എ​സ്. രാ​ജേ​ന്ദ്ര​കു​മാ​ർ

വി​ഴി​ഞ്ഞം : അ​ധി​കൃ​ത​ർ ക​ണ​ക്കു കൂ​ട്ടി​യ​തു​പോ​ലെ ക​പ്പ​ല​പ​ക​ട​ത്തി​ന്‍റെ അ​ഞ്ചാം നാ​ൾ വി​ഴി​ഞ്ഞ​ത്തും പൂ​വാ​റി​ലും ക​ല്ലു​മു​ക്കി​ലും ക​ണ്ടെ​യ്ന​റു​ക​ൾ ഒ​ഴു​കി​യെ​ത്തി. ത​ക​ർ​ന്ന ക​ണ്ടെ​യ്ന​റു​ക​ളി​ൽ​നി​ന്നു പു​റ​ത്താ​യ​തു പ്ലാ​സ്റ്റി​ക് നി​ർ​മാ​ണ​ത്തി​നാ​വ​ശ്യ​മാ​യ പോ​ളി​എ​ഥി​ലി​ൽ നി​റ​ച്ച നൂ​റു​ക​ണ​ക്കി​നു ചാ​ക്കു​കെ​ട്ടു​ക​ൾ. ശ​ക്ത​മാ​യ തി​ര​യ​ടി​യി​ൽ ചാ​ക്കു​കെ​ട്ടു​ക​ൾ പൊ​ട്ടി​ത്ത​ക​ർ​ന്നു തീ​ര​ത്തെ​യും മ​ലി​ന​മാ​ക്കി. ഇ​വ​യെ നീ​ക്കം ചെ​യ്യു​ന്ന​തി​നു​ള്ള ശ്ര​മ​ങ്ങ​ളും പാ​ളി.

പോ​ളി​എ​ഥി​ലി​ൻ ചി​പ്സു​ക​ൾ കൊ​ണ്ട് മ​ണ​ൽ​പ്പ​ര​പ്പു​ക​ൾ നി​റ​ഞ്ഞ​തു പാ​രി​സ്ഥി​തി​ക പ്ര​ശ്ന​ത്തി​നു വ​ഴി​തെ​ളി​ക്കു​മെ​ന്നു മ​ത്സ്യ​ത്തൊ​ഴി​ലാ​ളി​ക​ളും പ​റ​യു​ന്നു. ഇ​നി​യും കൂ​ടു​ത​ൽ ക​ണ്ടെ​യ്ന​റു​ക​ൾ വി​ഴി​ഞ്ഞം മേ​ഖ​ല​യി​ൽ വാ​രു​മെ​ന്ന ക​ണ​ക്കു കൂ​ട്ട​ലി​ലാ​ണ് അ​ധി​കൃ​ത​ർ.

ഇ​ന്ന​ലെ രാ​വി​ലെ ആ​റോ​ടെ​യാ​ണ് വി​ഴി​ഞ്ഞം മാ​രി​ടൈം ബോ​ർ​ഡി​ന്‍റെ തു​റ​മു​ഖ മൗ​ത്തി​ൽ ഒ​രു ക​ണ്ടെ​യ്ന​ർ എ​ത്തി​യ​ത്. കു​റ​ച്ചു​ഭാ​ഗം മാ​ത്രം പു​റ​ത്തു​കാ​ണാ​വു​ന്ന നി​ല​യി​ൽ ഒ​ഴു​കി ന​ട​ന്ന ക​ണ്ടെ​യ്ന​റി​നെ എം​എ​സ്‌​സി​യു​ടെ ക​പ്പ​ൽ അ​ധി​കൃ​ത​ർ നി​യോ​ഗി​ച്ച കൊ​ച്ചി​യി​ൽ നി​ന്നു​ള്ള സ്വ​കാ​ര്യ ഏ​ജ​ൻ​സി​യി​ലെ ആ​ൾ​ക്കാ​ർ ബ​ന്ധി​ക്കാ​ൻ ശ്ര​മം ന​ട​ത്തി.

