ADVERTISEMENT

ADVERTISEMENT

ഞാറ്റുവേല മഹോത്സവം സംഘടിപ്പിച്ചു

കേളകം: സെന്‍റ് തോമസ് ഹയർ സെക്കൻഡറി സ്കൂളിലെ നാഷണൽ സർവീസ് സ്കീം വിദ്യാർഥികൾ നെൽവിത്ത് വിതച്ച് ഞാറ്റുവേല മഹോത്സവം സംഘടിപ്പിച്ചു.

കണിച്ചാർ പഞ്ചായത്ത് വികസന കാര്യ സ്റ്റാൻഡിംഗ് കമ്മിറ്റി ചെയർമാൻ തോമസ് വടശേരി ഉദ്ഘാടനം ചെയ്തു. സ്കൂൾ പിടിഎ പ്രസിഡന്‍റ് എം.പി. സജീവൻ അധ്യക്ഷനായിരുന്നു.

വാർഡ് മെംബർ ലിസമ്മ ജോയ്, സ്കൂൾ പ്രിൻസി പ്പൽ എൻ.ഐ. ഗീവർഗീസ്, അധ്യാപകരായ പി.ജെ. വിജി, ബോബി പീറ്റർ, പാടശേഖരത്തിന്‍റെ ഉടമസ്ഥരായ ശ്രീനി അരീക്കാട്ട്, ഹരീന്ദ്രൻ അരീക്കാട്ട്, എൻഎസ്എസ് ലീഡർമാരായ അർനോൾഡ്, ഡെൽഫിയ തുടങ്ങിയവർ പ്രസംഗിച്ചു.

ADVERTISEMENT

ക്രെഡിറ്റ് യൂണിയൻ വാർഷിക പൊതുയോഗം നടത്തി

പയ്യാവൂർ: തലശേരി സോഷ്യൽ സർവീസ് സൊസൈറ്റിയുടെ (ടിഎസ്എസ്എസ്) ഭാഗമായ നടുവിൽ സെന്‍റ് മേരീസ് ക്രെഡിറ്റ് യൂണിയന്‍റെ വാർഷിക പൊതുയോഗം നടുവിൽ പാരിഷ് ഹാളിൽ നടന്നു. ടിഎസ്എസ്എസ് അതിരൂപത പ്രസിഡന്‍റ് ജോഷി കുന്നത്ത് ഉദ്ഘാടനം ചെയ്തു. യൂണിറ്റ് ഡയറക്ടർ ഫാ. ജോബി ചെരുവിൽ അധ്യക്ഷത വഹിച്ചു‌. യൂണിറ്റ് പ്രസിഡന്‍റ് സിബി ചെരുവുപുരയിടത്തിൽ ആമുഖ പ്രഭാഷണവും ടിഎസ്എസ്എസ് ചെമ്പേരി മേഖലാ പ്രോഗ്രാം മാനേജർ ലിസി ജിജി മുഖ്യപ്രഭാഷണവും നടത്തി. യൂണിറ്റ് സെക്രട്ടറി ജോജി പുളിമൂട്ടിൽ വാർഷിക റിപ്പോർട്ടും ഓഡിറ്റ് റിപ്പോർട്ടും അവതരിപ്പിച്ചു. മേഖലാ വൈസ് പ്രസിഡന്‍റ് ബേബി മുല്ലൂർ, സിസ്റ്റർ ഫിൽസി എഫ്സിസി, ഷാജി മേലെമുറി, സിസ്റ്റർ ഡോ. ലൂസിയ ജോർജ് എന്നിവർ പ്രസംഗിച്ചു. ചടങ്ങിൽ എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർഥികളെ അതിരൂപത പ്രസിഡന്‍റ് ജോഷി കുന്നത്ത് അനുമോദിച്ചു. മുടങ്ങാതെ നിക്ഷേപം നടത്തിയവർക്കും വിവിധ മേഖലകളിൽ കഴിവ് തെളിയിച്ചവർക്കും ടിഎസ്എസ്എസ് റീജണൽ ഡയറക്ടർ ഫാ. ജോബി ചെരുവിൽ ഉപഹാരങ്ങൾ സമ്മാനിച്ചു.

സര്‍ക്കാര്‍ പൊതുജനാരോഗ്യ മേഖലയെ ബോധപൂര്‍വം തകര്‍ക്കുന്നു: കെ. സുരേന്ദ്രന്‍

കണ്ണൂര്‍: എല്‍ഡിഎഫ് സര്‍ക്കാര്‍ ബോധപൂര്‍വം പൊതുജനാരോഗ്യ മേഖലയെ തകര്‍ക്കുകയാണെന്ന് ബിജെപി മുന്‍ സംസ്ഥാന അധ്യക്ഷന്‍ കെ. സുരേന്ദ്രന്‍. സ്വകാര്യ ആശുപത്രി ലോബിയെ സഹായിക്കാനാണ് സർക്കാർ ഇങ്ങനെ പ്രവർത്തിക്കുന്നതെന്ന് അദ്ദേഹം പറഞ്ഞു. ആരോഗ്യ മന്ത്രി വീണാ ജോര്‍ജിന്‍റെ രാജി ആവശ്യപ്പെട്ട് ബിജെപി നോര്‍ത്ത് ജില്ലാ കമ്മിറ്റിയുടെ ആഭിമുഖ്യത്തില്‍ കണ്ണൂര്‍ ജില്ലാ ആശുപത്രിയിലേക്കു നടത്തിയ മാര്‍ച്ച് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. നൂറുകണക്കിന് വന്‍കിട സ്വകാര്യ ആശുപത്രികളാണ് സംസ്ഥാനത്ത് ഏതാനും വര്‍ഷങ്ങള്‍ക്കുളളില്‍ പ്രവര്‍ത്തനം ആരംഭിച്ചത്. മുഖ്യമന്ത്രിയും ആരോഗ്യ മന്ത്രിയും സ്വകാര്യ മേഖലയെ സഹായിക്കുന്ന നിലപാടാണ് എടുക്കുന്നത്. മന്ത്രിമാര്‍ സര്‍ക്കാര്‍ ആശുപത്രികളില്‍ ചികിത്സയ്ക്ക് പോകുന്നില്ല. ഗുരുതരമായ പ്രശ്‌നമാണ് സംസ്ഥാനത്തെ ആരോഗ്യ മേഖല നേരിടുന്നത്. ഈ സാഹചര്യത്തിൽ മന്ത്രി വീണാ ജോര്‍ജ് രാജിവയ്ക്കും വരെ പ്രക്ഷോഭം തുടരുമെന്നും കെ. സുരേന്ദ്രൻ പറഞ്ഞു. ബിജെപി ജില്ലാ പ്രസിഡന്‍റ് കെ.കെ. വിനോദ് കുമാര്‍ അധ്യക്ഷത വഹിച്ചു. നേതാക്കളായ സി. രഘുനാഥ്, പി.കെ. വേലായുധന്‍, സി. നാരായണന്‍, യു.ടി. ജയന്തന്‍, എം. അനീഷ്‌കുമാര്‍, അര്‍ച്ചന വണ്ടിച്ചാല്‍, അര്‍ജുന്‍ മാവിലാക്കണ്ടി, അജികുമാര്‍ കരിയില്‍ എന്നിവർ പ്രസംഗിച്ചു.

ഫെൻസിംഗ് പൂർത്തിയാക്കി കാട്ടാനശല്യം അവസാനിപ്പിക്കണം: സജീവ് ജോസഫ് എംഎൽഎ

ആലക്കോട്: ഉദയഗിരി പഞ്ചായത്തിലെ അപ്പർ ചീക്കാട് പ്രദേശത്ത് കഴിഞ്ഞ ദിവസങ്ങളിൽ വ്യാപകമായ കാട്ടാനശല്യം ഉണ്ടായ പ്രദേശങ്ങൾ സജീവ് ജോസഫ് എംഎൽഎ സന്ദർശിച്ചു. ഫെൻസിംഗ് പൂർത്തിയാക്കി കാട്ടാന ശല്യം അവസാനിപ്പിക്കാൻ അധികൃതർ തയാറാവണമെന്ന് എംഎൽഎ ആവശ്യപ്പെട്ടു. ജനങ്ങൾക്ക് പുറത്തിറങ്ങാനും കുട്ടികൾക്ക് സ്കൂളിൽ പോകാനും, കർഷകർക്ക് സ്വന്തം കൃഷിയിടത്തിൽ ജോലി ചെയ്യാനും സാധിക്കാത്ത ആശങ്കാജനകമായ സാഹചര്യമാണ്. പഞ്ചായത്തിലെ വനാതിർത്തി പങ്കിടുന്ന പ്രദേശങ്ങൾ പൂർണമായും ഫെൻസിംഗ് നടത്തിയാൽ മാത്രമേ കാട്ടാന ശല്യം തടയാൻ സാധിക്കുകയുള്ളൂ, എംഎൽഎ ഫണ്ട് നൽകി രണ്ടു വർഷമായിട്ടും നിർമാണം നടത്താൻ അധികൃതർ വൈകുന്നത് പ്രതിഷേധാർഹമാണെന്നും സജീവ് ജോസഫ് പറഞ്ഞു. പഞ്ചായത്തംഗം സിന്ധു തോമസ്, ജോയിച്ചൻ പള്ളിയാലിൽ, ബേബി കോയിക്കൽ, സാബു വെള്ളമറ്റം, ബേബി ഏറത്ത്, ജോസ് പന്തപ്ലാക്കൽ, തോമസ് ഒറ്റപ്ലാക്കൽ എന്നിവരും ഉണ്ടായിരുന്നു.

സംസ്ഥാന സര്‍ക്കാര്‍ പൊതുജനാരോഗ്യ മേഖലയെ ബോധപൂര്‍വം തകര്‍ക്കുന്നു: കെ. സുരേന്ദ്രന്‍

കണ്ണൂര്‍: എല്‍ഡിഎഫ് സര്‍ക്കാര്‍ ബോധപൂര്‍വം പൊതുജനാരോഗ്യ മേഖലയെ തകര്‍ക്കുകയാണെന്ന് ബിജെപി മുന്‍ സംസ്ഥാന അധ്യക്ഷന്‍ കെ. സുരേന്ദ്രന്‍. സ്വകാര്യ ആശുപത്രി ലോബിയെ സഹായിക്കാനാണ് സർക്കാർ ഇങ്ങനെ പ്രവർത്തിക്കുന്നതെന്ന് അദ്ദേഹം പറഞ്ഞു. ആരോഗ്യ മന്ത്രി വീണാ ജോര്‍ജിന്‍റെ രാജി ആവശ്യപ്പെട്ട് ബിജെപി നോര്‍ത്ത് ജില്ലാ കമ്മിറ്റിയുടെ ആഭിമുഖ്യത്തില്‍ കണ്ണൂര്‍ ജില്ലാ ആശുപത്രിയിലേക്കു നടത്തിയ മാര്‍ച്ച് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. നൂറുകണക്കിന് വന്‍കിട സ്വകാര്യ ആശുപത്രികളാണ് സംസ്ഥാനത്ത് ഏതാനും വര്‍ഷങ്ങള്‍ക്കുളളില്‍ പ്രവര്‍ത്തനം ആരംഭിച്ചത്. മുഖ്യമന്ത്രിയും ആരോഗ്യ മന്ത്രിയും സ്വകാര്യ മേഖലയെ സഹായിക്കുന്ന നിലപാടാണ് എടുക്കുന്നത്. മന്ത്രിമാര്‍ സര്‍ക്കാര്‍ ആശുപത്രികളില്‍ ചികിത്സയ്ക്ക് പോകുന്നില്ല. ഗുരുതരമായ പ്രശ്‌നമാണ് സംസ്ഥാനത്തെ ആരോഗ്യ മേഖല നേരിടുന്നത്. ഈ സാഹചര്യത്തിൽ മന്ത്രി വീണാ ജോര്‍ജ് രാജിവയ്ക്കും വരെ പ്രക്ഷോഭം തുടരുമെന്നും കെ. സുരേന്ദ്രൻ പറഞ്ഞു. ബിജെപി ജില്ലാ പ്രസിഡന്‍റ് കെ.കെ. വിനോദ് കുമാര്‍ അധ്യക്ഷത വഹിച്ചു. നേതാക്കളായ സി. രഘുനാഥ്, പി.കെ. വേലായുധന്‍, സി. നാരായണന്‍, യു.ടി. ജയന്തന്‍, എം. അനീഷ്‌കുമാര്‍, അര്‍ച്ചന വണ്ടിച്ചാല്‍, അര്‍ജുന്‍ മാവിലാക്കണ്ടി, അജികുമാര്‍ കരിയില്‍ എന്നിവർ പ്രസംഗിച്ചു.

ലയൺസ് ക്ലബ് ഇരിട്ടി ഭാരവാഹികള്‍ സ്ഥാനമേറ്റു

ഇരിട്ടി: ലയൺസ് ക്ലബ് ഭാരവാഹികളുടെ സ്ഥാനാരോഹണം മുന്‍ ഡിസ്ട്രിക് ഗവര്‍ണര്‍ ശ്രീനിവാസ ഷേണായി ഉദ്ഘാടനം ചെയ്തു. പ്രസിഡന്‍റ് റെജി തോമസ് അധ്യക്ഷത വഹിച്ചു. പ്ലസ്ടു പരീക്ഷയില്‍ ഉന്നതവിജയം നേടിയവരെ അനുമോദിച്ചു. ഇരിട്ടി ബിആര്‍സിയിലെ കുട്ടികള്‍ക്ക് കിടക്കവിതരണം, വിദ്യാർഥികള്‍ക്ക് പഠനസഹായ വിതരണം എന്നിവയും നടത്തി. ഡെന്നിസ് തോമസ് പുതിയ അംഗങ്ങള്‍ക്ക് സത്യവാജകം ചൊല്ലി കൊടുത്തു. സെക്രട്ടറി ജോളി അഗസ്റ്റിന്‍, കെ.ജെ. ജാസ്, റീജിയണല്‍ ചെയര്‍മാന്‍ എന്‍. കൃഷ്ണന്‍, സുരേഷ് മിലന്‍, സുരേഷ് ബാബു, കെ.ടി. അനൂപ്, ശ്രീജ അനൂപ്, സിബി അറയ്ക്കല്‍ എന്നിവര്‍ പ്രസംഗിച്ചു. ഭാരവാഹികള്‍: അര്‍ച്ചന റെജി (പ്രസിഡന്‍റ്), വി.ജി. സുനില്‍, ഡയാന സുരേഷ്ബാബു, ജോണ്‍ തോമസ് (വൈസ് പ്രസിഡന്‍റുമാര്‍), ജോളി അഗസ്റ്റിന്‍ (സെക്രട്ടറി), ബെബന്‍ മാത്യു (ജോയിന്‍റ് സെക്രട്ടറി), എ.കെ. കുഞ്ഞിരാമന്‍ നമ്പ്യാര്‍ (ട്രഷറര്‍).

കണ്ണവം ഇളമാങ്കലിൽ വീണ്ടും കാട്ടാനയിറങ്ങി

കൂത്തുപറമ്പ്: കണ്ണവം ഇളമാങ്കൽ ഉന്നതിയിൽ ഇന്നലെ കാട്ടാനകൾ ഇറങ്ങി കാർഷിക വിളകൾ നശിപ്പിച്ചു. പുലർച്ചെ നാലോടെ വീട്ടുപറന്പിലെത്തിയ കാട്ടാനകൾ തെങ്ങുകളും കമുകകളുമാണ് നശിപ്പിച്ചത്. ഈ പ്രദേശത്ത് മൂന്നാം തവണയാണ് കാട്ടാനകളിറങ്ങുന്നത്. കണ്ണവം വനം വന്യജീവി വകുപ്പ് അധികൃതർ സ്ഥലത്തെത്തി നാട്ടുകാരുടെ സഹായത്തോടെ ആനകളെ പടക്കം പൊട്ടിച്ചും ബഹളം വച്ചും പന്തം കത്തിച്ചും വനാന്തരങ്ങളിലേക്ക് തുരത്തി. പാട്യം പഞ്ചായത്ത് അധികൃതർ സംഭവ സ്ഥലം സന്ദർശിച്ചു.ആറ് വീടുകളിലായി 10 കുടുംബങ്ങൾ താമസിക്കുന്ന ഒറ്റപ്പെട്ട പ്രദേശമാണിത്. പൊതുവേ ഗതാഗത സൗകര്യം കുറഞ്ഞ സ്ഥലമായതി നാൽ ഉന്നതി നിവാസികൾ ഭീതിയിലാണ്. കഴിഞ്ഞാഴ്ച ഇളമാങ്കലിലെ കൊടന്നോടൻ വിനീഷ്, രതീഷ് എന്നിവരുടെ വീട്ടുപറമ്പിലെ കൃഷികളാണ് നശിപ്പിച്ചത്. പഞ്ചായത്തിലെ വനമേഖലയോട് ചേർന്നു കിടക്കുന്ന ഇളമാങ്കൽ ഉന്നതിയിൽ ഇതുവരെ കാട്ടുപന്നിയുടെയും കുരങ്ങിന്‍റേയും ശല്യം മാത്രമേ പ്രദേശത്തുകാർ അനുഭവിച്ചിരുന്നുള്ളൂ. ഇപ്പോൾ കൂട്ടമായി എത്തുന്ന കാട്ടാനകൾ വീടുകൾ ആക്രമിക്കുമെന്ന ഭിതിയിലാണ് പ്രദേശവാസികൾ.

വിദ്യാവനം പദ്ധതി ഉദ്‌ഘാടനം ചെയ്തു

ഇരിട്ടി: വന മഹോത്സവത്തിന്‍റെ ഭാഗമായി വനം വന്യജീവി വകുപ്പ് സാമൂഹ്യവനവത്കരണ വിഭാഗത്തിന്‍റെ സഹകരണത്തോടെ ഇരിട്ടി എംജി കോളജിൽ വിദ്യാവനം പദ്ധതിക്ക് തുടക്കമായി. പദ്ധതിയുടെ പ്രവർത്തി ഉദ്‌ഘാടനം എംജി കോളജ് ഓഡിറ്റോറിയത്തിൽ സാമൂഹിക വനവത്കരണ വിഭാഗം കണ്ണൂർ ഡെപ്യൂട്ടി ഫോറസ്റ്റ് കൺസർവേറ്റർ ജോസ് മാത്യു നിർവഹിച്ചു. ഇരിട്ടി എഡ്യൂക്കേഷണൽ സൊസൈറ്റി ചെയർമാൻ ചന്ദ്രൻ തില്ലങ്കേരി അധ്യക്ഷത വഹിച്ചു. സൊസൈറ്റി ജനറൽ സെക്രട്ടറി വൈ.വൈ. മത്തായി, സെക്രട്ടറി കെ. വത്സരാജ്, കോളജ് പ്രിൻസിപ്പൽ ഡോ. ആർ. സ്വരൂപ, ഐക്യൂഎസി കോ ഓർഡിനേറ്റർ ഡോ. കെ. അനീഷ് കുമാർ, ഭൂമിത്രസേന ക്ലബ് കൺവീനർ പി. പ്രിയങ്ക, എൻഎസ്എസ് പ്രോഗ്രാം ഓഫീസർ ഇ. രജീഷ്, ബയോ ഡൈവേഴ്‌സിറ്റി ക്ലബ് കൺവീനർ സി. ഗീത, സൂപ്രണ്ട് എം.ജെ. മിനി ജോൺ, സാമൂഹിക വനവത്കരണ വിഭാഗം തലശേരി റെയ്ഞ്ച് ഫോറസ്റ്റ് ഓഫീസർ ഇ.കെ. ജിഷ എന്നിവർ പ്രസംഗിച്ചു.

കോളാരി ബാങ്ക് നാളികേര സംസ്കരണ ഫാക്ടറിയിൽ പുതിയ മെഷീനുകൾ പ്രവർത്തനം തുടങ്ങി

മട്ടന്നൂർ: കോളാരി സർവീസ് സഹകരണ ബാങ്കിന്‍റെ നാളികേര സംസ്കരണ ഫാക്ടറിയിൽ വെർജിൻ കോക്കനട്ട് ഓയിൽ തയാറാക്കുന്നതിനുള്ള പുതിയ മെഷനറികളുടെ ഉദ്ഘാടനം നഗരസഭ ചെയർമാൻ എൻ. ഷാജിത്ത് നിർവഹിച്ചു. കോളാരി ബാങ്ക് പ്രസിഡന്‍റ് കെ. ഭാസ്കരൻ അധ്യക്ഷത വഹിച്ചു. വൈസ് പ്രസിഡന്‍റ് ജി. ശ്രീജിത്ത്, സെക്രട്ടറി സി. അജയകുമാർ, ഡയരക്ടർമാരായ വി.വി. മനോഹരൻ, എം.വി. പ്രകാശൻ, വി.കെ. ഷാജി, പി. പവിത്രൻ, മാനേജർ കെ. നാരായണൻ എന്നിവർ എന്നിവർ പ്രസംഗിച്ചു.

കേരളത്തില്‍ മനുഷ്യനും മൃഗത്തിനും ജീവിക്കാന്‍ പറ്റാത്ത സാഹചര്യം: കേരള കോണ്‍ഗ്രസ്

ഇരിട്ടി: കേരളത്തില്‍ മനുഷ്യനും മൃഗത്തിനും ജീവിക്കാന്‍ പറ്റാത്ത സാഹചര്യമാണെന്ന് കേരള കോണ്‍ഗ്രസ് വൈസ് ചെയര്‍മാന്‍ കെ.എ.ഫിലിപ്പ്. കേരള കോണ്‍ഗ്രസിന്‍റെ നേതൃത്വത്തില്‍ മന്ത്രി വീണാ ജോര്‍ജ് രാജി വയ്ക്കണമെന്നാവശ്യപ്പെട്ട് ഇരിട്ടിയില്‍ നടത്തിയ പ്രതിഷേധ മാര്‍ച്ച് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ആശുപത്രികളില്‍ കിടക്കാന്‍ കിടക്കയോ, രോഗികൾക്കു നൽകാൻ മരുന്നോ ഇല്ല. തസ്തിക ഒഴിഞ്ഞ് കിടക്കുകയാണ്. റബറിന് 250 രൂപ കൊടുക്കാമെന്നും കുടുംബിനികള്‍ക്ക് 2000 രൂപ കൊടുക്കാമെന്നും നുണ പറഞ്ഞവരാണ് ഭരിക്കുന്നതെന്ന് അദ്ദേഹം പറഞ്ഞു. ജില്ലാ പ്രസിഡന്‍റ് റോജസ് സെബാസ്റ്റ്യന്‍ അധ്യക്ഷത വഹിച്ചു. സംസ്ഥാന കോ-ഓര്‍ഡിനേറ്റര്‍ അപു ജോണ്‍, ജോസഫ് മുള്ളന്‍മട, മാത്യു ചാണകാട്ടില്‍, ജോസ് നരിമറ്റം, മാര്‍ട്ടിന്‍ ജോസഫ്, അബ്രാഹം ഈറ്റക്കല്‍, കെ.കെ. മത്തായി, രഞ്ചു ചാണാകാട്ടില്‍, മേരി ജയിംസ്, ഡെന്നീസ് വാഴപ്പള്ളി, യൂത്ത്ഫ്രണ്ട് ജില്ലാ പ്രസിഡന്‍റ് അരുണ്‍ കുഴുപ്പള്ളി, കെഎസ്‌സി ജില്ലാ പ്രസിഡന്‍റ് ആകാശ് മാത്യു, ജോസ് ഇളപ്പുങ്കല്‍, ലീലാമ്മ ചോളിയില്‍, ജിജോ അടവനാല്‍, ജോര്‍ജ് ആന്‍റണി തൊടുകയില്‍, കെ.സി. ഷിജു, സിബി കണ്ണീറ്റുകണ്ടത്തില്‍ എന്നിവര്‍ പ്രസംഗിച്ചു.

ആറളത്ത് ആർആർടി എന്തെല്ലാം ചെയ്യണം....

