ത​ഴ​ക്ക​ര: അ​റു​നൂറ്റിമം​ഗ​ലം വി​ത്തു​ത്പാദ​ന കേ​ന്ദ്ര​ത്തി​ൽ യ​ന്ത്ര​വ​ത്കര​ണ​ത്തി​ന്‍റെ ഭാ​ഗ​മാ​യി നെ​ല്ലി​​ന്‍റെ യ​ന്ത്ര​ന​ടീ​ൽ ഉ​ദ്ഘാ​ട​നം ജി​ല്ലാ​ പ​ഞ്ചാ​യ​ത്ത് പ്ര​സി​ഡന്‍റ് കെ.ജി. രാ​ജേ​ശ്വ​രി നി​ർ​വ​ഹി​ച്ചു. 12 ഏ​ക്ക​റി​ൽ യ​ന്ത്ര​സ​ഹാ​യ​ത്താ​ൽ വി​ത്തു ന​ടു​ന്ന പാ​യ ഞാ​റ്റ​ടി കൃ​ഷി​രീ​തി​ക്കാ​ണ് തു​ട​ക്ക​മാ​യ​ത്.

ഏ​റ്റ​വും ചെ​ല​വ് കു​റ​ഞ്ഞ മാ​ർ​ഗ​ങ്ങ​ളി​ലൊ​ന്നാ​ണ് യ​ന്ത്ര​വ​ത്കൃ​ത ന​ടീ​ലെ​ന്ന് ജി​ല്ലാ പ​ഞ്ചാ​യ​ത്ത് പ്ര​സി​ഡന്‍റ് പ​റ​ഞ്ഞു. മു​ന്നോ​ട്ടുപോ​കു​ന്ന യ​ന്ത്ര​ത്തി​ന്‍റെ പു​റ​കി​ലാ​യി ന​ടീ​ലി​ന് സാ​ധ്യ​മാ​യ മൈ​ക്രോ വീ​ലു​ക​ൾ ഘ​ടി​പ്പി​ക്കു​ന്ന യ​ന്ത്ര സം​വി​ധാ​ന​മാ​ണി​ത്. ഞാ​റ് ന​ടു​ന്ന​തി​ന് 8500 രൂ​പ മു​ത​ൽ 12,000 രൂ​പ വ​രെ​യാ​ണ് ജി​ല്ല​യി​ൽ കൂ​ലി​ച്ചെ​ല​വ്. യ​ന്ത്രം ഉ​പ​യോ​ഗി​ച്ചാ​ണെ​ങ്കി​ല്‍ ഇ​ത് 6000 രൂ​പ​യാ​യി കു​റ​യ്ക്കാ​നാ​വും. തൊ​ഴി​ലാ​ളി​ക​ൾ​ക്ക് പ​ര​മാ​വ​ധി 1.5 ഏ​ക്ക​ർ മാ​ത്ര​മേ വി​ത്ത് ന​ടാ​ൻ സാ​ധി​ക്കൂ​വെ​ങ്കി​ൽ ഒ​രു മെ​ഷീ​നി​ൽ മൂ​ന്ന് ഏ​ക്ക​റി​ൽ വ​രെ വി​ത്ത് ന​ടാ​ൻ സാ​ധി​ക്കും.

മെ​ഷീ​ൻ നി​യ​ന്ത്രി​ക്കാ​ൻ കൂ​ടു​ത​ൽ പേ​രു​ടെ സ​ഹാ​യ​വും ആ​വ​ശ്യ​മി​ല്ല. ഒ​രേ വ​രി​യി​ൽ ആ​യ​തി​നാ​ൽ ക​ളപ​റി​ക്ക​ലും എ​ളു​പ്പ​മാ​ണ്. കൊ​യ്ത്തും ​വേ​ഗ​ത്തി​ൽ ചെ​യ്യാ​നാ​കും. ക​ര​യി​ൽ ഞാ​റ്റ​ടി ട്രേ​യി​ൽ ത​യാറാ​ക്കി​യാ​ൽ വെ​ള്ളം പ​റ്റി​ച്ച ഉ​ട​നെ ന​ടീ​ൽ ന​ട​ത്താം. ഇ​ത് കാ​ലാ​വ​സ്ഥാ വ്യ​തി​യാ​നം മു​ല​മു​ള്ള ന​ഷ്ട​വും കു​റ​യ്ക്കും.

ജി​ല്ലാ​പ​ഞ്ചാ​യ​ത്ത് വി​ക​സ​ന​കാ​ര്യ സ്ഥി​രം​സ​മി​തി അ​ധ്യ​ക്ഷ ബി​നു ഐ​സ​ക് രാ​ജു അ​ധ്യ​ക്ഷ​യാ​യി. ത​ഴ​ക്ക​ര ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ഷീ​ബാ സ​തീ​ഷ്, ജി​ല്ലാ പ​ഞ്ചാ​യ​ത്തം​ഗം മ​ഞ്ജുള, ഫാം ​സൂ​പ്ര​ണ്ട് ടി.ടി. അ​രു​ൺ, അ​ഗ്രി​ക​ൾ​ച്ച​ർ അ​സി​. വി. ​വി​ഷ്ണു, ക​ർ​ഷ​ക​ർ, കൃ​ഷി​വ​കു​പ്പ് ഉ​ദ്യോ​ഗ​സ്ഥ​ർ തു​ട​ങ്ങി​യ​വ​ർ പ​ങ്കെ​ടു​ത്തു.