അ​ദാ​നി​യു​ടെ ഡോ​ൾ​ഫി​ൻ എ​ന്ന ട​ഗ്ഗി​ന്‍റെ സ​ഹാ​യ​ത്തോ​ടെ ക​ര​യി​ൽ വ​ലി​ച്ചു ക​യ​റ്റാ​നു​ള്ള ശ്ര​മ​ത്തി​നി​ട​യി​ൽ തു​റ​മു​ഖ​ത്തി​ലെ പു​ലി​മു​ട്ടി​ൽ ഇ​ടി​ച്ച ക​ണ്ടെ​യ്ന​ർ ത​ക​ർ​ന്ന് ത​രി​പ്പ​ണ​മാ​യി. ഇ​തോ​ടെ പോ​ളി എ​ഥി​ലി​ൻ നി​റ​ച്ച ചാ​ക്കു​കെ​ട്ടു​ക​ൾ​ക്കൊ​ണ്ട് പ്ര​ദേ​ശം നി​റ​ഞ്ഞു. തി​ര​യി​ൽ​പ്പെ​ട്ടു തീ​ര​ത്തേ​ക്ക് അ​ടി​ച്ചു ക​യ​റി​യ ചാ​ക്കു​കെ​ട്ടു​ക​ളെ സ​ന്ന​ദ്ധ പ്ര​വ​ർ​ത്ത​ക​ർ ക​ര​യി​ൽ ക​യ​റ്റി. കു​റെ ചാ​ക്കു​ക​ൾ പൊ​ട്ടി​ത്ത​ക​ർ​ന്നു ക​ട​ൽ വെ​ള്ള​ത്തി​ലാ​യി.

മ​ത്സ്യ​ത്തൊ​ഴി​ലാ​ളി​ക​ൾ അ​ടു​ത്ത് പോ​കാ​തി​രി​ക്കാ​ൻ അ​ധി​കൃ​ത​ർ ക​ർ​ശ​ന മു​ന്ന​റി​യി​പ്പു ന​ൽ​കി​യി​രു​ന്നു. ഇ​തേ സ​മ​യം പൂ​വാ​ർ പൊ​ഴി​ക്ക​ര​യി​ലും ക​രിം​കു​ളം ക​ല്ലു​മു​ക്കി​ലു​മാ​യി ര​ണ്ടു ക​ണ്ടെ​യ്ന​റു​ക​ൾ​ക്കൂ​ടി തീ​ര​ത്ത​ടി​ഞ്ഞു. പൂ​വാ​റി​ൽ അ​ടി​ഞ്ഞ​തു ത​ക​ർ​ന്ന നി​ല​യി​ലാ​യി​രു​ന്നു. ഇ​തി​ൽ നി​ന്നു വെ​ള്ള​ത്തി​ൽ ഒ​ഴു​കി ന​ട​ന്ന അ​ഞ്ഞു​റോ​ളം പോ​ളി എ​ഥി​ലി​ൻ ചാ​ക്കു​ക​ൾ ക​ര​യി​ൽ ക​യ​റ്റി കൂ​ട്ടി​യി​ട്ടു.

ത​ക​രാ​തെ ക​ല്ലു​മു​ക്കി​ൽ അ​ടി​ഞ്ഞ ക​ണ്ടെ​യ്ന​റി​നു സ​മീ​പം ആ​ൾ​ക്കാ​ർ അ​ടു​ക്കാ​തി​രി​ക്കാ​ൻ പോ​ലീ​സ് ക​ർ​ശ​ന മു​ന്ന​റി​യി​പ്പ് ന​ൽ​കി. ഉ​ള്ളി​ൽ എ​ന്തു വ​സ്തു​വെ​ന്ന​റി​യു​ന്ന​തു​വ​രെ ക​ണ്ടെ​യ്ന​റി​ൽ തൊ​ടാ​ൻ പോ​ലീ​സി​നു​മാ​യി​ല്ല. ഇ​ന്ന​ലെ പു​ല​ർ​ച്ചെ മു​ത​ലാ​ണ് അ​ടി​മ​ല​ത്തു​റ​യി​ലും പു​ല്ലു​വി​ള​യി​ലും ചാ​ക്കു​കെ​ട്ടു​ക​ൾ ഒ​ഴു​കി​യെ​ത്തി​യ​ത്. ആ​ദ്യം തീ​ര​ത്ത​ടി​ഞ്ഞ​വ​യെ നാ​ട്ടു​കാ​ർ ക​ര​യി​ൽ ക​യ​റ്റി കൂ​ട്ടി​യി​ട്ടു. ഇ​തോ ടൊ​പ്പം മ​ണ​ൽ​പ്പ​ര​പ്പി​ൽ രാ​സ​വ​സ്തു​ക്ക​ൾ അ​ടി​ഞ്ഞു കൂ​ടി​യ​തും ആ​ശ​ങ്ക​ക്കി​ട​വ​രു​ത്തി.