ഇരിട്ടി: ആറളം പുനരധിവാസ മേഖലയിൽ വർധിച്ചു വരുന്ന വന്യമൃഗശല്യത്തെ പ്രതിരോധിക്കാൻ താത്കാലികമായി എത്തിയ ആർആർടി സംഘം ഇപ്പോൾ സ്ഥിരം ആസ്ഥാനം ഒരുക്കി ഫാം മേഖലയിൽ പ്രവർത്തിച്ചു വരികയാണ്. ഊണും ഉറക്കവുമില്ലാതെ 24 മണിക്കൂറും പ്രവർത്തിക്കുന്ന ആർആർടിയെക്കുറിച്ച് പ്രദേശവാസികൾക്ക് നല്ല മതിപ്പാണ്. പുനരധിവാസ മേഖലയിൽ മരം മുറിച്ചുമാറ്റുന്നതു മുതൽ പൊട്ടിയ സോളാർ വേലി നേരെയാക്കുക, ആനയെ തുരത്തുക, രോഗികളെ ആശുപത്രിയിൽ എത്തിക്കുക, സമയം വൈകി എത്തുന്നവരെ വീടുകളിൽ എത്താൻ സഹായിക്കുക, പോലീസിന് ഉൾപ്പെടെ കാവൽ പോകുക ഇവയെല്ലാം യാതൊരു മടിയും കൂടാതെയാണ് ആർആർടി നിർവഹിക്കുന്നത്. രാത്രിയായാൽ ആംബുലൻസ് ഉൾപ്പെടെ വാഹനങ്ങൾ ലഭിക്കില്ല രാത്രികാലങ്ങളിൽ ആർആർടി വാഹനം ഒഴികെ മറ്റ് വാഹങ്ങൾ ഒന്നും പുനരധിവാസ മേഖലയിലേക്ക് കടക്കാൻ ആരും ധൈര്യം കാണിക്കാറില്ല . ആശുപത്രി ഉൾപ്പെടെ അടിയന്തര ആവശ്യങ്ങൾക്ക് ജനങ്ങൾ ആശ്രയിക്കുന്നത് ആർആർടി വാഹനത്തെയാണ്. കഴിഞ്ഞ ദിവസം വയറുവേദന അനുഭവപ്പെട്ട രോഗിയുമായി പേരാവൂർ താലൂക്ക് ആശുപത്രിയിൽ എത്തിയ ആർആർടി ജീവനക്കാർക്ക് മണിക്കൂറുകളോളം ആശുപത്രിയിൽ കാത്തുനിന്ന ശേഷം രോഗിയെയും കൂടി തിരിച്ചു വീട്ടിൽ എത്തിക്കേണ്ട സാഹചര്യം ഉണ്ടായി. ഫാമിൽ രാത്രിയായാൽ സർവീസ് നടത്താൻ ആംബുലൻസ് ഇല്ല എന്നതും അടിയന്തര പ്രധാന്യം അർഹിക്കുന്ന കാര്യമാണ്. ആറളം ഫാമിലേക്ക് പോകാൻ വാഹനങ്ങൾ ലഭിക്കില്ലെന്നും രോഗിയെ തിരികെ കൊണ്ടുപോകണമെന്നും ആശുപത്രി അധികൃതർ അറിയച്ചതോടെയാണ് ആർആർടിക്ക് ആശുപത്രിക്ക് മുന്നിൽ കാത്തുനിൽക്കേണ്ട സാഹചര്യം ഉണ്ടായത്. ആനയിറങ്ങിയ സ്ഥലത്ത് അടിയന്തരമായി എത്തേണ്ടവർ ഇത്തരം ആശുപത്രി സാഹചര്യത്തിൽ എന്ത് ചെയ്യണമെന്ന ആശങ്കയാണ് പങ്കുവയ്ക്കുന്നത്. ആർആർടി വാഹനം ചെളിയിൽ താണു ബ്ലോക്ക് ഒന്പതിൽ പ്ലോട്ട് നമ്പർ 430ന് സമീപം ആർആർടിയുടെ വാഹനം ചെളിയിൽ താഴ്ന്നു. വനം വകുപ്പിന്‍റെ മറ്റൊരു വാഹനം എത്തി കയർ കെട്ടി വലിച്ചാണ് ചെളിയിൽ താണ വാഹനത്തെ വെളിയിൽ എത്തിച്ചത്. പല സ്ഥലങ്ങളിലും മൺ റോഡുകളിലൂടെ വേണം സഞ്ചരിക്കാൻ. വാഹനം ചെളിയിൽ താഴ്ന്ന് മണിക്കൂറുകൾ എടുത്താണ് വാഹനം കയറ്റി തിരികെ എത്തുന്നത്. രാത്രിയിൽ ജീവൻ പണയം വച്ചാണ് ആർആർടി സംഘം ജോലിചെയ്യുന്നത്. കാട്ടാന വീടിന് മുകളിലേക്ക് മരം തള്ളിയിട്ടു ഇരിട്ടി: ആറളം പുനരധിവാസ മേഖലയിലെ കാട്ടാന ആക്രമണം നിയന്ത്രണം ഇല്ലാതെ തുടരുന്നു. കഴിഞ്ഞ ദിവസം രാത്രി ബ്ലോക്ക് ഒന്പതിൽ കാളികയത്ത് പുഷ്പ രമേശിന്‍റെ വീടിന് മുകളിലേക്ക് കാട്ടാന പ്ലാവ് തള്ളിയിട്ടു. വീട്ടുമുറ്റത്ത് എത്തിയ ആന പ്ലാവിലെ ചക്ക പറിച്ചു തിന്ന ശേഷമാണ് പ്ലാവിനെ വീടിന് മുകളിലേക്ക് തള്ളിയിട്ടത്. പിറ്റേന്ന് ആആർടി എത്തിയാണ് പ്ലാവ് മുറിച്ചു മാറ്റിയത്. ബ്ലോക്ക് ഒന്പതിൽ തന്നെ പ്ലോട്ട് നമ്പർ 448 ലെ കായ്ഫലമുള്ള തെങ്ങും ആന ചവിട്ടി മറിച്ചിട്ടു. ആർആർടി എത്തി മടങ്ങിയ ശേഷം രാത്രി 2.30 ഓടെയാണ് ആന വീണ്ടും എത്തി തെങ്ങ് നശിപ്പിച്ചത്. ബ്ലോക്ക് 13 ൽ സിനോജിന്‍റെ വീട്ടുമുറ്റത്തെ വാഴ നശിപ്പിച്ച ശേഷം സർവീസ് വയർ ഉൾപ്പെടെ ആന വലിച്ച് പൊട്ടിച്ചു.

നഷ്ടപ്പെട്ട 33 മൊബൈൽ ഫോണുകൾ കണ്ടെത്തി

കണ്ണൂർ: നഷ്ടപ്പെട്ടതും മോഷണം പോയതുമായ 33 മൊബൈൽ ഫോണുകൾ വീണ്ടെടുത്ത് ഉടമസ്ഥർക്ക് കൈമാറി കണ്ണൂർ സിറ്റി സൈബർ സെൽ. മൊബൈൽ ഫോൺ സംസ്ഥാനത്തെ വിവിധ ജില്ലകൾക്ക് പുറമെ തമിഴ്നാട്, ഉത്തർപ്രദേശ്, ഡൽഹി, കർണാടക തുടങ്ങിയ അന്യസംസ്ഥാനങ്ങ ളിലാണ് ട്രേസ് ആയത്. ലഭിച്ചവരിൽ നിന്നും നേരിട്ടോ, പോലീസ് സ്റ്റേഷൻ വഴിയോ, കൊറിയർ വഴിയോ ആണ് എത്തിച്ചത്. കണ്ണൂർ സിറ്റി പോലീസ് കമ്മീഷണർ പി. നിധിൻരാജ് വീണ്ടെടുത്ത ഫോണുകൾ നേരിട്ട് ഉടമസ്ഥർക്ക് നല്കി. സൈബർ സെൽ എഎസ്ഐ എം.ശ്രീജിത്ത്, സിപിഒ പി.കെ. ദിജിൻ രാജ് എന്നിവർ ചേർന്നാണ് മൊബൈൽ ഫോൺ കണ്ടെത്തിയത്. ലഭിച്ച ഫോണുകൾ സൈബർ സെൽ ഉടമസ്ഥർക്ക് അൺബ്ലോക്ക്‌ ചെയ്തു നൽകി. കഴിഞ്ഞ ആറുമാസത്തിനുള്ളിൽ സൈബർ സെൽ 300 ഓളം മൊബൈൽ ഫോണുകൾ കണ്ടെത്തി ഉടമസ്ഥർക്ക് തിരിച്ച് നൽകിയിട്ടുണ്ട്. ഫോണുകൾ നഷ്ടപ്പെട്ടാൽ മൊബൈൽ ഫോണുകൾ നഷ്ടപ്പെട്ടാൽ സിം കാർഡ് ഡ്യൂപ്ലിക്കേറ്റ് എടുത്ത് ബന്ധപ്പെട്ട പോലീസ് സ്റ്റേഷനിൽ പരാതി നല്കുകയും ശേഷം പരാതി രസീത് ഉപയോഗിച്ച് സിഇഐആർ പോർട്ടൽ (https:// www. ceir.gov.in) വഴി ഫോണിലുള്ള മുഴുവൻ ഐഎംഇഐ നമ്പറുകളുടെ വിവരങ്ങളും നല്കിയാൽ ഫോൺ ബ്ലോക്ക് ആവുകയും ബ്ലോക്ക് ആയ ഫോണിൽ ആരെങ്കിലും സിം കാർഡ് ഇടുകയാണെങ്കിൽ ഫോൺ ട്രേസ് ആവുകയും ചെയ്യും. ശേഷം ഫോൺ വീണ്ടെടുക്കുന്നതിനുള്ള നടപടികൾ സ്വീകരിക്കും. സെക്കൻഡ് ഹാൻഡ് മൊബൈൽ ഫോണുകൾ വാങ്ങിക്കുമ്പോൾ ഉടമസ്ഥരിൽ നിന്നും നഷ്ടപ്പെട്ടതിന് ശേഷം ഉടമസ്ഥർ അറിയാതെയാണ് വിളിക്കുവാൻ ശ്രമിക്കുന്നത് എന്ന് മനസിലാക്കുവാൻ സഞ്ചാർസാത്തി(https:// sancharsa athi. gov.in) എന്ന വെബ്സൈറ്റിലെ Know Genuineness of Your Mobile Handset എന്ന ഓപ്ഷൻ വഴി ഐഎംഇഐ നമ്പർ നല്കിയാൽ മതി.

പെരുമ്പടവ് സൗത്ത് ഇന്ത്യൻ ബാങ്കിൽ ഷോർട്ട് സർക്യൂട്ട്

പെരുമ്പടവ്: പെരുമ്പടവ് സൗത്ത് ഇന്ത്യൻ ബാങ്കിൽ ഷോർട്ട് സർക്യൂട്ട് മൂലം തീയും പുകയും ഉയർന്നത് ജനങ്ങളിൽ ഭീതി ഉണർത്തി. ഇന്നലെ രാത്രി ഒന്പതോടെയായിരുന്നു സംഭവം. ബാങ്കിന്‍റെ എതിർവശത്ത് പ്രവർത്തിക്കുന്ന പെട്രോൾ പമ്പിൽ ഇന്ധനമടിക്കാൻ വന്ന ബസ് ജീവനക്കാരാണ് ബാങ്കിൽനിന്ന് പുക ഉയരുന്നത് കണ്ടത്. ഇവരുടെ അവസരോചിതമായി ഇടപെടലിൽ വൻദുരന്തം ഒഴിവായി. ഇവർ പുക ഉയരുന്ന സ്ഥലം കണ്ടെത്തുകയും ബാങ്ക് കെട്ടിടത്തിന്‍റെ ജനൽ ഗ്ലാസുകൾ പൊളിച്ച് ബാറ്ററിയുടെ സർക്യൂട്ടുകൾ വേർപെടുത്തുകയും ചെയ്തു. അപ്പോഴേക്കും ബാറ്ററികൾ നശിച്ചു പോയിരുന്നു. എന്നിരുന്നാലും മറ്റ് ഇലക്ട്രോണിക് സാധനങ്ങൾക്ക് കേടുപാടുകൾ സംഭവിച്ചില്ല. ബാങ്കിനുള്ളിലും പ്രദേശമാകെയും പുക പടരുകയും രൂക്ഷമായ ദുർഗന്ധം വ്യാപിക്കുകയും ചെയ്തു. സംഭവം അറിഞ്ഞ് നൂറുകണക്കിന് നാട്ടുകാരാണ് തടിച്ചു കൂടിയത്. 9.30 ഓടുകൂടി തളിപ്പറമ്പിൽനിന്ന് ഫയർഫോഴ്സും പെരിങ്ങോത്തു നിന്ന് പോലീസും എത്തിയെങ്കിലും സ്ഥിതി ശാന്തമായിരുന്നു. ബാങ്ക് ജീവനക്കാർ ഉൾപ്പെടെ ബാങ്കിനുള്ളിൽ കയറി പരിശോധന നടത്തിയതിനുശേഷമാണ് ബാറ്ററികൾക്ക് മാത്രമേ നാശം സംഭവിച്ചിട്ടുള്ളൂവെന്ന് വ്യക്തമാക്കിയത്.

തലശേരി എൻജിനിയറിംഗ് കോളജിനെ മികവിന്‍റെ കേന്ദ്രമാക്കി ഉയർത്തും

കണ്ണൂർ: തലശേരി എൻജിനിയറിംഗ് കോളജിനെ കിഫ്ബി സഹായത്തോടെ ഗവേഷണം, ഇന്നവേഷൻ, എൻജിനിയറിംഗ്, മാനേജ്‌മെന്‍റ് എന്നീ മേഖലകളിൽ മികവിന്‍റെ കേന്ദ്രമാക്കി ഉയർത്തുന്നതിനുള്ള നടപടികൾക്കു തുടക്കമായി. ഇതുസംബന്ധിച്ച് തയാറാക്കിയ കൺസെപ്റ്റ് നോട്ട് നിയമസഭാ സ്പീക്കർ എ.എൻ. ഷംസീറിന്‍റെ അധ്യക്ഷതയിൽ സ്പീക്കറുടെ ചേംബറിൽ ചേർന്ന യോഗത്തിൽ അംഗീകരിച്ചു. രണ്ടാഴ്ചയ്ക്കുള്ളിൽ പ്രോജക്‌ട് റിപ്പോർട്ട് തയാറാക്കി സമർപ്പിക്കുന്നതിന് കേപ്പ് അധികൃതരെ ചുമതലപ്പെടുത്തി. ആർട്ടിഫിഷ്യൽ ഇന്‍റലിജൻസ്, റോബോട്ടിക്സ്, ആധുനിക ലോജിസ്റ്റിക്സ് സാങ്കേതിക വിദ്യകൾ എന്നീ മേഖലകളിൽ വിദ്യാർഥികൾക്ക് മികച്ച പ്ലേസ്‌മെന്‍റ് ഉറപ്പാക്കും. പശ്ചാത്തല വികസനമുൾപ്പെടെ 50 കോടി രൂപയുടെ പ്രൊപ്പോസൽ കിഫ്ബി സഹായത്തോടെ നടപ്പാക്കും. കൂടാതെ തൊഴിൽ വകുപ്പിനു കീഴിലുള്ള കേരള അക്കാദമി ഫോർ സ്‌കിൽസ് എക്സലൻസ് (കെഎഎസ്ഇ) മുഖേന സ്‌കിൽ ഡെവലപ്മെന്‍റിന് പ്രോജക്‌ട് ആവിഷ്‌കരിക്കുന്നതും ആലോചിക്കും. ഈമാസം 25 ന് വീണ്ടും യോഗം ചേർന്ന് കിഫ്ബിക്ക് പ്രോപ്പോസൽ സമർപ്പിക്കുന്നതിനുള്ള നടപടി സ്വീകരിക്കും. കേപ്പ് ഡയറക്ടർ ഡോ. താജുദീൻ അഹമ്മദ്, ജോയിന്‍റ് ഡയറക്‌ടർ ഡോ. എസ്. ജയകുമാർ, സ്പീക്കറുടെ പ്രൈവറ്റ് സെക്രട്ടറി ടി. മനോഹരൻ നായർ, സഹകരണ മന്ത്രിയുടെ അഡീഷണൽ പ്രൈവറ്റ് സെക്രട്ടറി ദീപു പി. നായർ, അഡീഷണൽ പ്രൈവറ്റ് സെക്രട്ടറിമാരായ എം. കുഞ്ഞുമോൻ, എസ്.കെ. അർജുൻ എന്നിവർ യോഗത്തിൽ പങ്കെടുത്തു.

നിക്‌ഷാന്‍ ലക്കിഡ്രോ: ബംബര്‍ പ്രൈസ് സ്‌കോഡ കുഷാക്ക് കെ.സി. ഇഫ്രത്തിന്

കണ്ണൂർ: നിക്‌ഷാന്‍ ഗ്രാന്‍ഡ് ബംബര്‍ പ്രൈസായ സ്‌കോഡ കുഷാക്ക് നറുക്കെടുപ്പിലൂടെ കരിയാട് സ്വദേശി കെ.സി ഇഫ്രത്ത് (കൂപ്പണ്‍ നമ്പര്‍: 099832) സ്വന്തമാക്കി. തളിപ്പറമ്പ ഹജ്മസ് കണ്‍വന്‍ഷന്‍ സെന്‍ററില്‍ നടത്തിയ ചടങ്ങിൽ പ്രശസ്ത പിന്നണി ഗായകന്‍ സിദ്ധാര്‍ഥ് മേനോൻ ബംബര്‍ പ്രൈസ് നറുക്കെടുപ്പ് നിര്‍വഹിച്ചു. നറുക്കെടുപ്പിലൂടെ ബിഎംഡബ്ല്യു ജി 310 ആര്‍ആര്‍ ബൈക്ക് നേടിയവര്‍: വി.പി. താഹിറ (കൂപ്പണ്‍ നമ്പര്‍: 154674), ഷഹാന്‍ (കൂപ്പണ്‍ നമ്പര്‍: 279681). ഏഥര്‍ ഇലക്ട്രിക് സ്‌കൂട്ടര്‍ നേടിയവര്‍: എം. സുജ (കൂപ്പണ്‍ നമ്പര്‍: 265332), വിഷ്ണു (കൂപ്പണ്‍ നമ്പര്‍: 17089). നിക്‌ഷാന്‍ ഇലക്ട്രോണിക്‌സ് ചെയര്‍മാന്‍ കെ. മുസ്തഫ, നിക്‌ഷാന്‍ ഇലക്ട്രോണിക്‌സ് എംഡി എം.എം.വി. മൊയ്തു, എക്‌സിക്യുട്ടീവ് ഡയറക്ടര്‍ നിക്‌ഷാന്‍ അഹമ്മദ്, കെ.പി. ഫൈസല്‍, എല്‍ജി അപ്ലയന്‍സസ് ഇന്ത്യ പ്രൈവറ്റ് ലിമിറ്റഡ് ബ്രാഞ്ച് മാനേജര്‍ മുഹമ്മദ് റാഫി, വ്യാപാരി വ്യവസായി ഏകോപന സമിതി യൂത്ത് വിംഗ് ജില്ലാ പ്രസിഡന്‍റ് കെ.എസ്. റിയാസ്, സെതാക് ഹോള്‍ഡിംഗ്സ് ചെയര്‍മാന്‍ ഷുജെയ്ന്‍ മജീദ്, ഗ്രാന്‍ഡ് തേജസ് എംഡി കെ. മുഹമ്മദ് അഷ്‌റഫ്, നോര്‍ത്ത് മലബാര്‍ ചേംബര്‍ ഓഫ് കൊമേഴ്‌സ് പ്രസിഡന്‍റ് ടി.കെ. രമേഷ്കുമാര്‍, ട്രഷറര്‍ കെ. നാരായണന്‍കുട്ടി, ഭാരവാഹി കെ.വി. അനീഷ് തുടങ്ങിയവര്‍ പങ്കെടുത്തു. ചടങ്ങിനോടനുബന്ധിച്ച് നടത്തിയ സംഗീത നിശ "നിക്‌ഷാന്‍ അര്‍മാദം' നിറഞ്ഞ സദസിന് അവിസ്മരണീയമായ കലാവിരുന്നൊരുക്കി.

കരിന്തളം-വയനാട് 400 കെവി ലൈനിന് പകരം സോളാർ പദ്ധതി നടപ്പിലാക്കണം: കേരള കോൺഗ്രസ്‌ -എം

കണ്ണൂർ: കേരളത്തിലെ വൈദ്യുതി ക്ഷാമത്തിന് പരിഹാരം കാണുന്നതിന് കേന്ദ്ര സർക്കാരിന്‍റെ ഗ്യാരണ്ടിയിൽ ജർമൻ ബാങ്കിൽ നിന്ന് 1000 കോടിയിലധികം രൂപ വായ്പയെടുത്ത് കർഷകർക്ക് കൃഷിയും കൃഷി സ്ഥലവും നഷ്ടപ്പെടുത്തി സാമ്പത്തിക ബാധ്യത വരുത്തി വയ്ക്കുന്ന കരിന്തളം-വയനാട് 400 കെവി പദ്ധതിയിൽ നിന്ന് സർക്കാർ പിൻമാറി കേന്ദ്ര സർക്കാർ സബ്‌സിഡിയും മറ്റു ആനുകൂല്യങ്ങളും നൽകുന്ന സോളാർ പദ്ധതിയെ പ്രോത്സാഹിപ്പിക്കുകയാണ് വേണ്ടതെന്ന് കേരള കോൺഗ്രസ് -എം കണ്ണൂർ ജില്ലാ കമ്മിറ്റി യോഗം ആവശ്യപ്പെട്ടു.കേന്ദ്രസർക്കാർ 78,000 രൂപ സബ്സിഡിയും ദേശസാൽകൃത ബാങ്കുകൾ ആറുശതമാനം പലിശ നിരക്കിൽ വായ്പ നൽകിയും രാജ്യത്തെ വൈദ്യുതി ക്ഷാമത്തിന് പരിഹാരം കാണാൻ പി.എം. സൂര്യ ഘർ പദ്ധതി പ്രോത്സാഹിപ്പിക്കേണ്ടതാണ്. എന്നാൽ അതിനു ശ്രമിക്കാതെ സോളാർ വൈദ്യുതി ഇടപാടുകാർക്ക് അപ്രായോഗികവും കേരളത്തിന്‍റെ വൈദ്യുതി മേഖലയെ പ്രതികൂലമായി ബാധിക്കുന്നതുമായ സംസ്ഥാന വൈദ്യുതി റെഗുലേറ്ററി കമ്മീഷന്‍റെ കരട് ചട്ടം സോളാർ വ്യവസായത്തെ തകർക്കുകയാണ്. കടുത്ത വേനൽക്കാലത്ത് വൻ തുക മുടക്കി പുറത്തുനിന്ന് വൈദ്യുതി വാങ്ങുമ്പോൾ കഴിഞ്ഞ സാമ്പത്തിക വർഷം മാത്രം 125 ദശ ലക്ഷം യൂണിറ്റ് വൈദ്യുതിയാണ് സോളാർ സ്രോതസുകളിൽ നിന്ന് ലഭിച്ചത്. മാത്രമല്ല സോളാർ പദ്ധതിയിലൂടെ കേരളത്തിലേക്ക് എത്തേണ്ട ആയിരം കോടി രൂപയുടെ സബ്സിഡിയും, 500 കോടിയുടെ ജിഎസ്ടിയും 5000 കോടിയുടെ സോളാർ വ്യവസായവും, പതിനായിരക്കണക്കിന് തൊഴിലവസരവും നഷ്ടമാകും. കർഷകന് വലിയ കൃഷിനാശവും സാമ്പത്തിക നഷ്ടവും വരുത്തി 400 കെവി ലൈൻ വലിക്കാൻ ശ്രമിക്കുന്നത് പ്രതിഷേധാർഹമാണ്. കോടികളുടെ നഷ്ടം വരുത്തി 400 കെവി ലൈൻ വലിക്കാൻ ശ്രമിക്കുന്നതിനെതിരേ കേരള കോൺഗ്രസ് -എം ശക്തമായ സമരം ആരംഭിക്കുമെന്ന് യോഗം മുന്നറിയിപ്പ് നൽകി.ജില്ലാ പ്രസിഡന്‍റ് ജോയി കൊന്നക്കൽ അധ്യക്ഷത വഹിച്ചു. ജോയിസ് പുത്തൻപുര, മാത്യു കുന്നപ്പള്ളി, സജി കുറ്റിയാനിമറ്റം, ജോസ് ചെമ്പേരി, ജോബിച്ചൻ മൈലാടൂർ, കെ.ടി. സുരേഷ് കുമാർ, തോമസ് മാലത്ത് തുടങ്ങിവർ പ്രസംഗിച്ചു.

വായ്പ തിരിച്ചുപിടിക്കൽ നടപടി ആരംഭിച്ചെന്ന് അഡ്മിനിസ്‌ട്രേറ്റീവ് സമിതി

ഇരിട്ടി: കോളിത്തട്ട് സഹകരണബാങ്കിൽ വായ്പയിനത്തിൽ പിരിഞ്ഞുകിട്ടാനുള്ളത് ആറ് കോടിയോളം രൂപ. ബാങ്ക് നിക്ഷേപകർക്ക് നൽകാനുള്ളത് 15 കോടി. സിപിഎമ്മിന്‍റെ നിയന്ത്രണത്തിലായിരുന്ന കോളിത്തട്ട് സഹകരണ ബാങ്കിൽ സാമ്പത്തിക ക്രമക്കേടുകളെ തുടർന്ന് ഭരണസമിതി പിരിച്ചുവിട്ട് അഡ്മിനിട്രേറ്റർ ഭരണവും പിന്നീട് അഡ്മിനിസ്ട്രേറ്റീവ് സമിതിയും ഭരണം ഏറ്റെടുത്തിരുന്നു. ആറുമാസം കാലാവധിയുള്ള അഡ്മിസ്‌ട്രേറ്റീവ് സമിതിയാണ് വായ്‌പകൾ തിരിച്ചുപിടിക്കാനുള്ള നടപടികൾ ആരംഭിച്ചത്. എന്നാൽ അഡ്മിനിസ്ട്രേറ്റർ ഭരണകാലത്തുതന്നെ വായ്പാ തുക തിരിച്ചുപിടിക്കാനുള്ള നിയമ നടപടികൾ ആരംഭിക്കുകയും 70 ലക്ഷത്തോളം രൂപ തിരിച്ചുപിടിക്കുകയും ചെയ്തു. വായ്പയിനത്തിൽ ആറു കോടിയോളം രൂപ പിരിഞ്ഞുകിട്ടാനുണ്ട്. വായ്പ കൊടുത്ത തുകയിൽ പലതും ബിനാമി വായ്പകളായ നിലയിൽ തിരിച്ചടവിന് സാധ്യതയില്ല. ബാങ്കിന്‍റെ ബാധ്യത നിക്ഷേപകരുടെ 15 കോടിയും ജില്ലാ ബാങ്കിന് നൽകാനുള്ള 12 കോടിയുമാണ്. വായ്പാത്തുക മുഴുവൻ തിരിച്ചുപിടിച്ചാലും 21 കോടിയോളം രൂപ വീണ്ടും കണ്ടെത്തണം. ആറു മാസത്തിനുള്ളിൽ തെരഞ്ഞെടുപ്പ് നടത്തി പുതിയ ഭരണ സമിതിക്ക് ഭരണം കൈമാറുന്നതുവരെയാണ് അഡ്മിനിസ്ട്രേറ്റീവ് സമിതിയുടെ കാലാവധി. നേരത്തെ അഡ്മിനിസ്ട്രേറ്റർ ഭരണസമയത്തും തെരഞ്ഞെടുപ്പ് പ്രഖ്യാപിച്ചെങ്കിലും ആരും പത്രിക സമർപ്പിക്കാതെ വന്നതോടെ തെരഞ്ഞെടുപ്പ് നടന്നില്ല. തുടർന്നാണ് അഡ്മിനിസ്ട്രേറ്റീവ് സമിതി അധികാരം ഏൽക്കുന്നത്. കോടികളുടെ സാമ്പത്തികത്തട്ടിപ്പിൽ ഉളിക്കൽ പോലീസ് സ്റ്റേഷനിൽ കേസ് നിലനിൽക്കുന്നുണ്ട്. ഇത്തരം ബാങ്ക് തട്ടിപ്പ് കേസുകൾ ക്രൈംബ്രാഞ്ചാണ് അന്വേഷണം നടത്തേണ്ടത്. ഇതോടെ കോളിത്തട്ട് സഹകരണ ബാങ്കിലെ സാധാരണക്കാരായ നിക്ഷേപകർ എന്തുചെയ്യണമെന്നറിയാതെ ആശങ്കയിലാണ്.

