ബാ​ങ്കോ​ക്ക്/ നോം ​പെ​ൻ: തെ​ക്കു​കി​ഴ​ക്ക​നേ​ഷ്യ​ൻ രാ​ജ്യ​ങ്ങ​ളാ​യ താ​യ്‌​ല​ൻ​ഡും കം​ബോ​ഡി​യ​യും അ​തി​ർ​ത്തി ത​ർ​ക്ക​ത്തി​ന്‍റെ പേ​രി​ൽ സം​ഘ​ർ​ഷ​ത്തി​ൽ. ഇ​ന്ന​ലെ​യു​ണ്ടാ​യ ഏ​റ്റു​മു​ട്ട​ലി​ൽ താ​യ്‌​ല​ൻ​ഡി​ൽ 11 സി​വി​ലി​യ​ന്മാ​രും ഒ​രു പ​ട്ടാ​ള​ക്കാ​ര​നും കൊ​ല്ല​പ്പെ​ട്ടു. കം​ബോ​ഡി​യ​ൻ സ​ർ​ക്കാ​ർ ഇ​ത്ത​രം ക​ണ​ക്ക് പു​റ​ത്തു​വി​ട്ടി​ട്ടി​ല്ല.

താ​യ്‌ വ്യോ​മ​സേ​ന എ​ഫ്-16 യു​ദ്ധ​വി​മാ​ന​ങ്ങ​ൾ ഉ​പ​യോ​ഗി​ച്ച് കം​ബോ​ഡി​യ​ൻ പ​ട്ടാ​ള ആ​സ്ഥാ​ന​ങ്ങ​ളി​ൽ ബോം​ബി​ട്ടു. കം​ബോ​ഡി​യ​ൻ സേ​ന പീ​ര​ങ്കി​ക​ളും റോ​ക്ക​റ്റ് ലോ​ഞ്ച​റു​ക​ളും ഉ​പ​യോ​ഗി​ച്ച് താ​യ്‌​ല​ൻ​ഡി​ൽ ആ​ക്ര​മ​ണം ന​ട​ത്തി.

സു​രി​ൻ, ഉ​ബോ​ൺ രാ​ച്ച​താ​നി, ശ്രി​സാ​ക്കെ​ട്ട് എ​ന്നീ മൂ​ന്ന് പ്ര​വി​ശ്യ​ക​ളി​ലാ​ണ് മ​ര​ണ​ങ്ങ​ൾ സം​ഭ​വി​ച്ച​തെ​ന്ന് താ​യ്‌​ല​ൻ​ഡ് അ​റി​യി​ച്ചു. 24 സി​വി​ലി​യ​ന്മാ​ർ​ക്കും ഏ​ഴു പ​ട്ടാ​ള​ക്കാ​ർ​ക്കും പ​രി​ക്കേ​റ്റു.
817 കി​ലോ​മീ​റ്റ​ർ നീ​ള​മു​ള്ള അ​തി​ർ​ത്തി സം​ബ​ന്ധി​ച്ച് ഇ​രു രാ​ജ്യ​ങ്ങ​ളും ത​മ്മി​ലു​ള്ള ത​ർ​ക്ക​ത്തി​ന് നൂ​റ്റാ​ണ്ടി​ലേ​റെ പ​ഴ​ക്ക​മു​ണ്ട്. സം​ഘ​ർ​ഷ​ത്തി​ന്‍റെ പ​ശ്ചാ​ത്ത​ല​ത്തി​ൽ താ​യ്‌​ല​ൻ​ഡ് അ​തി​ർ​ത്തി അ​ട​ച്ചു. ഇ​രു രാ​ജ്യ​ങ്ങ​ളും അ​തി​ർ​ത്തി പ്ര​ദേ​ശ​ങ്ങ​ളി​ലെ ജ​ന​ങ്ങ​ളെ ഒ​ഴി​പ്പി​ച്ചു​മാ​റ്റാ​ൻ തു​ട​ങ്ങി. 40,000 പേ​രെ​യാ​ണ് ഒ​ഴി​പ്പി​ക്കു​ന്ന​തെ​ന്ന് താ​യ്‌​ല​ൻ​ഡ് അ​റി​യി​ച്ചു.

