് കൊള്ളലാഭം എടുക്കുന്ന വ്യാപാരികളുടെ കൈകളിൽ നിന്നും വെറ്റില കർഷകനെ രക്ഷിക്കുന്നതിന് സംസ്ഥാന സർക്കാർ അടിയന്തിര നടപടി ഉണ്ടാവണമെന്ന് കർഷക കോൺഗ്രസ് സംസ്ഥാന ജനറൽ സെകട്ടറി വിളക്കുപാറ ദാനിയേൽ പ്രസ്താവനയിൽ ആവശ്യപ്പെട്ടു. സംസ്ഥാനത്തെ ചെറുകിട കർഷകന്‍റെനിത്യ വരുമാനമാണ് വെറ്റില കൃഷി. വളരെയേറെ ശ്രദ്ധാപൂർവം നോക്കിക്കണ്ട് ചെയ്യുന്ന വെറ്റില കൃഷി,നോട്ടം തെറ്റിയാൽ പാടെ നശിച്ചുപോകുന്ന സസ്യമാണ്. ഒരു കെട്ട് വെറ്റിലയ്ക്ക് മാർക്കറ്റിൽ 120 മുതൽ 180 രൂപ വരെ വില ലഭിച്ചിട്ടുണ്ട്. നാമമാത്ര കൃഷിസ്ഥലമുള്ള അധ്വാനശീലരായ വെറ്റില കർഷകർ വെറ്റിലയുമായി മാർക്കറ്റിൽ ചെല്ലുമ്പോൾ മൊത്തക്കച്ചവടം ചെയ്യുന്ന ഇടനിലക്കാരായ വ്യാപാരികൾ പറയുന്ന വിലക്ക് വെറ്റില വിൽക്കേണ്ട സാഹചര്യമാണ് നിലവിലുള്ളത്. കഴിഞ്ഞ ദിവസം കലയപുരം മാർക്കറ്റിൽ ഒരു കെട്ട് വെറ്റിലക്ക് ഇടനില വ്യാപാരികൾ വച്ച വില കെട്ടിന് 10 രൂപയാണ്. ആയിരക്കണക്കിന് കെട്ട് വെറ്റില നിത്യവൃത്തിക്ക് വഴിയില്ലാത്ത പാവപ്പെട്ട കർഷകർ കൂട്ടിയിട്ട് ഡീസൽ ഒഴിച്ച് കത്തിക്കുന്ന ഖേദകരമായ സംഭവം ഒഴിവാക്കേണ്ടതായിരുന്നു.

കരുകോണ്‍ ഹയര്‍ സെക്കൻഡറി സ്കൂളില്‍ പണിമുടക്കിന് ജോലിക്ക് എത്തിയവർ ഒപ്പിട്ടു മുങ്ങി

അഞ്ചല്‍ : അലയമണ്‍ പഞ്ചായത്തിലെ കരുകോണ്‍ ഹയര്‍ സെക്കൻഡറി സ്കൂളിൽ പണിമുടക്ക് ദിവസം എത്തിയവര്‍ ഒപ്പിട്ടു മുങ്ങിയെന്ന് പരാതി. ഹൈസ്കൂള്‍ വിഭാഗത്തിലാണ് പണിമുടക്ക് ദിവസം എത്തിയ അധ്യാപകര്‍ ഒപ്പിട്ടു മുങ്ങിയതായി പരാതി ഉയര്‍ന്നിരിക്കുന്നത്. രാവിലെ സ്കൂളില്‍ സമരാനുകൂലികള്‍ എട്ടുപേര്‍ എത്തിയതായി രേഖപ്പെടുത്തിയ ശേഷമായിരുന്നു മുങ്ങൽ അരങ്ങേറിയത്. ഒപ്പിട്ടവർ സ്കൂള്‍ പ്രവര്‍ത്തനം അവസാനിക്കുന്ന സമയം വരെ ഉണ്ടാകണമെന്ന മുന്നറിയിപ്പ് ഇതിനിടെ സമരാനുകൂലികൾ നൽകിയിരുന്നെങ്കിലും ഉച്ചയോടെ വീണ്ടും സമരക്കാര്‍ എത്തുമ്പോൾ കണ്ടത് ആളൊഴിഞ്ഞ ഓഫീസായിരുന്നു. ലൈബ്രറിയില്‍ ഒരു അധ്യാപകൻ മാത്രം അപ്പോൾ ഉണ്ടായിരുന്നുള്ളൂ. ഹാജര്‍ രജിസ്റ്റര്‍ കാണണമെന്ന് പ്രതിഷേധക്കാര്‍ തുടർന്ന് ആവശ്യപ്പെടുകയാണ് ഉണ്ടായത്. ഇത് ഏറെനേരം വാക്ക് തര്‍ക്കത്തിന് കാരണമായി. വാക്കേറ്റം വഷളാകുമെന്ന് കണ്ടതോടെ ഹാജര്‍ ബുക്ക് കാണിക്കാം എന്ന നിലപാടിലേക്ക് അധ്യാപകൻ എത്തി. ഇതിനിടെ അഞ്ചല്‍ പോലീസും സ്ഥലത്തെത്തി. പോലീസിന്‍റെ സാന്നിധ്യത്തില്‍ സമരക്കാര്‍ നടത്തിയ പരിശോധനയില്‍ 12 പേര്‍ ഒപ്പിട്ടതായി കണ്ടെത്തി. പക്ഷേ ഒരാള്‍ ഒഴികെ ആരും തന്നെ അപ്പോൾ സ്കൂളിൽ ഉണ്ടായിരുന്നില്ല. ഇതോടെ നിയമനടപടിക്കൊരുങ്ങുകയാണ് സ്കൂള്‍ വികസന സമിതിയും ഇടതുമുന്നണിയും. വരും ദിവസങ്ങളില്‍ തന്നെ സിസിടിവി ദൃശ്യങ്ങള്‍ ഉള്‍പ്പെടെ പരിശോധിച്ചുകൊണ്ടു ശക്തമായ നടപടികളിലേക്ക് പോകുമെന്ന് സ്കൂള്‍ എസ്എംസി ചെയര്‍മാന്‍ നിഷാദ്, സിപിഎം ലോക്കല്‍ കമ്മിറ്റി സെക്രട്ടറി അസീം ഉള്‍പ്പടെയുള്ള നേതാക്കാള്‍ അറിയിച്ചു. എന്നാല്‍ പിടിഎ പ്രസിഡന്‍റ് പറഞ്ഞത് പ്രാകാരമാണ് അധ്യാപകര്‍ പോയതെന്നാണ് സ്ഥലത്തുണ്ടായിരുന്ന ജയകുമാര്‍ എന്ന അധ്യാപകന്‍ പറയുന്നത്.

ആശ്രാമം ഇഎസ്ഐ ആശുപത്രി മെഡിക്കൽ കോളജായി ഉയർത്തുന്നതിന് സ്ഥലം വിട്ടുനൽകണമെന്ന്

കൊല്ലം: ആശ്രാമം ഇഎസ്ഐ മോഡൽ ആൻഡ് സൂപ്പർ സെപ്ഷാലിറ്റി ആശുപത്രി മെഡിക്കൽ കോളജായി ഉയർത്തുന്നതിന് പാർവതി മില്ലി െ ന്‍റ സ്ഥലം വിട്ടുനൽകണമെന്ന് കേന്ദ്ര തൊഴിൽ വകുപ്പ് സെക്രട്ടറി വന്ദനാ ഗുർനാനി, ടെക്സൈ്റ്റയിൽ വകുപ്പ് സെക്രട്ടറി നീലം ഷാമി റാവുവിനോട് ആവശ്യപ്പെട്ടതായി എൻ.കെ. പ്രേമചന്ദ്രൻ എംപി അറിയിച്ചു. ചട്ടം 377 പ്രകാരം പാർവതി മില്ലി െ ന്‍റ സ്ഥലം എത്രയും പെട്ടെന്ന് ടെക്സ്റ്റൈൽ മന്ത്രാലയം തൊഴിൽ മന്ത്രാലയത്തിന് കൈമാറണമെന്നാവശ്യപ്പെട്ടു കൊണ്ടുളള സബ്മിഷനെ തുടർന്നാണ് തൊഴിൽ മന്ത്രാലയത്തിന്‍റെ നടപടി. പാർവതി മില്ലി െ ന്‍റ സ്ഥലവുമായി ബന്ധപ്പെട്ട് ഡൽഹി ഹൈകോടതിയിൽ നിലനിൽക്കുന്ന ആർബിട്രേഷൻ കേസ് സത്വരമായി തീർപ്പാക്കണമെന്നും എൻ.കെ. പ്രേമചന്ദ്രൻ ആവശ്യപ്പെട്ടിട്ടുണ്ട്. വകുപ്പുകളുടെ പ്രവർത്തനം ഏകോപിപ്പിച്ച് ഭൂമി കൈമാറ്റത്തിനുളള നടപടികൾ ത്വരിതപ്പെടുത്തണമെന്നും തൊഴിൽ വകുപ്പ് സെക്രട്ടറി ടെക് സ്റ്റൈൽ വകുപ്പ് സെക്രട്ടറിയോട് ആവശ്യപ്പെട്ടിട്ടുണ്ടെന്നും എൻ.കെ. പ്രേമചന്ദ്രൻ എംപി അറിയിച്ചു.

എംഎസ്‌സി എൽസ കപ്പലിനെ നിരീക്ഷിക്കാൻ കനേറ മേഘ് ടഗ്ഗ്

കൊല്ലം: തീപിടിത്തം ഉണ്ടായി കേരളതീരത്തോട് ചേർന്ന് അറബിക്കടലിൽ മുങ്ങിയ എംഎസ്്സി എൽസ - 3 കപ്പലിനെ നിരീക്ഷിക്കാൻ കൂറ്റൻ ടഗ്ഗ് കൊല്ലം പോർട്ടിലെത്തി. ക്രൂ ചേഞ്ചിംഗിനൊപ്പം ശുദ്ധജലവും സുരക്ഷാ ഉപകരണങ്ങളും ശേഖരിക്കാനാണ് ടഗ്ഗ് എത്തിയത്. മുംബൈ ആസ്ഥാനമായുള്ള കമ്പനിയുടെ ഉടമസ്ഥതയിലുള്ള കനേറ മേഘ് എന്ന ടഗാണ് എത്തിയിട്ടുള്ളത്. ടഗ്ഗിൽ ഉണ്ടായിരുന്ന രണ്ട് ജീവനക്കാർ കൊല്ലം പോർട്ടിൽ ഇറങ്ങി. പകരം രണ്ടുപേർ ടഗിൽ ജോലിയിൽ പ്രവേശിച്ചു. തിരുവനന്തപുരം ഫോറിൻ റീജിയണൽ രജിസ്ട്രേഷൻ ഓഫീസിൽ നിന്ന് ഉദ്യോഗസ്ഥരെത്തിയാണ് എമിഗ്രേഷൻ നടപടികൾ പൂർത്തിയാക്കിയത്.മുങ്ങിയ കപ്പൽ കേന്ദ്രീകരിച്ചുള്ള സാൽവേജ് ഓപ്പറേഷന് മുന്നോടിയായ നിരീക്ഷണത്തിനാണ് കനേറ മേഘിനെ നിയോഗിച്ചിരിക്കുന്നത്. ഭക്ഷ്യവസ്തുക്കളും ശുദ്ധജലവും ശേഖരിക്കാൻ ടഗ്ഗ് രണ്ടാഴ്ചയ്ക്ക് ശേഷം കൊല്ലം പോർട്ടിൽ വീണ്ടും എത്തുമെന്നാണ് പറഞ്ഞിട്ടുള്ളത്. സത്യം ഷിപ്പിംഗ്സ് ആന്‍ഡ് ലോജിസ്റ്റിക്സ് പ്രൈവറ്റ് ലിമിറ്റഡാണ് ടഗ്ഗ് കേരള തീരത്ത് അടുപ്പിക്കാനുള്ള നടപടികൾ പൂർത്തിയാക്കിയിരിക്കുന്നത്.

ഗുരുപാദത്തിൽ ഹൃദയത്തെ സമർപ്പിക്കുന്നതാണ് ഗുരുപൂർണിമ: മാതാ അമൃതാനന്ദമയി

അമൃതപുരി ( കൊല്ലം): ഗുരുവിന്‍റെ പാദത്തിൽ ശിഷ്യൻ കൃതജ്ഞതാപൂർണമായ ഹൃദയത്തെ സമർപ്പിക്കുന്നതിന്‍റെ പ്രതീകമാണ് ഗുരുപൂർണിമയെന്ന് മാതാ അമൃതാനന്ദമയി. അസത്യത്തിൽ നിന്ന് സത്യത്തിലേക്കും അന്ധകാരത്തിൽ നിന്ന് പ്രകാശത്തിലേക്കും മരണത്തിൽ നിന്ന് അമൃതത്വത്തിലേക്കും കൈ പിടിച്ചുനയിക്കുന്ന ഗുരുവിനോടുള്ള ശിഷ്യന്‍ റെകടപ്പാട് ഒരിക്കലും തീരുന്നതല്ലെന്നും അമൃതപുരിയിൽ ഗുരുപൂർണിമ ആഘോഷത്തിൽ അനുഗ്രഹ പ്രഭാഷണം നടത്തവേ മാതാ അമൃതാനന്ദമയി പറഞ്ഞു. എല്ലാ ജീവജാലങ്ങളിൽ നിന്നും അനേകം പാഠങ്ങൾ പഠിക്കാനുണ്ട്. പങ്കു വെക്കലിന്‍റെ ആ നല്ല പാഠം പഠിച്ചാൽ തന്നെ എല്ലാ പ്രശ്നങ്ങൾക്കും പരിഹാരമാകും. നേടിയവനേ കൊടുക്കാൻ കഴിയൂ. അറിഞ്ഞവനേ അറിയിക്കാൻ കഴിയൂ അതാണ് ഗുരു ചെയ്യുന്നത്. ഗുരുപൂർണിമ എന്നത് യഥാർഥത്തിൽ പാദപൂജയോ ചടങ്ങുകളോ അല്ല. സമർപ്പിതമായ ശിഷ്യമനസിലാണ് ഗുരു പൂർണിമ പ്രകാശിക്കുക. നമ്മുടെ യഥാർഥ ആയുസ് നമ്മൾ എത്ര വർഷം ജീവിച്ചു എന്നതിലൂടെയല്ല, മറിച്ച് ശരിയായ അവബോധത്തോടെയും വിവേകത്തോടെയും നാം ജീവിക്കുന്ന നിമിഷങ്ങളിലൂടെയുമാണ് അളക്കേണ്ടതെന്നും മാതാ അമൃതാനന്ദമയി പറഞ്ഞു. 150ഓളം സന്യാസിനി ബ്രഹ്മചാരിണിമാരുടെ കാർമികത്വത്തിൽ നടന്ന മഹാഗണപതി ഹോമത്തോടെയും ഗുരു ഹോമത്തോടെയുമാണ് അമൃതപുരിയിലെ ആഘോഷങ്ങൾക്ക് തുടക്കം കുറിച്ചത്. തുടർന്ന് മാതാ അമൃതാനന്ദമയി മഠം വൈസ് ചെയർമാൻ അമൃതസ്വരൂപാനന്ദപുരി ഗുരു പാദപൂജ ചെയ്തു. കാലടി സംസ്‌കൃത സർവകലാശാല മുൻ വൈസ് ചാൻസലറും കേരള പബ്ലിക് സർവീസ് കമ്മീഷൻ ചെയർമാനുമായിരുന്ന ഡോ. കെ. എസ്. രാധാകൃഷ്ണൻ അമൃത ഇന്‍റർനാഷണൽ സ്കൂൾ ഓഫ് ലോയ്ക്ക് വേണ്ടി തയാറാക്കിയ ഭാരതീയ നിയമ വിജ്ഞാനീയം എന്ന പുസ്തകം മാതാ അമൃതാനന്ദമയി പ്രകാശനം ചെയ്തു. തുടർന്ന് നൂറുകണക്കിന് സംഗീതജ്ഞരും വാദ്യകലാകാരന്മാരും അണിനിരന്ന നാദോപാസനയും മറ്റു കലാപരിപാടികളും ഉണ്ടായി. ആഘോഷങ്ങളിൽ പങ്കെടുക്കുന്നതിനായി രാജ്യത്തിനകത്തും നിന്നും പുറത്തു നിന്നുമായി നിരവധി പേരാാണ് അമൃതപുരിയിൽ എത്തിയിരുന്നത്.

കൊല്ലത്ത് പുതിയ കെഎസ്ആര്‍ടിസി ബസ് സ്റ്റേഷന്‍ നിർമിക്കും: മന്ത്രി

കൊല്ലം : ആധുനിക സൗകര്യങ്ങള്‍ ഉള്‍ക്കൊള്ളുന്ന കെഎസ്ആര്‍ടിസി സ്റ്റേഷന്‍ നാലുനില കെട്ടിടസമുച്ചയം ഉള്‍പ്പെടെ കൊല്ലത്ത് നിര്‍മിക്കുമെന്ന് മന്ത്രി കെ. എന്‍.ബാലഗോപാല്‍. നിലവിലെ ബസ് ഗാരേജിലാണ് പുതുസംവിധാനങ്ങള്‍ വരികയെന്ന് സ്ഥലം സന്ദര്‍ശിച്ച് വ്യക്തമാക്കി.പദ്ധതിയുടെ രൂപരേഖയ്ക്ക് അംഗീകാരം നല്‍കി. ബജറ്റില്‍ വകയിരുത്തിയ 10 കോടി രൂപയും എംഎല്‍എ ആസ്തി വികസന ഫണ്ടില്‍ നിന്നുള്ള അഞ്ചു കോടി രൂപയും ചേര്‍ത്ത് 15 കോടി രൂപ വിനിയോഗിച്ചാണ് പൂര്‍ത്തിയാക്കുക. നാലു നിലകളിലായി 34,432 ചതുരശ്ര അടിയാണ് ആകെ വിസ്തീര്‍ണം. ഒന്നാം നിലയില്‍ ഗാരേജ്, ഓഫീസുകള്‍, ഇലക്്ട്രിക്കല്‍-സ്റ്റോര്‍ റൂം, ജീവനക്കാര്‍ക്കുള്ള വിശ്രമ മുറികള്‍, ലിഫ്റ്റ് എന്നിവയും രണ്ടാം നിലയില്‍ കൊറിയര്‍ റൂം, ശീതീകരിച്ച ഫാമിലി വെയ്റ്റിംഗ് റൂമുകള്‍, സ്ത്രീകള്‍ക്ക് ഫീഡിംഗ് റൂം ഉള്‍പ്പെടെയുള്ള പ്രത്യേക കാത്തിരുപ്പ് കേന്ദ്രങ്ങള്‍, സുരക്ഷാ മുറി, പോലീസ് എയ്ഡ് പോസ്റ്റ്, പൊതു ശൗചാലയങ്ങള്‍, ബുക്കിംഗ്, അന്വേഷണ കൗണ്ടറുകള്‍ എന്നിവ ഒരുക്കും. മൂന്നാം നിലയില്‍ പുരുഷന്മാര്‍ക്കുള്ള ഡോര്‍മെറ്ററി, ഷീ-ഷെല്‍ട്ടര്‍, കെയര്‍ ടേക്കര്‍ മുറി, റെസ്റ്റോറന്‍റ് എന്നിവയും ക്രമീകരിക്കും. നാലാം നിലയില്‍ ഡ്രൈവര്‍, കണ്ടക്‌ടര്‍, സ്ത്രീ ജീവനക്കാര്‍ക്കുള്ള വിശ്രമമുറികള്‍, ബജറ്റ് ടൂറിസം, ഡിടിഒ എന്നിവയ്ക്കായി മുറികള്‍, ഓഫീസ് ഏരിയ, കോണ്‍ഫറന്‍സ് ഹാള്‍ എന്നിവയും സജ്ജീകരിക്കും. ചുറ്റുമതില്‍, പ്രവേശന കവാടം, ജലവിതരണം എന്നിവയും ഉണ്ടാകും. പുതിയ ബസ് സ്റ്റാന്‍ഡിലേക്ക് പുതിയ റോഡും നിര്‍മിക്കും. പ്രധാന നിരത്തിനോട് ചേര്‍ന്ന് സ്റ്റാന്‍ഡ് വരുന്നത് യാത്രക്കാര്‍ക്ക് കൂടുതല്‍ സൗകര്യപ്രദമാകും. നിലവിലെ ബസ് സ്റ്റാന്‍ഡിന്‍റെ അറ്റകുറ്റപണികള്‍ അടിയന്തര പ്രാധാന്യത്തോടെ നടത്തി കൂടുതല്‍ ബലപ്പെടുത്തും. എം .മുകേഷ് എംഎല്‍എ, ജില്ലാ കളക്‌ടര്‍ എന്‍ .ദേവിദാസ്, എഡിഎം ജി .നിര്‍മല്‍കുമാര്‍ തുടങ്ങിയവര്‍ ഒപ്പമുണ്ടായിരുന്നു.

