ADVERTISEMENT

ADVERTISEMENT

സൗജന്യ മെഡിക്കല്‍ ക്യാമ്പ്

നെയ്യാറ്റിന്‍കര: നിംസ് മെഡിസിറ്റിയുടെ ആഭിമുഖ്യത്തിൽ കണ്ണറവിള ഹോളി സ്പിരിറ്റ്‌ പള്ളിയിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു.

ജനറൽ മെഡിസിൻ, ദന്തൽ, ഒഫ്താൽമോളജി, ഡയറ്ററി എന്നീ വിഭാഗങ്ങളിലെ വിദഗ്ധർ ക്യാമ്പിന് നേതൃത്വം നൽകി. കൊടങ്ങാവിള ശാരദാ നിവാസ് ഗ്രന്ഥശാലയുടെ 56-ാമത് വാർഷികം, പുന്നയ്ക്കാട് ദേശാഭിമാനി ഗ്രന്ഥശാലയുടെ 55-ാമത് വാർഷികം എന്നിവയോടനുബന്ധിച്ചും നിംസ് മെഡിസിറ്റിയുടെ നേതൃത്വത്തില്‍ സൗജന്യ മെഡിക്കല്‍ ക്യാമ്പ് സംഘടിപ്പിച്ചു.

ADVERTISEMENT

കപ്പൽ അപകടം: മത്സ്യത്തൊഴിലാളികൾക്ക് സാന്പത്തിക പാക്കേജ് പ്രഖ്യാപിക്കണമെന്ന്

തിരുവനന്തപുരം:കപ്പൽ അപകടം മൂലം ദുരിതമനുഭവിക്കുന്ന മത്സ്യത്തൊഴിലാളികൾക്കു സംസ്ഥാന സർക്കാർ സാന്പത്തിക പാക്കേജ് പ്രഖ്യാപിക്കണമെന്ന് സ്വതന്ത്ര മത്സ്യത്തൊഴിലാളി ഫെഡറേഷൻ സംസ്ഥാന പ്രസിഡന്‍റ് പി സ്റ്റെല്ലസും ഫെഡറേഷൻ യൂത്ത് ജില്ലാ പ്രസിഡന്‍റ് വിഴിഞ്ഞം പനയടിമ ജോണും സംയുക്ത പ്രസ്താവനയിൽ പറഞ്ഞു. അറബിക്കടലിലെ കപ്പൽ അപകടം സംസ്ഥാന ദുരന്തമായി പ്രഖ്യാപിച്ച സർക്കാർ പാരിസ്ഥിതിക-സാമൂഹിക അഘാതം കണക്കിലെടുത്ത് ദുരന്തം നിവാരണ അഥോറിറ്റി നിയമമനുസരിച്ച് ഫണ്ട ് അനുവദിച്ച് മത്സ്യത്തൊഴിലാളികളുടെ തൊഴിൽ ഉൾപ്പെടെയുള്ള വികസനക്ഷേമ പ്രവർത്തനങ്ങൾക്ക് പ്രാധാന്യം നൽകണം. ഏതാനും ജില്ലകളിലെ മത്സ്യത്തൊഴിലാളി കുടുംബത്തിന് 1000 രൂപയും ആറു കിലോ റേഷനരിയും നൽകുന്നതിൽ ഇത് ഒതുക്കാനാകില്ല. അടുത്തകാലത്തുണ്ട ായതിൽ വലിയ ദുരന്തമാണ് കപ്പലപകടം. മത്സ്യ സന്പത്തിനും കടലിലെ ആവാസ വ്യവസ്ഥയ്ക്കും മത്സ്യ തൊഴിലാളികൾക്കും മേഖലയുമായി ബന്ധപ്പെട്ട മുഴുവൻ പേർക്കുമുണ്ട ായ നഷ്ടത്തെ നിസാരവൽക്കരിച്ച് കാണരുതെന്നും അവർ ആവശ്യപ്പെട്ടു.

ആശങ്കയ്ക്ക് വിരാമമായി; മത്സ്യത്തൊഴിലാളികൾ സുരക്ഷിതരായി തീരമണഞ്ഞു

എസ്. രാജേന്ദ്രകുമാർ വിഴിഞ്ഞം : രണ്ടു രാവും പകലും നീണ്ടുനിന്ന വിഴിഞ്ഞം തീരത്തിന്‍റെ ആശങ്കയ്ക്ക് വിരാമമായി. വിഴിഞ്ഞം തുറമുഖത്ത് നിന്ന് പുറപ്പെട്ട മൂന്ന് ബോട്ടുകളിലെ മത്സ്യ ത്തൊഴിലാളികളും സുരക്ഷിതരായി തീരമണഞ്ഞു. കാണാതായ ഒരാൾക്കായുള്ള തെരച്ചിൽ തുടരുന്നു. വിഴിഞ്ഞം സ്വദേശിയായ റോബിൻസന്‍റെ‍ ഉടമസ്ഥതയിലുള്ള സഹായമാതയും കടലമ്മയും ലാസറിന്‍റെ ഉടമസ്ഥതയിലുള്ള ഫാത്തിമ മാതാ എന്നീ ബോട്ടിലെ തൊഴിലാളികളാണ് ഇന്നലെ വൈകുന്നേരത്തോടെ തീരമണഞ്ഞത്. രണ്ട് വള്ളത്തിലുള്ളവരെ തമിഴ്നാട്ടുകാർ കരയ്ക്കെത്തിച്ചപ്പോൾ ഒരെണ്ണത്തിന് രക്ഷകരായത് വിഴിഞ്ഞം മറൈൻ എൻഫോഴ്സ്മെന്‍റായിരുന്നു. വ്യാഴാഴ്ച വൈകുന്നേരം വിഴിഞ്ഞം തുറമുഖത്ത് നിന്ന് പുറപ്പെട്ട സംഘത്തെക്കുറിച്ച് വെള്ളിയാഴ്ച വരെയും പുറം ലോകത്തിന് യാതൊരു അറിവും ഇല്ലായിരുന്നു. ഇവരുമായി ബന്ധപ്പെടാനുള്ള ബന്ധുക്കളുടെയും അധികൃതരുടെയും ശ്രമങ്ങൾ പാഴായ തോടെ ആശങ്ക വർധിച്ചു. തീരദേശ പോലീസും മറൈൻ എൻഫോഴ്സ്മെന്‍റും തീരസംരക്ഷണ സേനയും അദാനിയുടെ ടഗ്ഗും വെള്ളിയാഴ്ച വൈകുന്നേരം വരെ നടത്തിയ തെരച്ചിലും വിഫലമായി . പ്രക്ഷുബ്‌ദമായ കടലിലെ തെരച്ചിൽ ദുഷ്കരമായതോടെ രാത്രിയിൽ അന്വേഷണം നിർത്തിവച്ചു. ഇതിനിടയിൽ രാത്രിയിൽ തമിഴ്നാട്ടിൽ നിന്ന് ആദ്യത്തെ ആശ്വാസ സന്ദേശമെത്തി. വിഴിഞ്ഞം സ്വദേശിയായ റോബിൻസന്‍റെ ഉടമസ്ഥതയിലുള്ള കടലമ്മ എന്ന വള്ളത്തിലെ ജോബ്, വിൻസൺ,ശേഖർ, അലോ ഷ്യസ് എന്നിവർ സുരക്ഷിതമായി കുളച്ചൽ തീരത്തണഞ്ഞ വാർത്ത പ്രതീക്ഷയ്ക്ക് വക നൽകി. ഉൾക്കടലിൽ നിയന്ത്രണം തെറ്റിയലഞ്ഞ ബോട്ടിലുണ്ടായിരുന്നവരെ തമിഴ്നാട് വള്ളക്കാർ രക്ഷപ്പെടുത്തുകയായിരുന്നു. എന്നാൽ മറ്റ് രണ്ട് വള്ളക്കാരെക്കുറിച്ച് ഇന്നലെ രാവിലെവരെയും യാതൊരറിവുമില്ലാതായി. കോസ്റ്റ് ഗാർഡും വിഴിഞ്ഞത്തെ സേനാ വിഭാഗങ്ങളും രാവിലെ മുതൽതിരച്ചിലിനിറങ്ങി. നേവിയുടെയും കോസ്റ്റ് ഗാർഡിന്‍റെയും വിമാനങ്ങളുടെ സഹായവും അധികൃതർ തേടി. ഇതിനിടയിൽ രാവിലെ പത്തരയോടെ രണ്ടാമത്തെ ശുഭവാർത്തയെത്തി. എൻജിൻ തകരാറിലായി ഉൾക്കടലിൽ അലഞ്ഞ റോബിൻസന്‍റെ സഹായമാതാ ബോട്ടിലുള്ളവരുടെ സഹായത്തിനായുള്ള വിളി വന്നു. ഫിഷറീസ് വകുപ്പിന്‍റെ രക്ഷാബോട്ട് കടലിലേക്ക് കുതിച്ചു. വിഴിഞ്ഞം സ്വദേശികളായ റോബിൻസൺ,യേശുദാസൻ,ദാസൻ,ഡേവിഡ്സൺ എന്നിവരെ കണ്ടെത്തി. ഏറെ അവശരായ സംഘത്തെ വൈകുന്നേരം നാലോടെ വിഴിഞ്ഞം തുറമുഖത്ത് എത്തിച്ചു. ഇവരെ പരിരക്ഷിക്കാൻ മെഡിക്കൽ സംഘം ഉൾപ്പെടെയുള്ളവർ തയാറെടുത്ത് നിന്നിരുന്നു.തുടർന്ന് ആംബുലൻസിൽ ഇവരെ വിഴിഞ്ഞം സർക്കാർ ആശുപത്രിയിൽ പ്രവേശിപ്പിച്ചു. വിഴിഞ്ഞത്ത് നിന്നും 35 നോട്ടിക്കൽ മൈൽ അകലെ ശക്തമായ കാറ്റിലും മഴയിലും എൻജിൻ തകരാറായത് തുടർന്നാണ് തൊഴിലാളികൾ കടലിൽ കുടുങ്ങിയത്. ഫിഷറീസ് അസി.ഡയറക്ടർ രാജേഷിന്‍റെ നേതൃത്വത്തിൽ വിഴിഞ്ഞം ഹാർബറിൽ നിന്ന് മറൈൻ റെസ്ക്യൂ യൂണിറ്റ് എന്ന റെസ്ക്യൂ യാനത്തിൽ മറൈൻ എൻഫോഴ്‌സ്മെന്‍റ് റെസ്ക്യൂ ലൈഫ് ഗാർഡ്മാരായ ജോർജ്, ബാനൻഷിയാസ്,യൂജിൻ എന്നിവർ ചേർന്നാണ് ഡേവിഡ്സൺ, റോബിൻസൺ, ദാസൻ, യേശുദാസൻ എന്നി മത്സ്യത്തൊഴിലാളികളെ രക്ഷപ്പെടുത്തി കരയിൽ എത്തിച്ചത്. ഇതിനിടയിൽ തന്നെ അടുത്ത സന്തോഷവാർത്തയും വിഴിഞ്ഞത്തു കാരെ തേടിയെത്തി. ലാസറിന്‍റെ ഉടമസ്ഥതയിലുള്ള ഫാത്തിമ മാതാ എന്ന വള്ളത്തിലുള്ള പൊഴിയൂർ സ്വദേശികളായ ജോസഫ്, മത്യാസ്, പരുത്തിയൂർ സ്വദേശി മുത്തപ്പൻ, വിഴിഞ്ഞം സ്വദേശി ജോണി എന്നിവരെ തമിഴ്നാട് ബോട്ട് രക്ഷപ്പെടുത്തിയ വാർത്ത തീരത്ത് ആഹ്ലാദത്തിന് വഴിതെളിച്ചു. ശക്തമായ കടൽക്ഷോഭത്തിൽ തകർന്ന ബോട്ടിൽ പിടിച്ച് കിടന്നവരെയാണ് രക്ഷപ്പെടുത്തിയത്. ഇവരെ നാട്ടിൽ എത്തിക്കാൻ ബന്ധുക്കൾ തമിഴ്നാട്ടിലേക്ക് തിരിച്ചു.

മലയോര ഗ്രാമങ്ങൾ ഇരുട്ടിൽ

കാട്ടാക്കട : കഴിഞ്ഞ ദിവസത്തെ കാറ്റിൽ മലയോര ഗ്രാമങ്ങളിലെ ഇരുപതിലേറെ വീടുകൾ ഭാഗികമായി തകർന്നു. വൃക്ഷങ്ങൾ കടപുഴകി വീണതാണ് ഭൂരിഭാഗം തകർച്ചയ്ക്കും കാരണം. കള്ളിക്കാട്ടെ സ്‌പോർടസ് ഹബ് തകർന്നു വീണു. കാഞ്ഞിരംകോണത്ത് ശ്രീകുമാരൻ നായരുടെ വീടിനു മുകളിലേക്ക് മരം വീണു. ശ്രീകുമാരൻ നായരുടെ മകൻ ശ്രീകേശ്, ശ്രീകേശിന്‍റെ രണ്ടുവയസുകാരി മകൾ ധ്വനി എന്നിവർക്ക് പരിക്കേറ്റു. കുന്നത്തുകാൽ പഞ്ചായത്തിലെ വണ്ടിയോട്ടുകോണത്ത് ശാരദമ്മയുടെ വീടിനു മുകളിലൂടെ മരം കടപുഴകി വീണു. അദ്ഭുതകരമായി താമസക്കാർ രക്ഷപ്പെട്ടു. അമ്പൂരിയിലും വീടുകൾക്ക് മുകളിലൂടെ മരം കടപുഴകി വീണു. ആളപായമില്ല. വൃക്ഷ ശിഖരങ്ങൾ കാറ്റിൽ ഒടിഞ്ഞു പതിച്ചാണ് വീടുകളുടെ മേൽക്കൂരകൾ തകർന്നത്. ഗ്രാമങ്ങളിലെ വൈദ്യുതി വിതരണ സംവിധാനം ഓരോദിവസവും തകരുകയാണ്. അമ്പൂരിയിൽ പാറേൽപള്ളിക്കു സമീപത്തും കൂട്ടപ്പൂ കുടപ്പനമൂട് റോഡിലും മരം വീണ് ഗതാഗതം തടസപ്പെട്ടു. മറ്റ് സ്ഥലങ്ങളിലും റോഡുകൾക്കു കുറുകെ മരം വീണ് ഗതാഗതം തടസപ്പെടു. മാറനല്ലൂർ വില്ലേജിലാണ് മൂന്നു വീടുകൾ ഭാഗികമായി തകർന്നത്. താലൂക്ക് ഡിസാസ്റ്റർ മാനേജ്‌മെന്‍റിന്‍റെ വിഭാഗം അപകടകരമായ നിലയിൽ നിന്നിരുന്ന മരങ്ങൾ മുറിച്ച് മാറ്റി. പ്രധാന പാതകളിൽ മരങ്ങൾ വീണ് ഉണ്ടായ ഗതാഗത തടസങ്ങൾ നീക്കി. ഇട റോഡിലും മറ്റ് സ്ഥലങ്ങളിലുമുള്ള വൈദ്യുത കമ്പി പൊട്ടൽ കണ്ടെത്താനുള്ള തീവ്ര ശ്രമത്തിലാണ് വൈദ്യുതി ബോർഡ്.പൂവച്ചൽ സെക്ഷനിൽ മാത്രം പത്തിലേറെ പോസ്റ്റുകൾ തകർന്നു. കൂറ്റൻ മരങ്ങൾ പോലും കാറ്റിൽ കടപുഴകി. റോഡ് വക്കിൽ നിന്ന മരങ്ങൾ വൈദ്യുത ലൈനുകളിലേക്ക് വീണ് പോസ്റ്റുകൾ ഒടിഞ്ഞു. വൈദ്യുത കമ്പികൾ പൊട്ടി. ഇതോടെ മലയോര മേഖലയിൽ വൈദ്യുത ബന്ധം നിലച്ചു. ജീവനക്കാർ മഴയെ കൂസാതെ രാവും പകലും പണിയെടുത്തിട്ടും ഇന്നലെ രാത്രി വരെ എല്ലാ സ്ഥലത്തും വൈദ്യുതി ബന്ധം പുനഃസ്ഥാപിക്കാനായില്ല.ഒറ്റ ദിവസം കൊണ്ട് കാട്ടാക്കട സെക്ഷൻ പരിധിയിൽ മാത്രം മുപ്പതോളം പോസ്റ്റുകൾ ഒടിഞ്ഞു. റോഡിൽ ഗതാഗത തടസം രൂപപ്പെട്ടതോടെ യാത്രികരും വലഞ്ഞു. മരങ്ങൾ വീണ് ഉണ്ടായ നാശങ്ങൾക്ക് പുറമേ, കാറ്റിൽ മേൽക്കൂരകൾ പറന്നുപോയും വീടുകൾക്ക് മുകളിലൂടെ മരങ്ങൾ വീണും ഉണ്ടായ നാശം വേറെ. മംഗലയ്ക്കൽ,പാറച്ചൽ,ആമച്ചൽ,ചെമ്പനാകോട്,അമ്പലത്തിൻകാല ഏലാകളിൽ വാഴ കൃഷി വ്യാപകമായി നശിച്ചു. പാറച്ചൽ തലമലച്ചൽ സ്വദേശി ഡി.ബാബുവിന്‍റെ 25 മൂടോളം റബർ മരങ്ങൾ കാറ്റിൽ മറിഞ്ഞു. ചെമ്പനാകോട് ഏലായിൽ സുകുമാരൻ നായരുടെ 30 മൂടോളം വാഴ നിലംപൊത്തി. മാറനല്ലൂർ പഞ്ചായത്തിലെ വിവിധ ഏലാകളിൽ വാഴ,മരച്ചീനി കൃഷികൾ വ്യാപകമായി നശിച്ചു. ഊരൂട്ടമ്പലം,മഞ്ഞറമൂല,പെരുമുള്ളൂർ,ചീനിവിള ഏലാകളിലാണ് കൃഷിക്ക് ഏറെ നാശം സംഭവിച്ചത്. കൂറ്റൻ മരങ്ങൾ കടപുഴകി വീടുകൾക്കുണ്ടായ നാശനഷ്‌ടത്തിനു പുറമേയാണ് കാർഷിക വിളകൾ നശിച്ചത്. മണ്ണടിക്കോണം മഞ്ഞറമൂല ഏലായിൽ പതിനായിരങ്ങളുടെ കൃഷി നശിച്ചു. മഞ്ഞറമൂല തോട്ടരികത്ത് വീട്ടിൽ സുരേന്ദ്രന്റെ 500 മൂട് വാഴ കാറ്റിൽ നിലംപൊത്തി. മരച്ചീനി കൃഷിയ്ക്കും നാശം നേരിട്ടു.ഒന്നര ലക്ഷത്തോളം രൂപയുടെ നാശം നേരിട്ടതായാണ് കണക്ക്. രാമചന്ദ്രന്‍റെ 100 വാഴകളും മരച്ചീനി കൃഷിയും നശി ച്ചു. കുലച്ച വാഴകളാണ് കാറ്റിൽ ഒടിഞ്ഞത്. വിളവെടുക്കാറായ മരച്ചീനിയും കാറ്റിൽ നശിച്ചു. ഒരു ലക്ഷത്തോളം രൂപയുടെ നാശം കണക്കാക്കുന്നു. ധർമ ദാസിന്‍റെ 100 വാഴ കാറ്റിൽ ഒടിഞ്ഞു. ഊരൂട്ടമ്പലം ഏലായിൽ കാർഷിക വിളകൾ നശിച്ചു. വാഴകൃഷിക്കാണ് നഷ്‌ടം ഏറെ. കുലച്ചതും കുലയ്ക്കാറായതുമായ വാഴകൾ കാറ്റിൽ നിലംപൊത്തി. പെരുമുള്ളൂർ ഏലായിൽ അനിൽകുമാർ വിവിധ സ്ഥലങ്ങളിൽ കൃഷി ചെയ്തിരുന്ന രണ്ടായിരത്തോളം മൂട് വാഴ കാറ്റിൽ നിലംപൊത്തി. പത്മകുമാറിന്‍റെ കൃഷിയിടത്തിലെ ആയിരത്തി അഞ്ഞൂറോളം വാഴകളും കാറ്റിൽ ഒടിഞ്ഞു. ലക്ഷക്കണക്കിനു രൂപയുടെ നഷ്്‌ടമാണ് കർഷകർക്ക് ഉണ്ടായിട്ടുള്ളത്. പലരും ഇൻഷുറൻസ് ചെയ്യാത്തതിനാൽ നഷ്‌ടപരിഹാരവും വേണ്ടത്ര ലഭിക്കില്ല. ആഞ്ഞടിച്ച കാറ്റിൽ വീടുകൾക്ക് സമീപം നിന്നിരുന്ന ഫല വൃക്ഷത്തൈകളും നിലംപൊത്തി. കൃഷിനാശം വിലയിരുത്താന്‍ ഡെപ്യൂട്ടി ഡയറക്്‌ടറും സംഘവും നെയ്യാറ്റിന്‍കര : കാറ്റിലും മഴയിലും താലൂക്കിലെ കൃഷിയിടങ്ങളില്‍ നേരിട്ട നാശനഷ്‌ടങ്ങള്‍ വിലയിരുത്താന്‍ കൃഷി ഡെപ്യൂട്ടി ഡയറക്‌ടറും സംഘവും എത്തി. താലൂക്കിലെ ഏക നഗരസഭയിലെയും പഞ്ചായത്തുകളിലെയും വ്യാപക കൃഷിനാശം നൂറുകണക്കിന് കര്‍ഷകരെ ദുരിതത്തിലാഴ്ത്തിയിരിക്കുകയാണ്. വിവിധ ദിവസങ്ങളില്‍ വീശിയടിച്ച കാറ്റും കനത്തു പെയ്ത മഴയും ലക്ഷത്തിലധികം വാഴകളെ നശിപ്പിച്ചു. മരച്ചീനിയും പച്ചക്കറിയും പലയിടത്തും നശിച്ചിട്ടുണ്ട്. ഡെപ്യൂട്ടി ഡയറക്ടര്‍ ലത, പാറശാല എഡിഎ സുരേഷ് കുമാര്‍, നെയ്യാറ്റിന്‍കര എഡിഎ സുനില്‍കുമാര്‍, അതാത് കൃഷി ഭവനുകളിലെ കൃഷി ഓഫീസര്‍മാര്‍, കൃഷി അസിസ്റ്റന്‍റുമാര്‍ എന്നിവരുള്‍പ്പെട്ട സംഘമാണ് കൃഷിയിടങ്ങള്‍ സന്ദര്‍ശിച്ചത്. കര്‍ഷകരോട് വിവരങ്ങള്‍ ചോദിച്ചറിഞ്ഞു. കാര്‍ഷിക നാശം സംഭവിച്ചതിന്‍റെ നഷ്‌ടപരിഹാരത്തിന് കൃഷി ഭവനില്‍ ലഭിക്കുന്ന അപേക്ഷ യഥാവിധി പരിശോധിച്ച് ബോധ്യപ്പെട്ടതിനു ശേഷം മാത്രമേ കര്‍ഷകര്‍ക്ക് സാന്പത്തികാശ്വാസം ലഭിക്കുകയുള്ളൂ.

