ഒ​ന്ന​ര കോ​ടി​യു​ടെ ട്രാ​ഫി​ക് പ​രി​ഷ്കര​ണ പ​ദ്ധ​തി : വൈ​റ്റി​ല​യി​ലെ കു​രു​ക്ക​ഴി​യും, പ​ക്ഷെ കാ​ത്തി​രി​ക്ക​ണം
Thursday, July 24, 2025 4:15 AM IST
കൊ​ച്ചി: മേ​ല്‍​പ്പാ​ലം വ​ന്നാ​ല്‍ പ​രി​ഹാ​ര​മാ​കു​മെ​ന്ന് ക​രു​തി​യ വൈ​റ്റി​ല ജം​ഗ്ഷ​നി​ലെ ഗ​താ​ഗ​ത​ക്കു​രു​ക്കി​ന് ഇ​ന്നും ഒ​ട്ടും കു​റ​വി​ല്ലെ​ന്നു മാ​ത്ര​മ​ല്ല, തി​ര​ക്കേ​റി​യ സ​മ​യ​ങ്ങ​ളി​ല്‍ രൂ​ക്ഷ​മാ​യ കു​രു​ക്കി​ല്‍ വീ​ര്‍​പ്പു​മു​ട്ടി​യാ​ണ് ഇ​തു വ​ഴി​യു​ള്ള യാ​ത്രി​ക​ർ.

ന​ഗ​ര​ത്തി​ല്‍ നി​ന്ന് പു​റ​ത്തേ​ക്കും തി​രി​ച്ചു​മു​ള്ള വാ​ഹ​ന​ങ്ങ​ളാ​ണ് വൈ​റ്റി​ല​യു​ടെ കു​രു​ക്കി​ന്‍റെ ദു​രി​തം പേ​റു​ന്ന​ത്. ഗ​താ​ഗ​ത​ക്കു​രു​ക്കി​നു പ​രി​ഹാ​ര​മെ​ന്ന പേ​രി​ല്‍ കൊ​ണ്ടു​വ​ന്ന പ​രി​ഷ്‌​കാ​ര​ങ്ങ​ളൊ​ന്നും കാ​ര്യ​മാ​യ ഫ​ലം ക​ണ്ടി​ല്ല. ഈ ​സാ​ഹ​ച​ര്യ​ത്തി​ല്‍ പു​തി​യ ച​ലി ട്രാ​ഫി​ക് പ​രി​ഷ്‌​കാ​ര​ങ്ങ​ള്‍​ക്ക് ഒ​രു​ങ്ങു​ക​യാ​ണ് ഗ​താ​ഗ​ത വ​കു​പ്പും ട്രാ​ഫി​ക് പോ​ലീ​സും.

പാ​ലാ​രി​വ​ട്ട​ത്തും ക​ള​മ​ശേ​രി​യി​ലു​മ​ട​ക്കം വി​ജ​യ​ക​ര​മാ​യ ഗ​താ​ഗ​ത​ക്ര​മീ​ക​ര​ണം കൊ​ണ്ടു​വ​ന്ന ഇ​ട​പ്പ​ള്ളി ട്രാ​ഫി​ക് പോ​ലീ​സാ​ണ് വൈ​റ്റി​ല​യി​ലെ ഗ​താ​ഗ​ത​ക്കു​രു​ക്ക​ഴി​ക്കാ​നു​ള്ള പ​ദ്ധ​തി​യും ത​യാ​റാ​ക്കി​യി​രി​ക്കു​ന്ന​ത്.

1.5 കോ​ടി​യു​ടെ പ​ദ്ധ​തി ക​ഴി​ഞ്ഞ ദി​വ​സം ഗ​താ​ഗ​ത​മ​ന്ത്രി കെ.​ബി. ഗ​ണേ​ഷ്‌​കു​മാ​റി​ന്‍റെ അ​ധ്യ​ക്ഷ​ത​യി​ല്‍ ചേ​ര്‍​ന്ന യോ​ഗം അം​ഗീ​ക​രി​ച്ചി​രു​ന്നു. റോ​ഡ് സേ​ഫ്റ്റി അ​ഥോ​റി​റ്റി​യാ​ണ് ഫ​ണ്ട് അ​നു​വ​ദി​ക്കേ​ണ്ട​ത്. ഫ​ണ്ട് ല​ഭ്യ​മാ​യാ​ല്‍ പി​ഡ​ബ്ല്യു​ഡി എ​ന്‍​എ​ച്ച് വി​ഭാ​ഗം പ്ലാ​നി​ല്‍ പ​റ​ഞ്ഞി​ട്ടു​ള്ള നി​ര്‍​മാ​ണ പ്ര​വ​ര്‍​ത്തി​ക​ള്‍ ന​ട​ത്തും. അ​തി​നു ശേ​ഷ​മാ​കും ട്രാ​ഫി​ക് പ​രി​ഷ്‌​ക​ര​ണം ഏ​ര്‍​പ്പെ​ടു​ത്തു​ക.