വിവരാവകാശത്തിന് കൃത്യമായ മറുപടിയില്ല; ജൂണിയർ സൂപ്രണ്ടിന് പിഴയിട്ടു

തളിപ്പറമ്പ്: വിവരാവകാശ നിയമപ്രകാരമുള്ള സമയപരിധിക്കുള്ളിൽ കൃത്യമായ വിവരം നൽകാത്തതിന് തളിപ്പറമ്പ് താലൂക്ക് ഓഫീസിലെ ജൂണിയർ സൂപ്രണ്ടായിരുന്ന എ. ജയന് മൂവായിരം രൂപ പിഴയിട്ട് സംസ്ഥാന വിവരാവകാശ കമ്മീഷണർ. ഇപ്പോൾ കണ്ണൂർ കളക്ടറേറ്റിൽ ജൂണിയർ സൂപ്രണ്ടാണ് ജയൻ. സംസ്ഥാന വിവരാവകാശ കമ്മീഷണർ അഡ്വ ടി. കെ. രാമകൃഷ്ണനാണ് പിഴയിട്ടത്. നോട്ടീസ് കിട്ടി 30 ദിവസത്തിനകം പിഴയടച്ച് ചെലാൻ രസീത് സഹിതം കമ്മീഷൻ സെക്രട്ടറിയെ അറിയിക്കണമെന്നും ഉത്തരവിലുണ്ട്. പിഴയടച്ചില്ലെങ്കിൽ ഉദ്യോഗസ്ഥന്‍റെ സ്ഥാപനജംഗമ വസ്‌തുക്കൾ ജപ്‌തിചെയ്‌ത്‌ തുക ഈടാക്കാനും ഉത്തരവിൽ നിർദേശിച്ചിട്ടുണ്ട്. ഇക്കഴിഞ്ഞ19നാണ് ഉത്തരവ് പുറപ്പെടുവിച്ചത്. തളിപ്പറമ്പ് കൊളത്തൂരിലെ വി. ഒതേനന്‍റെ പരാതിയിലാണ് കമ്മീഷൻ ഉത്തരവ്. 1943 മുതൽ ഒതേനന്‍റെ അച്ഛന് കൈവശാവകാശ രേഖയുള്ളതും 1970 മുതൽ നികുതി അടയ്ക്കുന്നതുമായ, ചുഴലി വില്ലേജിൽ കൊളത്തൂർ ദേശത്തിൽ റീസർവേ നമ്പർ 66/1എ1-ൽപെട്ട 4.11 ഏക്കർ ഭൂമി 1991ൽ മിച്ചഭൂമിയായി സർക്കാർ ഏറ്റെടുത്തിരുന്നു. അന്ന് കരസേനയിലായിരുന്ന ഒതേനൻ ഇക്കാര്യം അറിഞ്ഞില്ല. പിന്നീട് ഉദ്യോഗസ്ഥരെ സമീപിച്ചെങ്കിലും ഫലമുണ്ടായില്ല. സ്ഥലം വിട്ടുകിട്ടാനാവശ്യപ്പെട്ട് 2002ൽ ഹൈക്കോടതിയെ സമീപിച്ചു. ഈ കേസിന്‍റെ ആവശ്യത്തിനാണ് 10 വിവരങ്ങൾ തേടി 2021 ഫെബ്രുവരി 20ന് ഒതേനൻ താലൂക്ക് ഓഫീസിൽ വിവരാവകാശ നിയമപ്രകാരം അപേക്ഷ നൽകിയത്. ചില വിവരങ്ങൾ ക്രോഡീകരിച്ച് സൂക്ഷിച്ചിട്ടില്ലെന്നായിരുന്നു മറുപടി. തുടർന്ന്, കമ്മീഷനിൽ അപ്പീൽ നൽകിയപ്പോഴും ഹിയറിംഗ് വേളയിലും ജയൻ വ്യക്തമായ മറുപടിയോ വിശദീകരണമോ നൽകിയില്ല. ഉദ്യോഗസ്ഥൻ വിവരാവകാശ നിയമത്തിന് വില കല്പിക്കുന്നില്ലെന്നതിന്‍റെ തെളിവാണിതെന്ന് കമ്മീഷണർ കുറ്റപ്പെടുത്തി. തുടർന്നാണ് പിഴയടയ്ക്കാൻ ഉത്തരവിട്ടത്. 2022 വരെ നികുതി സ്വീകരിച്ചതുൾപ്പെടെയുള്ള ഒതേനന്‍റെ വാദം അംഗീകരിച്ച് ഈ വർഷം ജനുവരി 15ന് മിച്ചഭൂമിയിൽനിന്ന് സ്ഥലം ഒഴിവാക്കി ഹൈക്കോടതിയും ലാൻഡ്‌സ്ട്രൈബ്യൂണലും ഉത്തരവായിട്ടുണ്ട്.

നിക്ഷേപകരെ കബളിപ്പിച്ച സഹകരണ സംഘം സെക്രട്ടറി അറസ്റ്റിൽ

ഇരിട്ടി: അങ്ങാടിക്കടവിൽ പ്രവർത്തിച്ചുവന്ന ഇരിട്ടി അഗ്രികൾച്ചറൽ ആൻഡ് അലൈഡ് എംപ്ലോയീസ് വെൽഫെയർ സൊസൈറ്റിയുടെ സെക്രട്ടറിയെ കരിക്കോട്ടക്കരി പോലീസും ക്രൈംബ്രാഞ്ചും ചേർന്ന് കോട്ടയത്തുനിന്നും അറസ്റ്റ് ചെയ്തു. ഒളിവിൽ കഴിഞ്ഞിരുന്ന കരിക്കോട്ടക്കരി സ്വദേശി വി.ഡി. ജോളിയെയാണ് (52) അറസ്റ്റ് ചെയ്തത്. സൊസൈറ്റിയുടെ ഫണ്ടിൽ മൂന്നുകോടിയിലധികം രൂപ തിരിമറി നടത്തി നിക്ഷേപകരെ കബളിപ്പിച്ചതിന് പ്രതിയുടെ പേരിൽ 2023 ൽ കേസ് രജിസ്റ്റർ ചെയ്തിരുന്നു. തുടർന്ന് ഇയാൾ ഒളിവിൽ പോകുകയായിരുന്നു. ഇതേ കേസിൽ സംഘം പ്രസിഡന്‍റ് സെബാസ്റ്റ്യൻ പറക്കണശേരിയെ ക്രൈംബ്രാഞ്ച് നേരത്തെ അറസ്റ്റ് ചെയ്തിരുന്നു. കോടതിയിൽ ഹാജാക്കിയ പ്രതിയെ റിമാൻഡ് ചെയ്തു.

പച്ചത്തേങ്ങ സംഭരണം തുടങ്ങി

ചെറുപുഴ: കേരഫെഡിന്‍റെ പച്ചത്തേങ്ങ സംഭരണ കേന്ദ്രം ചെറുപുഴയിൽ പ്രവർത്തനം ആരംഭിച്ചു. കേരഫെഡ് നേരിട്ട് പച്ചത്തേങ്ങ സംഭരിക്കുന്ന സംസ്ഥാനത്തെ ആദ്യത്തെ പച്ചത്തേങ്ങ സംഭരണകേന്ദ്രമാണ് ചെറുപുഴയിലേത്. ചെറുപുഴ പ്രശാന്ത് ഓഡിറ്റോറിയത്തിൽ നടന്ന ചടങ്ങിൽ കേരഫെഡ് ചെയർമാൻ വി. ചാമുണ്ണി ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്‍റ് റെജി പുളിക്കൽ അധ്യക്ഷത വഹിച്ചു. മാനേജിംഗ് ഡയറക്ടർ സാജു കെ. സുരേന്ദ്രൻ പദ്ധതി വിശദീകരിച്ചു. കേരഫെഡ് വൈസ് ചെയർമാൻ കെ. ശ്രീധരൻ, കെ.സി. രാമചന്ദ്രൻ, കെ. ലക്ഷ്മണൻ, ചെറുപുഴ കൃഷി ഓഫീസർ പി. അഞ്ജു, കൃഷി അസിസ്റ്റന്‍റ് സുരേഷ് കുറ്റൂർ, അഭിലാഷ് കൃഷ്ണൻ എന്നിവർ പ്രസംഗിച്ചു. ചെറുപുഴ പുതിയ പാലത്തിന് സമീപത്തുള്ള പവൻ ബിൽഡിംഗിലാണ് പച്ചത്തേങ്ങ സംഭരണ കേന്ദ്രം പ്രവർത്തിക്കുന്നത്. കർഷകരെ കബളിപ്പിച്ച് ലാഭം കൊയ്യുന്ന ഇടനിലക്കാരെ വിപണിയിൽനിന്ന് പൂർണമായും ഒഴിവാക്കാൻ സാധിക്കുമെന്ന് കേരഫെഡ് അധികൃതർ പറഞ്ഞു. സംഭരണകേന്ദ്രം എല്ലാ ദിവസവും പ്രവർത്തിക്കും. ഇതിനുപുറമെ പച്ചത്തേങ്ങ സംഭരിക്കുന്ന ദിവസം തന്നെ പണം കർഷകന്‍റെ ബാങ്ക് അക്കൗണ്ടിൽ നിക്ഷേപിക്കുമെന്ന് ചെയർമാൻ പറഞ്ഞു. വിപണി വിലയെക്കാൾ കൂട്ടിയായിരിക്കും പച്ചത്തേങ്ങ സംഭരിക്കുന്നത്. കർഷകർ കേരഫെഡ് നൽകിയിട്ടുള്ള ഫോറത്തിൽ നൽകുന്ന തേങ്ങയുടെ അളവും ബാങ്ക് അക്കൗണ്ട് വിവരങ്ങളും വാട്സ് ആപ്പ് നമ്പരിൽ അയച്ചാൽ തേങ്ങ കൊണ്ടുവരേണ്ട തീയതി കർഷകരെ അറിയിക്കും.

ഹോപ്പിലെ അന്തേവാസി അന്തരിച്ചു

പിലാത്തറ: ഹോപ്പിലെ അന്തേവാസിയായ കെ.കെ. നാരായണൻ (75) അന്തരിച്ചു. മൃതദേഹം കണ്ണൂർ ജില്ലാ ആശുപത്രി മോർച്ചറിയിൽ സൂക്ഷിച്ചിട്ടുണ്ട്. 2014 ഏപ്രിൽ ഏഴിന് കണ്ണൂർ ജില്ലാ ആശുപത്രിയിലെ ഒന്പതാം വാർഡിൽ ചികിത്സ കഴിഞ്ഞ് ഏറ്റെടുക്കാൻ ആരുമില്ലാത്തതിനാൽ ആശുപത്രി അധികൃതരുടെയും പോലീസിന്‍റെയും അഭ്യർഥന പ്രകാരം ഹോപ്പ് അധികൃതർ ഇദ്ദേഹത്തെ ഏറ്റെടുക്കുകയായിരുന്നു. ഇദ്ദേഹത്തിന്‍റെ ബന്ധുക്കളോ സുഹൃത്തുക്കളോ മൃതദേഹം ഏറ്റെടുത്ത് സംസ്കരിക്കാൻ താത്പര്യപെടുന്നുവെങ്കിൽ 10ന് ഉച്ചയ്ക്ക് 12 ന് മുന്പ് പരിയാരം പോലീസ് സ്റ്റേഷനിലോ ഹോപ്പിലോ നേരിട്ട് എത്തിയോ 9605398889 എന്ന ഫോൺ നന്പറിലോ ബന്ധപ്പെടുക. അല്ലാത്തപക്ഷം അതിനുശേഷം ജനപ്രതിനിധിയുടെ നിർദേശാനുസരണം സംസ്കാരം നടത്തുന്നതായിരിക്കും.

കണ്ണൂർ സെൻട്രൽ ജയിലിനു സമീപം ലോറിയും കാറും കൂട്ടിയിടിച്ച് ലോറി മറിഞ്ഞു; മൂന്നു പേർക്കു പരിക്ക്

കണ്ണൂർ: സെൻട്രൽ ജയിലിനു സമീപം ദേശീയപാതയിൽ ലോറിയും കാറും കൂട്ടിയിടിച്ചുണ്ടായ അപകടത്തിൽ കാർ യാത്രികരായ രണ്ടുപേരടക്കം മൂന്നു പേർക്ക് പരിക്കേറ്റു. ഇന്നലെ പുലർച്ചെ 5.30ഓടെയായിരുന്നു അപകടം. കാർ യാത്രികരായ മുണ്ടയാട് സ്വദേശി സുജാത (63), കാർ ഓടിച്ചിരുന്ന ഇവരുടെ മകൻ സുജിൽ രാജ് (35) എന്നിവർക്കും ലോറി ഡ്രൈവർക്കുമാണ് പരിക്കേറ്റത്. ഇതിൽ സാരമായി പരിക്കേറ്റ സുജാതയെ കണ്ണൂർ എകെജി ആശുപത്രിയിലെ ഐസിയുവിൽ പ്രവേശിപ്പിച്ചു. സുജിൽ രാജിനെ പ്രഥമ ശുശ്രൂഷ നൽകി വിട്ടയച്ചു. പരിക്കേറ്റ ലോറി ഡ്രൈവറും ചികിത്സയിലാണ്. പെരുന്പാവൂരിൽനിന്ന് പ്ലൈവുഡുമായി വളപട്ടണത്തേക്കു വരികയായിരുന്ന നാഷണൽ പെർമിറ്റ് ലോറിയും പുതിയതെരു ഭാഗത്ത് നിന്ന് കണ്ണൂരിലേക്ക് വരികയായിരുന്ന കാറുമാണ് കൂട്ടിയിടിച്ചത്. കണ്ണൂർ സെൻട്രൽ ജയിലിനു മുന്നിൽ ഗ്യാസ് പൈപ്പ് ലൈൻ ഇടാനായി കുഴിച്ച കുഴി വെട്ടിക്കുന്നതിനിടയിൽ കാർ ലോറിയുമായി കൂട്ടിയിടിക്കുകയായിരുന്നു. ഇതോടെ ബ്രേക്കിട്ട ലോറി ഒരു വശത്തേക്ക് മറിഞ്ഞു. അപകടത്തിൽ കാറിന്‍റെ മുൻഭാഗം ഭാഗികമായി തകർന്നു. അപകടത്തെ തുടർന്ന് രാവിലെ 10 വരെ ഇതുവഴിയുള്ള ഗതാഗതം തടസപ്പെട്ടു. മറിഞ്ഞ ലോറിയിലെ പ്ലൈവുഡ് നീക്കം ചെയ്ത ശേഷം ക്രെയിൻ ഉപയോഗിച്ച് ലോറി നിവർത്തിയതോടെയാണ് ഗതാഗതം പൂർണതോതിൽ പുനഃസ്ഥാപിക്കാനായത്.

400 കെവി ലൈൻ: നഷ്ടപരിഹാര പാക്കേജ് പുനഃപരിശോധിക്കണമെന്ന് കർമസമിതി

ശ്രീകണ്ഠപുരം: നിർദിഷ്ട കരിന്തളം- വയനാട് 400 കെവി പവർ ഹൈവേ നിർമാണവുമായി ബന്ധപ്പെട്ട് സ്ഥലവും മറ്റും നഷ്ടപ്പെടുന്ന കർഷകർക്കായി മന്ത്രി പ്രഖ്യാപിച്ച നഷ്ടപരിഹാര പാക്കേജ് അശാസ്ത്രീ യമാണെന്നും ചുളുവിലക്ക് കർഷകരുടെ സ്ഥലം ഏറ്റെടുക്കാനുള്ള ശ്രമമാണെന്നും ശ്രീകണ്ഠപുരത്ത് ചേർന്ന കർമ്മസമിതി യോഗം ആരോപിച്ചു. മലയോരത്തെ ഭൂമിയുടെ ന്യായവില വളരെ കുറവായതിനാൽ നൂറുകണക്കിന് ആളുകൾക്ക് തുച്ഛമായ തുകയാണ് നഷ്ടപരിഹാരമായി ലഭിക്കുക. വീടുകൾക്ക് പ്രഖ്യാപിച്ച നഷ്ടപരിഹാരവും നാമ മാത്രമാണ്. ലൈൻ കടന്നുപോകുന്നതുമൂലം വസ്തുക്കളുടെ വിനിമയ മൂല്യം കുറയുക വഴി ഉണ്ടാകുന്ന അപരിഹാ ര്യമായ നഷ്ടം സർക്കാർ കണക്കിലെടുത്തില്ലെന്ന് യോഗം കുറ്റപ്പെടുത്തി. നഷ്ടപരിഹാരത്തുക സ്ഥലത്തിന്‍റെ വിപണിമൂല്യമനുസരിച്ച് ഉയർത്തണമെന്നും പ്രഖ്യാപിച്ച പാക്കേജ് പുനഃ പരിശോധിക്കണമെന്നും ആവശ്യപ്പെട്ട് എംഎൽഎമാരുടെ നേതൃത്വത്തിൽ വൈദ്യുതി മന്ത്രിയെ വീണ്ടും സമീപിക്കാനും ഈ ആവശ്യം ഉന്നയിച്ച് പ്രക്ഷോഭം നടത്തുന്നതിനും യോഗം തീരുമാനിച്ചു. യോഗം സജീവ് ജോസഫ് എംഎൽഎ യോഗം ഉദ്ഘാടനം ചെയ്തു. കർമസമിതി ചെയർമാൻ തോമസ് വർഗീസ് അധ്യക്ഷത വഹിച്ചു. പഞ്ചായത്ത് പ്രസിഡന്‍റുമാരായ പി.സി. ഷാജി, മിനി ഷൈബി, ജോജി കന്നിക്കാട്ട്, കർമസമിതി ഭാരവാഹികളായ ടോമി കുമ്പിടിയമാക്കൽ, ബെന്നി പുതിയാംപുറം, സോജൻ കാരാമയിൽ, ജയിംസ് കണിച്ചാർ, ജോസഫ് മുണ്ടിയാനി തുടങ്ങിയവർ പ്രസംഗിച്ചു.

സ്വകാര്യ ആശുപത്രികളുടെ ചികിത്സാനിരക്കുകള്‍ക്ക് പൊതുമാനദണ്ഡം കൊണ്ടുവരണം: സിപിഐ

കണ്ണൂര്‍: കേരളത്തിലെ ആരോഗ്യവകുപ്പ് സമഗ്രമായ പഠനത്തിലൂടെ ശാസ്ത്രീയമായ നിയമനിര്‍മാ ണം വഴി സ്വകാര്യ ആശുപത്രികളിലെ ചികിത്സാനിരക്കുകളില്‍ പൊതുമാനദണ്ഡം കൊണ്ടുവരണ മെന്ന് സിപിഐ കണ്ണൂര്‍ ജില്ലാ സമ്മേളനം പ്രമേയത്തിലൂടെ ആവശ്യപ്പെട്ടു. ജില്ലയിലെ വിവിധ സ്വകാര്യ ആശുപത്രികളില്‍ ഈടാക്കുന്ന ചികിത്സാനിരക്കുകളില്‍ ഭീമമായ അന്തരങ്ങളാണുള്ളത്. ഒരേ തരത്തിലുള്ള ശസ്ത്രക്രിയയ്ക്കും ചികിത്സയ്ക്കും കണ്ണൂര്‍ ജില്ലയിലെ വിവിധ സ്വകാര്യ ആശുപ ത്രികളില്‍ വ്യത്യസ്ത നിരക്കുകളാണ് രോഗികളില്‍നിന്ന് ഈടാക്കുന്നത്. വാഹന അപകടമുള്‍പ്പെടെയുള്ള അടിയന്തര ചികിത്സകള്‍ക്ക് സ്വകാര്യ ആശുപത്രിയിലെത്തി കഴിഞ്ഞാല്‍ കണ്ണില്‍ ചോരയില്ലാത്ത സമീപനമാണ് ആശുപത്രി അധികൃതര്‍ സ്വീകരിക്കുന്നത്. അത്യാസന്ന നിലയില്‍ എത്തിച്ചേരുന്ന രോഗികളാണ് പലപ്പോഴും ഇവരുടെ കൊടിയ ചൂഷണത്തിന് ഇരയാകുന്നത്. സമീപകാലത്ത് കണ്ണൂര്‍ ജില്ലയിലെ സ്വകാര്യ ആശുപത്രികള്‍ കോര്‍പറേറ്റ് സ്ഥാപനങ്ങളുടെ ഉടമസ്ഥതയിലേക്ക് വരുന്നതിലൂടെ സൂപ്പര്‍ സ്പെഷാലിറ്റി എന്ന ബ്രാന്‍ഡില്‍ നേരത്തെ ഉണ്ടായിരുന്ന നിരക്കുകളുടെ രണ്ടും മൂന്നും ഇരട്ടിയാണ് ഈടാക്കുന്നത്. പാവപ്പെട്ട നിര്‍ധനരായ രോഗികള്‍ ഗുരുതരമായ അസുഖങ്ങള്‍ക്ക് ഇത്തരം ആശുപത്രികളെ ആശ്രയി ക്കുമ്പോള്‍ കിടപ്പാടം പോലും നഷ്ടപ്പെടുന്ന സാമ്പത്തിക പരാധീനതയിലേക്ക് എത്തിച്ചേരുകയാണ്, സ്വകാര്യ ആശുപത്രികള്‍ക്ക് അവരുടെ ഇഷ്ടാനുസരണം ചികിത്സാ നിരക്കുകള്‍ നിശ്ചയിക്കാനുള്ള സാഹചര്യമാണ് ഇത്തരം വലിയ ചികിത്സാ ചൂഷണത്തിന് കാരണമാകുന്നത്. കര്‍ശനമായ നിയമനട പടിയിലൂടെ മാത്രമെ ഇത്തരം ചൂഷണങ്ങള്‍ക്ക് അറുതി വരുത്താന്‍ കഴിയൂവെന്ന് സമ്മേളനം ആവശ്യപ്പെട്ടു. ഒമ്പതിന്‍റെ ദേശീയ പണിമുടക്ക് വിജയിപ്പിക്കുക കണ്ണൂര്‍: രാജ്യത്തെ സ്നേഹിക്കുന്ന തൊഴിലാളി സംഘടനകള്‍ ഒറ്റക്കെട്ടായി ജൂലൈ ഒമ്പതിന് നടത്തുന്ന പണിമുടക്ക് വിജയിപ്പിക്കണമെന്ന് സിപിഐ കണ്ണൂര്‍ ജില്ലാ സമ്മേളനം പ്രമേയത്തിലൂടെ ആവശ്യപ്പെട്ടു. കേന്ദ്ര സര്‍ക്കാരിന്‍റെ ജനവിരുദ്ധവും തൊഴിലാളി-കര്‍ഷക വിരുദ്ധവുമായ നടപടികള്‍ മൂലം ജനജീവിതം ദുരിതപൂര്‍ണമായിരിക്കുകയാണ്. നവലിബറല്‍ സാമ്പത്തിക നയങ്ങള്‍ മൂലം രാജ്യത്തിന്‍റെ സമ്പദ‌് വ്യവസ്ഥ പൂര്‍ണമായും കോര്‍പറേറ്റ് മൂലധന ശക്തിക്ക് അടിയറവ് വച്ചിരിക്കുകയാണ്. അനുരഞ്ജനമില്ലാത്ത ബഹുജനപ്രക്ഷോഭത്തിലൂടെ ഇത്തരം ജനവിരുദ്ധ നയങ്ങള്‍ തിരുത്തിക്കണമെന്നും പ്രമേയത്തിലൂടെ ആവശ്യപ്പെട്ടു. സി.പി. സന്തോഷ് കുമാര്‍ വീണ്ടും സിപിഐ കണ്ണൂർ ജില്ലാ സെക്രട്ടറി കണ്ണൂർ: സിപിഐ ജില്ലാ സെക്രട്ടറിയായി സി.പി. സന്തോഷ് കുമാര്‍ തുടരും. ഇന്നലെ സിപിഐ ജില്ലാ സമ്മേളനത്തിന്‍റെ ഭാഗമായി കണ്ണൂരിൽ നടന്ന പ്രതിനിധി സമ്മേളനമാണ് സന്തോഷിനെ രണ്ടാമതും സെക്രട്ടറിയായി തെരഞ്ഞെടുത്തത്. 39 അംഗ ജില്ലാ കൗൺസിലിനേയും സമ്മേളനം തെരഞ്ഞെടുത്തു. ഹാൻവീവിലെ മുൻ ജീവനക്കാരനാണ് സി.പി. സന്തോഷ് കുമാര്‍ . പാർട്ടി കണ്ണൂർ താലൂക്ക് കമ്മിറ്റി അംഗം, സെക്രട്ടറിയേറ്റ് അംഗം, ജില്ലാ അസിസ്റ്റന്‍റ് സെക്രട്ടറി, 13 വർഷമായി സിപിഐ സംസ്ഥാന കൗൺസിൽ അംഗം എന്നീ നിലകളിൽ പ്രവർത്തിച്ചിട്ടുണ്ട്. മേലേചൊവ്വ മുണ്ടയാടാണ് താമസം. കണ്ണൂർ കോർപറേഷൻ കൗൺസിലറായ എൻ. ഉഷയാണ് ഭാര്യ. സിഷിൻ, സിബിൻ (സോഫ്റ്റ്‌വെയർ എൻജിനിയർ) എന്നിവർ മക്കളാണ്. പ്രതിനിധി സമ്മേളനത്തി ന്‍റെ രണ്ടാം ദിവസം സിപിഐ നേതാക്കളായ പന്ന്യൻ രവീന്ദ്രൻ, പി. സന്തോഷ് കുമാർ എംപി, കെ.പി. രാജേന്ദ്രൻ, ഇ. ചന്ദ്രശേഖരൻ, സത്യൻ മൊകേരി, മന്ത്രി ജി.ആർ. അനിൽ, സി.പി. മുരളി, സി.എൻ. ചന്ദ്രൻ, സി.പി. ഷൈജൻ, സി.പി. സന്തോഷ് കുമാർ എന്നിവർ പ്രസംഗിച്ചു.

