വരുണയിൽ സിദ്ധരാമയ്യയെ നേരിടാൻ യെദിയൂരപ്പയുടെ മകൻ?
Friday, March 31, 2023 1:23 AM IST
ബംഗളൂരു: കർണാടക മുൻ മുഖ്യമന്ത്രിയും കോൺഗ്രസിലെ പ്രബലനുമായ സിദ്ധരാമയ്യയെ വരുണ മണ്ഡലത്തിൽ നേരിടാൻ മുൻ മുഖ്യമന്ത്രി ബി.എസ്. യെദിയൂരപ്പയുടെ മകൻ ബി.വൈ. വിജയേന്ദ്ര വരുമെന്ന് അഭ്യൂഹം.
വരുണയിൽ വിജയേന്ദ്ര മത്സരിക്കുമോയെന്ന മാധ്യമപ്രവർത്തകരുടെ ചോദ്യത്തിന്, ചർച്ചകൾ നടക്കുന്നുണ്ടെന്നായിരുന്നു യെദിയൂരപ്പയുടെ മറുപടി. പാർട്ടി നേതൃത്വമാണ് ഇക്കാര്യത്തിൽ തീരുമാനമെടുക്കുകയെന്നും അദ്ദേഹം പറഞ്ഞു.
അതേസമയം, തനിക്കെതിരേ ആരു മത്സരിക്കുന്നുവെന്നത് തന്നെ അലട്ടുന്ന വിഷയമല്ലെന്നു സിദ്ധരാമയ്യ പ്രതികരിച്ചു.
സിദ്ധരാമയ്യയുടെ മകൻ ഡോ. യതീന്ദ്രയാണ് നിലവിൽ വരുണയിലെ എംഎൽഎ.