പ്ര​ധാ​ന സി​ഗ്ന​ലു​ക​ള്‍ നി​ല​നി​ര്‍​ത്തി കൂ​ടു​ത​ല്‍ വാ​ഹ​ന​ങ്ങ​ള്‍ വി​വി​ധ ദി​ശ​ക​ളി​ലേ​ക്ക് ഒ​രേ സ​മ​യം സു​ഗ​മ​മാ​യി ക​ട​ന്നു​പോ​കു​ന്ന നി​ല​യി​ലാ​ണ് പ​രി​ഷ്‌​ക​ര​ണം. ഇ​തി​നാ​യി റോ​ഡു​ക​ളു​ടെ​യും യു​ടേ​ണു​ക​ളു​ടെ​യും വീ​തി കൂ​ട്ടും. ക​ണി​യാ​മ്പു​ഴ റോ​ഡി​ല്‍ നി​ന്ന് വൈ​റ്റി​ല ഹ​ബ് എ​ക്‌​സി​റ്റ് റോ​ഡി​ലേ​ക്ക് പു​തി​യ പാ​ത നി​ര്‍​മി​ക്കും. ഫ്രീ ​ലെ​ഫ്റ്റു​ക​ള്‍ പ്രോ​ത്സാ​ഹി​പ്പി​ക്കും. പ​രി​ഷ്‌​കാ​രം വ​രു​ന്ന​തോ​ടെ ക​ട​വ​ന്ത്ര മു​ത​ല്‍ തൈ​ക്കൂ​ടം വ​രെ​യു​ള്ള ഗ​താ​ഗ​ത​ക്കു​രു​ക്കി​നു പ​രി​ഹാ​ര​മാ​കു​മെ​ന്നാ​ണ് വി​ല​യി​രു​ത്ത​ല്‍.

സി​ഗ്ന​ല്‍ ഒ​ഴി​വാ​കി​ല്ല

വൈ​റ്റി​ല ജം​ഗ്ഷ​നി​ല്‍ സി​ഗ്ന​ല്‍ ഒ​ഴി​വാ​ക്കി​യു​ള്ള ഗ​താ​ഗ​ത പ​രി​ഷ്‌​കാ​രം പ്രാ​യോ​ഗി​ക​മ​ല്ലെ​ന്ന് ഗ​താ​ഗ​ത ക്ര​മീ​ക​ര​ണ പ​ദ്ധ​തി ആ​വി​ഷ്‌​ക​രി​ച്ച ട്രാ​ഫി​ക് എ​സ്‌​ഐ ജോ​സ​ഫ് ജോ​ര്‍​ജ് പ​റ​ഞ്ഞു. എ​സ്എ റോ​ഡ്, ഇ​ഇ റോ​ഡ് എ​ന്നി​വി​ട​ങ്ങ​ളി​ലെ സി​ഗ്ന​ലു​ക​ള്‍ നി​ല​നി​ര്‍​ത്തി മ​റ്റ് സി​ഗ്ന​ലു​ക​ള്‍ ഒ​ഴി​വാ​ക്കും. റോ​ഡു​ക​ള്‍​ക്ക് വീ​തി ഇ​ല്ലാ​ത്ത​താ​ണ് വൈ​റ്റി​ല​യു​ടെ പ്ര​ധാ​ന പ്ര​ശ്‌​നം. സ്ഥ​ലം ഏ​റ്റെ​ടു​ക്ക​ല്‍ പ്രാ​യോ​ഗി​ക​മ​ല്ല.