എസ്എഫ്ഐ മാർച്ചിൽ നേരിയ സംഘർഷം

കൊല്ലം: കേരളത്തിലെ സർവകലാശാലകളെ കാവിവത്കരിക്കാൻ ശ്രമിക്കുന്ന ഗവർണറുടെ ഇടപെടലിൽ പ്രതിഷേധിച്ച് എസ്എഫ്ഐ ജില്ലാ കമ്മിറ്റിയുടെ നേതൃത്വത്തിൽ ചിന്നക്കട ഹെഡ് പോസ്റ്റ് ഓഫീസിലേക്ക് നടത്തിയ മാർച്ചിൽ നേരിയ സംഘർഷം. എസ്എൻ കോളജ് ജംഗ്ഷനിൽ നിന്നും പ്രകടനമായി എത്തിയ പ്രവർത്തകരെ ഹെഡ് പോസ്റ്റ് ഓഫീസിന് മുന്നിൽ പോലീസ് ബാരിക്കേഡ് ഉപയോഗിച്ച് തടഞ്ഞു. ബാരിക്കേഡ് ചാടിക്കടന്ന്‌ ഹെഡ് പോസ്റ്റ് ഓഫിസിന്‍റെ കോമ്പൗണ്ടിൽ പ്രവേശിച്ച പ്രവർത്തകരെ പ്രധാന വാതിലിൽ പോലീസ് തടഞ്ഞു. വാതിൽ തള്ളിത്തുറക്കാൻ പ്രതിഷേധക്കാർ ശ്രമിച്ചതോടെ പ്രവർത്തകരും പോലീസും തമ്മിൽ ഏറെനേരം ഉന്തും തള്ളും വാക്കേറ്റവും ഉണ്ടായി. ഇതാണ് അര മണിക്കൂറോളം സംഘർഷാവസ്ഥയ്ക്ക് കാരണമായത്.തുടർന്ന് ദേശീയപാത ഉപരോധിച്ച പ്രവർത്തകരെ പോലീസ് ബലം പ്രയോഗിച്ച് അറസ്റ്റ് ചെയ്ത് നീക്കി. കേരള സർവകലാശാലയിൽ സമരം സംഘടിപ്പിച്ചതി ന്‍റെ പേരിൽ സംസ്ഥാന സെക്രട്ടറി ഉൾപ്പെടെ 30 പേരെ റിമാൻഡ് ചെയ്തതിൽ പ്രതിഷേധിച്ച് സംസ്ഥാന വ്യാപകമായി നടത്തിയ പഠിപ്പ് മുടക്ക് ജില്ലയിൽ പൂർണമായിരുന്നു. ഹെഡ് പോസ്റ്റ്‌ ഓഫീസിലേക്ക് നടത്തിയ മാർച്ച്‌ ജില്ലാ സെക്രട്ടറി കാർത്തിക് ആനന്ദ് ഉദ്ഘാടനം ചെയ്തു. സംസ്ഥാന കമ്മിറ്റി അംഗം നജീബ് നവാബ് , ജില്ലാ ജോ. സെക്രട്ടറി എസ്. കാർത്തിക്, വൈസ് പ്രസിഡന്‍റ് ആരോമൽ, ഇബിനു ആരിഫ് തുടങ്ങിയവർ പ്രസംഗിച്ചു.

വിദ്യാഭ്യാസ അവാർഡ് വിതരണം ചെയ്തു

ചവറ : എസ്എസ്എൽസി, പ്ലസ് ടു പരീക്ഷയിൽ ഉന്നത വിജയം കൈവരിച്ച മത്സ്യത്തൊഴിലാളികളുടെ മക്കൾക്കുള്ള കൊല്ലം ജില്ലാ മത്സ്യഫെഡിന്‍റെ വിദ്യാഭ്യാസ അവാർഡ് "മികവ്- 2025" വിതരണത്തിന്‍റെ ജില്ലാതല ഉദ്ഘാടനം നടന്നു. നീണ്ടകര പരിമണം ശ്രീശക്തി സ്വതന്ത്ര നായർ കരയോഗം ഓഡിറ്റോറിയത്തിൽ നടന്ന പരിപാടിയുടെ ഉദ്ഘാടനവും വിദ്യാഭ്യാസ അവാർഡ് വിതരണവും മന്ത്രി കെ.എൻ.ബാലഗോപാൽ നിർവഹിച്ചു. വിദ്യാർഥികൾ അവരവർ പഠിക്കുന്ന കാര്യങ്ങൾ സമൂഹത്തിന്‍റെ നല്ലതിനായി ഉപയോഗിക്കണം. സാധ്യമായതെല്ലാം നമ്മുടെ സമൂഹത്തിനായി ചെയ്യാൻ യുവതലമുറ തയാറാകണമെന്നും മന്ത്രി പറഞ്ഞു. ഇൻഷ്വറൻസ് ആനുകൂല്യ വിതരണവും നടന്നു. സുജിത്ത് വിജയൻപിള്ള എംഎൽഎ ചടങ്ങിൽ അധ്യക്ഷനായി.മത്സ്യഫെഡ് ചെയർമാൻ ടി .മനോഹരൻ , ചവറ ബ്ലോക്ക് പഞ്ചായത്ത് പ്രസിഡന്‍റ് സന്തോഷ് തുപ്പാശേരി, നീണ്ടകര ഗ്രാമപഞ്ചായത്ത് പ്രസിഡന്‍റ് കെ .രാജീവൻ, ജില്ലാ പഞ്ചായത്തംഗം സി.പി .സുധീഷ് കുമാർ, ബ്ലോക്ക് പഞ്ചായത്ത് അംഗം ജോയി ആന്‍റണി, പഞ്ചായത്ത് അംഗങ്ങളായ എസ് .സേതുലക്ഷ്മി, ഷേർളി ഹെൻട്രി, മത്സ്യഫെഡ് ജില്ലാ മാനേജർ എസ് .അനിതകുമാരി, മത്സ്യഫെഡ് ഭരണസമിതി അംഗങ്ങൾ , വിവിധ യൂണിയൻ പ്രതിനിധികൾ , ഉദ്യോഗസ്ഥർ തുടങ്ങിയവർ ചടങ്ങിൽ പങ്കെടുത്തു.

പീഡന ശ്രമം; യുവാവ് റിമാൻഡിൽ

കൊല്ലം: ബധിരയും മൂകയുമായ സ്ത്രീയെ പീഡിപ്പിക്കാൻ ശ്രമിച്ച കേസില്‍ പ്രതി പിടിയില്‍. മയ്യനാട് കുണ്ടുകുളത്തിന് സമീപം വയലില്‍ പുത്തന്‍വീട്ടില്‍ റഫീഖ് (32 )ആണ് കൊട്ടിയം പോലീസിന്‍റെ പിടിയിലായത്. കഴിഞ്ഞ 30ന് വൈകുന്നേരം മറ്റാരും ഇല്ലാതിരുന്ന സമയം നോക്കി യുവതിയുടെ വീട്ടില്‍ അതിക്രമിച്ച് കയറിയ പ്രതി യുവതിയെ പീഡിപ്പിക്കാൻ ശ്രമിക്കുകയായിരുന്നു. യുവതി ഇയാളുടെ പിടിയില്‍ നിന്നും കുതറി മാറി രക്ഷപ്പെട്ട് ഓടിയതോടെ ഇയാള്‍ ശ്രമം ഉപേക്ഷിച്ച് സ്ഥലത്ത് നിന്നും പോയി. യുവതി പോലീസില്‍ പരാതി നല്‍കിയതായ് മനസിലാക്കിയ പ്രതി പിന്നീട് ഒളിവില്‍ പോവുകയായിരുന്നു. തുടര്‍ന്ന് ഇയാള്‍ക്കായുള്ള തെരച്ചില്‍ നടന്ന് വരവെ ചാത്തന്നൂര്‍ അസിസ്റ്റന്‍റ് പോലീസ് കമ്മീഷണര്‍ അലക്‌സാണ്ടര്‍ തങ്കച്ചന് ലഭിച്ച വിവരത്തെ തുടര്‍ന്ന് എറണാകുളം ജില്ലയില്‍ നിന്നും പോലീസ് സംഘം അറസ്റ്റ് ചെയ്യുകയായിരുന്നു. കൊട്ടിയം പോലീസ് ഇന്‍സ്‌പെക്ടര്‍ പ്രദീപിന്‍റെ നിര്‍ദേശപ്രകാരം പോലീസ് സബ് ഇന്‍സ്‌പെക്ടര്‍ ജോയ്,സിവില്‍ പോലീസ് ഓഫീസര്‍മാരായ ചന്ദു, അരുണ്‍കുമാര്‍ എന്നിവരടങ്ങിയ പോലീസ് സംഘമാണ് പ്രതിയെ അറസ്റ്റ് ചെയ്തത്. അറസ്റ്റ് ചെയ്ത പ്രതിയെ കോടതിയില്‍ ഹാജരാക്കി റിമാൻഡ് ചെയ്തു.

ഡോ.വന്ദനാദാസ് കൊലപാതക കേസ്: വിചാരണ നടപടികൾ നിർത്തിവച്ചു

കൊല്ലം: ഡോ. വന്ദനദാസ് കൊലപാതക കേസിന്‍റെവിചാരണ നടപടികള്‍ കൊല്ലം സെഷന്‍ കോടതി നിര്‍ത്തിവച്ചു. ഇന്നലെയും ഇന്നുമായി നിശ്ചയിച്ചിരുന്ന വിചാരണ നടപടികളാണ് നിര്‍ത്തി വച്ചത്. പ്രതിഭാഗത്തിനായി എത്തിയ അഭിഭാഷകന്‍ കേസില്‍ നിന്ന് പിന്മാറിയതിനെ തുടര്‍ന്നാണ് നടപടി. നേരത്തെ കേസില്‍ പ്രതി ഭാഗത്തിനായി ഹാജരായിരുന്ന അഭിഭാഷകരായ ബി.എ. ആളൂര്‍, പി.ജി.മനു എന്നിവര്‍ മരണപ്പെട്ടിരുന്നു. തുടര്‍ന്ന് വിചാരണ തടസപ്പെടുകയുണ്ടായി. ഇതിന്‍റെ മറവില്‍ വിചാരണ നീട്ടി വയ്ക്കാന്‍ പ്രതി ശ്രമം നടത്തുന്നതായി ആരോഗ്യ വകുപ്പിലെ ഡോ. കെ. പ്രതിഭ പ്രോസിക്യൂഷന്‍ ഡയറക്ടര്‍ ജനറലിനും സംസ്ഥാന പോലീസ് മേധാവിക്കും പരാതി നല്‍കിയിരുന്നു. തുടര്‍ന്ന് ജോണ്‍ എസ്. റാല്‍ഫ് പ്രതിഭാഗത്തിനായി ഹാജരാകുകയും വിചാരണ തുടരുകയും ചെയ്തിരുന്നു. എന്നാല്‍ ഇന്നും നാളെയുമായി വച്ചിരുന്ന വിചാരണയിൽ ജോണ്‍ എസ്. റാല്‍ഫ് പിന്‍മാറിയതോടെ കോടതി സ്റ്റോപ്പ് മെമ്മോ പുറപ്പെടുവിച്ച് നിര്‍ത്തിവച്ചു. 18ന് കേസ് വീണ്ടും പരിഗണിക്കും. കേസിലെ പ്രതിക്ക് സംഭവസമയത്ത് യാതൊരുവിധ മാനസിക രോഗത്തിന്‍റെ ലക്ഷണങ്ങളും ഉണ്ടായിരുന്നില്ലെന്ന് ദൃക്‌സാക്ഷികള്‍ കഴിഞ്ഞ വിചാരണ വേളയില്‍ കോടതിയില്‍ മൊഴി നല്‍കിയിരുന്നു. പ്രതി ശാരീരികമായി തനിക്ക് കീഴടക്കാന്‍ സാധിക്കുമെന്ന് ഉറപ്പുള്ള ഇരകളെ തെരഞ്ഞുപിടിച്ച് ആക്രമിക്കുകയായിരുന്നെന്ന് കേസിലെ ഒന്നാംപ്രതി ഡോ. മുഹമ്മദ് ഷിബിന്‍ വിസ്താര വേളയില്‍ വ്യക്തമാക്കിയിരുന്നു. പ്രോസിക്യൂഷന് വേണ്ടി സ്‌പെഷല്‍ പബ്ലിക് പ്രോസിക്യൂട്ടര്‍ പ്രതാപ് ജി. പടിക്കലിനോടൊപ്പം അഭിഭാഷകരായ ശ്രീദേവി പ്രതാപ്, ശില്പ ശിവന്‍, ഹരീഷ് കാട്ടൂര്‍ എന്നിവരാണ് ഹാജരാകുന്നത്.

വർണക്കൂടാരം തുറന്നു

ചവറ : പ്രീ പ്രൈമറി കുട്ടികൾക്കായി കൊറ്റംകുളങ്ങര ഗവ.വൊക്കേഷണൽ ഹയർസെക്കൻഡറി സ്കൂളിൽ വർണക്കൂടാരം തുറന്നു. ചവറ സമഗ്ര ശിക്ഷാ കേരളം ബിആർസി സ്റ്റാർസ് പദ്ധതി വഴി അനുവദിച്ച 10 ലക്ഷം രൂപ വിനിയോഗിച്ച് ആരംഭിച്ച പദ്ധതിയുടെ ഉദ്ഘാടനം സുജിത്ത് വിജയൻ പിള്ള എംഎൽഎ നിർവഹിച്ചു. പിടിഎ പ്രസിഡന്‍റ് ജി. ഉണ്ണികൃഷ്ണൻ അധ്യക്ഷനായി. ജില്ലാ പഞ്ചായത്തംഗം സി.പി.സുധീഷ് കുമാർ മുഖ്യപ്രഭാഷണം നടത്തി. എസ്എസ്കെ ജില്ലാ പ്രോജക്‌ട് കോർഡിനേറ്റർ ജി.കെ .ഹരികുമാർ മുഖ്യാതിഥിയായി. വിദ്യാകരണം മിഷൻ ജില്ലാ കോർഡിനേറ്റർ കിഷോർ കൊച്ചയ്യം പദ്ധതി വിശദീകരണം നടത്തി. കുട്ടികളുടെ ശേഷികളെ പരിപോഷിപ്പിക്കുന്ന വിവിധ ഇടങ്ങളുടെ ഉദ്ഘാടനം പഞ്ചായത്ത് പ്രസിഡന്‍റ് സുരേഷ് കുമാർ ,വൈസ് പ്രസിഡന്‍റ് ഐ. ജയലക്ഷ്മി ,ജില്ലാ പ്രോഗ്രാം ഓഫീസർ സബീന എന്നിവർ നിർവഹിച്ചു. ബ്ലോക്ക് പഞ്ചായത്ത് അംഗം രതീഷ് ,എസ് എം സി ചെയർമാൻ പ്രസന്നകുമാർ,പ്രിൻസിപ്പൽ എസ് .മായാദേവി, വിഎച്ച്എസ്ഇ പ്രിൻസിപ്പൽ റെജിമോൾ, ഹൈസ്കൂൾ പ്രഥമാധ്യാപിക സുലത, ബിആർസി ട്രെയിനർ മേരി ഉഷ, ശൈലേഷ് കുമാർ , കൃഷ്ണകുമാർ ,ഉണ്ണികൃഷ്ണപിള്ള ദിവ്യ കൃഷ്ണൻ , മേരി മാത്യു , കെ.എൽ.സജീവ് കുമാർ, അശ്വതി തുടങ്ങിയവർ പ്രസംഗിച്ചു.

മന്ത്രി വാക്കുപാലിച്ചില്ല : സ്‌കൂള്‍ പാചക തൊഴിലാളികളുടെ വേതനം വൈകുന്നു

കൊല്ലം: തൊഴിലാളി പ്രതിനിധികളുമായി വിദ്യാഭ്യാസ മന്ത്രി വി.ശിവന്‍കുട്ടി ഏപ്രില്‍ 29ന് നടത്തിയ ചര്‍ച്ചയില്‍ നല്‍കിയ ഉറപ്പ് പാലിച്ചില്ലെന്ന് സ്‌കൂള്‍ പാചക തൊഴിലാളി കോണ്‍ഗ്രസ്-ഐഎന്‍ടിയുസി,സംസ്ഥാന ജനറല്‍ സെക്രട്ടറി എ.ഹബീബ്‌സേട്ട്. എല്ലാ മാസവും അഞ്ചിന് മുന്‍പ് സ്‌കൂള്‍ പാചക തൊഴിലാളികളുടെ ശമ്പളം നല്‍കാമെന്ന് ഉറപ്പ് നല്‍കിയിരുന്നുവെങ്കിലും10 കഴിഞ്ഞിട്ടും ഇതിനെക്കുറിച്ച് യാതൊരു അറിവും കിട്ടുന്നില്ല. വിദ്യാഭ്യാസ അധികൃതരുമായി ബന്ധപ്പെടുമ്പോള്‍ ഫണ്ട് വന്നിട്ടില്ലെന്നാണ് പറയുന്നത്. തൊഴിലാളികളുടെ ജോലിഭാരം കുറയ്ക്കുന്നത് സംബന്ധിച്ചും വേതനവര്‍ധനവ്, വിരമിക്കല്‍ ആനുകൂല്യം, മിനിമം വേതനം തുടങ്ങിയ ആവശ്യങ്ങളെക്കുറിച്ച് ചര്‍ച്ച ചെയ്യുന്നതിനായി ജൂണിൽ തൊഴിലാളി പ്രതിനിധികളുടെ യോഗം വിളിക്കുമെന്ന മന്ത്രിയുടെ ഉറപ്പും പാലിച്ചില്ല. രണ്ട് തൊഴിലാളികള്‍ ജോലിചെയ്തിരുന്ന സ്‌കൂളുകളില്‍ കുട്ടികളുടെ കുറവ്മൂലം ഒരു തൊഴിലാളിയ്ക്ക് തൊഴില്‍ നഷ്ടപ്പെടുന്ന സ്ഥിതിയാണ് നിലവിലുള്ളത്. തൊഴിലാളികളുടെ ന്യായമായ ആവശ്യങ്ങളില്‍ അടിയന്തര നടപടി ഉണ്ടായില്ലെങ്കില്‍ സമരപരിപാടികളുമായി മുന്നോട്ടുപോകുമെന്നും ഹബീബ്‌ സേട്ട് പറഞ്ഞു.

