National News
അമർ ജവാൻ ജ്യോതി അണച്ചു; ഇനി യുദ്ധസ്മാരകത്തിൽ
അമർ ജവാൻ ജ്യോതി അണച്ചു; ഇനി യുദ്ധസ്മാരകത്തിൽ
Saturday, January 22, 2022 1:33 AM IST
ന്യൂ​ഡ​ൽ​ഹി: രാ​ജ്യ​ത്തി​നുവേ​ണ്ടി ജീ​വ​ൻ വെ​ടി​ഞ്ഞ സൈ​നി​ക​രു​ടെ ഓ​ർ​മ​യ്ക്കാ​യി 50 വ​ർ​ഷ​മാ​യി രാ​ജ്യ​ത​ല​സ്ഥാ​ന​ത്തു ജ്വ​ലി​ച്ചു കൊ​ണ്ടി​രു​ന്ന ഇ​ന്ത്യാ ഗേ​റ്റി​ലെ അ​മ​ർ ജ​വാ​ൻ ജ്യോ​തി അ​ണ​ച്ചു. തൊ​ട്ട​ടു​ത്തു പു​തു​താ​യി നി​ർ​മി​ച്ച ദേ​ശീ​യ യു​ദ്ധ​സ്മാ​ര​ക​ത്തി​ലേ​ക്ക് അ​മ​ർ ജ​വാ​ൻ ജ്യോ​തി മാ​റ്റി സ്ഥാ​പി​ക്കു​ക​യാ​യി​രു​ന്നു.

1971ലെ ​ഇ​ന്ത്യ-പാ​ക്കി​സ്ഥാ​ൻ യു​ദ്ധ​ത്തി​ൽ ഇ​ന്ത്യ​ക്കുവേ​ണ്ടി വീ​ര​ച​ര​മം പ്രാ​പി​ച്ച സൈ​നി​ക​രു​ടെ ഓ​ർ​മ​യ്ക്കാ​യി അ​ന്ന​ത്തെ പ്ര​ധാ​ന​മ​ന്ത്രി ഇ​ന്ദി​രാ​ഗാ​ന്ധി​യു​ടെ നി​ർ​ദേ​ശ​പ്ര​കാ​ര​മാ​ണ് ഇ​ന്ത്യാ ഗേ​റ്റി​ൽ ഒ​രി​ക്ക​ലും അ​ണ​യാ​ത്ത അ​മ​ർ ജ​വാ​ൻ ജ്യോ​തി സ്ഥാ​പി​ച്ച​ത്.

1971ലെ ​റി​പ്പ​ബ്ലി​ക് ദി​ന​ത്തി​ലാ​യി​രു​ന്നു ആ​ദ്യ​മാ​യി ഈ ​അ​ണ​യാ​ദീ​പം തെ​ളി​ച്ച​ത്. അ​ഞ്ചു പ​തി​റ്റാ​ണ്ടാ​യി കോ​ടി​ക്ക​ണ​ക്കി​ന് ഇ​ന്ത്യ​ക്കാ​രു​ടെ വി​കാ​ര​മാ​യി​രു​ന്ന അ​മ​ർ ജ​വാ​ൻ ജ്യോ​തി​യെ ന​രേ​ന്ദ്ര മോ​ദി സ​ർ​ക്കാ​ർ ക​ഴി​ഞ്ഞ വ​ർ​ഷം നി​ർ​മി​ച്ച ദേ​ശീ​യ യു​ദ്ധസ്മാ​ര​ക​ത്തി​ലേ​ക്കു ഇ​ന്ന​ലെ ല​യി​പ്പി​ച്ചു​വെ​ന്നാ​ണ് ഔ​ദ്യോ​ഗി​ക വി​ശ​ദീ​ക​ര​ണം.


ഇ​ന്‍റ​ഗ്രേ​റ്റ​ഡ് ഡി​ഫ​ൻ​സ് സ്റ്റാ​ഫ് മേ​ധാ​വി എ​യ​ർ മാ​ർ​ഷ​ൽ ബാ​ല​ഭ​ദ്ര രാ​ധാ​കൃ​ഷ്ണ​യാ​ണ് അ​മ​ർ ജ​വാ​ൻ ജ്യോ​തി​യെ 400 വാ​ര മാ​ത്രം അ​ക​ലെ​യു​ള്ള നാ​ഷ​ണ​ൽ വാ​ർ മെ​മ്മോ​റി​യ​ലി​ലെ ജ്യോ​തി​യി​ലേ​ക്കു ല​യി​പ്പി​ച്ച​ത്.

ഇ​ന്ത്യാ ഗേ​റ്റി​ൽ ആ​ലേ​ഖ​നം ചെ​യ്തി​ട്ടു​ള്ള പേ​രു​ക​ൾ ഒ​ന്നാം ലോ​കമ​ഹാ​യു​ദ്ധ​ത്തി​ലും ആം​ഗ്ലോ അ​ഫ്ഗാ​ൻ യു​ദ്ധ​ത്തി​ലും കൊ​ല്ല​പ്പെ​ട്ട ബ്രി​ട്ടീ​ഷ് സൈ​നി​ക​രു​ടേ​താ​ണെ​ന്നു കേ​ന്ദ്ര പ്ര​തി​രോ​ധ മ​ന്ത്രാ​ല​യം വി​ശ​ദീ​ക​രി​ച്ചു. യു​ദ്ധ​ത്തി​ൽ മ​രി​ച്ച ഇ​ന്ത്യ​ൻ സൈ​നി​ക​രു​ടെ പേ​രു​ക​ളോ മ​റ്റു വി​വ​ര​ങ്ങ​ളോ ഇ​വി​ടെ സ്ഥാ​പി​ച്ചി​ട്ടി​ല്ല.

രാ​ജ്യ​ത്തി​നു സ്വാ​ത​ന്ത്ര്യം കി​ട്ടി​യ​തി​നു ശേ​ഷം സം​ഭ​വി​ച്ച യു​ദ്ധ​ങ്ങ​ളി​ൽ വീ​ര​മൃ​ത്യു വ​രി​ച്ച സൈ​നി​ക​രു​ടെ പേ​രു​ക​ൾ ദേ​ശീ​യ യു​ദ്ധ​സ്മാ​ര​ക​ത്തി​ൽ ആ​ലേ​ഖ​നം ചെ​യ്തി​ട്ടു​ണ്ട്. അ​തി​നാ​ൽ അ​മ​ർ ജ​വാ​ൻ ജ്യോ​തി എ​രി​യു​ന്ന​തി​ന് ഏ​റ്റ​വും ഉ​ചി​ത​മാ​യ സ്ഥ​ലം ദേ​ശീ​യ യു​ദ്ധ​സ്മാ​ര​കം ത​ന്നെ​യാ​ണെ​ന്നാ​ണു കേ​ന്ദ്ര​ത്തി​ന്‍റെ വി​ശ​ദീ​ക​ര​ണം.

ജോ​ർ​ജ് ക​ള്ളി​വ​യ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.