പ​ത്ത​നം​തി​ട്ട: ശ​ബ​രി​മ​ല​യി​ലെ സ്വ​ര്‍ണ​ക്കൊ​ള്ള വി​വാ​ദ​ത്തി​ല്‍ തി​രു​വി​താം​കൂ​ര്‍ ദേ​വ​സ്വം ബോ​ര്‍ഡ് കൂ​ടു​ത​ല്‍ കു​രു​ക്കി​ലേ​ക്ക്. ക​ട്ടി​ള​പ്പാ​ളി​യി​ല്‍ സ്വ​ര്‍ണം പൂ​ശി​യ​തു​മാ​യി ബ​ന്ധ​പ്പെ​ട്ട സം​ഭ​വ​ത്തി​ല്‍ ദേ​വ​സ്വം ബോ​ര്‍ഡി​നു​ണ്ടാ​യ ഗു​രു​ത​ര വീ​ഴ്ച വി​ജി​ല​ന്‍സ് അ​ന്വേ​ഷ​ണസം​ഘം ക​ണ്ടെ​ത്തി​യി​രു​ന്നു.

ക​ട്ടി​ള​പ്പാ​ളി​യി​ലെ സ്വ​ര്‍ണ​പ്പാ​ളി​ക​ള്‍ ചെ​മ്പു​പാ​ളി​ക​ള്‍ എ​ന്നെ​ഴു​തി ന​ല്‍കി​യ​ത് ആ​സൂ​ത്രി​ത​മെ​ന്നാ​ണ് ക​ണ്ടെ​ത്ത​ല്‍. ഉ​ണ്ണി​ക്കൃ​ഷ്ണ​ന്‍ പോ​റ്റി​ക്ക് ചെ​മ്പു​പാ​ളി​ക​ള്‍ എ​ന്നെ​ഴു​തി സ്വർണപ്പാളികൾ കൈ​മാ​റി​യ​തി​ല്‍ ദേ​വ​സ്വം ബോ​ര്‍ഡി​ന് അ​റി​വു​ണ്ടാ​യി​രു​ന്നു​വെ​ന്നാ​ണ് വി​ജി​ല​ന്‍സ് റി​പ്പോ​ര്‍ട്ട്. ഇ​ത​നു​സ​രി​ച്ച രേ​ഖ​ക​ൾ എ​സ്ഐ​ടി ദേ​വ​സ്വം ബോ​ർ​ഡ് ഓ​ഫീ​സി​ലും ശ​ബ​രി​മ​ല എ​ക്സി​ക്യൂ​ട്ടീ​വ് ഓ​ഫീ​സി​ലു​മെ​ത്തി പ​രി​ശോ​ധി​ച്ചു.

പി​ന്നാ​ലെ അ​ന്ന​ത്തെ ദേ​വ​സ്വം ബോ​ര്‍ഡ് പ്ര​സി​ഡ​ന്‍റ് എ​ന്‍. വാ​സു​വി​ന്‍റെ മൊ​ഴി പ്ര​ത്യേ​ക അ​ന്വേ​ഷ​ണ​സം​ഘം രേ​ഖ​പ്പെ​ടു​ത്തും. മു​മ്പ് ദേ​വ​സ്വം ക​മ്മീ​ഷ​ണ​റാ​യി​രു​ന്ന എ​ൻ. വാ​സു, എ. ​പ​ത്മ​കു​മാ​ര്‍ പ്ര​സി​ഡ​ന്‍റുസ്ഥാ​ന​ത്തുനി​ന്നു മാ​റി​യ ഒ​ഴി​വി​ല്‍ പ്ര​സി​ഡ​ന്‍റാ​കു​ക​യാ​യി​രു​ന്നു.

ക​ട്ടി​ളപ്പാ​ളി​ക​ള്‍ സ്വ​ര്‍ണ പൂ​ശാ​ന്‍ ഉ​ണ്ണി​ക്കൃ​ഷ്ണ​ന്‍ പോ​റ്റി​യു​ടെ കൈ​വ​ശം കൊ​ടു​ത്തു​വി​ടാ​ന്‍ ക​മ്മീ​ഷ​ണ​ര്‍ക്ക് എ​ക്‌​സി​ക്യൂ​ട്ടീ​വ് ഓ​ഫീ​സ​റാ​യി​രു​ന്ന ഡി. ​സു​ധീ​ഷ് കു​മാ​ര്‍ 2019 ഫെ​ബ്രു​വ​രി 16നു ​ന​ല്‍കി​യ ക​ത്തി​ല്‍ "സ്വ​ര്‍ണം പൂ​ശി​യ ചെ​മ്പുപാ​ളി​ക​ൾ’ എ​ന്നാ​ണ് എ​ഴു​തി​യി​രു​ന്ന​തെ​ങ്കി​ല്‍ ക​മ്മീ​ഷ​ണ​റാ​യി​രു​ന്ന വാ​സു, ഫെ​ബ്രു​വ​രി 26നു ​ബോ​ർ​ഡി​നു ന​ല്‍കി​യ ശി​പാ​ര്‍ശ​യി​ല്‍ "സ്വ​ര്‍ണം പൂ​ശി​യ' എ​ന്ന ഭാ​ഗം ഒ​ഴി​വാ​ക്കി "ചെ​മ്പ് പാ​ളി​ക​ള്‍' എ​ന്നു മാ​ത്ര​മാ​ക്കി​യെ​ന്നാ​ണ് ക​ണ്ടെ​ത്ത​ൽ. ഇ​ത് അം​ഗീ​ക​രി​ച്ചാ​ണ് മാ​ര്‍ച്ച് 19ന് ​ദേ​വ​സ്വം ബോ​ര്‍ഡ് തീ​രു​മാ​നം വ​ന്ന​ത്.


