കോ​ന്നി: കാ​ടി​റ​ങ്ങി​യ കാ​ട്ടാ​ന​ക്കൂ​ട്ടം തി​രി​കെ പോ​കാ​തെ നി​ര​ന്ത​രം ശ​ല്യ​ക്കാ​രാ​കു​ന്ന സാ​ഹ​ച​ര്യ​ത്തി​ൽ കൊ​ക്കാ​ത്തോ​ട്, നീ​രാ​മ​ക്കു​ളം ഭാ​ഗ​ങ്ങ​ളി​ൽ ആ​ളു​ക​ൾ വീ​ടു​ക​ൾ ഒ​ഴി​ഞ്ഞുതു​ട​ങ്ങി.

ആ​ന​യു​ടെ ശ​ല്യം പ​തി​വാ​യ​തോ​ടെ പ്ര​ദേ​ശ​വാ​സി​ക​ൾ പ​ല​രും ബ​ന്ധു​വീ​ടു​ക​ളി​ലേ​ക്കും മ​റ്റും താ​മ​സം മാ​റ്റി​യി​രി​ക്കു​ക​യാ​ണ്. നീ​രാ​മ​ക്കുള​ത്ത് പു​ത്ത​ൻ​പു​ര​യി​ൽ ശ്രീ​ധ​ര​ന്‍റെ വീ​ട് ക​ഴി‌​ഞ്ഞ​ദി​വ​സം രാ​ത്രി ആന ത​ക​ർ​ത്തു.

ആ​ന​യു​ടെ ശ​ല്യം കാ​ര​ണം ശ്രീ​ധ​ര​നും ഭാ​ര്യ സ​ര​സ്വ​തി​യും കോ​ന്നി​യി​ൽ ഉ​ള്ള മ​ക​ളു​ടെ വീ​ട്ടി​ലാ​യി​രു​ന്നു. രാ​വി​ലെ എ​ത്തി​യ​പ്പോ​ഴാ​ണ് വീ​ടി​ന്‍റെ ഭാ​ഗം ത​ക​ർ​ത്ത​ത് കാ​ണു​ന്ന​ത്.വീ​ടി​ന്‍റെ അ​ടു​ക്ക​ള​യു​ടെ ഒ​രു ഭാ​ഗ​വും ശു​ചി​മു​റി​യും തൊ​ഴു​ത്തും വീ​ട്ടി​ലെ പൈ​പ്പു​ക​ൾ ഉ​ൾ​പ്പെ​ടെ​യു​ള്ള​വ​യും ന​ശി​പ്പി​ച്ചു. വീ​ടി​ന് സ​മീ​പ​ത്തെ കൃ​ഷി​ക​ളും വ്യാ​പ​ക​മാ​യി ന​ശി​പ്പി​ച്ചു.

ആ​ന​യു​ടെ ആ​ക്ര​മ​ണം സം​ബ​ന്ധി​ച്ച് വ​നം അ​ധി​കൃ​ത​രെ അ​റി​യി​ച്ചെ​ങ്കി​ലും ഇ​വ​ർ എ​ത്തി​യി​ല്ലെ​ന്നും ആ​ക്ഷേ​പ​മു​ണ്ട്. കാ​ട്ടാ​ന​യു​ടെ സ്ഥി​ര​മാ​യ ആ​ക്ര​മ​ണം ഭ​യ​ന്ന് ഇ​വ​ർ മ​റ്റു സ്ഥ​ല​ങ്ങ​ളി​ലേ​ക്കു​ മാ​റാ​നു​ള്ള ത​യാ​റെ​ടു​പ്പി​ലാ​ണ്.

അ​തേ​സ​മ​യം നീ​രാ​മ​ക്കു​ളം ഉ​ൾ​പ്പെ​ടെ കൊ​ക്കാ​ത്തോ​ട്ടി​ലെ ജ​ന​വാ​സ കേ​ന്ദ്ര​ങ്ങ​ൾ ഉ​ൾ​വ​ന​ത്തോ​ടു ചേ​ർ​ന്നാ​ണ് സ്ഥി​തി ചെ​യ്യു​ന്ന​ത്.