വികസന പ്രവര്‍ത്തനങ്ങളുടെ പൂർത്തീകരണം വൈകിപ്പിക്കരുത്: മന്ത്രി കെ.എൻ.ബാലഗോപാല്‍

കൊല്ലം: വികസനപദ്ധതികളുടെ പൂര്‍ത്തീകരണത്തില്‍ കാലതാമസം നേരിടുന്ന സാഹചര്യം ഉണ്ടാകാന്‍ പാടില്ലെന്ന് മന്ത്രി കെ.എന്‍. ബാലഗോപാല്‍. കളക്‌ട്രേറ്റ് കോണ്‍ഫറന്‍സ് ഹാളില്‍ വിവിധ വകുപ്പുകളുടെ ചുമതലയിലുള്ള പദ്ധതികളുടെ പുരോഗതി വിലയിരുത്തുമ്പോഴാണ് ജില്ലയുടെ ചുമതലയുള്ള മന്ത്രി ഇക്കാര്യം പറഞ്ഞത്. നിര്‍മാണപ്രവര്‍ത്തനവുമായി ബന്ധപ്പെട്ട എല്ലാ വകുപ്പുകളും നിര്‍ബന്ധമായും ഏകോപനം ഉറപ്പാക്കണം. പദ്ധതിനിര്‍വഹണത്തിനായി വിവിധ വകുപ്പുകള്‍ ഒരേസമയം പ്രവര്‍ത്തിച്ചാല്‍ സമയനഷ്ടം ഒഴിവാക്കാനാവും. ഭരണാനുമതിയും സാങ്കേതികാനുമതിയും കിട്ടിയാലുടന്‍ പ്രവര്‍ത്തികള്‍ തുടങ്ങുന്നരീതി ഉറപ്പാക്കണം. വൈകിപ്പിക്കുന്നരീതി പിന്തുടരാന്‍ അനുവദിക്കില്ല. ഇക്കാര്യത്തിൽ ഉദ്യോഗസ്ഥതല അലംഭാവം ഉണ്ടാകരുത്. മുഖ്യമന്ത്രിയുടെ പാതവികസന ഫണ്ട് വിനിയോഗിച്ചുള്ള പദ്ധതികളുടെ പൂര്‍ത്തീകരണം ഉടനുണ്ടാകണം. കിഫ്ബി ഫണ്ടുവഴിയുള്ളവയ്ക്കും സമാനരീതി പിന്തുടരണമെന്നും ബാലഗോപാല്‍ പറഞ്ഞു. വിവിധപ്രദേശങ്ങളിലെ തോടുകളുടെനവീകരണം 12.40 കോടിരൂപ നല്‍കിയാണ് നിര്‍വഹിക്കുന്നത്. ശാസ്താംകോട്ടകായലിന് സംരക്ഷണവേലികള്‍ നിര്‍മിക്കുകയാണ്. കടലോരസംരക്ഷണത്തിനും പദ്ധതികളുണ്ട്. വിനോദസഞ്ചാരമേഖലയില്‍ 59 കോടിരൂപയുടെ വികസനം നടത്തുന്നുണ്ട്. അഷ്ടമുടി, മീന്‍പിടിപാറ, തെന്മല പദ്ധതിനിര്‍വഹണ ഭാഗമായി മാസ്റ്റര്‍പ്‌ളാന്‍ തയാറാക്കി വരുന്നു. വിവിധ പാര്‍ക്കുകളുടെ നിര്‍മാണവും ഇതിൽ ഉള്‍പ്പെടും. സര്‍ക്കാര്‍ അതിഥിമന്ദിര നവീകരണവും തുടരുന്നു. തിരുമുല്ലവാരം, കൊല്ലം ബീച്ചുകളുടെ സാധ്യതകളും പ്രയോജനപെടുത്തും. പൊതുമരാമത്ത് (ദേശീയപാത) വിഭാഗത്തിന്‍റെ ചുമതലയില്‍ കൊല്ലം - തേനി പാതയുടെ പ്രാരംഭനടപടികളായി. 24 മീറ്ററില്‍ നാലുവരി പാത, നടപ്പാത സഹിതം ഉണ്ടാകും. അലൈന്‍മെന്‍റ് അംഗീകരിച്ചു കഴിഞ്ഞു. കടവൂര്‍ ബൈപാസില്‍ നിന്നാകും ഇതിന്‍റെതുടക്കം. കൊട്ടാരക്കര റസ്റ്റ് ഹൗസും യാഥാര്‍ഥ്യമാക്കും. കുന്നത്തൂര്‍ സിവില്‍സ്റ്റേഷനിലെ രണ്ടുനിലകള്‍ ഉടന്‍ പൂര്‍ത്തിയാക്കണം. ചടയമംഗലം മണ്ഡലത്തിലെ കടയ്ക്കല്‍ കോടതി, കെപ്‌കോ ഫാമും സമയബന്ധിതമായി പൂര്‍ത്തിയാക്കുമെന്നും മന്ത്രി ബാലഗോപാൽ പറഞ്ഞു. ഗ്രാമീണമേഖലയില്‍ 80 ശതമാനത്തോളം കുടിവെള്ളപദ്ധതികള്‍ നടപ്പിലാക്കി. ജല്‍ജീവന്‍ മിഷന്‍റെ പ്രവൃത്തികള്‍ വേഗത്തിലാണ്. 1200 കോടിരൂപയുടെ പദ്ധതികളാണ് നടപ്പിലാക്കുന്നത്. ജില്ലാ ആശുപത്രിവികസനനിര്‍മാണപ്രവൃത്തി കെ എസ് ഇ ബി പ്രത്യേക പരിഗണനയോടെ പൂര്‍ത്തിയാക്കണം. അഷ്‌ടമുടി കായല്‍ ശുചീകരണവും നടത്തുന്നു. സംരക്ഷണത്തിന് സംയോജിതപ്രവര്‍ത്തനവും ഏകോപനവും അനിവാര്യമാണ്. കായലിലേക്ക് മാലിന്യനിക്ഷേപം നടത്തുന്നതിൽ നിന്ന് എല്ലാവരും പിന്മാറണമെന്നും മന്ത്രി ബാലഗോപാൽ പറഞ്ഞു. മന്ത്രിയുടെ നിര്‍ദേശങ്ങള്‍ക്കനുസൃതമായി പ്രവര്‍ത്തനങ്ങള്‍ പരമാവധി വേഗത്തിലാക്കാന്‍ ഉദ്യോഗസ്ഥര്‍ ശ്രദ്ധിക്കണമെന്ന് ജില്ലാ കളക്‌ടര്‍ എന്‍. ദേവിദാസ് യോഗത്തിൽ തുടർന്ന് നിര്‍ദേശം നല്‍കി. എഡിഎം ജി.നിര്‍മല്‍ കുമാര്‍, ജില്ലാതല ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

യുവാവ് കല്ലടയാറ്റിൽ മുങ്ങി മരിച്ചു

കുളത്തൂപ്പുഴ: സംയുക്ത ട്രേഡ് യൂണിയൻ നടത്തിയ പൊതുപണിമുടക്ക് ദിനത്തിൽ ആഘോഷിക്കാൻ കുടുംബസമേതം എത്തിയ സംഘത്തിലെ യുവാവ് കുളത്തുപ്പുഴ കല്ലടയാറ്റിൽ മുങ്ങിമരിച്ചു. പാലോട് ഭരതന്നൂർ നെല്ലിക്കുന്നം വീട്ടിൽ ഫൈസൽ (31) ആണ് കുളത്തുപ്പുഴ ആറ്റിൽ ചോഴിയക്കോട് മിൽപാലം കടവിൽ മുങ്ങിമരിച്ചത്. ഉച്ചയോടെയാണ് സ്ത്രീകളും കുട്ടികളും അടങ്ങിയ സംഘം വനപ്രദേശത്തെ പുഴുക്കടവിൽ കുളിക്കാൻ എത്തിയത്. കരയിലൂടെ നടക്കുന്നതിന് ഇടയിൽ ഫൈസൽ കാൽവഴുതി പുഴയിലേക്ക് വീഴുകയായിരുന്നു. ചുഴിയിൽ അകപ്പെട്ട ഫൈസലിനെ രക്ഷിക്കാനായി സംഘത്തിൽ ഉണ്ടായിരുന്ന ബന്ധുവായ ഷഹീൻ ശ്രമിച്ചുവെങ്കിലും ഇരുവരും പുഴയിൽ അകപ്പെട്ടു. ഭാര്യയുടെയും ഒപ്പമുണ്ടായിരുന്ന സ്ത്രീകളുടെയും കുട്ടികളുടെയും നിലവിളി കേട്ട് സമീപത്തെ കടവിൽ ഉണ്ടായിരുന്നവർ ഓടിയെത്തി ഷഹീനെ രക്ഷപ്പെടുത്തി. ഏറെനേരം പുഴയിൽ നടത്തിയ തെരച്ചിലിൽ വെള്ളത്തിനടിയിൽ മരക്കുറ്റിയിൽ കുടുങ്ങിയ നിലയിൽ ഫൈസലിനെ കണ്ടെത്തി ഉടനെ കടയ്ക്കൽ താലൂക്ക് താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: ഷംന. മകൾ: മൻഹ.

യുവതിയും കുഞ്ഞും ഷാർജയിൽ തൂങ്ങിമരിച്ച നിലയിൽ

കുണ്ടറ: കേരളപുരം സ്വദേശിയായ യുവതിയെയും ഒന്നര വയസുള്ള മകളെയും ഷാർജയിൽ തൂങ്ങി മരിച്ച നിലയിൽ കണ്ടെത്തി. കേരളപുരം സ്വദേശി നിതീഷ് വലിയവീട്ടിലിന്‍റെ ഭാര്യ കേരളപുരം പൂട്ടാണിമുക്ക് രജിത ഭവനിൽ വിപഞ്ചിക മണിയനും (33) മകൾ വൈഭവിയുമാണ് മരിച്ചത്. മകളുടെ കഴുത്തിൽ കയറിട്ട് തൂക്കിയ ശേഷം മറ്റേയറ്റത്ത് വിപഞ്ചികയും തൂങ്ങി മരിക്കുകയായിരുന്നു എന്നാണ് പ്രാഥമിക വിവരം. യുവതിയുടെ കഴുത്തിൽ ആത്മഹത്യയുടെ വ്യക്തമായ അടയാളങ്ങൾ കണ്ടതായി പരിശോധിച്ച ഡോക്ടർ അറിയിച്ചതായി യുവതിയുടെ ബന്ധുക്കൾ പറഞ്ഞു. ചൊവ്വാഴ്ച ഉച്ചയ്ക്ക് ഷാർജ അൽ നഹ്ദയിലെ ഫ്ലാറ്റിലായിരുന്നു സംഭവം. ദുബായിലെ സ്വകാര്യ കമ്പനിയിൽ എച്ച്ആർ വിഭാഗത്തിൽ ജോലി ചെയ്യുന്ന വിപഞ്ചികയും ദുബായിലെ സ്വകാര്യ കമ്പനിയിൽ ഫെസിലിറ്റീസ് എൻജിനീയറായ നിതീഷും കഴിഞ്ഞ കുറച്ച് കാലമായി വെവേറെ സ്ഥലത്തായിരുന്നു താമസിച്ചിരുന്നത്. ഭർത്താവ് സ്ത്രീധനത്തിന്‍റെ പേരിൽ നിരന്തരം മാനസികമായി പീഡിപ്പിച്ചിരുന്നതായും വിവാഹമോചനത്തിന് സമ്മർദം ചെലുത്തിയിരുന്നതായും ഇവരുടെ ബന്ധുക്കൾ പറഞ്ഞു. എന്നാൽ വിപഞ്ചികയ്ക്ക് വിവാഹമോചനത്തിന് ഒട്ടും താൽപര്യമുണ്ടായിരുന്നില്ല. വിവാഹമോചനമുണ്ടായാൽ താൻ പിന്നെ ജീവിച്ചിരിക്കില്ലെന്ന് യുവതി വീട്ടു ജോലിക്കാരിയോടും മാതാവിനോടും പറയുമായിരുന്നു. കഴിഞ്ഞ ദിവസം വിവാഹമോചനവുമായി ബന്ധപ്പെട്ട് വിപഞ്ചികയ്ക്ക് വക്കീൽ നോട്ടീസ് ലഭിച്ചിരുന്നതായി പറയുന്നു. ഇതേ തുടർന്ന് യുവതി മകളെ കൊലപ്പെടുത്തി തൂങ്ങി മരിക്കുകയായിരുന്നു എന്നാണ് കരുതുന്നത്. മരണം സംബന്ധിച്ച് കൂടുതൽ അന്വേഷണം നടത്താൻ അധികൃതരോട് ആവശ്യപ്പെടുമെന്ന് ബന്ധുക്കൾ പറഞ്ഞു. മൃതദേഹങ്ങൾ ആശുപത്രിയിലേയ്ക്കും പിന്നീട് പോസ്റ്റ്‌മോർട്ടത്തിനായി ഫൊറൻസിക് ലാബിലേയ്ക്കും മാറ്റി. അൽ ബുഹൈറ പോലീസ് സംഭവത്തെക്കുറിച്ച് അന്വേഷണം ആരംഭിച്ചു. ഷാർജ അൽ ഖാസിമി ആശുപത്രി മോർച്ചറിയിലുള്ള മൃതദേഹങ്ങൾ നാട്ടിലേക്ക് കൊണ്ടുവരണമെന്നാണ് ബന്ധുക്കളുടെ തീരുമാനം. എന്നാൽ മകളുടെ മൃതദേഹം അവിടെത്തന്നെ സംസ്കരിക്കണമെന്നാണ് നിതീഷ് ആവശ്യപ്പെടുന്നത്. ഇക്കാര്യം തീരുമാനമായെങ്കിലേ നാട്ടിലെത്തിക്കാൻ സാധിക്കുകയുള്ളൂ, ഷൈലജയാണ് വിപഞ്ചികയുടെ മാതാവ്. പിതാവ് പരേതനായ മണിയൻ.

വിദ്യാരംഗം കലാസാഹിത്യവേദി ചവറ ഉപജില്ലാതല പ്രവർത്തനോദ്ഘാടനം

ചവറ: വിദ്യാരംഗം കലാസാഹിത്യ വേദി ചവറ ഉപജില്ലയുടെ പ്രവർത്തന ഉദ്ഘാടനം പന്മന എൽപിഎസിൽ പന്മന പഞ്ചായത്ത് പ്രസിഡന്‍റ് ശ്രീകല ഉദ്ഘാടനം ചെയ്തു. ഉപജില്ലാ വിദ്യാഭ്യാസ ഓഫീസർ ടി.കെ.അനിത അധ്യക്ഷത വഹിച്ചു. പ്രഫ. സി. ഉണ്ണികൃഷ്ണൻ, സിമി. വൈ. ബുഷ്റ, പന്മന ബാലകൃഷ്ണൻ, സീനത്ത്, കൊച്ചൊറ്റയിൽ റഷീന, ഹൻസിയ ജില്ലാ പ്രതിനിധി ബിജു എം. ഡാനിയൽ, അഗ്രിയൻ, വിനോദ്, റസീന, വഹീദ, ഹഫ്സത്ത്, അശ്വതി വിജയൻ എന്നിവർ പ്രസംഗിച്ചു. തുടർന്ന് ഉപ ജില്ലയിലെ കുട്ടികൾക്കായി സാഹിത്യ - ക്വിസ് മത്സരം നടത്തി. വിജയികൾക്ക് സമ്മാനങ്ങളും വിതരണം ചെയ്തു.

അനില രവീന്ദ്രന് ശേഷം അജിംഷ

കൊല്ലം: നഗരത്തിൽ ഈ വർഷം ഇത് രണ്ടാം തവണയാണ് ശരീരത്തിൽ ഒളിപ്പിച്ച നിലയിൽ എംഡിഎംഎ പാക്കറ്റുകൾ പോലീസ് പിടിച്ചെടുക്കുന്നത്. വിദേശത്തുനിന്നും സ്വർണം കടത്തുന്ന അതേ മാതൃകയാണ് ഇപ്പോൾ ലഹരിക്കടത്തിന് ഉപയോഗിച്ചുകൊണ്ടിരിക്കുന്നതെന്ന് പോലീസ് പറയുന്നു. മറ്റേത് രീതിയിൽ കടത്തിയാലും പിടിക്കപ്പെടും എന്ന അവസ്ഥ വന്നപ്പോഴാണ് അത്യന്തം അപകടകരമായ രീതിയിലുള്ള ഈ മാർഗം ഉപയോഗിച്ചുവരുന്നത്. ലഹരി വില്പനയിലൂടെ ലഭിക്കുന്ന അമിത ലാഭവും മറ്റൊരു കാരണമാണ്. നാലുമാസം മുമ്പ് കൊല്ലം സിറ്റിയിലെ ശക്തികുളങ്ങര പോലീസ് സ്റ്റേഷൻ പരിധിയിൽ പനയം സ്വദേശിയായ അനില രവീന്ദ്ര െന്‍റ കൈവശത്തു നിന്നും 96 ഗ്രാം എംഡിഎംഎ പിടികൂടിയതിൽ 50 ഗ്രാം ജനനേന്ദ്രിയത്തിൽ ഒളിപ്പിച്ച നിലയിലായിരുന്നു. ബംഗളൂരുവിൽ നിന്നും വന്ന അനിലയുടെ കാറിൽ നിന്നും 46 ഗ്രാം രാസലഹരി ആദ്യം കണ്ടെത്തിയിരുന്നു. ചോദ്യം ചെയ്യലിൽ 46 ഗ്രാം അല്ലാതെ വേറെ ലഹരി കൈവശം ഇല്ല എന്ന നിലപാടിലായിരുന്നു യുവതി. എന്നാൽ 46 ഗ്രാം എംഡിഎംഎ മാത്രമായി ബംഗളുരുവിൽ നിന്നും കൊല്ലം വരെ വരില്ല എന്നുള്ള പോലീസി െന്‍റ സംശയമാണ് മെഡിക്കൽ പരിശോധനയ്ക്കായി ഇവരെ വിധേയമാക്കുന്നത്. തുടർന്ന് കൂടുതൽ എംഡിഎംഎ കണ്ടെടുക്കുകയായിരുന്നു. ഇന്നലെ കൊല്ലം നഗരത്തിൽ അറസ്റ്റിലായ അജിം ഷായും എംഡിഎംഎ ത െ ന്‍റ രഹസ്യ ഭാഗത്ത് ഒളിപ്പിച്ച് വച്ച നിലയിലായിരുന്നു. അനില രവീന്ദ്രൻ 50 ഗ്രാം ആണ് ഒളിപ്പിച്ചുവച്ചതെങ്കിൽ അജിംഷാ രണ്ട് പായ്ക്കറ്റുകളിലായി 107 ഗ്രാം എംഡിഎംഎം ആണ് ഗർഭനിരോധന ഉറയ്ക്കുള്ളിലാക്കി കടത്തിക്കൊണ്ടുവന്നത്. ഈ വർഷം കൊല്ലം സബ് ഡിവിഷ െ ന്‍റ കീഴിൽ മാത്രം പിടിക്കപ്പെടുന്ന എട്ടാമത്തെ കേസാണിത്. പൊതുജനങ്ങളുടെ സഹകരണം ഇക്കാര്യത്തിൽ അനിവാര്യമാണെന്നും ഏതെങ്കിലും തരത്തിൽ ഉള്ള വിവരങ്ങൾ കേരള പോലീസിന്‍റെ യോദ്ധാവ് 99959 66666 എന്ന നമ്പറിൽ അറിയിക്കാം.

