ഡൽഹി ലഫ്. ഗവർണർ ഓഫീസിൽ 13 പേർക്കു കോവിഡ്
Tuesday, June 2, 2020 11:58 PM IST
ന്യൂഡൽഹി: ഡൽഹി ലഫ്. ഗവർണർ അനിൽ ബൈജാലിന്റെ ഓഫീസ് ജീവനക്കാരിൽ 13 പേർക്കു കോവിഡ് സ്ഥിരീകരിച്ചു. ഗവർണറുടെ ഓഫീസിലുള്ള എല്ലാവരുടെയും സാന്പിളുകൾ ശേഖരിച്ചു നടത്തിയ പരിശോധനയിലാണ് 13 പേർക്ക് വൈറസ് ബാധ സ്ഥിരീകരിച്ചത്.
ഡൽഹി സിവിൽ ലൈൻസിലുള്ള ലഫ്. ഗവർണർ ഓഫീസിലെ ജൂനിയർ അസിസ്റ്റന്റിനു മേയ് 28നു കോവിഡ് ബാധിച്ചതായി കണ്ടെത്തിയിരുന്നു. 40 പേരുടെ സാന്പിളുകളാണു പരിശോധിച്ചത്. ബാക്കിയുള്ളവരുടെ പരിശോധന നടത്തിയിട്ടുണ്ടെന്നും ഫലം ഉടൻ ലഭ്യമാകുമെന്നും ഉദ്യോഗസ്ഥർ അറിയിച്ചു.