National News
ഡൽഹിയിൽ ജ്വല്ലറി കുത്തിത്തുറന്ന് 25 കോടി രൂപയുടെ ആഭരണങ്ങൾ കവർന്നു
ഡൽഹിയിൽ ജ്വല്ലറി കുത്തിത്തുറന്ന് 25 കോടി രൂപയുടെ ആഭരണങ്ങൾ കവർന്നു
Wednesday, September 27, 2023 5:26 AM IST
ന്യൂ​ഡ​ൽ​ഹി: ത​ല​സ്ഥാ​ന​ന​ഗ​രി​യി​ലെ ജ്വ​ല്ല​റി​യി​ൽ വ​ൻ ക​വ​ർ​ച്ച. ദ​ക്ഷി​ണ ഡ​ൽ​ഹി​യി​ലെ ജാം​ഗ്പു​ര​യി​ലെ ഭോ​ഗാ​ലി​ലു​ള്ള ഉം​റാ​വു സിം​ഗ് ജ്വ​ല്ല​റി​യി​ലാ​ണു ക​വ​ർ​ച്ച ന​ട​ന്ന​ത്. സി​സി​ടി​വി കാ​മ​റ​ക​ൾ ത​ക​ർ​ത്ത​ശേ​ഷം ജ്വ​ല്ല​റി​യു​ടെ ഭി​ത്തി തു​ര​ന്ന് അ​ക​ത്തു ക​ട​ന്ന മോ​ഷ്‌​ടാ​ക്ക​ൾ 25 കോ​ടി രൂ​പയുടെ ആ​ഭ​ര​ണ​ങ്ങ​ൾ ക​വ​ർ​ന്നു. ഞാ​യ​റാ​ഴ്ച​യും തി​ങ്ക​ളാ​ഴ്ച​യും ജ്വ​ല്ല​റി​ക്ക് അ​വ​ധി​യാ​യി​രു​ന്നു. ഇ​ന്ന​ലെ രാ​വി​ലെ ജ്വല്ലറി തു​റ​ന്ന​പ്പോ​ഴാ​ണ് ക​വ​ർ​ച്ചാ​വി​വ​രം അ​റി​യു​ന്ന​ത്.

നാ​ലു​നി​ല കെ​ട്ടി​ട​ത്തി​ന്‍റെ ടെ​റ​സി​ലൂ​ടെ​യെ​ത്തി​യ ക​വ​ർ​ച്ച​ക്കാ​ർ താ​ഴ​ത്തെ നി​ല​യി​ലു​ള്ള ജ്വ​ല്ല​റി കെ​ട്ടി​ട​ത്തി​ന്‍റെ ഭി​ത്തി തു​ര​ന്ന് അ​ക​ത്തു ക​ട​ക്കു​ക​യാ​യി​രു​ന്നു. ഇ​ന്ന​ലെ രാ​വി​ലെ ജ്വ​ല്ല​റി​ക്കു​ള്ളി​ൽ പ്ര​വേ​ശി​ച്ച​പ്പോ​ൾ പ്ര​ദേ​ശ​മാ​കെ പൊ​ടി​പ​ട​ല​ങ്ങ​ൾ നി​റ​ഞ്ഞി​രി​ക്കു​ക​യാ​യി​രു​ന്നു​വെ​ന്നും തു​ട​ർ​ന്നു ന​ട​ത്തി​യ അ​ന്വേ​ഷ​ണ​ത്തി​ൽ സ്ട്രോം​ഗ് റൂ​മി​ന്‍റെ ഭി​ത്തി തു​ര​ന്ന​താ​യി ക​ണ്ടു​വെ​ന്നും ഉ​ട​മ സ​ഞ്ജീ​വ് ജ​യി​ൻ പ​റ​ഞ്ഞു. ജ്വ​ല്ല​റി​യി​ലെ സി​സി​ടി​വി കാ​മ​റ​ക​ളും കം​പ്യൂ​ട്ട​റു​ക​ളും ക​വ​ർ​ച്ച​ക്കാ​ർ ത​ക​ർ​ത്തിട്ടുണ്ട്.