നഗരത്തിൽ ലഹരിവേട്ട; യുവാവ് അറസ്റ്റിൽ

കൊല്ലം: നഗരത്തിൽ രാസലഹരിയായ എംഡിഎമ്മയുമായി യുവാവ് അറസ്റ്റിൽ. വിപണിയിൽ അഞ്ചര ലക്ഷം രൂപ വില വരുന്ന 107 ഗ്രാം എം ഡി എം എ യുമായി കൊല്ലം ജില്ലയിൽ തട്ടാമല വടക്കേ അറ്റത്ത് വടക്കതിൽ അജിംഷ(32) ആണ് അറസ്റ്റിലായത്. കൊല്ലം എസിപി യുടെ നേതൃത്വത്തിൽ സബ് ഡിവിഷൻ ഡാൻസാഫ് ടീമും ഈസ്റ്റ് പോലിസും സംയുക്തമായി നടത്തിയ നീക്കലാണ് ഇയാൾ അറസ്റ്റിലാവുന്നത്. കൊല്ലം ജില്ലയിലെ ഈ വർഷത്തെ ഏറ്റവും വലിയ രാസലഹരി വേട്ടയാണ് ഇന്നലെ കൊല്ലം നഗരത്തിൽ നടന്നത്. യുവാവി െ ന്‍റ മലദ്വാരത്തിൽ ഒളിപ്പിച്ച നിലയിലായിരുന്നു എംഡി എം എ സൂക്ഷിച്ചിരുന്നത്. കേരള പോലീസി െന്‍റ യോദ്ധാവ് ആപ്ലിക്കേഷലൂടെ കൊല്ലം സിറ്റി പോലീസ് കമ്മീഷണർ കിരൺ നാരായണന് ലഭിച്ച വിവരമാണ് പ്രതിയിലേക്ക് പോലീസിനെ എത്തിക്കാൻ സഹായകരമായത്. കൊല്ലം റെയിൽവേ സ്റ്റേഷൻ സമീപം കാണപ്പെട്ട പ്രതിയെ ഡാൻസാഫ് നൽകിയ വിവരം അനുസരിച്ച് കൊല്ലം ഈസ്റ്റ് പോലീസ് കസ്റ്റഡിയിൽ എടുക്കുകയായിരുന്നു. പോലീസി െന്‍റ ചോദ്യം ചെയ്തതിൽ യാതൊരു ഭാവഭേദവും കൂടാതെ ലഹരി ഒന്നും തന്‍റെ കൈവശമില്ലായെന്നുള്ള നിലപാടിലായിരുന്നു പ്രതി. പോലീസ് ഇയാളെ കൊല്ലം ജില്ലാ ആശുപത്രിയിൽ മെഡിക്കൽ പരിശോധനയ്ക്ക് എത്തിക്കുമ്പോൾ പരിശോധന നടത്തിയ ഡോക്‌ടറോടും ഇയാൾ യാതൊന്നും തന്‍റെ കൈവശമില്ലായെന്ന നിലപാടിലായിരുന്നു. പ്രാഥമിക പരിശോധനയിൽ യാതൊരു അസ്വാഭാവികതയും തോന്നിയിരുന്നില്ല. തുടർന്ന് പോലീസി െന്‍റനിർദേശാനുസരണം നടത്തിയ എക്സറേ പരിശോധനയിലാണ് ഇയാളുടെ മലദ്വാരത്തിൽ രണ്ട് പാക്കറ്റുകൾ ഉണ്ടെന്ന് സ്ഥിരീകരിക്കുന്നത്. കൊല്ലം ജില്ലാ ആശുപത്രിയിലെ ഡോക്‌ടർമാരുടെ സഹായത്തോടുകൂടി മലദ്വാരത്തിൽ നിന്നും എംഡിഎംഎ പാക്കറ്റുകൾ തുടർന്ന് കണ്ടെടുത്തു. രണ്ട് ഗർഭനിരോധന ഉറകളിലായി പ്രത്യേകം പ്രത്യേകം പാക്കറ്റുകളിലായാണ് എംഡി എം എ പാക്ക് ചെയ്തിരുന്നത്. ഒന്നാമത്തെ പാക്കറ്റുകളിൽ 62 ഗ്രാം എംഡിഎംഎയും രണ്ടാമത്തെ പാക്കറ്റിനുള്ളിൽ 55 ഗ്രാം എംഡിഎംഎയും സെല്ലോ ഫൈൻ ടേപ്പ് കൊണ്ട് പൊതിഞ്ഞ് നിലയിൽ കണ്ടെത്തുകയായിരുന്നു. സെല്ലോ ഫൈൻ ടേപ്പിനുള്ളിൽ ഭദ്രമാക്കിയ എംഡിഎംഎ ഗർഭനിരോധന ഉറയ്ക്കുള്ളിൽ ആക്കി മലദ്വാരത്തിനകത്ത് ഒളിപ്പിച്ച നിലയിലായിരുന്നു. ഉള്ളിൽ ആയതുകൊണ്ട് തന്നെ ഇത് പുറത്തേക്ക് എടുക്കുക ശ്രമകരമായിരുന്നു. തുടർന്ന് കൊല്ലം ജില്ലാ ആശുപത്രിയിൽ തന്നെ മഹസർ തയാറാക്കി ആകെയുള്ള 107 ഗ്രാം എംഡിഎം എ ബന്ദവസിൽ എടുത്തു. ഇയാളിൽ നിന്നും ട്രെയിൻ ടിക്കറ്റും മൂന്ന് എടിഎം കാർഡുകളും മൊബൈൽ ഫോണുകളും പോലീസ് പിടിച്ചെടുത്തു. ചോദ്യം ചെയ്യലിൽ കൊല്ലം നഗരത്തിൽ വില്പനയ്ക്കായി കൊണ്ട് വന്നതാണെന്നും ബാംഗ്ലൂരിൽ നിന്നും വാങ്ങിയതാണെന്നും പ്രതി സമ്മതിച്ചു. കൊല്ലം ഈസ്റ്റ് സിഐ അനിൽകുമാർ, ഡൻസാഫ് എസ്ഐ കണ്ണൻ, കൊല്ലം ഈസ്റ്റ് എസ് ഐ സവിരാജൻ, കൊല്ലം സബ് ഡിവിഷൻ ഡാൻസ് അംഗങ്ങളായ സുനിൽ, ഹരി, അനു, സാജു , സീനു എന്നിവരും ഉണ്ടായിരുന്നു. പ്രതിയെ വിശദമായി ചോദ്യം ചെയ്യേണ്ടതുണ്ടെന്നും ഇതുമായി ബന്ധപ്പെട്ട എംഡിഎംഎ നഗരത്തിൽ വിതരണം ചെയ്യുന്ന മറ്റ് കണ്ണികളെ കുറിച്ച് അന്വേഷിച്ചും വാങ്ങിയതിൻ്റെ ഉറവിടം കണ്ടത്തേണ്ടതുണ്ടെന്നും കൊല്ലം എസിപി എസ്. ഷറീഫ് പറഞ്ഞു. അറസ്റ്റിലായ പ്രതിയെ നാളെ കോടതിയിൽ ഹാജരാക്കും. തുടർന്ന് പോലീസ് കസ്റ്റഡിയിൽ വാങ്ങി വിശദമായ അന്വേഷണം നടത്തും.

പണിമുടക്കിൽ ജനം വലഞ്ഞു; പലയിടത്തും അക്രമം

കൊല്ലം: കേന്ദ്ര നയങ്ങൾക്ക് എതിരേ സംയുക്ത തൊഴിലാളി യൂണിയനുകൾ നടത്തിയ പണിമുടക്ക് ജില്ലയിൽ ഏറെക്കുറെ പൂർണം. പണിമുടക്ക് പലയിടത്തും ജനജീവിതത്തെ സാരമായി ബാധിച്ചു. അങ്ങിങ്ങ് അക്രമവും ഉണ്ടായി. കടകമ്പോളങ്ങൾ അടഞ്ഞു കിടന്നു. മെഡിക്കൽ സ്റ്റോറുകളും ആശുപത്രികൾക്ക് സമീപമുള്ള ഹോട്ടലുകളും മാത്രമാണ് പ്രവർത്തിച്ചത്. സ്വകാര്യ ബസുകളും ഓട്ടോറിക്ഷകളും നിരത്തിൽ ഇറങ്ങിയില്ല. സ്വകാര്യ വാഹനങ്ങളും പൊതുവേ കുറവായിരുന്നു. ബാങ്കുകളും അടഞ്ഞുകിടന്നു. ജില്ലാ കളക്്‌ടറേറ്റിൽ അടക്കം സർക്കാർ ഓഫീസുകളിൽ ഹാജർനില വളരെ കുറവായിരുന്നു.അതേ സമയം ട്രെയിൻ സർവീസുകളെ പണിമുടക്ക് ബാധിച്ചില്ല. പക്ഷേ ട്രെയിനുകളിൽ യാത്രക്കാർ കുറവായിരുന്നു. ദീർഘദൂര ട്രെയിനുകളിൽ കൊല്ലത്ത് ഇറങ്ങിയവർ മറ്റ് വാഹനങ്ങൾ ലഭിക്കാതെ ബുദ്ധിമുട്ടി. കൊല്ലം ചിന്നക്കട ഹെഡ് പോസ്റ്റ് ഓഫീസിൽ ജോലിക്കെത്തിയ ജീവനക്കാരനെ സമരാനുകൂലികൾ തടഞ്ഞു. ഇത് പോലീസും സമരക്കാരും തമ്മിലുള്ള ഉന്തിലും തള്ളിലും കലാശിച്ചു.കരുനാഗപ്പളളിയിൽ നിന്ന് കൊല്ലത്തേയ്ക്ക് വന്ന കെഎസ്ആർടിസി ഫാസ്റ്റ് പാസഞ്ചർ ബസ് സമരാനുകൂലികൾ തടഞ്ഞു. കൊല്ലം ഡിപ്പോയ്ക്ക് സമീപമായിരുന്നു സംഭവം. ഡ്രൈവർ ശ്രീകാന്തിന് മർദനവുമേറ്റു. കൊല്ലം ഡിപ്പോയിൽ നിന്ന് മൂന്നാർ, എറണാകുളം എന്നിവിടങ്ങളിലേക്ക് പോകാനിരുന്ന ബസുകളും സമരക്കാർ തടഞ്ഞു. ഇത് മൂലം റിസർവേഷൻ ചെയ്ത യാത്രക്കാർ അടക്കമുള്ളവർ വലഞ്ഞു. കൊട്ടാരക്കര ഡിപ്പോയിൽ നിന്ന് കോട്ടയത്തേയ്ക്ക് സർവീസ് ആരംഭിച്ച ബസും സമരക്കാർ തടഞ്ഞിട്ടു.ആയൂരിൽ പോസ്റ്റ് ഓഫീസിലെ താത്കാലിക ജീവനക്കാരൻ നന്ദുവിനെ സമരക്കാർ മർദിച്ചു.പത്തനാപുരത്ത് മരുന്ന് വിതരണ ഗോഡൗൺ തുറക്കാൻ സമരാനുകൂലികൾ സമ്മതിച്ചില്ല. ഇവിടെയടക്കം പലയിടത്തും പോലീസ് കാഴ്ചക്കാരായി നിന്നുവെന്ന ആക്ഷേപമുണ്ട്. കൊല്ലം ചിന്നക്കടയിൽ സിമന്‍റ ുമായി പോയ ടാറസ് ലോറിയും സമരക്കാർ റോഡിൽ തടഞ്ഞിട്ടു ചാത്തന്നൂർ ചാത്തന്നൂർ: സംയുക്ത ട്രേഡ് യൂണിയ െ ന്‍റ നേതൃത്വത്തിൽ നടന്ന ദേശീയ പണിമുടക്ക് ചാത്തന്നൂർ മേഖലയിൽ പൂർണ മായിരുന്നു. ചാത്തന്നൂർ മിനി സിവിൽ സ്റ്റേഷനിലെ എല്ലാ സർക്കാർ ഓഫീസുകളും അടഞ്ഞുകിടന്നു. ചാത്തന്നൂർ കെഎസ്ആർടി സി ഡിപ്പോയിൽ നിന്നും ഒരു സർവീസ് പോലും പുറത്തേക്കിറങ്ങിയില്ല. ഏറ്റവും വലിയ വ്യവസായ സ്ഥാപനമായ കൊല്ലം സഹകരണ സ്പിന്നിംഗ് മിൽ നിശ്ചലമായി. ചാത്തന്നൂർ പരവൂർ, പാരിപ്പള്ളി, ആദിച്ചനല്ലൂർ, കൊട്ടിയം മേഖലകളിൽ കടകമ്പോളങ്ങൾ അടഞ്ഞുകിടന്നു. ടാക്സി - ഓട്ടോ സർവീസുകൾ ഒന്നും ഓടിയില്ല. സ്വകാര്യ ബസുകളും പണി മുടക്കിൽ പങ്കെടുത്തു. ജനജീവിതം സ്തംഭിച്ച അവസ്ഥയിലായിരുന്നു. ചാത്തന്നൂർ ജംഗ്ഷനിൽ ഇടതുമുന്നണി പ്രകടനവും സമ്മേളനവും നടത്തിയതിനെ തുടർന്ന് പോലീസ് ദേശീയ പാതയിലൂടെ വന്ന വാഹനങ്ങൾ വഴി തിരിച്ചു വിട്ടു.പണിമുടക്കി െ ന്‍റ ഭാഗമായി ചാത്തന്നൂർ ജംഗ്ഷനിൽ പ്രകടനവും യോഗവും നടന്നു. സി പി എം ലോക്കൽ കമ്മിറ്റി സെക്രട്ടറി അജികുമാർ അധ്യക്ഷത വഹിച്ചു. സി പി എം ഏരിയ സെക്രട്ടറി പി. വി. സത്യൻ ഉദ്ഘാടനം ചെയ്തു. സിപി ഐ മണ്ഡലം സെക്രട്ടറി അഡ്വ. ആർ. ദിലീപ് കുമാർ, ജില്ലാ പഞ്ചായത്ത് വൈസ് പ്രസിഡന്‍റ് ശ്രീജ ഹരീഷ്, സി പി ഐ ലോക്കൽ കമ്മിറ്റി സെക്രട്ടറിമാരായ വി .സണ്ണി, വി .രാധാകൃഷ്ണൻ, എഐടിയുസി നേതാവ് എൻ. രവീന്ദ്രൻ, സിപിഐ മണ്ഡലം കമ്മിറ്റി അംഗങ്ങളായ അഡ്വ.എച്ച്. ഹരീഷ്, പ്രമീള, ചാത്തന്നൂർ പഞ്ചായത്ത് പ്രസിഡന്‍റ് എസ്. കെ. ചന്ദ്രകുമാർ, സിപിഎം ഏരിയ കമ്മിറ്റി അംഗങ്ങളായ അഡ്വ. പി. കെ. ഷിബു,നിമ്മി, ഷിജിൻദാസ്, സിഐടിയു നേതാക്കളായ ടി.ദിജു, ജി. ബിജു, പ്രദീപ്, എസ് എഫ് ഐ അഖിലേന്ത്യാ പ്രസിഡന്‍റ് ആദർശ് .എം. സജി, ഇത്തിക്കര ബ്ലോക്ക് പഞ്ചായത്ത് വൈസ് പ്രസിഡന്‍റ് നിർമ്മലാ വർഗീസ് തുടങ്ങിയവർ പ്രസംഗിച്ചു. ദേശീയ പണിമുടക്കിനോടനുബന്ധിച്ച് വൈദ്യുതി ബോർഡ് ജീവനക്കാർ ചാത്തന്നൂരിൽ പ്രകടനം നടത്തി. കേരള ഇലക്‌ട്രിസിറ്റി വർക്കേഴ്സ് ഫെഡറേഷൻ ജില്ലാ സെക്രട്ടറി സി. പ്രദീപ് കുമാർ, ഫെഡറേഷൻ ഡിവിഷൻ സെക്രട്ടറി കിഷോർ കുമാർ, ഡിവിഷൻ പ്രസിഡന്‍റ് രാജേഷ്, വർക്കേഴ്സ് അസോസിയേഷൻ സംസ്ഥാന ഭാരവാഹി ഷെഫീക്ക്, ഡിവിഷൻ സെക്രട്ടറി സുനിൽകുമാർ ഡിവിഷൻ പ്രസിഡന്‍റ് അധീന എന്നിവർ പ്രകടനത്തിന് നേതൃത്വം നൽകി. പരവൂർ പരവൂർ: ലേബർ കോഡ് പിൻവലിക്കുക, പൊതുമേഖല സ്ഥാപനങ്ങൾ വിറ്റഴിക്കുന്ന നയം പിൻവലിക്കുക, മിനിമം വേദനവും പെൻഷനും കാലാനുസൃതമായി വർധിപ്പിക്കുക എന്നീ ആവശ്യങ്ങൾ ഉന്നയിച്ചു നടത്തിയ ദേശീയ പണിമുടക്കി െ ന്‍റ ഭാഗമായി ഐഎൻടിയുസി ചാത്തന്നൂർ റീജണൽ കമ്മിറ്റിയുടെ നേതൃത്വത്തിൽ പരവൂരിൽ പ്രകടനവും സമ്മേളനവും നടത്തി. ഐഎൻടിയുസി ജില്ലാ വൈസ് പ്രസിഡന്‍റ് പാരിപ്പള്ളി വിനോദ് ഉദ്ഘാടനം ചെയ്തു. റീജിയണൽ പ്രസിഡന്‍റ് ഹാഷിം പരവൂർ അധ്യക്ഷത വഹിച്ചു. യോഗത്തിൽ അഡ്വ. അജിത്ത്, സന്തോഷ് കുട്ടാട്ടുകോണം, സുരേഷ് ഉണ്ണിത്താൻ, ഉളിയനാട് ജയൻ, ചാത്തന്നൂർ രാധാകൃഷ്ണൻ, സുഗതൻ പറമ്പിൽ, റോബിൻ പൂയപ്പള്ളി, ഏറം സന്തോഷ്, ടി. സജീവ്, മുരളീധരൻപിള്ള തുടങ്ങിയവർ പ്രസംഗിച്ചു. കരുനാഗപ്പള്ളി കരുനാഗപ്പള്ളി : സംയുക്ത ട്രേഡ് യൂണിയ െ ന്‍റ നേതൃത്വത്തിൽ നടന്ന പണിമുടക്ക് കരുനാഗപ്പള്ളിയിൽ പൂർണമായിരുന്നു. കടകമ്പോളങ്ങൾ അടഞ്ഞു കിടന്നു. വാഹന ഗതാഗതം സ്തംഭിച്ചു. പണിമുടക്കിയ തൊഴിലാളികൾ സംയുക്ത ട്രേഡ് യൂണിയ െ ന്‍റ നേതൃത്വത്തിൽ പ്രകടനവും യോഗവും നടത്തി. ടൗൺ ക്ലബിന് സമീപത്തു നിന്നും ആരംഭിച്ച പ്രകടനം ടൗൺ ചുറ്റി കെഎസ്ആർടിസി ബസ് സ്റ്റേഷന് സമീപം സമാപിച്ചു. തുടർന്ന് ചേർന്ന സമ്മേളനം സിപിഐ ജില്ലാ അസിസ്റ്റന്‍റ് സെക്രട്ടറി അഡ്വ. എം. എസ്. താര ഉദ്ഘാടനം ചെയ്തു. സിഐടിയു ജില്ലാ ജോയിന്‍റ് സെക്രട്ടറി പി.ആർ. വസന്തൻ അധ്യക്ഷനായി. എ. അനിരുദ്ധൻ, സിപിഎം ജില്ലാ സെക്രട്ടറിയേറ്റ് അംഗം ടി. മനോഹരൻ, കെ. പി. വിശ്വ വത്സലൻ, വി. ദിവാകരൻ, ജി. രാജദാസ്, കടത്തൂർ മൻസൂർ, ആർ. രവി, ജഗത് ജീവൻലാലി, കരിമ്പാലിൽ സദാനന്ദൻ, ഷിഹാബ് എസ്.പൈനുംമൂട്, എ. എ. ജബ്ബാർ എന്നിവർ നേതൃത്വം നൽകി. ഐക്യദാർഢ്യവുമായി പത്രപ്രവർത്തക യൂണിയൻ കൊല്ലം : പൊതുപണിമുടക്കിന് ഐക്യദാർഢ്യം പ്രഖ്യാപിച്ച് കേരള പത്രപ്രവർത്തക യൂണിയനും കേരള ന്യൂസ് പേപ്പർ എംപ്ലോയീസ് ഫെഡറേഷനും സംയുക്തമായി കൊല്ലം നഗരത്തിൽ പ്രകടനവും യോഗവും നടത്തി. കൊല്ലം പ്രസ്ക്ലബിനു മുന്നിൽനിന്ന് പ്രകടനമായി ചിന്നക്കട ഹെഡ് പോസ്റ്റ് ഓഫീസിനു മുന്നിലെത്തി സംയുക്ത ട്രേഡ് യൂണിയൻ യോഗത്തിന് അഭിവാദ്യം അർപ്പിച്ചു. തുടർന്ന് കൊല്ലം പ്രസ് ക്ലബിനു മുന്നിൽ നടന്ന യോഗം സിഐടിയു കൊല്ലം ജില്ലാ സെക്രട്ടറിയും സിപിഎം സംസ്ഥാന കമ്മിറ്റി അംഗവുമായ എസ്. ജയമോഹൻ ഉദ്ഘാടനം ചെയ്തു. കെയുഡബ്ല്യുജെ ജില്ലാ പ്രസിഡന്‍റ് ഡി. ജയകൃഷ്ണൻ, സെക്രട്ടറി സനൽ .ഡി. പ്രോ, ട്രഷറർ കണ്ണൻ നായർ, കെ എൻ ഇ എഫ് കൊല്ലം ജില്ലാ പ്രസിഡന്‍റ് എസ്. വിജയൻ, സെക്രട്ടറി ശ്രീഷ്കുമാർ എന്നിവർ പ്രസംഗിച്ചു. കൊട്ടാരക്കര കൊട്ടാരക്കര: ദേശീയ പണിമുടക്കിൽ കൊട്ടാരക്കര പട്ടണം നിശ്ചലമായി. ഇരു ചക്ര വാഹനങ്ങൾ ഒഴികെ ഒന്നും തന്നെ നിരത്തിലിറങ്ങിയില്ല പോലീസ് അകമ്പടിയോടെ കെ എസ്ആർടിസി സർവീസ് ആരംഭിക്കാൻ ശ്രമം നടന്നെങ്കിലും സമരനുകൂലികൾ തടഞ്ഞു. കട കമ്പോളങ്ങൾ എല്ലാം തന്നെ അടഞ്ഞുകിടന്നു. കെഎസ്ആർടിസി ഡിപ്പോയിൽ ബിഎംഎസ് വിഭാഗം തൊഴിലാളികൾ ജോലിക്ക് എത്തിയെങ്കിലും സമരാനുകൂലികൾ അവരെ പിന്തിരിപ്പിച്ചു വിട്ടു. പുലമണിൽ ഫെഡറൽ ബാങ്ക് തുറന്നു പ്രവർത്തിപ്പിക്കാൻ ശ്രമിച്ചത് നേരിയ സംഘർഷത്തിനിടയാക്കി. ബോയ്സ് ഹയർ സെക്കൻഡറി സ്കൂളിലെ അധ്യാപകരെ തടഞ്ഞുവച്ചു ഗേറ്റ് താഴിട്ട് പൂട്ടി. പോലീസ് എത്തിയാണ് ഇവരെ മോചിപ്പിച്ചത്. സമരനുകൂലികൾ രാവിലെ ടൗണിൽ പ്രകടനം നടത്തി. യു ഡി എഫ് നടത്തിയ പ്രകടനത്തിന്. വി .ഫിലിപ്പ്, പി. ഹരികുമാർ, കണ്ണാട്ടു രവി, ജസീം, കലയപുരം ശിവൻപിള്ള, എം. അമീർ, ജോജോ സൂസമ്മ, പവിജ തുടങ്ങിയവർ നേതൃത്വം നൽകി. ഇടതുമുന്നണി പ്രവർത്തകർ നടത്തിയ പ്രതിഷേധ പ്രകടനത്തിന്. നേതാക്കളായ കെ. എസ്. ഇന്ദു ശേഖരൻ നായർ, പി. കെ. ജോൺസൺ, എ. മന്മഥൻ നായർ, സി. മുകേഷ്, രഞ്ജിത്, ഡി. രാമകൃഷ്ണപിള്ള, കെ. എസ്. രാധാകൃഷ്ണൻ, എസ്. ആർ. രമേശ്, മാത്യു സാം, അനിത ഗോപൻ, കൃഷ്ണ പ്രിയ, ഗീത തുടങ്ങിയവർ നേതൃത്വം നൽകി. കുളത്തൂപ്പുഴ കുളത്തൂപ്പുഴ: കിഴക്കൻ മലയോര പ്രദേശങ്ങളായ തെന്മല, കുളത്തൂപ്പുഴ ,ആര്യങ്കാവ് , തുടങ്ങിയ മേഖലകളിൽ ട്രേഡ് യൂണിയ െ ന്‍റ ആഭിമുഖ്യത്തിൽ വിവിധ തൊഴിലാളി സംഘടനകളുടെ ആഭിമുഖ്യത്തിൽ നടത്തിയ പണിമുടക്കിൽ പ്ലാന്‍റേഷൻ മേഖലയുടെയും വ്യാപാരസ്ഥാപനങ്ങളുടെയും പ്രവർത്തനം സ്തംഭിച്ചു. കുളത്തൂപ്പുഴ കെഎസ്ആർടിസി ഡിപ്പോയിൽ നിന്നും ഒരു ബസും സർവീസ് നടത്തിയില്ല. മലയോര ഹൈവേയിൽ വാഹനഗതാഗതം പൂർണമായി തടസപ്പെട്ടു. തിരുവനന്തപുരം തെങ്കാശി അന്തർ സംസ്ഥാന സർവീസുകൾ പൂർണമായും മുടങ്ങി. അന്തർ സംസ്ഥാന പാതയിൽ എയർപോർട്ടുകളിൽ പോകുന്ന വാഹനങ്ങൾ അല്ലാതെ മറ്റു വാഹനങ്ങളൊന്നും ഓടിയില്ല. ചവറ പഞ്ചായത്തിൽ ജോലിക്ക് എത്തിയ ജീവനക്കാരന് മർദനം ചവറ: ചവറ പഞ്ചായത്തിൽ ജോലിക്ക് എത്തിയ ജീവനക്കാരനെ സമര അനുകൂലികൾ മർദിച്ചു. പഞ്ചായത്തിലെ സീനിയർ ക്ലാർക്ക് അനിലിനാണ് മർദനമേറ്റത്. പഞ്ചായത്തിൽ 12 ഓളം ജീവനക്കാർ ജോലിക്കായി എത്തിയിരുന്നു. എന്നാൽ സമര അനുകൂലികൾ എത്തിയതോടെ ഓഫീസ് പിന്നീട് പൂട്ടേണ്ടി വന്നു. പോലീസ് എത്തി സമരക്കാരെ പിരിച്ചുവിട്ടു. ജീവനക്കാരൻ ആശുപത്രിയിൽ ചികിത്സ തേടി. മർദനമേറ്റ ജീവനക്കാര െന്‍റ മൊഴിയിൽ ചവറ പോലീസ് കേസെടുത്തു. ഓഫീസിലെ ഉപകരണങ്ങൾക്കും കേടുപാടുകൾ ഉണ്ടാക്കിയതായി പറയപ്പെടുന്നു. ചവറയിൽ സമ്മിശ്ര പ്രതികരണം ചവറ : പണിമുടക്ക് ചവറയുടെ വിവിധ ഭാഗങ്ങളിൽ സമ്മിശ്ര പ്രതികരണമാണ് ഉണ്ടായത്. വിവിധ സ്ഥലങ്ങളിൽ സർക്കാർ ഓഫീസുകൾ പൂട്ടിക്കിടക്കുകയും മറ്റുചില സ്ഥലങ്ങളിൽ സർക്കാർ ഓഫീസുകളിൽ നാമ മാത്രമായ ജീവനക്കാർ എത്തി തുറന്നു പ്രവർത്തിക്കുകയും ചെയ്തു. ചില സ്ഥലങ്ങളിൽ ഓട്ടോറിക്ഷകൾ നാമമാത്രമായി ഓടി. കടകൾ തുറന്നു പ്രവർത്തിച്ചു. വ്യാപാര സ്ഥാപനങ്ങൾ അടഞ്ഞുകിടക്കുകയും മറ്റുചിലങ്ങളിൽ തുറന്നു പ്രവർത്തിക്കുകയും ചെയ്തു. വിദ്യാഭ്യാസ സ്ഥാപനങ്ങളിൽ കോൺഗ്രസ് അനുകൂല സംഘടനയിൽ പെട്ട അധ്യാപകർ എത്തിയിരുന്നു. എന്നാൽ പഠനം നടന്നില്ല. പെട്രോൾ,ഡീസൽ പമ്പുകളും പ്രവർത്തിച്ചു. ചവറ കെഎംഎംഎൽ കമ്പനിയിൽ ജീവനക്കാർ എത്താത്തതിനാൽ ഓഫീസ് പ്രവർത്തിച്ചില്ല. രണ്ട് പ്ലാന്‍റ് പ്രവർത്തിച്ചു. കേന്ദ്ര പൊതു മേഖല സ്ഥാപനമായ ചവറ ഐ ആർ ഇ കമ്പനി സാധാരണ നിലയിൽ പ്രവർത്തിച്ചു. ചവറ ബ്ലോക്ക് പഞ്ചായത്ത് ഉൾപ്പെടെയുള്ള പഞ്ചായത്ത് ഓഫീസുകൾ പ്രവർത്തിച്ചില്ല. ചവറ ഉപജില്ല വിദ്യാഭ്യാസ ഓഫീസിൽ നാമമാത്രമായി ജീവനക്കാർ എത്തി. ചവറ ബ്ലോക്ക് പഞ്ചായത്ത് അങ്കണത്തിൽ പ്രവർത്തിക്കുന്ന അസിസ്റ്റന്‍റ് എക്സിക്യൂട്ടീവ് എൻജിനിയർ ഓഫീസ് പ്രവർത്തിച്ചു. വില്ലേജ് ഓഫീസുകൾ, ട്രഷറി എന്നിവ പൂട്ടിക്കിടന്നു. കോടതികൾ പ്രവർത്തിച്ചു. ചവറ ബി ആർ സി പ്രവർത്തിച്ചില്ല. ബാങ്കുകൾ അടഞ്ഞു കിടന്നു. സ്വകാര്യ ബസുകളും സർവീസ് നടത്തിയില്ല. സാമൂഹിക ആരോഗ്യ കേന്ദ്രങ്ങളിലും ആശുപത്രികളിലും ഡോക്‌ടർമാർ എത്തി. പ്രശ്ന സാധ്യത കണക്കിലെടുത്ത് പ്രധാനപ്പെട്ട ഇടങ്ങളിൽ പോലീസിനെ വിന്യസിച്ചിരുന്നു. പ്രതിഷേധിച്ചു ചവറ : ചവറ പഞ്ചായത്ത് ഓഫീസിൽ കയറി പഞ്ചായത്തിലെ സിനിയർ ക്ലാർക്ക് അനിൽ കുമാറിനെ 15ഓളം സിഐടിയു പ്രവർത്തകർ മർദിച്ച സംഭവത്തിൽ പ്രതിഷേധിച്ചു. അനിൽ കുമാറിനെ കസേര കൊണ്ട് അടിക്കുകയും, ഓഫിസ് ഉപകരണങ്ങൾ നശിപ്പിക്കുകയും ജിവനക്കാരെ ഭീഷണിപ്പെടുത്തുകയും ചെയ്തവരെ ഉടൻ അറസ്റ്റ് ചെയ്യണമെന്ന് ചവറ ബ്ലോക്ക് കോൺഗ്രസ് പ്രസിഡന്‍റ് മേച്ചേഴത്ത് ഗിരീഷ് ആവശ്യപ്പെട്ടു.