മാർ സെബാസ്റ്റ്യൻ വള്ളോപ്പിള്ളി അവാർഡ് ജോൺ കച്ചിറമറ്റത്തിന്

കണ്ണൂർ: ബിഷപ് മാർ സെബാസ്റ്റ്യൻ വള്ളോപ്പിള്ളി ഫൗണ്ടേഷൻ ഏർപ്പെടുത്തിയ മാർ സെബാസ്റ്റ്യൻ വള്ളോപ്പിള്ളി അവാർഡ് ജോൺ കച്ചിറമറ്റത്തിന്. പിഴകിൽ കച്ചിറമറ്റം ഭവനത്തിൽ 10ന് ഉച്ചകഴിഞ്ഞ് മൂന്നിന് ചേരുന്ന യോഗത്തിൽ തലശേരി ആർച്ച്ബിഷപ് മാർ ജോസഫ് പാംപ്ലാനി അവാർഡ് സമ്മാനിക്കും. പാലാ ബിഷപ് മാർ ജോസഫ് കല്ലറങ്ങാട്ട് അധ്യക്ഷത വഹിക്കും. യോഗത്തിൽ മുൻ വൈസ് ചാൻസലർ ഡോ. സിറിയക് തോമസ്, ദീപിക ചീഫ് എഡിറ്റർ റവ. ഡോ. ജോർജ് കുടിലിൽ, കത്തോലിക്ക കോൺഗ്രസ് ഗ്ലോബൽ പ്രസിഡന്‍റ് രാജീവ് കൊച്ചുപറമ്പിൽ, ബിഷപ് വള്ളോപ്പിള്ളി ഫൗണ്ടേഷൻ ചെയർമാൻ മാത്യു എം. കണ്ടത്തിൽ, സണ്ണി ആശാരിപറമ്പിൽ, ഡി.പി. ജോസ് എന്നിവർ പ്രസംഗിക്കും. മലബാറിലെ കുടിയേറ്റ കർഷകരുടെ പ്രശ്നങ്ങളിൽ മുന്നണി പോരാളിയായി സമരങ്ങൾക്ക് നേതൃത്വം നല്കുകയും കുടിയിറക്കിനും കർഷക ദ്രോഹങ്ങൾക്കുമെതിരേ നിരാഹാരം അനുഷ്ഠിക്കുകയും ചെയ്തിട്ടുള്ള കർഷക ബന്ധുവാണ് കച്ചിറമറ്റം. കത്തോലിക്ക കോൺഗ്രസ്, കാത്തലിക് ഫെഡറേഷൻ, ഓൾ ഇന്ത്യ കാത്തലിക് യൂണിയൻ എന്നിവയുടെ സംസ്ഥാന പ്രസിഡന്‍റ്, ചരിത്രകാരൻ, 78 പുസ്തകങ്ങളുടെ രചയിതാവ് എന്നീ നിലകളിൽ സഭയ്ക്കും സമൂഹത്തിനും വേണ്ടി തന്‍റെ 13 ാം വയസു മുതൽ 75 വർഷക്കാലം ജീവിതം സമർപ്പിച്ച ജോൺ കച്ചിറമറ്റത്തിന്‍റെ സേവനങ്ങളെ ആദരിച്ചുകൊണ്ടാണ് അവാർഡ് നല്കുന്നത്. മലബാർ കുടിയേറ്റത്തിന്‍റെ ആദ്യ കാലഘട്ടങ്ങളിൽ തലശേരി രൂപതയുടെ പ്രഥമ ബിഷപ്പായിരുന്ന മാർ സെബാസ്റ്റ്യൻ വള്ളോപ്പിള്ളിയോടൊപ്പം പാലാ രൂപതയിൽനിന്നും തിരുവിതാംകൂർ മേഖലയിൽ നിന്നും നിരവധി വൈദികരും അല്മായ പ്രേഷിതരും മലബാർ ഭാഗത്ത് ത്യാഗപൂർണമായ സേവനം നടത്തിയിരുന്നു. അവരെയെല്ലാം അനുസ്മരിക്കുന്നതിന് കൂടിയാണ് ഈ അവാർഡ്.

കൂട്ടുപുഴയിൽ എംഡിഎംഎ വേട്ട; രണ്ടുപേർ അറസ്റ്റിൽ

ഇരിട്ടി: കേരള -കർണാടക അതിർത്തിയായ കൂട്ടുപുഴ പോലീസ് ചെക്കു പോസ്റ്റിൽ എംഡിഎംഎയു മായി രണ്ടുപേർ അറസ്റ്റിൽ. കർണാടകയിൽനിന്നു കാറിൽ കടത്തിക്കൊണ്ടുവന്ന 17.753 ഗ്രാം എംഡിഎംഎയുമായി വളപട്ടണം സ്വദേശികളായ കെ.വി. ഹഷീർ (42 ), വി.കെ. ഷമീർ (38 ) എന്നിവരെയാണ് ഇരിട്ടി എസ്ഐ കെ. ഷറഫുദ്ദീനും സംഘവും കണ്ണൂർ റൂറൽ പോലീസ് മേധാവിയുടെ ലഹരി വിരുദ്ധ സ്‌ക്വാഡും ചേർന്നു നടത്തിയ വാഹന പരിശോധനയിൽ പിടിയിലാകുന്നത്. പോലീസിന് ലഭിച്ച രഹസ്യവിവരത്തിന്‍റെ അടിസ്ഥാനത്തിൽ ഇന്നലെ രാവിലെ ഒന്പതോയോടെയാണ് ബംഗളൂരുവിൽനിന്നും കാറിൽ മയക്കുമരുന്നുമായി വരുന്നതിനിടെ ഇരുവരും പിടിയിലാകുന്നത്. ഇവർ സഞ്ചരിച്ചിരുന്ന വാഹനവും പോലീസ് കസ്റ്റഡിയിൽ എടുത്തു. മയക്കുമരുന്ന് കടത്തിയത് കാറിന്‍റെ രഹസ്യ അറയ്ക്കുള്ളിൽ ഒളിപ്പിച്ച് പരിശോധനയിൽ കണ്ടെത്താൻ കഴിയാത്തവിധം പിൻഭാഗത്തെ സീറ്റിന് അടിയിലെ രഹസ്യഅറയിൽ ഒളിപ്പിച്ചിരുന്ന എംഡിഎംഎ ആണ് പോലീസ് കണ്ടെടുത്തത്. മയക്കുമരുന്ന് തൂക്കുന്നതിനുള്ള ചെറിയ ഇലട്രോണിക് ത്രാസ്, ഗ്ലാസ് ട്യൂബുകൾ, ഹെവി ഡ്യൂട്ടി ലൈറ്റർ എന്നിവയും രഹസ്യ അറയിൽ ഉണ്ടായിരുന്നു. വാഹനത്തിന്‍റെ സീറ്റ് അഴിച്ചു നടത്തിയ പരിശോധനയിലാണ് പ്ലാസ്റ്റിക് കവറിൽ പൊതിഞ്ഞ നിലയിൽ രഹസ്യഅറയിൽ എംഡിഎംഎ ഉൾപ്പെടെ കണ്ടെത്തിയത്. ബംഗളൂരുവിൽ നിന്നാണ് പ്രതികൾക്ക് മയക്കുമരുന്ന് ലഭിച്ചതെന്നാണ് പോലീസിനോട് പറഞ്ഞത്. പരിശോധനാ സംഘത്തിൽ സീനിയർ സിവിൽ പോലീസ് ഓഫീസർ ദീപു , സിവിൽ പോലീസ് ഓഫീസർ ആദർശ്, ഡാൻസാഫ് ടീം അംഗങ്ങൾ എന്നിവരും ഉണ്ടയിരുന്നു. അറസ്റ്റ് രേഖപ്പെടുത്തിയ ശേഷം പ്രതികളെ കോടതിയിൽ ഹാജരാക്കി.

മായം കലർന്ന വെളിച്ചെണ്ണ വിപണി കീഴടക്കുന്നു

സ്വന്തം ലേഖകൻ കണ്ണൂർ: വെളിച്ചെണ്ണ വില കുതിക്കുന്നതിനൊപ്പം മായം കലർന്ന വെളിച്ചെണ്ണയുടെ കച്ചവടം സംസ്ഥാനത്ത് വ്യാപിക്കുന്നു. റിഫൈനറിയിൽ ശുദ്ധീകരിച്ചെടുക്കുന്ന വെളിച്ചെണ്ണ കൊപ്ര വെളിച്ചെണ്ണയ്ക്കൊപ്പം കലർത്തിയുള്ള വില്പനയാണ് വ്യാപകം. കൊപ്രയിൽ നിന്നെടുത്ത വെളിച്ചെണ്ണയ്ക്ക് കിലോയ്ക്ക് 480 രൂപയാണ് വില. എന്നാൽ റിഫൈനറിയിൽനിന്ന് ശുദ്ധീകരിച്ചെത്തിക്കുന്ന വെളിച്ചെണ്ണ 380 രൂപയ്ക്ക് എത്തിക്കുകയാണ്. പി‌ണ്ണാക്ക്, ചതച്ച കൊപ്ര എന്നിവ കാലിത്തീറ്റയ്ക്കായി ഇറക്കുമതി ചെയ്ത് വൻകിട റിഫൈനറികളിൽ എത്തിച്ചാണ് റിഫൈൻഡ് വെളിച്ചെണ്ണ ഉത്പാദിപ്പിക്കുന്നത്. ചൂടാക്കി എടുക്കുന്നതിനാൽ ജലാംശമോ കനപ്പോ ഉണ്ടാകില്ല. പൂപ്പലും കനപ്പും ബാധിച്ച പിണ്ണാക്കിൽ നിന്നെടുക്കുന്ന ശുദ്ധീകരിച്ച വെളിച്ചെണ്ണ ആരോഗ്യ പ്രശ്നങ്ങൾക്കിടയാക്കുമെന്ന് ആരോഗ്യ രംഗത്തെ വിദഗ്ധർ ചൂണ്ടിക്കാട്ടുന്നു. വെളിച്ചെണ്ണ മാത്രമല്ല സൂര്യകാന്തി, പാം ഓയിലുകളും പിണ്ണാക്ക് ഇറക്കുമതിയിലൂടെ എത്തിച്ച് റിഫൈനറികളിൽ ശുദ്ധീകരിച്ച് ഭക്ഷ്യആവശ്യത്തിനായുള്ള എണ്ണയിൽ കലർത്തി വിൽക്കുകയാണ്. ഒരു ടാങ്ക് കൊപ്ര വെളിച്ചെണ്ണയിൽ മൂന്ന് ടാങ്ക് റിഫൈനറി വെളിച്ചെണ്ണ ചേർത്തുള്ള എണ്ണക്കച്ചവടം വ്യാപകം. വ്യവസായ ആവശ്യത്തിനായാണ് റിഫൈനറികളിൽനിന്ന് ശുദ്ധീകരിച്ച വെളിച്ചെണ്ണ ഉത്പാദിപ്പിക്കുന്നത്. സോപ്പ് നിർമാണത്തിനും ഇത് ഉപയോഗിക്കുന്നു. വൻകിട സ്ഥാപനങ്ങൾക്ക് കയറ്റുമതിക്കു തുല്യമായ അളവിൽ ഇറക്കുമതിക്ക് അനുവാദമുണ്ട്. ഈ സൗകര്യം ഉപയോഗിച്ചാണ് പിണ്ണാക്ക് ഇറക്കുമതി നടത്തുന്നത്. കൊപ്ര വെളിച്ചെണ്ണയിൽ റിഫൈനറി വെളിച്ചെണ്ണ ചേർത്താൽ സാധാരണ ഗുണനിലവാര പരിശോധനയിൽ കണ്ടെത്താനാകില്ല. സ്വർണത്തിന്‍റെ പരിശോധനയ്ക്ക് ഉപയോഗിക്കുന്ന ഹാൾ മാർക്ക് പരിശോധനയിലൂടെ മാത്രമേ റിഫൈനറി വെളിച്ചെണ്ണ ചേർത്തിട്ടുണ്ടോയെന്ന് തിരിച്ചറിയാനാകൂ. അതിനാൽ ഭക്ഷ്യ സുരക്ഷാ വകുപ്പ് പരിശോധനയിൽ പരാജയപ്പെടുന്നു. ഈ സൗകര്യം ഉപയോഗിച്ചാണ് സംസ്ഥാനത്ത് വില്പന നടത്തുന്ന കൊപ്ര വെളിച്ചെണ്ണയിൽ റിഫൈനറി വെളിച്ചെണ്ണ ചേർത്തു വിൽക്കുന്നത്. വെളിച്ചെണ്ണയ്ക്ക് അഞ്ചു ശതമാനമാണ് നികുതി. റിഫൈനറി വെളിച്ചെണ്ണയ്ക്ക് 18 ശതമാനം നികുതിയുണ്ട്. രണ്ട‌ും കൂട്ടിച്ചേർത്ത് വിൽക്കുന്നതിലൂടെ നികുതി വെട്ടിപ്പും നടക്കുന്നു. റിഫൈനറി വെളിച്ചെണ്ണയുടെ ജിഎസ്ടിയുടെ എച്ച്എസ്എൻ കോഡ് മാറ്റണമെന്നാണ് കേരളത്തിലെ വെളിച്ചെണ്ണ വ്യാപാരികളുടെ ആവശ്യം. വിയറ്റ്നാം, ഇന്തോനേഷ്യ എന്നിവിടങ്ങളിൽനിന്ന് കാലിത്തീറ്റയുടെ പേരിൽ ഇറക്കുമതി ചെയ്യുന്ന പിണ്ണാക്കിൽനിന്ന് ഉത്പാദിപ്പിക്കുന്ന റിഫൈനറി വെളിച്ചെണ്ണ കേരളത്തിലെ കേരകർഷകർക്ക് തിരിച്ചടിയാണ്. മാത്രമല്ല ഉപയോക്താക്കൾ കബളിപ്പിക്കലിന് ഇരയാകുകയും ചെയ്യുന്നു. കർഷക താത്പര്യങ്ങൾക്ക് തിരിച്ചടിയുമാണ്. അതിനാൽ കൊപ്ര വെളിച്ചെണ്ണയിൽ റിഫൈനറി വെളിച്ചെണ്ണ ചേർത്ത് വിറ്റ് തട്ടിപ്പു നടത്തുന്നതു കണ്ടു പിടിക്കാൻ സംസ്ഥാന വ്യാപകമായി പരിശോധന നടത്തണമെന്ന് കൊച്ചിൻ ഓയിൽ മർച്ചന്‍റ്സ് അസോസിയേഷൻ പ്രസിഡന്‍റ് തലത്ത് മഹമൂദ് ആവശ്യപ്പെട്ടു. ഇതിനു പുറമേ ക്രൂഡ് ഓയിലിനെ കൂടുതൽ പ്രോസസ് ചെയ്ത് ശുദ്ധീകരിച്ചും റിഫൈൻഡ് വെളിച്ചെണ്ണ എത്തുന്നുണ്ട് . ഇതിൽ നിന്നും ദുർഗന്ധം, നിറം, രുചി എന്നിവ മാറ്റുന്നു. രാസവസ്തുക്കൾ ഉപയോഗിച്ച് സ്വതന്ത്ര ഫാറ്റി ആസിഡുകളെ നിർവീര്യമാക്കി ബ്ലീച്ച് ചെയ്ത് നിറം മാറ്റി ഡിയോഡറൈസ് ചെയ്ത് ദുർഗന്ധം കളഞ്ഞാണ് ഇത് ഉത്പാദിപ്പിക്കുന്നത്. വെളിച്ചെണ്ണയെന്ന പേരിൽ പെട്രോളിയം ഉത്പന്നമായ പാരഫിൻ ഓയിൽ ചേർത്തുള്ള ഇതര സംസ്ഥാന ആയുർവേദിക് ഹെയർ ഓയിലുകളും വിപണിയിൽ വ്യാപകമാണ്. പാരഫിൻ ഓയിൽ 96 ശതമാനം വരെയും നാലുശതമാനം വെളിച്ചെണ്ണയും ചേർത്തതായി ലേബലിൽ പറയുന്നുണ്ട്. എന്നാൽ മലയാളത്തിൽ വലിയ അക്ഷരത്തിൽ വെളിച്ചെണ്ണയിൽ തയാറാക്കിയതെന്നാണ് രേഖപ്പെടുത്തിയിട്ടുള്ളത്. 96 ശതമാനം പാരഫിൻ ഓയിൽ ചേർത്തിട്ടുള്ള വിവരം വായിക്കാൻ കഴിയാത്തവിധം ചെറിയ അക്ഷരത്തിലാണ് എഴുതിയിട്ടുള്ളത്. ഈ തട്ടിപ്പ് പുറത്തുകൊണ്ടുവരാനായി ആരോഗ്യവകുപ്പും ഡ്രഗ്സ് കൺട്രോളർ വിഭാഗവും സംയുക്ത പരിശോധന നടത്തണമെന്ന ആവശ്യവും ഉയരുന്നുണ്ട്.

മാഹിയിൽ സ്കൂൾ കെട്ടിടത്തിന്‍റെ സൺ ഷേഡ് തകർന്നു

മാഹി: പന്തക്കൽ ഐ.കെ. കുമാരൻ ഗവ.ഹയർ സെക്കൻഡറി സ്കൂളിലെ ക്ലാസ് മുറികൾ പ്രവർത്തിക്കുന്ന കെട്ടിടത്തിന്‍റെ സൺ ഷേഡ് തകർന്ന് വീണു. ശനിയാഴ്ച്ച പുലർച്ചെയാണ് സംഭവം -സ്കൂൾ വാച്ച് മാൻ വിവരമറിയിച്ചതിനെ തുടർന്ന് സ്കൂൾ അധികൃതർ സ്ഥലത്തെത്തി. മാഹി പൊതുമരാമത്ത് വകുപ്പ് അധികൃതർ കെട്ടിടത്തിന്‍റെ അവശിഷ്ടങ്ങൾ നീക്കം ചെയ്യുന്ന പ്രവൃത്തി തുടങ്ങിയിട്ടുണ്ട്. വെള്ളിയാഴ്ച വരെ ക്ലാസുകൾ പ്രവർത്തിച്ച കെട്ടിടത്തിന് 48 വർഷം പഴക്കമുണ്ട്. സംഭവം പുലർച്ചെയായതിനാൽ അപകടം ഒഴിവായി.

ജന്തുജന്യരോഗങ്ങൾ തടയാൻ നിരീക്ഷണവും ബോധവത്കരണവും അനിവാര്യം: കെ.കെ. ശൈലജ

കണ്ണൂർ: മൃഗങ്ങളിൽനിന്നു മനുഷ്യരിലേക്ക് പകരുന്ന ജന്തുജന്യരോഗങ്ങളുടെ വ്യാപനം വർധിച്ചുവരുന്ന സാഹചര്യത്തിൽ ഇവ തടയാൻ രോഗനിരീക്ഷണവും ബോധവത്കരണവും അനിവാര്യമാണന്ന് കെ.കെ. ശൈലജ എംഎൽഎ. ഇന്ത്യൻ വെറ്ററിനറി അസോസിയേഷൻ കേരളയുടെ ആഭിമുഖ്യത്തിൽ കണ്ണൂരിൽ സംഘടിപ്പിച്ച ലോകജന്തുജന്യരോഗദിനാചരണത്തിന്‍റെ സംസ്ഥാനതല ഉദ്ഘാടനം നിർവഹിച്ച് പ്രസംഗിക്കുകയായിരുന്നു അവർ. പകർച്ചവ്യാധികൾ പൊട്ടിപ്പുറപ്പെടുമ്പോൾ രോഗാണുക്കളുടെ സ്രോതസ് കണ്ടെത്തുകയാണ് ഏറ്റവും പ്രധാനം. കേരളം പോലെ ജനസാന്ദ്രത കൂടിയ സംസ്ഥാനത്ത് പകർച്ചവ്യാധികൾക്ക് പകർന്നുപിടിക്കാൻ അനുകൂല സാഹചര്യങ്ങൾ ഏറെയാണ്. ജനസംഖ്യയിലെ ഉയർന്ന വയോജന അനുപാതവും ജനങ്ങളുടെ നിരന്തര സഞ്ചാരവുമെല്ലാം രോഗവ്യാപനവും ആഘാതവും തീവ്രമാക്കും. രോഗപ്രതിരോധത്തിന് ഏകാരോഗ്യസമീപനം ആവശ്യമാണെന്നും അവർ പറഞ്ഞു. ഇന്ത്യൻ വെറ്ററിനറി അസോസിയേഷൻ സംസ്ഥാന പ്രസിഡന്‍റ് ഡോ. എം.കെ. പ്രദീപ്കുമാർ അധ്യക്ഷത വഹിച്ചു. ജില്ലാതല ക്വിസ് മത്സര വിജയികൾക്കുള്ള സമ്മാനവിതരണവും സുവനീർ പ്രകാശനവും കെ.കെ. ശൈലജ നിർവഹിച്ചു. ദിനാചരണ ഭാഗമായുള്ള സെമിനാർ കണ്ണൂർ മെഡിക്കൽ കോളജ് പ്രഫ. ഡോ. വി.കെ. പ്രമോദ്, മൃഗസംരക്ഷണ വകുപ്പ് സ്റ്റേറ്റ് എപ്പിഡെമിയോളജിസ്റ്റ് ഡോ. ഡി. സഞ്ജയ് എന്നിവർ നയിച്ചു. ഡോ. പി.കെ. പത്മരാജ് മോഡറേറ്ററായിരുന്നു. വെറ്ററിനറി അസോസിയേഷൻ സംസ്ഥാന സെക്രട്ടറി ഡോ. വി.കെ.പി. മോഹൻ കുമാർ, സംസ്ഥാന വെറ്ററിനറി കൗൺസിൽ പ്രസിഡന്‍റ് ഡോ. കെ.ആർ. ബിനു പ്രശാന്ത്, ജില്ലാ മൃഗസംരക്ഷണ ഓഫീസർ ഡോ. ഒ.എം. അജിത, അസോസിയേഷൻ ഭാരവാഹികളായ ഡോ. കെ. ജയരാജ്, ഡോ. എ. ഇർഷാദ്, ഡോ. ബീറ്റു ജോസഫ്, ഡോ. കെ. ഷൈനി, ഡോ. കെ.വി. സന്തോഷ് കുമാർ എന്നിവർ പ്രസംഗിച്ചു.