കോലിയക്കോട് മൂര്‍ത്തി ക്ഷേത്രത്തിന്‍റെ മതിലിടിഞ്ഞു

നേമം : ഇന്നലെ പെയ്ത കനത്ത മഴയിൽ പാപ്പനംകോട് എസ്റ്റേറ്റ് കോലിയക്കോട് സിഎസ്‌ഐആര്‍ -നിസ്റ്റ് വളപ്പില്‍ നിന്ന മരം വീണ് കോലിയക്കോട് മൂര്‍ത്തി ക്ഷേത്രത്തിന്‍റെ മതിലിടിഞ്ഞു. മരം മൈത്രി നഗർ റോഡിലേയ്ക്കാണ് വീണത്. ലൈൻ കമ്പിയും പൊട്ടി. ഇന്നലെ ഉച്ചയ്ക്ക് പന്ത്രണ്ടോടെ യാണ് മരം വീണത്. നാട്ടുകാർ വിവരം അറിയിച്ചതിനെ തുടർന്ന് ചെങ്കൽ ചൂളയിൽ നിന്നുമെത്തിയ ഫയർ ഫോഴ്സ് സംഘമാണ് മരം മുറിച്ചുമാറ്റിയത്. വെള്ളായണി മണക്കുന്ന് റോഡിലും മരം വീണ് വൈദ്യുത ലൈന്‍ പൊട്ടി. കല്ലിയൂര്‍ പഞ്ചായത്തിലെ ഊക്കോട് വാര്‍ഡില്‍ രണ്ട് വീടുകള്‍ക്ക് മുകളില്‍ മരം വീണ് ഊക്കോട് വടക്കേവാറുവിളയില്‍ വിനയന്‍റെയും ശശിയുടെയും വീടുകൾക്ക് കേടുപാടുകൾ സംഭവിച്ചു. വെള്ളായണിയിലെ കൃഷിയിടങ്ങളും വെള്ളത്തിൽ മുങ്ങി. വെള്ളം വറ്റിക്കാൻ ഉപയോഗിക്കുന്ന മോട്ടോറുകൾ പ്രവർത്തിക്കാത്തതിനാൽ നിലമക്കരിയിൽ നെൽ വിത്ത് പാകിയിടത്ത് വെള്ളം കയറി.

വെള്ളറടയിൽ നിരവധി വീടുകൾ തകർന്നു

വെള്ളറട : മലയോര മേഖലയായ വെള്ളറട പഞ്ചായത്ത് പരിധിയില്‍ മഴ ശമനമില്ലാതെ തുടരുന്നു. പ്രദേശത്ത് കഴിഞ്ഞ ദിവസം ഉണ്ടായ ശക്തമായ കാറ്റിലും മഴയിലും നിരവധി വീടുകള്‍ക്ക് കേടുപാട് സംഭവിച്ചു. കിളിയൂര്‍ നെടുവാന്‍ കുന്നില്‍ സുനില്‍ മഞ്ജു ദമ്പതികളുടെ വീടിനു മുകളിൽ മരവും ഇലക്‌ട്രിക് പോസ്റ്റും പതിച്ച് വീട് തകര്‍ന്നു. കിളിയൂര്‍ നെടുവാന്‍കുന്നില്‍ വര്‍ഗീസ് ലളിത ദമ്പതികളുടെ വീടിന്‍റെ മുകളിൽ മരം വീണ് വീടിന്‍റെ മേല്‍ക്കൂര തകര്‍ന്നു. കിളിയൂര്‍ കാഞ്ഞിരംകോണം സുദര്‍ശനന്‍ നായരുടെ വീടിനു പുറത്ത് മരം വീണു വീട് തകര്‍ന്നു. പ്രദേശത്ത് ശക്തമായ കാറ്റിലും മഴയിലും വന്‍ മരങ്ങള്‍ കടപുഴകി വീണ് കൃഷിഭൂമികള്‍ക്കും കൃഷിയിടത്തിനും കേടുപാടുകള്‍ സംഭവിച്ചിട്ടുണ്ട്. വാഴ, പച്ചക്കറി കൃഷികളെല്ലാം മരങ്ങള്‍ വീണ് വലിയതോതില്‍ നാശനഷ്ടം സംഭവിച്ചിട്ടുണ്ട്. പ്രദേശത്ത് വ്യാപകമായ കൃഷി നാശമാണ് സംഭവിച്ചിട്ടുള്ളത്. പ്രദേശത്താകെ വന്‍മരങ്ങള്‍ കടപുഴകി വീണ് നിരവധി ഇലക്‌ട്രിക് പോസ്റ്റുകള്‍ തകരാറിലായിട്ടുണ്ട്.

മഴക്കെടുതിക്ക് അറുതിയില്ല...

തിരുവനന്തപുരം: ജില്ലയില്‍ തുടര്‍ച്ചയായി പെയ്ത ശക്തമായ മഴയ്ക്ക് ഇന്നലെ നേരിയ ശമനം. കാട്ടാക്കട, നെടുമങ്ങാട്, വര്‍ക്കല ഭാഗങ്ങളില്‍ ശക്തമായ കാറ്റില്‍ മരം കടപുഴകി ആറ് വീടുകള്‍ പൂര്‍ണമായും ജില്ലയില്‍ നൂറിലധികം വീടുകള്‍ ഭാഗികമായും തകര്‍ന്നു. ചാക്ക - പേട്ട റോഡിലുള്‍പ്പെടെ നഗരത്തിലെ പലയിടത്തും വലിയ വെള്ളക്കെട്ട് രൂപപ്പെട്ടു. ഒരാഴ്ചയായി ശക്തമായി പെയ്യുന്ന കനത്ത മഴയില്‍ വ്യാപക നാശനഷ്ടങ്ങള്‍ റിപ്പോര്‍ട്ട് ചെയ്ത സാഹചര്യത്തിൽ രണ്ടിടങ്ങളില്‍ ദുരിതാശ്വാസ ക്യാമ്പുകള്‍ തുറന്നു. തിരുവനന്തപുരം, നെയ്യാറ്റിന്‍കര താലൂക്കുകളിലാണ് ക്യാമ്പുകള്‍. നിലവിലെ റിപ്പോര്‍ട്ടുകള്‍ പ്രകാരം 34 കുടുംബങ്ങളിലെ 79 പേരാണ് രണ്ട് ക്യാമ്പുകളിലായി കഴിയുന്നത്. തിരുവനന്തപുരം താലൂക്കില്‍ ഈഞ്ചയ്ക്കല്‍ ഗവ. യുപിഎസിലാണ് ദുരിതാശ്വാസ ക്യാമ്പ് പ്രവര്‍ത്തനം ആരംഭിച്ചത്. ഇവിടെ ഒരു കുടുംബത്തിലെ രണ്ടു പേരാണ് ഉള്ളത്. നെയ്യാറ്റിന്‍കര താലൂക്കില്‍ പൊഴിയൂര്‍ ഗവ. യുപിഎസിലാണ് ദുരിതാശ്വാസ ക്യാമ്പുള്ളത്. ഇവിടെ നിലവില്‍ 33 കുടുംബങ്ങളിലായി 77 പേര്‍ ഉണ്ട്. കേശവദാസപുരം, പാപ്പനംകോട് , ദേവസ്വം ബോര്‍ഡ് ജംഗ്ഷന്‍ എന്നിവിടങ്ങളില്‍ വീണ മരം ഫയര്‍ഫോഴ്സെത്തി മുറിച്ച് മാറ്റി.പേരൂര്‍ക്കടയില്‍ മരം വീണ് മൂന്ന് പോലീസ്‍കാർക്ക് പരിക്കേറ്റു. പരിക്കേറ്റ പേരൂർക്കട എസ്എപി ക്യാമ്പിലെ ട്രെയ്നി, ഹവിൽദാർ, എസ്ഐ എന്നിവരെ ആശുപത്രിയില്‍ പ്രവേശിപ്പിച്ചു. ശക്തമായ കാറ്റില്‍ നഗരത്തിലെ നാല് പരസ്യബോര്‍ഡുകള്‍ തകര്‍ന്നു. കേശവദാസപുരത്ത് അപകടകരമായി ചരിഞ്ഞ പരസ്യബോര്‍ഡ് മുറിച്ചുമാറ്റി. ജില്ലയില്‍ പലയിടത്തും വലിയ കൃഷിനാശം റിപ്പോര്‍ട്ട് ചെയ്തു. പെരുങ്കടവിള , അതിയന്നൂര്‍ , വാമനപുരം,കാട്ടക്കട എന്നീ ബ്ലോക്കുകളിലാണ് കൃഷി നാശം ഉണ്ടായത്. പെരുങ്കടവിള ബ്ലോക്കില്‍ 2.58 ഹെക്ടറും അതിയന്നൂര്‍ ബ്ലോക്കില്‍ 0.44 ഹെക്ടറും വാമനപുരം ബ്ലോക്കില്‍ രണ്ട് ഹെക്ടറുമാണ് കൃഷി നശിച്ചത്.

കൃതി സ്റ്റേറ്റ് വെൽഫെയർ ഫെലോഷിപ്പ് പുരസ്കാരം കെ.ലക്ഷ്മണന്

നെടുമങ്ങാട് : മലയാള സാഹിത്യ അക്കാദമി ആൻഡ് റിസർച്ച് സെന്‍ററിന്‍റെ പ്രഥമ കൃതി സ്റ്റേറ്റ് വെൽഫെയർ ഫെലോഷിപ്പ് പുരസ്കാരത്തിന് കെ.ലക്ഷ്മണൻ അർ ഹനായി. ‘എന്‍റെ കാവ്യ ചിത്രങ്ങൾ 'എന്ന കവിതാസമാഹാരമാണ് പുരസ്കാരത്തിന് അർഹനാ ക്കിയത്. നെടുമങ്ങാട് സ്വദേശിയാണ് . കൃതിയുടെ പ്രകാശനത്തെ തുടർന്ന് ഓഗസ്റ്റ് 31 ന് കഴക്കൂട്ടം എൻഎസ്എസ് മന്ദിരത്തിൽ നടക്കുന്ന ചടങ്ങിൽ അവാർഡ് വിതരണം ചെയ്യും.

മികച്ച പബ്ലിക് ഹെല്‍ത്ത് നഴ്സിനെ ‘നാര്‍ഡ് ’ആദരിച്ചു

നെയ്യാറ്റിന്‍കര : മികച്ച പബ്ലിക് ഹെല്‍ത്ത് നഴ്സിനുള്ള സംസ്ഥാന സര്‍ക്കാരിന്‍റെ പുരസ്കാരം നേടിയ ഫ്ളോറന്‍സ് ജോണിന് ജന്മനാട്ടില്‍ സ്നേഹാദരം. നെയ്യാറ്റിന്‍കര അസോസിയേഷന്‍ ഫോര്‍ റൂറല്‍ ഡവലപ്പ്മെന്‍റി (നാര്‍ഡ്) ന്‍റെ ആഭിമുഖ്യത്തില്‍ സംഘടിപ്പിച്ച സുകൃതം ചടങ്ങിലാണ് ഫ്ളോറന്‍സ് ജോണിനെ ആദരിച്ചത്. കര്‍ഷക കുടുംബാംഗങ്ങളായ ദാസന്‍റെയും കമലയുടെയും മകളായ ഫ്ളോറന്‍സ് 1999 ജനുവരി പതിനഞ്ചിന് സര്‍ക്കാര്‍ സര്‍വീസില്‍ ജൂനിയര്‍ പബ്ലിക് ഹെല്‍ത്ത് നഴ്സായി പ്രവേശിച്ചു. പാലക്കാട് ജില്ലയിലെ പള്ളിപ്പുറം പി.എച്ച്.സി യിലായിരുന്നു ആദ്യനിയമനം. ചാലിശേരി, ചെന്പൂര്, പെരുന്പഴുതൂര്‍, പെരുങ്കടവിള മുതലായവിടങ്ങളിലെ ആരോഗ്യ കേന്ദ്രങ്ങളില്‍ സേവനം അനുഷ്ടിച്ചു. കോവിഡ് കാലത്ത് നെയ്യാറ്റിന്‍കര ഗവ. ജനറല്‍ ആശുപത്രിയില്‍ മികവാര്‍ന്ന സേവനം അനുഷ്ടിച്ചതിന് ഒട്ടേറെ ആദരവും അനുമോദനവും ലഭിച്ചിട്ടുണ്ട്. പള്ളിച്ചല്‍ എഫ്.എച്ച്.സി യില്‍ പബ്ലിക് ഹെല്‍ത്ത് നഴ്സായിരിക്കവെയാണ് ഈ വര്‍ഷത്തെ പുരസ്കാരം ഫ്ളോറന്‍സ് ജോണിന് പ്രാപ്തമായത്. പെരുന്പഴുതൂര്‍ കീളിയോട് കൃപാനിലയത്തില്‍ വിമുക്ത ഭടന്‍ ജോണ്‍ റോസിന്‍റെ ഭാര്യയാണ്. മക്കള്‍ ഡോ. ആര്‍വിന്‍ ജോണ്‍, എംബിബിഎസ് വിദ്യാര്‍ഥി അഖില്‍. ഇന്നലെ പെരുന്പഴുതൂര്‍ ക്ഷീരസംഘം ഹാളില്‍ ചെയര്‍മാന്‍ ജെ. ജോസ് ഫ്രാങ്ക്ളിന്‍റെ അധ്യക്ഷതയില്‍ സംഘടിപ്പിച്ച ചടങ്ങില്‍ മുന്‍ പി.എസ്.സി അംഗം അഡ്വ. വി.എസ് ഹരീന്ദ്രനാഥ് നാര്‍ഡിന്‍റെ സ്നേഹോപഹാരം ഫ്ളോറന്‍സ് ജോണിന് സമര്‍പ്പിച്ചു.

പുരാവസ്തുക്കളുടെ കാവലാൾ സര്‍വീസില്‍ നിന്നും വിരമിച്ചു

നെയ്യാറ്റിന്‍കര : പുരാവസ്തു വിജ്ഞാനത്തിന്‍റെയും തപാല്‍മുദ്രകള്‍, നാണയങ്ങള്‍ ഉള്‍പ്പെടെയുള്ള അതീതകാല അറിവടയാളങ്ങളുടെയും കാവലാളായി ജീവിതയാത്ര തുടരുന്ന സെല്‍വരാജ് ജോസഫ് 33 വർഷത്തെ ഔദ്യോഗിക സേവനത്തിനു ശേഷം ഇന്നലെ സര്‍വീസില്‍ നിന്നും വിരമിച്ചു. വിഴിഞ്ഞം സെൻ്റ് മേരീസ് എൽ.പി സ്കൂളിലെ പ്രഥമാധ്യാപകനായിരുന്ന സെല്‍വരാജ് ജോസഫിന് സംസ്ഥാനത്തെ മികച്ച അധ്യാപകനുള്ള പുരസ്കാരം നേരത്തെ ലഭിച്ചിട്ടുണ്ട്. യുഎന്‍ അംഗങ്ങളായിട്ടുള്ള 193 രാഷ്ട്രങ്ങള്‍ ഉള്‍പ്പെടെ ലോകത്തെ 350 ലേറെ രാജ്യങ്ങളിലെ ആയിരത്തിലധികം നാണയങ്ങളും കറന്‍സികളും മുതല്‍ ഇന്‍ഡ്യയിലെ നാട്ടുരാജ്യങ്ങളിലെ നാണയങ്ങള്‍ വരെയും ഇന്‍ഡ്യയിലെയും വിദേശരാജ്യങ്ങളിലെയും സ്റ്റാന്പുകള്‍, മുദ്രപത്രങ്ങള്‍, താളിയോലകള്‍ എന്നിവ മുതല്‍ കെഎസ്ആര്‍ടിസി ബസ് ടിക്കറ്റുകള്‍ വരെയും വ്യത്യസ്ത വിഭാഗങ്ങളിലെ വൈജ്ഞാനിക ശേഖരത്തിന്‍റെ ഉടമ കൂടിയാണ് അദ്ദേഹം. ഈ വിസ്മയക്കാഴ്ചകള്‍ പുതുതലമുറയ്ക്കും പൊതുസമൂഹത്തിനുമെല്ലാം ആസ്വദിക്കാനും അവയെക്കുറിച്ച് കൂടുതല്‍ അറിയാനുമായി നിരവധി പ്രദര്‍ശനങ്ങളും അദ്ദേഹം നടത്തിയിട്ടുണ്ട്. മികച്ച ഒറിഗാമി പരിശീലകന്‍ കൂടിയാണ് സെല്‍വരാജ് ജോസഫ്.