പ​തി​റ്റാ​ണ്ടു​ക​ളു​ടെ അ​ധ്വാ​ന ഭൂ​മി

പ​തി​റ്റാ​ണ്ടു​ക​ൾ​ക്ക് മു​മ്പ് കൃ​ഷി​ക്കും മ​റ്റു​മാ​യി വ​ന​ത്തി​ലേ​ക്ക് ചേ​ക്കി​റ​യ​വ​രാ​ണ് കൊ​ക്കാ​ത്തോ​ട്, നീ​രാ​മ​ക്കു​ളം, അ​പ്പൂ​പ്പ​ൻ​തോ​ട്, നെ​ല്ലി​ക്ക​പ്പാ​റ, കാ​ട്ടാ​ത്തി, വ​യ​ക്ക​ര ഭാ​ഗ​ങ്ങ​ളി​ലു​ള്ള​ത്. ഇ​വ​രു​ടെ ഭൂ​മി​ക്ക് മി​ക്ക​തി​നും പ​ട്ട​യ​വും നി​ല​വി​ലു​ണ്ട്.

നാ​ല് ത​ല​മു​റ​ക​ൾ വ​രെ ക​ഴി​ഞ്ഞ പ്ര​ദേ​ശ​മാ​ണി​ത്. കൃ​ഷി​യാ​യി​രു​ന്നു പ്ര​ധാ​ന ഉ​പ​ജീ​വ​ന മാ​ർ​ഗം. എ​ന്നാ​ൽ കാ​ട്ടു​മൃ​ഗ ശ​ല്യം ഏ​റി​യ​തോ​ടെ കൃ​ഷി​യി​ട​ങ്ങ​ൾ ത​രി​ശാ​യി. എ​ന്നി​രു​ന്നാ​ലും ഭ​ക്ഷ​ണ ല​ഭ്യ​ത​യ്ക്കു​വേ​ണ്ടി പ​ല​രും ചെ​റി​യ​തോ​തി​ലെ​ങ്കി​ലും കൃ​ഷി ന​ട​ത്തു​ന്നു​ണ്ട്. ഇ​വ​യും കാ​ട്ടാ​ന​യും കാ​ട്ടു​പ​ന്നി​യും ന​ശി​പ്പി​ക്കു​ക​യാ​ണ് പ​തി​വ്.

ആ​ന, കു​ര​ങ്ങ്, പ​ന്നി, കേ​ഴ, പു​ലി, ക​ടു​വ, മ​യി​ൽ തു​ട​ങ്ങി എ​ല്ലാ​ത്ത​രം കാ​ട്ടു​മൃ​ഗ​ങ്ങ​ളും പ​ക്ഷി​ക​ളും കൊ​ക്കാ​ത്തോ​ട്ടി​ലെ ജ​ന​വാ​സ മേ​ഖ​ല​യി​ലു​ണ്ട്. ഉ​പ​ജീ​വ​ന മാ​ർ​ഗം നി​ല​ച്ചി​രി​ക്കു​ന്ന ജ​ന​ങ്ങ​ൾ മ​റ്റു പ്ര​ദേ​ശ​ങ്ങ​ളി​ലേ​ക്ക് കു​ടി​യേ​റാ​ൻ ത​യാ​റാ​ണ്. അ​ർ​ഹ​മാ​യ ആ​നു​കൂ​ല്യം ന​ൽ​കി ത​ങ്ങ​ളെ കു​ടി​യൊ​ഴി​പ്പി​ക്ക​ണ​മെ​ന്ന ആ​വ​ശ്യ​മാ​ണ് ഇ​വ​ർ​ക്കു​ള്ള​ത്. റീ ​ബി​ൽ​ഡ് കേ​ര​ള​യി​ൽ ത​യാ​റാ​ക്കി​യ പ​ദ്ധ​തി​യി​ൽ കൊ​ക്കാ​ത്തോ​ട് നി​വാ​സി​ക​ളെ ഉ​ൾ​പ്പെ​ടു​ത്തി​യി​ല്ല.

