ഫാ. ജിയോ പുതുശേരി പുത്തന്‍പുരയെയും ഉന്നത വിജയികളെയും ആദരിച്ചു
1570013
Tuesday, June 24, 2025 7:00 AM IST
കോടഞ്ചേരി: ഇംഗ്ലീഷ് സാഹിത്യത്തില്‍ പിഎച്ച്ഡി ലഭിച്ച വലിയകൊല്ലി സെന്‍റ് അല്‍ഫോന്‍സ പള്ളി വികാരിയും തിരുവമ്പാടി അല്‍ഫോന്‍സാ കോളജ് അധ്യാപകനുമായ ഫാ. ജിയോ പുതുശേരി പുത്തന്‍പുര, പ്ലസ്ടു പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ ഡോണ ഫിയാന്‍സ്, പി.ആര്‍.റൂഹുമ, ബേസില്‍ തമ്പി, എസ്എസ്എല്‍സി പരീക്ഷയില്‍ ഉന്നത വിജയം നേടിയ അലോന എലിസബത്ത് എന്നിവരെ വലിയകൊല്ലി ജയ കേരള വായനശാലയുടെ ആഭിമുഖ്യത്തില്‍ ആദരിച്ചു.
കോടഞ്ചേരി പഞ്ചായത്ത് പ്രസിഡന്റ് അലക്സ് തോമസ് ചെമ്പകശ്ശേരി ഉദ്ഘാടനം ചെയ്ത ചടങ്ങില്‍ ഫാ. ജിയോ പുതുശേരിപുത്തന്‍പുര മുഖ്യപ്രഭാഷണം നടത്തി. വായനശാല പ്രസിഡന്റ് ഫ്രാന്‍സിസ് ചാലില്‍ അധ്യക്ഷത വഹിച്ചു. റോസമ്മ കയത്തുങ്കല്‍, ചാള്‍സ് തയ്യില്‍, ജയിംസ് അഴകത്ത്, ആഗസ്തി പല്ലാട്ട്, സണ്ണി പുറപ്പുഴയില്‍, സിജോ മാളിയേക്കല്‍, സജി ചെല്ലങ്കോട്ട്, ബെന്നി കുളങ്ങരത്തൊട്ടി, ഷെര്‍ലി നെല്ലിക്കയത്ത്, ഷിജി കട്ടക്കാമേപ്പുറത്ത്, അനു മണിമല എന്നിവര്‍ പ്രസംഗിച്ചു.