‘സുരക്ഷിത വിദ്യാരംഭം’പദ്ധതിയുമായി മോട്ടോർ വാഹനവകുപ്പ്

നെടുമങ്ങാട് : സുരക്ഷിത വിദ്യാരംഭം" പദ്ധതിയുമായി മോട്ടോർ വാഹനവകുപ്പ്.സ്കൂൾ ബസ് ഡ്രൈവർമാർക്ക് ബോധവത്കരണവും വിദ്യാഭ്യാസ സ്ഥാപനങ്ങളുടെ ഉടമസ്ഥതയിലുള്ള വാഹനങ്ങളുടെ പരിശോധനയുമാണ് ലക്ഷ്യമാക്കുന്നതെന്ന് നെടുമങ്ങാട് ട്രാൻസ്പോർട്ട് റീജണൽ ഓഫീസ് അധികൃതർ അറിയിച്ചു. ആനാട് ഡ്രൈവിംഗ് ടെസ്റ്റിംഗ് സെന്ററിൽ നടന്ന ബോധവത്ക്കരണ പരിപാടിയിൽ മോട്ടോർ വാഹന വകുപ്പും ഫയർ ആൻഡ് റസ്ക്യൂ വകുപ്പും നേതൃത്വം നൽകി. നെടുമങ്ങാട് ജോയിന്‍റ് ആർടിഒ വി.എസ്.അജിത് കുമാർ, മോട്ടോർ വെഹിക്കിൾ ഇൻസ്‌പെക്ടർമാരായ എ. സാബു, ആർ.രാജേഷ്, എ. എം. വി. ഐ വിമൽ എസ്. ആർ, നെടുമങ്ങാട് ഫയർ ആൻഡ് റെസ്ക്യൂ സ്റ്റേഷനിലെ അസി.സ്റ്റേഷൻ ഓഫീസർ സജീവ് കുമാർ, ഫയർ ആൻഡ് റെസ്ക്യൂ ഓഫീസർ രാഹുൽ എന്നിവർ ക്ലാസുകൾ നയിച്ചു. സ്‌കൂൾ വാഹനങ്ങളുടെ പരിശോധനയ്ക്ക് പരിശോധനയ്ക്ക് എ.എം. വി.ഐമാരായ എസ്.എസ്.ശ്രീകുമാർ, എ. നസീർ എന്നിവർ നേതൃത്വം നൽകി.

നെടുമങ്ങാട് ഗ്രാമീണ മൊത്തവ്യാപാര വിപണിയിലെ കർഷകരുടെ ആശങ്കകൾ പരിഹരിക്കണമെന്ന്

നെടുമങ്ങാട് : നെടുമങ്ങാട് ഗ്രാമീണ മൊത്തവ്യാപാര വിപണിയിലെ കർഷകരുടെ ആശങ്കകൾ ഉടനടി പരിഹരിക്കണമെന്ന് കർഷക സംഘടന പ്രതിനിധികൾ പത്രസമ്മേളനത്തിൽ ആവശ്യപ്പെട്ടു.മാർക്കറ്റുകൾ കാബ്കോക്ക് കൈമാറിയതിൽ കർഷകരിൽ ഉണ്ടാക്കിയ ആശങ്കകളും സംശയങ്ങളും ദുരീകരിക്കുവാൻ സർക്കാരിന് കഴിഞ്ഞിട്ടില്ല. ഇവിടെ ലേലത്തിനായി കൊണ്ടുവരുന്ന മുഴുവൻ ഉത്പന്നങ്ങളും വിറ്റഴിക്കപ്പെടുമെന്ന ഉറപ്പ് ഇല്ലാത്ത അവസ്ഥയാണ്. എന്നാലും പച്ചക്കറികളുടെ ദൗർലഭ്യം പറഞ്ഞു അന്യസംസ്ഥാനത്തു നിന്നും ലക്ഷങ്ങളുടെ പച്ചക്കറികൾ വാങ്ങിക്കൂട്ടുന്ന ഹോർട്ടികോർപ്പിന്റെ നടപടി ദുരൂഹമാണന്നും അവർ ആരോപിച്ചു. കാബ്കോയുടെ രൂപീകരണവുമായി ബന്ധപ്പെട്ട് കർഷകർ കൃഷിവകുപ്പ് മന്ത്രിക്ക് നൽകിയ പരാതിയിൽ കർഷരുമായി ചർച്ച നടത്തുക. മാർക്കറ്റിൽ കൃഷി മന്ത്രി സന്ദർശനം നടത്തുക. മാർക്കറ്റിൽ എത്തിക്കുന്ന മുഴുവൻ ഉത്പന്നങ്ങളും ഹോർട്ടികോർപ് സംഭരിക്കുക. ഏപ്രിൽ മാസം മുതൽ ഹോർട്ടികോർപ് ഉത്പന്നങ്ങൾ സംഭരിക്കുന്നതുമായി ബന്ധപ്പെട്ട് നടന്ന നിയന്ത്രണവും അതിലൂടെ കർഷകർക്കുണ്ടായ വൻ സാമ്പത്തിക നഷ്ടവും അന്വഷിച്ചു കുറ്റക്കാർക്കെതിരെ നടപടി സ്വീകരിക്കുക. ഉത്പന്നങ്ങൾ എടുത്ത വകയിൽ ജനുവരി മുതൽ മെയ്‌വരെയുള്ള കുടിശിക അടിയന്തിരമായി ലഭ്യമാക്കുക, മാർക്കറ്റിലേക്ക് വാളിക്കോട് മുതലുള്ള റോഡിന്റെ ശോചനീയാവസ്ഥ പരിഹരിക്കുക തുടങ്ങിയ ആവശ്യങ്ങളും ഉടൻ നടപ്പോക്കണമെന്ന് അവർ ആവശ്യപ്പെട്ടു. ആനാട് സുരേഷ്,ബി. ഉണ്ണികൃഷ്ണൻ, ടി. സുധാകരൻ, എം. എൻ. ഷഫീഖ്, സുധീഷ് കുമാർ. പി എന്നിവരും പത്രസമ്മളനത്തിൽ പങ്കെടുത്തു.

നായയെ രക്ഷിക്കുന്നതിനിടെ ഫയര്‍ ഓഫീസര്‍ക്ക് കടിയേറ്റു

വലിയതുറ:ഗേറ്റില്‍ കുടുങ്ങിയ നായെ രക്ഷിക്കുന്നതിനിടെ ചാക്ക ഫയര്‍ സ്റ്റേഷനിലെ എസ്.എഫ് ആര്‍.ഒ മഹേഷിന് കാലില്‍ നായുടെ കടിയേറ്റു. ഇന്നലെ രാവിലെ 8.30 ഓടെ തുമ്പ സ്റ്റേഷന്‍ കടവില്‍ പുന്നവിളാകം മുരളീധരന്റെ വീടിലെ ഗേറ്റില്‍ കുടുങ്ങിയ തെരിവുനായെ രക്ഷിക്കാനുളള ശ്രമിത്തിനിടെയാണ് മഹേഷിന്റെ കാലില്‍ കടിയേറ്റത്. നായ ഗേറ്റില്‍ കുടുങ്ങിയസമയം ഒച്ചത്തില്‍ ബഹളം വച്ചതോടെ മുരളീധരന്‍ ചാക്ക ഫയര്‍ സ്റ്റേഷനില്‍ വിവരം അറിയിക്കുകയായിരുന്നു. ഉടന്‍ തന്നെ സേനാംഗങ്ങള്‍ എത്തി ഹൈഡ്രോളിക് കട്ടര്‍ ഉപയോഗിച്ച് ഗേറ്റിന്‍റെ സ്റ്റീല്‍ ഭാഗം മുറിച്ചുമാറ്റുന്നതിനിടെയാണ് മഹേഷിന്റെ കാലില്‍ നായ കടിച്ചത്. മഹേഷ് കാലില്‍ സേഫ്റ്റി ഷ്യൂ ധരിച്ചിരുന്നെങ്കിലും കാലില്‍ ആഴത്തില്‍ മുറിവേല്‍ക്കുകയായിരുന്നു. തുടര്‍ന്ന് ഗേറ്റിന്‍റെ അഴികള്‍ മുറിച്ചുമാറ്റി നായയെ രക്ഷപ്പെടുത്തിയ ശേഷം മഹേഷിനെ തിരുവനന്തപുരം ജനറല്‍ ആശുപത്രിയിലെത്തിച്ച് ആന്റി റാബിസ് വാക്‌സിന്‍ എടുക്കുകയായിരുന്നു.

പൂവച്ചൽ ഇരുട്ടില്‌; കെഎസ്ഇബി ഓഫീസ് ഉപരോധിച്ചു

പൂവച്ചൽ: പൂവച്ചൽ പഞ്ചായത്തിന്‍റെ വിവിധ പ്രദേശങ്ങൾ ഇരുട്ടിലായതിന തുടർന്ന് കോൺഗ്രസിന്‍റെയും യൂത്ത് കോൺഗ്രസിൻന്‍റെയും നാട്ടുകാരുടെ നേതൃത്വത്തിൽ കെഎസ്ഇബി പുവച്ചൽ സെക്ഷൻ ഓഫീസ് ഉപരോധിച്ചു. ലൈനിൽ കിടക്കുന്ന മരങ്ങൾ പല പ്രദേശങ്ങളിലും പൊതു പ്രവർത്തകരുടെയും നാട്ടുകാരുടെയും സഹായത്തോടെ മുറിച്ച് നീക്കിയെങ്കിലും ,ഊരി വച്ച ഫീസ് പോലും എടുത്തു കൊടുക്കുവാൻ ബോർഡ് തയ്യാർ ആകുന്നില്ല . പല പ്രദേശങ്ങളിലേയും ഓക്സിജൻ സഹായത്തോടെ കഴിയുന്ന രോഗികൾ അവശനിലയിലാണ്.ഫ്രിഡ്ജിൽ വച്ചിരുന്ന മരുന്നുകളും നശിച്ചു. മുൻകാലങ്ങളിൽ ഏതു സാഹചര്യത്തിലായാലും പുറത്ത് നിന്ന് ജീവനക്കാരെ ഉൾപ്പെടുത്തി 24 മണിക്കൂറിനുള്ളിൽ പ്രശ്ന പരിഹാരം നടത്തിയിട്ടുണ്ട് . ഉടൻ പ്രശ്നം പരിഹരിക്കാം എന്ന ഉറപ്പിൻ മേൽ സമരം അവസാനിപ്പിച്ചു. കോൺഗ്രസ് മണ്ഡലം പ്രസിഡന്‍റ് തങ്കച്ചൻ കട്ടയ്ക്കോട് , യൂത്ത് കോൺഗ്രസ് മണ്ഡലം പ്രസിഡന്‍റ് റിജു വർഗീസ് ,പഞ്ചായത്ത് അംഗങ്ങളായ ലിജു സാമുവേൽ , ആർ. രാഘവ ലാൽ , യൂത്ത് കോൺഗ്രസ് വൈസ് പ്രസിഡന്‍റ് പ്രണവ്, യൂത്ത് കോൺഗ്രസ് മണ്ഡലം സക്രട്ടറി വിജീഷ് , യൂജിൻ, മിഖായേൽ തുടങ്ങിയവർ നേതൃത്വം നൽകി.

പോക്സോ കേസ് : വയോധികന് കഠിന തടവും പിഴയും

കാട്ടാക്കട: പ്രായപൂർത്തിയാകാത്ത ആൺകുട്ടിയെ നഗ്നതാപ്രദർശനം നടത്തി പീഡിപ്പിക്കാൻ ശ്രമിച്ച വയോധികന് കഠിന തടവും പിഴയും. കാട്ടാക്കട കൊല്ലോട് കടുവാക്കോണം അനിഭവനിൽ സത്യദാസ്(65)നെയാണ് കാട്ടാക്കട അതിവേഗ പോക്സോ കോടതി ജഡ്ജി എസ്.രമേഷ് കുമാർ നാല് വർഷത്തെ കഠിന തടവിനും 30,000രൂപ പിഴയടയ്ക്കാനും ശിക്ഷിച്ചത്. പിഴത്തുക ഇരയ്ക്ക് നൽകണമെന്നും അല്ലാത്തപക്ഷം നാല് മാസം അധിക കഠിന തടവ് കൂടി അനുഭവിക്കണമെന്നും വിധിയിൽ പറയുന്നു.2020 ജനുവരി 27നാണ് കേസിനാസ്പദമായ സംഭവം. കുട്ടിയെ പ്രതി കാച്ചിൽ നൽകാനായി പ്രതിയുടെ വീട്ടിൽ വിളിച്ചുവരുത്തി നഗ്നത കാട്ടി പീഡിപ്പിക്കാൻ ശ്രമിക്കുകയായിരുന്നു. കുട്ടിയുടെ മാതാവെത്തി അലറി വിളിച്ചതോടെ പ്രതി ഓടി രക്ഷപ്പെടുകയായിരുന്നു. വീട്ടിലെത്തിയ കുട്ടി ആത്മഹത്യയ്ക്ക് ശ്രമിച്ച് ആശുപത്രിയിലായി. ആശുപത്രി അധികൃതർ വിവരം അറിയിച്ചതിനെത്തുടർന്ന് പോലീസെത്തി കേസെടുക്കുകയായിരുന്നു. പ്രധാന സാക്ഷികൾ കൂറുമാറിയ കേസിൽ കുട്ടിയുടേയും മാതാവിന്‍റേയും മൊഴിയുടേയും സാഹചര്യത്തെളിവുകളുടേയും അടിസ്ഥാനത്തിലാണ് കോടതി വിധി പറഞ്ഞത്. അന്നത്തെ വിളപ്പിൽശാല സബ് ഇൻസ്പെക്ടർ വി.ഷിബുവാണ് കേസന്വേഷണം പൂർത്തിയാക്കി കോടതിയിൽ കുറ്റപത്രം നൽകിയത്.

ഉന്നത വിജയം നേടിയ വിദ്യാർഥികളെ ജവഹർ ബാൽ മഞ്ച് ആദരിച്ചു

തിരുവനന്തപുരം: എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർഥികളെയും ജവഹർ ബാൽ മഞ്ച് ദേശിയ ഭാരവാഹികളെയും ജവഹർ ബാൽ മഞ്ച് തിരുവനന്തപുരം ജില്ലാ കമ്മിറ്റിയുടെ നേതൃത്വത്തിൽ ആദരിച്ചു. ന്ധപ്രാരംഭ ബിന്ദു 2025’ എന്ന പേരിൽനടത്തിയ ആദരിക്കൽ ചടങ്ങ് മുൻ കെപി സി സി പ്രസിഡന്‍റ് കെ. മുരളീധരൻ ഉദ്ഘാടനം ചെയ്തു. ഉന്നത വിദ്യാഭ്യാസം ലക്ഷ്യമിടുന്ന ഓരോ കുട്ടികളും തങ്ങൾളുടെ അഭിരുചിക്ക് അനുസരിച്ച് ഉള്ള വിഷയങ്ങളാണ് തുടർ പഠനത്തിൽ തെരഞ്ഞെടുക്കേണ്ട തെന്നു കെ. മുരളീധരൻ പറഞ്ഞു. ഇന്ന് യുവതലമുറയുടെ ഏറ്റവും വലിയ രണ്ട ു ശത്രുക്കൾ മദ്യവും മയക്കുമരുന്നുമാണ്. ഇതിനെതിരേ വിദ്യാർഥി സമൂഹം ജാഗരൂകരായിരിക്കണം. കോളജുകളിൽ നിന്നും വരുന്ന മക്കളോട് അവരുടെ ഓരോ ദിവസത്തേയും കോളജ് അനുഭവങ്ങൾ ചോദിച്ചറിയാൻ മാതാപിതാക്കളും തയാറാവണം. മാതാപിതാക്കളും മക്കളും തമ്മിലുള്ള ആത്മബന്ധം കൂടുതൽ ദൃഢമാക്കിയാൽ കുട്ടികളെ കൂടുതൽ ന·യിലേക്ക് നയിക്കാൻ സാധിക്കുമെന്നും അദ്ദേഹം കൂട്ടിച്ചേർത്തി. എസ് എസ് എൽസി പ്ലസ് ടു പരീക്ഷകളിൽ മികച്ച വിജയംനേടിയവർക്കുളള ഫലകം മുരളീധരൻ സമ്മാനിച്ചു. ജവഹർ ബാൽ മഞ്ചിന്‍റെ പുതിയ ഭാരവാഹികളെ ആദരിക്കുന്ന ചടങ്ങ് ജെബിഎം ദേശീയ ചെയർമാൻ ഡോ. ജി. വി ഹരി ഉദ്ഘാടനം ചെയ്തു. ജീവിതത്തെ ലഹരിയായി കണ്ട ് ഓരോരുത്തരും മുന്നോട്ടു പോകണമെന്ന് ഡോ. ജി വി ഹരി പറഞ്ഞു. എ പ്ലസ് മാത്രമല്ല വിജയത്തിന്‍റെ അടിസ്ഥാനം. മത്സരപരീക്ഷകളിൽ മികച്ച വിജയം നേടാൻ പ്രാപ്തമാകുന്നതാണ് ഓരോരുത്തരുടേയും വിജയമികവ്. ഓരോ വിദ്യാർഥിയും ം പരമാവധി പുസ്തകങ്ങൾ വായിക്കാൻ ശ്രമിക്കണം. സെക്കുലർ രാജ്യമായ ഭാരതത്തിലെ യുവ തലമുറയെ, ഭരണഘടനയെയും രാജ്യത്തിന്‍റെ സാഹോദര്യത്തെയും കുറിച്ച് കൂടുതൽ അവ ബോധം സൃഷ്ടിക്കാൻ ആണ് ജവഹർ ബാൽ മഞ്ച് ശ്രമിക്കുന്നത്. ഓരോ മക്കളും ന·യുടെ പാതയിലൂടെ മുന്നേറാൻ മാതാപിതാക്കൾ അവരെ ചേർത്തു പിടിക്കണം. രാസലഹരിയുടെ പിടിയിൽ വീഴാൻ കുഞ്ഞുങ്ങളെ അനുവദിക്കരുത്. കുട്ടികൾക്കിടടയിൽ സാഹോദര്യവും സഹിഷ്ണതയും വളർത്താനായി നിശബ്ദ പോരാട്ടമാണ് ജവർ ബാൽ മഞ്ച് നടത്തുന്നതെന്നും ജി.വി ഹരി കൂട്ടിച്ചേർത്തു. ജവഹർ ബാൽ മഞ്ച് കേരളാ ചെയർമാൻ സുരേഷ് കെ. കരുണ്‍ അനുമോദന പ്രസംഗം നടത്തി. ജില്ലാ ചെയർമാൻ എ. എസ് ഉണ്ണികൃഷ്ണൻ അധ്യക്ഷത വഹിച്ചു. പുതിയ സംസഥാന ഭാരവാഹികളായ അമൻ അൻസാർ, ദേവകൃഷ്ണ, സൗരവ് വിഘ്നേഷ്, സ്റ്റെഫാനിയ സംസ്ഥാന കോ-ഓർഡിനേറ്റർ മഹേഷ് തുടങ്ങിയവരെ ചടങ്ങിൽ ആദരിച്ചു. പുതിയ പഠനമേഖലയിലേക്ക് എത്തുന്ന വിദ്യാർഥികൾക്കായി ഡോ. ജി.വി ഹരിയുടെ മോട്ടിവേഷൻ ക്ലാസുമുണ്ട ായിരുന്നു. ജില്ലയിലെ വിവിധ സ്ഥലങ്ങളിൽ നിന്നുള്ള 400 ലധികം വിദ്യാർഥികളെയാണ് ചടങ്ങിൽ ആദരിച്ചത്.

