വധശിക്ഷ: സു​പ്രീം​കോ​ട​തി​യു​ടെ മാർഗനിർദേശങ്ങൾ
വധശിക്ഷ: സു​പ്രീം​കോ​ട​തി​യു​ടെ മാർഗനിർദേശങ്ങൾ
Sunday, May 22, 2022 2:26 AM IST
ന്യൂഡൽഹി: വ​ധ​ശി​ക്ഷ വി​ധി​ക്കു​ന്ന​തി​ന് രാ​ജ്യ​ത്തെ കോ​ട​തി​ക​ൾ​ക്കു സു​പ്രീം​കോ​ട​തി പ്ര​ത്യേ​ക മാ​ർ​ഗ​നി​ർ​ദേ​ശം പു​റ​ത്തി​റ​ക്കി. വിചാരണക്കോടതികൾ പലപ്പോഴും പകവീട്ടുന്നതുപോലെയാണ് വധശിക്ഷകൾ വിധിക്കുന്നതെന്നാണ് ജ​സ്റ്റീ​സ് യു.​യു. ല​ളി​ത്, എ​സ്. ര​വീ​ന്ദ്ര ഭ​ട്ട്, ബേ​ല എം. ​ത്രി​വേ​ദി എ​ന്നി​വ​ർ ഉ​ൾ​പ്പെ​ട്ട ബെ​ഞ്ച് നിരീക്ഷിച്ചത്.

സുപ്രീംകോടതിയുടെ മാർഗനിർദേശങ്ങൾ താഴെ.

• പ്ര​തി​യെക്കുറി​ച്ചു​ള്ള കൃ​ത്യ​മാ​യ വി​വ​ര​ങ്ങ​ൾ വി​ചാ​ര​ണഘ​ട്ട​ത്തി​ൽത​ന്നെ ശേ​ഖ​രി​ക്ക​ണം.
• പ്ര​തി​യു​ടെ മ​നോ​നി​ല​യെക്കുറി​ച്ച് സ​ർ​ക്കാ​രി​ന്‍റെ​യും ജ​യി​ൽ അ​ധി​കൃ​ത​രു​ടെ​യും റി​പ്പോ​ർ​ട്ട് തേ​ട​ണം.
• പ്ര​തി​ പ​ശ്ചാ​ത്ത​പി​ച്ചു മനഃപ​രി​വ​ർ​ത്ത​ന​ം നടത്താനുള്ള സാ​ധ്യ​ത​യു​ണ്ടോ​യെ​ന്നു സൂ​ക്ഷ്മപ​രി​ശോ​ധ​ന ന​ട​ത്ത​ണം.
• കു​ടും​ബപ​ശ്ചാ​ത്ത​ലം ഉ​ൾ​പ്പെ​ടെ എ​ല്ലാ വി​വ​ര​ങ്ങ​ളും സ​ർ​ക്കാ​ർ ശേ​ഖ​രി​ച്ച് കോ​ട​തി​ക്കു ന​ൽ​ക​ണം.
സ​ർ​ക്കാ​രു​ക​ൾ പ്ര​തി​ക​ളു​ടെ വ്യ​ക്തി​ഗ​ത വി​വ​ര​ങ്ങ​ൾ സ​മ​യ​ബ​ന്ധി​ത​മാ​യി സ​മാ​ഹ​രി​ച്ചു ന​ൽ​ക​ണ​മെന്നു സുപ്രീംകോടതി നിർദേശിച്ചു. താ​ഴെ​പ്പ​റ​യു​ന്ന വി​വ​ര​ങ്ങ​ളാ​ണ് പ്ര​ധാ​ന​മാ​യും വേ​ണ്ട​ത്:
• പ്ര​തി​യു​ടെ പ്രാ​യം.
• നേ​ര​ത്തേയു​ള്ള കു​ടും​ബപ​ശ്ചാ​ത്ത​ലം (സ​ഹോ​ദ​ര​ങ്ങ​ൾ, മാ​താ​പി​താ​ക്ക​ളു​ടെ സം​ര​ക്ഷ​ണം, അ​ക്ര​മപ​ശ്ചാ​ത്ത​ല​മോ നി​യ​മ​ലം​ഘ​ന​മോ ന​ട​ത്തി​യു​ണ്ടോ എ​ന്നിവ).

