വിഷു​ദി​നത്തിൽ കാ​ർ​ഷി​ക സ​മൃ​ദ്ധി​ക്കാ​യി ചാ​ലി​ട​ൽ ന​ട​ത്തി
Wednesday, April 17, 2024 1:53 AM IST
നെ​ന്മാ​റ: നൂ​റു​മേ​നി വി​ള​വു​നേ​ടാ​ൻ നെ​ല്ല​റ​യു​ടെ മ​ണ്ണി​ൽ വി​ഷു​ദി​ന​ത്തി​ല്‍ ഭൂ​മി​പൂ​ജ. ക​ർ​ഷ​ക​നും തൊ​ഴി​ലാ​ളി​ക​ളും ഒ​ത്തു​ചേ​രു​ന്ന പ​ര​മ്പ​രാ​ഗ​ത കൃ​ഷി ആ​ചാ​ര​മാ​യ ചാ​ലി​ട​ൽ ച​ട​ങ്ങ് ഇ​ന്നും പാ​ല​ക്കാ​ട​ൻ പാ​ട​ങ്ങ​ളി​ലു​ണ്ട്.

ഇ​തു​വ​രെ ല​ഭി​ച്ച വി​ള​വി​ന് ന​ന്ദി പ​റ​ഞ്ഞും ഇ​നി​യു​ള്ള കൃ​ഷി യാ​തൊ​രു ത​ട​സ​വും കൂ​ടാ​തെ നൂ​റു​മേ​നി ല​ഭി​ക്ക​ണ​മെ​ന്നും പ്രാ​ര്‍​ഥിച്ചാ​ണ് ചാ​ലി​ട​ല്‍ ച​ട​ങ്ങ്. ചാ​ലി​ട​ൽ ച​ട​ങ്ങ് എ​ന്ന വി​ഷു​ദി​ന​ത്തി​ലെ പ​ര​മ്പ​രാ​ഗ​ത കൃ​ഷി ആ​ചാ​രം ഇ​ന്നും മു​റ​തെ​റ്റാ​തെ പാ​ല​ക്കാ​ട​ൻ പാ​ട​ങ്ങ​ളി​ൽ കാ​ണാം. ക​രി​മ്പാ​റ ചെ​ട്ടി​കു​ള​മ്പ് ക​ളം സേ​തു​മാ​ധ​വ​ന്‍റെ വീ​ട്ടി​ലും കൃ​ഷി​യി​ട​ത്തി​ലു​മാ​യാ​ണ് ച​ട​ങ്ങ് ന​ട​ന്ന​ത്. കാ​ഞ്ഞി​ര​ത്തി​ന്‍റെ ഇ​ല കൊ​ണ്ട് കു​മ്പി​ളു​ണ്ടാ​ക്കി കു​മ്പി​ളി​ൽ വി​ത്ത് നി​റ​ച്ച് പു​തി​യ വ​ട്ടി​യി​ലേ​ക്ക് വി​ത്ത് ഇ​ടു​ന്ന​തി​ലൂ​ടെ വി​ത്ത​ള​ക്ക​ൽ തു​ട​ങ്ങു​ന്നു. പി​ന്നീ​ട് വ​ട്ടി​യി​ലാ​ക്കി​യ വി​ത്തും ആ​യു​ധ​ങ്ങ​ളു​മാ​യി ക​ര്‍​ഷ​ക​രും തൊ​ഴി​ലാ​ളി​ക​ളും പാ​ട​ത്തേ​ക്ക് വ​രു​ന്ന കൃ​ഷി പു​റ​പ്പാ​ട്. പാ​ട​ത്തി​ന്‍റെ വ​ല​ത്തേ മൂ​ല​യി​ലാ​ണ് ചാ​ലി​ട​ൽ ച​ട​ങ്ങ്. മ​ണ്ണി​ള​ക്കി നി​ല​വി​ള​ക്ക് ക​ത്തി​ച്ച് ഭൂ​മി പൂ​ജ ന​ട​ത്തു​ക​യാ​ണ് ആ​ദ്യ​പ​ടി. പി​ന്നീ​ട് കു​മ്പി​ളു​ക​ളി​ൽ നി​റ​ച്ചി​രി​ക്കു​ന്ന വി​ത്തു​ക​ള്‍ എ​ല്ലാ​വ​രും മ​ണ്ണി​ല്‍ വി​ത​റു​ന്നു. ക​രു​തി​വെ​ച്ച വി​ത്തി​ൻെ​റ ഗു​ണ​മേ​ന്മ പ​രി​ശോ​ധ​ന കൂ​ടി​യാ​ണ് ചാ​ലി​ട​ൽ.

100 വി​ത്തി​ൽ എ​ത്ര എ​ണ്ണം മു​ള​ച്ചു എ​ന്ന് തി​ട്ട​പ്പെ​ടു​ത്തി​യാ​ൽ ഒ​രു​പ​റ​ക്ക് എ​ത്ര അ​ള​വി​ൽ വി​ത​യ്ക്ക് വി​ത്തി​റ​ക്ക​ണ​മെ​ന്ന് ക​ർ​ഷ​ക​ർ ക​ണ​ക്കാ​ക്കും. പൂ​ർ​വി​ക​രു​ടെ ആ​ചാ​ര​ത്തി​ൻെ​റ പൊ​രു​ൾ വ​രും​ത​ല​മു​റ​ക്ക് മ​ന​സിലാ​ക്കി കൊ​ടു​ക്കു​ക എ​ന്ന ദൗ​ത്യം കൂ​ടി ഇ​ത്ത​രം അ​നു​ഷ്ഠാ​ന​ങ്ങ​ളി​ൽ അ​ട​ങ്ങി​യി​രി​ക്കു​ന്നു. വി​ത്തി​റ​ക്ക​ല്‍ ഉ​ത്സ​വ​ത്തി​ന് വെ​ടി​ക്കെ​ട്ടും പ​തി​വാ​ണ്. പ​ര​മ്പ​രാ​ഗ​ത ചാ​ലി​ട​ൽ ക​ർ​മത്തി​ന് ശേ​ഷം കു​ടും​ബ കാ​ര​ണ​വ​ർ കു​ടും​ബാം​ഗ​ങ്ങ​ൾ​ക്കും ജോ​ലി​ക്കാ​ർ​ക്കും മ​റ്റും കൈ​നീ​ട്ടം ന​ൽ​കി. പൂ​ജാ പ്ര​സാ​ദ​വും വി​ത​ര​ണം ന​ട​ത്തി.

Copyright @ 2022 , Rashtra Deepika Ltd.