National News
കനേഡിയൻ ഹൈക്കമ്മീഷണറെ വിളിച്ചുവരുത്തി ഇന്ത്യ പ്രതിഷേധം അറിയിച്ചു
Saturday, December 5, 2020 1:08 AM IST
ന്യൂ​ഡ​ൽ​ഹി: ത​ല​സ്ഥാ​നം സ്തം​ഭി​പ്പി​ച്ചു ന​ട​ക്കു​ന്ന ക​ർ​ഷ​ക​സ​മ​ര​ത്തെ ക​നേ​ഡി​യ​ൻ പ്ര​ധാ​ന​മ​ന്ത്രി ജ​സ്റ്റി​ൻ ട്രൂ​ഡോ പി​ന്തു​ണ​ച്ച​തി​ൽ ക​നേ​ഡി​യ​ൻ ഹൈ​ക്ക​മ്മീ​ഷ​ണ​റെ വി​ളി​ച്ചുവ​രു​ത്തി ഇ​ന്ത്യ പ്ര​തി​ഷേ​ധമ​റി​യി​ച്ചു. ഇ​ത്ത​രം ഇ​ട​പെ​ട​ലു​ക​ൾ ഇ​ന്ത്യ​യും കാ​ന​ഡ​യും ത​മ്മി​ലു​ള്ള ഉ​ഭ​യ​ക​ക്ഷി ബ​ന്ധ​ത്തി​ൽ വി​ള്ള​ൽ വീ​ഴ്ത്തു​മെ​ന്നു സ​ർ​ക്കാ​ർ ഡ​ൽ​ഹി​യി​ലെ ക​നേ​ഡി​യ​ൻ ഹൈ​ക്ക​മ്മീ​ഷ​ണ​ർ നാ​ദി​ർ പ​ട്ടേ​ലി​നോ​ടു പ​റ​ഞ്ഞു.

ഇ​ന്ത്യ​യി​ലെ ക​ർ​ഷ​ക​രു​മാ​യി ബ​ന്ധ​പ്പെ​ട്ട വി​ഷ​യ​ത്തി​ൽ കാ​ന​ഡ​യി​ലെ പ്ര​ധാ​ന​മ​ന്ത്രി​യും ചി​ല മ​ന്ത്രി​മാ​രും പാ​ർ​ല​മെ​ന്‍റ് അം​ഗ​ങ്ങ​ളും ന​ട​ത്തി​യ പ​രാ​മ​ർ​ശ​ങ്ങ​ൾ അം​ഗീ​ക​രി​ക്കാ​വു​ന്ന ഇ​ട​പെ​ട​ലു​ക​ള​ല്ല. അ​ത്ത​രം പ്ര​വൃത്തി​ക​ൾ ഇ​ന്ത്യ​യും കാ​ന​ഡ​യും ത​മ്മി​ലു​ള്ള ബ​ന്ധ​ത്തെ അ​തീ​വ ഗു​രു​ത​രു​മാ​യി ബാ​ധി​ക്കു​മെ​ന്നും ക​നേ​ഡി​യ​ൻ പ്ര​തി​നി​ധി​യോ​ട് അ​റി​യി​ച്ച​താ​യി കേ​ന്ദ്ര വി​ദേ​ശ​കാ​ര്യ മ​ന്ത്രാ​ല​യം വ്യ​ക്ത​മാ​ക്കി. മേ​ലി​ൽ ഇ​ത്ത​രം ന​ട​പ​ടി​ക​ളിൽനി​ന്ന് കാ​ന​ഡ സ​ർ​ക്കാ​ർ മാ​റി നി​ൽ​ക്ക​ണ​മെ​ന്നു നി​ർ​ദേ​ശി​ച്ച​താ​യും വി​ദേ​ശ​കാ​ര്യ മ​ന്ത്രാ​ല​യം പ്ര​സ്താ​വ​ന​യി​ൽ അ​റി​യി​ച്ചു. കാ​ന​ഡ​യി​ലെ ഇ​ന്ത്യ​ൻ ന​യ​ത​ന്ത്ര ഉ​ദ്യോ​ഗ​സ്ഥ​ർ​ക്ക് അ​വി​ടു​ത്തെ സ​ർ​ക്കാ​ർ പൂ​ർ​ണ സു​ര​ക്ഷ ഉ​റ​പ്പു വ​രു​ത്ത​ണ​മെ​ന്നും ഇ​ന്ത്യ ആ​വ​ശ്യ​പ്പെ​ട്ടു.