സ​മീ​പ​കാ​ല​ത്ത് ത​ല​സ്ഥാ​ന​ന​ഗ​രി​യി​ൽ ന​ട​ക്കു​ന്ന ഏ​റ്റ​വും വ​ലി​യ ക​വ​ർ​ച്ച​യാ​ണി​തെ​ന്ന് പോ​ലീ​സ് പ​റ​ഞ്ഞു. സീ​നി​യ​ർ പോ​ലീ​സ് ഉദ്യോഗസ്ഥൻ രാ​ജേ​ഷ് ദേ​വി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം ജ്വ​ല്ല​റി​യി​ലെ​ത്തി പരിശോധിച്ചു. വ​ലി​യ ക​വ​ർ​ച്ച​യാ​ണി​തെ​ന്നും എ​ത്ര​യും​വേ​ഗം പ്ര​തി​ക​ളെ പി​ടി​കൂ​ടു​മെ​ന്നും അ​ദ്ദേ​ഹം വ്യ​ക്ത​മാ​ക്കി. ഫോ​റ​ൻ​സി​ക് വി​ദ​ഗ്ധ​ർ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ര​ണ്ടു​പേ​രാ​ണ് ക​വ​ർ​ച്ച ന​ട​ത്തി​യ​തെ​ന്ന് പോ​ലീ​സി​നു ല​ഭി​ച്ച സി​സി​ടി​വി ദൃ​ശ്യ​ങ്ങ​ളി​ലു​ണ്ട്.


ഹ​രി​യാ​ന​യി​ലെ ബാ​ങ്കി​ലും ക​വ​ർ​ച്ച

തി​ങ്ക​ളാ​ഴ്ച ഹ​രി​യാ​ന​യി​ലെ ബാ​ങ്കി​ലും സ​മാ​ന​രീ​തി​യി​ൽ ക​വ​ർ​ച്ച ന​ട​ന്നു. അം​ബാ​ല സി​റ്റി​യി​ലെ ബ​ൽ​ദേ​വ് ന​ഗ​റി​ലു​ള്ള കോ-​ഓ​പ്പ​റേ​റ്റീ​വ് ബാ​ങ്കി​ന്‍റെ ഭി​ത്തി തു​ര​ന്ന് അ​ക​ത്തു ക​ട​ന്ന ക​വ​ർ​ച്ച​ക്കാ​ർ 32 ലോ​ക്ക​റു​ക​ൾ കു​ത്തി​പ്പൊ​ളി​ച്ച് സ്വ​ർ​ണം ക​വ​ർ​ന്നു.

ഞാ​യ​റാ​ഴ്ച​ത്തെ അ​വ​ധി​ക്കു​ശേ​ഷം തി​ങ്ക​ളാ​ഴ്ച രാ​വി​ലെ ബാ​ങ്ക് തു​റ​ന്ന​പ്പോ​ഴാ​ണു ക​വ​ർ​ച്ചാ​വി​വ​രം അ​റി​യു​ന്ന​ത്. ഗ്യാ​സ് ക​ട്ട​ർ ഉ​പ​യോ​ഗി​ച്ച് ഭി​ത്തി തു​ര​ന്നാ​ണ് മോ​ഷ്ടാ​ക്ക​ൾ അ​ക​ത്തു ക​ട​ന്ന​ത്. 35 ല​ക്ഷം രൂ​പ​യു​ടെ സ്വ​ർ​ണാ​ഭ​ര​ണം ക​വ​ർ​ച്ച ചെ​യ്യ​പ്പെ​ട്ട​താ​യി ബാ​ങ്ക് മാ​നേ​ജ​ർ ഭൂ​ഷ​ൺ​ലാ​ൽ ഗു​പ്ത പോ​ലീ​സി​ൽ ന​ൽ​കി​യ പ​രാ​തി​യി​ൽ പ​റ​യു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.