കേരള ഭരണം പിണറായി വില്പന ചരക്കാക്കുന്നു: അഡ്വ.കെ.ബേബിസൺ

പരവൂർ : കേരള ഭരണം പിണറായി സർക്കാർ വില്പന ചരക്കാക്കുന്നുവെന്ന് കെപിസിസി സെക്രട്ടറി അഡ്വ.കെ. ബേബിസൺ. ആരോഗ്യ മന്ത്രി വീണാ ജോർജ് രാജിവയ്ക്കണമെന്നും ആരോഗ്യ മേഖലയിലെ കുത്തഴിഞ്ഞ അവസ്ഥയ്ക്ക് പരിഹാരം കാണണമെന്നും ആവശ്യപ്പെട്ട് ചാത്തന്നൂർ, പരവൂർ ബ്ലോക്ക് കോൺഗ്രസ് കമ്മിറ്റികളുടെ നേതൃത്വത്തിൽ നെടുങ്ങോലം താലൂക്ക് ആശുപത്രിയിലേയ്ക്ക് നടത്തിയ പ്രതിഷേധ മാർച്ചും ധർണയും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. പരവൂർ ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് അഡ്വ.ലത മോഹൻദാസ് അധ്യക്ഷത വഹിച്ചു. കെപിസിസി അംഗം നെടുങ്ങോലം രഘു, കെപിസിസി നിർവാഹക സമിതി അംഗം എൻ.ജയചന്ദ്രൻ, ചാത്തന്നൂർ ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് ബിജു വിശ്വരാജൻ, ഡിസിസി ജനറൽ സെക്രട്ടറി മാരായ എൻ.ഉണ്ണികൃഷ്ണൻ, എസ്.ശ്രീലാൽ , പി.പ്രദീഷ് കുമാർ, സുഭാഷ് പുളിക്കൽ തുടങ്ങിയവർ പ്രസംഗിച്ചു. മാർച്ചിന് മണ്ഡലം കോൺഗ്രസ് കമ്മിറ്റി പ്രസിഡന്‍റ ുമാരായ സുരേഷ് ഉണ്ണിത്താൻ, ആർ.ഡി. ലാൽ, എസ്.വി. ബൈജുലാൽ, കെ.ബിനോയി, ടി.എം ഇഖ്ബാൽ, കെ.ഷെരീഫ് തുടങ്ങിയവർ നേതൃത്വം നൽകി.

കൊല്ലം തുറമുഖത്ത്‌ കണ്ടെയ്നർ ഫ്രെയിറ്റ് സ്റ്റേഷൻ; ധാരണാപത്രം ഒപ്പിട്ടു

കൊല്ലം : കൊല്ലം തുറമുഖത്ത്‌ കണ്ടെയ്നർ ഫ്രെയിറ്റ് സ്റ്റേഷൻ സർവീസ്‌ ആരംഭിക്കാൻ നടപടികൾ ആരംഭിച്ചു. ഇതി െ ന്‍റ ആദ്യപടിയായി സ്വകാര്യ ഏജൻസിയുമായി സംസ്ഥാന മാരിടൈം ബോർഡ്‌ ധാരണാപത്രത്തിൽ ഒപ്പുവച്ചു. ഇതുസംബന്ധിച്ച്‌ കൊച്ചിയിലുള്ള സ്വകാര്യ ഏജൻസിയും മാരിടൈം ബോർഡ്‌ അധികൃതരും കഴിഞ്ഞദിവസം തിരുവനന്തപുരത്ത്‌ ചർച്ച നടത്തിയിരുന്നു. വിഴിഞ്ഞം അന്താരാഷ്‌ട്ര തുറമുഖം വഴി കയറ്റുമതി ചെയ്യാനുള്ള ചരക്കുകൾ സംഭരിച്ച് കണ്ടെയ്നറുകളിൽ നിറയ്ക്കുന്നതിനാണ് ഫ്രെയിറ്റ് സ്റ്റേഷൻ തുടങ്ങുന്നത്. ധാരണാപത്രത്തിൽ ഒപ്പിട്ടതി െ ന്‍റ ഭാഗമായി കൊല്ലം തുറമുഖത്തെ ഗോഡൗണുകൾ അറ്റകുറ്റ പണി നടത്തുന്നതിനു നടപടികൾ തുടങ്ങി. തുടർന്നാണ് സ്വകാര്യ കമ്പനി മാരിടൈം ബോർഡുമായി കരാർ ഉണ്ടാവുക. കൊല്ലം, ആലപ്പുഴ, കോട്ടയം, പത്തനംതിട്ട ജില്ലകളിൽനിന്ന്‌ വിഴിഞ്ഞം തുറമുഖത്തേയ്ക്കുള്ള ചരക്കുകൾ കൊല്ലം പോർട്ടിലെ വെയർഹൗസിൽ സംഭരിക്കും. തുടർന്ന്‌ അവ കണ്ടെയ്നറുകളിൽ നിറച്ച് കസ്റ്റംസ് പരിശോധനയ്ക്കുശേഷം സീൽ പതിച്ച് ട്രക്കിലോ ലോറിയിലോ വിഴിഞ്ഞം പോർട്ടിലേക്ക് കൊണ്ടുപോകും. തിരികെ വിഴിഞ്ഞത്ത്‌ ഇറക്കുമതി ചെയ്യുന്നവ കൊല്ലത്തേക്കും സമീപ ജില്ലകളിലേക്കുമുള്ള ചരക്കുകൾ കണ്ടെയ്നറുകളിൽ ട്രക്ക്‌ മാർഗം കൊല്ലം തുറമുഖത്തേക്കും കൊണ്ടുവരും. പിന്നീട് ഇവ ലോറിയിൽ ഉടമകൾക്ക് കൈമാറും. ഭാവിയിൽ ചരക്ക്‌വർധന അനുസരിച്ച്‌ കടൽമാർഗം ബാർജിലാകും വിഴിഞ്ഞം തുറമുഖത്തേക്കും തിരികെയും കണ്ടെയ്‌നറുകൾ കൊണ്ടുപോകുന്നത്. ആദ്യം കൊല്ലം തുറമുഖത്ത ഒരു വെയർഹൗസാണ് കണ്ടെയ്നർ ഫ്രെയിറ്റ് സ്റ്റേഷൻ സർവീസിനായി വിട്ടുകൊടുക്കുക. മറ്റൊന്നിൽ കൊല്ലം, ആലപ്പുഴ തീരങ്ങളിൽ സമീപകാലത്ത് അടിഞ്ഞ കണ്ടെയ്‌നറുകൾ എത്തിച്ച്‌ സൂക്ഷിച്ചിരിക്കുകയാണ്. ഇവ പൂർണമായും മാറ്റിക്കഴിഞ്ഞാൽ ഭാവിയിൽ ഈ വെയർഹൗസും ഫ്രെയിറ്റ് സ്റ്റേഷനു നൽകാനാണ് ധാരണ. ആവശ്യമെങ്കിൽ ഓപ്പൺ യാർഡുകളും ഇതിനായി വിട്ടുകൊടുക്കും. വെയർഹൗസിനും യാർഡിനും പുറമേ കണ്ടെയ്നറുകൾ ഇറക്കാനും കയറ്റാനും ക്രെയിൻ, റീച്ച് സ്റ്റാക്കർ എന്നിവയും നൽകും. 1450 ചതുരശ്ര മീറ്റർ വിസ്തീർണമുള്ളതാണ്‌ വെയർഹൗസ്. ഒരു ചതുരശ്ര മീറ്ററിന് 25രൂപയാണ് പ്രതിദിന വാടക. യാർഡ് 16000ചതുരശ്ര മീറ്ററാണ് ഒരുചതുരശ്ര മീറ്ററിന് 60രൂപയാണ് ആഴ്ച വാടക. ഫ്രെയിറ്റ് സ്റ്റേഷൻ പ്രവർത്തന സജ്ജമായാൽ അത് കൊല്ലം തുറമുഖ വികസനത്തി െ ന്‍റയും ജില്ലയുടെ സമഗ്ര വികസനത്തിനും സുപ്രധാന നാഴികകല്ലായി മാറും.

മത്സ്യകർഷക അവാർഡ്‌ വിതരണം നാളെ

കൊല്ലം: സംസ്ഥാന മത്സ്യകർഷക അവാർഡ്‌വിതരണം നാളെ വൈകുന്നേരം 3.30ന് കൊട്ടാരക്കര സൗപർണിക ഓഡിറ്റോറിയത്തിൽ മന്ത്രി സജി ചെറിയാൻ നിർവഹിക്കും. മന്ത്രി കെ.എൻ. ബാലഗോപാൽ അധ്യക്ഷനാകും. ശുചിത്വസാഗരം സുന്ദരതീരം പദ്ധതിയുടെ സംസ്ഥാനതല അവാർഡ് വിതരണം മന്ത്രി ജെ. ചിഞ്ചുറാണി, തദ്ദേശസ്വയംഭരണസ്ഥാപനങ്ങൾക്കുള്ള അവാർഡ് വിതരണം മന്ത്രി കെ.ബി.ഗണേഷ്‌കുമാർ എന്നിവർ നിർവഹിക്കും. ‘ശുചിത്വ സാഗരം സുന്ദര തീരം' പദ്ധതിയുടെ ഭാഗമായി നടത്തിയ ഏകദിന കടലോര പ്ലാസ്റ്റിക് നിർമാർജന കാമ്പയിനിൽ സംസ്ഥാനത്താകെ 1,54,316 കി.ഗ്രാം പ്ലാസ്റ്റിക് മാലിന്യങ്ങൾ ശേഖരിച്ച് നീക്കം ചെയ്തിരുന്നു. ഏറ്റവും മികച്ച പ്രവർത്തനം നടത്തി കടൽത്തീരം പ്ലാസ്റ്റിക് മുക്തവും ശുചിത്വമുള്ളതും മനോഹരവുമാക്കിയ കോഴിക്കോട് ജില്ലയ്ക്ക് മുഖ്യമന്ത്രിയുടെ ട്രോഫിയും 50000 രൂപയുടെ ക്യാഷ് അവാർഡും സർട്ടിഫിക്കറ്റും സമ്മാനിക്കും. പ്ലാസ്റ്റിക് നിർമാർജന യജ്ഞത്തിൽ ഒമ്പത് തീരദേശ ജില്ലകളിലെയും മികച്ചപ്രകടനം കാഴ്ചവച്ച രണ്ട് തദ്ദേശ സ്വയംഭരണ സ്ഥാപനങ്ങളെ വീതം തെരഞ്ഞെടുത്ത് 10000 രൂപയുടെ ക്യാഷ് അവാർഡും ട്രോഫിയും സർട്ടിഫിക്കറ്റും നൽകുന്നുണ്ട്.കൊടിക്കുന്നിൽ സുരേഷ് എംപി മുഖ്യാതിഥിയാകും. ജില്ലാ പഞ്ചായത്ത് പ്രസിഡന്‍റ് ഡോ.പി.കെ.ഗോപൻ, കൊട്ടാരക്കര മുൻസിപ്പാലിറ്റി ചെയർമാൻ കെ.ഉണ്ണികൃഷ്ണമേനോൻ തുടങ്ങിയവർ പങ്കെടുക്കും.

സ്പോർട്സ് കിറ്റുകൾ വിതരണം ചെയ്തു

ചാത്തന്നൂർ: ഉളിയനാട് ഗവ. ഹൈസ്കൂളിലെ കായിക പ്രതിഭകൾക്ക് പ്രചോദനം പകർന്ന് ചിറക്കര സർവീസ് സഹകരണ ബാങ്ക് സ്പോർട്സ് കിറ്റുകൾ വിതരണം ചെയ്തു. സ്കൂളിൽ ആരംഭിച്ച കരുതൽ പദ്ധതിയുടെ ഭാഗമായാണ് സ്പോർട്സ് കിറ്റ് വിതരണം നടത്തിയത്. ബാങ്ക് സ്റ്റാഫ് സെക്രട്ടറി എസ്. ദിലീപ് വിതരണം നിർവഹിച്ചു. പ്രഥമാധ്യാപിക ജയകുമാരി കിറ്റുകൾ ഏറ്റുവാങ്ങി. പിടിഎ പ്രസിഡന്‍റ് ആർ .അനിൽകുമാർ അധ്യക്ഷനായിരുന്നു. എസ്എംഎസ് ചെയർമാൻ ദീപു, സീനിയർ അസി.ബീന വിശ്വനാഥ് എന്നിവർ പ്രസംഗിച്ചു.