സ്കൂട്ടറിൽ ഇടിച്ച് നിർത്താതെ പോയ കാറിനെക്കുറിച്ച് അന്വേഷണം ആരംഭിച്ചു

മട്ടന്നൂർ: കൊതേരി നാഗവളവിൽ സ്കൂട്ടറിൽ ഇടിച്ച് നിർത്താതെ പോയ കാറിനെക്കുറിച്ച് പോലീസ് അന്വേഷണം ആരംഭിച്ചു. കാറിടിച്ച് പരിക്കേറ്റ സ്കൂട്ടർ യാത്രിക മട്ടന്നൂർ കല്ലൂർ സ്വദേശിനി ലക്ഷ്മി പ്രസീതയെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ബിഎസ്‌സി വിദ്യാർഥിനിയാണ് പരിക്കേറ്റ ലക്ഷ്മി. വെള്ളിയാഴ്ച രാത്രി എട്ടോടെയായിരുന്നു അപകടം. പരിക്കേറ്റ യുവതിയെ പിന്നാലെ എത്തിയ കണ്ണൂർ-മട്ടന്നൂർ റൂട്ടിലോടുന്ന പ്രസാദം ബസിൽ ചാലോട്ടെ സ്വകാര്യ ആശുപത്രിലെത്തിക്കുകയായിരുന്നു. തുടർന്നു കണ്ണൂരിലെ സ്വകാര്യ ആശുപത്രിയിലേക്ക് മാറ്റി. അപകടത്തിനിടയാക്കിയ കാർ കണ്ടെത്താൻ മട്ടന്നൂർ പോലീസ് സിസിടിവി കാമറകൾ ഉൾപ്പെടെ പരിശോധിച്ച് അന്വേഷണം നടത്തി വരികയാണ്. വിദ്യാർഥിനിയെ ആശുപത്രിയിൽ എത്തിച്ച പ്രസാദം ബസ് ജീവനക്കാരെ മട്ടന്നൂർ പോലീസ് അനുമോദിച്ചു. എസ്ഐ സി.സി. ലിനേഷിന്‍റെ നേതൃത്വത്തിലായിരുന്നു അനുമോദനം.

ബഷീർ അനുസ്മരണം

റീഡിംഗ് തിയേറ്റർ അവതരണം നടത്തി ഇരിട്ടി: വായന പക്ഷാചരണത്തിന്‍റെ ഭാഗമായി ഇരിട്ടി നന്മ പബ്ലിക് ലൈബ്രറിയുടെ നേതൃത്വത്തിൽ വൈക്കം മുഹമ്മദ് ബഷീർ അനുസ്മരണം സംഘടിപ്പിച്ചു. ലൈബ്രറി പ്രസിഡന്‍റ് കെ. സുരേഷ് വൈക്കം മുഹമ്മദ് ബഷീർ അനുസ്മരണ പ്രഭാഷണം നടത്തി. നന്മ ഭരണ സമിതിയംഗം എൻ.എം. രത്നാകരൻ അധ്യക്ഷത വഹിച്ചു. വൈക്കം മുഹമ്മദ് ബഷീർ സാഹിത്യത്തിലെ കഥാപാത്രങ്ങളെ ഉൾപ്പെടുത്തി നന്മ അംഗങ്ങൾ അവതരിപ്പിച്ച റീഡിംഗ് തിയേറ്ററും അരങ്ങേറി. ബഷീർ അനുസ്മരണത്തിന്‍റെ ഭാഗമായി പായം ഗ്രാമീണ ഗ്രന്ഥാലയം അനുബന്ധ സംഘടനയായ ഉദയ ബാലവേദി സംഘടിപ്പിച്ച അവതരണം ലൈബ്രറി കൗൺസിൽ താലൂക്ക് ജോയിന്‍റ് സെക്രട്ടറി ഡോ. എ. ബൈജു ഉദ്ഘാടനം ചെയ്തു. മൂക്ക് എന്ന ബഷീർ ചെറുകഥയുടെ റീഡിംഗ് തിയേറ്റർ അവതരണമാണ് നടന്നത്. ഉദയ ബാലവേദി പ്രസിഡന്‍റ് വി.വി. ധാർമിക് അധ്യക്ഷത വഹിച്ചു. ആരാധ്യ രഞ്ജിത്, അൻവിത ബിജു, സാരംഗി, പി. ശിവനന്ദ എന്നിവരാണ് റീഡിംഗ് തിയേറ്ററിന് ശബ്ദം നൽകിയത്. കണിച്ചാർ: കണിച്ചാർ കാപ്പാട് വായനശാല ആൻഡ് ഗ്രന്ഥാലയത്തിൽ വായനാ പക്ഷാചരണത്തോടനുബന്ധിച്ച് വിശ്വസാഹിത്യകാരൻ വൈക്കം മുഹമ്മദ് ബഷീർ അനുസ്മരണവും സാംസ്കാരിക സദസും കഥാപ്രസംഗവും റീഡിംഗ് തീയേറ്ററും സംഘടിപ്പിച്ചു. ആറളം ഫാം അഡ്മിനിസ്ട്രേറ്റീവ് ഓഫീസർ ഡോ. കെ.പി. നിതീഷ് കുമാർ ഉദ്ഘാടനം ചെയ്തു. വായനശാല പ്രസിഡന്‍റ് എൻ. ജിൽസ് അധ്യക്ഷത വഹിച്ചു. കാപ്പാട് സാംസ്കാരികവേദി പ്രസിഡന്‍റ് എം.വി. രാജീവൻ, ഇ.കെ. നായനാർ സ്മാരക വായനശാല സെക്രട്ടറി ബി.കെ. ശിവൻ, ഡോ. പൽപു മെമ്മോറിയൽ യുപി സ്കൂൾ മുഖ്യാധ്യാപിക എൻ.വി. മായ, സെക്രട്ടറി എം.വി. മുരളീധരൻ എന്നിവർ പ്രസംഗിച്ചു. കാഥികൻ പ്രഫ. വി. സാംബശിവൻ അനുസ്മരണത്തിന്‍റെ ഭാഗമായി "അനീസ്യ" കഥാപ്രസംഗം കാഥികൻ തോമസ് കുന്നുംപുറം അവതരിപ്പിച്ചു. വിനോദിനിയുടെ നേതൃത്വത്തിൽ വനിതാവേദി അംഗങ്ങൾ ബഷീർ കൃതികളുടെ റീഡിംഗ് തീയേറ്റർ ആവിഷ്കാരം നടത്തി.

റോഡ് വികസനത്തിന് പ്രസിഡന്‍റ് എതിരെന്ന് പഞ്ചായത്തംഗം

കണിച്ചാര്‍: കണിച്ചാർ പഞ്ചായത്തിലെ ആറ്റാംചേരി കോളനിയിലിലേക്കുളള റോഡ് വികസനത്തിന് കണിച്ചാര്‍ പഞ്ചായത്ത് പ്രസിഡന്‍റ് തടസം നില്‍ക്കുന്നുവെന്ന ആരോപണവുമായി പഞ്ചായത്ത് അംഗം രംഗത്ത്. കിടപ്പുരോഗികള്‍ ഉള്‍പ്പെടെ താമസിക്കുന്ന കോളിനിയുടെ പിന്നിലെ റോഡ് ആസ്തിയില്‍ ചേര്‍ക്കുന്നതിനായി നിരന്തരം പഞ്ചായത്തില്‍ അപേക്ഷ സമര്‍പ്പിച്ചിട്ടും പഞ്ചായത്ത് അതിന് തയാറാകുന്നില്ലെന്ന് വാര്‍ഡ് അംഗം സുനി ജസ്റ്റിന്‍ ആണ് ആരോപിച്ചത്. കോളനിക്ക് സമീപം മാലിന്യ സംസ്‌കര പ്ലാന്‍റ് സ്ഥാപിക്കാന്‍ പഞ്ചായത്ത് ശ്രമിച്ചിരുന്നു. ഇത് കോളനിനിവാസികളും പഞ്ചായത്ത് അംഗവും എതിര്‍ത്തിരുന്നു. ഇതാണ് റോഡ് വികസനത്തിന് പഞ്ചായത്ത് പ്രസിഡന്‍റ് തടസം നില്ക്കാൻ കാരണമെന്നാണ് ആക്ഷേപം. വരും ദിവസങ്ങളില്‍ കോളനി നിവാസികളെ അണിനിരത്തി ശക്തമായ പ്രക്ഷോഭം നടത്തുമെന്നും പഞ്ചായത്ത് അംഗം പറഞ്ഞു.

യംഗ് മൈൻഡ്സ് ഇന്‍റർനാഷണൽ എടൂർ ക്ലബിന്‍റെ സ്നേഹവീട് കൈമാറി

ഇരിട്ടി: യംഗ് മൈൻഡ്സ് ഇന്‍റർനാഷണൽ എടൂർ ക്ലബിന്‍റെ നേതൃത്വത്തിൽ എടൂരിലെ വിധവയായ അമ്മയും ഭിന്നശേഷിക്കാരിയായ മകളും അടങ്ങുന്ന കുടുംബത്തിനുവേണ്ടി നിർമിച്ച വീടിന്‍റെ താക്കോൽ കൈമാറി. 'വീടില്ലാത്തവർക്ക് വീട്' പദ്ധതിപ്രകാരം യംഗ് മൈൻഡ്സ് ഇന്‍റർനാഷണൽ ക്ലബിന്‍റെ വിവിധ സാമൂഹ്യ സേവന പ്രവർത്തനങ്ങളുടെ ഭാഗമായാണ് വീട് നിർമിച്ചത്. യംഗ് മൈൻഡ്സ് ഇന്‍റർനാഷണൽ ക്ലബിന്‍റെ ദേശീയ പ്രസിഡന്‍റ് ഡോ. കെ.സി. സാമുവലും എടൂർ ഫൊറോന പള്ളി വികാരി ഫാ. തോമസ് വടക്കേമുറിയും ചേർന്ന് താക്കോൽദാനം നിർവഹിച്ചു. തുടർന്ന് കുടുംബ സംഗമവും എസ്എസ്എൽസി, പ്ലസ് ടു പരീക്ഷകളിൽ മികച്ച വിജയം നേടിയ കുട്ടികൾക്കുള്ള അനുമോദനവും പ്രോജക്ട് ഉദ്ഘാടനവും നടന്നു. വള്ളിത്തോട് സ്കൈ പാരഡൈസിൽ നടന്ന സംഗമത്തിൽ വൈഎംഐ എടൂർ ക്ലബ് പ്രസിഡന്‍റ് ജോജോ തോമസ് അധ്യക്ഷത വഹിച്ചു. ഇന്ത്യ ഏരിയ പ്രസിഡന്‍റ് ആന്‍റോ കെ ആന്‍റണി മുഖ്യാതിഥിയായിരുന്നു. കെ.എം. സ്‌കറിയാച്ചൻ, മൈക്കിൾ കെ. മൈക്കിൾ, കെ. രഞ്ജിത് കുമാർ, ദേവമാതാ കോളജ് പ്രിൻസിപ്പൽ ഡോ. എം.ജെ. മാത്യു, എ. നാസർ, രാജേഷ് ഗോപാൽ, ഡോ. പി.വി. ഷിബു എന്നിവർ പ്രസംഗിച്ചു. വീട് നിർമാണ കമ്പിനി ഉടമ നിഷാദ് സെബാസ്റ്റ്യനെ ചടങ്ങിൽ ആദരിച്ചു.

ആറളം വന്യജീവി സങ്കേതത്തിൽ വിത്തേറ് നടത്തി

ഇരിട്ടി: വനമഹോത്സവ ഭാഗമായി ആറളം വന്യജീവി സങ്കേതത്തിൽ സ്പെഷൽ ഡ്യൂട്ടിയുടെ നേതൃത്വത്തിൽ എടത്തൊട്ടി, ഡീ പോൾ ആർട്സ് ആൻഡ് സയൻസ് കോളജ് എൻഎസ്എസ് വോളന്‍റിയർമാരെ പങ്കെടുപ്പിച്ച് വിത്തേറ്, മുളത്തൈ നടീൽ എന്നിവ സംഘടിപ്പിച്ചു. ആറളം വൈൽഡ് ലൈഫ് വാർഡൻ വി. രതീശൻ ഉദ്ഘാടനം ചെയ്തു. അസി. വൈൽഡ് ലൈഫ് വാർഡൻ രമ്യ രാഘവൻ, സ്പെഷൽ ഡ്യൂട്ടി സ്റ്റാഫ്, വാച്ചർമാർ, ആറളം ഇക്കോ ഡവലപ്മെന്‍റ് കമ്മറ്റി അംഗങ്ങൾ തുടങ്ങിയവർ പങ്കെടുത്തു. മുപ്പതോളം വിദ്യാർഥികൾ പങ്കെടുത്ത പരിപാടിയിൽ 400 മുളത്തൈകൾ നട്ടു പിടിപ്പിച്ചു. ആഞ്ഞിലി, പ്ലാവ്, പൂവം, പുന്ന തുടങ്ങിയ വൃക്ഷങ്ങളുടെ വിത്ത് ബോളുകൾ വനത്തിൽ നിക്ഷേപിച്ചു. വന്യജീവി ആക്രമണം ലഘൂകരിക്കുന്നതിനായി വനം വകുപ്പ് ആവിഷ്കരിച്ചിട്ടുള്ള പദ്ധതിയാണ് "മിഷൻ ഫുഡ്, ഫോഡർ ആൻഡ് വാട്ടർ'. വനത്തിൽ വന്യമൃഗങ്ങൾക്ക് ജല ലഭ്യതയും ഭക്ഷണ ലഭ്യതയും വർധിപ്പിക്കുകയാണ് മിഷന്‍റെ ലക്ഷ്യം. വിത്തൂട്ടിന്‍റെ ഭാഗമായാണ് വന-ഫലവൃക്ഷങ്ങളുടെ വിത്തുകൾ വിത്തുണ്ടകളാക്കി വനത്തിൽ എറിയുന്നത്.

പനയത്താംപറമ്പിൽ വീണ്ടും മാലിന്യ നിക്ഷേപം; പിഴ ചുമത്തി എൻഫോഴ്സ്‌മെന്‍റ് സ്ക്വാഡ്

മട്ടന്നൂർ: കീഴല്ലൂർ, വേങ്ങാട്, അഞ്ചരക്കണ്ടി പഞ്ചായത്തുകൾ അതിർത്തിപങ്കിടുന്ന പനയത്താംപറമ്പിൽ വീണ്ടും വ്യാപകമായ മാലിന്യ നിക്ഷേപം നടക്കുന്നതായ പരാതിയിൽ തദ്ദേശ വകുപ്പ് ജില്ലാ എൻഫോഴ്സ്മെന്‍റ് സ്ക്വാഡ് പരിശോധന നടത്തി. കീഴല്ലൂർ പഞ്ചായത്ത് പരിധിയിലെ മൊടക്കണ്ടി പ്രദേശത്ത് നടത്തിയ പരിശോധനയിൽ റോഡിൽ മാലിന്യങ്ങൾ തള്ളിയതിന് ഹോട്ടൽ നടത്തിപ്പുകാരന് പിഴ ചുമത്തി. റോഡരികിലായി മാലിന്യ ചാക്കുകൾ നിക്ഷേപിച്ചതായി പരാതി ലഭിച്ചതിന്‍റെ അടിസ്ഥാനത്തിലാണ് സ്ക്വാഡ് പരിശോധന നടത്തിയത്. പാൽ, ചായപ്പൊടി, ആട്ട, പാചക എണ്ണ തുടങ്ങിയവയുടെ കവറുകളാണ് ഭക്ഷണ അവശിഷ്ടം ഉൾപ്പെടെയുള്ള മറ്റു മാലിന്യങ്ങളോടൊപ്പം ചേർത്ത് ആറോളം ചാക്കുകളായി വഴിയരികിൽ തള്ളിയത്. മാലിന്യം വിശദമായി പരിശോധിച്ചതിന്‍റെ അടിസ്ഥാനത്തിൽ കിട്ടിയ സൂചനകളിൽ നിന്നാണ് കീഴല്ലൂരിലെ ഈറ്റില്ലം ഹോട്ടലിലെ മാലിന്യങ്ങൾ ആണെന്ന് തിരിച്ചറിഞ്ഞത്. ഹോട്ടലിന്‍റെ മുൻ നടത്തിപ്പുകാരനായ നാരായണന് പതിനായിരം രൂപ പിഴ ചുമത്തി. ചില സ്ഥാപനങ്ങളിൽ നിന്ന് ഹരിത കർമ സേനയ്ക്ക് തരംതിരിച്ച മാലിന്യം നാമമാത്രമായി നൽകുകയും മറ്റുള്ളവ തരം തിരിക്കാതെ അനധികൃത ഏജൻസികൾക്ക് പണം നൽകി കൈയൊഴിക്കുകയും ചെയ്യുന്നത് ശ്രദ്ധയിൽപ്പെട്ടിരുന്നു. പരിശോധനയിൽ കീഴല്ലൂർ പഞ്ചായത്ത് പ്രസിഡന്‍റ് കെ.വി. മിനി, എൻഫോഴ്‌സ്മെന്‍റ് ഉദ്യോഗസ്ഥരായ കെ. സജിത, കെ.ആർ. അജയകുമാർ, ഹെൽത്ത് ഇൻസ്പെക്ടർ എ.എൻ. ദിജിൽ എന്നിവർ പങ്കെടുത്തു.

വന്യമൃഗ ശല്യത്തിനെതിരേ കർഷകർ ഒപ്പു ശേഖരണം നടത്തി

അടയ്ക്കാത്തോട്: പ്രദേശത്ത് രൂക്ഷമായി തുടരുന്ന വന്യമൃഗ ശല്യത്തിനും, വനംവകുപ്പിന്‍റെ ചീങ്കണ്ണിപ്പുഴയ്ക്ക് മേലുള്ള കൈയേറ്റത്തിനുമെതിരേ മുഖ്യമന്ത്രിക്ക് നിവേദനം കൈമാറുന്നതിന്‍റെ ഭാഗമായി, അടയ്ക്കാത്തോട് സെന്‍റ് ജോസഫ്സ് പള്ളിയിൽ കർഷകരുടെ ഒപ്പു ശേഖരണം നടത്തി. കാട്ടാന തുടർച്ചയായി പ്രതിരോധ മതിൽ ഭേദിക്കുന്ന സാഹചര്യത്തിൽ ആനമതിൽ ബലപ്പെടുത്തുക, മതിൽ ഇല്ലാത്ത ഇടങ്ങളിൽ മതിൽ നിർമാണം പൂർത്തിയാക്കുക, കൊലയാളി മോഴയാനയെ പിടിച്ചു മാറ്റുക, ചീങ്കണ്ണിപ്പുഴയുടെ ഉടമസ്ഥാവകാശം കേളകം വില്ലേജിൽ നിലനിർത്തുക എന്നിവയാണ് നിവേദനത്തിലെ ആവശ്യങ്ങൾ. ജനകീയ കമ്മിറ്റി ചെയർമാൻ ഫാ. സെബാസ്റ്റ്യൻ പൊടിമറ്റം, അടയ്ക്കാത്തോട് പള്ളി വികാരി ഫാ. സെബിൻ ഐക്കരതാഴത്ത് ജോസഫ് ആഞ്ഞിലിവേലിൽ, പ്രവീൺ താഴത്തെമുറി, ജസ്റ്റിൻ ചീരംവേലിൽ തുടങ്ങിയവർ നേതൃത്വം നല്കി.

ചെറുപുഴ ടൗൺ ലയൺസ് ക്ലബ് ഭാരവാഹികൾ സ്ഥാനമേറ്റു

ചെറുപുഴ: ചെറുപുഴ ടൗൺ ലയൺസ് ക്ലബ് ഭാരവാഹികളുടെ സ്ഥാനാരോഹണവും പുതിയ അംഗങ്ങളുടെ സത്യപ്രതിജ്ഞയും ലയൺസ് ഹാളിൽ നടന്നു. ചടങ്ങ് പി.എസ്. സൂരജ് ഉദ്ഘാടനം ചെയ്തു. കെ. സുരേഷ് അധ്യക്ഷത വഹിച്ചു. ഹയർ സെക്കൻഡറി പരീക്ഷയിൽ മുഴുവൻ മാർക്ക് നേടിയ പോൾസൺ പോളിന് ക്ലബിന്‍റെ ഉപഹാരവും കാഷ് അവാർഡും സമ്മാനിച്ചു. വിവിധ മത്സരപരീക്ഷകളിൽ ഉന്നത വിജയം നേടിയ വിദ്യാർഥികളെയും വിവിധ സേവന പ്രവർത്തനങ്ങൾക്ക് നേതൃത്വം നൽകിയ ക്ലബ് അംഗങ്ങളെയും മുൻ പ്രസിഡന്‍റുമാരെയും ഉപഹാരം നൽകി ആദരിച്ചു. സെക്രട്ടറി ഇ. രവീന്ദ്രൻ പ്രവർത്തന റിപ്പോർട്ട് അവതരിപ്പിച്ചു. ബെന്നി ജോൺ, കെ.കെ. വേണുഗോപാൽ, എൻ.ജെ. ജോസഫ്, മഞ്ജു അഭിലാഷ്, ജോൺസൺ ജോസഫ്, ജോസഫ് മാത്യു, ജി. അഭിലാഷ് എന്നിവർ പ്രസംഗിച്ചു. ഭാരവാഹികൾ: മാത്യു ജോസഫ് തോണിക്കൽ-പ്രസിഡന്‍റ്, ജി. അഭിലാഷ്-സെക്രട്ടറി ജിജോ സെബാസ്റ്റ്യൻ-ട്രഷറർ.

ഉന്നത വിജയികളെ അനുമോദിച്ചു

പയ്യാവൂർ: കോൺഗ്രസ്‌ കല്യാട് മണ്ഡലം കമ്മിറ്റിയുടെ ആഭിമുഖ്യത്തിൽ കല്യാട് വില്ലേജ് പരിധിയിൽ എസ്എസ്എൽസി, പ്ലസ് ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടിയവരെ അനുമോദിച്ചു. സജീവ് ജോസഫ് എംഎൽഎ അനുമോദന സമ്മേളനം ഉദ്ഘാടനം ചെയ്തു. കോൺഗ്രസ് കല്യാട് മണ്ഡലം പ്രസിഡന്‍റ് പി. അയൂബ് അധ്യക്ഷത വഹിച്ചു. മണ്ഡലം ജനറൽ സെക്രട്ടറി അനൂപ് പനയ്ക്കൽ ആമുഖ പ്രഭാഷണം നടത്തി. ഉന്നത വിജയം നേടിയ വിദ്യാർഥികൾക്ക് സജീവ് ജോസഫ് എംഎൽഎ ഉപഹാരങ്ങൾ നൽകി. കെപിസിസി മെംബർ മുഹമ്മദ് ബ്ലാത്തൂർ, കോൺഗ്രസ് മട്ടന്നൂർ ബ്ലോക്ക് വൈസ് പ്രസിഡന്‍റ് കെ.ടി. മാത്യു, ജവഹർ ബാൽമഞ്ച് ജില്ലാ കോ- ഓർഡിനേറ്റർ ആനന്ദ് ബാബു, യൂത്ത് കോൺഗ്രസ് കല്യാട് മണ്ഡലം പ്രസിഡന്‍റ് കെ.വി. ഗോകുൽ, മഹിള കോൺഗ്രസ് മണ്ഡലം പ്രസിഡന്‍റ് കെ.വി. തങ്കമണി, ജവഹർ ബാൽമഞ്ച് കല്യാട് മണ്ഡലം പ്രസിഡന്‍റ് പി. സംജിത്ത്, പി.വി. സത്യൻ, വിനോദ്, കുഞ്ഞനന്തൻ, കെ.എ. ഉമ്മർ എന്നിവർ പ്രസംഗിച്ചു.

ബഷീർദിനാചരണം നടത്തി

വായാട്ടുപറമ്പ്: ബഷീർദിനാചരണം വായാട്ടുപറമ്പ് സെന്‍റ് ജോസഫ്സ് യുപി സ്കൂളിൽ വിപുലമായ പരിപാടികളോടെ ആചരിച്ചു. ബഷീർദിന സന്ദേശം, കവിതാലാപനം, ബഷീർ പുസ്തക പരിചയം, ബഷീർ കഥാപാത്രങ്ങളുടെ രംഗാവിഷ്കാ'=രം തുടങ്ങിയ പരിപാടികൾ വിദ്യാർഥികൾ സ്കൂൾ അസംബ്ലിയിൽ അവതരിപ്പിച്ചു. വിദ്യാർഥികൾക്കായി ചിത്രരചന, ക്വിസ്, ബഷീറിന് ഒരു കത്ത് തുടങ്ങിയ മത്സരങ്ങൾ സംഘടിപ്പിച്ചു. ചടങ്ങിൽ സീനിയർ അസിസ്റ്റന്‍റ് മോളി ജോസഫ്, പിടിഎ പ്രസിഡന്‍റ് പി.പി. അജേഷ്, മദർ പിടിഎ പ്രസിഡന്‍റ് കെ.ജെ. ജിഷ മോൾ എന്നിവർ പ്രസംഗിച്ചു. അധ്യാപകരായ തെരേസ് മേരി ജോസും സിമി തോമസും പരിപാടികൾക്ക് നേതൃത്വം നൽകി. വിദ്യാരംഗം കലാസാഹിത്യ വേദിയുടെ ആഭിമുഖ്യത്തിൽ വായാട്ടുപറമ്പ് സെന്‍റ് ജോസഫ്സ് ഹയർ സെക്കൻഡറി സ്കൂളിൽ ബഷീർദിനം വിവിധ പരിപാടികളോടെ നടത്തി. ചടങ്ങിൽ ക്രിസ് ഷൈൻ തയാറാക്കിയ ബഷീർദിന പതിപ്പ് സീനിയർ അസിസ്റ്റന്‍റ് ലൈല സെബാസ്റ്റ്യൻ പ്രകാശനം ചെയ്തു. എഡ്‌വിൻ സനീഷ് അനുസ്മരണ പ്രഭാഷണവും അവന്തിതാ ജയ്മോൻ കഥാപാത്ര ആവിഷ്കാരവും നടത്തി. ജസ്ന ജയ്സൺ, മായ കെ. ജോർജ്, കെ.പി. ഡീന, സീന സെബാസ്റ്റ്യൻ, സെൽമ ജോസ്, ബിബിൻ മാത്യു, കെ. രജീഷ്, മിനി. എം കണ്ടത്തിൽ എന്നിവർ നേതൃത്വം നൽകി.

