പെട്രോളിനും ഡീസലിനും ജിഎസ്ടി ഉടനില്ല
പെട്രോളിനും ഡീസലിനും  ജിഎസ്ടി ഉടനില്ല
Saturday, September 18, 2021 1:21 AM IST
ന്യൂ​ഡ​ൽ​ഹി: സം​സ്ഥാ​ന​ങ്ങ​ൾ ഒ​റ്റ​ക്കെ​ട്ടാ​യി എ​തി​ർ​ത്ത​തോ​ടെ പെ​ട്രോ​ളും ഡീ​സ​ലും ജി​എ​സ്ടി പ​രി​ധി​യി​ൽ വ​രി​ല്ല. ഇ​ക്കാ​ര്യം ച​ർ​ച്ചപോ​ലും ചെ​യ്യേ​ണ്ടെ​ന്നു കേ​ര​ളം ഉ​ൾ​പ്പെടെ​യു​ള്ള സം​സ്ഥാ​ന​ങ്ങ​ൾ നി​ല​പാ​ട് എ​ടു​ത്ത​തോ​ടെ വി​ഷ​യം പി​ന്നീ​ട് ച​ർ​ച്ച ചെ​യ്യാ​മെ​ന്ന ധാ​ര​ണ​യി​ൽ കേ​ന്ദ്ര ധ​ന​മ​ന്ത്രി നി​ർ​മ​ല സീ​താ​രാ​മ​ന്‍റെ അ​ധ്യ​ക്ഷ​ത​യി​ൽ ചേ​ർ​ന്ന 45-ാമ​ത് ജി​എ​സ്ടി കൗ​ണ്‍സി​ൽ യോ​ഗം പി​രി​ഞ്ഞു.

പെ​ട്രോ​ളും ഡീ​സ​ലും ജി​എ​സ്ടി പ​രി​ധി​യി​ൽ ഉ​ൾ​പ്പെ​ടു​ത്തു​ന്ന കാ​ര്യം ജി​എ​സ്ടി കൗ​ണ്‍സി​ലി​ൽ ച​ർ​ച്ച ചെ​യ്യ​ണ​മെ​ന്ന് ക​ഴി​ഞ്ഞ ജൂ​ണ്‍ 21ന് ​കേ​ര​ള ഹൈ​ക്കോ​ട​തി നി​ർ​ദേ​ശി​ച്ചി​രു​ന്നു. അ​തി​ന്‍റെ അ​ടി​സ്ഥാ​ന​ത്തി​ൽ വി​ഷ​യം ഇ​ന്ന​ലെ ചേ​ർ​ന്ന യോ​ഗ​ത്തി​ൽ അ​വ​ത​രി​പ്പി​ക്കു​ക മാ​ത്ര​മാ​ണു​ണ്ടാ​യ​ത്. പെ​ട്രോ​ളി​യം ഉ​ത്പ​ന്ന​ങ്ങ​ളെ ജി​എ​സ്ടി​യി​ൽ പെ​ടു​ത്താ​നു​ള്ള നീ​ക്ക​ത്തെ ശ​ക്ത​മാ​യി എ​തി​ർ​ക്കു​മെ​ന്ന് കേ​ര​ള ധ​ന​മ​ന്ത്രി കെ.​എ​ൻ. ബാ​ല​ഗോ​പാ​ലും മ​ഹാ​രാ​ഷ്‌ട്ര ഉ​പ​മു​ഖ്യ​മ​ന്ത്രി അ​ജി​ത് പ​വാ​റും പ​റ​ഞ്ഞു.

ജീ​വ​ൻര​ക്ഷാ മ​രു​ന്നു​ക​ളു​ടെ​യും കാ​ൻ​സ​ർ മ​രു​ന്നു​ക​ളു​ടെ​യും വി​ല കു​റ​യും. സ്പൈ​ന​ൽ മ​സ്കു​ല​ർ അ​ട്രോ​ഫി എ​ന്ന അ​പൂ​ർ​വ രോ​ഗ​ത്തി​നു​ള്ള, വി​ദേ​ശ​ത്തുനി​ന്ന് ഇ​റ​ക്കു​മ​തി ചെ​യ്യു​ന്ന കോ​ടി​ക്ക​ണ​ക്കി​നു രൂ​പ വി​ല വ​രു​ന്ന സോ​ൾ​ജ​ൻ​സി​മ, വി​ൽ​റ്റെ​സ്റ്റോ മ​രു​ന്നു​ക​ളെ ജി​എ​സ്ടി​യി​ൽനി​ന്ന് ഒ​ഴി​വാ​ക്കി. ഈ ​മ​രു​ന്നു​ക​ൾ​ക്ക് 18 കോ​ടി​യോ​ളം രൂ​പ വി​ല​വ​രും.

വെ​ളി​ച്ചെ​ണ്ണ​യു​ടെ നി​കു​തി കൂ​ട്ട​ണ​മെ​ന്ന നി​ർ​ദേ​ശ​വും പി​ന്നീ​ടു പ​രി​ഗ​ണി​ക്കാ​നാ​യി മാ​റ്റി. ഇ​തി​നെ കേ​ര​ളം, ത​മി​ഴ്നാ​ട്, ഗോ​വ എ​ന്നീ സം​സ്ഥാ​ന​ങ്ങ​ൾ എ​തി​ർ​ത്തു. വെ​ളി​ച്ചെ​ണ്ണ​യു​ടെ നി​കു​തി അഞ്ചിൽനി​ന്ന് 18% ആ​ക്കാ​നാ​യി​രു​ന്നു നി​ർ​ദേ​ശം. ഓ​ണ്‍ലൈ​ൻ ഭ​ക്ഷ​ണവി​ത​ര​ണ​ത്തി​ൽ ആ​പ്പു​ക​ളി​ൽനി​ന്ന് നി​കു​തി ഈ​ടാ​ക്കാ​നും തീ​രു​മാ​നം ആ​യി​ട്ടു​ണ്ട്.