ക്ഷേ​ത്ര​ങ്ങ​ളെ​ച്ചൊ​ല്ലി ത​ർ​ക്കം

കം​ബോ​ഡി​യ​യി​ൽ കോ​ള​നി ഭ​ര​ണം ന​ട​ത്തി​യ ഫ്ര​ഞ്ചു​കാ​ർ ഉ​ണ്ടാ​ക്കി​യ അ​തി​ർ​ത്തി​യു​ടെ പ​ല ഭാ​ഗ​ങ്ങ​ളെ​ച്ചൊ​ല്ലി​യും ത​ർ​ക്ക​മു​ണ്ട്. വ​ന​മേ​ഖ​ല​ക​ളി​ലെ ഹൈ​ന്ദ​വ ക്ഷേ​ത്ര​ങ്ങ​ളു​ടെ ഉ​ട​മ​സ്ഥ​ത പ്ര​ധാ​ന ത​ർ​ക്ക​വി​ഷ​യ​മാ​ണ്. 11-ാം നൂ​റ്റാ​ണ്ടി​ൽ നി​ർ​മി​ച്ച പ്ര​യാ വി​ഹി​യ​ർ ക്ഷേ​ത്ര​ത്തി​നു യു​നെ​സ്കോ​യു​ടെ പൈ​തൃ​ക​പ​ദ​വി ല​ഭി​ക്കാ​ൻ കം​ബോ​ഡി​യ ന​ട​ത്തി​യ നീ​ക്ക​ങ്ങ​ൾ താ​യ്‌​ല​ൻ​ഡി​നെ ചൊ​ടി​പ്പി​ച്ചി​രു​ന്നു.


ഇ​ന്ന​ലെ സം​ഭ​വി​ച്ച​ത്

ഇ​രു രാ​ജ്യ​ങ്ങ​ളും വ്യ​ത്യ​സ്ത വി​ശ​ദീ​ക​ര​ണ​ങ്ങ​ളാ​ണ് ന​ല്കു​ന്ന​ത്. താ ​മൂ​വ​ൻ തോം ​എ​ന്ന ഹൈ​ന്ദ​വ ക്ഷേ​ത്ര​ത്തി​നു ചു​റ്റും താ​യ്‌​ല​ൻ​ഡ് സൈ​നി​ക​ർ ക​ന്പി​വേ​ലി കെ​ട്ടാ​ൻ ന​ട​ത്തി​യ നീ​ക്ക​മാ​ണ് സം​ഘ​ർ​ഷ​ത്തി​നു തു​ട​ക്ക​മി​ട്ട​തെ​ന്ന് കം​ബോ​ഡി​യ പ​റ​യു​ന്നു. എ​ന്നാ​ൽ കം​ബോ​ഡി​യ​ൻ സേ​ന ഡ്രോ​ൺ ഉ​പ​യോ​ഗി​ച്ച് ത​ങ്ങ​ളു​ടെ സേ​നാ​വി​ന്യാ​സം നി​രീ​ക്ഷി​ക്കു​ക​യും തു​ട​ർ​ന്ന് അ​തി​ർ​ത്തി​യി​ൽ സം​ഘ​ടി​ച്ച് ആ​ക്ര​മി​ക്കു​ക​യും ചെ​യ്തു​വെ​ന്നാ​ണ് താ​യ്‌​ല​ൻ​ഡ് പ​റ​യു​ന്ന​ത്.

സ​മാ​ധാ​ന​നീ​ക്കം

പ്ര​ശ്നം സ​മാ​ധാ​ന​പ​ര​മാ​യി പ​രി​ഹ​രി​ക്കാ​നാ​ണ് താ​ത്പ​ര്യ​മെ​ന്ന് കം​ബോ​ഡി​യ​ൻ പ്ര​ധാ​ന​മ​ന്ത്രി ഹ​ൺ മാ​നെ​റ്റ് പ്ര​തി​ക​രി​ച്ചു. ക​ന്പോ​ഡി​യ​യു​മാ​യു​ള്ള അ​തി​ർ​ത്തി ത​​ർ​ക്കം അ​ന്താ​രാ​ഷ്‌​ട്ര നി​യ​മ​പ്ര​കാ​രം സൂ​ക്ഷ്മ​ത​യോ​ടെ കൈ​കാ​ര്യം ചെ​യ്യേ​ണ്ട വി​ഷ​യ​മാ​ണെ​ന്ന് താ​യ്‌​ല​ൻ​ഡി​ലെ ആ​ക്‌​ടിം​ഗ് പ്ര​ധാ​ന​മ​ന്ത്രി ഫും​താ​ൻ വെ​ച്ച​യാ​ച്ചാ​യി പ​റ​ഞ്ഞു. ഇ​രു രാ​ജ്യ​ങ്ങ​ളി​ലെ​യും നേ​താ​ക്ക​ളു​മാ​യി സം​സാ​രി​ക്കു​മെ​ന്ന് ആ​സി​യാ​ൻ കൂ​ട്ടാ​യ്മ​യു​ടെ അ​ധ്യ​ക്ഷ​ത വ​ഹി​ക്കു​ന്ന മ​ലേ​ഷ്യ​യി​ലെ പ്ര​ധാ​ന​മ​ന്ത്രി അ​ൻ​വ​ർ ഇ​ബ്രാ​ഹം പ​റ​ഞ്ഞു.