ഫാ. ബീഡ് മനോജ് അമാദോ ലത്തീൻ അതിരൂപത അൽമായ ശുശ്രൂഷ ഡയറക്്‌ടർ

തിരുവനന്തപുരം: തിരുവനന്തപുരം ലത്തീൻ അതിരൂപത അൽമായ ശുശ്രൂഷ ഡയറക്‌ടറായി ഫാ. ബീഡ് മനോജ് അമാദോ ചുമതലയേറ്റു. സഹായമെത്രാൻ ഡോ. ആർ. ക്രിസ്തുദാസിന്‍റെ സാന്നിധ്യത്തിൽ സത്യവാചകം ചൊല്ലിയാണ് ചുമതലയേറ്റത്. അതിരൂപത ചാൻസലർ ഫാ. ജി. ജോസ്, മുൻ ഡയറക്ടർ റവ.ഡോ. മൈക്കിൾ തോമസ്, ആർസി സ്കൂൾ കോർപറേറ്റ് മാനേജർ ഫാ. സൈറസ് കളത്തിൽ, മണക്കാട് സഹായമാതാ ഇടവക വികാരിയും അൽമായ ശുശ്രൂഷ പാളയം ഫൊറോന കോഓർഡിനേറ്ററുമായ ഫാ. സെബാസ്റ്റ്യൻ, അൽമായ ശുശ്രൂഷ അസി.ഡയറക്ടർ നിക്സണ്‍ ലോപ്പസ്, കഐൽസിഎ, കെഎൽസിഡബ്ല്യുഎ, ഡിസിഎംഎസ് തുടങ്ങിയ സമുദായ സംഘടനകളുടെയും ലീജിയൻ ഓഫ് മേരി, വിൻസന്‍റ് ഡി പോൾ സൊസൈറ്റി തുടങ്ങിയ ഭക്തസംഘടനകളുടെയും ഭാരവാഹികൾ സന്നിഹിതരായിരുന്നു.

നെടിയാംകോട് പുതിയ പാലം നിര്‍മാണത്തിനെതിരേ വ്യാപക പ്രതിഷേധം

പാറശാല:കുന്നത്തുകാല്‍ അമരവിള റോഡ് വികസനത്തിന്‍റെ ഭാഗമായി നെടിയാംകോട് പുതിയ പാലം നിര്‍മാണത്തിനെതിരേ വ്യാപക പ്രതിഷേധം. അശാസ്തീയമായ ഗതാഗത നിയന്ത്രണം എത്രയും വേഗം പുന:പരിശോധിക്കണമെന്ന് കെപിസിസി മീഡിയ സമിതി അംഗം അഡ്വ മഞ്ചവിളാകം ജയനും കോണ്‍ഗ്രസ് കൊല്ലയില്‍ മണ്ഡലം പ്രസിഡന്‍റ് കൊല്ലയില്‍ ആനന്ദനും ആവശ്യപ്പെട്ടു. ധനുവച്ചപുരം ഗവ. ഐടിയില്‍ പഠിക്കുന്ന കുട്ടികള്‍ പാര്‍ക്ക് ജംഗ്ഷന്‍ മുതല്‍ കാല്‍നടയായി എത്തേണ്ട അവസ്ഥയാണ് ഇപ്പോള്‍. സ്‌കൂളുകളും കോളജുകളും കൂടി തുറക്കുമ്പോള്‍ ഏറ്റവും കൂടുതല്‍ വിദ്യാര്‍ഥികള്‍ പഠിക്കുന്ന ഈ പ്രദേശത്തെ യാത്രാക്ലേശം പരിഹരിക്കാന്‍ യാതൊരു നടപടിയും ഇതുവരെ അധികാരികളുടെ ഭാഗത്തുനിന്നും ഉണ്ടായിട്ടില്ല. നെടിയാംകോട് എത്തേണ്ട ആളുകള്‍ രാത്രികാലങ്ങളില്‍ പാര്‍ക്ക് ജംഗ്ഷനില്‍ നിന്ന് ബസിറങ്ങി മൂന്നാല് കിലോമീറ്റര്‍ നടന്ന് യാത്ര ചെയ്യണം നെടിയാങ്കോട് പാലത്തിന്റെ നിര്‍മാണത്തിന് ആറുമാസത്തില്‍ കൂടുതല്‍ കാലാവതി എടുക്കും. സാധാരണ ഇതുപോലുള്ള പാലം പണി നടക്കുമ്പോള്‍ പകുതിഭാഗം വാഹനങ്ങള്‍ക്കും-ആളുകള്‍ക്കുള്ള യാത്രാ സൗകര്യം ഒരുക്കാറുണ്ട്. എന്നാല്‍ ഇവിടെ മുഴുവന്‍ യാത്രാസൗകര്യവും മുടക്കി കൊണ്ടാണ് ഒരിടത്തും ഇല്ലാത്ത രീതിയില്‍ പാലം പണി നടത്തുന്നത്. വെള്ളറട,അമ്പൂരി തുടങ്ങിയ മലയോര പ്രദേശങ്ങളില്‍ ഉള്ള സ്വകാര്യ വാഹനങ്ങള്‍ ഉപയോഗിക്കുന്നവര്‍ വളരെയധികം ബുദ്ധിമുട്ടുകയാണ.് ആയതിനാല്‍ ഐടിഐയില്‍ പഠിക്കുന്ന കുട്ടികള്‍ക്കും നെടിയാങ്കോട് നിവാസികള്‍ക്കും സൗകര്യപ്രദം നെയ്യാറ്റിന്‍കരയില്‍ നിന്നും ഐടി ഐ വരെ ബസ് സര്‍വീസ് നടത്തണമെന്നും ഒപ്പം കൊല്ലയില്‍ പഞ്ചായത്തില്‍ ഓടിക്കൊണ്ടിരിക്കുന്ന ഗ്രാമ വണ്ടി ഈ യാത്രാദുരിതം കൂടി പരിഹരിച്ചുകൊണ്ട് സമയക്രമം നടത്തണമെന്നും മന്ത്രി കെ.ബി. ഗണേഷ്കുമാർ നല്‍കിയ നിവേദനത്തില്‍ മഞ്ചവിളാകം ജയന്‍ ആവശ്യപ്പെട്ടു. അശാസ്തീയമായുള്ള പാലം നിര്‍മാണത്തെതുടര്‍ന്ന് പത്രം, പാല്‍ വിതരണ വാഹനങ്ങള്‍ ആറ്കിലോമീറ്ററില്‍ അധികം ചുറ്റികറങ്ങേണ്ടി വരുന്നു.

ബ്ലോക്ക് പഞ്ചായത്തുകളിൽ 14 വാർഡുകൾ കൂടും

തിരുവനന്തപുരം: ബ്ലോക്ക് പഞ്ചായത്ത് വാർഡുകളുടെ പുനർ വിഭജനവുമായി ബന്ധപ്പെട്ട കരടു പട്ടിക പ്രസിദ്ധീകരിച്ചതോടെ തിരുവനന്തപുരം ജില്ലയിലെ ബ്ലോക്ക് പഞ്ചായത്തുകളിൽ 14 വാർഡുകൾ അധികമായി വരും. ജില്ലയിലെ 11 ബ്ലോക്ക് പഞ്ചായത്തുകളിലായി നിലവിൽ 155 വാർഡുകളാണുള്ളത്. പുനർവിഭജനം വരുന്നതോടെ ബ്ലോക്ക് പഞ്ചായത്ത് വാർഡുകളുടെ എണ്ണം 169 ആയി ഉയരും. ഓരോ ബ്ലോക്ക് പഞ്ചായത്തിലും ഒന്നും രണ്ട ും വാർഡുകൾ വീതമാണ് അധികമായി വരിക. പെരുങ്കടവിള, നെടുമങ്ങാട്, നേമം ബ്ലോക്ക് പഞ്ചായത്തുകളിൽ രണ്ട ് വാർഡുകൾ വീതം അധികമായി വരും. അതിയന്നൂർ, കിളിമാനൂർ, ചിറയിൻകീഴ്, പാറശാല, പോത്തൻകോട്, വർക്കല, വാമനപുരം, വെള്ളനാട് എന്നീ ബ്ലോക്ക് പഞ്ചായത്തുകളിൽ നിലവിലുള്ളതിൽ നിന്ന് ഒന്നു വീതം വാർഡുകളുടെ എണ്ണം വർധിക്കും. ഗ്രാമപഞ്ചായത്ത് വാർഡുകളുടെ പുനർവിഭജനം പൂർത്തിയാക്കി അന്തിമ വിജ്ഞാപനം പുറപ്പെടുവിച്ച ശേഷമാണ് ബ്ലോക്ക് പഞ്ചായത്ത് വാർഡുകളുടെ കരടു വിജ്ഞാപനമിറക്കിയത്. ബ്ലോക്ക് പഞ്ചായത്ത് വാർഡ് പുനർ വിഭജനത്തിൽ പരാതികളും ആക്ഷേപങ്ങളും സ്വീകരിക്കുന്നതിനുള്ള അവസാന തീയതി ജൂണ്‍ ഏഴ് ആക്കി ഡീലിമിറ്റേഷൻ കമ്മീഷൻ പുനഃക്രമീകരിച്ചിട്ടുണ്ട്. ഇതിൽ ലഭിക്കുന്ന പരാതികളും ആക്ഷേപങ്ങളും പരിഹരിച്ച ശേഷമാകും അന്തിമ പട്ടിക പ്രസിദ്ധീകരിക്കും. ബ്ലോക്ക് പഞ്ചായത്തുകളുടെ അന്തിമ വിജ്ഞാപനം പുറത്തിറക്കിയ ശേഷമാകും ജില്ലാ പഞ്ചായത്ത് വാർഡ് പുനർ വിഭജനത്തിലേക്കു കടക്കുക.

റിട്ടയർമെന്‍റിനു മണിക്കൂറുകൾക്കുമുൻപ് പ്രഥമാധ്യാപകൻ മരിച്ചു

കിളിമാനൂർ: റിട്ടയർമെന്‍റിനു മണിക്കൂറുകൾ അവശേഷിക്കെ പ്രഥമാധ്യാപകൻ മരിച്ചു. അടയമൺ യുപിഎസിലെ പ്രഥമാധ്യാപകൻ പാപ്പാല ആറ്റായിക്കോണം വെട്ടിയിട്ടുകോണം ഗൗരീശത്തിൽ വി .അജികുമാർ (പൊടിയൻ-56) ആണ് വെള്ളിയാഴ്ച രാത്രിയോടെ പക്ഷാഘാതത്തെ തുടർന്ന് കൊല്ലത്ത് സ്വകാര്യ ആശുപത്രിയിൽ ചികത്സയിലിരിക്കെ മരിച്ചത്. ഭാര്യ: ദുർഗ അജികുമാർ. മക്കൾ: ഗൗരിപ്രിയ, ഗൗരിനന്ദൻ.

വിരമിച്ച അധ്യാപകൻ യാത്രയയപ്പ് ചടങ്ങിനിടെ കുഴഞ്ഞുവീണ് മരിച്ചു

കിളിമാനൂർ: ഇന്ന് പെൻഷൻ പറ്റിയ ഭരതന്നൂർ ജിഎച്ച്എസ്എസി ലെ ഹിന്ദി അധ്യാപകൻ കോരാണി ആലപ്പുറം സ്വദേശി പ്രഭുല്ലചന്ദ്രൻ ആണ് സർവീസിൽ നിന്നും ജീവിതത്തിൽ നിന്നും വിടവാങ്ങിയത്. ഇന്ന് സ്കൂളിൽ വച്ച് നടന്ന വിരമിക്കൽ ചടങ്ങിൽ മറുപടി പ്രസംഗം നടത്തി സീറ്റിലേക്ക് ഇരിക്കുന്നതിനിടയിൽ കുഴഞ്ഞുവീണ് മരിക്കുകയായിരുന്നു. സ്കൂളിൽ പൊതുദർശനത്തിന് വച്ചശേഷം മൃതദേഹം വീട്ടിലേക്ക് കൊണ്ടുപോയി. ഇന്ന് സംസ്കരിക്കും.

വീട്ടമ്മ തളർന്നുവീണ് മരിച്ചു

നിലമാമൂട്: ആശുപത്രിയിൽ ചികിത്സയിലായിരുന്ന ഭർത്താവിന് ഭക്ഷണം വാങ്ങാൻപോയ വീട്ടമ്മ തളർന്നുവീണ് മരിച്ചു. കുന്നത്തുകാൽ എലളുവിള കൊങ്ങംകോട് അഞ്ചുഭവനിൽ മഞ്ചു(മേരി-65)ആണ് മരിച്ചത്. കാരക്കോണംസിഎസ്ഐ മെഡി.കോളജിൽ ചികിത്സയിലായിരുന്ന ഭർത്താവ് കാർത്തികേയനു ഭക്ഷണം വാങ്ങാനായി പുറത്തിറങ്ങിയതായിരുന്നു മഞ്ചു. ഉടൻ ആശുപത്രിയിൽ ചികിത്സ നൽകിയെങ്കിലും രക്ഷിക്കാനായില്ല. മകൾ: അഞ്ചു. മരുമകൻ: അജീഷ്.

കെഎൽഎം സോണൽ മീറ്റിംഗ് - 2025 സംഘടിപ്പിച്ചു

നെയ്യാറ്റിൻകര : നെയ്യാറ്റിൻകര ഇന്‍റഗ്രൽ ഡവലപ്മെന്‍റ് സൊസൈറ്റി കേരള ലേബർ മൂവ്മെന്‍റിന്‍റെ (കെഎൽഎം) നേതൃത്വത്തിൽ ലോഗോസ് പാസ്റ്ററൽ സെന്‍ററിൽ കെഎൽഎം സോണൽ മീറ്റിംഗ് - 2025 സംഘടിപ്പിച്ചു. കെഎൽഎം രൂപത പ്രസിഡന്‍റ് ദേവരാജൻ അധ്യക്ഷത വഹിച്ചു. യോഗം കെഎൽഎം സംസ്ഥാന സമിതി വൈസ് പ്രസിഡന്‍റ് ഷൈൻ ഉദ്ഘാടനം ചെയ്തു. കെഎൽഎം രൂപത സെക്രട്ടറി ബീനറാണി റിപ്പോർട്ട് അവതരിപ്പിച്ചു. രൂപത കെഎൽഎം ഡയറക്‌ടർ ഫാ.ഡെന്നിസ് മണ്ണൂർ, കമ്മീഷൻ സെക്രട്ടറി ഫാ.ക്ലീറ്റസ്,വത്സല ബാബു, അൽഫോൻസ ആന്‍റിൽസ്, ആനിമേറ്റർ ക്രിസ്റ്റൽബായി എന്നിവർ പ്രസംഗിച്ചു. കെഎൽഎം സംസ്ഥാന വൈസ് പ്രസിഡന്‍റ് ഷൈനിന്‍റെ നേതൃത്വത്തിൽ കെഎൽഎം നെയ്യാറ്റിൻകര രൂപത സമിതിയിലേക്ക് പുതിയ ഭാരവാഹികളെ തെരഞ്ഞെടുത്തു. കെഎൽഎം ആനിമേറ്റർമാരായ ശശികുമാർ,ജയരാജ്, കെഎൽഎം എക്സിക്യുട്ടീവ് അംഗങ്ങൾ നേതൃത്വം നൽകി. കെഎൽഎമ്മിന്‍റെ പ്രവർത്തനങ്ങൾ തൊഴിലാളി ക്ഷേമ പദ്ധതികൾ എന്നിവയെ കുറിച്ച് ഷൈൻ ക്ലാസ് നയിച്ചു .

കെ.രാമന്‍പിള്ള നവതി ആഘോഷങ്ങള്‍ക്ക് തുടക്കമായി

തിരുവനന്തപുരം: മുതിര്‍ന്ന ബിജെപി നേതാവും മുന്‍ സംസ്ഥാന അധ്യക്ഷനുമായ കെ.രാമന്‍പിള്ളയുടെ നവതി ആഘോഷങ്ങള്‍ക്ക് തുടക്കമായി. ഒരുവര്‍ഷം നീണ്ടുനില്‍കുന്ന ആഘോഷപരിപാടികള്‍ ഗോവ ഗവര്‍ണര്‍ പി.എസ്.ശ്രീധരന്‍പിള്ള ഉദ്ഘാടനം ചെയ്തു. മുന്‍ എംപി എ.സമ്പത്ത്, ജോര്‍ജ് ഓണക്കൂര്‍, ഡോ.ടി.പി. ശങ്കരന്‍കുട്ടി നായര്‍, തുടങ്ങിയവര്‍ പങ്കെടുത്തു.

നെടുമങ്ങാട് മൊത്തവ്യാപാര കാർഷിക വിപണിയിലെ മുഴുവൻ പച്ചക്കറികളും സംഭരിക്കും: മന്ത്രി ജി.ആർ.അനിൽ

നെടുമങ്ങാട് : മൊത്തവ്യാപാര കാർഷിക വിപണിയിൽ കർഷകർ എത്തിക്കുന്ന മുഴുവൻ പച്ചക്കറികളും സംഭരിക്കുവാൻ ധാരണയായതായി മന്ത്രി ജി.ആർ.അനിൽ. നെടുമങ്ങാട് അന്താരാഷ്ട്ര മാർക്കറ്റിലെ കർഷകരെ നേരിട്ട് കണ്ട് സംസാരിക്കുകയായിരുന്നു അദ്ദേഹം. കർഷകരുടെ പ്രശ്നങ്ങൾ വിലയിരുത്തുന്നതിന് കൃഷിവകുപ്പ് മന്ത്രി വിളിച്ചുചേർത്ത യോഗത്തിൽ തീരുമാനമായതായും സംഭരണം കാര്യക്ഷമവും സമയബന്ധിതവും ആക്കുവാൻ കൃഷിവകുപ്പിന്‍റെ കതിർ പോർട്ടലിലും ഹോർട്ടികോർപ്പിന്‍റെ എം.ഐഎസ് ലും സംവിധാനമൊരുക്കുമെന്നും മന്ത്രി അറിയിച്ചു. നെടുമങ്ങാട് അന്താരാഷ്ട്ര മാർക്കറ്റിലെ കർഷകർക്ക് നൽകാനുള്ള അഞ്ച് മാസത്തെ ഹോർട്ടികോർപ്പ് കുടിശിക അടിയന്തരമായി വിതരണം ചെയ്യും. ജനുവരി മുതൽ മെയ് മാസം വരെയുള്ള കുടിശ്ശികയായ 48,18,000 രൂപയാണ് വിതരണം ചെയ്യുന്നത്. രജിസ്റ്റർ ചെയ്യുന്ന മുഴുവൻ കർഷകരും ഉല്ലാദിപ്പിക്കുന്ന പച്ചക്കറിയുടെ ഇനവും അളവും ലഭ്യമാക്കുന്ന തീയതിയും മുൻകൂട്ടി അറിയിക്കുന്നതിന്‍റെ അടിസ്ഥാനത്തിൽ സംഭരണ നടപടികൾ പൂർത്തീകരിക്കും. നെടുമങ്ങാട് മൊത്തവ്യാപാര കാർഷിക വിപണിയിലെ പച്ചക്കറി സംഭരണത്തിലുണ്ടായിട്ടുള്ള അസ്ഥിരത, മേഖലയിലെ കർഷകർക്ക് ബുദ്ധിമുട്ടുണ്ടാക്കിയിരുന്നു. ഇത് പ്രദേശത്തുണ്ടാക്കുന്ന പ്രശ്നങ്ങളും ഇക്കാര്യം അടിയന്തരമായി പരിഹരിക്കേണ്ടതിനന്‍റെ ആവശ്യകതയും കൃഷിമന്ത്രിയുടെ ശ്രദ്ധയിൽപ്പെടുത്തിയതിന്‍റെ അടിസ്ഥാനത്തിലാണ് കൃഷി വകുപ്പ് മന്ത്രിയുടെ അധ്യക്ഷതയിൽ കർഷക പ്രതിനിധികളുമായും ഉദ്യോഗസ്ഥരുമായും അടിയന്തരയോഗം ചേർന്നത്. നെടുമങ്ങാട് അന്താരാഷ്ട്ര മാർക്കറ്റിൽ ചേർന്ന യോഗത്തിൽ കാപ്കോ അഡീഷണൽ എംഡി സജു സുരേന്ദ്രൻ, ജോയിന്‍റ് ഡയറക്ടർ ബിന്ദു സി.പി, നെടുമങ്ങാട് അന്താരാഷ്ട്ര മാർക്കറ്റ് സെക്രട്ടറി സിന്ധു കെ.എസ്, ഹോർട്ടികോർപ്പ് ജില്ലാ മാനേജർ മണിവർണൻ. വിവിധ ബ്ലോക്കുകളിലെ കർഷക പ്രതിനിധികൾ, ആയുഷ് ഫാർമേഴ്സ് അസോസിയേഷൻ പ്രതിനിധികൾ എന്നിവർ പങ്കെടുത്തു.