ഒ​രു​വ​ർ​ഷം മു​ന്പ് പ​ദ്ധ​തി​യി​ൽ അ​പേ​ക്ഷ ക്ഷ​ണി​ച്ച​പ്പോ​ൾ കൊ​ക്കാ​ത്തോ​ട് മേ​ഖ​ല​യി​ൽ നി​ന്ന് 138 അ​പേ​ക്ഷ​ക​ൾ ല​ഭി​ച്ചു. ഇ​തി​ൽ 52 എ​ണ്ണം അം​ഗീ​ക​രി​ച്ചെ​ങ്കി​ലും ന​ൽ​കാ​ൻ പ​ണ​മി​ല്ലെ​ന്ന പേ​രി​ൽ പ​ദ്ധ​തി ന​ട​പ്പാ​യി​ല്ല. അ​രു​വാ​പ്പു​ലം ഗാ​മ​പ​ഞ്ചാ​യ​ത്തി​ലെ ര​ണ്ട്, മൂ​ന്ന്, നാ​ല് വാ​ർ​ഡു​ക​ൾ ഉ​ൾ​പ്പെ​ടു​ന്ന പ്ര​ദേ​ശ​മാ​ണ് കൊ​ക്കാ​ത്തോ​ട്.

വ​നാ​തി​ർ​ത്തി​യി​ൽ താ​മ​സി​ക്കു​ന്ന​വ​ർ, വ​ന്യ​ജീ​വി​ക​ളു​ടെ ശ​ല്യ​ത്താ​ൽ ദു​രി​തം അ​നു​ഭ​വി​ക്കു​ന്ന​വ​ർ തു​ട​ങ്ങി​യ മേ​ഖ​ല​ക​ളി​ൽ കൈ​വ​ശ​ഭൂ​മി വ​നം​വ​കു​പ്പി​നു കൈ​മാ​റു​ന്ന​താ​ണ് പ​ദ്ധ​തി. വ​നം​വ​കു​പ്പ് ഏ​റ്റെ​ടു​ക്കു​ന്ന ഭൂ​മി​ക്ക് ഒ​രു യൂ​ണി​റ്റി​ന് 15 ല​ക്ഷം രൂ​പ​യാ​ണ് ന​ഷ്ട​പ​രി​ഹാ​രം നി​ശ്ച​യി​ച്ചി​രു​ന്ന​ത്. തേ​ക്കു​തോ​ട്ടി​ലെ മൂ​ർ​ത്തി​മ​ൺ പ്ര​ദേ​ശ​ത്തും സ​മാ​ന പ​ദ്ധ​തി​യി​ൽ അ​പേ​ക്ഷ ക്ഷ​ണി​ച്ചി​രു​ന്നു.

യാ​ത്ര​യും അ​പ​ക​ട​ത്തി​ൽ

ന​ട​വ​ത്തും​മൂ​ഴി വ​ന​മേ​ഖ​ല​യി​ൽ നി​ന്നും തീ​റ്റ തേ​ടി കാ​ടി​റ​ങ്ങി​യ വ​ന്യ​മൃ​ഗ​ങ്ങ​ൾ ജ​ന​വാ​സ മേ​ഖ​ല​ക​ളി​ലേ​ക്കു ക​ട​ന്ന​തോ​ടെ വ​നാ​തി​ർ​ത്തി​ക​ളി​ലൂ​ടെ​യു​ള്ള യാ​ത്ര​യും ഭീ​ഷ​ണി​യി​ലാ​ണ്. കൊ​ക്കാ​ത്തോ​ട്ടി​ൽ നി​ന്നും കോ​ന്നി​ക്കു​ള്ള യാ​ത്ര​യി​ലാ​ണ് വ​ന്യ​മൃ​ഗ​ഭീ​ഷ​ണി ഏ​റെ​യും നേ​രി​ടേ​ണ്ടി വ​രു​ന്ന​ത്. മ​ഴ ശ​ക്ത​മാ​കു​ന്ന​തി​നു മു​ന്പേ കാ​ടി​റ​ങ്ങി​യ കാ​ട്ടാ​ന​ക​ൾ സ​മീ​പ​ത്തേ റ​ബ​ർ എ​സ്റ്റേ​റ്റു​ക​ളി​ലും സ്വ​കാ​ര്യ വ്യ​ക്തി​ക​ളു​ടെ പു​ര​യി​ട​ങ്ങ​ളി​ലും താ​വ​ള​മു​റ​പ്പി​ച്ചി​രി​ക്കു​ക​യാ​ണ്. വ​നം തേ​ക്കു കു​പ്പു​ക​ളും ഇ​വ​രു​ടെ വാ​സ​കേ​ന്ദ്ര​ങ്ങ​ളാ​ണ്.