ശ​ക്ത​മാ​യ ക​ട​ൽ​ക്ഷോ​ഭ​മു​ള്ള​തി​നാ​ൽ ക​ണ്ടെ​യ്ന​റു​ക​ൾ ക​ട​ലി​ലൂ​ടെ ഒ​ഴു​കി കൊ​ളം​ബോ വ​രെ പോ​കാ​മെ​ന്നാ​ണ് അ​ധി​കൃ​ത​രു​ടെ​വി​ല​യി​രു​ത്ത​ൽ. എ​ന്നാ​ൽ ക​ണ്ടെ​യ്ന​റു​ക​ൾ വി​ഴി​ഞ്ഞ​ത്ത് അ​ടി​യു​ന്ന​തി​ൽ അ​ധി​കൃ​ത​രു​ടെ ച​ങ്കി​ടി​പ്പും കൂ​ടു​ന്നു​ണ്ട്. നി​ല​വി​ൽ​ക​ര​ക്ക​ടി​ഞ്ഞ​വ​യി​ൽ​അ​പ​ക​ട​ക​ര​മാ​യ ഒ​ന്നു​മി​ല്ലെ​ന്ന് ക​ണ്ടെ​ത്തി​യ​ത് ഏ​റെ ആ​ശ്വാ​സ​ത്തി​ന് വ​ഴി​തെ​ളി​ച്ചെ​ങ്കി​ലും അ​പ​ക​ട​ത്തി​ൽ​പ്പെ​ട്ട എം​എ​സ്‌സി‌ ​എ​ൻ​സാ മൂ​ന്നി​ൽ ഉ​ണ്ടാ​യി​രു​ന്ന 643 എ​ണ്ണ​ത്തി​ൽ പ​തി​ന​ഞ്ചോ​ളം ഏ​റെ അ​പ​ക​ട​ക​ര​മാ​യ​വ​യെ​ന്നും ബ​ന്ധ​പ്പെ​ട്ട​വ​ർ പ​റ​യു​ന്നു. ഇ​തി​നോ​ട​കം ക​ര​യി​ലേ​ക്ക് അ​ടി​ച്ചു ക​യ​റി​യ ക​ണ്ടെ​യ്ന​റു​ക​ളി​ൽ പ​ല​തും പൊ​ട്ടി​പ്പൊ​ളി​ഞ്ഞ നി​ല​യി​ലാ​യി​രു​ന്നു.

ഒ​ഴു​ക്കി​നി​ട​യി​ൽ ശ​ക്ത​മാ​യ ക​ട​ൽ​ക്ഷോ​ഭ​ത്തി​ലും തി​ര​യ​ടി​യി​ലു​മാ​ണ് ഭൂ​രി​ഭാ​ഗം ക​ണ്ടെ​യ്ന​റു​ക​ളും ത​ക​ർ​ന്ന​ത്. എ​ന്നാ​ൽ വി​ഴി​ഞ്ഞ​ത്തേ​ക്കു വ​രു​ന്ന​വ​യെ കാ​ത്തി​രി​ക്കു​ന്ന​ത് കോ​വ​ള​ത്തെ​യും ആ​ഴി​മ​ല​യി​ലെ​യും കാ​ഠി​ന്യ​മേ​റി​യ പാ​റ​ക്കൂ​ട്ട​ങ്ങ​ളും വി​ഴി​ഞ്ഞ​ത്തെ ര​ണ്ടു തു​റ​മു​ഖ​ങ്ങ​ളു​ടെ കൂ​റ്റ​ൻ പു​ലി​മു​ട്ടു​ക​ളു​മാ​ണ്. പു​തി​യ​താ​യി പ്ര​വ​ർ​ത്ത​ന​മാ​രം​ഭി​ച്ച അ​ന്താ​രാ​ഷ്ട്ര തു​റ​മു​ഖ​ത്തി​നു ക​ട​ലി​നു​ള്ളി​ലേ​ക്കു മൂ​ന്നു കി​ലോ​മീ​റ്റ​ർ വ​ള​ഞ്ഞു നി​ൽ​ക്കു​ന്ന പു​ലി​മു​ട്ടാ​ണ്.

