എതിർപ്പ്; വ്യക്തിവിവര സംരക്ഷണ ബിൽ സംയുക്ത പാർലമെന്‍ററി സമിതിക്ക്
Thursday, December 12, 2019 1:38 AM IST
ന്യൂ​ഡ​ൽ​ഹി: പ്ര​തി​പ​ക്ഷം ഉ​ൾ​പ്പെ ടെ രൂ​ക്ഷ​മാ​യ എ​തി​ർ​പ്പ് ഉ​ന്ന​യി​ച്ച​തോ​ടെ വ്യ​ക്തിവി​വ​ര സം​ര​ക്ഷ​ണ ബി​ൽ കേ​ന്ദ്രം സം​യു​ക്ത പാ​ർ​ല​മെ​ന്‍റ​റി സ​മി​തി​ക്കു വി​ട്ടു. ഇ​സ്ര​യേ​ൽ നി​ർ​മി​ത ചാ​ര സോ​ഫ്റ്റ്‌വേ​ർ ഉ​പ​യോ​ഗി​ച്ച് രാ​ജ്യ​ത്തെ പ്ര​മു​ഖ വ്യ​ക്തി​ക​ളു​ടെ വി​വ​ര​ങ്ങ​ൾ വാ​ട്സ് ആ​പ്പി​ലൂ​ടെ ചോ​ർ​ത്തി എ​ന്ന ഗു​രു​ത​ര പ​രാ​തി​യു​ടെ നി​ഴ​ലി​ലാ​ണ് കേ​ന്ദ്ര മ​ന്ത്രി ര​വി​ശ​ങ്ക​ർ പ്ര​സാ​ദ് ഇ​ന്ന​ലെ ലോ​ക്സ​ഭ​യി​ൽ ബി​ൽ അ​വ​ത​രി​പ്പി​ച്ച​ത്. രാ​ജ്യ​ത്തെ പൗ​ര​ൻ​മാ​രു​ടെ സ്വ​കാ​ര്യ​ത ലം​ഘി​ക്കു​ന്നു എ​ന്നാ​രോ​പി​ച്ചാ​ണു പ്ര​തി​പ​ക്ഷം ബി​ല്ലി​നെ എ​തി​ർ​ത്ത​ത്.

രാ​ജ്യ​ത്താ​ക​മാ​നം വ്യ​ക്തി​ക​ളു​ടെ സ്വ​കാ​ര്യ​ത​യി​ലേ​ക്ക് അ​നാ​വ​ശ്യ ക​ട​ന്നുക​യ​റ്റം ന​ട​ക്കു​ന്നു എ​ന്ന വ്യാ​പ​ക പ​രാ​തി​യു​ടെ ഇ​ട​യി​ലാ​ണ് സ​ർ​ക്കാ​ർ ബി​ല്ലു​മാ​യി എ​ത്തി​യി​രി​ക്കു​ന്ന​തെ​ന്ന് ബി​ല്ല​വ​ത​ര​ണ​ത്തെ എ​തി​ർ​ത്ത് എം​പി​മാ​രാ​യ അ​ധീ​ർ ര​ഞ്ജ​ൻ ചൗ​ധ​രി, സൗ​ഗ​ത റോ​യ്, മ​ഹു​വ മൊ​യ്ത്ര എ​ന്നി​വ​ർ ആ​വ​ശ്യ​പ്പെ​ട്ടു. വി​ദേ​ശ ക​ന്പ​നി​ക​ൾ വ​രെ രാ​ജ്യ​ത്തെ പൗ​ര​ൻ​മാ​രു​ടെ വ്യ​ക്തി​ഗ​ത വി​വ​ര​ങ്ങ​ൾ ചോ​ർ​ത്തി​യെ​ടു​ക്കു​ന്ന അ​ന്ത​രീ​ക്ഷ​മാ​ണു​ള്ള​ത്. ഇ​ത് ഭ​ര​ണ​ഘ​ട​ന ഉ​റ​പ്പു ന​ൽ​കു​ന്ന മൗ​ലി​ക അ​വ​കാ​ശ​ങ്ങ​ളു​ടെ ത​ന്നെ ലം​ഘ​ന​മാ​ണെ​ന്നും ചൂ​ണ്ടി​ക്കാ​ട്ടി. എ​ന്നാ​ൽ, രാ​ജ്യ​ത്തെ പൗ​ര​ന് സ്വ​കാ​ര്യ​ത​യ്ക്കും വി​വ​ര സം​ര​ക്ഷ​ണ​ത്തി​നും അ​വ​കാ​ശ​മു​ണ്ട്, ഒ​രു ഭീ​ക​ര​ന് അ​തി​ന്‍റെ സം​ര​ക്ഷ​ണം ല​ഭി​ക്കേ​ണ്ട കാ​ര്യ​മി​ല്ലെ​ന്നാ​ണ് മ​ന്ത്രി ര​വി​ശ​ങ്ക​ർ പ്ര​സാ​ദ് മ​റു​പ​ടി ന​ൽ​കി​യ​ത്.