• നി​ല​വി​ലെ കു​ടും​ബപ​ശ്ചാ​ത്ത​ലം (ആ​ശ്രി​ത​രാ​യ കു​ടും​ബാം​ഗ​ങ്ങ​ൾ, വി​വാ​ഹി​ത​നാ​ണോ, കു​ട്ടി​ക​ൾ തു​ട​ങ്ങി​യ വി​വ​ര​ങ്ങ​ൾ).
• വി​ദ്യാ​ഭ്യാ​സ നി​ല​വാ​രം.
• ക്ര​മി​ന​ൽ പ​ശ്ചാ​ത്ത​ലം ( കു​റ്റ​കൃ​ത്യ​ങ്ങ​ളു​ടെ വി​ശ​ദ വി​വ​ര​ങ്ങ​ൾ, ശി​ക്ഷാ ന​ട​പ​ടി​ക​ളു​ടെ വി​വ​ര​ങ്ങ​ൾ).
• വ​രു​മാ​ന​വും തൊ​ഴി​ൽ വി​വ​ര​ങ്ങ​ളും ( ജോ​ലി സ്ഥി​ര​മോ താ​ത്കാ​ലി​ക​മോ എ​ന്ന​തു​ൾ​പ്പ​ടെ).
• മാ​സി​ക പ്ര​ശ്ന​ങ്ങ​ളോ മ​റ്റു പെ​രു​മാ​റ്റ വൈ​ക​ല്യ​ങ്ങ​ളോ ഉ​ണ്ടോ എ​ന്ന വി​വ​രം.
ഈ ​വി​വ​ര​ങ്ങ​ളെ​ല്ലാം പ​രി​ശോ​ധി​ച്ചു മാ​ത്ര​മേ വ​ധ​ശി​ക്ഷ വി​ധി​ക്കു​ന്ന​തി​ലേ​ക്കു നീ​ങ്ങാ​വൂ എ​ന്നു സു​പ്രീം​കോ​ട​തി വ്യ​ക്ത​മാ​ക്കി. നേ​ര​ത്തെ ബ​ച്ച​ൻ സിം​ഗ് കേ​സി​ൽ ,കൊ​ല​പാ​ത​കം ന​ട​ന്ന സാ​ഹ​ച​ര്യ​ത്തെ​ക്കു​റി​ച്ചു വി​ശ​ദ​മാ​യി പ​രി​ശോ​ധി​ക്ക​ണ​മെ​ന്നു സു​പ്രീം​കോ​ട​തി നി​ർ​ദേ​ശി​ച്ചി​രു​ന്നു.
2015ൽ ​മ​ധ്യ​പ്ര​ദേ​ശി​ലെ ഒ​രു കേ​സി​ന്‍റെ വി​ധിപ്ര​സ്താ​വ​വു​മാ​യി ബ​ന്ധ​പ്പെ​ട്ടാ​ണ് സു​പ്രീം​കോ​ട​തി​യു​ടെ നി​രീ​ക്ഷ​ണം. ആ​റു പ്ര​തി​ക​ളി​ൽ മൂ​ന്നു​പേ​രു​ടെ വ​ധ​ശി​ക്ഷ ഹൈ​ക്കോ​ട​തി ശ​രി​വ​ച്ച​തു റ​ദ്ദാ​ക്കി​യാ​ണ് വധശിക്ഷ സംബന്ധിച്ച് സുപ്രീംകോടതി മാ​ർ​ഗ​നി​ർ​ദേ​ശങ്ങൾ പു​റ​പ്പെ​ടു​വി​ച്ച​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.