വി​ഴി​ഞ്ഞം വ​ഴി കി​ഴ​ക്കോ​ട്ട് ഒ​ഴു​കി പോ​കു​ന്ന ക​ണ്ടെ​യ്ന​റു​ക​ൾ പു​ലി​മു​ട്ടു​ക​ളി​ലും പ​റ​ക്കൂ​ട്ട​ങ്ങ​ളി​ലും ഇ​ടി​ച്ച് ത​ക​രാ​നു​ള്ള സാ​ധ്യ​ത​യും അ​ധി​കൃ​ത​ർ ത​ള്ളി​ക്ക​ള​യു​ന്നി​ല്ല. അ​പ​ക​ട​ക​ര​മാ​യ കെ​മി​ക്ക​ൽ അ​ട​ങ്ങി​യ ക​ണ്ടെ​യ് ന​റു​ക​ളാ​ണ് ഇ​വി​ടെ ത​ക​രു​ന്ന​തെ​ ങ്കി​ൽ ക​ടു​ത്ത പാ​രി​സ്ഥി​തി​ക പ്ര​ശ്ന​ങ്ങ​ൾ ഉ​ണ്ടാ​കാ​ൻ കാ​ര​ണ​മാ​കു​മെ​ന്നും വി​ല​യി​രു​ത്ത​പ്പെ​ടു​ന്നു.

ഇ​ന്ന​ലെ എ​ത്തി​യ ക​ണ്ടെ​യ്ന​റും ത​ക​ർ​ന്നു ത​രി​പ്പ​ണ​മാ​യ​തു പു​ലി​മു​ട്ടി​ൽ ത​ട്ടി​യാ​ണെ​ന്ന​തും ഗൗ​ര​വ​മാ​യാ​ണ് ബ​ന്ധ​പ്പെ​ട്ട​വ​ർ കാ​ണു​ന്ന​ത്. അ​നി​ഷ്ട​ങ്ങ​ൾ ഉ​ണ്ടാ​യാ​ൽ നി​യ​ന്ത്രി​ക്കു​ന്ന​തി​നു​ള്ള യാ​തൊ​രു​വി​ധ സം​വി​ധാ​ന​ങ്ങ​ളും വി​ഴി​ഞ്ഞ​ത്ത് ഇ​ല്ലാ​ത്ത​തും അ​ധി​കൃ​ത​രെ കു​ഴ​ക്കു​ന്നു​ണ്ട്. ക​ർ​ശ​ന നി​രീ​ക്ഷ​ണ​വു​മാ​യി വി​ഴി​ഞ്ഞം തീ​ര​സം​ര​ക്ഷ​ണ സേ​ന​യു​ടെ മൂ​ന്നു ക​പ്പ​ലു​ക​ളും ക​ട​ലി​ൽ നി​ല​യു​റ​പ്പി​ച്ചി​ട്ടു​ണ്ട്.

കൂ​ടാ​തെ തീ​ര​ദേശ​പോ​ലീ​സി​ന്‍റെ​യും മ​റൈ​ൻ എ​ൻ ഫോ​ഴ്സ്മെ​ന്‍റി​ന്‍റെ​യും പ​ട്രോ​ൾ ബോ​ട്ടു​ക​ളും നി​രീ​ക്ഷ​ണം തു​ട​രു​ന്നു​ണ്ട്. മ​ൺ​സൂ​ൺ തു​ട​ങ്ങി മ​ത്സ്യ​ബ​ന്ധ​ന സീ​സ​ൺ ആ​രം​ഭി​ക്കാ​നി​രി​ക്കെ വി​വി​ധ​യി​ട​ങ്ങ​ളി​ൽ നി​ന്നു​ള്ള നൂ​റു ക​ണ​ക്കി​ന് വ​ള്ള​ങ്ങ​ളു​മാ​യി മ​ത്സ്യ​ത്തൊ​ഴി​ലാ​ളി​ക​ൾ വി​ഴി​ഞ്ഞ​ത്ത് ത​മ്പ​ടി​ച്ചു ക​ഴി​ഞ്ഞു. ഇ​വ​ർ ക​ട​ലി​ൽ ഇ​റ​ങ്ങ​രു​തെ​ന്ന ക​ർ​ശ​ന നി​ർ​ദ്ദേ​ശ​വും അ​ധി​കൃ​ത​ർ ന​ൽ​കി. ക​ണ്ടെ​യ്ന​റു​ക​ൾ ക​ണ്ടാ​ൽ ചെ​യ്യേ​ണ്ട കാ​ര്യ​ങ്ങ​ളെ​ക്കു​റി​ച്ച് മുന്നറി​യി​പ്പു ന​ൽ​കി.