ഡാ​റ്റാ സു​ര​ക്ഷി​ത​ത്വം സു​പ്ര​ധാ​ന​മാ​ണെ​ന്നും ഒ​രു വ്യ​ക്തി​യി​ൽ നി​ന്ന് ആ​വ​ശ്യ​മാ​യ ഡാ​റ്റ മാ​ത്ര​മേ ക​ന്പ​നി​ക​ൾ സ്വീ​ക​രി​ക്കാ​വൂ​യെ​ന്നും ബി​ല്ലി​ൽ പ​റ​യു​ന്നു. ശേ​ഖ​രി​ക്കു​ന്ന ഡാ​റ്റ​യു​ടെ ഉ​പ​യോ​ഗം ഉ​പ​ഭോ​ക്താ​വി​നെ അ​റി​യി​ക്ക​ണം. എ​ല്ലാ വ്യ​ക്തി വി​വ​ര​ങ്ങ​ളു​ടെ​യും ഒ​രു കോ​പ്പി ഇ​ന്ത്യ​യി​ൽ സൂ​ക്ഷി​ക്ക​ണം. നി​ർ​ണാ​യ​ക വ്യ​ക്തി​വി​വ​ര​ങ്ങ​ൾ സൂ​ക്ഷി​ക്കു​ന്ന​തും കൈ​കാ​ര്യം ചെ​യ്യു​ന്ന​തും ഇ​ന്ത്യ​യി​ൽ ത​ന്നെ ആ​യി​രി​ക്ക​ണം. എ​മ​ർ​ജ​ൻ​സി ഘ​ട്ട​ങ്ങ​ളി​ല​ല്ലാ​തെ പു​റ​ത്തു​കൊ​ണ്ടു​പോ​വാ​ൻ പ​റ്റി​ല്ലെ​ന്നും ബി​ല്ലി​ൽ വ്യ​വ​സ്ഥ ചെ​യ്യു​ന്നു. ഇ​വ ലം​ഘി​ച്ചാ​ൽ അ​ഞ്ചു കോ​ടി രൂ​പ​യോ ക​ന്പ​നി​യു​ടെ ആ​ഗോ​ള വ​രു​മാ​ന​ത്തി​ന്‍റെ ര​ണ്ടു ശ​ത​മാ​ന​മോ മു​ത​ൽ 15 കോ​ടി രൂ​പ​യോ ആ​ഗോ​ള വ​രു​മാ​ന​ത്തി​ന്‍റെ നാ​ലു ശ​ത​മാ​നം വ​രെ​യോ പി​ഴ ല​ഭി​ക്കും. വി​വി​ധ പാ​സ്‌വേ​ഡു​ക​ൾ, ആ​രോ​ഗ്യ വി​വ​ര​ങ്ങ​ൾ, ധ​ന​വി​നി​യോ​ഗം, ലൈം​ഗി​ക ആ​ഭി​മു​ഖ്യം, ബ​യോ​മെ​ട്രി​ക് വി​വ​രം, ജ​നി​ത​ക വി​വ​രം, ട്രാ​ൻ​സ്ജ​ൻ​ഡ​ർ വി​വ​രം, മ​തം, രാ​ഷ‌്ട്രീ​യ താ​ത്പ​ര്യം തു​ട​ങ്ങി​വ​യാ​ണ് വ്യ​ക്തി​ഗ​ത വി​വ​ര​ങ്ങ​ളു​ടെ പ​രി​ധി​യി​ൽ വ​രു​ന്ന​ത്. രാ​ജ്യ​ത്തി​ന്‍റെ പ​ര​മാ​ധി​കാ​രം രാ​ജ്യ​സു​ര​ക്ഷ തു​ട​ങ്ങി​യ വി​ഷ​യ​ങ്ങ​ളി​ൽ വ്യ​ക്തി​ക​ളു​ടെ വി​വ​ര​ങ്ങ​ൾ അ​വ​രു​ടെ അ​നു​മ​തി​യി​ല്ലാ​തെ ത​ന്നെ പ​രി​ശോ​ധി​ക്കാ​നും ബി​ൽ നി​യ​മമാ​യാ​ൽ സ​ർ​ക്കാ​രി​ന് അ​ധി​കാ​രം ല​ഭി​ക്കും. കോ​ട​തി ഉ​ത്ത​ര​വി​ലൂ​ടെ​യും വ്യ​ക്തി​ഗ​ത വി​വ​ര​ങ്ങ​ൾ ശേ​ഖ​രി​ക്കാ​നും ബി​ല്ലി​ൽ വ്യ​വ​സ്ഥ​യു​ണ്ട്.