ക​ല്ലേ​ലി വ​ഴി​യു​ള്ള പ്ര​ധാ​ന പാ​ത മു​റി​ച്ചു ക​ട​ന്ന് അ​ച്ച​ൻ​കോ​വി​ലാ​റ്റി​ൽ വെ​ള്ളം കു​ടി​ക്കാ​നെ​ത്തു​ന്ന വ​ന്യ​മൃ​ഗ​ങ്ങ​ളും ഈ ​പ്ര​ദേ​ശ​ങ്ങ​ളി​ലെ സ്ഥി​രം കാ​ഴ്ച​യാ​യി മാ​റി. വ​നം​വ​കു​പ്പ് കാ​മ​റ​ക​ൾ സ്ഥാ​പി​ച്ച് നി​രീ​ക്ഷ​ണം ന​ട​ത്തു​ന്നു​ണ്ടെ​ങ്കി​ലും ഇ​തേ​വ​രെ ഇ​വ​യെ ക​ണ്ടെ​ത്താ​നാ​യി​ട്ടി​ല്ലെ​ന്ന് പ​റ​യു​ന്നു. എ​ന്നാ​ൽ ക​ഴി​ഞ്ഞ​ദി​വ​സം രാ​ത്രി പ​ട്രോ​ളിം​ഗി‌​നി​റ​ങ്ങി​യ പോ​ലീ​സ് വാ​ഹ​ന​ത്തി​നു മു​ന്പി​ൽ ക​ടു​വ എ​ത്തി​യി​രു​ന്നു.

മൂ​ന്നാ​ഴ്ച മു​ന്പ് കോ​ന്നി​യി​ൽ ഇ​രു​ച​ക്ര വാ​ഹ​ന​ത്തി​ൽ എ​ത്തി​യ അ​മ്മ​യും മ​ക​ളും കാ​ട്ടാ​ന ആ​ക്ര​മ​ണ​ത്തി​ൽ നി​ന്നും ര​ക്ഷ​പ്പെ​ട്ട​ത് അ​ദ്ഭു​ത​ക​ര​മാ​യാ​ണ്. ഇ​തി​നും ഏ​താ​നം ദി​വ​സ​ങ്ങ​ൾ​ക്ക് മു​മ്പ് ക​ല്ലേ​ലി കാ​വി​ലേ​ക്ക് പൂ​ക്ക​ളു​മാ​യി എ​ത്തി​യ യു​വാ​വി​ന്‍റെ ബൈ​ക്കി​ൽ പ​ന്നി ഇ​ടി​ച്ച് ഇ​ദ്ദേ​ഹ​ത്തി​ന് ഗു​രു​ത​ര​മാ​യി പ​രി​ക്കേ​റ്റി​രു​ന്നു. പ​ക​ൽ പോ​ലും വ​ന്യ​മൃ​ഗ​ങ്ങ​ൾ പാ​ത​യി​ൽ ശ​ല്യ​ക്കാ​രാ​യി മാ​റി​യ​തോ​ടെ ആ​ളു​ക​ൾ ഏ​റെ ഭീ​തി​യി​ലാ​ണ്.