ഡാ​ള​സ്: ഫോ​ർ​ട്ട് വ​ർ​ത്തി​ൽ ക്രൂ​ര​മാ​യി കൊ​ല​പ്പെ​ടു​ത്തി​യ കേ​സി​ൽ ടെ​ക്സ​സി​ലെ ഫോ​ർ​ട്ട് വ​ർ​ത്തി​ൽ നി​ന്നു​ള്ള 28കാ​ര​നാ​യ വ​ലേ​റി​യ​ൻ വി​ൽ ഒ​സ്റ്റീ​ന് വ​ധ​ശി​ക്ഷ വി​ധി​ച്ച് ടാ​ര​ന്‍റ് കൗ​ണ്ടി ജൂ​റി. 26കാ​രി​യാ​യ മാ​രി​സ ഗ്രിം​സി​നെ കൊ​ല​പ്പെ​ടു​ത്തി​യ കേ​സി​ൽ യു​വാ​വ് കു​റ്റ​ക്കാ​ര​നാ​ണെ​ന്ന് ജൂ​റി ക​ണ്ടെ​ത്തി​യി​രു​ന്നു.

ജി​ല്ലാ അ​റ്റോ​ർ​ണി ഓ​ഫി​സി​ൽ നി​ന്നു​ള്ള പ്ര​സ്താ​വ​ന പ്ര​കാ​രം, ഗ്രിം​സി​നെ കൊ​ല്ലു​മെ​ന്ന് ഭീ​ഷ​ണി​പ്പെ​ടു​ത്തി​യ​തു​മാ​യി ബ​ന്ധ​പ്പെ​ട്ട് ഒ​സ്റ്റീ​നെ മു​ൻ​പ് ഗാ​ർ​ഹി​ക പീ​ഡ​ന കു​റ്റ​ത്തി​ന് അ​റ​സ്റ്റ് ചെ​യ്തി​രു​ന്നു. ജാ​മ്യ​ത്തി​ൽ പു​റ​ത്തി​റ​ങ്ങി​യ ശേ​ഷം, ഗ്രിം​സി​ൽ നി​ന്ന് അ​ക​ന്നു​നി​ൽ​ക്കാ​നും മോ​ണി​റ്റ​ർ ധ​രി​ക്കാ​നും കോ​ട​തി ഒ​സ്റ്റീ​നോ​ട് ഉ​ത്ത​ര​വി​ട്ടി​രു​ന്നു.

എ​ന്നാ​ൽ ഒസ്റ്റീ​ൻ ഭീ​ഷ​ണി​ക​ൾ തു​ട​ർ​ന്നു. ജീ​വ​ന് ഭീ​ഷ​ണി​യു​ണ്ടെ​ന്ന് മ​ന​സി​ലാ​ക്കി​യ ഗ്രിം​സ് വെ​സ്റ്റ് ടെ​ക്സ​സി​ലേ​ക്ക് താ​മ​സം മാ​റ്റാ​ൻ പ​ദ്ധ​തി​യി​ട്ടി​രു​ന്നു. ഇ​തി​നി​ടെ, 2022 ഫെ​ബ്രു​വ​രി 12ന് ​ഒ​സ്റ്റീ​നോ​ട് യാ​ത്ര പ​റ​യാ​ൻ വേ​ണ്ടി​യാ​ണ് അ​വ​ൾ അ​യാ​ളു​ടെ വീ​ട്ടി​ലേ​ക്ക് പോ​യ​തെ​ന്ന് പ്ര​സ്താ​വ​ന​യി​ൽ പ​റ​യു​ന്നു.


ഗ്രിം​സി​നെ അ​വ​സാ​ന​മാ​യി ജീ​വ​നോ​ടെ ക​ണ്ട ദി​വ​സ​മാ​യി​രു​ന്നു അ​ത്. ഒ​സ്റ്റീ​ൻ തോ​ക്ക് ചൂ​ണ്ടി ഭീ​ഷ​ണി​പ്പെ​ടു​ത്തു​ന്ന​ത് ക​ണ്ട​താ​യി ഒ​രു അ​യ​ൽ​ക്കാ​ര​ൻ മൊ​ഴി ന​ൽ​കി​ഗ്രിം​സി​നെ കാ​ണാ​നി​ല്ലെ​ന്ന് കു​ടും​ബം പ​രാ​തി ന​ൽ​കി​യ​തി​ന് പി​ന്നാ​ലെ, ഒ​സ്റ്റീ​ന്‍റെ വീ​ട്ടി​ൽ നി​ന്ന് ഒ​രു മൈ​ൽ അ​ക​ലെ യു​വ​തി​യു​ടെ യു​ഹോ​ൾ ട്ര​ക്ക് ക​ണ്ടെ​ത്തു​ക​യാ​യി​രു​ന്നു.

ഫോ​ർ​ട്ട് വ​ർ​ത്ത് പോ​ലീ​സ് ന​ട​ത്തി​യ തി​ര​ച്ചി​ലി​ൽ, ഒ​സ്റ്റീ​ന്‍റെ വീ​ടി​ന​ടി​യി​ൽ കു​ഴി​ച്ചി​ട്ട നി​ല​യി​ൽ ഗ്രിം​സി​ന്റെ മൃ​ത​ദേ​ഹം ക​ണ്ടെ​ത്തു​ക​യാ​യി​രു​ന്നു. ത​ല​യ്ക്കേ​റ്റ ആ​ഘാ​ത​മാ​ണ് മ​ര​ണ​കാ​ര​ണ​മെ​ന്ന് ടാ​ര​ന്റ് കൗ​ണ്ടി മെ​ഡി​ക്ക​ൽ എ​ക്സാ​മി​ന​റു​ടെ ഓ​ഫി​സ് സ്ഥി​രീ​ക​രി​ച്ചു. ഗ്രിം​സി​ന്‍റെ എ​ല്ലു​ക​ൾ ഒ​ടി​ഞ്ഞ​താ​യും, ക​ണ്ണു​ക​ൾ​ക്ക് ക​റു​ത്ത പാ​ടു​ക​ൾ ഉ​ള്ള​താ​യും, ശ​രീ​ര​ത്തി​ൽ ച​ത​വു​ക​ളും ചി​ല ഭാ​ഗ​ങ്ങ​ളി​ലെ മു​ടി മു​റി​ച്ചു​മാ​റ്റി​യ​താ​യും ക​ണ്ടെ​ത്തി.