പ​ക​രം മീ​ഡി​യ​നു​ക​ളു​ടെ വീ​തി കു​റ​ച്ച് റോ​ഡ് വീ​തി​കൂ​ട്ടു​ക​യേ മാ​ര്‍​ഗ​മു​ള്ളൂ. ജം​ഗ്ഷ​നു​ക​ളി​ല്‍ കൊ​ണ്ടു​വ​രു​ന്ന പ​രി​ഷ്‌​കാ​ര​ങ്ങ​ള്‍ കൊ​ണ്ടു മാ​ത്രം വൈ​റ്റി​ല​യു​ടെ ഗ​താ​ഗ​ത പ്ര​ശ്‌​ന​ത്തി​ന് പ​രി​ഹാ​ര​മാ​കി​ല്ല. മൂ​ന്ന് കി​ലോ​മീ​റ്റ​ര്‍ ചു​റ്റ​ള​വി​ല്‍ റോ​ഡു​ക​ളും ജം​ഗ്ഷ​നു​ക​ളും ട്രാ​ഫി​ക്കും പു​ന​ക്ര​മീ​ക​ര​ണം ന​ട​ത്തേ​ണ്ട​തു​ണ്ട്. പ​ദ്ധ​തി​യു​ടെ ഭാ​ഗ​മാ​യി ഇ​വ​യും ഉ​ള്‍​പ്പെ​ടു​ത്തി​യി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.

പാ​ളി​പ്പോ​യ പ​രി​ഷ്‌​കാ​ര​ങ്ങ​ള്‍

വൈ​റ്റി​ല ജം​ഗ്ഷ​നി​ലെ ഗ​താ​ഗ​ത​ക്കു​രു​ക്കി​ന് ശാ​ശ്വ​ത പ​രി​ഹാ​രം എ​ന്ന നി​ല​യി​ലാ​ണ് ഒ​ന്നാം പി​ണ​റാ​യി സ​ര്‍​ക്കാ​രി​ന്‍റെ കാ​ല​ത്ത് മേ​ല്‍​പ്പാ​ലം പ​ണി​ക​ഴി​പ്പി​ച്ച​ത്. പാ​ലം വ​ന്നെ​ങ്കി​ലും ഗ​താ​ഗ​ത​ക്കു​രു​ക്കി​ന് കു​റ​വു​ണ്ടാ​യി​ല്ല.

ജ​നം പ്ര​തി​ക​രി​ച്ച് തു​ട​ങ്ങി​യ​തോ​ടെ എ​സ്എ റോ​ഡി​ലെ​യും ഇ​ഇ റോ​ഡി​ലെ​യും രൂ​ക്ഷ​മാ​യ ഗ​താ​ഗ​ത​ക്കു​രു​ക്ക് പ​രി​ഹ​രി​ക്കാ​ന്‍ ചി​ല പ​രി​ഷ്‌​കാ​ര​ങ്ങ​ള്‍ ഏ​ര്‍​പ്പെ​ടു​ത്തി​യെ​ങ്കി​ലും അ​തൊ​ന്നും ശാ​ശ്വ​ത പ​രി​ഹാ​ര​മാ​യി​ല്ല. ഇ​തോ​ടെ​യാ​ണ് മ​റ്റൊ​രു പ​രീ​ക്ഷ​ണ​ത്തി​ന് സ​ര്‍​ക്കാ​രും ട്രാ​ഫി​ക് പോ​ലീ​സും ഇ​പ്പോ​ള്‍ മു​തി​ര്‍​ന്നി​രി​ക്കു​ന്ന​ത്.