സെന്‍റ് വിൻസെന്‍റ് ഡി പോൾ സൊസൈറ്റി വാർഷിക സമ്മേളനം

മടമ്പം: സെന്‍റ് വിൻസെന്‍റ് ഡി പോൾ സൊസൈറ്റി സെൻട്രൽ കൺസിലിന്‍റെ എഴുപത്തിരണ്ടാം വാർഷിക സമ്മേളനത്തിന് തുടക്കം കുറിച്ച് മടമ്പം ലൂർദ് മാതാ ഫൊറോന പള്ളിയിൽ ഫാ. ഏബ്രഹാം പറമ്പേട്ടിന്‍റെ കാർമികത്വത്തിൽ വിശുദ്ധ കുർബാന അർപ്പിച്ചു. തുടർന്ന് മടമ്പം ലൂർദ് മാതാ പാരിഷ് ഹാളിൽ നടന്ന സമ്മേളനത്തിൽ സൊസൈറ്റി മടമ്പം ഏരിയ കൗൺസിൽ പ്രസിഡന്‍റ് ടി.പി. മാനുവൽ ആമുഖ പ്രഭാഷണം നടത്തി. കെ.എൽ. ജോയി, കെ.സി. ജോസഫ് കുഴിക്കാട്ട്കുടിയിൽ, എൻ.സി. ലൂക്ക നെല്ലിക്കാക്കണ്ടത്തിൽ, ജോസഫ് പാഴൂക്കുന്നേൽ, വി.സി. ജോസഫ് എന്നിവർ പ്രസംഗിച്ചു. "വിൻസെൻഷ്യൽ പ്രവർത്തനം' എന്ന വിഷയത്തിൽ സൊസൈറ്റി നാഷണൽ കൗൺസിൽ ഓഫ് ഇൻഡ്യ ജോയിന്‍റ് സെക്രട്ടറി ജോളി സെബാസ്റ്റ്യൻ ക്ലാസെടുത്തു.

ജനപ്രതിനിധികൾക്കുള്ള ശില്പശാല സംഘടിപ്പിച്ചു

ശ്രീകണ്ഠപുരം: കോൺഗ്രസ് ഇരിക്കൂർ-തളിപ്പറന്പ് നിയോജക മണ്ഡലത്തിലെ ജനപ്രതിനിധികൾക്കുള്ള ശില്പശാല സംഘടിപ്പിച്ചു. ശ്രീകണ്ഠപുരം കമ്യൂണിറ്റി ഹാളിൽ സജീവ് ജോസഫ് എംഎൽഎ പരിശീലന കളരി "മിഷൻ- 2025' ഉദ്ഘാടനം ചെയ്തു. കെപിസിസി നിർദേശ പ്രകാരം ശ്രീകണ്ഠപുരം നഗരസഭ, ആലക്കോട്, നടുവിൽ, ഉളിക്കൽ, ഇരിക്കൂർ, ഏരുവേശി, ചപ്പാരപ്പടവ്, കൊളച്ചേരി തുടങ്ങിയ തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികൾക്കുള്ള പരിശീലന ശില്പശാലയാണ് നടത്തിയത്. തദ്ദേശസ്വയം ഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന് മുന്നോടിയായി കഴിഞ്ഞ അഞ്ചു വർഷങ്ങളിലായി നടത്തിയ പ്രവർത്തനങ്ങളുടെ വികസന പത്രിക തയാറാക്കാനുള്ള പരിശീലനമാണ് നൽകിയത്. ഡിസിസി പ്രസിഡന്‍റ് മാർട്ടിൻ ജോർജ് മുഖ്യാതിഥിയായിരുന്നു. ഡിസിസി വൈസ് പ്രസിഡന്‍റ് മുഹമ്മദ്‌ ബ്ലാത്തൂർ അധ്യക്ഷത വഹിച്ചു. എം.പി. ഉണ്ണികൃഷ്ണൻ, കെ.വി. ഫിലോമിന, പി.സി. ഷാജി, ഇ.വി. രാമകൃഷ്ണൻ, കെ.പി. ഗംഗാധരൻ, എം.ഒ. മാധവൻ, ജോസഫ് ആഞ്ഞിലിത്തോപ്പിൽ, മിനി ഷൈബി, സുനിജ ബാലകൃഷ്ണൻ, ജോജി കന്നക്കാട്ട്, ബേബി ഓടമ്പള്ളി, വിജിൽ മോഹൻ, ജോസ് വട്ടമല, ബേബി തോലാനി, നസീമ ഖാദർ, ഷിനോ പാറക്കൽ, ജോഷി കണ്ടത്തിൽ, മധു തൊട്ടിയിൽ, സോജൻ കാരാമയിൽ, റോയി ചക്കാനിക്കുന്നേൽ എന്നിവർ നേതൃത്വം നൽകി.

തെരുവുവിളക്കുകൾ കണ്ണടച്ചു; യാത്രക്കാർ ദുരിതത്തിൽ

ആലക്കോട്: ആലക്കോട് പഞ്ചായത്തിലെ രയറോം, നെടുവോട്, പരപ്പ മേഖലകളിൽ തെരുവുവിളക്കുകൾ പ്രവർത്തനരഹിതമായത് യാത്രക്കാരെ ദുരിതത്തിലാക്കുന്നു. പഞ്ചായത്തിന്‍റെ നേതൃത്വത്തിൽ സ്ഥാപിച്ച തെരുവുവിളക്കുകളിൽ മിക്കതും ആറുമാസത്തിനുള്ളിൽ തന്നെ പ്രവർത്തനരഹിതമായെങ്കിലും ഇവ മാറ്റിസ്ഥാപിക്കാൻ അധികൃതരുടെ ഭാഗത്തു നിന്ന് യാതോരു നടപടിയും സ്വീകരിച്ചിട്ടില്ല. മലയോര ഹൈവേ റോഡിൽ രയറോം മുതൽ മൂലോത്തുകുന്ന് വരെയുള്ള ഭാഗങ്ങളിലും, രയറോം-പരപ്പ-കാർത്തികപുരം പൊതുമാരമത്തു റോഡിൽ പരപ്പവരെയുള്ള ഭാഗങ്ങളിൽ പലയിടങ്ങളിലുമാണ് തെരുവ് വിളക്കുകൾ കണ്ണടച്ചത്. ഇതുമൂലം രാത്രികാലങ്ങളിൽ സഞ്ചരിക്കുന്നവർ ഇരുട്ടിൽ തപ്പി നടക്കേണ്ട ഗതികേടിലാണ്. തെരുവ് വിളക്കുകൾ എത്രയും വേഗം പ്രകാശിപ്പിക്കണമെന്നാണ് നാട്ടുകാരുടെ ആവശ്യം.

തളിപ്പറന്പിൽ സിമന്‍റ് കയറ്റി വന്ന ലോറി അപകടത്തിൽപ്പെട്ടു

തളിപ്പറമ്പ്: ദേശീയപാതയിൽ കുപ്പത്ത് സിമന്‍റ് കയറ്റി വന്ന ലോറി അപകടത്തിൽപ്പെട്ടു. ലോറി റോഡരികിലേക്ക് ചെരിഞ്ഞതിനെ തുടർന്ന് ദേശീയപാതയിൽ മണിക്കൂറുകളോ ഗതാഗതക്കുരുക്ക് അനുഭവപ്പെട്ടു. ഇന്നലെ ഉച്ചയ്ക്ക് 12 ഓടെയായിരുന്നു സംഭവം. മംഗളൂരുവിൽ നിന്ന് 45 ടൺ സിമന്‍റ് കയറ്റി വന്ന ലോറി വഴിമാറി തളിപ്പറമ്പ് എത്തുകയായിരുന്നു. ചുടല വഴി അമ്മാനപ്പാറയിലേക്ക് പോകേണ്ട ലോറി തളിപ്പറമ്പിൽ നിന്നും ചുടലയിലേക്ക് പോകവെ യാണ് അപകടത്തിൽപ്പെട്ടത്. കുപ്പം പാലം കഴിഞ്ഞപ്പോൾ പിറകിൽ വരികയായിരുന്ന ആംബുലൻ സിന് സൈഡ് കൊടുക്കുന്നതിനിടെ ഒരുവശം താഴ്ന്നു പോവുകയായിരുന്നു. ഇവിടെ സംരക്ഷണ ഭിത്തി ഉള്ളതിനാലാണ് വലിയ അപകടം ഒഴിവായത്. പരിയാരം പോലീസും ഹൈവേ പോലീസും സ്ഥലത്തെത്തിയാണ് ഗതാഗതം നിയന്ത്രിച്ചത്. ലോറിയിലെ ചരക്ക് മറ്റൊരു വാഹനത്തിലേക്ക് മാറ്റിയാണ് ലോറി അവിടെ നിന്നും നീക്കിയത്.

ആരോഗ്യ മന്ത്രിയുടെ രാജി ആവശ്യപ്പെട്ട് യൂത്ത് കോൺഗ്രസ് ഡിഎംഒ ഓഫീസ് മാർച്ചിൽ സംഘർഷം

കണ്ണൂർ: ആരോഗ്യ മന്ത്രി വീണാ ജോർജിന്‍റെ രാജി ആവശ്യപ്പെട്ട് യൂത്ത് കോൺഗ്രസ് ജില്ലാ മെഡിക്കൽ ഓഫീസിലേക്ക് നടത്തിയ മാർച്ചിൽ സംഘർഷം. പ്രവർത്തകരും പോലീസും തമ്മിൽ ഏറ്റുമുട്ടി. പള്ളിക്കുന്ന് വിമൻസ് കോളജിന് മുന്നിൽ നിന്ന് 11.30 ഓടെ ആരംഭിച്ച മാർച്ച് പള്ളിക്കുന്നിലെ ഡിഎംഒ ഓഫീസിന് മുന്നിൽ എത്തിയപ്പോൾ പ്രവർത്തകർ ഗേറ്റ് മറികടക്കാൻ ശ്രമിച്ചതോടെയാണ് സംഘർഷം തുടങ്ങിയത്. പ്രവർത്തകർക്കു നേരെ പോലീസ് രണ്ടുതവണ ജലപീരങ്കി പ്രയോഗിച്ചു. സംഘർഷത്തിൽ യൂത്ത് കോൺഗ്രസ് തളിപ്പറമ്പ് മണ്ഡലം പ്രസിഡന്‍റ് പ്രജീഷ് കൃഷ്ണന് പരിക്കേറ്റു. നിരവധി പ്രവർത്തകരെ പോലീസ് ബലം പ്രയോഗിച്ച് അറസ്റ്റ് ചെയ്തു മാറ്റി. മാർച്ചിനിടെ ഏതാനും പ്രവർത്തകർ ഗേറ്റ് മറികടന്ന് അകത്തേക്ക് കയറി. ഗേറ്റിനു മുകളിൽ വാഴ നാട്ടാൻ ശ്രമിച്ച പ്രവർത്തകരെ പോലീസ് ബലം പ്രയോഗിച്ച് നീക്കി. പ്രവർത്തകരെ അറസ്റ്റ് ചെയ്ത് കൊണ്ടുപോകാൻ ശ്രമിക്കവെ പോലീസ് വാനിന് മുന്നിൽ കുത്തിയിരുന്ന് മറ്റ് പ്രവർത്തകർ പ്രതിഷേധിച്ചു. മാർച്ചിനു ശേഷം പ്രവർത്തകർ പള്ളിക്കുന്നിൽ യൂത്ത് കോൺഗ്രസ്‌ ജില്ലാ പ്രസിഡന്‍റിന്‍റെ നേതൃത്വത്തിൽ ദേശീയപാത ഉപരോധിച്ചു. ഇതോടെ ഏറെ നേരം ഗതാഗതം തടസപ്പെട്ടു. കേരളത്തിലെ ആരോഗ്യ മേഖല വെന്‍റിലേറ്ററിൽ എന്ന മുദ്രാവാക്യമുയർത്തി മന്ത്രിയുടെ രാജി ആവശ്യപ്പെട്ട് നടത്തിയ മാർച്ച് യൂത്ത് കോൺഗ്രസ് സംസ്ഥാന ജനറൽ സെക്രട്ടറി ജോമോൻ ജോസ് ഉദ്ഘാടനം ചെയ്തു. ജില്ലാ പ്രസിഡന്‍റ് വിജിൽ മോഹനൻ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി രാഹുൽ വെച്ചിയോട്ട്, മുഹ്സിൻ കാതിയോട്, ഫർസിൻ മജീദ്, റിൻസ് മാനുവൽ സുധീഷ് വെള്ളച്ചാൽ, മഹിത മോഹൻ, അശ്വിൻ സുധാകർ, മിഥുൻ മാറോളി, അക്ഷയ് പറവൂർ, ജീന ഷൈജു, ശ്രുതി റിജേഷ്, പ്രിനിൽ മധുക്കോത്ത്, രാഹുൽ മെക്കിലേരി, എം.കെ. വരുൺ പ്രീൻസ് പി. ജോർജ്, ജിതിൻ കൊളപ്പ, അമൽ കുറ്റിയാറ്റൂർ, നിധിൻ നടുവനാട്, റിജിൻ രാജ് എന്നിവർ പ്രസംഗിച്ചു.

ആര്‍എസ്എസും ബിജെപിയും ഫാസിസ്റ്റുകളാണെന്നതിൽ കമ്യൂണിസ്റ്റ് പാർട്ടിക്ക് സംശയമില്ല: ബിനോയ് വിശ്വം

കണ്ണൂര്‍: ആര്‍എസ്എസും ബിജെപിയും ഫാസിസ്റ്റുകളാണെന്ന കാര്യത്തില്‍ കമ്യൂണിസ്റ്റ് പാർട്ടിക്ക് സംശയമില്ലെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. സിപിഐ ജില്ലാ സമ്മേളനത്തിന്‍റെ ഭാഗമായുള്ള പ്രതിനിധിസമ്മേളനം കണ്ണൂർ നവനീതം ഓഡിറ്റോറിയത്തിൽ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. മുസ്‌ലിങ്ങളെയും ക്രിസ്ത്യാനികളെയും കമ്യൂണിസ്റ്റുകളെയും ഇല്ലാതാക്കുന്നത് ലക്ഷ്യമായി പ്രഖ്യാപിച്ചവരാണ് ആര്‍എസ്എസ്. അവരുടെ രാഷ്‌ട്രീയ പാര്‍ട്ടിയാണ് ബിജെപി.അതുകൊണ്ട് തന്നെ ഇവര്‍ ഫാസിസ്റ്റാണോ അതല്ല അര്‍ധ ഫാസിസ്റ്റാണോ എന്ന് തങ്ങള്‍ക്ക് സംശയമൊന്നുമില്ല. അവര്‍ ഫാസിസ്റ്റ് തന്നെയാണ്. സംശയമുള്ളവര്‍ക്ക് അവരുടെ പുസ്‌തകങ്ങള്‍ വായിച്ച് നോക്കാവുന്നതാണെന്നും അദ്ദേഹം പറഞ്ഞു. ഏത് പള്ളി പൊളിക്കണം എത് അമ്പലം പുതുക്കണം എന്നതാണ് ബിജെപി ലക്ഷ്യം. ഇന്നത്തെ മുഖ്യമായ രാഷ്‌ട്രീയ കടമ ഫാസിസത്തെ ചെറുക്കുകയും അധികാരത്തില്‍ നിന്ന് താഴെയിറക്കുകയുമാണ്. ആര്‍എസ്എസിന്‍റെ ഭാരത്മാതാ വാദം പച്ചക്കള്ളമാണ്. ആര്‍എസ്എസിന്‍റെ ആശയങ്ങളൊന്നും അവരുടേതല്ല. അവര്‍ക്ക് വഴി കാണിച്ചത്. മുസോളിനിയും ഹിറ്റ്ലറുമാണ്. ഭരണഘടനയില്‍ നിന്ന് മതേതരത്വവും സോഷ്യലിസവും ഒഴിവാക്കണമെന്ന് ആര്‍എസ്എസും ബിജെപിയും ഇന്ന് ഉറക്കെ പറയാന്‍ തുടങ്ങിയത് രാജ്യം ജാഗ്രതയോടെ കാണണം. സിപിഐ ചര്‍ച്ചകളെ വിലക്കുന്ന പാര്‍ട്ടിയല്ലെന്ന് ബിനോയ് വിശ്വം പറഞ്ഞു. പാര്‍ട്ടി ഘടകത്തില്‍ ഏത് സഖാവിനും അഭിപ്രായം പറയാം. അതാണ് വേണ്ട രീതി. വിമര്‍ശനങ്ങള്‍ പാര്‍ട്ടിക്കകത്ത് പറയണം. അങ്ങനെയുള്ള ചര്‍ച്ചകള്‍ സാധ്യമായിരിക്കെ അങ്ങാടിയില്‍ പറയുന്നത് പാര്‍ട്ടിക്കകത്ത് കുത്തിത്തിരിപ്പുണ്ടാക്കാന്‍ വേണ്ടിയാകരുത്. ശത്രുക്കള്‍ക്ക് അവസരമുണ്ടാക്കാനാണ് അത്തരം പരസ്യവിമര്‍ശനം സഹായകമാകുക. സമൂഹമാധ്യമങ്ങള്‍ ജനങ്ങള്‍ക്ക് വേണ്ടിയാകണമെന്നും അദ്ദേഹം പറഞ്ഞു. സിപിഐയില്‍ മെംബര്‍ഷിപ്പ് കുറഞ്ഞുവെന്നാണ് ഒരു മാധ്യമത്തില്‍ വന്ന വാര്‍ത്ത. മെംബര്‍ഷിപ്പ് സംബന്ധിച്ച് സ്‌ക്രൂട്ടിനി നടന്നുപോലുമില്ല. മെംബര്‍ഷിപ്പ് കുറഞ്ഞതും കൂടിയതും സിപിഐക്ക് പ്രശ്‌നമല്ല. മൂല്യബോധമുള്ളവര്‍ക്കാണ് അംഗത്വം നല്‍കുന്നത്.അല്ലാതെ വോട്ടര്‍ലിസ്റ്റ് നോക്കിയല്ല. കോട്ടയം മെഡിക്കല്‍ കോളജിലെ കെട്ടിടം തകര്‍ന്ന് ഒരാള്‍ മരിച്ചത് സര്‍ക്കാരിനെ അടിക്കാനുള്ള വടിയായി പ്രതിപക്ഷം ഉപയോഗിക്കുകയാണ്. സര്‍ക്കാര്‍ കുടുംബത്തോടൊപ്പമുണ്ടാകുമെന്ന് അദ്ദേഹം പറഞ്ഞു. ജില്ലാ സെക്രട്ടറി സി.പി. സന്തോഷ് കുമാര്‍ അധ്യക്ഷത വഹിച്ചു. പി.സന്തോഷ്‌കുമാര്‍ എംപി, മന്ത്രി ജി.ആര്‍.അനില്‍, കെ.പി. രാജേന്ദ്രന്‍, പന്ന്യന്‍ രവീന്ദ്രന്‍, ഇ. ചന്ദ്രശേഖരന്‍ എംഎല്‍എ , സത്യന്‍ മൊകേരി, പി. വസന്തം, ആര്‍. രാജേന്ദ്രന്‍, സി.പി. മുരളി, സി.എന്‍. ചന്ദ്രന്‍, സി.പി. ഷൈജന്‍, കെ. എം. സപ്ന, സി. വിജയന്‍, എന്‍. ഉഷ പ്രസംഗിച്ചു. കെ.വി. ഗംഗാധരന്‍ പതാക ഉയര്‍ത്തി. സമ്മേളനം ഇന്ന് സമാപിക്കും. ജില്ല സെക്രട്ടറിയായി സി.പി. സന്തോഷ്കുമാർ തന്നെ തുടരനാണ് സാധ്യത. പ്രവർത്തന റിപ്പോർട്ടിൽ പാർട്ടി മന്ത്രിമാർക്കടക്കം വിമർശനം കണ്ണൂർ: സിപിഐ കണ്ണൂർ ജില്ലാ സമ്മേളനത്തിൽ അവതരിപ്പിച്ച പ്രവർത്തന റിപ്പോർട്ടിൽ പാർട്ടി മന്ത്രിമാരടക്കമുള്ളവർക്ക് നിശിത വിമർശനം. മന്ത്രി ജി.ആർ. അനിൽ, സംസ്ഥാന സെക്രട്ടറി ബിനോയ് വിശ്വം എന്നിവരടക്കം വേദിയിലിക്കെയാണ് വിമർശനം ഉന്നയിച്ചുള്ള പ്രവർത്തന റിപ്പോർട്ട് അവതരിപ്പിച്ചത്. മന്ത്രിമാർ ഭാവനാസന്പന്നരായി പദ്ധതികൾ ആവിഷ്കരിക്കുന്നതല്ലാതെ അവ പൂർണതയിലെത്തിക്കുന്നതിൽ വിജയിക്കുന്നില്ലെന്നാണ് പ്രധാന വിമർശനം. മാവേലി സ്റ്റോറുകളിലെ അവശ്യവസ്തുക്കൾ ലഭിക്കാത്തത് വകുപ്പ് കൈയാളുന്ന പാർട്ടിയുടെയും സർക്കാരിന്‍റെയും ശോഭ കെടുത്തി. ഒരു കാലത്ത് സിപിഐയുടെ മന്ത്രിമാരോട് കക്ഷിരാഷ്‌ട്രീയത്തിനതീതമായി ജനങ്ങൾക്ക് താത്പര്യമുണ്ടായിരുന്നു. മറ്റു മന്ത്രിമാരിൽ നിന്നും വേറിട്ട രീതിയിലായിരുന്നു സിപിഐ മന്ത്രിമാരെ ജനം കണ്ടതെങ്കിൽ ഇന്ന് അക്കാര്യത്തിൽ മാറ്റമുണ്ടായിട്ടുണ്ട്. ഇത് എന്തുകൊണ്ടാണെന്ന് പരിശോധിച്ച് തിരുത്തണമെന്നും റിപ്പോർട്ടിൽ ആവശ്യപ്പെടുന്നു. സർക്കാരിനും മന്ത്രിമാർക്കുമെതിരെ ഉയരുന്ന വിമർശനങ്ങളിൽ അസന്തുഷ്ടി പ്രകടിപ്പിക്കുന്നത് ശരിയായ രീതിയല്ല. വിമർശനങ്ങൾ ഉൾക്കൊണ്ട് തിരുത്തേണ്ടത് തിരുത്തണം. വിമർശനങ്ങളെ വികസനവിരുദ്ധമെന്നും രാഷ്‌ട്രീയ പ്രേരിതമെന്ന് പറഞ്ഞ് തള്ളുന്നത് ഇടതുപക്ഷ നിലപാടല്ലെന്ന് മന്ത്രിമാരും സർക്കാരും ഉൾക്കൊള്ളണം. ചില ഉപജാപക വൃന്ദങ്ങൾ സർക്കാരിൽ സ്വാധീനം ചെലുത്തുന്നത് കണ്ടില്ലെന്ന് നടിക്കാനാവില്ല. ഇത് സർക്കാരിന്‍റെയും മന്ത്രിമാരുടെയും പ്രതിഛായയ്ക്ക് മങ്ങലേൽപ്പിക്കുന്നു. മന്ത്രിമാർ പൊതുജനങ്ങൾക്ക് മാതൃകയാകുന്ന രീതിയിൽ ലളിത ജീവിതം നയിക്കണം. നിരവധി ജനോപകാര പ്രദങ്ങളായ പദ്ധതികൾ സർക്കാർ നടപ്പാക്കുന്നുണ്ടെങ്കിലും കാർഷിക ക്ഷേമ ബോർഡ്, ക്ഷേമനിധി ബോർഡുകളിലുള്ള പ്രശ്നങ്ങൾ പരിഹരിക്കാനാകാത്തത് വലിയ പ്രതിസന്ധിയാണ്. പതിനായിരങ്ങൾ വരുന്ന സാധാരണക്കാരെയാണ് ബാധിക്കുന്നത്. ഈ പ്രശ്നങ്ങൾ എത്രയും പെട്ടെന്ന് പരിഹരിച്ച് ജനങ്ങളെ ചേർത്തു നിർത്താനുള്ള പ്രവർത്തനം സർക്കാരിന്‍റെ ഭാഗത്ത് നിന്നുണ്ടാവണം. കേന്ദ്രം കേരളത്തോട് വിവേചനപരമായ നിലപാടുകൾ കൈക്കൊള്ളുന്പോഴേല്ലം ഇടത് സർക്കാർ അത് മറികടക്കാൻ ജനപക്ഷത്ത് നിന്ന് പ്രവർത്തിച്ച് വിജയിക്കുന്നുവെന്നത് അഭിനന്ദാർഹമാണെന്നും റിപ്പോർട്ടിൽ പറയുന്നു. കണ്ണൂർ ജില്ലയിൽ മുൻകാലങ്ങളിൽ നിന്ന് വ്യത്യസ്തമായി സിപിഎം മുന്നണിക്കകത്ത് തങ്ങളുടെ മർക്കട മുഷ്ടി ഉപേക്ഷിച്ചിട്ടുണ്ടെന്ന് ജില്ലയെ കുറിച്ച് പ്രതിപാദിക്കുന്ന റിപ്പോർട്ടിൽ പറയുന്നു. ഇത് സിപിഐ-സിപിഎം ബന്ധം മെച്ചപ്പെടുത്താൻ സഹായിച്ചിട്ടുണ്ടെന്നും റിപ്പോർട്ടിൽ ചൂണ്ടിക്കാട്ടുന്നു.അതേസമയം രാഷ്‌ട്രീയ പാർട്ടിയുടെ മറ ഉപയോഗിച്ച് ചിലർ ക്വട്ടേഷൻ, ഗുണ്ടാ പ്രവർത്തനങ്ങൾ നടത്തുന്നത് തടയേണ്ടതുണ്ട്. ജില്ലയിൽ രാ‌ഷ്‌ട്രീയ അക്രമങ്ങളും കൊലപാതകങ്ങളും കുറഞ്ഞിട്ടുണ്ടെങ്കിലും പൂർണമായും ഇല്ലാതായെന്ന് പറയാനാവില്ലെന്നും റിപ്പോർട്ടിലുണ്ട്.