നിരവധി ക്രിമിനൽ കേസുകളിലെ പ്രതി കരുതൽ തടങ്കലിൽ

കൊല്ലം: നിരവധി ക്രിമിനൽ കേസുകളിൽ പ്രതിയായ യുവാവിനെ കാപ്പാ നിയമപ്രകാരം കരുതൽ തടങ്കലിലാക്കി. തഴുത്തല, തൊടിയിൽ പുത്തൻ വീട്ടിൽ ഷൈൻ (32) ആണ് കരുതൽ തടങ്കലിലായത്. ഷൈൻ 2019 മുതലുള്ള കാലയളവിൽ കൊട്ടിയം, ഇരവിപുരം പോലീസ് സ്റ്റേഷനിൽ രജിസ്റ്റർ ചെയ്യപ്പെട്ട ആറ് ക്രിമിനൽ കേസുകളിൽ പ്രതിയാണ്. കൊലപാതകശ്രമം, വ്യക്തികൾക്ക് നേരെയുള്ള കൈയ്യേറ്റം, നരഹത്യാശ്രമം, തുടങ്ങിയ ഗുരുതര കുറ്റകൃത്യങ്ങളാണ് ഇയാൾക്കെതിരെ ചുമത്തിയിട്ടുള്ളത്. ഇയാൾ മുൻപും കാപ്പാ നിയമപ്രകാരം ആറ് മാസത്തെ കരുതൽ തടങ്കൽ അനുഭവിച്ചിട്ടുണ്ട്. ശിക്ഷ കഴിഞ്ഞ് പുറത്തിറങ്ങിയ ശേഷം ഇയാൾ വീണ്ടും കേസിൽ പ്രതിയായതിനെത്തുടർന്ന് ജില്ലാ പോലീസ് മേധാവി കിരൺ നാരായണൻ സമർപ്പിച്ച റിപ്പോർട്ടി െ ന്‍റ അടിസ്ഥാനത്തിൽ കൊല്ലം ജില്ലാ കളക്‌ടർ എൻ.ദേവിദാസാണ് കരുതൽ തടങ്കലിന് ഉത്തരവിട്ടത്. കൊട്ടിയം പോലീസ് ഇൻസ്‌പെക്ടർ പ്രദീപ് എസ്ഐ ജോയി, സിപിഒ മാരായ പ്രവീൺചന്ദ്, ഷെമീർ എന്നിവരടങ്ങുന്ന സംഘം അറസ്റ്റ് ചെയ്ത് കരുതൽ തടങ്കലിൽ പാർപ്പിക്കുന്നതിനായി പൂജപ്പുര സെൻട്രൽ ജയിലിലേക്ക് അയച്ചു.

എസ്എഫ്ഐയും പോലീസും ചേർന്ന് യൂണിവേഴ്സിറ്റികൾ പിടിച്ചെടുക്കുന്നു: തിരുവഞ്ചൂർ രാധാകൃഷ്ണൻ

കൊട്ടിയം: എസ്എസ്ഐയും പോലീസും ചേർന്ന് യൂണിവേഴ്സിറ്റികൾ പിടിച്ചെടുക്കുന്ന സ്ഥിതിയാണുള്ളതെന്ന് തിരുവഞ്ചൂർ രാധാകൃഷ്ണൻ എംഎൽ എ. ഉമ്മൻ ചാണ്ടി സാധുജന സഹായ സമിതിയുടെ നേതൃത്വത്തിൽ ഇരവിപുരം എൻഎൻസി ജംഗ്ഷനിൽ സംഘടിപ്പിച്ച വിവിധ പരീക്ഷകളിൽ ഉന്നത വിജയം നേടിയ വിദ്യാർത്ഥികളെ ആദരിക്കലും ഉമ്മൻ ചാണ്ടി പുരസ്കാരണ വിതരണവും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. യൂണിവേഴ്സിറ്റിയിൽ സമരം നടത്തിയ വിദ്യാർഥികൾക്കിടയിലേക്ക് ചെന്ന് സമരം ചെയ്യുന്ന കുട്ടികളുടെ കൈയിൽ നിന്നും കടിഞാൺ വാങ്ങി കോലാഹലം ഉണ്ടാക്കുകയാണ് സിപിഎം സംസ്ഥാന സെക്രട്ടറി എം.വി. ഗോവിന്ദൻ ചെയ്തത്. വൈസ് ചാൻസിലർമാർക്ക് ജീവനിൽ ഭയമില്ലാതെ നടക്കുവാൻ കഴിയുന്നില്ല. സർവകലാശാലകൾ സമാധാനത്തി െ ന്‍റ ഇടങ്ങളായി മാറണമെന്നും തിരുവഞ്ചൂർ പറഞ്ഞു. നിഷാദ് ചകിരിക്കട അധ്യക്ഷത വഹിച്ചു. കെപിസിസി നിർവാഹക സമിതി അംഗം അഡ്വ. എ.ഷാനവാസ് ഖാൻ മുഖ്യപ്രഭാഷണം നടത്തി. ഡിസിസി ജനറൽ സെക്രട്ടറി അൻസർ അസീസ് മുതിർന്ന പ്രവർത്തകരെ ആദരിച്ചു. ബ്ലോക്ക് പ്രസിഡന്‍റ് എം. നാസർ ജനപ്രതിനിധികളെയും, അസൈൻ പള്ളിമുക്ക്, അനസ് ഇരവിപുരം എന്നിവർ ആശാ പ്രവർത്തകരെയും ആദരിച്ചു.മണ്ഡലം പ്രസിഡന്‍റ ുമാരായ ബൈജു ആലുംമൂട്ടിൽ, മണക്കാട് സലിം എന്നിവർ സ്പോർട്സ് അവാർഡ് വിതരണം നടത്തി. ഡിസിസി അംഗം സലിം അല്ലൂസ് ദേശീയ മാരത്തോൺ താരത്തെ ആദരിച്ചു. കോൺഗ്രസ് ബ്ലോക്ക് വൈസ് പ്രസിഡന്‍റ ുമാരായ മഷ്ഹൂർ പള്ളിമുക്ക്, എം.എ. ഷുഹാസ്, വയനക്കുളം സലിം, ഹുസൈൻ എന്നിവർ പ്ലസ്ടു അവാർഡുകളും, എം.എച്ച്. സ്നോഫർ, ഷാജി ഷാഹുൽ, മാൽക്കം വർഗീസ്, ഹാഷിർ കയ്യാലക്കൽ സിയാദ് ഇബ്രാഹിം എന്നിവർ എസ്എസ്എൽസി അവാർഡ് വിതരണവും നടത്തി. അഡ്വ. എ.ഷാനവാസ് ഖാൻ നൗഷാദ് യൂനുസ്, ദമാം അബ്ദുൾ വാഹിദ് എന്നിവർക്കും ബിസ്മില്ലാ യുവജന സംഘടന, അറഫാ നഗർ റസിഡന്‍റ്സ് അസോസിയേഷൻ, കൊല്ലൂർവിള ഫ്രണ്ട്സ് എന്നീ സംഘടനകൾക്കും ഉമ്മൻ ചാണ്ടി പുരസ്കാരങ്ങൾ സമ്മാനിച്ചു. ഷാഫി ബഷീർ, അൻസർ കുറവന്‍റഴികം എന്നിവർ പ്രസംഗിച്ചു.

‘കാത്തുകിടപ്പ് പതിവാക്കി’ പുനലൂർ -കന്യാകുമാരി എക്‌സ്‌പ്രസ്

കൊല്ലം: പുനലൂർ - കന്യാകുമാരി എക്‌സ്‌പ്രസ്‌ (ട്രെയിൻ നമ്പർ 56705) കൊല്ലം ഔട്ടറിൽ കാത്തുകിടക്കുന്നത് നിത്യ സംഭവമായി. സിഗ്നൽ ലഭിക്കുന്നതിനായി ഏറെസമയം പിടിച്ചിടുന്നതിനാൽ ദുരിതത്തിലാവുന്നത് യാത്രക്കാരും. ഔട്ടറിൽ കാത്ത് കിടപ്പ് മൂലം പതിവ് യാത്രക്കാർ ലക്ഷ്യസ്ഥാനത്ത് കൃത്യസമയത്ത് എത്താൻ കഴിയാതെ ബുദ്ധിമുട്ടുന്നു. ദിവസവും രാവിലെ 6.35ന് പുനലൂരിൽ നിന്ന് പുറപ്പെടുന്ന എക്‌സ്‌പ്രസ് 8.30നാണ് കൊല്ലം സ്‌റ്റേഷനിൽ എത്തേണ്ടത്‌. എന്നാൽ മൈസൂർ -കൊച്ചുവേളി, പൂനെ - കന്യാകുമാരി ജയന്തി ജനത തുടങ്ങിയ എക്‌സ്‌പ്രസ് ട്രെയിനുകൾ കടത്തിവിടാൻ ഔട്ടറിൽ ട്രെയിൻ പിടിച്ചിടുകയാണ് പതിവ്‌. ഇതോടെ അരമണിക്കൂറിലേറെ യാത്രക്കാർ ഔട്ടറിൽ കുടുങ്ങുന്നു. ഇത് സ്ഥിരം യാത്രക്കാരായ വിദ്യാർഥികൾക്കും ഓഫീസിലേക്ക് പോകുന്ന ജീവനക്കാർക്കും വളരെയേറെ ബുദ്ധിമുട്ടാണ് സൃഷ്‌ടിക്കുന്നത്. പ്രയാസമനുഭവിക്കുന്ന യാത്രക്കാരിൽ പെൻഷൻകാരും തലസ്ഥാനത്തെ റീജണൽ കാൻസർ സെന്‍റർ, ശ്രീചിത്ര മെഡിക്കൽ സെന്‍റർ തുടങ്ങി വിവിധ ആശുപത്രികളിൽ പോകേണ്ട രോഗികളുമുണ്ട്‌. ഈ വണ്ടി ഇപ്പോൾ ഒരു മണിക്കൂർ വരെ വൈകിയാണ് തിരുവനന്തപുരത്ത് എത്തുന്നത്. പുനലൂരിൽനിന്ന്‌ -കന്യാകുമാരി എക്‌സ്‌പ്രസ്‌ കടന്നുവരുന്ന സമയം കൊല്ലം സ്‌റ്റേഷനിൽ മറ്റ് പല പ്ലാറ്റ്‌ ഫോമുകൾ ഒഴിവുണ്ടാകും. എന്നിട്ടും ഔട്ടറിൽ എന്തിന് പിടിച്ചിടുന്നുവെന്നാണ്‌ യാത്രക്കാരുടെ ചോദ്യം. കൊല്ലത്തിറങ്ങി മറ്റ് ട്രെയിനുകളിൽ എറണാകുളം ഭാഗത്തേക്ക്‌ പോകേണ്ട നൂറുകണക്കിന് യാത്രക്കാരും റെയിൽവേ അധികൃതരുടെ ഈ നടപടിയിൽ വലയുകയാണ്. ഔട്ടറിൽ നിർത്തിയിടുന്നതിന്‌ പകരം ട്രെയിൻ പ്ലാറ്റ്‌ഫോമിലേക്ക് എത്തിയാൽ തൃശൂർ, എറണാകുളം, തിരുവനന്തപുരം ഭാഗങ്ങളിലേക്കുള്ള മറ്റു ട്രെയിനുകളിലേക്ക് യാത്രക്കാർക്ക് മാറി യാത്രചെയ്യാനാകും. ഔട്ടറിൽ ട്രെയിൻ പിടിച്ചിട്ട്‌ യാത്രക്കാരുടെ സമയം കൊല്ലുന്ന അധികൃതരുടെ നടപടി തിരുത്തണമെന്ന്‌ ഫ്രണ്ട്‌സ് ഓൺ റെയിൽസ്‌ സെക്രട്ടറി ജെ. ലിയോൺസ് ആവശ്യപ്പെട്ടു. അതുപോലെ കോട്ടയം – കൊല്ലം പാസഞ്ചർ ട്രെയിനിലെ യാത്രക്കാർക്ക് കൂടി ആശ്രയിക്കാൻ കഴിയും വിധം പുനലൂർ - കന്യാകുമാരി എക്‌സ്‌പ്രസി െ ന്‍റ കൊല്ലത്തുനിന്നുള്ള സമയം ക്രമീകരിക്കണമെന്ന ആവശ്യവും ശക്തമായിട്ടുണ്ട്. ഇത് സംബന്ധിച്ച് യാത്രക്കാരും അവരുടെ വിവിധ സംഘടനകളും എംപിമാർ അടക്കമുള്ള ജനപ്രതിനിധികളും നിരവധി നിവേദനങ്ങൾ നൽകിയിട്ടും റെയിൽവേ അധികൃതരുടെ ഭാഗത്ത് നിന്ന് അനുകൂല നടപടികൾ ഒന്നും ഉണ്ടായിട്ടില്ല.

വനിതാസാഹിതി ശില്പശാല

കുണ്ടറ : വനിതാ സാഹിതി കൊല്ലം ജില്ലാ കമ്മിറ്റിയുടെ നേതൃത്വത്തിൽ സ്ത്രീ ലോകം നവലോകം എന്ന വിഷയത്തിൽ ശില്പശാലയും മാധവിക്കുട്ടി - വൈക്കം മുഹമ്മദ് ബഷീർ അനുസ്മരണവും സംഘടിപ്പിച്ചു. സംസ്ഥാന പ്രസിഡന്‍റ് വി. സീതമ്മാൾ ശില്പശാല ഉദ്ഘാടനം ചെയ്തു. സംസ്ഥാന വൈസ് പ്രസിഡന്‍റ് ബീന സജീവ് നിയമാവലി അവതരിപ്പിച്ചു. ജില്ലാ ട്രഷറർ ജി. എസ്. ഷൈലാമണി, വീണ ചെന്താമരാക്ഷൻ, ഡോ.പ്രിയ, പി. ലീല, അഡ്വ.ജെസെന്ന, വസന്തകുമാരി എന്നിവർ ചർച്ചയിൽ പങ്കെടുത്തു. ജില്ലാ നാടക സമിതിയുടെ നേതൃത്വത്തിൽ മാധവിക്കുട്ടിയുടെ കോലാട്, ബഷീറി െ ന്‍റ ഒരു മനുഷ്യൻ എന്നീ കഥകളുടെ ദൃശ്യാവിഷ്കാരവും നടന്നു. തുടർന്ന് കലാപരിപാടികളും അവതരിപ്പിച്ചു. ജില്ലാ പ്രസിഡന്‍റ് ടി. ജി. ചന്ദ്രകുമാരി, സെക്രട്ടറി ഡി. വിമല, സുശീല ടീച്ചർ, ഗിരിജ സുന്ദരൻ, രാജി തിരുവാതിര എന്നിവർ പ്രസംഗിച്ചു.

ജൽജീവൻ വഴി ജില്ലയിൽ 2.68 ലക്ഷം കുടിവെള്ള കണക‌്ഷൻ നൽകി

കൊല്ലം: ജൽജീവൻ മിഷൻ വഴി ജില്ലയിലെ ഗ്രാമീണമേഖലയിൽ 2,68,890 കുടിവെള്ള കണക‌്ഷനുകൾ നൽകി. ജില്ലാകളക്‌ടർ എൻ.ദേവിദാസിന്‍റെ അധ്യക്ഷതയിൽ ചേമ്പറിൽ ചേർന്ന ജില്ല ജലശുചിത്വ സമിതി യോഗത്തിൽ മിഷൻ പ്രവർത്തനങ്ങൾ വിലയിരുത്തി. പൈപ്പ് ലൈൻ പ്രവർത്തികൾ പൂർത്തിയായ സ്ഥലങ്ങളിലെ റോഡുകൾ പുനർനിർമിക്കാൻ പഞ്ചായത്ത്-വാട്ടർ അഥോറിറ്റി അധികൃതർ സംയുക്ത പരിശോധന നടത്തണമെന്ന് കളക്‌ടർ നിർദേശിച്ചു. ശാസ്താംകോട്ട ജലശുദ്ധീകരണ ശാലയിൽ ജലവിതരണം കൂടുതൽ കാര്യക്ഷമമാക്കാൻ കെഎസ്ഇബിയുടെ പ്രത്യേക വൈദ്യുതി ലൈൻ സ്ഥാപിക്കും. തെന്മല, ആര്യൻകാവ് പഞ്ചായത്തുകളിലെ പ്രവർത്തനങ്ങൾ കൂടുതൽ ഊർജിതമാക്കും. നെടുവത്തൂരിലെ പുല്ലാമലയിൽ സ്ഥാപിക്കേണ്ട സംഭരണിക്കായി പുതിയ സ്ഥലം പഞ്ചായത്ത്പരിധിക്കുള്ളിൽ കണ്ടെത്തും. കുന്നത്തൂർ, പോരുവഴി, ശൂരനാട്‌നോർത്ത്, തഴവ, തൊടിയൂർ, കുലശേഖരപുരം എന്നിവിടങ്ങളിലെ സമഗ്ര കുടിവെള്ളപദ്ധതികളുടെ പുരോഗതിവിലയിരുത്തി കേന്ദ്രസംഘം സമർപ്പിച്ച റിപ്പോർട്ടിൽ തുടർനടപടികൾ സ്വീകരിക്കും. സ്വകാര്യ ടെലികോം കമ്പനികൾ റോഡുകൾ കുഴിക്കുമ്പോൾ വാട്ടർ അഥോറിറ്റിയുടെ പൈപ്പുകൾ പൊട്ടുന്നത് തടയാൻ നടപടി സ്വീകരിക്കും. വെട്ടിക്കവല വിളക്കുടി, മേലില പഞ്ചായത്തുകളിലെ പദ്ധതിപ്രവർത്തന റിപ്പോർട്ട് അവതരിപ്പിച്ചു. തെന്മല പഞ്ചായത്ത് പ്രസിഡന്‍റ് കെ. ശശിധരൻ, തദ്ദേശസ്വയംഭരണ വകുപ്പ് ജോയിൻ ഡയറക്ടർ സുബോധ്, ജലശുചിത്വ സമിതി സെക്രട്ടറി മഞ്ജു, വിവിധ വകുപ്പുകളിലെ ഉദ്യോഗസ്ഥർ എന്നിവർ പങ്കെടുത്തു.

ട്രെയിൻ തട്ടി മരിച്ചു

കുണ്ടറ: കൊടുവിള പുളിവിള വീട്ടിൽ ജോസഫ് (50) നെ ഇന്നലെ രാവിലെ ആശുപത്രിമുക്ക് കലുങ്കിനു സമീപം ട്രെയിൻ തട്ടി മരിച്ച നിലയിൽ കണ്ടെത്തി. ആളെ ആദ്യം തിരിച്ചറിയാൻ സാധിച്ചില്ല. ചിത്രങ്ങൾ കണ്ടു ലക്ഷണങ്ങളും ധരിച്ചിരുന്ന വസ്ത്രങ്ങളുടെ നിറങ്ങളും ഉൾപ്പെടെ തിരിച്ചറിഞ്ഞ ബന്ധുക്കൾ കുണ്ടറ പോലീസുമായി ബന്ധപ്പെടുകയായിരുന്നു. സംസ്കാരം നടത്തി.

പാരിപ്പള്ളി ലയൺസ് ക്ലബ് ഡോക്ടേഴ്സ് ദിനം ആചരിച്ചു

പാരിപ്പള്ളി : പാരിപ്പള്ളി ലയൺസ് ക്ലബിന്‍റെ നേതൃത്വത്തിൽ ഡോക്ടേഴ്സ്ദിന മാചരിച്ചു. പാരിപ്പള്ളി മെഡിക്കൽ കോളജിലെ ഡോക്ടർമാരെ ആദരിച്ചു.പ്രിൻസിപ്പൽ ഓഫീസിൽ നടന്ന ചടങ്ങിൽ പ്രസിഡന്‍റ് അനിൽകുമാർ അധ്യക്ഷത വഹിച്ചു. പ്രിൻസിപ്പൽ ഡോ. കെ.എസ്. മീന, സുപ്രണ്ട് ഡോ. സി.പി. രാജേന്ദ്രൻ തുടങ്ങിയവർ പ്രസംഗിച്ചു. അശോക് കുമാർ ,സോൺ ചെയർമാൻ രഞ്ജൻ,സഫസലിം , രാധാകൃഷ്ണപിള്ള, മോഹനൻ ശ്രീകണ്ഠൻ എന്നിവർ ചടങ്ങിൽ പങ്കെടുത്തു.