റോഡിലെ കുഴികൾ അടച്ച് മാതൃകയായി നെടുമങ്ങാട് ട്രാഫിക് പോലീസ്

നെടുമങ്ങാട് : പഴകുറ്റി ജംഗ്ഷനിലെ ഗതാഗത കുരുക്കിന് പരിഹാരം കാണാൻ റോഡിൽ രൂപപ്പെട്ട കുഴികൾ അടക്കാൻ നെടുമങ്ങാട് ട്രാഫിക് പോലീസ് രംഗത്തിറങ്ങി.ദിവസേന നൂറ് കണക്കിന് വാഹനങ്ങൾ ആണ് ഇതുവഴി കടന്ന് പോകുന്നത്.വാഹനങ്ങൾ കുഴികളിൽ ഇറങ്ങി മെല്ലെ പോകേണ്ട അവസ്ഥയായിരുന്നു. ഇതോടെ രാവിലെയും വൈകുന്നേരവും മണിക്കൂറുകൾ നീണ്ട ഗതാഗത കുരുക്ക് കൊണ്ട് നാട്ടുകാരും യാത്രികരും ബുദ്ധിമുട്ടിലായി.മണിക്കൂറുകൾ നീണ്ട ഗതാഗത കുരുക്ക് നിയന്ത്രിച്ച് ട്രാഫിക് പോലീസും പെടാപ്പാടു പെട്ടു. ട്രാഫിക് പോലീസ് സംഘം തങ്ങളുടെ ശമ്പളത്തിൽ നിന്ന് കുറച്ച് തുക മാറ്റി വച്ച് സ്വന്തം ചെലവിൽ കുഴികൾ അടക്കാൻ തീരുമാനിക്കുകയും മണലും സിമന്‍റും പാറപ്പൊടിയും മിക്സ് ചെയ്ത് അവർ തന്നെ നേരിട്ട് കുഴികൾ അടച്ചു. ഇനിയെങ്കിലും ട്രാഫിക് പോലീസിന്‍റെ ജോലിഭാരം കുറയുകയും യാത്രാക്കാരുടെ ദുരിതത്തിന് ഒരു പരിധി വരെ ആശ്വാസം കിട്ടും എന്നാണ് കരുതുന്നത്. ട്രാഫിക് പോലീസ് സ്റ്റേഷൻ എസ്.ഐ ഷിബു എസ്. പി, എ എസ് ഐ സനൽ, ഹോംഗാർഡുമാരായ മാഹീൻ, സതീഷ് തുടങ്ങിയവർ കുഴിയടയ്ക്കുവാൻ നേതൃത്വം നൽകി.റോഡിന്‍റെ ദുരവസ്ഥ പിഡബ്ളിയുഡി ആധികൃതരെ അറിയിച്ചെങ്കിലും അവർ അനങ്ങിയില്ല എന്ന്‌ ആക്ഷേപം ഉണ്ട്.

എംഡിഎംഎയുമായി യുവാവ് പിടിയില്‍

പൂന്തുറ: പൂന്തുറയില്‍ 1.7 ഗ്രാം എംഡിഎംഎ യുമായി യുവാവിനെ ഡാന്‍സാഫ് സംഘം പിടികൂടി പൂന്തുറ പോലീസിനു കൈമാറി. പൂന്തുറ മുട്ടത്തറ ടി.സി - 46 /596 (3) ഷിഫ്‌ന മന്‍സിലില്‍ അല്‍ അമീന്‍ (28) ആണ് പിടിയിലായത്. കഴിഞ്ഞ ദിവസം പുലര്‍ച്ചെ 1.20 ഓടെ മാണിക്കവിളാകം ജവഹര്‍ പളളിയ്ക്ക് സമീപം ഡാന്‍സാഫ് എസ്ഐ അജേഷ്‌കുമാറിന്‍റെ നേതൃത്വത്തിലുളള സംഘം പിടികൂടിയ പ്രതിയെ പൂന്തുറ പോലീസിനു കൈമാറുകയായിരുന്നു. പൂന്തുറ എസ്എച്ച്ഒ സജീവ് , എസ്ഐ ജയപ്രകാശ് എന്നിവരുടെ നേതൃത്വത്തില്‍ അറസ്റ്റ് ചെയ്ത പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.

രക്ഷാപ്രവർത്തനത്തിനിറങ്ങിയ മറൈൻ ആംബുലൻസിന്‍റെ നിയന്ത്രണം തെറ്റി; രക്ഷകനായി ടഗ്ഗ്

വിഴിഞ്ഞം : ഉന്നത ഉദ്യോഗസ്ഥരുടെ നിർദേശം മാനിച്ച് ക്ഷോഭിച്ച കടലിൽ രക്ഷാപ്രവർത്തനത്തിന് ഇറക്കിയ പ്രതീക്ഷയെന്ന മറൈൻ ആംബുലൻസ് ഉദ്യോഗസ്ഥരുടെ പ്രതീക്ഷ നഷ്‌ടപ്പെടുത്തി. എൻജിന്‍റെ പ്രവർത്തനംനിലച്ച് നിയന്ത്രണം തെറ്റി തിരയടിയിൽ ആടിയുലഞ്ഞ് അപകടാവസ്ഥയിലായ ആംബുലൻസിൽ നിന്നുള്ള ഒൻപത് പേരുടെ ജീവൻ രക്ഷിക്കാൻ അദാനി പോർട്ടിലെ ടഗ്ഗ് വേണ്ടി വന്നു. ഏതു സമയത്തും മറിയാവുന്ന അവസ്ഥയിലെത്തിയ ആംബുലൻസിലെ ജീവനക്കാർ പേടിച്ചരണ്ടു. ക്യാപ്റ്റൻ വാൽത്യൂസ് ശബരിയാരുടെ രക്തസമ്മർദ്ദം കൂടിയതോടെ പ്രാഥമിക ശുശ്രൂഷ വരെ നൽകേണ്ടി വന്നു. ഇന്നലെ രാവിലെ എട്ടരയോ ടെയാണ് സംഭവം. തീരത്തിന് സമീപം ശക്തമായ തിരയിൽപ്പെട്ട് മറിഞ്ഞ വള്ളത്തിൽ കാണാതായ രണ്ട് പേരെ തിരക്കിയാണ് ഒരു മെയിൽ നേഴ്സും ലൈഫ് ഗാർഡുമാരും ഉദ്യോഗസ്ഥരുമടങ്ങുന്ന ഒൻപതംഗ സംഘം മറൈൻ ആംബുലൻസിൽ പുറപ്പെട്ടത്. വിഴിഞ്ഞത്തിനും മൂന്ന് കിലോമീറ്റർ മാറി അടിമലത്തുറയിൽ എത്തിയ ആംബുലൻസിൽ ഉണ്ടായിരുന്ന രണ്ട് എൻജിനും പ്രവർത്തനം നിലച്ചു. അതോടെ നിയന്ത്രണം തെറ്റിയ ബോട്ട് ശക്തമായ തിരയടിയിൽപ്പെട്ട് ആടിയുലഞ്ഞ് അപകടാവസ്ഥയിലായി. കാര്യങ്ങൾ കൈവിട്ട് പോകുമെന്ന് കണ്ട ജീവനക്കാർ അധികൃതരെ വിവരമറിയിച്ചു. എട്ട് മീറ്റർ വരെ ഉയരത്തിൽ വീശിയടിക്കുന്നതിരയിൽ പിടിച്ച് നിൽക്കാൻ കഴിയില്ലെന്ന് മനസിലാക്കിയ മറൈൻ എൻഫോഴ്സ്മെന്‍റ് അധികൃതർ അദാനി പോർട്ട് അധികൃതരുടെ അടിയന്തിര സഹായം തേടി. കാര്യഗൗരവം മനസിലാക്കിയ തുറമുഖ അധികൃതർ വേഗ ത്തിൽബോട്ടിറക്കാൻ തീരുമാനിച്ചു. ഉടൻ വിഴിഞ്ഞം പോർട്ടിലെ ടഗ് ബോട്ട് ഡോൾഫിൻ 26 സംഭവസ്ഥലത്തെത്തി. പ്രതികൂല കാലാവസ്ഥയിൽ മൂന്ന് മണിക്കൂർ നീണ്ട ശ്രമങ്ങൾക്കൊടുവിൽ പ്രതീക്ഷയെ സുരക്ഷിതമായി പോർട്ട് ബെർത്തിൽ എത്തിച്ചു.

നെയ്യാറ്റിന്‍കരയില്‍ അഞ്ച് വീടുകള്‍ ഭാഗികമായി തകര്‍ന്നു

നെയ്യാറ്റിന്‍കര : കനത്ത മഴയില്‍ നെയ്യാറ്റിന്‍കര താലൂക്കില്‍ ഇന്നലെ അഞ്ച് വീടുകള്‍ കൂടി ഭാഗികമായി തകര്‍ന്നു. ഇക്കഴിഞ്ഞ വെള്ളിയാഴ്ച രാത്രി മുതല്‍ ആരംഭിച്ച മഴക്കെടുതിയില്‍ ഇതിനോടകം പൂര്‍ണ്ണമായി പത്തും ഭാഗികമായി അന്പത്തിയെട്ടും വീടുകളാണ് തകര്‍ന്നത്. കഴിഞ്ഞ ദിവസം രാത്രിയില്‍ പലപ്പോഴായി വീശിയടിച്ച കാറ്റിലും പെയ്ത മഴയിലും താലൂക്കില്‍ പലയിടത്തും കനത്ത നാശനഷ്ടങ്ങളാണ് സംഭവിച്ചിരിക്കുന്നത്. മരങ്ങള്‍ കടപുഴകിയും മരച്ചില്ലകള്‍ ഒടിഞ്ഞും വൈദ്യുതി തൂണുകളും കന്പികളും തകര്‍ന്നു. ദിവസങ്ങള്‍ക്ക് മുന്പ് കേടുപാടുകള്‍ തീര്‍ത്തയിടങ്ങളിലും കഴിഞ്ഞ ദിവസത്തെ പ്രതികൂല കാലാവസ്ഥയില്‍ തകരാര്‍ സംഭവിച്ചിട്ടുണ്ട്. താലൂക്കിലാകെയും വിദ്യുത്ച്ഛക്തി ബന്ധം ഏറെക്കുറെ കഴിഞ്ഞ ദിവസം നിലച്ചു. ഒടിഞ്ഞ വൈദ്യുതി തൂണുകളും പൊട്ടിയ കന്പികളും മാറ്റി പുതിയത് സ്ഥാപിച്ചാലേ ചിലയിടങ്ങളില്‍ ഇനി വിദ്യുത്ച്ഛക്തി ബന്ധം പുന : സ്ഥാപിക്കാനാവൂ എന്ന സ്ഥിതിയാണ്. വൈദ്യുതി വകുപ്പ് ജീവനക്കാര്‍ രാപ്പകല്‍ ഭേദമില്ലാതെ വിദ്യുത്ച്ഛക്തി ബന്ധം പുന: സ്ഥാപിക്കുന്ന നടപടികളില്‍ വ്യാപൃതരാണ്. അതേ സമയം ഇന്നലെയും ചില പ്രദേശങ്ങളില്‍ കാലാവസ്ഥ അത്ര അനുകൂലമായിരുന്നില്ല. തുടര്‍ച്ചയായി പെയ്യുന്ന മഴയത്ത് വൈദ്യുതി ബന്ധം പുന: സ്ഥാപിക്കുന്ന നടപടികള്‍ എളുപ്പമാകില്ലായെന്ന് തദ്ദേശവാസികളും സമ്മതിക്കുന്നു. മറിഞ്ഞുവീണ മരങ്ങളും ഒടിഞ്ഞ മരച്ചില്ലകളും നീക്കം ചെയ്യാന്‍ നെയ്യാറ്റിന്‍കര ഫയര്‍ ആന്‍ഡ് റസ്ക്യൂ ടീം സജീവമായി രംഗത്തുണ്ട്. അവര്‍ക്ക് ആവശ്യമായ സഹായവുമായി പലയിടത്തും തദ്ദേശവാസികളും ഒപ്പം ചേര്‍ന്നു. ഗ്രാമീണ പ്രദേശങ്ങളില്‍ നിരത്തുകളുടെ സ്ഥിതി കൂടുതല്‍ പരിതാപകരമായി. പൊതുവേ വീതി കുറഞ്ഞ, അറ്റകുറ്റപ്പണികള്‍ യഥാസമയം നടക്കാത്ത റോഡുകളിലൂടെയുള്ള യാത്ര ഇരട്ടി ദുഷ്കരമായെന്ന് നാട്ടുകാര്‍ പരാതിപ്പെട്ടു. കുത്തിയൊലിച്ച് പോകുന്ന മഴവെള്ളത്തില്‍ റോഡിലെ കുഴികളും ടാറിളകി കിടക്കുന്നതുമൊന്നും അറിയാനാവില്ല. ചില പ്രദേശങ്ങളിലെ റോഡുകളിലെ വെള്ളക്കെട്ടുകളും ഈ മഴയത്തും പരിഹാരമാകാത്ത വിഷയമായി നിലനില്‍ക്കുന്നു. കൃഷി സംബന്ധിച്ച നാശനഷ്ടങ്ങളെക്കുറിച്ച് വ്യക്തമായ വിലയിരുത്തല്‍ നിലവില്‍ സാധ്യമല്ലായെന്ന അവസ്ഥയാണ്. മഴയ്ക്ക് പൂര്‍ണ്ണമായും ശമനമുണ്ടായാലേ കാര്‍ഷികനാശം സംബന്ധിച്ച കൃത്യമായ കണക്കുകള്‍ തിട്ടപ്പെടുത്താനാവുകയുള്ളൂ. താഴ്ന്ന പ്രദേശങ്ങളിലെ കൃഷിയിടങ്ങളിലെ വെള്ളക്കെട്ടുകളും കൃഷി നശിക്കാനിടയാക്കും. നെയ്യാര്‍ ഡാമിന്‍റെ ഷട്ടറുകള്‍ കഴിഞ്ഞ ദിവസം തുറന്നതോടെ നെയ്യാറിലെ ജലനിരപ്പ് ഉയര്‍ന്നിട്ടുണ്ട്. തുടര്‍ച്ചയായി പെയ്യുന്ന മഴയും കൂടിയായപ്പോള്‍ കലങ്ങിയ വെള്ളമാണ് ഒഴുകുന്നതെന്ന് തീരവാസികള്‍ ചൂണ്ടിക്കാട്ടി. നദിയുടെ ഒഴുക്കിന്‍റെ ശക്തിയും കൂടിയിട്ടുണ്ട്. നെയ്യാറ്റിന്‍കര താലൂക്ക് ഓഫീസില്‍ കഴിഞ്ഞ ദിവസം കണ്‍ട്രോള്‍ റൂം ആരംഭിച്ചു. 0471- 222 2227 ആണ് ഫോണ്‍ നന്പര്‍. കണ്‍ട്രോള്‍ റൂം മുഴുവന്‍ സമയം പ്രവര്‍ത്തനനിരതമാണെന്ന് താലൂക്ക് ഓഫീസ് അധികൃതര്‍ അറിയിച്ചു.

പെരുങ്കടവിളയില്‍ കർഷകർ പട്ടിണിയിൽ

വെള്ളറട:പെരുങ്കടവിള യില്‍ കാറ്റിലും മഴയിലും വീണ്ടും നാശം. പാല്‍ക്കുളങ്ങര വാര്‍ഡില്‍ റബര്‍ മരങ്ങള്‍ ചില്ലകള്‍ അടര്‍ന്ന് വീണും വേരോടെ കടപുഴകി വീണും കര്‍ഷകര്‍ക്ക് വന്‍ നഷ്‌ടം. വൈദ്യുതി പോസ്റ്റുകള്‍ വീണ് പലയിടങ്ങളിലും വൈദ്യുതി മുടങ്ങിയിട്ടുണ്ട്. മഴതുടരുന്നതിനാല്‍ റബര്‍ കര്‍ഷകരും ടാപ്പിംഗ് തൊഴിലാളികളും പട്ടിണിയിലാണ്. മഴ തുടരുന്നതിനാല്‍ ക്ഷീരകര്‍ഷകരും, ഓണം വിളവെടുപ്പ് ലക്ഷ്യമിട്ട് കൃഷി ഇറക്കിയ പച്ചക്കറി കര്‍ഷകരും പ്രതിസന്ധിയിലാണ്. മഴ കെടുതിയില്‍ വലയുന്ന ക്ഷീരകര്‍ഷകരേയും കാര്‍ഷിക മേഖലയിലെ തൊഴിലാളികളേയും നിര്‍മ്മാണ തൊഴിലാളികളേയും സഹായിക്കാന്‍ അടിയന്തര നടപടി സ്ഥീകരിക്കണമെന്ന് സിപിഐ പെരുങ്കടവിള ലോക്കല്‍ കമ്മിറ്റി സെക്രട്ടറി കാനക്കോട് ബാലരാജ് ആവശ്യപ്പെട്ടു.

കുറ്റിച്ചലിൽ വീടിന് മുകളിൽ മരം കടപുഴകി വീണു

കുറ്റിച്ചൽ: ശക്തമായമഴയിലും അതിശക്തമായ കാറ്റിലും വീടിന് മുകളി ലേക്ക് മരം കടപുഴകി വീണു. ലൂഥർ ഗിരി തോട്ടങ്കര വീട്ടിൽ കെ. രമണിയുടെ പുരയിടത്തിൽ നിന്നിരുന്ന മരം തോട്ടിൻകര സി.വിജയമ്മയുടെ വീടിന് മുകളിലൂടെയാണ് കടപുഴകി വീണത്. വിജയമ്മയുടെ വീട്ടിൽ വിജയമ്മയും മക്കളായ, ദിലീപ്,ദീപ,ദീപ്തി,ദീപ്തിയുടെ മകളായ ആദിത്യയും ആദിത്യയുടെ ഒന്നും, മൂന്നും വയസുള്ള മക്കളുമാണ് താമസം. വിജയമ്മയുടെ വീടിന്‍റെ മേൽക്കൂരയും ചുവരുകളും തകർന്ന നിലയിലാണ്. വീടിനുള്ളിലെ കട്ടിലുകൾ,മെത്ത, ഫർണിച്ചറുകൾ,നിത്യോപയോ സാധനങ്ങൾ എന്നിവക്ക് കേടുപാട് സംഭവിച്ചു.