ഫാ. സ്റ്റാൻ സ്വാമി മനുഷ്യാവകാശങ്ങൾക്ക് നിലകൊണ്ട വ്യക്തിത്വം: ബിഷപ് ഡോ. ഡെന്നിസ് കുറുപ്പശേരി

കണ്ണൂർ: ആദിവാസികൾക്കും മനുഷ്യാവകാശ പ്രവർത്തനങ്ങൾക്കും വേണ്ടി നിലകൊണ്ട വ്യക്തിത്വമായിരുന്നു ഫാ. സ്റ്റാൻ സ്വാമിയുടേതെന്ന് കണ്ണൂർ രൂപത സഹായമെത്രാൻ ഡോ. ഡെന്നിസ് കുറുപ്പശേരി. കേരള ലാറ്റിൻ കാത്തലിക് അസോസിഷേൻ (കെഎൽസിഎ) കണ്ണർ രൂപതയുടെ നേതൃത്വത്തിൽ ബിഷപ്സ് ഹൗസിൽ സംഘടിപ്പിച്ച ഫാ. സ്റ്റാൻ സ്വാമി അനുസ്മണ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു ബിഷപ്. സത്യത്തിനും നീതിക്കും വേണ്ടി പോരാടിയ ഫാ. സ്റ്റാൻ സ്വാമിയുടെ രക്തസാക്ഷിത്വം ക്രിസ്തു സ്നേഹത്തിന്‍റെ ഉത്തമ പ്രതീകമാണ്. അനേകർക്ക് പ്രചോദനമായ അദ്ദേഹം മനുഷ്യഹൃദയങ്ങളിൽ കാലങ്ങളോളം ജീവിക്കുമെന്നും ഡോ. ഡെന്നിസ് കുറുപ്പശേരി പറഞ്ഞു. ബിഷപ്പിന്‍റെ നേതൃത്വത്തിൽ സ്റ്റാൻ സ്വാമിയുടെ ഛായാചിത്രത്തിൽ പുഷ്പാർച്ചന നടത്തി. കെ എൽസിഎ കണ്ണൂർ രൂപത പ്രസിഡന്‍റ് ഗോഡ്സെൻ ഡിക്രൂസ് അധ്യക്ഷത വഹിച്ചു. കണ്ണൂർ രൂപത വികാരി ജനറാൾ മോൺ. ഡോ. ക്ലാരൻസ് പാലിയത്ത്, കെഎൽസിഎ രൂപത ഡയറക്ടർ ഫാ. മാർട്ടിൻ രായപ്പൻ, സംസ്ഥാന ട്രഷറർ രതീഷ് ആന്‍റണി, മുൻ സംസ്ഥാന പ്രസിഡന്‍റ് ആന്‍റണി നൊറോണ, സംസ്ഥാന സെക്രട്ടറി ജോൺ ബാബു, കെഎൽസി ഡബ്ല്യുഎ സംസ്ഥാന പ്രസിഡന്‍റ് ഷേർലി സ്റ്റാൻലി, രൂപത ജനറൽ സെക്രട്ടറി ശ്രീജൻ ഫ്രാൻസിസ്, ട്രഷറർ ക്രിസ്റ്റഫർ കല്ലറയ്ക്കൽ, കെ.എച്ച്. ജോൺ, എലിസബത്ത് കുന്നത്ത് എന്നിവർ പ്രസംഗിച്ചു.

അസ്ന വിവാഹിതയായി; അനുഗ്രഹം ചൊരിഞ്ഞ് നാടൊന്നാകെ

കൂത്തുപറമ്പ്: ഡോ. അസ്ന ഇനി പുതുജീവിതത്തിലേക്ക്. രാഷ്‌ട്രീയ സംഘർഷത്തിനിടെയുണ്ടായ ബോംബേറിൽ കാൽ നഷ്ടപ്പെട്ട ചെറുവാഞ്ചേരി പൂവ്വത്തൂരിലെ തരശിപറമ്പത്ത് വീട്ടിൽ ഡോ. അസ്ന വിവാഹിതയായി. ആലക്കോട് സ്വദേശിയും ഷാർജയിൽ എൻജിനിയറുമായ നിഖിലാണ് ഇന്നലെ അസ്നയുടെ കഴുത്തിൽ താലികെട്ടിയത്. നിരവധിപേരാണ് ധന്യനിമിഷത്തിന് സാക്ഷ്യം വഹിക്കാൻ എത്തിയത്. കലുഷിതമായ അക്രമരാഷ്‌ട്രീയത്തിന്‍റെ അതിജീവന കഥയാണ് അസ്‌നയുടേത്. ചെറുവാഞ്ചേരിയിലെ വീട്ടുമുറ്റത്ത് കളിപ്പാട്ടങ്ങള്‍ക്കു നടുവിലേക്ക് വീണൊരു ബോംബാണ് അസ്‌നയുടെ വലതുകാല്‍ തകർത്തത്. അമ്മ ശാന്തയ്ക്കും അനുജന്‍ ആനന്ദിനും അന്ന് ഗുരുതരമായി പരിക്കേറ്റു. വീഴാനൊരുക്കമല്ലാതിരുന്ന അസ്‌നയുടെ ഓരോ ചുവടിലും നാടൊന്നാകെ കരുത്തു പകര്‍ന്നു. രാഷ്‌ട്രീയ വൈരത്തെ സ്‌നേഹം കൊണ്ടവര്‍ തോല്പിച്ചുകൊണ്ടേയിരുന്നു. കോഴിക്കോട് മെഡിക്കൽ കോളേജിൽ നിന്ന് 2013 ൽ അസ്ന എംബിബിഎസ് നേടി.അന്ന് രാഷ്ട്രീയ സംഘർഷം നടന്ന പൂവത്തൂര്‍ എല്‍പി സ്‌കൂളിനു മുന്നിലായി ഒരുക്കിയ പന്തലിലാണ് അസ്‌ന വിവാഹിതയായത്. വിവാഹദിനത്തിൽ അനുഗ്രഹം നൽകാൻ അച്ഛന്‍ നാണുവില്ലെന്ന ദുഃഖം മാത്രമാണ് അസ്‌നയ്ക്ക് ബാക്കിയുള്ളത്. ദമ്പതികളെ ആശീർവദിക്കാൻ കെപിസിസി പ്രസിഡന്‍റ് സണ്ണി ജോസഫ് എംഎൽഎ, എം.കെ. രാഘവൻ എംപി, ഷാഫി പറമ്പിൽ എംപി, കെ.കെ. ശൈലജ എംഎൽഎ, ഖാദി ബോർഡ് വൈസ് ചെയർമാൻ പി. ജയരാജൻ, എഐസിസി അംഗം വി.എ. നാരായണൻ, കെപിസിസി സെക്രട്ടറി സജീവ് മാറോളി, ഡിസിസി പ്രസിഡന്‍റ് മാർട്ടിൻ ജോർജ്, കെപിസിസി അംഗം വി. സുരേന്ദ്രൻ, ഡിസിസി സെക്രട്ടറി ഹരിദാസ് മൊകേരി, കെപിഎസ്ടിഎ മുൻ സംസ്ഥാന വൈസ് പ്രസിഡന്‍റ് കെ. രമേശൻ, യൂത്ത് കോൺഗ്രസ്‌ സംസ്ഥാന മുൻ വൈസ് പ്രസിഡന്‍റ് റിജിൽ മാക്കുറ്റി, കണ്ണൂർ നഗരസഭ സ്ഥിരം സമിതി അധ്യക്ഷൻ സുരേഷ് ബാബു എളയാവൂർ, സിപിഐ ജില്ലാ അസിസ്റ്റന്‍റ് സെക്രട്ടറി എ. പ്രദീപൻ, ആർജെഡി ജില്ലാ സെക്രട്ടറി എൻ. ധനഞ്ജയൻ തുടങ്ങി വിവിധ രാഷ്‌ട്രീയ പാർട്ടി പ്രതിനിധികൾ ഉൾപ്പടെയുള്ളവർ എത്തിയിരുന്നു

കണ്ണൂരില്‍ ഗവര്‍ണര്‍ക്ക് നേരേ കെഎസ്‌യു കരിങ്കൊടി

കണ്ണൂർ: കണ്ണൂരില്‍ ഗവര്‍ണര്‍ രാജേന്ദ്ര അർലേക്കര്‍ക്ക് നേരെ കെഎസ് യു പ്രവർത്തകർ കരിങ്കൊടി വീശി. കണ്ണൂർ സ്റ്റേറ്റ് ബാങ്ക് പരിസരത്തായിരുന്നു കരിങ്കൊടി കാണിച്ചത്. ഗവർണർ ഗസ്റ്റ് ഹൗസില്‍ നിന്ന് തളിപ്പറമ്പിലെ രാജരാജേശ്വരി ക്ഷേത്രത്തിലെ പരിപാടിക്ക് പോകുകയായിരുന്നു. ജില്ലാ പ്രസിഡന്‍റ് എം.സി അതുൽ, സംസ്ഥാന ജനറൽ സെക്രട്ടറി ഫർഹാൻ മുണ്ടേരി, പ്രകീർത്ത് മുണ്ടേരി എന്നിവരെ സംഭവസ്ഥലത്ത് നിന്ന് പോലീസ് അറസ്റ്റ് ചെയ്ത് നീക്കി. സർവകലാശാലകളിൽ സംഘപരിവാർ അജണ്ട നടപ്പിലാക്കാൻ ശ്രമിക്കുകയും ഉന്നത വിദ്യാഭ്യാസ മേഖലയുടെ നിലവാരം തകർക്കുന്ന രീതിയിൽ അനാവശ്യ വിവാദങ്ങളുടെയും രാഷ്‌ട്രീയ താത്പര്യങ്ങളുടെയും തർക്കങ്ങളുടെയും സംഘർഷഭരിതമായ വേദിയാക്കി വിദ്യാഭ്യാസ സ്ഥാപനങ്ങളെ മാറ്റുന്നതിൽ പ്രതിഷേധിച്ചാണ് കരിങ്കൊടി കാണിച്ചത്.

സനാതന ധർമം പഠിപ്പിക്കാൻ ക്ഷേത്രങ്ങളിൽ സ്കൂളുകൾ സ്ഥാപിക്കണം: ഗവർണർ

തളിപ്പറമ്പ്: എല്ലാ ക്ഷേത്രങ്ങളിലും നിർബന്ധമായും സനാതന ധർമം പഠിപ്പിക്കാൻ സ്കൂളുകൾ സ്ഥാപിക്കണമെന്ന് കേരള ഗവർണർ രാജേന്ദ്ര വിശ്വനാഥ് അർലേക്കർ. കൂടാതെ ഗോശാലകളും ആശുപത്രിയും ആരംഭിക്കണമെന്നും അദ്ദേഹം പറഞ്ഞു. തളിപ്പറമ്പ് രാജരാജേശ്വര ക്ഷേത്രത്തിൽ വെങ്കല ശിവ ശില്പം അനാച്ഛാദനം ചെയ്തു പ്രസംഗിക്കുകയായിരുന്നു ഗവർണർ.എനിക്കും എന്‍റെ കുടുംബത്തിനും ജീവിതത്തിലെ അഭിമാനകരമായ നിമിഷമാണ് ഇന്ത്യയിലെ ഏറ്റവും ഉയരം കൂടിയ പ്രതിമ അനാച്ഛാദനം ചെയ്യാൻ കിട്ടിയ അവസരമെന്നും ഗവർണർ പറഞ്ഞു. ഇന്നലെ വൈകുന്നേരം ക്ഷേത്ര പരിസരത്ത് നടന്ന ചടങ്ങിൽ ടിടികെ ദേവസ്വം പ്രസിഡന്‍റ് ടി.പി വിനോദ് കുമാർ അധ്യക്ഷത വഹിച്ചു. മിസോറാം ഗവർണർ കുമ്മനം രാജശേഖരൻ, കൈതപ്രം ദാമോദരൻ നമ്പൂതിരി, മലബാർ ദേവസ്വം ബോർഡ് കമ്മീഷണർ ബിജു ടി.ചന്ദ്രശേഖരൻ, കമൽ കുന്നിരാമത്ത്, ടി.എസ്. സുരേഷ് കുമാർ എന്നിവർ പ്രസംഗിച്ചു. 14 അടി ഉയരമുള്ള ശില്പം പ്രശസ്ത ശില്പി ഉണ്ണി കാനായി മൂന്നര വർഷമെടുത്താണ് പൂർത്തിയാ ക്കിയത്. 4200 കിലോയാണ് ശില്പത്തിന്‍റെ ഭാരം. ആദ്യം കളിമണ്ണിൽ തീർത്ത ശില്പം പ്ലാസ്റ്റർ ഓഫ് പാരീസിൽ മോൾഡ് എടുത്ത് മെഴുകിലേക്ക് രൂപമാറ്റം വരുത്തി വെങ്കലത്തിലേക്ക് കാസ്റ്റ് ചെയ്യുകയാ യിരുന്നു. ഒരു കൈ അരയിൽ ഊന്നി വലതുകൈ കൊണ്ട് അനുഗ്രഹിക്കുന്ന വിധത്തിലാണ് ശില്പം. കിഴക്കേനടയിൽ ആലിൻ ചുവട്ടിൽ സ്ഥാപിച്ച ശില്പത്തോടൊപ്പം മനോഹരമായ പൂന്തോട്ടവും അലങ്കാര ദീപങ്ങളും ഒരുക്കിയിട്ടുണ്ട്.

നടനാക്കിയത് പുസ്തകങ്ങളും വായനശാലകളും: ഇന്ദ്രൻസ്

കണ്ണൂർ: പുസ്തകങ്ങൾ തന്ന അറിവുകൾ വച്ചാണ് ലോകം കാണുന്നതും സിനിമയിൽ അഭിനയിക്കു ന്നതെന്നും ഒരുപാട് പുസ്തകങ്ങൾ വായിച്ച് അതിലെ കഥാപാത്രങ്ങളെ താൻ മോഷ്ടിച്ച് അഭിനയിക്കാ റുണ്ടെന്നും സിനിമാതാരം ഇന്ദ്രൻസ്. പീപ്പിൾസ് മിഷൻ ഫോർ സോഷ്യൽ ഡെവലപ്പ്മെന്‍റിന്‍റെ 2024 ലെ പീപ്പിൾസ് അവാർഡ് ദാന ചടങ്ങിൽ പങ്കെടുക്കുകയായിരുന്നു അദ്ദേഹം. തനിക്കറിയാവുന്നതിൽ സിനിമ ലോകത്തിൽ ഏറ്റവും കൂടുതൽ വായന ശീലമുള്ള വ്യക്തിയാണ് ഇന്ദ്രൻസ് എന്ന് സാഹിത്യകാരൻ ടി. പദ്മനാഭൻ പരിപാടി ഉദ്ഘാടനം ചെയ്തുകൊണ്ട് പറഞ്ഞു. കണ്ണൂർ ജില്ലാ പഞ്ചായത്ത്‌ ഹാളിൽ നടന്ന പരിപാടിയിൽ പീപ്പിൾസ് മിഷൻ ചെയർമാനുമായ ഡോ. വി ശിവദാസൻ എംപി അധ്യക്ഷത വഹിച്ചു. മയ്യിൽ സഫ്‌ദർ ഹാഷ്മി ഗ്രന്ഥാലയവും, പെരളം എകെജി വായനശാലയുമാണ് മികച്ച വായനശാല കളായി തെരഞ്ഞെടുക്കപ്പെട്ടത്. പിണറായി സി മാധവൻ സ്മാരക വായനശാല സെക്രട്ടറി വി. പ്രദീപൻ മികച്ച ലൈബ്രറി സെക്രട്ടറിക്കുള്ള അവാർഡിന് അർഹമായി. ചെറുതാഴം ഭഗത് സിംഗ് സാംസ്കാരിക വേദി ലൈബ്രേറിയൻ പി. വിപിനയാണ് മികച്ച ലൈബ്രേറിയൻ. ടി. പദ്മനാഭനും ഇന്ദ്രൻസും ചേർന്ന് ഇവർക്കുള്ള പുരസ്‌കാരദാനം നിർവഹിച്ചു. തുടർന്ന് ടി. പദ്മനാഭനെയും ഇന്ദ്രൻസിനെയും ജില്ലാ പഞ്ചായത്ത് വൈസ് പ്രസിഡന്‍റ് ബിനോയ് കുര്യനും ജില്ലാ ലൈബ്രറി കൗൺസിൽ പ്രസിഡന്‍റ് മുകുന്ദൻ മഠത്തിലും ചേർന്ന് ആദരിച്ചു. ഗ്രാമീണ മേഖലയിലെ എ പ്ലസ് ഡിജിറ്റൽ എസി ലൈബ്രറിയും 40 ൽ അധികം അവാർഡുകൾ കരസ്ഥമാക്കിയ ലൈബ്രറിയാണ് മയ്യിൽ സഫ്‌ദർ ഹാഷ്മി ഗ്രന്ഥാലയം. രക്ത ദാനം, യോഗ ക്യാമ്പ്, റീഡിംഗ് തിയേറ്റർ എന്നിങ്ങനെ നിരവധി പ്രവർത്തങ്ങൾ നടത്തുന്ന വായനശാലയാണ് പെരളം എകെജി വായനശാല. വിവിധ ലൈബ്രറികൾക്ക് 10,000 രൂപ വിലയുള്ള പുസ്തകങ്ങൾ കൈമാറി.

ചക്കരക്കല്ലിലെ വീട്ടിൽനിന്ന് തോക്കും വടിവാളുമായി യുവാവ് പിടിയിൽ

ചക്കരക്കൽ: വീട്ടില്‍ സൂക്ഷിച്ച നിലയിൽ കണ്ടെത്തിയ തോക്കും വടിവാളുമായി യുവാവിനെ പോലീസ് അറസ്റ്റു ചെയ്തു. മുണ്ടേരി കാണിച്ചേരി ചാപ്പ നിലപ്പനക്കുന്നിലെ കെ. ഗൗരീഷ് (22) ആണ് അറസ്റ്റിലായത്. ഇയാളുടെ വീട്ടില്‍നിന്ന് തോക്കും വടിവാളും മൂന്നു ഗ്രാം കഞ്ചാവുമാണ് പിടിച്ചെടുത്തത്. ചക്കരക്കല്‍ എസ്എച്ച്ഒ എം.പി. ഷാജിയുടെ നിർദേശാനുസരണം എസ്ഐമാരായ അംബുജാക്ഷൻ, പ്രേമരാജൻ, എസ്‌സിപിഒ സൂരജ്, വനിതാ പോലീസ് വിനീത എന്നിവരുടെ നേതൃത്വത്തിൽ നടത്തിയ പരിശോധനയിലാണ് ആയുധങ്ങൾ കണ്ടെത്തിയത്. എന്നാൽ ഒറിജിനൽ തോക്കെല്ല കണ്ടെത്തി യതെന്ന് സംശയമുണ്ട്. വിശദമായ പരിശോധനയിൽ മാത്രമെ ഇക്കാര്യം വ്യക്തമാകൂ. നേരത്തെ ഇരിട്ടി സ്റ്റേഷനിൽ എംഡിഎംഎ കേസിലെ പ്രതിയാണ് ഗൗരീഷ്. ഇയാൾ ജയിൽ ശിക്ഷയും അനുഭവിച്ചിരുന്ന തായി പോലീസ് പറഞ്ഞു.

കെപിസിസി പ്രസിഡന്‍റിന് സ്വീകരണം നല്കി

ഇരിട്ടി: സ്റ്റേറ്റ് സർവീസ് പെൻഷനേഴ്‌സ് അസോസിയേഷൻ പേരാവൂർ നിയോജക മണ്ഡലം കമ്മിറ്റിയുടെ നേതൃത്വത്തിൽ കെപിസിസി പ്രസിഡന്‍റായി തെരഞ്ഞെടുക്കപ്പെട്ട സണ്ണി ജോസഫ് എംഎൽഎയ്ക്ക് സ്വീകരണം നല്കി. നിയോജക മണ്ഡലം പ്രസിഡന്‍റ് എൻ. നാരായണനും സി.വി. കുഞ്ഞനന്തനും മറ്റ് ഭരവാഹികളും ചേർന്ന് സണ്ണി ജോസഫിന് ഉപഹാരം നല്കി. പരിപാടി കെപിസിസി അംഗം ചന്ദ്രൻ തില്ലങ്കേരി ഉദ്ഘാടനം ചെയ്തു. നിയോജക മണ്ഡലം പ്രസിഡന്‍റ് എൻ. നാരായണൻ അധ്യക്ഷത വഹിച്ചു. അസോസിയേഷൻ സംസ്ഥാന, ജില്ലാ ഭാരവാഹികളെ ചടങ്ങിൽ അനുമോദിച്ചു. സംസ്ഥാന പ്രസിഡന്‍റ് എം.പി. വേലായുധൻ നവാഗതരെ സ്വീകരിച്ചു.

400 കെവി ലൈന്‍ നഷ്ടപരിഹാരം: കണിച്ചാര്‍ പഞ്ചായത്ത് പ്രസിഡന്‍റിന്‍റെ നിലപാട് സംശയാസ്പദമെന്ന് കോണ്‍ഗ്രസ്

കാണിച്ചാര്‍: കരിന്തളം-വയനാട് 400 കെവി ലൈന്‍ പ്രവൃത്തിയുമായി ബന്ധപ്പെട്ട് ഭൂമിയും വീടും നഷ്ടപ്പെടുന്ന കര്‍ഷകര്‍ക്ക് അര്‍ഹമായ നഷ്ടപരിഹാരം നല്കണമെന്ന് കണിച്ചാര്‍ മണ്ഡലം കോണ്‍ഗ്രസ് കമ്മിറ്റി ആവശ്യപ്പെട്ടു. മന്ത്രി പ്രഖ്യാപിച്ച നഷ്ടപരിഹാര പാക്കേജ് അപര്യാപ്തമാണ്. കേളകം, കണിച്ചാര്‍ പഞ്ചായത്ത് പ്രസിഡന്‍റുമാര്‍ രാഷട്രിയ താത്പര്യം മാറ്റിനിര്‍ത്തി കര്‍ഷകര്‍ക്ക് അര്‍ഹമായ നഷ്ടപരിഹാരം നേടിക്കൊടുക്കാന്‍ തയാറകണമെന്ന് കോണ്‍ഗ്രസ് കണിച്ചാര്‍ മണ്ഡലം കമ്മറ്റി ആവശ്യപ്പെട്ടു. തിരുവനന്തപുരത്ത് നടന്ന ചര്‍ച്ചയില്‍ കണിച്ചാര്‍ പഞ്ചായത്തിലെ ജനങ്ങള്‍ക്കൊപ്പം നിന്ന് അവര്‍ക്ക് വേണ്ടി നിലകൊള്ളേണ്ട കണിച്ചാര്‍ പഞ്ചായത്ത് പ്രസിഡന്‍റ് യോഗത്തില്‍ നിന്നും വിട്ട് നിന്നത് സംശയം ജനിപ്പിക്കുന്നു. മണ്ഡലം പ്രസിഡന്‍റ് ചാക്കാ തൈക്കുന്നേല്‍ അധ്യക്ഷത വഹിച്ചു. മൈക്കിള്‍ ടി. മാലത്ത്, സണ്ണി മേച്ചേരി, ലിസമ്മ ജോസഫ്, ജോജന്‍ എടത്താഴെ, സുനി ജസ്റ്റിന്‍, സുരേഖ സജി, ആദര്‍ശ് തോമസ്, ജോസിലിന്‍ ബിനു എന്നിവർ പ്രസംഗിച്ചു.