എ​ന്‍. വാ​സു ദേ​വ​സ്വം ക​മ്മീ​ഷ​ണ​റാ​യി​രു​ന്ന കാ​ല​യ​ള​വി​ലും പി​ന്നീ​ട് അ​ദ്ദേ​ഹം പ്ര​സി​ഡ​ന്‍റാ​യ​പ്പോ​ഴും ന​ട​ന്നി​ട്ടു​ള്ള ന​ട​പ​ടി​ക​ള്‍ സം​ബ​ന്ധി​ച്ച് പ്ര​ത്യേ​ക അ​ന്വേ​ഷ​ണ​സം​ഘം വി​വ​ര​ങ്ങ​ൾ ശേ​ഖ​രി​ച്ചു​വ​രി​ക​യാ​ണ്. വി​ജി​ല​ന്‍സ് ഹൈ​ക്കോ​ട​തി​യി​ല്‍ ന​ല്‍കി​യ അ​നു​ബ​ന്ധ റി​പ്പോ​ര്‍ട്ടി​ലും വാ​സു​വി​ന്‍റെ ഭ​ര​ണ​കാ​ല​ത്തു​ണ്ടാ​യ ന​ട​പ​ടി​ക​ള്‍ അ​ക്ക​മി​ട്ടു നി​ര​ത്തി​യി​രു​ന്നു.

ശബരിമല സ​ന്നി​ധാ​ന​ത്ത് എ​സ്ഐടി ​പ​രി​ശോ​ധ​ന

പ​ത്ത​നം​തി​ട്ട: ശ​ബ​രി​മ​ലയിലെ സ്വ​ർ​ണ​ക്കൊ​ള്ള​യു​മാ​യി ബ​ന്ധ​പ്പെ​ട്ട് പ്ര​ത്യേ​ക അ​ന്വേ​ഷ​ണസം​ഘം പ​രി​ശോ​ധ​ന തു​ട​രു​ന്നു. ക​ഴി​ഞ്ഞ​ദി​വ​സ​ങ്ങ​ളി​ലെ പ​രി​ശോ​ധ​ന​യ്ക്കു​ശേ​ഷം മ​ട​ങ്ങി​യ എ​സ്ഐ​ടി ഇ​ന്ന​ലെ വീ​ണ്ടും സ​ന്നി​ധാ​ന​ത്തെ​ത്തി.

2019ലെ ​രേ​ഖ​ക​ൾ എ​ക്സി​ക്യൂ​ട്ടീ​വ് ഓ​ഫീ​സി​ലെ​ത്തി സം​ഘം ഇ​ന്ന​ലെ പ​രി​ശോ​ധി​ച്ചു. എ​സ​പി ശ​ശി​ധ​ര​ന്‍റെ നേ​തൃ​ത്വ​ത്തി​ലു​ള്ള സം​ഘ​മാ​ണ് ഇ​ന്ന​ലെ രാ​വി​ലെ മു​ത​ൽ പ​രി​ശോ​ധ​ന ന​ട​ത്തി​യ​ത്. ദേ​വ​സ്വം വി​ജി​ല​ൻ​സി​ന്‍റെ പ​രി​ശോ​ധ​ന​യും എ​ക്സി​ക്യൂ​ട്ടീ​വ് ഓ​ഫീ​സി​ൽ മു​മ്പ് ന​ട​ന്നി​രു​ന്നു. ദേ​വ​സ്വം ക​മ്മീ​ഷ​ണ​ർ മു​ത​ൽ തി​രു​വാ​ഭ​ര​ണ ക​മ്മീ​ഷ​ണ​ർ വ​രെ ഒ​പ്പി​ട്ട രേ​ഖ​ക​ളും മ​ഹ​സ​റു​ക​ളും പ​രി​ശോ​ധ​ന​യി​ൽ ഉ​ൾ​പ്പെ​ടു​ന്നു.