ഫിറ്റ്നസ് ഇല്ലാത്ത വാഹനങ്ങൾ, രജിസ്ട്രേഷൻ പുതുക്കാത്ത വാഹനങ്ങൾ, ഇൻഷുറൻസ് ഇല്ലാത്തവ, നികുതി അടയ്ക്കാത്തവ, ഡ്രൈവർക്കു ലൈസൻസ് ഇല്ലാത്തത്, ലൈസൻസ് കാലാവധി കഴിഞ്ഞത് തുടങ്ങിയവ കണ്ടെത്തണമെങ്കിൽ വാഹനം നിർത്തിച്ചു രേഖകൾ പരിശോധിക്കണം. ഇങ്ങനെയുള്ള പരിശോധനകൾ ഇപ്പോൾ നടക്കുന്നില്ല. വെഹിക്കിൾ ഇൻസ്പെക്ടർമാർ ഇപ്പോൾ കൺട്രോൾ റൂമിലിരുന്നു കാമറ കണ്ടെത്തുന്ന കുറ്റകൃത്യങ്ങൾക്കു പിഴ നല്കുന്ന നോട്ടീസിൽ വ്യാപൃതരാണ്.
പോലീസിലെ ഗ്രേഡ് എസ്ഐമാരായിരുന്നു കുറച്ചെങ്കിലും വാഹനപരിശോധന നടത്തിയിരുന്നത്. ഇവർക്കു വാഹനം പരിശോധിച്ചു പിഴ അടപ്പിക്കാനുള്ള അധികാരം പിൻവലിച്ചിരിക്കുകയാണ്.
രജിസ്ട്രേഷൻ, ഫിറ്റ്നസ്, ലൈസൻസ്, നികുതി ഇവ ഇല്ലാത്ത വാഹനങ്ങൾ അപകടത്തിപ്പെട്ടാൽ ഇൻഷുറൻസ് ക്ലെയിം കിട്ടില്ല. ഡ്രൈവർക്കോ വാഹന ഉടമയ്ക്കോ സാമ്പത്തികശേഷിയില്ലെങ്കിൽ അപകടത്തിൽ പെടുന്ന ആൾക്ക് നഷ്ടപരിഹാരം പോലും ലഭിക്കില്ല.
വാഹനങ്ങളുടെ രേഖകൾ പരിശോധിക്കാൻ വെഹിക്കിൾ ഇൻസ്പെക്ടർമാർ തയാറാകുകയും ഓരോ പോലീസ് സ്റ്റേഷനിലും റോഡ് സുരക്ഷാചുമതലയുള്ള ഗ്രേഡ് എസ്ഐമാർക്ക് രേഖകൾ പരിശോധിച്ചു പിഴ ഈടാക്കാനുള്ള അധികാരം നൽകുകയും ചെയ്താൽ മാത്രമേ ഇതിനു പരിഹാരമാകുകയുള്ളൂ.