കൊ​ച്ചി: കേ​ര​ള​ത്തി​ൽ നി​ക്ഷേ​പം ന​ട​ത്താ​ൻ താ​ത്പ​ര്യം അ​റി​യി​ച്ച് ന്യൂ​ജേ​ഴ്സി ഗ​വ​ർ​ണ​ർ ഫി​ലി​പ്പ് ഡി. ​മ​ർ​ഫി. ഇ​ട​പ്പ​ള്ളി ലു​ലു ഗ്രാ​ൻ​ഡ് ഹ​യാ​ത്തി​ൽ ന​ട​ന്ന ബി​സി​ന​സ് പാ​ർ​ട്ണ​ർ​ഷി​പ് ഉ​ച്ച​കോ​ടി​യി​ലും അ​ത്താ​ഴ വി​രു​ന്നി​ലും പ​ങ്കെ​ടു​ത്ത് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ഉ​ന്ന​ത വി​ദ്യാ​ഭ്യാ​സ മേ​ഖ​ല​യി​ലും തൊ​ഴി​ൽ രം​ഗ​ത്തും കേ​ര​ള​ത്തി​ൽ നി​ക്ഷേ​പം ന​ട​ത്താ​ൻ ന്യു​ജ​ഴ്സി ഭ​ര​ണ​കൂ​ടം മു​ഖ്യ​മ​ന്ത്രി പി​ണ​റാ​യി വി​ജ​യ​നോ​ട് താ​ത്പ​ര്യം അ​റി​യി​ച്ചു. കേ​ര​ളം നി​ക്ഷേ​പ സൗഹൃദ സം​സ്ഥാ​ന​മാ​ണെ​ന്നും മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ക​രു​ത്ത​നാ​യ ഭ​ര​ണാ​ധി​കാ​രി​യാ​ണെ​ന്നും അ​ദ്ദേ​ഹം പ്ര​ശം​സി​ച്ചു.

ന്യൂ​ജ​ഴ്സി സ​ർ​ക്കാ​രി​നെ നി​ക്ഷേ​പം ന​ട​ത്താ​ൻ കേ​ര​ള​ത്തി​ലേ​ക്ക് സ്വാ​ഗ​തം ചെ​യ്താണ് മു​ഖ്യ​മ​ന്ത്രി പ്ര​സം​ഗം തു​ട​ർ​ന്ന​ത്. കേ​ര​ള​ത്തി​ൽ നി​ക്ഷേ​പം ന​ട​ത്താ​ൻ ഏ​റ്റ​വും അ​നു​യോ​ജ്യ​മാ​യ സ​മ​യ​ത്താ​ണ് മ​ർ​ഫി ഇ​വി​ടേ​ക്ക് എ​ത്തി​യ​തെ​ന്ന് മു​ഖ്യ​മ​ന്ത്രി പ​റ​ഞ്ഞു.




നോ​ർ​ക്ക റൂ​ട്ട്സ് വൈ​സ് ചെ​യ​ർ​മാ​നും ലു​ലു ഗ്രൂ​പ്പ് ചെ​യ​ർ​മാ​നു​മാ​യ എം.​എ. യൂ​സ​ഫ​ലി പ​രി​പാ​ടി​ക്ക് സ്വാ​ഗ​തം ആ​ശം​സി​ച്ചു. കേ​ര​ള​ത്തി​ലേ​ക്ക് നി​ക്ഷേ​പം ന​ട​ത്താ​നു​ള്ള ന്യു​ജ​ഴ്സി സ​ർ​ക്കാ​രി​ന്‍റെ ശ്ര​മ​ങ്ങ​ളെ യൂ​സ​ഫ​ലി പ്ര​ശം​സി​ച്ചു.

ച​ട​ങ്ങി​ൽ ഗ​വ​ർ​ണ​ർ ഫി​ലി​പ്പ് ഡി. ​മ​ർ​ഫി​യു​ടെ ഭാ​ര്യ താ​മി മ​ർ​ഫി, വ്യ​വ​സാ​യ മ​ന്ത്രി പി. ​രാ​ജീ​വ്, മേ​യ​ർ എം. ​അ​നി​ൽ​കു​മാ​ർ, ന്യൂ​ജ​ഴ്സി സ​ർ​ക്കാ​രി​ന്‍റെ പ്ര​തി​നി​ധി​ക​ൾ, സം​സ്ഥാ​ന സ​ർ​ക്കാ​രി​ന്‍റെ ഉ​ന്ന​ത​ത​ല ഉ​ദ്യോ​ഗ​സ്ഥ​ർ, രാ​ജ്യ​ത്തെ ബി​സി​ന​സ് സം​രം​ഭ​ക​ർ, മാ​ധ്യ​മ​സ്ഥാ​പ​ന മേ​ധാ​വി​ക​ൾ തു​ട​ങ്ങി​യ​വ​ർ പ​ങ്കെ​ടു​ത്തു.