പ​രി​ഷ്‌​കാ​രം ഇ​ങ്ങ​നെ

* എ​സ്എ റോ​ഡി​ല്‍ വൈ​റ്റി​ല ജം​ഗ്ഷ​നോ​ടു ചേ​ര്‍​ന്ന സ്ഥ​ല​ങ്ങ​ളി​ലെ മീ​ഡി​യ​നു​ക​ള്‍ പു​ന​ര്‍​നി​ര്‍​മാ​ണം ന​ട​ത്തി റോ​ഡി​ന് വീ​തി​കൂ​ട്ടും.
* മേ​ല്‍​പ്പാ​ല​ത്തി​ന് താ​ഴെ യൂ ​ടേ​ണ്‍ ഭാ​ഗ​ത്തെ വീ​തി 7.4 മീ​റ്റ​റാ​ക്കി വി​ക​സി​പ്പി​ക്കും.
* എ​സ്എ റോ​ഡി​ല്‍ നി​ന്ന് വൈ​റ്റി​ല ഹ​ബ്, തൃ​പ്പൂ​ണി​ത്തു​റ, കു​ണ്ട​ന്നൂ​ര്‍ ഭാ​ഗ​ങ്ങ​ളി​ലേ​ക്കു​ള്ള ബ​സു​ക​ള്‍ ജം​ഗ്ഷ​നി​ല്‍ നി​ന്ന് ഇ​ട​ത്തേ​ക്ക് തി​രി​ഞ്ഞ് വീ​തി കൂ​ട്ടി​യ യൂ ​ടേ​ണ്‍ ക​ട്ടി​ലൂ​ടെ ക​ണി​യാ​മ്പു​ഴ റോ​ഡി​ലേ​ക്ക് തി​രി​ഞ്ഞ് ഹ​ബ് എ​ക്‌​സി​റ്റ് റോ​ഡ് വ​ഴി പു​റ​ത്തേ​ക്ക് ക​ട​ക്കും.
* ഇ​തി​നാ​യി ക​ണി​യാ​മ്പു​ഴ റോ​ഡി​ല്‍ നി​ന്ന് വൈ​റ്റി​ല ഹ​ബ് സൊ​സൈ​റ്റി​യു​ടെ സ്ഥ​ല​ത്തു​കൂ​ടി പു​തി​യ റോ​ഡ് നി​ര്‍​മി​ക്കും.
* പാ​ലാ​രി​വ​ട്ട​ത്തു നി​ന്ന് പാ​ല​ത്തി​ന് താ​ഴെ സ​ര്‍​വീ​സ് റോ​ഡു​വ​ഴി വ​രു​ന്ന എ​രൂ​ര്‍, തൃ​പ്പൂ​ണി​ത്തു​റ, കു​ണ്ട​ന്നൂ​ര്‍, ക​ട​വ​ന്ത്ര ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ള്‍ ഇ​ട​ത്തേ​ക്ക് തി​രി​ഞ്ഞ് ക​ണി​യാ​മ്പു​ഴ റോ​ഡി​ല്‍ പ്ര​വേ​ശി​ച്ച് പു​തി​യ പാ​ത​യി​ലൂ​ടെ തി​രി​ഞ്ഞു പോ​ക​ണം.
* ത​മ്മ​നം, പൊ​ന്നു​രു​ന്നി ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ള്‍ വീ​തി കൂ​ട്ടി​യ യൂ ​ടേ​ണ്‍ ക​ട്ടി​ലൂ​ടെ വ​ല​ത്തേ​ക്ക് തി​രി​ഞ്ഞു പോ​കാം
* ക​ണി​യാ​മ്പു​ഴ റോ​ഡി​ല്‍ നി​ന്ന് ക​യ​റി വ​രു​ന്ന ഭാ​ഗ​ത്തെ സി​ഗ്ന​ല്‍ ഒ​ഴി​വാ​ക്കും
* ക​ണി​യാ​മ്പു​ഴ റോ​ഡി​ല്‍ നി​ന്ന് ജം​ഗ്ഷ​നി​ല്‍ നി​ന്ന് നേ​രി​ട്ട് വാ​ഹ​ന​ങ്ങ​ള്‍ പ്ര​വേ​ശി​പ്പി​ക്കി​ല്ല. പ​ക​രം ഹ​ബി​ലെ പു​തി​യ റോ​ഡ് വ​ഴി തി​രി​ഞ്ഞ് പോ​ക​ണം
* ഇ​ഇ റോ​ഡി​ലൂ​ടെ വ​രു​ന്ന ബ​സു​ക​ള്‍ നി​ല​വി​ലു​ള്ള ക്ര​മീ​ക​ര​ണം തു​ട​ര​ണം.
* വൈ​റ്റി​ല ഹ​ബി​ലേ​ക്കു​ള്ള ബ​സു​ക​ള്‍​ക്ക് നേ​രി​ട്ട് ഹ​ബി​ല്‍ പ്ര​വേ​ശി​ക്കാ​തെ ബൈ​പ്പാ​സി​ല്‍ പ്ര​വേ​ശി​ച്ച് പോ​കാം
* ബ​സ് ഒ​ഴി​കെ​യു​ള്ള വാ​ഹ​ന​ങ്ങ​ള്‍ നി​ല​വി​ലു​ള്ള​തു​പോ​ലെ ജം​ഗ്ഷ​നി​ലെ​ത്തി സി​ഗ്ന​ല്‍ ക​ട​ന്നു​പോ​ക​ണം.
Copyright @ 2018 , Rashtra Deepika Ltd.