ബി​ൽ കോ​ണ്‍ഗ്ര​സ് ശ​ശി ത​രൂ​ർ അ​ധ്യ​ക്ഷ​നാ​യ പാ​ർ​ല​മെ​ന്‍റ​റി സ​മി​തി​യു​ടെ പ​രി​ശോ​ധ​ന​യ്ക്ക് വി​ട​ണ​മെ​ന്നും പ്ര​തി​പ​ക്ഷം ആ​വ​ശ്യ​പ്പെ​ട്ടു. വാ​ട്സ് ആ​പ്പ് ചോ​ർ​ച്ച സം​ബ​ന്ധി​ച്ച വി​ഷ​യം പ​രി​ശോ​ധി​ക്കു​ന്ന​തും ത​രൂ​ർ അ​ധ്യ​ക്ഷ​നാ​യ സ​മി​തി​യാ​ണ്. എ​ന്നാ​ൽ, സ​ർ​ക്കാ​ർ ഇ​തി​ന് ത​യാ​റാ​യി​ല്ല. വോ​ട്ടെ​ടു​പ്പി​ലൂ​ടെ ബി​ൽ സം​യു​ക്ത പാ​ർ​ല​മെ​ന്‍റ​റി സ​മി​തി​ക്ക് വി​ടാ​നാ​ണ് നി​ശ്ച​യി​ച്ച​ത്. ശി​വ​സേ​ന​യെ​ക്കൂ​ടി ഒ​പ്പം നി​ർ​ത്തി പ്ര​തി​ഷേ​ധി​ച്ച കോ​ണ്‍ഗ്ര​സ് ബി​ല്ല​വ​ത​ര​ണ​ത്തെ ശ​ക്ത​മാ​യി എ​തി​ർ​ത്തു. വോ​ട്ടെ​ടു​പ്പി​ലേ​ക്ക് ക​ട​ന്ന​തോ​ടെ കോ​ണ്‍ഗ്ര​സ്, ശി​വ​സേ​ന, തൃ​ണ​മൂ​ൽ കോ​ണ്‍ഗ്ര​സ്, ഡി​എം​കെ, സി​പി​എം, സി​പി​ഐ അം​ഗ​ങ്ങ​ൾ പ്ര​തി​ഷേ​ധ​വു​മാ​യി സ​ഭ​യി​ൽ നി​ന്നി​റ​ങ്ങി​പ്പോ​യി. അ​തോ​ടെ ബി​ൽ സം​യു​ക്ത പാ​ർ​ല​മെ​ന്‍റ​റി സ​മി​തി​ക്കു വി​ടാ​നു​ള്ള തീ​രു​മാ​നം ശ​ബ്ദ​വോ​ട്ടോ​ടെ പാ​സാ​യി.

സ്വ​കാ​ര്യ​ത മൗ​ലിക അ​വ​കാ​ശ​മാ​ണെ​ന്ന സു​പ്രീം​കോ​ട​തി ഉ​ത്ത​ര​വ് ചൂ​ണ്ടി​ക്കാ​ട്ടി​യാ​ണ് പ്ര​തി​പ​ക്ഷം ബി​ല്ലി​നെ എ​തി​ർ​ത്ത​ത്. രാ​ജ്യ​ത്ത് സ്നൂ​പ്പിം​ഗ് വ്യ​വ​സാ​യം അ​നു​ദി​നം വ​ള​ർ​ന്നു കൊ​ണ്ടി​രി​ക്കു​ന്ന​താ​ണ് കാ​ണു​ന്ന​തെ​ന്ന് അ​ധീ​ർ ര​ഞ്ജ​ൻ ചൗ​ധ​രി ചൂ​ണ്ടി​ക്കാ​ട്ടി. അ​തേ​സ​മ​യം വി​വ​ര സാ​ങ്കേ​തി​ക മ​ന്ത്രാ​ല​യം ഈ ​വി​ഷ​യ​ങ്ങ​ളി​ൽ സം​ശ​യാ​സ്പ​ദ​മാ​യ നീ​ക്ക​മാ​ണ് ന​ട​ത്തു​ന്ന​തെ​ന്നും അ​ദ്ദേ​ഹം ആ​രോ​പി​ച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.