ഗ്രാമീണ മേഖലയില്‍ വ്യാപക നാശനഷ്‌ടം

വെള്ളറട: മലയോരമേഖലയില്‍ ശക്തമായ മഴയും കാറ്റും. പ്രദേശത്താകെ വന്‍ മരങ്ങള്‍ കടപുഴകി വീണു. നൂറുകണക്കിന് മരങ്ങളാണ് നിലംപൊത്തിയത്. കുലച്ചതും കുലക്കാറായതുമായ നൂറുകണക്കിന് വാഴകള്‍ നിലംപൊത്തി. ഉച്ചയ്ക്കുശേഷം വെള്ളറട ഡിപ്പോയില്‍ നിന്ന് അമ്പൂരിയിലേക്ക് പോവുകയായിരുന്ന തേക്കുപാറ ബസിന് തൊട്ടുമുന്നില്‍ വലിയ റബര്‍ മരം കടപുഴകി വീണ് തല നാരിഴയ്ക്കാണ് അപകടം ഒഴിവായത്. തുടര്‍ന്ന് അരമണിക്കൂറോളം ബസ് റോഡില്‍ നിര്‍ത്തി ഇടേണ്ടിവന്നു. കെഎസ്ഇബി ജീവനക്കാര്‍ എത്തി വൈദ്യുതി ബന്ധം വിച്ഛേദിച്ച ശേഷം റബര്‍ മരം മുറിച്ചുമാറ്റിയ ശേഷമാണ് ബസിന് അമ്പൂരിലേക്ക് യാത്ര തുടരാന്‍ കഴിഞ്ഞത്. രാത്രിയില്‍ തന്നെ ശക്തമായ മഴയില്‍ വെള്ളറട പനച്ചമൂട് പൊത്തോട്ട്‌കോണം ശ്രീകുമാറിന്‍റെ നൂറുകണക്കിന് കപ്പ വാഴകള്‍ നിലംപൊത്തി. നെല്ലിക്കുഴി തോട്ടിന്‍കര പുത്തന്‍വീട്ടില്‍ സന്തോഷ് കുമാറിന്‍റെ കുലച്ചതും കുലക്കാറായതുമായ നൂറുകണക്കിന് വാഴകള്‍ നിലംപൊത്തി. പ്രദേശത്ത് നിരവധി മരങ്ങള്‍ കടപുഴകി വീണു. ചൂണ്ടിക്കല്‍ ആര്യ പള്ളി റോഡില്‍ കൂറ്റൻ തേക്ക് മരം ഒടിഞ്ഞുവീണ് വാഹന ഗതാഗതം തടസപ്പെട്ടു. നാട്ടുകാര്‍ സംഘടിച്ചെത്തി രാവിലെ മരങ്ങള്‍ മുറിച്ചു മാറ്റിയശേഷമാണ് വാഹന ഗതാഗതം പുനസ്ഥാപിക്കാന്‍ കഴിഞ്ഞത്. പ്രദേശത്താകെ ശക്തമായ മഴ തുടരുന്നു. നിരവധി വീടുകളുടെ പുറത്ത് വന്‍മരങ്ങള്‍ കടപുഴകി വീണു. കാഞ്ഞിരംകോണം ശ്രീഭവില്‍ ശ്രീകുമാരന്‍ നയരുടെ വീടിന്‍റെ മുകളിൽ ആഞ്ഞിലിമരം കടപുഴകി വീണ് വീട് തകര്‍ന്നു.വീട്ടുകാർ അത്ഭുതകരമായി രക്ഷപ്പെട്ടു. മുട്ടച്ചല്‍ സൈമണിന്‍റെ വീടിന് പുറത്ത് മരം വീണ് വീട് തകര്‍ന്നു വാര്‍ഡ് മെമ്പര്‍ സിവിന്‍റെ നേതൃ ത്വത്തില്‍ രക്ഷാപ്രവര്‍ത്തനം നടത്തി. കാര്‍ഷിക മേഖലയാകെ തകര്‍ന്ന അവസ്ഥയിലാണ്. പ്രദേശത്തെ കര്‍ഷകർ ദുരിതത്തിലാണ്. സര്‍ക്കാര്‍ അടിയന്തരമായി ഇടപെട്ട് പ്രകൃതിക്ഷോഭം ഉണ്ടായവര്‍ക്ക് നഷ്ടപരിഹാരം ലഭിക്കാന്‍ വേണ്ട ക്രമീകരണങ്ങള്‍ ചെയ്യണമെന്ന് നാട്ടുകാർ പറഞ്ഞു.

തീരദേശ മേഖല വെള്ളപ്പൊക്ക ഭീഷണിയിൽ

വലിയതുറ: കഴിഞ്ഞ രണ്ട് ദിവസമായി ശക്തമായി പെയ്യുന്ന മഴയിലും വീശിയടിക്കുന്ന കാറ്റിലും കടലോര മേഖലയില്‍ വ്യാപക നഷ്ടം. വള്ളക്കടവ്, പൂന്തുറ, ചെറിയതുറ, വലിയതുറ, കൊച്ചുവേളി , വെട്ടുകാട് തുടങ്ങിയ സ്ഥലങ്ങളിലെ താണ പ്രദേശങ്ങളിലുളള നിരവധി വീടുകളില്‍ വെളളം കയറി. വലിയതുറയില്‍ മാത്രം പത്തോളം വീടുകള്‍ പൂര്‍ണമായും തകര്‍ന്നിട്ടുണ്ട്. 250 ഓളം വീടുകള്‍ കടല്‍ ക്ഷോഭ ഭീഷണിയും നേരിടുകയാണ്. പൂന്തുറ, ചേരിയാമുട്ടം, ബീമാപളളി, ചെറിയതുറ, കൊച്ചുതോപ്പ് , വലിയതോപ്പ് , കണ്ണാന്തുറ, വെട്ടുകാട്, കൊച്ചുവേളി തുടങ്ങിയ തീരപ്രദേശങ്ങളിലും ശക്തമായ വേലിയേറ്റമാണ് അനുഭവപ്പെടുന്നത്. എയര്‍പോര്‍ട്ടിനു സമീപം കാരാളി ലെയ്‌നില്‍ ഇന്നലെ ഉച്ചയ്ക്ക് രണ്ടിന് ശക്തമായ മഴയില്‍ വന്‍മരം കടപുഴകി ഇലക്‌ട്രിക് ലൈനില്‍ വീണു. സമീപവാസികള്‍ വിവരം അറിയിച്ചതിനെ തുടര്‍ന്ന് ചാക്ക ഫയര്‍ സ്റ്റേഷനില്‍ നിന്നും അധികൃതരെത്തി മുറിച്ചുമാറ്റി. ഇന്നലെ രാവിലെ 11.40ന് വള്ളക്കടവ് മുട്ടത്തറ കല്ലുംമൂട്ടില്‍ ശ്യാമളയുടെ ഉടമസ്ഥതയിലുളള വീടിനുമുകളില്‍ വീണ വന്‍മരം ചാക്കയില്‍ നിന്നും ഫയര്‍ ഫോഴ്‌സ് സംഘം എത്തി മുറിച്ചുമാറ്റി. വള്ളക്കടവ്,മുട്ടത്തറ ഭാഗങ്ങളില്‍ പാര്‍വതി പുത്തനാറിലെ ജലനിരപ്പ് ഗണ്യമായി ഉയര്‍ന്നിട്ടുണ്ട്.

ചെങ്കല്‍ പഞ്ചായത്തില്‍ വന്‍ കൃഷിനാശം

നെയ്യാറ്റിന്‍കര : ചെങ്കല്‍ പഞ്ചായത്തില്‍ വ്യാപക കൃഷിനാശം. നാല്‍പ്പതിനായിരത്തോളം വാഴകള്‍ നശിച്ചതായി പ്രാഥമിക നിഗമനം. നൂറിലേറെ വാഴ കര്‍ഷകര്‍ ദുരിതത്തില്‍. തിരുവനന്തപുരം ജില്ലയില്‍ ഏറ്റവും കൂടുതല്‍ കൃഷിയിടങ്ങളുള്ള ചെങ്കല്‍ പഞ്ചായത്തില്‍ ഇക്കഴിഞ്ഞ വെള്ളിയാഴ്ച മുതല്‍ ഇടയ്ക്കിടയ്ക്കുള്ള കാറ്റിലും മഴയിലും വന്‍കൃഷിനാശമാണ് സംഭവിച്ചിരിക്കുന്നത്. പഞ്ചായത്തിലെ എല്ലാ വാര്‍ഡുകളിലെയും ആയിരക്കണക്കിന് വാഴകള്‍ നിലംപതിച്ചു. ആറയൂര്‍ വാര്‍ഡിലാണ് കൃഷിനാശം കൂടുതലെന്ന് കൃഷി ഭവന്‍ അധികൃതര്‍ അറിയിച്ചു. ഈ വര്‍ഷത്തെ ഓണ വിപണി ലക്ഷ്യമിട്ടുള്ള വാഴ കൃഷിയായിരുന്നു. നൂറിലധികം കര്‍ഷകര്‍ വാഴയും മരച്ചീനിയും പച്ചക്കറിയുമൊക്കെ ഈ പഞ്ചായത്തിന്‍റെ വിവിധ പ്രദേശങ്ങളിലായി കൃഷി ചെയ്യുന്നുണ്ട്. ജില്ലയില്‍ തന്നെ നെല്‍കൃഷി വ്യാപകമായുള്ള പഞ്ചായത്താണ് ചെങ്കല്‍. വാഴ കര്‍ഷകരില്‍ നല്ലൊരു ശതമാനവും ഇന്‍ഷ്വര്‍ ചെയ്തിട്ടുള്ളതിനാല്‍ നഷ്ടപരിഹാരം ലഭിക്കും. ആഭരണങ്ങള്‍ പണയം വച്ചും പലിശയ്ക്ക് പണമെടുത്തുമൊക്കെയാണ് കൂടുതല്‍ പേരും വന്‍തോതില്‍ വാഴ കൃഷി ചെയ്തിട്ടുള്ളത്. നിലവിലെ കണക്കുകളനുസരിച്ച് നാല്‍പ്പതിനായിരത്തോളം വാഴകളാണ് നശിച്ചിട്ടുള്ളത്. എന്നാല്‍ ഇനിയും കാറ്റും മഴയും തുടര്‍ന്നാല്‍ നാശനഷ്ടങ്ങളുടെ സംഖ്യ വീണ്ടും വര്‍ധിക്കാന്‍ സാധ്യതയുണ്ടെന്ന ആശങ്കയിലാണ് കര്‍ഷകരും കൃഷി ഭവന്‍ അധികൃതരും. കൃഷി നാശം സംഭവിച്ചതുമായി ബന്ധപ്പെട്ട് കര്‍ഷകര്‍ കൃഷി ഭവനില്‍ നഷ്ടപരിഹാരത്തിന് അപേക്ഷ നല്‍കിയാല്‍ കൃഷി ഭവന്‍ ഉദ്യോഗസ്ഥര്‍ നേരിട്ട് സ്ഥലം സന്ദര്‍ശിച്ച് അവ വിലയിരുത്തും. മഴ പൂര്‍ണ്ണമായും ശമിക്കാത്ത സാഹചര്യത്തില്‍ കൃഷി നാശം സംബന്ധിച്ച വ്യക്തമായ കണക്കുകള്‍ ലഭ്യമല്ല.

തിമിർത്താടി മഴയും കാറ്റും; ആടിയുലഞ്ഞ് ജനം

തിരുവനന്തപുരം: ഒരാഴ്ചയായി ജില്ലയില്‍ കോരിച്ചൊരിയുന്ന മഴയില്‍ വ്യാപക നാശനഷ്ടങ്ങള്‍. കഴിഞ്ഞ വെള്ളിയാഴ്ച ആരംഭിച്ച ശക്തമായ മഴയിലും കാറ്റിലും വ്യാപക നാശനഷ്ടമാണ് ജില്ലയില്‍ ഉണ്ടായത്. ശക്തമായ മഴയിലും കാറ്റിലും 144 വീടുകള്‍ക്ക് നാശനഷ്ടം സംഭവിച്ചു. 138 വീടുകള്‍ ഭാഗികമായും ആറു വീടുകള്‍ പൂര്‍ണമായും തകര്‍ന്നു. ജില്ലയില്‍ മിക്കയിടങ്ങളിലും വൈദ്യുതി ബന്ധം തകരാറിലായി. കുറച്ച് സ്ഥലങ്ങളില്‍ മാത്രമാണ് വൈദ്യുതി പുന:സ്ഥാപിക്കാനായത്. വൈദ്യുതി പോസ്റ്റുകളില്‍ മരം വീണുണ്ടായ നാശനഷ്ടം പരിഹരിക്കാനുള്ള കാലതാമസമാണ് കാരണം. കനത്ത കാറ്റിലും മഴയിലും കഴക്കൂട്ടം ആനന്ദേശ്വരത്ത് വീടിന്‍റെ മേല്‍ക്കൂര പറന്നുപോയി. പൂജപ്പുരയില്‍ തേക്ക് മരം വട്ടം ഒടിഞ്ഞുവീണത് ഗതാഗത തടസമുണ്ടാക്കി. പുല്ലാട്ടുകരി കോളനിയില്‍ വീടിന്‍റെ മുകളിലേക്ക് കൂറ്റന്‍ ആഞ്ഞിലി മരം കടപുഴകി വീണു. വീട്ടിലുണ്ടായിരുന്ന എട്ടുപേര്‍ തലനാരിഴയ്ക്കാണ് രക്ഷപ്പെട്ടത്. കവടിയാര്‍, വെള്ളയമ്പലം, കുടപ്പനക്കുന്ന്, പട്ടം, കരമന, കാച്ചാണി തുടങ്ങി ഒട്ടേറെ ഇടങ്ങളില്‍ മരം വീണ് വാഹനങ്ങള്‍ക്കും വസ്തുക്കള്‍ക്കും നാശനഷ്ടമുണ്ടായി. കഴക്കൂട്ടം റെയില്‍വേ മേല്‍പ്പാലത്തിനു മുകളിലായി മരം വീണ് ഗതാഗതം തടസപ്പെട്ടു. കൊച്ചുവേളി, കടയ്ക്കാവൂര്‍, കടയ്ക്കല്‍, റെയില്‍വേ ട്രാക്കിലും മരങ്ങള്‍ വീണ് പത്ത് മണിക്കൂര്‍ ഗതാഗതം തടസപ്പെട്ടു. ജലനിരപ്പ് ഉയര്‍ന്നതിനെതുടര്‍ന്ന് വാമനപുരം നദീതീരത്തു താമസിക്കുന്നവര്‍ക്ക് ജാഗ്രതാ നിര്‍ദേശം നല്‍കിയിട്ടുണ്ട്. വിഴിഞ്ഞത്ത് മത്സ്യബന്ധനത്തിന് പോയ ബോട്ട് മുങ്ങി പുല്ലുവിള സ്വദേശി ആന്‍റണി തദേവൂസ് മരിച്ചു. സ്റ്റെല്ലസിനെ കാണാ തായി. വിഴിഞ്ഞം തീരത്ത് നിന്നും മത്സ്യബന്ധനത്തിന് പോയ ഏഴ് വള്ളങ്ങള്‍ ശക്തമായ കാറ്റില്‍പ്പെട്ട് ദിശമാറി കടലില്‍പെട്ടു. മഴ കനത്തതോടെ പാപനാശം ക്ലിഫില്‍ ബാരിക്കേഡ് സ്ഥാപിച്ചു. വിഴിഞ്ഞത്ത് ആങ്കര്‍ പൊട്ടി കൂറ്റന്‍ ബോട്ട് മുങ്ങി. ജില്ലയില്‍ കാപ്പില്‍ മുതല്‍ പൊഴിയൂര്‍ വരെ ഉയര്‍ന്ന തിരമാലയ്ക്ക് സാധ്യതയുള്ളതിനാല്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്. ഇന്ന് രാവിലെ 5.30 വരെ ഉയര്‍ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. മത്സ്യത്തൊഴിലാളികളും തീരദേശവാസികളും അതീവ ജാഗ്രത പാലിക്കണം. കടല്‍ക്ഷോഭം രൂക്ഷമാകാന്‍ സാധ്യതയുള്ളതിനാല്‍ അപകട മേഖലകളില്‍ നിന്ന് അധികൃതരുടെ നിര്‍ദേശാനുസരണം മാറി താമസിക്കണം. ചെറിയ വള്ളങ്ങളും ബോട്ടുകളും കടലിലേക്ക് ഇറക്കുന്നത് ഈ സമയത്ത് ഒഴിവാക്കണം. ബീച്ചിലേക്കുള്ള യാത്രകളും കടലില്‍ ഇറങ്ങിയുള്ള വിനോദങ്ങളും പൂര്‍ണമായും ഒഴിവാക്കണം. തീരശോഷണത്തിനു സാധ്യതയുള്ളതിനാല്‍ പ്രത്യേകം ജാഗ്രത പുലര്‍ത്തണം. ജില്ലയില്‍ ഇതുവരെ രണ്ട് ദുരിതാശ്വാസ ക്യാമ്പുകളിലായി നാല് കുടുംബങ്ങളിലെ 11 പേരെ മാറ്റിപ്പാര്‍പ്പിച്ചിട്ടുണ്ട്. പ്രതികൂല കാലാവസ്ഥയെ തുടര്‍ന്ന് പൊന്മുടി ഇക്കോ ടൂറിസത്തിലേക്കുള്ള സന്ദര്‍ശനവും നിരോധിച്ചിട്ടുണ്ട്.

ആദിവാസി, ഗ്രാമീണ യുവതികളെ ശാക്തീകരിക്കുന്നതിനുള്ള തൊഴിലധിഷ്ഠിത പദ്ധതിയുമായി ക്വസ്റ്റ് ഗ്ലോബല്‍

തിരുവനന്തപുരം: വൈ4ഡി ഫൗണ്ടേഷനുമായി സഹകരിച്ച് ആദിവാസി, ഗ്രാമീണ യുവതികളെ നൈപുണ്യവത്കരിക്കുന്നതിനായുള്ള സിഎസ്ആര്‍ സംരംഭം ആരംഭിക്കുന്നതായി ക്വസ്റ്റ് ഗ്ലോബല്‍ പ്രഖ്യാപിച്ചു. ഇലക്‌ട്രോണിക്‌സ് നിര്‍മാണ വ്യവസായത്തില്‍ നിര്‍ണായക പങ്കുവഹിക്കുന്ന പിസിബി അസംബ്ലി ഓപ്പറേറ്റര്‍ ജോലിക്കായി യുവതിക്കളെ പരിശീലിപ്പിക്കുന്നതിനും ജോലി നിയമനം നല്‍കുന്നതിനുമാണ് പദ്ധതി ശ്രദ്ധ കേന്ദ്രീകരിക്കുന്നത്. തിരുവനന്തപുരത്തെയും ബെല്‍ഗാമിലെയും 200 ആദിവാസി, ഗ്രാമീണ യുവതിക്കളെയാണ് പദ്ധതിക്കായി തെരഞ്ഞെടുത്തിരിക്കുന്നത്. നാഷണല്‍ സ്‌കില്‍ ഡെവലപ്മെന്‍റ് കോര്‍പ്പറേഷന്‍ സാക്ഷ്യപ്പെടുത്തിയ പാഠ്യപദ്ധതി, പിസിബി അസംബ്ലി ഓപ്പറേറ്റര്‍ ട്രെയിനികള്‍ക്കായുള്ള വിവിധ പരിശീലന പദ്ധതികൾ സംയോജിപ്പിച്ച് ഏറ്റവും പുതിയ വ്യവസായ ആവശ്യങ്ങള്‍ നിറവേറ്റുന്നതിനായി ശ്രദ്ധാപൂര്‍വം തയാറാക്കിയതാണ്. സാങ്കേതിക പരിശീലനത്തിന് പുറമേ, പോസ്റ്റ്-പ്ലേസ്മെന്‍റ് പിന്തുണ, അപ്രന്‍റീസ് നിയമ സംരക്ഷണത്തിന് കീഴിലുള്ള കവറേജ്, തൊഴില്‍ സുരക്ഷ ഉറപ്പാക്കല്‍, ജോലിസ്ഥലത്തെ പൊരുത്തപ്പെടുത്തല്‍, ദീര്‍ഘകാല കരിയര്‍ സുസ്ഥിരത എന്നിവയും പരിപാടി വാഗ്ദാനം ചെയ്യുന്നുണ്ട്. അപ്രന്‍റീസ് നിയമ കവറേജ് ഈ സ്ത്രീകള്‍ക്ക് അവശ്യ നിയമ പരിരക്ഷകള്‍ നല്‍കുകയും ന്യായമായ തൊഴില്‍ രീതികള്‍ ഉറപ്പാക്കുകയും ചെയ്യും. നേരത്തെ പൂണെയിലും സമാനമായ പരിപാടി സംഘടിപ്പിച്ചിരുന്നു. അവിടെ 460ല്‍ അധികം സ്ത്രീകള്‍ക്ക് പരിശീലനം നല്‍കുകയും സ്ഥിരമായ ജോലിസ്ഥലങ്ങളില്‍ നിയമിക്കപ്പെടുകയും ചെയ്തിരുന്നു.