കോ​വി​ഡ് ചി​കി​ത്സ​യ്ക്കു​ള്ള മ​രു​ന്നു​ക​ളു​ടെ ജി​എ​സ്ടി ഇ​ള​വ് ഈ ​വ​ർ​ഷം ഡി​സം​ബ​ർ 31 വ​രെ തു​ട​രാ​നും കൂ​ടു​ത​ൽ മ​രു​ന്നു​ക​ൾ പ​ട്ടി​ക​യി​ൽ ഉ​ൾ​പ്പെ​ടു​ത്താ​നും തീ​രു​മാ​ന​മാ​യി. കോ​വി​ഡി​നും ബ്ലാ​ക്ക് ഫം​ഗ​സി​നും ചി​കി​ത്സി​ക്കു​ന്ന 30 മ​രു​ന്നു​ക​ളു​ടെ​യും മെ​ഡി​ക്ക​ൽ ഉ​പ​ക​ര​ണ​ങ്ങ​ളു​ടെ​യും ജി​എ​സ്ടി​യി​ലാ​ണ് നേ​ര​ത്തേ ഇ​ള​വു​ക​ൾ വ​രു​ത്തി​യി​രു​ന്ന​ത്.


ഇ​വ​യു​ടെ ജി​എ​സ്ടി നി​ര​ക്ക് 12ൽ ​നി​ന്ന് 5% ആ​ക്കി കു​റ​ച്ചു. എ​ന്നാ​ൽ മെ​ഡി​ക്ക​ൽ ഉ​പ​ക​ര​ണ​ങ്ങ​ൾ​ക്ക് പ്ര​ഖ്യാ​പി​ച്ച ഇ​ള​വ് ദീ​ർ​ഘി​പ്പി​ച്ചി​ട്ടി​ല്ല.

ഓ​ണ്‍ലൈ​ൻ വ​ഴി വി​ത​ര​ണം ചെ​യ്യു​ന്ന ഭ​ക്ഷ​ണ​ത്തി​നു നി​കു​തി ന​ൽ​കാ​നു​ള്ള ചു​മ​ത​ല ഓ​ണ്‍ലൈ​ൻ കന്പനി​ക​ൾ​ക്കു ന​ൽ​കും.

2022 ജ​നു​വ​രി മു​ത​ൽ നി​കു​തി ചോ​ർ​ച്ച ത​ട​യാ​നാ​ണ് ഭ​ക്ഷ​ണശാ​ല​ക​ളെ ഒ​ഴി​വാ​ക്കി ഓ​ണ്‍ലൈ​ൻ ആ​പ്പു​ക​ളി​ൽനി​ന്നു നേ​രി​ട്ടു നി​കു​തി ഈ​ടാ​ക്കു​ന്ന സം​വി​ധാ​നം നി​ല​വി​ൽ വ​രുന്നത്. അ​തി​നാ​യി ആ​പ്പു​ക​ളു​ടെ സോ​ഫ്റ്റ് വേ​റു​ക​ളി​ൽ മാ​റ്റം വ​രു​ത്താം.

മ​റ്റു തീ​രു​മാ​ന​ങ്ങ​ൾ

• പാ​യ്ക്ക് ചെ​യ്ത പ​ഴ​ച്ചാ​റി​നും കാ​ർ​ബ​ണേ​റ്റ​ഡ് പ​ഴ​ച്ചാ​റു​ക​ൾ​ക്കും 28% ജി​എ​സ്ടി​യും 12 % സെ​സും.
• ഇ​രു​ന്പ്, മാം​ഗ​നീ​സ്, കോ​പ്പ​ർ, നി​ക്ക​ൽ, കോ​ബാൾട്ട്, അ​ലുമി​നി​യം, ലെ​ഡ്, സി​ങ്ക്, ടി​ൻ, ക്രോ​മി​യം എ​ന്നി​വ​യു​ടെ ജി​എ​സ്ടി അഞ്ചിൽനി​ന്ന് 18% ആ​ക്കും.
• കാ​ൻ​സ​ർ മ​രു​ന്നു​ക​ളു​ടെ ജി​എ​സ്ടി 12ൽനി​ന്ന് 5% ആ​ക്കി കു​റ​യ്ക്കും.
• എ​ല്ലാ​ത്ത​രം പേ​ന​ക​ളു​ടെ​യും ജി​എ​സ്ടി നി​ര​ക്ക് 18% ആ​ക്കി ഏ​കീ​ക​രി​ക്കും.
• ബ​യോ ഡീ​സ​ലി​ന്‍റെ ജി​എ​സ്ടി 12ൽനി​ന്ന് 5% ആ​ക്കി കു​റ​യ്ക്കും.
• വ്യോ​മ​മാ​ർ​ഗം ക​യ​റ്റു​മ​തി ചെ​യ്യു​ന്ന വ​സ്തു​ക്ക​ൾ​ക്കു​ള്ള നി​കു​തി കു​റ​യും
• ച​ര​ക്കുവാ​ഹ​ന​ങ്ങ​ൾ​ക്ക് സം​സ്ഥാ​ന​ങ്ങ​ൾ ചു​മ​ത്തു​ന്ന നാ​ഷ​ണ​ൽ പെ​ർ​മി​റ്റ് ഫീ​സി​ന് ജി​എ​സ്ടി ഇല്ല.

സെ​ബി മാ​ത്യു

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.