മത്സ്യമാലിന്യം കയറ്റി വന്ന ലോറി ചാത്തന്നൂരിൽ കുടുങ്ങി

ചാത്തന്നൂർ : മത്സ്യമാലിന്യവുമായി വന്ന വാഹനം അപകടത്തിൽ പെട്ട് ദേശിയ പാതയോരം ദുർഗന്ധത്തിലായി. അസഹ്യമായ ദുർഗന്ധം പരന്നതോടെ വഴിയാത്രക്കാരിൽ പലർക്കും ഛർദ്ദിയും അസ്വസ്ഥതകളും ഉണ്ടായി. വാഹനത്തിന്‍റെ മലിനജല ടാങ്ക് പൊട്ടിയതോടെയാണ് പാതയോരം ആകെ ദുർഗന്ധ പൂരിതമായത്. തിങ്കളാഴ്ച വൈകുന്നേരം ആണ് സംഭവം. അമ്പലപ്പുഴയിൽ നിന്നും മത്സ്യമാലിന്യവുമായി തമിഴ് നാട്ടിലെ കൂനം കുളത്തേക്ക് പോവുകയായിരുന്ന മൂടിയുള്ള വാഹനത്തിന്‍റെ മലിനജല സംഭരണി പൊട്ടി മലിനജലം റോഡിൽ ഒഴുകുകയായിരുന്നു. വാഹനത്തെ പിന്തുടർന്ന് ചാത്തന്നൂർ പെട്രോൾ പമ്പിന് സമീപം വച്ച് നാട്ടുകാർ തടഞ്ഞു.തുടർന്ന് ദേശീയ പാതയിൽ ആളൊഴിഞ ഭാഗത്ത് ഒതുക്കിയ വാഹനത്തിന്‍റെ ടാങ്ക് അഴിച്ചു മാറ്റി മുകളിലേയ്ക്ക് ഉയർത്തി കെട്ടിയ ശേഷം രാത്രി ഒന്പതോടെ യാത്ര തുടർന്നു. തുടർന്ന് ഗ്രാമപഞ്ചായത്ത് അധികൃതർ എത്തി വാഹനം കിടന്ന ഭാഗത്ത് അണുനാശിനി ഒഴിച്ച് ശുചിയാക്കി.

ഇടതുപക്ഷ ദുര്‍ഭരണത്തില്‍ ആരോഗ്യ വകുപ്പിന്‍റെ ആരോഗ്യം പോയി: അഡ്വ.എ.ഷാനവാസ്‌ഖാന്‍

കൊല്ലം: ഇടതുപക്ഷ ദുര്‍ഭരണത്തില്‍ ആരോഗ്യ വകുപ്പിന്‍റെ ആരോഗ്യം തന്നെ പൂര്‍ണമായും നഷ്ടപ്പെട്ടെന്ന് കെപിസിസി നിര്‍വാഹക സമിതി അംഗം അഡ്വ. എ. ഷാനവാസ്‌ഖാന്‍ അഭിപ്രായപ്പെട്ടു. മയ്യനാട്‌ സി. കേശവന്‍ ആശുപത്രിയുടെ തകര്‍ച്ചയ്‌ക്ക്‌ കാരണം ഇരവിപുരം എം എല്‍ എ നൗഷാദിന്‍റെയുംമുഖത്തല ബ്ലോക്ക്‌ പഞ്ചായത്തിന്‍റെയും അനാസ്ഥയാണെന്ന്‌ ഷാനവാസ്‌ഖാന്‍ കുറ്റപ്പെടുത്തി. ഇടിഞ്ഞ്‌ വീഴുന്ന ആശുപത്രി കെട്ടിടങ്ങളും മരുന്നും ഡോക്ടര്‍മാരും ജീവനക്കാരും ഇല്ലാത്ത ആശുപത്രികളും ലോക നിലവാരത്തില്‍ നിന്ന കേരളത്തിന്‍റെആരോഗ്യ മേഖലയെ ബഹുദൂരം പിറകിലേക്ക്‌ നയിച്ചു. സര്‍വാദരണീയനായ മുന്‍ മുഖ്യമന്ത്രി സി. കേശവന്‍ അദ്ദേഹത്തിന്‍റെ ജന്മനാട്ടില്‍ മുന്‍കൈ എടുത്ത്‌ സ്ഥാപിച്ച, അദ്ദേഹത്തിന്‍റെ സ്‌മാരകമായി അറിയപ്പെടുന്ന ആശുപത്രിയോടുള്ള അവഗണന അത്യന്തം പ്രതിഷേധാര്‍ഹമാണ്. പൊട്ടിപ്പൊളിഞ്ഞിരിക്കുന്ന കെട്ടിടം ഇടിഞ്ഞ്‌ വീഴാതിരിക്കുന്നത്‌ മയ്യനാടിന്‍റെ സുകൃതം കൊണ്ടാണെന്നും ഷാനവാസ്‌ഖാന്‍ പറഞ്ഞു. കെപി സി സിയുടെ അഹ്വാനം അനുസരിച്ച്‌ ഇരവിപുരം ബ്ലോക്ക്‌ കോണ്‍ഗസ്‌ കമ്മിറ്റി മയ്യനാട്‌ ആശുപത്രിയിലേക്ക്‌ നടത്തിയ മാര്‍ച്ചും ധര്‍ണയും ഉദ്‌ഘാടനം ചെയ്‌ത്‌ പ്രസംഗിക്കുകയായിരുന്നു അദ്ദേഹം. ഇരവിപുരം ബ്ലോക്ക്‌ കോണ്‍ഗ്രസ്‌ കമ്മിറ്റി പ്രസിഡന്‍റ് എം. നാസര്‍ അധ്യക്ഷത വഹിച്ചു. മയ്യനാട്‌ പഞ്ചായത്തിന്‍റെ വികസന മുരടിപ്പിന്‌ കാരണം തുടര്‍ച്ചയായ മാര്‍ക്‌സിസ്റ്റ്‌ ഭരണം ആണെന്ന്‌ എം. നാസര്‍ പറഞ്ഞു. എം എല്‍ എ ഫണ്ട്‌ ഉപയോഗിച്ച ്മയ്യനാട്‌ ആശുപത്രിക്ക്‌ വേണ്ടി വാങ്ങിയ ആംബുലന്‍സ്‌ ഇപ്പോള്‍ എവിടെ ആണെന്ന്‌ അന്വേഷിക്കണമെന്നും നാസര്‍ ആവശ്യപ്പെട്ടു. യോഗത്തില്‍ ഡി സി സി ഭാരവാഹികളായ എസ്‌. വിപിനചന്ദ്രന്‍, ആര്‍. എസ്‌. അബിന്‍, ആദിക്കാട്‌ മധു, വാളത്തുംഗല്‍ രാജഗോപാല്‍, ആനന്ദ്‌ ബ്രഹ്മാനന്ദ്‌, ഐ എന്‍ ടി യു സി ജില്ല ജന. സെക്രട്ടറി ബി. ശങ്കരനാരായണപിള്ള, കെ. ബി. ഷഹാല്‍, ബി. ഹേമചന്ദ്രന്‍, അഡ്വ. ജി. അജിത്‌, ബൈജു ആലുംമൂട്ടില്‍, മണക്കാട്‌ സലീം, എ. സജീബ്‌ഖാന്‍, ഹുസൈന്‍ പള്ളിമുക്ക്‌, പി. ലിസ്റ്റണ്‍, കമറുദ്ദീന്‍, ജി. വേണു എന്നിവര്‍ പ്രസംഗിച്ചു.

മത്സ്യതൊഴിലാളി വനിതകൾക്ക് സാഫ് ധനസഹായ പദ്ധതി

കൊല്ലം: സാഫ് മുഖേന നടപ്പാക്കുന്ന പദ്ധതികള്‍ക്ക് ധനസഹായം ലഭിക്കുന്നതിന് മത്സ്യ ത്തൊഴിലാളി വനിതകളില്‍ നിന്നും അപേക്ഷ ക്ഷണിച്ചു. രണ്ട് മുതല്‍ അഞ്ച് വരെ മത്സ്യത്തൊഴിലാളി കുടുംബങ്ങളിലെ സ്ത്രീകള്‍ ഉള്‍പ്പെടുന്ന ഗ്രൂപ്പുകള്‍ക്ക് സൂക്ഷ്മ സംരംഭങ്ങള്‍ ആരംഭിക്കുന്നതിനും മത്സ്യത്തൊഴിലാളി കുടുംബങ്ങളിലെ സ്ത്രീകള്‍ക്ക് തങ്ങളുടെ കുടുംബാംഗങ്ങളുടെ സഹായത്തോടെ ഒറ്റയ്ക്ക് നടത്താവുന്ന ‘ഒരു കുടുംബത്തിന് ഒരു സംരംഭം’ തുടങ്ങുന്നതിനും ധനസഹായം നല്‍കുന്ന പദ്ധതികള്‍ക്കാണ് അപേക്ഷിക്കാൻ കഴിയുക. ഒരു ഗുണഭോക്താവിന് സംരംഭത്തി െ ന്‍റ ആവശ്യം പരിഗണിച്ച് പരമാവധി 100000 രൂപ വരെ ഗ്രാന്‍റായി നല്‍കും. 75 ശതമാനം ഗ്രാന്‍റം , 20 ശതമാനം ബാങ്ക്‌ലോണും, അഞ്ച് ശതമാനം ഗുണഭോക്ത്യ വിഹിതവുമാണ്. അപേക്ഷകര്‍ മത്സ്യത്തൊഴിലാളി കുടുംബ രജിസ്റ്ററില്‍ ഉള്‍പ്പെട്ടിട്ടുള്ള 18 മുതല്‍ 45 വയസുവരെയുള്ള സ്ത്രീകളായിരിക്കണം. മത്സ്യഭവനുകള്‍, സാഫ് നോഡല്‍ ഓഫീസ്, വെബ്‌സൈറ്റിലും അപേക്ഷകള്‍ ലഭിക്കും. അവസാന തീയതി 21. ഫോണ്‍: 9495681198, 8547783211.

സർവീസ് പാതയുടെ വീതി കൂട്ടണം: കല്ലുവാതുക്കൽ ഗ്രാമപഞ്ചായത്ത്

പാരിപ്പള്ളി:പാരിപ്പള്ളിയിൽ നിന്നും വർക്കല ഭാഗത്തേയ്ക്ക് പോകുന്ന വാഹനങ്ങൾ ദേശീയപാതയിലെ മുക്കട ജംഗ്ഷനിലുള്ളഅടിപ്പാതമുറിച്ചുകടന്നാണ് വർക്കല പാതയിലേയ്ക്ക് പ്രവേശിക്കുന്നത്. വീതി കുറവ് കാരണം സർവീസ് പാതയിൽ വഹനങ്ങളെ മറി കടക്കാനും കഴിയില്ല. വലിയ വാഹനങ്ങൾക്ക് അടിപ്പാത മുറിച്ച് കടക്കാൻ പ്രയാസമാണ്. അടിപ്പാതയിൽ നിന്നും സർവീസ് പാതയിലേക്ക് പ്രവേശിക്കുന്ന ഭാഗം മുതൽ വർക്കല റോഡ് ആരംഭിക്കുന്ന ഭാഗം വരെ ഇരുവശത്തേയ്ക്കും വാഹനങ്ങൾ കടന്നുപോകുന്ന തരത്തിൽ സർവീസ് പാതയുടെ വീതി കൂട്ടണം. വീതി വർധിപ്പിക്കുന്നതിന് സ്ഥലം ഏറ്റെടുത്ത് നൽകുന്നതിനു സംസ്ഥാന സർക്കാരിനോട് അഭ്യർഥിച്ചു കൊണ്ടുള്ള പ്രമേയം കല്ലുവാതുക്കൽ ഗ്രാമ ഗ്രാമഞ്ചായത്ത് പാസാക്കി.ചാവർ കോട് വാർഡ് അംഗം എസ്. വിജയനാണ് പ്രമേയംഅവതരിപ്പിച്ചത്.കടമ്പാട്ടുകോണം വാർഡ് അംഗം എൽ.ബിന്ദു പ്രമയത്തെ പിൻതാങ്ങി. പഞ്ചായത്ത് വിഷയം വിശദമായി ചർച്ച ചെയ്യുകയും കമ്മിറ്റി ഐകകണ്ഠന അംഗീകരിക്കുകയും തുടർനടപടികൾക്കായി സംസ്ഥാന സർക്കാറിന് സമർപ്പിക്കുന്നതിന് തീരുമാനിക്കുകയും ചെയ്തു.

സംസ്ഥാന സബ്-ജൂണിയർ ഗേൾസ് ഫുട്ബോൾ ചാമ്പ്യൻഷിപ്പ്: സംഘാടകസമിതി രൂപീകരിച്ചു

ചവറ: കേരള ഫുട്ബോൾ അസോസിയേഷന്‍റെഈ വർഷത്തെ സംസ്ഥാന സബ്- ജൂണിയർ ഗേൾസ് ഫുട്ബോൾ ചാമ്പ്യൻഷിപ്പ് ജൂലൈ മാസം അവസാനവാരം ചവറയിൽ നടക്കും. സംഘാടക സമിതി രൂപീകരണ യോഗം ചവറ ബ്ലോക്ക് പഞ്ചായത്ത് ഓഡിറ്റോറിയത്തിൽ നടന്നു. ബ്ലോക്ക് പഞ്ചായത്ത് പ്രസിഡന്‍റ് സന്തോഷ് തുപ്പാശേരിയുടെ അധ്യക്ഷതയിൽ കൂടിയ യോഗം ഡോ. സുജിത്ത് വിജയൻ പിള്ള എംഎൽഎഉദ്ഘാടനംചെയ്തു. ചടങ്ങിൽ ചവറ ഗ്രാമപഞ്ചായത്ത് പ്രസിഡന്‍റ് അഡ്വ .സുരേഷ് കുമാർ, ബ്ലോക്ക് പഞ്ചായത്ത് വൈസ് പ്രസിഡന്‍റ് സോഫിയ സലാം,പന്മന ഗ്രാമ പഞ്ചായത്ത് വൈസ്പ്രസിഡന്‍റ്പന്മന ബാലകൃഷ്ണൻ, എം. പ്രസന്നൻ ഉണ്ണിത്താൻ,നിഷാ സുനീഷ് സി.രതീഷ്, മനോജ് കുമാർ ,രതീഷ്, ജോയ് ആന്‍റണി, ജിജി, മല്ലയിൽ സമദ്, എം .ജെ. ജയകുമാർ, ദ്വാരക ജി.മോഹൻ, ഗംഗാധരൻ,മുരളീധരൻ, രാജേന്ദ്രൻ,കുരുവിള ജോസഫ്, മനീഷ് റഷീദ്, പന്മനമഞ്ചേഷ്,ഹിജാസ് എന്നിവർ പ്രസംഗിച്ചു. ഡോ: സുജിത്ത് വിജയൻ പിള്ള എംഎൽഎ ചെയർമാനായി സംഘാടകസമിതി രൂപീകരിച്ചു.

തലമുറകളെ വായനയിലേക്ക് ചേര്‍ത്തുപിടിച്ച് വായനപക്ഷാചരണത്തിന് സമാപനം

കൊല്ലം: ഇനിയുമെറേ അറിയാനുണ്ടെന്ന തിരിച്ചറിവില്‍, നന്നായി വായിക്കുന്നവരെ നല്ല മനുഷ്യരാകൂയെന്ന് ഓര്‍മപ്പെടുത്തി വായനപക്ഷാചരണം സമാപിച്ചു. ജില്ല ഇന്‍ഫര്‍മേഷന്‍ ഓഫീസി െ ന്‍റ നേതൃത്വത്തില്‍ ജില്ല ശിശുക്ഷേമ സമിതി, ജില്ല ലൈബ്രറി കൗണ്‍സില്‍, പൊതുവിദ്യാഭ്യാസ വകുപ്പ് എന്നിവ സംയുക്തമായി സംഘടിപ്പിച്ച സമാപനസമ്മേളനം ടി കെ ഡി എം സര്‍ക്കാര്‍ ഹയര്‍ സെക്കന്‍ററി സ്‌കൂളില്‍ നടന്നു. വായനപക്ഷാചരണ ഭാഗമായി വിദ്യാര്‍ഥികള്‍ക്കായി നടത്തിയ ഭാഷാപ്രശ്‌നോത്തരി മത്സരത്തിലെ വിജയികള്‍ക്ക് സമ്മാനങ്ങള്‍ കൈമാറി. ഹൈസ്‌കൂള്‍ വിഭാഗത്തില്‍ പത്താം ക്ലാസ് വിദ്യാര്‍ഥി ആര്‍. യദുകൃഷ്ണന്‍, എച്ച് എസ് എസ് വിഭാഗത്തില്‍ എസ്. വിജയ്, വി എച്ച് എസ് സി വിഭാഗത്തില്‍ എസ്. ഗോകുല്‍ കൃഷ്ണന്‍ എന്നിവരാണ് വിജയികളായത്. പത്താം ക്ലാസ് വിദ്യാര്‍ഥിനി സാരംഗി വൈക്കം മുഹമ്മദ് ബഷീറി െന്‍റ 'ഭൂമിയുടെ അവകാശികള്‍' എന്ന പുസ്തകം പരിചയപ്പെടുത്തി. ഡെപ്യൂട്ടി കളക്ടര്‍ രാകേഷ്‌കുമാര്‍ മുഖ്യപ്രഭാഷണം നടത്തി മത്സരവിജയികള്‍ക്ക് സമ്മാനങ്ങള്‍ കൈമാറി. ജില്ല ശിശുക്ഷേമസമിതി സെക്രട്ടറി ഡി. ഷൈന്‍ദേവ് അധ്യക്ഷനായി. ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് മേഖല ഡെപ്യൂട്ടി ഡയറക്ടര്‍ കെ. എസ്. ശൈലേന്ദ്രന്‍, ജില്ല ഇന്‍ഫര്‍മേഷന്‍ ഓഫീസര്‍ എല്‍. ഹേമന്ത് കുമാര്‍, സിനി വര്‍ഗീസ്, ടി.എം. ബിന്ദു, ആര്‍. ഗീത, കറവൂര്‍. എല്‍. വര്‍ഗീസ് തുടങ്ങിയവര്‍ പങ്കെടുത്തു.

പേഴുംതുരുത്തിലേക്ക് വീണ്ടും കെഎസ്ആർടിസി സർവീസ്

കൊല്ലം: കോവിഡ് കാലത്ത് നിർത്തിവച്ച മൺട്രോത്തുരുത്ത് പേഴുംതുരുത്തിലേക്കുള്ള കെഎസ്ആർടിസി ബസ് സർവീസ് പുനഃരാരംഭിക്കുന്നു. കൊല്ലത്തേക്കുള്ള ഓർഡിനറി സർവീസും, തിരുവനന്തപുരത്തേക്ക് ഫാസ്റ്റ് പാസഞ്ചർ സർവീസുമാണ് വീണ്ടും ആരംഭിക്കുന്നത്. ബസ് സർവിസ് ആരംഭിക്കണമെന്ന് കോവൂർ കുഞ്ഞുമോൻ എംഎൽഎ മന്ത്രി കെ.ബി ഗണേഷ് കുമാറിനോട് ആവശ്യപ്പെട്ടതിനെത്തുടർന്നാണ് ബസ് സർവീസ് ആരംഭിക്കാൻ തീരുമാനിച്ചത്. പേഴുംതുരുത്തിൽ യാത്ര അവസാനിപ്പിക്കുമ്പോൾ ജീവനക്കാർക്ക് ആവശ്യമായ സൗകര്യങ്ങൾ ലഭ്യമാക്കുമെന്നുള്ള ഉറപ്പിലാണ് ബസുകൾ വീണ്ടും അനുവദിച്ചത്. പേഴുംതുരുത്ത് കയർ സഹകരണ സംഘത്തിൽ ജീവനക്കാർക്ക് സൗകര്യമൊരുക്കുന്ന ജോലികൾ പുരോഗമിക്കുകയാണ്. കൊല്ലം എടിഒ നാസറിന്‍റെനേതൃത്വത്തിൽ ജീവനക്കാർ കയർ സഹകരണസംഘം സന്ദർശിച്ചു. ദിവസങ്ങൾക്കുള്ളിൽ സർവീസ് തുടങ്ങാനാകുമെന്ന് കയർ സഹകരണസംഘം പ്രസിഡന്‍റ് ബി. രവികുമാർ, കെ. മധു, എസ്. അഭിജിത്ത് എന്നിവർ അറിയിച്ചു.