കാരോട് പഞ്ചായത്തില്‍ ഗ്രാമവണ്ടി സര്‍വീസ് ആരംഭിച്ചു

പാറശാല: കെഎസ്ആര്‍ടിസിയും കാരോട് പഞ്ചായത്തും സംയുക്തമായി ആരംഭിച്ച ഗ്രാമവണ്ടിയുടെ ഉദ്ഘാടനം ചെങ്കവിള ജംഗ്ഷനില്‍ കെ. ആന്‍സലന്‍ എംഎല്‍എ നിര്‍വഹിച്ചു. കാരോട് പഞ്ചായത്ത് പ്രസിഡന്‍റ് സി.എ. ജോസ്, പ്രമോദ് ശങ്കര്‍, എ.ടി. ജോര്‍ജ്, എസ്.കെ. ബെന്‍ഡാര്‍വിന്‍, സൂര്യ എസ്. പ്രേം, എസ്. അജയകുമാര്‍, എസ്. സൂസിമോള്‍, സി. എഡ്വിന്‍ സാം, കെ. രാജയ്യന്‍, കെ. സലീല, എസ്.ബി. ആദര്‍ശ്, എം. കുമാര്‍, ശാലിനി സുരേഷ്, സൗമ്യ ഉദയന്‍ , ആര്‍. സതികുമാര്‍, ആര്‍.ഐ. കലാറാണി തുടങ്ങിയവര്‍ പ്രസംഗിച്ചു. പൊഴിയൂര്‍ കല്ലിയില്‍ നിന്നാരംഭിച്ച് കടലിക്കുളം, കാരക്കാവിള, പഴയ ഉച്ചക്കട ,പാവാറ, അമ്പനാവിള, മണ്ണാംവിള, പിന്‍കുളം, ഊരമ്പ് ,ചെങ്കവിള, നരിക്കുഴി, ചാരോട്ടു കോണം, ഞാറക്കാല, പൊറ്റയില്‍കട, കുളത്തൂര്‍, വടൂര്‍ക്കോണം, പാറശാല വഴി കളിയിക്കാവിളയില്‍ അവസാനിക്കുന്ന ക്രമത്തില്‍ ദിവസേന നാലു സര്‍വീസുകളാണ് നടത്തുന്നത്.

ആശാവർക്കർമാരുടെ രാപകൽ യാത്ര: സ്വാഗതസംഘം രൂപീകരിച്ചു

നെടുമങ്ങാട്: ആശാ വർക്കർമാരുടെ രാപകൽ സമരയാത്ര ജൂൺ 14ന് നെടുമങ്ങാട്ട് എത്തുമ്പോൾ സ്വീകരണം നൽകാൻ 82 അംഗ സ്വാഗതസംഘം രൂപീകരിച്ചു. കെ.എസ്. ശബരിനാഥൻ, ആനാട് ജയചന്ദ്രൻ, ടി. അർജുനൻ, ആനാട് ജയൻ എന്നിവരെ രക്ഷാധികാരിയായും വട്ടപ്പാറ ചന്ദ്രനെ ചെയർമാനായും ഉഷ ഉഴമലയ്ക്കലിനെ കൺവീനറായും 82 അംഗ സ്വാഗതസംഘത്തെ നെടുമങ്ങാട് ഗ്രീൻലാൻഡ് ഓഡിറ്റോറിയത്തിൽ ചേർന്ന യോഗം തെരഞ്ഞെടുത്തു. ബി.എസ്. എമിലിനെ നെടുമങ്ങാട് സ്വാഗത സംഘം കോ-ഓർഡിനേറ്ററായും കുളപ്പട ഫിറോസിനെ വർക്കിംഗ് ചെയർമാനായും യോഗം തെരഞ്ഞെടുത്തു. നെടുമങ്ങാട് മുനിസിപ്പാലിറ്റി പ്രതിപക്ഷ നേതാവ് അജി പൂങ്കുമൂ ട് അധ്യക്ഷത വഹിച്ച യോഗത്തിൽ കേരള ആശ ഹെൽത്ത് വർക്കേഴ്സ് അസോസിയേഷൻ സംസ്ഥാന വൈസ് പ്രസിഡന്‍റ് എസ്. മിനി സ്വാഗതസംഘ രൂപീകരണ യോഗം ഉദ്ഘാടനം ചെയ്തു. അഡ്വ. തേക്കട അനിൽ കുമാർ, പുലിപ്പാറ യൂസഫ്, ജില്ലാ സ്വാഗതസംഘം വൈസ് ചെയർമാൻ ഷാജർഖാൻ, ബി.എസ്. എമിൽ, മൂഴിയിൽ മുഹമ്മദ് ഷിബു, ഓസൻ കുഞ്ഞ്, മനൂർക്കോണം സത്യൻ, സി. രാജലക്ഷ്മി, ജയൻ, അബ്ദുൽ കലാം, ആർ.ജെ. മഞ്ജു എന്നിവർ സംസാരിച്ചു.

യാത്രാക്ലേശം പരിഹരിക്കാന്‍ ആവശ്യപ്പെട്ടു നിവേദനം നല്‍കി

നെയ്യാറ്റിന്‍കര: റോഡ് നിര്‍മാണ പ്രവര്‍ത്തനങ്ങള്‍ നടക്കുന്നതിനാലുള്ള യാത്രാക്ലേശം അടിയന്തരമായി പരിഹരിക്കണമെന്ന് ആവശ്യപ്പെട്ട് ധനുവച്ചപുരം ഇന്‍റർനാഷണൽ ഐടിഐ ട്രെയിനികള്‍ കൊല്ലയില്‍ പഞ്ചായത്ത് പ്രസിഡന്‍റിന് നിവേദനം നല്‍കി. ധനുവച്ചപുരം - നെടിയാങ്കോട് റോഡ് നിര്‍മാണ പ്രവര്‍ത്തനങ്ങളുടെ ഭാഗമായി പാലം പണി നടക്കുന്നതിനാൽ ധനുവച്ചപുരം ഇന്‍റർനാഷണൽ ഐടിഐയിലേക്ക് രാവിലെ ക്ലാസിനു വരുന്ന വിദ്യാർഥികൾക്കും ക്ലാസു കഴിഞ്ഞ് വൈകുന്നേരം മടങ്ങിപ്പോകുന്നവർക്കും യാത്രാബുദ്ധിമുട്ടു നേരിടുന്നു. കൊല്ലയിൽ പഞ്ചായത്തിന്‍റെ ഗ്രാമവണ്ടിയുടെ സേവനം രാവിലെയും വൈകുന്നേരവും അനുവദിക്കണമെന്ന ആവശ്യമാണ് എസ്എഫ്ഐ ഐടിഐ യൂണിറ്റ് കമ്മിറ്റി കൊല്ലയില്‍ പഞ്ചായത്തില്‍ നല്‍കിയ നിവേദനത്തില്‍ മുന്നോട്ടുവച്ചത്. യാത്രാക്ലേശം പരിഹരിക്കാനുള്ള നടപടികള്‍ പരിഗണിക്കാമെന്ന് പ്രസിഡന്‍റ് ഡോ. എന്‍.എസ്. നവനീതകുമാര്‍ ഉറപ്പ് നല്‍കി.

കണ്ടിജന്‍റ് എംപ്ലോയീസ് കോൺഗ്രസ് വഞ്ചനാദിനം

നെയ്യാറ്റിൻകര: കേരള മുനിസിപ്പൽ- കോർപ്പറേഷൻ കണ്ടിജന്‍റ് എംപ്ലോയീസ് കോൺഗ്രസിന്‍റെ അഭിമുഖ്യത്തിൽ ഇന്നലെ വഞ്ചനാദിനം ആചരിച്ചു. നെയ്യാറ്റിൻകര നഗരസഭ ഓഫീസിനു മുമ്പിൽ നടന്ന വഞ്ചനാദിനാചരണം കെഎംസിസിഇസി പ്രസിഡന്‍റ് ഇരുമ്പിൽ ശ്രീകുമാർ ഉദ്ഘാടനം ചെയ്തു. സെക്രട്ടറി സുരേഷ് അധ്യക്ഷനായി. ഉദയൻ, സുനിൽകുമാർ, പുഷ്പം, ഫിലോമിന, ബിനു വി നാഥ്, അനിത, രാജൻ, ഷീലാറാണി, ക്രിസ്പിൻ, വേലപ്പൻ എന്നിവര്‍ പങ്കെടുത്തു. മുനിസിപ്പൽ- കോർപ്പറേഷൻ കണ്ടിജെന്‍റ് ജീവനക്കാരെ പൊതുസർവീസിൽ ഉൾപ്പെടുത്തുക, പങ്കാളിത്ത പെൻഷൻ ഉപേക്ഷിക്കുക, മെഡിസെപ്പിലെ അപാകതകൾ പരിഹരിക്കുക, അഞ്ചു വർഷം പൂർത്തിയാക്കിയ എല്ലാ ഡെയിലി വേജസ് കണ്ടിജന്‍റ് ജീവനക്കാരെയും സ്ഥിരപ്പെടുത്തുക , സ്പെഷൽ സർവീസ് റൂളിൽ നിന്നും സർക്കാർ പിന്മാറുക തുടങ്ങിയ നിരവധി ആവശ്യങ്ങൾ ഉന്നയിച്ചാണ് കെഎംസിസിഇസി വഞ്ചനാദിനം ആചരിച്ചത്.

ഭരണാനുമതി ലഭിച്ചിട്ട് മാസങ്ങൾ : പാമാംകോട് പാലത്തിന്‍റെ പുനര്‍നിര്‍മാണം വൈകുന്നു

നേമം: പാപ്പനംകോട് - മലയിന്‍കീഴ് റൂട്ടില്‍ പാമാംകോട്ട് നൂറ്റാണ്ട് പിന്നിട്ട പാലത്തിന്‍റെ പുനര്‍ നിര്‍മാണം വൈകുന്നു. നേമം, കാട്ടാക്കട മണ്ഡലങ്ങളെ ബന്ധിപ്പിക്കുന്ന പാമാംകോട് തോടിന് കുറുകെയുള്ള പാലത്തിന്‍റെ പുനര്‍ നിര്‍മാണത്തിനായി 6.15 കോടി രൂപയുടെ ഭരണാനുമതി ലഭിച്ചിട്ടു മാസങ്ങള്‍ കഴിഞ്ഞിട്ടും സ്ഥലമെടുപ്പു പൂര്‍ത്തിയാക്കാനായിട്ടില്ല. പുതിയ പാലം നിര്‍മാണത്തിനുണ്ടാകുന്ന കാലതാമസം കാരണം നിലവിലെ പാലത്തിനു ബലക്ഷയം കൂടി വരികയാണ്. ഇരുവശത്തുനിന്നും വാഹനങ്ങള്‍ ഒരുമിച്ചെത്തുമ്പോള്‍ പാലത്തിലൂടെ ഞെരുങ്ങി പോകേണ്ട സ്ഥിതിയാണ്. വീതികുറവ് കാല്‍നടയാത്രകാര്‍ക്കും അപകട ഭീഷണിയാണ്. പാലം കഴിഞ്ഞുള്ള വളവും യാത്രകാര്‍ക്ക് ഭീഷണിയാണ്. പണ്ടു കാളവണ്ടികള്‍ക്കും കാല്‍നടയാത്രകാര്‍ക്കും കടന്നുപോകാന്‍ നിര്‍മിച്ച പാലത്തിലൂടെ ഇന്നു നൂറുകണക്കിനു വാഹനങ്ങളാണ് കടന്നുപോകുന്നത്. ബ്രീട്ടീഷുകാരുടെ കാലത്തു കരിങ്കല്ലും ചുടുകല്ലും അടുക്കി പാലത്തിന്‍റെ അടിഭാഗം ആര്‍ച്ചുപോലെ വളച്ചാണ് നിര്‍മിച്ചിട്ടുള്ളത്. മലയിന്‍കീഴ്, മൂക്കുന്നിമല പ്രദേശങ്ങളിൽ എളുപ്പം എത്താനുള്ള മാര്‍ഗം ഇതുവഴിയാണ്. കരസേനയുടെയും എയര്‍ഫോഴ്‌സിന്‍റെയും കേന്ദ്രങ്ങള്‍ സ്ഥിതി ചെയ്യുന്ന മൂക്കുന്നിമലയിലേയ്ക്ക് സൈനിക വാഹനങ്ങള്‍ ഉള്‍പ്പടെ കടന്നുപോകുന്നതും ഈ പാലത്തിലൂടെയാണ്. വിളവൂര്‍ക്കല്‍, പള്ളിച്ചല്‍ പഞ്ചായത്തുകളുടെയും നഗരസഭ നേമം വാര്‍ഡിന്‍റെയും അതിര്‍ത്തി പ്രദേശത്താണ് പാലം.

ചെങ്കൽ ഗവ. ആയുർവേദ ഡിസ്പെൻസറിക്ക് എന്‍എബിഎച്ച് അംഗീകാരം

നെയ്യാറ്റിന്‍കര: ഭാരതീയ ചികിത്സാ വകുപ്പിനു കീഴിലുള്ള ചെങ്കൽ ഗവ. ആയുർവേദ ഡിസ്പെൻസറിക്ക് എന്‍എബിഎച്ച് ദേശീയ അംഗീകാരം ലഭിച്ചു. നാഷണൽ ആയുഷ് മിഷന്‍റെ സഹകരണത്തോടുകൂടിയാണ് ആയുഷ് സ്ഥാപനങ്ങളുടെ ഗുണനിലവാരം ഉയർത്തൽ ഉൾപ്പെടെയുള്ള ക്വാളിറ്റി പ്രോഗ്രാമുകൾ നടന്നുവരുന്നത്. തിരുവനന്തപുരം ടാഗോർ തിയേറ്ററിൽ നടന്ന ചടങ്ങിൽ മന്ത്രി വീണാ ജോർജിൽ നിന്ന് ചെങ്കൽ പഞ്ചായത്ത് പ്രസിഡന്‍റ് ആർ. ഗിരിജ സർട്ടിഫിക്കറ്റും പുരസ്കാരവും ഏറ്റുവാങ്ങി. സ്ഥാപനത്തിന്‍റെ പുരസ്കാരം മെഡിക്കൽ ഓഫീസർ ഡോ. ആര്‍.എസ്. ഗായത്രി സ്വീകരിച്ചു. പഞ്ചായത്ത് വൈസ് പ്രസിഡന്‍റ് അജിത് കുമാർ, ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്സൺ പ്രമീളകുമാരി , വികസന സ്റ്റാൻഡിംഗ് കമ്മിറ്റി ചെയർപേഴ്സൺ ത്രേസ്യ സിൽവസ്റ്റർ, വാർഡ് മെമ്പർ നിഷ എന്നിവർ ചെങ്കൽ പഞ്ചായത്തിനെ പ്രതിനിധീകരിച്ച് ചടങ്ങില്‍ പങ്കെടുത്തു. ആരോഗ്യ സ്ഥാപനങ്ങളിൽ വിവിധ ഗുണമേന്മ മാനദണ്ഡങ്ങൾ കൈവരിക്കുന്നതിന്‍റെ പൊതു അംഗീകാരമാണ് എന്‍എബിഎച്ച് സർട്ടിഫിക്കേഷനിലൂടെ ലഭിക്കുന്നത്. അടിസ്ഥാന സൗകര്യവികസനം, രോഗീ സൗഹൃദ അന്തരീക്ഷം, രോഗീ സുരക്ഷ, ഔഷധ ഗുണമേന്മ, അണുബാധ നിയന്ത്രണം എന്നിവ ഉൾപ്പെടെയുള്ള സേവന നിലവാരങ്ങളുടെ വിലയിരുത്തലുകളെ തുടർന്നാണ് ഈ അംഗീകാരം ചെങ്കല്‍ ഗവ. ആയുർവേദ ഡിസ്പെൻസറിക്ക് ലഭ്യമായത്.

കിണറ്റിൽവീണ വീട്ടമ്മയെ രക്ഷപ്പെടുത്തി

നെടുമങ്ങാട്: കിണറ്റിൽ കാൽവഴുതിവീണ വീട്ടമ്മയെ അഗ്നിശമന സേന രക്ഷപ്പെടുത്തി. ആനാട് ഉണ്ടപ്പാറ സ്വദേശിനി വിജയമ്മ (60)യാണ് കഴിഞ്ഞ ദിവസം 50 അടി ആഴമുള്ള കിണറിൽ അബദ്ധത്തിൽ കാൽ വഴുതി വീണത്. അഗ്നിശമനസേന കയറും നെറ്റും ഉപയോഗിച്ച് രക്ഷപെടുത്തി ആശുപത്രിയിൽ എത്തിച്ചു.

