പികെവി പുരസ്കാരത്തിന് നാമനിര്ദേശം ക്ഷണിച്ചു
Thursday, June 13, 2024 2:48 AM IST
കിടങ്ങൂര്: പികെവി സെന്റർ ഫോര് ഹ്യുമന് ഡെവലപ്മെന്റ് ആന്ഡ് കള്ച്ചറല് അഫയേഴ്സ് കിടങ്ങൂര് ഏര്പ്പെടുത്തിയിട്ടുള്ള 2023 ലെ പികെവി പുരസ്കാരത്തിനുള്ള നാമനിര്ദേശം ക്ഷണിച്ചു. 10,001 രൂപയും പ്രശസ്തി ഫലകവും അടങ്ങുന്നതാണ് പുരസ്കാരം.
പൊതുപ്രവര്ത്തന രംഗത്ത് കേരളമാകെ അറിയപ്പെടുന്ന വ്യക്തിത്വം, സംശുദ്ധമായ പൊതുജീവിതവും വ്യക്തിത്വവും, പൊതു പ്രവര്ത്തന രംഗത്തെ സമഗ്രസംഭാവനകള്, പാര്ലമെന്ററി രംഗത്തുള്ള മികവാര്ന്ന പ്രവര്ത്തനങ്ങള്, ഭരണ, ഭരണേതര രംഗങ്ങളിലെ സംഭാവനകള്, ജനോപകാരപ്രദമായ പ്രവര്ത്തനങ്ങള്, മതേതരത്വത്തോടുള്ള കൂറും വിശ്വാസവും, പികെവി യുടെ രാഷ്്ട്രീയ പ്രവര്ത്തനത്തെയും പൊതുപ്രവര്ത്തനത്തെയും അനുഭവ വേദ്യമാക്കുന്ന നിസ്തൂല വ്യക്തിത്വം, പികെവിയുടെ സ്മരണയോട് നീതി പുലര്ത്തുന്ന ഇതര പ്രവര്ത്തനങ്ങള് എന്നിവയാണ് പൊതുമാനദണ്ഡങ്ങള്.
നാമനിര്ദേശങ്ങള് 20നു മുമ്പായി സെക്രട്ടറി, പികെവി സെന്റര് ഫോര് ഹ്യുമന് ഡെവലപ്പ്മെന്റ് ആന്ഡ് കള്ച്ചറല് അഫയേഴ്സ് കിടങ്ങൂര് 686572 എന്ന വിലാസത്തിലോ, kvcentrekidangoor@ gmail.com എന്ന ഇ മെയിലിലോ അയച്ചുതരേണ്ടതാണ്.