ഞാറ്റുവേലചന്തയും കർഷകസഭയും

പാരിപ്പള്ളി:കല്ലുവാതുക്കൽ ഗ്രാമപ്പഞ്ചായത്ത് കൃഷിഭവൻ്റെ ആഭിമുഖ്യത്തിൽ കർഷകർക്കായി ഞാറ്റുവേല ചന്തയും കർഷകസഭയും സംഘടിപ്പിച്ചു. കല്ലുവാതുക്കൽ കൃഷിഭവനിൽ നടന്ന ഞാറ്റ്വേലചന്തയിൽ പച്ചക്കറിത്തൈകൾ, വിവിധയിനം ഫലവൃക്ഷത്തൈകൾ, കുരുമുളക് തൈകൾ ,ജീവാണു വളങ്ങൾ, വളർച്ചാ ത്വരകങ്ങൾ തുടങ്ങി ഗുണമേന്മയേറിയ ഉല്പന്നങ്ങൾ കർഷകർക്ക് ലഭ്യമാക്കി. ഗ്രാമപ്പഞ്ചായത്ത് പരിധിയിലെ നിരവധി കർഷകർ ഞാറ്റ് വേല ച്ചന്തയിൽ പങ്കാളികളായി.കല്ലുവാതുക്കൽ ഗ്രാമപ്പഞ്ചായത്ത് പ്രസിഡന്‍റ് എൻ. ശാന്തിനി ഞാറ്റ് വേലച്ചന്തയും കർഷക സഭയും ഉദ്ഘാടനം ചെയ്തു. ക്ഷേമകാര്യ സ്ഥിരം സമിതി അധ്യക്ഷ സുഭദ്രമ്മ, വാർഡ് മെമ്പർ വിജയൻ, ഫൗസിയ ,കൃഷി അസിസ്റ്റന്‍റ് ശ്രീലേഖ, തുടങ്ങിയവർ പ്രസംഗിച്ചു.

എഴുകോണ്‍ ആധുനിക മത്സ്യ മാര്‍ക്കറ്റ് നിര്‍മാണം ഉടന്‍ ആരംഭിക്കും: മന്ത്രി കെ.എന്‍. ബാലഗോപാല്‍

കൊല്ലം: എഴുകോണിലെ അത്യാധുനിക മത്സ്യ മാര്‍ക്കറ്റി െ ന്‍റയും വ്യാപാര സമുച്ചയത്തി െ ന്‍റയും നിര്‍മാണം ഉടന്‍ ആരംഭിക്കുമെന്ന് മന്ത്രി കെ. എന്‍. ബാലഗോപാല്‍. പ്രദേശം സന്ദര്‍ശിച്ച് സ്ഥിതിഗതികള്‍ മന്ത്രി വിലയിരുത്തി. വ്യാപാര സമുച്ചയത്തി െ ന്‍റയും മത്സ്യ മാര്‍ക്കറ്റി െ ന്‍റയും നിര്‍മാണത്തിന് ബജറ്റില്‍ മൂന്ന് കോടി രൂപയാണ് വകയിരുത്തിയത്. ടെന്‍ഡര്‍ നടപടിക്രമങ്ങള്‍ പൂര്‍ത്തിയാക്കി. നിലവിലുള്ളതിനേക്കാള്‍ കൂടുതല്‍ വാഹനങ്ങള്‍ക്ക് പാര്‍ക്ക് ചെയ്യാനുള്ള സൗകര്യം പുതിയ കെട്ടിടത്തിൽ ഉണ്ടാവും. മത്സ്യ മാര്‍ക്കറ്റില്‍ മാലിന്യം സംസ്‌കരിക്കുന്നതിനായി പ്ലാന്‍റ ും ദുര്‍ഗന്ധം ഉണ്ടാവാതിരിക്കാന്‍ സംവിധാനങ്ങളുമൊരുക്കും. വ്യാപാര സമുച്ചയത്തില്‍ സര്‍ക്കാര്‍ ഓഫീസുകളും കടകളും പ്രവര്‍ത്തിക്കുന്നതിനുള്ള സൗകര്യം സജമാക്കും. ഭാവിയില്‍ ആവശ്യാനുസരണം മുകളിലേക്ക് വികസിപ്പിക്കാന്‍ കഴിയുന്ന രീതിയിലാണ് കെട്ടിടം പണിയുക. തീരദേശ വികസന കോര്‍പറേഷനാണ് നിര്‍മാണ ഏജന്‍സി. സമയബന്ധിചതമായി നിര്‍മാണ പ്രവര്‍ത്തനങ്ങള്‍ പൂര്‍ത്തിയാക്കുമെന്നും മന്ത്രി പറഞ്ഞു. എഴുകോണ്‍ ഗ്രാമപഞ്ചായത്ത് പ്രസിഡന്‍റ് അഡ്വ. ബിജു എബ്രഹാം, വൈസ് പ്രസിഡന്‍റ് സുബര്‍ഹാന്‍, മറ്റ് ജനപ്രതിനിധികള്‍ തുടങ്ങിയവര്‍ സന്ദര്‍ശനത്തില്‍ പങ്കെടുത്തു.

ജില്ലയിൽ മൊബൈൽ എബിസി യൂണിറ്റ് ഈമാസം തുടങ്ങും

കൊല്ലം: ജില്ലയിൽ മൃഗസംരക്ഷണ വകുപ്പ് ഈ മാസം അവസാത്തോടെ മൊബൈൽ എബിസി യൂണിറ്റ് ആരംഭിക്കും.യൂണിറ്റുകൾ നായ്ക്കളുടെ വന്ധ്യംകരണം ആവശ്യമുള്ള പ്രദേശങ്ങളിലേക്ക് എത്തും. ജില്ലയിൽ നിലവിൽ പ്രവർത്തിച്ച് വരുന്ന എബിസി സെന്‍ററുകൾക്കെതിരേ വർധിച്ചുവരുന്ന പ്രതിഷേധത്തിന്‍റെ പശ്ചാത്തലത്തിലാണ് മൃഗസംരക്ഷണ വകുപ്പിന്‍റെ നടപടി . ഇന്ത്യൻ ഇമ്യൂണോളജിക്കൽസ് ലിമിറ്റഡ് സിഎസ്ആർ ഫണ്ടുകൾ ഉപയോഗിച്ച് സംസ്ഥാന മൃഗസംരക്ഷണ വകുപ്പിനായി രണ്ട് പോർട്ടബിൾ എബിസി യൂണിറ്റുകൾക്കാണ് ധനസഹായം നൽകിട്ടുള്ളത്. ആദ്യ യൂണിറ്റ് തിരുവനന്തപുരത്തും രണ്ടാം യൂണിറ്റ് ജൂലൈ അവസാനത്തോടെ കൊല്ലത്തും പ്രവർത്തനം ആരംഭിക്കുമെന്ന് ജില്ലാ മൃഗസംരക്ഷണ ഓഫീസർ ഡോ. ഷൈൻ കുമാർ പറഞ്ഞു. ജില്ലയിലെ എബിസി സെന്‍ററുകൾ നിലവിൽ പ്രവർത്തനരഹിതമാണ്, മറ്റ് പ്രദേശങ്ങളിൽ നിന്നുള്ള നായ്ക്കളെ വന്ധ്യംകരണത്തിനായി ഇവിടെ കൊണ്ടുവരുന്നുണ്ടെന്നാണ് പ്രദേശവാസികൾ ആരോപിക്കുന്നത്. പോർട്ടബിൾ എബിസി സെന്‍റർ തെരുവ് നായ്ക്കളെ പിടികൂടി വന്ധ്യംകരണം നടത്തി. വാഹനത്തിൽ അഞ്ചു ദിവസം നിരീക്ഷിച്ച് പിടിച്ച സ്ഥലത്തു തന്നെ തുറന്നു വിടും. ഓരോ യൂണിറ്റിലും ഒരു എയർ കണ്ടീഷൻ ചെയ്ത ഓപറേഷൻ തിയേറ്ററും ശസ്ത്രക്രിയയ്ക്ക് ശേഷം നായ്ക്കളെ പാർപ്പിക്കുന്നതിനുള്ള കൂടുകളും ഉണ്ടാകും. ഒരു യൂണിറ്റിൽ ഒരു സമയം രണ്ട് നായ്ക്കളെ ശസ്ത്രക്രിയ ചെയ്യാൻ കഴിയും. മൊബൈൽ യൂണിറ്റ് ജനസാന്ദ്രത കുറഞ്ഞ പ്രദേശങ്ങളിലാണ് പ്രവർത്തിക്കുക. യൂണിറ്റുകൾ ഒരു സ്ഥലത്തു നിന്നും മറ്റൊരു സ്ഥലത്തേയ്ക്ക് മാറ്റുന്ന വാഹന ചെലവ് തദ്ദേശ സ്വയം ഭരണ സ്ഥാപനങ്ങളോ, ജില്ലാ പഞ്ചായത്തോ നൽകും. തദ്ദേശ ഭരണ സ്ഥാപനങ്ങൾ ആവശ്യപ്പെടുന്ന ദിവസങ്ങളിൽ സെന്‍റർ അവിടെ പ്രവർത്തിക്കും. തെരുവുനായ്ക്കളുടെ എണ്ണം വർധിച്ചതും, പേവിഷ ബാധയേറ്റുള്ള മരണം കൂടിയതുമാണ് പദ്ധതി ആരംഭിക്കാൻ മൃഗസംരക്ഷണ വകുപ്പിനെ പ്രേരിപ്പിച്ച പ്രധാന ഘടകം.

അവകാശ വാദങ്ങൾ അടിസ്ഥാന രഹിതം: കോൺഗ്രസ്

ചാത്തന്നൂർ :പോളച്ചിറ ഏലാ വികസനവുമായി ബന്ധപ്പെട്ട് ബിജെപി നേതാക്കൾ ഉന്നയിക്കുന്ന അവകാശ വാദങ്ങൾ അടിസ്ഥാന രഹിതമാണെന്ന് ചാത്തന്നൂർ ബ്ലോക്ക് കോൺഗ്രസ്കമ്മിറ്റി പ്രസിഡന്‍റ് ബിജുവിശ്വരാജൻ അഭിപ്രായപ്പെട്ടു. തെക്കൻ കേരളത്തിലെ ഏറ്റവും വലിയ നെല്ലറയും, ഏറ്റവും വികസന സാധ്യതയുള്ള കുട്ടനാട് മോഡൽ പൊക്കാളി പാടശേഖരവും ആയ പോളച്ചിറ ഏലാ അധികൃതരുടെ അനാസ്ഥയിലകപ്പെട്ട ചുവപ്പ് നാടയിൽ കുരുങ്ങി കിടക്കുകയായിരുന്നു. കോൺഗ്രസ് മുൻ മണ്ഡലം പ്രസിഡന്‍റ് കെ.സുജയ് കുമാർ ചിറക്കര ഗ്രാമ പഞ്ചായത്ത്‌ വൈസ് പ്രസിഡന്‍റായി ചുമതല ഏറ്റെടുത്ത ശേഷമാണ് പോളച്ചിറ പാടശേഖര സമിതിക്ക് പുതു വെളിച്ചം പകർന്നത്. കൃഷി വകുപ്പിന്‍റെ നിയന്ത്രണത്തിൽ ആലപ്പുഴ കേന്ദ്രമായി പ്രവർത്തിക്കുന്ന പുഞ്ച സ്‌പെഷ്യൽഓഫീസിന്‍റെപരിധിയിൽ പോളച്ചിറ ഏലായെ ഉൾപ്പെടുത്തിയതും. പതിറ്റാണ്ടുകളായി ചാത്തന്നൂർ , ചിറക്കര ഗ്രാമ പഞ്ചായത്തുകളിൽ ഭരണത്തിലിരുന്നവർക്ക് ഒന്നും നടപ്പാക്കാൻ സാധിക്കാതെ പോയ കാര്യമാണ് കർഷകർക്ക് പ്രയോജന പ്രദമായ പദ്ധതിയിലൂടെ കോൺഗ്രസിന് നടപ്പാക്കാൻ കഴിഞ്ഞതെന്നും ബ്ലോക്ക് പ്രസിഡന്‍റ് പറഞ്ഞു.

പ്രതിപക്ഷ സമരത്തെ പിണറായിയുടെ പോലീസ് അടിച്ചമർത്തുന്നു

കൊട്ടാരക്കര: മന്ത്രി വീണജോർജ് രാജി വെക്കണമെന്ന് ആവശ്യപ്പെട്ടു കൊട്ടാരക്കര, എഴുകോൺ, കോൺഗ്രസ് ബ്ലോക്ക്‌ ബ്ലോക്ക്‌ കമ്മിറ്റികളുടെ നേതൃത്വത്തിൽ കൊട്ടാരക്കര താലൂക്ക് ആശുപത്രിയിലേക്ക് പ്രതിഷേധ മാർച്ച്‌ നടത്തി. പ്രതിഷേധത്തിനിടെ പോലീസ് സ്ഥാപിച്ച ബാരിക്കേഡിന് മുകളിൽ കയറിയ യൂത്ത് കോൺഗ്രസ്‌ പ്രവർത്തകരെ പോലീസ് അറസ്റ്റ് ചെയ്തു നീക്കിയത് ചെറിയ സംഘർഷത്തിനിടയാക്കി. കസ്റ്റഡിയിലെടുത്ത പ്രവർത്തകരെ വിട്ടയക്കണം എന്നാവശ്യപ്പെട്ടു ഡി സി സി പ്രസിഡന്‍റി െ ന്‍റ നേതൃത്വത്തിൽ പോലീസ് സ്റ്റേഷനിലേക്ക് മാർച്ച് നടത്തി. ചർച്ചയ്ക്കൊടുവിൽ പ്രവർത്തകരെ ജാമ്യത്തിൽ വിട്ടയച്ചു. പ്രതിഷേധ സമരം ഡി സി സി പ്രസിഡന്‍റ് രാജേന്ദ്രപ്രസാദ് ഉദ്ഘാടനം ചെയ്തു. മാർച്ചിന് ബ്ലോക്ക്‌ പ്രസിഡന്‍റ ുമാരായ കെ. ജി. അലക്സ്‌, ജയപ്രകാശ്, ഡി സി സി ജനറൽ സെക്രട്ടറി പി. ഹരി കുമാർ, നടുക്കുന്നിൽ വിജയൻ, ഇഞ്ചക്കാട് നന്ദകുമാർ, ബ്രിജേഷ് എബ്രഹാം, വി. ഫിലിപ്പ്, പവിജ, ശോഭ, ജയലക്ഷ്മി. തുടങ്ങിയവർ നേതൃത്വം നൽകി.

പുറ്റിംഗൽ ദുരന്തക്കേസ്: ജഡ്ജിയെ മാറ്റി

കൊല്ലം: പുറ്റിംഗൽ വെടിക്കെട്ട് ദുരന്തക്കേസ് പരിഗണിച്ചിരുന്ന സ്പെഷൽ ജസ്ജി ഡോ. സി.എസ്. മോഹിതിന് മാറ്റം. ഹൈക്കോടതി നിർദേശ പ്രകാരം അദ്ദേഹത്തെ കൊല്ലം വിജിലൻസ് കോടതി ജഡ്ജി ആയാണ് മാറ്റി നിയമിച്ചത്. പുതുതായി സ്ഥിരം ജഡ്ജിയെ ഹൈക്കോടതി നിർദേശിക്കുന്നത് വരെ മൂന്നാം അഡീഷണൽ ജില്ലാ സെഷൻസ് ജഡ്ജി എം.സി. ആന്‍റണിക്ക് കേസിന്‍റെ താത്ക്കാലിക ചുമതല നൽകിയിട്ടുണ്ട്. കേസിൽ സ്ഥിരം ജഡ്ജിയെ ഉടൻ നിയമിക്കുമെന്നാണ് വിവരം. അതേ സമയം മുപ്പതാം പ്രതി പിടികിട്ടാപ്പുള്ളിയായ അടൂർ സ്വദേശി അനുരാജിന്‍റെ ഒന്നാം ജാമ്യക്കാരനിൽ നിന്ന് പിഴ തുക ഈടാക്കുന്നതുമായി ബന്ധപ്പെട്ട കേസ് ഇനി 19ന് പരിഗണിക്കും.

കേരളത്തിലെ പൊതുജനാരോഗ്യ മേഖല തകർന്നു : കെ.സി.രാജൻ

ചവറ : കേരളത്തിലെ പൊതുജനാരോഗ്യ മേഖല പിണറായി സർക്കാരി െ ന്‍റ കെടുകാര്യസ്ഥത മൂലം തകർന്നുവെന്നും അതിൽ നിന്ന് കേരള ജനതയെ രക്ഷിക്കണമെങ്കിൽ യുഡിഫ് സർക്കാർ അധികാരത്തിൽ വരേണ്ടത് കാലഘട്ടത്തി െ ന്‍റ ആവശ്യമാണെന്നും യുഡിഎഫ് ജില്ലാ ചെയർമാൻ കെ.സി .രാജൻ. ചവറ, പന്മന ബ്ലോക്ക് കോൺഗ്രസ് കമ്മിറ്റികൾ സംയുക്തമായി നീണ്ടകര ഫൗണ്ടേഷൻ താലൂക്ക് ആശുപത്രിയുടെ മുന്നിൽ നടത്തിയ പ്രതിഷേധ ധർണ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കോട്ടയം മെഡിക്കൽ കോളജിൽ കെട്ടിടം തകർന്ന് ബിന്ദു എന്ന വീട്ടമ്മ മരണപ്പെട്ടതും, തിരുവനന്തപുരം മെഡിക്കൽ കോളജിലെ യൂറോളജി വിഭാഗം മേലധികാരി ഡോ. ഹാരിസിന്‍റെ വെളിപ്പെടുത്തലും ഇതിനൊക്കെ തെളിവുകൾ ആണ്. കോൺഗ്രസ് ചവറ ബ്ലോക്ക് പ്രസിഡന്‍റ് മേച്ചേഴത്ത് ഗിരീഷ് അധ്യക്ഷനായി. പ്രതിഷേധ ധർണയിൽ ആർ.ജയകുമാർ, അരുൺ രാജ്, സന്തോഷ് തുപ്പശേരി, സേതുനാഥൻപിള്ള, ചക്കിനാൽ സനൽ കുമാർ, സുരേഷ്കുമാർ, ചവറ ഗോപകുമാർ, നിഷാ സുനിഷ്, കിഷോർ അമ്പിലാക്കര, പ്രഭാ അനിൽ, ബാബു .ജി. പട്ടത്താനം, ജോസ് വിമൽ രാജ് എന്നിവർ പ്രസംഗിച്ചു. പത്മനബാലകൃഷ്ണൻ, ജയപ്രകാശ്, അൻവർ കാട്ടിൽ, കിടങ്ങിൽ സന്തോഷ്, കോണിയിൽ രാജേഷ്, സച്ചു യേശുദാസ്, ബിജു, ജിജി, ശാലിനി, എന്നിവർ നേതൃത്വം നൽകി.

ദൃഷ്ടി പദ്ധതിയുടെ ഭാഗമായി ബോധവത്ക്കരണ ക്ലാസ് നടന്നു

കുളത്തു പ്പുഴ: കുട്ടികളിലെ കാഴ്ച്ചക്കുറവിന് ആയുര്‍വേദ പരിഹാരം എന്ന ലക്ഷ്യത്തോടെ ദൃഷ്ടി പദ്ധതിയുടെ ഭാഗമായി കുളത്തൂപ്പുഴ ഗവ. മോഡൽ റസിഡൻഷൽ സ്കൂളിൽ ബോധവത്ക്കരണ ക്ലാസ് നടന്നു. ഡോ: അഷിത അലി ബോധവത്ക്കരണ ക്ലാസെടുത്തു. സംസ്ഥാന സർക്കാർ, ആയുഷ് മിഷൻ, ഭാരതീയ ചികിത്സാവകുപ്പ് എന്നിവ സംയുക്തമായാണ് പരിപാടി സംഘടിപ്പിച്ചത്. സ്കൂൾ പ്രഥമാധ്യാപിക സി. ഗിരിജ, സ്കൂൾ മാനേജർ എസ്.ഷാഹിർ, അധ്യാപകൻ പി.ശ്രീജിത്ത്, എം.സി.ആർ.ടി.രമേഷ് ഡോക്ടർമാരായ പി. എബിൻ, എന്നിവർ നേതൃത്വം നൽകി.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]