ഗ്രാമീണ, മലയോര മേഖലകളിൽ കാറ്റും മഴയും ശക്തമായി തുടരുന്നു; വ്യാപക നാശനഷ്ടം

വെള്ളറട: ഗ്രാമീണ മേഖലയില്‍ മഴ ശക്തമായി തുടരുന്നു. ശക്തമായ ചുഴലിക്കാറ്റില്‍ വ്യാപകമായ നാശനഷ്ടം. കുന്നത്തുകള്‍ പഞ്ചായത്തില്‍ ചെറിയകൊല്ല എള്ളുവിള പുത്തന്‍വീട്ടില്‍ അന്ത്രിയോസിന്‍റെ വീട്ടില്‍ മരം വീണു വീടിന്‍റെ മേല്‍ക്കൂരയിലെ ആസ്പ്പറ്റോസ് ഷീറ്റുകള്‍ പൊട്ടി. ചുവരുകള്‍ വിണ്ടുകീറി. വ്യാപകമായ നാശനഷ്ടമാണ് സംഭവിച്ചിട്ടുള്ളത്. വെള്ളറട പഞ്ചായത്തില്‍ കാറ്റ് ശക്തമായി ആഞ്ഞു വീശി. ചൂണ്ടിക്കല്‍ കോട്ടയംവിള റോഡിനു കുറുകെ തേക്കുമരം കടപുഴകിവീണു ഗതാഗതം തടസപ്പെട്ടു. പ്രദേശത്തു നിരവധി മരങ്ങള്‍ കടപുഴകിവീണു വ്യാപകമായ നാശനഷ്ടം ഉണ്ടായിട്ടുണ്ട്. ദിവസങ്ങളായി മഴ തുടരുന്നതിനാല്‍ കര്‍ഷകര്‍ക്കു കൂലിപ്പണിയൊന്നും നടക്കാത്ത അവസ്ഥയാണ്. തൊഴിലാളികള്‍ക്ക് തൊഴില്‍ ദിനങ്ങളും നഷ്ടപ്പെടുന്നു. തൊഴില്‍ നടക്കാതെ വ്യാപകമായ വറുതിയിലാണ്. വീടിനു മുകളിൽ മരംവീണു നെടുമങ്ങാട്: ആനാട് വേട്ടമ്പള്ളി പന്നിയോട്ടുകോണം മുള്ളുവിള ജയകുമാരിയുടെ വീടിന്‍റെ മേൽ ക്കൂരയിൽ ആഞ്ഞിലി മരം പതിച്ചു. ഇന്നലെ രാവിലെ 9:45ഓടെയാണ് സംഭവം. വീടിന്‍റെ മേൽക്കൂര തകർന്നു വീടിനു പല ഭാഗത്തായി വിള്ളലുകൾ സംഭവിച്ചു. അപകടം നടന്നപ്പോൾ വീട്ടിൽ ആളില്ലായിരുന്നു. കനത്ത മഴ: നെയ്യാർഡാം തുറന്നു നെയ്യാർഡാം: മഴയെ തുടർന്നുള്ള നീരൊഴുക്ക് വർധിച്ചതിനെ തുടർന്ന് ജില്ലയിലെ ഏക ജലസേചന അണക്കെട്ടായ നെയ്യാർഡാം തുറന്നു. ഇന്നലെ ഉച്ചയ്ക്കാണ് ഡാമിന്‍റെ നാല്സ്പു ൽവേ ഷട്ടറുകളും തുറന്നത്. 10 സെമീ വീതമാണ് തുറന്നത്. ജലനിരപ്പ് താണില്ലെങ്കിൽ ഷട്ടറുകൾ അൽപ്പം കൂടി ഉയർത്തും. ഇപ്പോൾ അണക്കെട്ടിൽ 84.220 മീറ്റർ വെള്ളമാണുള്ളത്. ഡാമിന്‍റെ പരമാവധി ജലനിരപ്പ് 84.750 മീറ്ററാണ്. വനത്തിൽ നല്ല മഴയാണ് പെയ്തത്. ഇപ്പോഴും ഉൾവനത്തിൽ മഴ പെയ്യുന്നുണ്ട്. നെയ്യാർ അണക്കെട്ടിലേക്ക് നീരൊഴുക്കുന്ന നെയ്യാർ, കല്ലാർ, ഉൾപ്പെടുള്ള വലിയ നദികളിലും ചെറു നദികളിലും നല്ല ജലപ്രവാഹമാണുള്ളത്. വനത്തിൽ നല്ല മഴ പെയ്യുന്നത് കാരണം നല്ല നീരൊഴുക്കുണ്ട്. കരയിൽ താമസിക്കുന്നവർ ജാഗ്രത പുലർത്തണമെന്ന് ജില്ലാ അധികാരികൾ അറിയിച്ചു. ഡാമിന്‍റെ അഞ്ചു ചങ്ങല പ്രദേശത്ത് വെള്ളപൊക്ക ഭീഷണിയുണ്ട്. കാട്ടാക്കടയിൽ കനത്തനാശം കാട്ടാക്കട: കാലവർഷക്കെടുതിയിൽ മലയോര ഗ്രാമപഞ്ചായത്തുകളിൽ കനത്ത നാശം തുടരുന്നു. പൂവച്ചൽ പഞ്ചായത്തിൽ പന്നിയോട് വാർഡിൽ ഉപ്പനച്ചാംകാല റോഡരികത്തു വീട്ടിൽ ഭുവനചന്ദ്രന്‍റെ വീട് അതിശക്തമായ കാറ്റിൽ പൂർണമായും തകർന്നു. കാറ്റിലും മഴയിലുമായി 20 ഹെക്ടറിലധികം വാഴക്കൃഷി ഉൾപ്പെടെയുള്ളവ നശിച്ചു. മലയോര മേഖലയിൽ 30 ളം വീടുകൾ തകർന്നു. വീടുകൾക്കു മുകളിൽ സമീപത്തുനിന്നിരുന്ന മരങ്ങൾ കാറ്റിൽ കടപുഴകി വീണതാണ് അപകടങ്ങൾക്കു കാരണമായത്. പനച്ചമൂട്ടിൽ വീടിന്‍റെ അടുക്കള പൂർണമായി തകർന്നു. തലനാരിഴയ്ക്കാണ് വീട്ടുകാർ രക്ഷപ്പെട്ടത്. ആലത്തൂർ-തേരണി റോഡിൽ ടെറസ് വീടിനു മുകളിലെ ഷീറ്റിട്ട മേൽക്കൂര പൂർണമായി തകർന്നു. സമീപ പുരയിടത്തിലെ കൂറ്റൻ അൽപശിമരം വീട്ടിലേക്കു പതിക്കുകയായിരുന്നു. കുടപ്പനമൂട് തലയൻകുളത്തിനു സമീപത്തുള്ള വീട്ടിലും സമാനമായ അപകടമാണുണ്ടായത്. കുടപ്പനമൂട് തെങ്ങിൻകോണത്ത് വീട്ടിലേക്കുള്ള സഞ്ചാരപാതയും മഴവെള്ളപ്പാച്ചിലിൽ ഇടിഞ്ഞുവീണു. ഒറ്റശേഖരമംഗലം പഞ്ചായത്തിലെ പൂഴനാട്, മണ്ഡപത്തിൻകടവ് ഏലാകളിലായി 1300-ലധികം വാഴകളും നിലംപതിച്ചു. മരച്ചീനി, പച്ചക്കറി ഉൾപ്പെടെയുള്ള കൃഷിനാശവുമുണ്ടായി. ഗ്രാമ പഞ്ചായത്തിൽ ആറ് ഹെക്ടറോളം കൃഷിയിടത്തിലാണ് കെടുതിയുണ്ടായത്.

കണ്ടിജന്‍റ് എംപ്ലോയീസ് കോണ്‍ഗ്രസ് വഞ്ചനാദിനം ആചരിച്ചു

തിരുവനന്തപുരം: കേരള മുനിസിപ്പൽ/കോർപറേഷൻ കണ്ടിജന്‍റ് എംപ്ലോയീസ് കോണ്‍ഗ്രസ് (കെഎംസിസിഇസി) ഐഎൻടിയുസി ആഭിമുഖ്യത്തിൽ സംസ്ഥാനത്ത് ഒട്ടാകെ കണ്ടിജന്‍റ് ജീവനക്കാർ വഞ്ചനാദിനം ആചരിച്ചു. കണ്ടിജന്‍റ് ജീവനക്കാരെ പൊതുസർവീസിൽ ഉൾപ്പെടുത്തുക, പെൻഷൻ പ്രായം ഉയർത്തുക, സ്റ്റാറ്റ്യൂട്ടറി പെൻഷൻ നടപ്പിലാക്കുക, മെഡിസെപിലെ അപാകത പരിഹരിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു പ്രക്ഷോഭം സംഘടിപ്പിച്ചത്. തിരുവനന്തപുരം കോർപറേഷൻ ഓഫീസിനു മുന്നിൽ നടന്ന ജില്ലാതല വഞ്ചനാദിനാചരണം യുഡിഎഫ് പാർലമെന്‍ററി പാർട്ടി ലീഡർ പി. പദ്മകുമാർ ഉദ്ഘാടനം ചെയ്തു. കൗണ്‍സിലർമാറും ജില്ലാ പ്രസിഡന്‍റുമായ മേരിപുഷ്പം അധ്യക്ഷത വഹിച്ച യോഗത്തിൽ സംസ്ഥാന പ്രസിഡന്‍റ് കെ. വേണു, ജില്ലാ സെക്രട്ടറിമാരായ ഉദയകുമാർ, ജോയ്സ്, നെയ്യാറ്റിൻകര യൂണിറ്റ് പ്രസിഡന്‍റ് ഇരുന്പിൽ ശ്രീകുമാർ, ജില്ലാ സെക്രട്ടറി ജഫ്രി എം. തോമസ്, കെഎൽജിഎസ്എ സംസ്ഥാന ഭാരവാഹികളായ സജിദാസ്, വിജയകുമാർ, പുഷ്പം, പട്ടം പുഷ്പകുമാർ, വി. സുരേഷ് തുടങ്ങിയവർ പ്രസംഗിച്ചു.

ചിറയൻകീഴ് ബൈജു വധം: നാലു പ്രതികൾക്കും ജീവപര്യന്തം

തിരുവനന്തപുരം: ചിറയിൻകീഴ് ബൈജു വധക്കേസിൽ നാലു പ്രതികൾക്കും ജീവപര്യന്ത്യം തടവും 6.25 ലക്ഷം രൂപ പിഴയും ശിക്ഷ വിധിച്ചു. ചിറയിൻകീഴ് വില്ലേജിൽ ചരുവിള വീട്ടിൽ അജി (59), ചരുവിള വീട്ടിൽ ഉണ്ട സുരേഷ് എന്ന സുരേഷ് (53), സഞ്ചു (43), ഷാജി (42) എന്നിവരെയാണു ശിക്ഷിച്ചത്. കൊലപാതകക്കുറ്റത്തിന് എല്ലാ പ്രതികൾക്കും ജീവപര്യന്തം തടവുശിക്ഷയും ഒരു ലക്ഷം രൂപ വീതം പിഴയും ശിക്ഷിച്ചു. കൊലപാതക ശ്രമത്തിന് ആറുവർഷം വീതം കഠിനതടവും 50,000 രൂപ വീതം പിഴയും ശിക്ഷിച്ചു. ആയുധം ഉപയോഗിച്ച് പരിക്കേൽപ്പിച്ച കുറ്റത്തിനു രണ്ടു വർഷം വീതം കഠിനതടവും 10.000 രൂപ വീതം പിഴ ഒടുക്കാനും പിഴ ഒടുക്കാത്ത പക്ഷം ഒരു മാസം കൂടി അധിക തടവിനും അന്യായമായി തടസം ചെയ്തതിന് ഒരു മാസംവീതം സാധാരണ തടവിനും ശിക്ഷിച്ചു. നിയമവിരുദ്ധമായി സംഘം ചേർന്ന് കലാപം സൃഷ്ടിച്ച കുറ്റത്തിന് പ്രതികളെ രണ്ടു വർഷം വീതം കഠിനതടവിനും 10,000 രൂപ വീതം പിഴ ഒടുക്കുന്നതിനും പിഴ ഒടുക്കാത്ത പക്ഷം ഒരു മാസം കൂടി അധിക തടവിനും ശിക്ഷിച്ചു. പ്രതികൾ പിഴ ഒടുക്കുന്ന സാഹചര്യത്തിൽ നാലു ലക്ഷം രൂപ കൊല്ലപ്പെട്ട ബൈജുവിന്‍റെ മാതാപിതാക്കൾക്കും ഒരു ലക്ഷം രൂപ സംഭവത്തിൽ പരിക്കേറ്റ പതിനൊന്നാം സാക്ഷി സുധീഷിനും 50,000 രൂപ പരിക്കേറ്റ സുരേഷ്കുമാറിനും നല്കാൻ കോടതി ഉത്തരവിട്ടു. തിരുവനന്തപുരം അഞ്ചാം അഡീഷണൽ സെഷൻസ് ജഡ്ജ് സിജു ഷെയ്ക്കിന്‍റേതാണ് ഉത്തരവ്.

ലഹരിമരുന്നിനെതിരേ കേരളം ഒന്നിക്കണം: രമേശ് ചെന്നിത്തല

തിരുവനന്തപുരം: കേരളത്തിന്‍റെ യുവത്വത്തെ കാർന്നു തിന്നുന്ന വൻ വിപത്തായി ലഹരിമരുന്നു മാറിയിരിക്കുകയാണെന്നും ഇതിനെ ചെറുക്കാനായി കേരള ജനത ഒന്നിച്ചു രംഗത്തിറങ്ങണമെന്നും രമേശ് ചെന്നിത്തല ആഹ്വാനം ചെയ്തു. രമേശ് ചെന്നിത്തല മുഖ്യരക്ഷാധികാരിയായ പ്രൗഡ് കേരള എന്ന സന്നദ്ധ സംഘടനയുടെ നേതൃത്വത്തിൽ തിരുവനന്തപുരത്തു നടന്ന ലഹരിക്കെതിരേ സമൂഹ നടത്തം പരിപാടിയെ അഭിസംബോധന ചെയ്യുകയായിരുന്നു അദ്ദേഹം. പ്രൗഡ് കേരള സംസ്ഥാനത്തുടനീളം ലഹരി മരുന്നിനെതിരേ നടത്തുന്ന വാക്കത്തണ്‍ പരിപാടിയുടെ ഭാഗമായാണു തിരുവനന്തപുരത്ത് രാവിലെ ആറിനു സമൂഹ നടത്തം സംഘടിപ്പിച്ചത്. മ്യൂസിയത്തിനു സമീപം ശ്രീനാരായണ ഗുരു പ്രതിമയുടെ മുന്നിൽനിന്നു തുടങ്ങി മാനവീയം വീഥിയിൽ അവസാനിച്ചു ലഹരിക്കെതിരേ പ്രതിജ്ഞ ചൊല്ലി പിരിഞ്ഞു. ആദ്യ പരിപാടി കോഴിക്കോടായിരുന്നു. അടുത്ത പരിപാടി എറണാകുളത്തു നടക്കും. സമൂഹത്തിന്‍റെ നാനാതുറയിൽ നിന്നുള്ള നിരവധി പേർ പരിപാടിയിൽ പങ്കെടുത്തു. പ്രൗഡ് കേരള ചെയർമാൻ മലയിൻകീഴ് വേണുഗോപാൽ അധ്യക്ഷത വഹിച്ചു. ജില്ലാ കണ്‍വീനർ അഡ്വ. പ്രാണകുമാർ, ടി.പി. പ്രസാദ് തുടങ്ങിയവർ പ്രസംഗിച്ചു.

കൃഷിനാശം: കർഷക കോണ്‍. കൃഷിമന്ത്രിയുടെ വസതിയിലേക്ക് മാർച്ച് നടത്തി

തിരുവനന്തപുരം: വന്യജീവി ആക്രമണത്തിലും പ്രകൃതി ക്ഷോഭത്തിലും കൃഷിനാശം സംഭവിച്ച കർഷകർക്ക് അടിയന്തിരമായി നഷ്ടപരിഹാരം നല്കണമെന്നാവശ്യപ്പെട്ടു കർഷക കോണ്‍ഗ്രസിന്‍റെ നേതൃത്വത്തിൽ കൃഷി മന്ത്രിയുടെ വസതിയിലേക്ക് മാർച്ച് നടത്തി. സർക്കാർ തുടർച്ചയായി കർഷകദ്രോഹ നടപടികളാണ് സ്വീകരിക്കുന്നതെന്നു മാർച്ച് ഉദ്ഘാടനം ചെയ്ത കർഷക കോണ്‍ഗ്രസ് സംസ്ഥാന പ്രസിഡന്‍റ് മാജൂഷ് മാത്യൂസ് പറഞ്ഞു. കർഷക കോണ്‍ഗ്രസ് ജില്ലാ പ്രസിഡന്‍റ് തോംസണ്‍ ലോറൻസ് അധ്യക്ഷത വഹിച്ചു. കെപിസിസി ജനറൽ സെക്രട്ടറി ജി സുബോൻ, ഡിസിസി ജനറൽ സെക്രട്ടറി എസ്. കൃഷ്ണകുമാർ, സംസ്ഥാന ഭാരവാഹികളായ അടയമണ്‍ മുരളീധരൻ, പഴകുളം സതീഷ്, അനീഷ് ചെങ്കോട്ടുകോണം,ബീന സിറാജ്, എസ്.കെ. സുജി, സജു പിള്ള, പള്ളിക്കൽ മോഹനൻ, പുതുക്കുളങ്ങര മണികണ്ഠൻ, ആനാട് സുരേഷ്, ജോയ് ഗിൽബർട്ട്,സജീവ് മുളവന, അസ്ബർ പള്ളിക്കൽ, പേയാട് മണികണ്ഠൻ, ഷെരീഫ് പനത്തറ, ടി.എസ്. മഞ്ജുഷ തുടങ്ങിയവർ പ്രസംഗിച്ചു.

ഡോ. ആര്‍. ജയകുമാര്‍ നാളെ വിരമിക്കും

നെയ്യാറ്റിന്‍കര : മൂന്നു പതിറ്റാണ്ടത്തെ ഔദ്യോഗിക സര്‍വീസില്‍ നിന്നും ഡോ. ആര്‍. ജയകുമാര്‍ നാളെ വിരമിക്കും. 1995 ല്‍ നെയ്യാര്‍ ഡാം സ്കൂളില്‍ കലക്ടറുടെ പ്രത്യേക ഉത്തരവ് പ്രകാരം സര്‍വീസില്‍ പ്രവേശിച്ച ജയകുമാര്‍ അതിജീവന ബോധത്തിന്‍റെ കരുത്തോടെയാണ് ജീവിതസഞ്ചാരം തുടരുന്നത്. പോളിയോ ബാധിതനായെങ്കിലും സ്ഥിരോത്സാഹിയായ ഈ അക്ഷരസ്നേഹി അറിവിന്‍റെ ബലത്തില്‍ അധ്യാപനരംഗത്ത് മികച്ച മാതൃകയായി. 19 വര്‍ഷം സ്കൂളുകളിലും 12 വര്‍ഷം കോളജുകളിലും സേവനം അനുഷ്ടിച്ചു. മികച്ച ഭിന്നശേഷി ജീവനക്കാരനുള്ള സംസ്ഥാന സര്‍ക്കാരിന്‍റെ പുരസ്കാരത്തിന് അര്‍ഹനായ ജയകുമാര്‍ കേരള സർവകലാശാലയിൽ നിന്ന് എഡ്യൂക്കേഷനിലും മലയാളത്തിലും ഡോക്ടറേറ്റ് നേടിയ പ്രതിഭയാണ്. "ജില്ലാ പ്രാഥമിക വിദ്യാഭ്യാസ പരിപാടിയില്‍ റിസോഴ്സ് അധ്യാപകരുടെ പങ്ക്'എന്ന വിഷയത്തിലായിരുന്നു ആദ്യത്തെ ഡോക്ടറേറ്റ്. "ഭിന്നശേഷിയുടെ അടയാളങ്ങള്‍ മലയാള നോവലില്‍' എന്ന വിഷയത്തില്‍ ഇക്കഴിഞ്ഞ വര്‍ഷവും ഡോക്ടറേറ്റ് ലഭിച്ചു. കാഞ്ഞിരംകുളം ഗവ. കോളജില്‍ നിന്നാണ് അദ്ദേഹം വിരമിക്കുന്നത്. ഗവ. കോളേജ് അധ്യാപക സംഘടനയായ എകെജിസിടി യുടെ തിരുവനന്തപുരം ജില്ലാ പ്രസിഡന്‍റായിരുന്നു.

കോർപറേഷനിൽ ഒൻപതു വാർഡുകൾ ഒഴിവാക്കി; 10 പുതിയ വാർഡുകൾ, ആകെ 101 വാർഡുകൾ

വാർഡ് വിഭജനത്തിൽ രാഷ്ട്രീയ പാർട്ടികൾക്ക് അതൃപ്തി തിരുവനന്തപുരം: കോർപറേഷൻ വാർഡ് വിഭജനത്തിൽ അതിർത്തികൾ നിശ്ചയിച്ചതിൽ ആകെ ആശയക്കുഴപ്പം. പുതിയ വാർഡ് വിഭജനത്തിൽ നിലവിലെ വാർഡുകളിലെ പ്രധാന പ്രദേശങ്ങൾ മറ്റു വാർഡുകളിലേക്കു മാറ്റിയതാണ് വിമർശനത്തിന് ഇടവരുത്തിയിരിക്കുന്നത്. ഉദാഹരണത്തിനു കണ്ണമൂല വാർഡിലെ പ്രധാന ഭാഗങ്ങൾ പേട്ട വാർഡിലേക്കും പേട്ട വാർഡിലെ പ്രധാന ഭാഗങ്ങൾ വഞ്ചിയൂർ വാർഡിലേക്കും മാറി. വാർഡ് വിഭജനവുമായി ബന്ധപ്പെട്ടുള്ള പരാതികളൊന്നും ഡീ ലിമിറ്റേഷൻ കമ്മീഷൻ പരിഗണിച്ചില്ലെന്ന വിമർശനവും രാഷ്ട്രീയ പാർട്ടികൾക്കുണ്ട്. തിരുവനന്തപുരം മുൻസിപ്പൽ കോർപ്പറേഷനിൽ നിലവിലുണ്ടായിരുന്ന 100 വാർഡുകളിൽ ഒന്നുകൂടി വർധിച്ചു 101 ആയി. നിലവിലുണ്ടായിരുന്ന ഒൻപതു വാർഡുകൾ ഇല്ലാതായി. പിടിപി, മുല്ലൂർ, കോട്ടപ്പുറം, കുര്യാത്തി, മുട്ടത്തറ, ബീമാപള്ളി ഈസ്റ്റ്, മാണിക്യവിളാകം, പാൽക്കുളങ്ങര, ശംഖുംമുഖം വാർഡുകളാണു പുതിയ ഒഴിവാക്കപ്പെട്ടത്. പത്തു വാർഡുകൾ പുതുതായി വന്നു. സൈനിക സ്കൂൾ, ചേങ്കോട്ടുകോണം, കാര്യവട്ടം, പാങ്ങപ്പാറ, ഗൗരീശപട്ടം, അന്പലമുക്ക്, കരുമം, പോർട്ട്, അലത്തറ, കുഴിവിള ഇവയാണു പുതിയ വാർഡുകൾ.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]