ഗു​രു​നാ​നാ​ക് ജ​യ​ന്തി​യി​ൽ സി​ക്ക് സ​മൂ​ഹ​ത്തെ അ​ഭി​സം​ബോ​ധ​ന ചെ​യ്തു ന​ട​ത്തി​യ പ്ര​സ്താ​വ​ന​യി​ലാ​ണ് ക​ർ​ഷ​കസ​മ​ര​ങ്ങ​ളെ ചൂ​ണ്ടി​ക്കാ​ട്ടി ഇ​ന്ത്യ​യി​ലെ സ്ഥി​തി ആ​ശ​ങ്ക​പ്പെ​ടു​ത്തു​ന്ന​താ​ണെ​ന്ന് ക​നേ​ഡി​യ​ൻ പ്ര​ധാ​ന​മ​ന്ത്രി പ​റ​ഞ്ഞ​ത്. ഇതേത്തു ടർന്ന് ജ​നാ​ധി​പ​ത്യ രാ​ജ്യ​മാ​യ ഇ​ന്ത്യ​യു​ടെ ആ​ഭ്യ​ന്ത​രകാ​ര്യ​ങ്ങ​ളി​ൽ പു​റ​മേനി​ന്നു​ള്ള ഇ​ട​പെ​ട​ലു​ക​ൾ വേ​ണ്ടെ​ന്നു ചൂ​ണ്ടി​ക്കാ​ട്ടി കേ​ന്ദ്ര വി​ദേ​ശ​കാ​ര്യ മ​ന്ത്രാ​ല​യം വെ​ള്ളി​യാ​ഴ്ച ത​ന്നെ പ്ര​തി​ഷേ​ധി​ച്ചി​രു​ന്നു.

ഇ​ന്ത്യ​യി​ലെ ക​ർ​ഷ​ക​രു​മാ​യി ബ​ന്ധ​പ്പെ​ട്ട വി​ഷ​യ​ത്തി​ൽ തെ​റ്റി​ദ്ധാ​ര​ണ​യു​ടെ അ​ടി​സ്ഥാ​ന​ത്തി​ലാ​ണ് കാ​ന​ഡ​യി​ലെ നേ​താ​ക്ക​ൾ പ്ര​തി​ക​രി​ച്ച​ത് എ​ന്നാ​യി​രു​ന്നു കേ​ന്ദ്ര വി​ദേ​ശ​കാ​ര്യ മ​ന്ത്രാ​ല​യ വ​ക്താ​വ് അ​നു​രാ​ഗ് ശ്രീ​വാ​സ്ത​വ പ​റ​ഞ്ഞ​ത്. അ​ത്ത​രം അ​ഭി​പ്രാ​യ​പ്ര​ക​ട​ന​ങ്ങ​ൾ അ​നു​ചി​ത​മാ​ണ്. ഒ​രു ജ​നാ​ധി​പ​ത്യ രാ​ജ്യ​ത്തി​ന്‍റെ ആ​ഭ്യ​ന്ത​ര കാ​ര്യ​ങ്ങ​ളി​ൽ ഇ​ത്ത​രം അ​ഭി​പ്രാ​യ പ്ര​ക​ട​ന​ങ്ങ​ൾ ന​ട​ത്തു​ന്ന​തു ശ​രി​യ​ല്ലെ​ന്നും വി​ദേ​ശ​കാ​ര്യ വ​ക്താ​വ് ചൂ​ണ്ടി​ക്കാ​ട്ടി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.




Copyright @ 2021 , Rashtra Deepika Ltd.