ഒന്നരക്കിലോ കഞ്ചാവുമായി മഹാരാഷ്‌ട്ര സ്വദേശി അറസ്റ്റിൽ

കണ്ണൂർ: എക്സൈസ് സംഘത്തിന് ലഭിച്ച രഹസ്യ വിവരത്തെ തുടർന്നുള്ള റെയ്ഡിൽ ഒന്നര കിലോഗ്രാം കഞ്ചാവുമായി മഹാരാഷ‌്ട്ര സ്വദേശിയായ തൊഴിലാളി അറസ്റ്റിൽ. ശിവാജി ബബൻ കദമിനെയാണ് (42) എക്സൈസ് റേഞ്ച് ഇൻസ്പെക്ടർ അക്ഷയും സംഘവും അറസ്റ്റ് ചെയ്തത്. തായത്തെരുവിലെ വാടക ക്വാർട്ടേഴ്സിൽ വച്ചാണ് പ്രതിയെ അറസ്റ്റ് ചെയ്തത്. ക്വാർട്ടേഴ്സിൽ നിന്നും 1.458 കിലോഗ്രാം കഞ്ചാവും പിടിച്ചെടുത്തു. എക്സൈസ് കമ്മീഷണറുടെ സ്ക്വാഡംഗം പി. ഗണേശ് ബാബുവിന് ലഭിച്ച വിവരത്തിന്‍റെ അടിസ്ഥാനത്തിലായിരുന്നു പരിശോധന. കണ്ണൂർ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. അന്വേഷണ സംഘത്തിൽ അസി. എക്സൈസ് ഇൻസ്പെക്ടർ സി.പി. ഷനിൽകുമാർ, അസി. എക്സൈസ് ഇൻസ്പെക്ടർമാരായ (ഗ്രേഡ്), വി.പി. ഉണ്ണികൃഷ്ണൻ, എ.കെ. സന്തോഷ്, ഷജിത്ത്, പ്രിവന്‍റീവ് ഓഫീസർമാരായ (ഗ്രേഡ്) എൻ. രജിത്ത്കുമാർ, എം.സജിത്ത്, സിവിൽ എക്സൈസ് ഓഫീസർമാരായ പി.പി. ഗണേഷ് ബാബു പി.പി. നിഖിൽ, വി.കെ. അശ്വതി എന്നിവരും ഉണ്ടായിരുന്നു.

യൂത്ത് ലീഗ് റോഡ് ഉപരോധത്തിനിടെ സംഘർഷം; മൂന്നുപേരെ അറസ്റ്റു ചെയ്തു

ഇരിട്ടി: മന്ത്രി വീണ ജോർജ് രാജിവയ്ക്കണമെന്നാവശ്യപ്പെട്ട് മുസ്‌ലിം യൂത്ത് ലീഗ് പേരാവൂർ നിയോജക മണ്ഡലം കമ്മിറ്റി ഇരിട്ടി ടൗണിൽ നടത്തിയ റോഡ് ഉപരോധത്തിൽ സംഘർഷം. മൂന്നുപേരെ അറസ്റ്റു ചെയ്തു. സംഭവത്തിൽ 10 പേർക്കും കണ്ടാൽ അറിയുന്ന മറ്റ് 30 പേർക്കുമെതിരേ പോലീസ് കേസ് രജിസ്റ്റർ ചെയ്തു. സമയം കഴിഞ്ഞും ഉപരോധം അവസാനിപ്പിക്കാതെ വന്നതോടെ പ്രവർത്തകരും പോലീസും തമ്മിൽ വാക്കുതർക്കം ഉണ്ടായി. പ്രവർത്തകരെ പോലീസ് ബലം പ്രയോഗിച്ച് നീക്കി. യൂത്ത് ലീഗ് ജില്ല പ്രസിഡന്‍റ് നസീർ നല്ലൂർ ഉപരോധ സമരം ഉദ്ഘാടനം ചെയ്തു. നിയോജക മണ്ഡലം പ്രസിഡന്‍റ് ഫവാസ് പുന്നാട് അധ്യക്ഷത വഹിച്ചു.

വള്ളിത്തോട് ലയൺസ് ക്ലബ് സ്ഥാനാരോഹണവും കുടുംബ സംഗമവും

വള്ളിത്തോട്: വള്ളിത്തോട് ലയൺസ് ക്ലബ് പുതിയ ഭാരവാഹികളുടെ സ്ഥാനാരോഹണവും കുടുംബ സംഗമവും അങ്ങാടിക്കടവ് വി ആൻഡ് വി ഓഡിറ്റോറിയത്തിൽ നടത്തി. മുൻ ഡിസ്ട്രിക്ട് ഗവർണർ ഡോ. ഒ.വി. സനൽ സത്യപ്രതിജ്ഞ ചൊല്ലിക്കൊടുത്ത് പുതിയ ഭാരവാഹികളുടെ സ്ഥാനാരോഹണം നടത്തി. പ്രസിഡന്‍റ് രഞ്ജു ജോസഫ്, സെക്രട്ടറി റ്റിസി എം. തോമസ്, ട്രഷറർ സി.ജെ. തോമസ് എന്നിവർ സ്ഥാനമേറ്റു. ചടങ്ങിൽ 2024-25 വർഷത്തിൽ നീറ്റ് പരീക്ഷയിൽ ഉന്നത വിജയം കരസ്ഥമാക്കിയ അലീന ബിജു കുറുമുട്ടം, പ്ലസ്ടുവിന് ഉന്നത വിജയം കരസ്ഥമാക്കിയ ആഷർ ജോസഫ് കുറമുട്ടം, ജോൺ എയ്നോൺ എന്നിവരെ മെമന്‍റോ നൽകി ആദരിച്ചു. ഡിസ്ട്രിക്ട് കാബിനറ്റ് മെംബർമാരായ ജോസഫ് കുര്യൻ, റോയി പുളിക്കൽ, റീജണൽ ചെയർപേഴ്സൺ എൻ.ജെ. ജോസഫ്, സോൺ ചെയർപേഴ്സൺ ജിമ്മി തോമസ്, കെ.എം. ബെന്നി, ബിജു കുറുമുട്ടം എന്നിവർ പ്രസംഗിച്ചു.

നിർമലഗിരി കോളജിൽ മെറിറ്റ് ഡേ സംഘടിപ്പിച്ചു

നിർമലഗിരി: നിർമലഗിരി കോളജിൽ (ഓട്ടോണമസ്) മെറിറ്റ് ഡേ "സഫലം- 2025' സംഘടിപ്പിച്ചു. കോളജ് ഓഡിറ്റോറിയത്തിൽ നടന്ന പരിപാടിയിൽ 2025 ൽ ബിരുദ പഠനം പൂർത്തിയാക്കി യൂണിവേഴ്സിറ്റി തലത്തിൽ ഒന്നും രണ്ടും മൂന്നും സ്ഥാനം ലഭിച്ചവരെയും എ പ്ലസ് ഗ്രേഡുകാരെയും ഡിപ്പാർട്ട്മെന്‍റ് തലത്തിൽ ആദ്യ മൂന്ന് സ്ഥാനങ്ങൾ കരസ്ഥമാക്കിയവരെയും അനുമോദിച്ചു. കവിയും ചിത്രകാരനും നോവലിസ്റ്റുമായ ഡോ. സോമൻ കടലൂർ മുഖ്യാതിഥിയായിരുന്നു. അദ്ദേഹം ഉന്നത വിജയം നേടിയ വിദ്യാർഥികളെ അനുമോദിച്ചു. കോളജ് പ്രിൻസിപ്പൽ ഡോ. സിസ്റ്റർ സെലിൻ മാത്യു അധ്യക്ഷത വഹിച്ചു. കോളജ് ബർസാർ റവ. ഡോ. തോമസ് കൊച്ചുകരോട്ട് അനുഗ്രഹ ഭാഷണം നടത്തി. നിർമലഗിരി കോളജ് മുൻ പ്രിൻസിപ്പൽ ഡോ. ടി.കെ. സെബാസ്റ്റ്യൻ, ഐക്യുഎസി കോ-ഓർഡിനേറ്റർ റവ. ഡോ. മാർട്ടിൻ ജോസഫ്, പ്രോഗ്രാം കമ്മിറ്റി കൺവീനർ ഡോ. ജയ്സൺ ജോസഫ്, ജോൺസൺ ജോർജ്, വിദ്യാർഥികളായ ഷഹാന ഷെറിൻ, അനു സജീഷ്, നിവേദിത തീർഥ എന്നിവർ പ്രസംഗിച്ചു.

കാരിക്കേച്ചർ രചനാ മത്സരം സംഘടിപ്പിച്ചു

കണ്ണൂർ: സെന്‍റ് മൈക്കിൾസ് ആംഗ്ലോ ഇന്ത്യൻ ഹയർ സെക്കൻഡറി സ്കൂൾ വിദ്യാരംഗം കലാസാഹിത്യ വേദി ആർട്സ് ക്ലബിന്‍റെ സഹകരണത്തോടെ വൈക്കം മുഹമ്മദ് ബഷീർ ചരമദിനത്തോടനു ബന്ധിച്ച് "ബഷീറും ബഷീറിന്‍റെ കഥാപാത്രങ്ങളും' എന്ന വിഷയത്തിൽ ജില്ലാതല കാരിക്കേച്ചർ രചനാ മത്സരം സംഘടിപ്പിച്ചു. ജില്ലയിലെ വിവിധ ഹൈസ്കൂൾ, ഹയർ സെക്കൻഡറി സ്കൂളുകളിൽ നിന്നായി 30 വിദ്യാർഥികൾ പങ്കെടുത്തു. എം.ആർ. അഭിനവ് (ഗവ. ഹയർ സെക്കൻഡറി സ്കൂൾ, ചെറുകുന്ന്), ഋത്വിക് എൻ സന്തോഷ് (എകെ ജി സ്മാരക ഹയർ സെക്കൻഡറി സ്കൂൾ, പെരളശേരി), കെ.വി. ശ്രാവൺ (ഗവ. ഹയർ സെക്കൻഡറി സ്കൂൾ, ചട്ടുകപ്പാറ) എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി. ഫാ. ബാസ്റ്റിൻ ജോസ് സമ്മാനങ്ങളും സർട്ടിഫിക്കറ്റുകളും വിതരണം ചെയ്തു. അധ്യാപകരായ കെ.വി. സന്തോഷ്, വി. വൈശാഖ്, എ. സജിത്ത്, വിദ്യാർഥികളായ പി. അർജുൻ, ശ്രാവൺ ശ്രീകാന്ത്, ജോഷ്വൽ രാജിനോൾഡ് എന്നിവർ നേതൃത്വം നൽകി.

ബ്രേക്ക് പോയ സർക്കാർ രാജിവയ്ക്കണം: അപു ജോൺ ജോസഫ്

ഇരിട്ടി: ബ്രേക്ക് നഷ്‌ടപ്പെട്ട് നിയന്ത്രണമില്ലാതെ ഓടുന്ന കേരള സർക്കാർ രാജിവച്ചു ജനവിധി തേടണമെന്ന് കേരള കോൺഗ്രസ് സംസ്ഥാന കോ-ഓർഡിനേറ്റർ അപു ജോൺ ജോസഫ്. കണ്ണൂരിൽ ജില്ലാ പ്രതിനിധി സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. നമ്പർ വൺ സംസ്ഥാനത്തു നിന്നു മുഖ്യമന്ത്രി ഒളിച്ചുപോയെന്നും അദ്ദേഹം പരിഹസിച്ചു. ജില്ലാ പ്രസിഡന്‍റ് റോജസ് സെബാസ്റ്റ്യൻ അധ്യക്ഷത വഹിച്ചു. കെ.എ. ഫിലിപ് മുഖ്യാതിഥിയായിരുന്നു. ജോസഫ് മുള്ളൻമട, ജോർജ് കാനാട്ട്, മാത്യു ചാണക്കാട്ടിൽ, ജയിംസ് പന്ന്യാമ്മാക്കൽ, ജോസ് നരിമറ്റം, തോമസ് തയ്യിൽ, ടെൻസൺ ജോർജ്, ജോർജ് തോമസ്, ടോമി അപ്രേം, ബേബി ഒഴുക്കനാട്ട് തുടങ്ങിവർ പ്രസംഗിച്ചു.

ഇനിയും കാത്തിരിക്കണം ; മങ്കര പാലം പ്രവൃത്തി മന്ദഗതിയിൽ

ചപ്പാരപ്പടവ്: ചപ്പാരപ്പടവ് പഞ്ചായത്തിലെ ബദരിയ നഗർ-മങ്കര പ്രദേശങ്ങളെ ബന്ധിപ്പിക്കുന്ന മങ്കര പാലത്തിന്‍റെ പ്രവർത്തി മന്ദഗതിയിൽ. വർഷങ്ങൾക്ക് മുന്പ് പ്രവൃത്തി ആരംഭിച്ച പാലം, അപ്രോച്ച് റോഡ് ഉൾപ്പെടെ 235 മീറ്റർ നീളത്തിലും 12 മീറ്റർ വീതിയിലുമാണ് പ്രവൃത്തി ആരംഭിച്ചത്. 1.5 മീറ്ററിൽ രണ്ട് വശത്തും നടപ്പാത, എട്ട് തൂണുകൾ, സുരക്ഷ മതിൽ എന്നിവയും പദ്ധതിയിൽ ഉൾപ്പെട്ടിരുന്നു. 12.8 കോടി രൂപയ്ക്കാണ് പാലത്തിന് സാങ്കേതികാനുമതി ആയത്. മലയോര മേഖലയിലെ ഒട്ടേറെ ഗ്രാമങ്ങളെ തമ്മിൽ ബന്ധിപ്പിക്കുന്ന പാലം മങ്കര വാസികളുടെ ഏറെക്കാലത്തെ പ്രയത്നത്തിനു ശേഷമാണ് പ്രവർത്തനം ആരംഭിച്ചത്. മഴ തടസം, ഒപ്പം അലംഭാവവും നിലവിൽ പാലത്തിന്‍റെ പ്രവൃത്തിക്ക് തടസമായി നിൽക്കുന്നത് മഴയാണ്. പാലത്തിന്‍റെ തൂണുകളുടെയും ബീമുകളുടെയും പണിപൂർത്തിയായതാണ്. പാലത്തിനായി എത്തിച്ച ഇരുമ്പു കമ്പികൾ കാട്ടിൽ കിടന്ന് ദ്രവിക്കുകയാണ്. കഴിഞ്ഞവർഷം ഒന്പത് ബീമുകൾ പുഴയിൽ തന്നെ ഉണ്ടാക്കി വച്ചത് ഉയർത്താൻ സാധിക്കാതെ വന്നതിനെ തുടർന്ന് ശക്തമായ മഴവെള്ളത്തിൽ ചെരിയുകയും ബലക്ഷയം സംഭവിക്കുകയും ചെയ്തിരുന്നു. ഇത് ഏറെ വിവാദങ്ങൾക്ക് കാരണമാവുകയും പിന്നീട് ഇത് നശിപ്പിക്കുകയും ചെയ്തു. അതിനുശേഷമാണ് പുതിയ ബീമുകൾ ഉണ്ടാക്കുകയും ഇത് തൂണുകളിൽമേൽ ഉയർത്തുകയും ചെയ്തത്. മഴക്കാലം ആരംഭിക്കുന്നതിന് മുന്പ്തന്നെ പാലത്തിന്‍റെ പ്രവർത്തി മന്ദഗതിയിലാണെന്ന് പ്രദേശവാസികളിൽ നിന്നു പരാതി ഉയർന്നിരുന്നു. പാലത്തിന്‍റെ കരാറുകാർക്ക് ആവശ്യത്തിന് ജീവനക്കാർ ഇല്ലായെന്നും യന്ത്രസാമഗ്രികൾ പലതും വാടകയ്ക്ക് എടുക്കേണ്ടി വരുന്നതിനാൽ കാലതാമസം നേരിടുന്നതായും നാട്ടുകാർ പറയുന്നു. ഇപ്പോൾ പാലത്തിന്‍റെ ഇരുവശവും ഉള്ള അപ്രോച്ച് റോഡുകളുടെ പ്രവൃത്തി പൂർത്തീകരിക്കാനാകും. എന്നാൽ, പേരിന് മാത്രം തൊഴിലാളികളെ നിർത്തുകയും കരാറുകാരൻ പ്രവർത്തി നടക്കുന്നുണ്ടെന്ന് കാണിച്ച് നാട്ടുകാരുടെയും അധികാരികളുടെയും കണ്ണിൽ പൊടിയിടുകയും ചെയ്യുന്നതായി ആക്ഷേപമുയരുകയാണ്.

കനത്ത മഴയിലും തളരാതെ വൈദ്യുത ഭവൻ മാർച്ച്

ആലക്കോട്: കരിന്തളം-വയനാട് 400 കെവി വൈദ്യുത ലൈനുമായി ബന്ധപ്പെട്ട ഭൂമിയും വീടും നഷ്ടപ്പെടുന്ന കർഷകർ കനത്ത മഴ വകവയ്ക്കാതെ ആലക്കോട് വൈദ്യുത ഭവനിലേക്ക് മാർച്ചും ധർണയും നടത്തി. ഭൂമിയും വീടും നഷ്ടപ്പെടുന്ന കർഷകർക്ക് മതിയായ നഷ്ടപരിഹാരം നൽകി പാക്കേജിലെ അപാകതകൾ പരിഹരിക്കണമെന്ന് ആവശ്യപ്പെട്ട് ആക്‌ഷൻ കമ്മിറ്റിയുടെ നേതൃത്വത്തിലായിരുന്നു സമരം. തിരുവനന്തപുരത്ത് വൈദ്യുതി മന്ത്രി കെ. കൃഷ്ണൻകുട്ടിയുടെ അധ്യക്ഷതയിൽ നടന്ന ചർച്ചയിൽ കെപിസിസി പ്രസിഡന്‍റ് സണ്ണി ജോസഫ്, സജീവ് ജോസഫ് എംഎൽഎ, ജില്ലാ പഞ്ചായത്ത് വൈസ് പ്രസിഡന്‍റ് ബിനോയി കുര്യൻ, പഞ്ചായത്ത് പ്രസിഡന്‍റുമാർ, ആക്‌ഷൻ കമ്മിറ്റി ഭാരവാഹികൾ എന്നിവർ പങ്കെടുത്തിരുന്നു. കമ്മിറ്റിയും ജനപ്രതിനിധികളും മുന്നോട്ടുവച്ച ആവശ്യങ്ങൾ പരിഗണിക്കാതെ ഏകപക്ഷീയമായി പാക്കേജ് പ്രഖ്യാപിച്ചത് ഭൂമി നഷ്ടപ്പെടുന്ന കൃഷിക്കാർ അംഗീകരിക്കാത്തതിനാലാണ് സമരത്തിനിറങ്ങിയതെന്ന് സമരസമിതി ഭാരവാഹികൾ പറഞ്ഞു. ഭൂമി നഷ്ടപ്പെടുന്ന കർഷകർക്ക് ടവർ നിർമിക്കുന്ന ഭൂമിക്ക് സെന്‍റിന് ഒരുലക്ഷം രൂപയും ലൈൻ കടന്നു പോകുന്ന ഭൂമിക്ക് സെന്‍റിന് 50,000 രൂപയും കിട്ടണം എന്നാണ് എംഎൽഎമാരും ആക്‌ഷൻ കമ്മിറ്റിയും മുന്നോട്ടുവച്ച നിർദേശം. വീട് പൂർണമായി നഷ്ടപ്പെടുന്ന കൃഷിക്കാർക്ക് ചതുരശ്രയടിക്ക് 2500 രൂപയും വിളകൾ മുറിച്ചു മാറ്റേണ്ടിവരുന്ന കൃഷിക്കാർക്ക് വിളകൾക്ക് ന്യായമായ നഷ്ടപരിഹാരവും കൊടുത്താൽ മാത്രമേ ഭൂമിയിൽ പ്രവർത്തിക്കാൻ അനുവദിക്കുകയുള്ളൂ എന്ന നിലപാട് മന്ത്രി വിളിച്ച യോഗത്തിൽ സമരസമിതി മുന്നോട്ടു വച്ചതാണ്. എന്നാൽ, കെഎസ്ഇബി അറിയിക്കുന്ന നഷ്ടപരിഹാരം വിഭിന്നമായതാണ് നഷ്ടപരിഹാരത്തുക തുച്ഛമാകാൻ കാരണമാകുന്നത്. കർഷകർക്ക് നഷ്ടമാകുന്നതിന്‍റെ അഞ്ചിൽ ഒന്നുപോലും ലഭ്യമാകുന്നില്ലെന്ന് സമരസമിതി ഭാരവാഹികൾ പറയുന്നു. ഈ ആവശ്യങ്ങൾ ഒന്നു പോലും പരിഗണിക്കാതെയും സർവേ പൂർത്തീകരിക്കാതെയും ഉടമകളെ വിവരം അറിയിക്കാതെയും വിളകളുടെ കണക്കെടുപ്പ് പൂർത്തീകരിക്കുകയോ ചെയ്യാതെയുമാണ് പാക്കേജ് പ്രഖ്യാപിച്ചത്. കർഷകരുടെ ഭൂമിയിൽ നിന്നു മുറിച്ചുമാറ്റേണ്ടി വരുന്ന വൃക്ഷങ്ങളുടെ എണ്ണം തിട്ടപ്പെടുത്താതെ ഓരോ കർഷകനും ലഭ്യമാക്കുന്ന തുക ഏകപക്ഷീയമായി പ്രഖ്യാപിച്ചത് കർഷകരെ കണ്ണീരിലാക്കിയിരിക്കുകയാണ്. കെഎസ്ഇബി ഉദ്യോഗസ്ഥരുടെ കള്ളക്കളികൾ അനുവദിച്ചു കൊടുക്കില്ലെന്ന് സമരസമിതി ഒറ്റക്കെട്ടായി പ്രഖ്യാപിച്ചു. കർഷകരുടെ ആവശ്യങ്ങൾ പരിഗണിക്കുകയും കർഷകരുമായി കൂടിയാലോചിച്ച് പ്രഖ്യാപിക്കുകയും തുക കർഷകരുടെ അക്കൗണ്ടിൽ വരികയും ചെയ്തതിനുശേഷമേ ഭൂമിയിൽ പ്രവൃത്തി ചെയ്യാൻ കെഎസ്ഇബിയെ അനുവദിക്കുകയുള്ളൂവെന്ന് ആക്‌ഷൻ കമ്മിറ്റി ഭാരവാഹികൾ പറഞ്ഞു. ഏക്കറു കണക്ക് സ്ഥലവും വീടും നഷ്ടപ്പെടുന്ന കർഷകർക്ക് തുച്ഛമായ തുക മാത്രം പ്രഖ്യാപിച്ച് കർഷകരെ വഞ്ചിക്കാൻ അനുവദിക്കില്ലെന്ന് സമരസമിതി പ്രഖ്യാപിച്ചു. അരങ്ങം പോലീസ് സ്റ്റേഷൻ ജംഗ്ഷനിൽ നിന്ന് കെഎസ്ഇബി ഓഫീസിലേക്ക് നടത്തിയ മാർച്ചും ധർണയും മാർക്കറ്റിംഗ് ഫെഡ് ചെയർമാൻ സോണി സെബാസ്റ്റ്യൻ ഉദ്ഘാടനം ചെയ്തു. ആക്‌ഷൻ കമ്മിറ്റി കൺവീനർ ടോമി കുമ്പിടിയമാക്കൽ അധ്യക്ഷത വഹിച്ചു. വി.എ. റഹിം, ബിജു പുളിയൻതൊട്ടി, ജോഷി കണ്ഠത്തിൽ, വി.യു. അബ്ദുള്ള, ബാബു പള്ളിപ്പുറം, അപ്പുക്കുട്ടൻ സാമ്യമഠം, സിബിച്ചൻ കളപ്പുര എന്നിവർ പ്രസംഗിച്ചു. പദ്ധതിയോട് അനുബന്ധിച്ച് വീടും കൃഷി ഭൂമിയും നഷ്ടപ്പെടുന്ന സാഹചര്യത്തിൽ ജനപ്രതിനിധികളുടെയും സമരസമിതി ഭാരവാഹികളുടെയും യോഗം ഇന്ന് ചേരും. ശ്രീകണ്ഠപുരം വ്യാപാര ഭവനിൽ വൈകുന്നേരം അഞ്ചിന് സജീവ് ജോസഫ് എംഎൽഎയാണ് യോഗം വിളിച്ചത്.

കെഎസ്ആർടിസി ബസിനു കല്ലെറിഞ്ഞ് ഡ്രൈവർക്ക് പരിക്കേറ്റ സംഭവം; സ്വകാര്യ ബസ് ക്ലീനർക്ക് കഠിന തടവും പിഴയും

കണ്ണൂർ: കാസർഗോഡ്-കണ്ണൂർ റൂട്ടിലോടുന്ന കെഎസ്ആർടിസി ബസിനു കല്ലെറിഞ്ഞ് ഡ്രൈവറുടെ ഡ്യൂട്ടി തടസപ്പെടുത്തി പൊതുമുതൽ നശിപ്പിച്ച കേസിൽ പ്രതിക്ക് തടവും പിഴയും. സ്വകാര്യ ബസ് ക്ലീനറായിരുന്ന മാതമംഗലം പെടേന കീരന്‍റകത്ത് നൗഷാദ് (39) നെയാണ് 332 ഐപിസി, 3(1)(a)പിഡിപിപി വകുപ്പ് പ്രകാരം ഒരുവർഷം കഠിന തടവിനും 5000 രൂപ പിഴയും ഡ്യൂട്ടി തടസപ്പെടുത്തി യതിന് ഒരു വർഷം വെറും തടവിനും ശിക്ഷിച്ചത്. ജാമ്യസമയം കെട്ടിവച്ച 20,000 രൂപ കെഎസ്ആർടി സിക്ക് നഷ്ടപരിഹാരമായി നല്കാനും കണ്ണൂർ അഡീഷണൽ അസിസ്റ്റന്‍റ് സെഷൻസ് കോടതി ജഡ്ജി എൻ.എസ്. രഘുനാഥ് വിധിച്ചു. എന്നാൽ 308 വകുപ്പിൽ പ്രതി കുറ്റക്കാരൻ അല്ലെന്നു കണ്ട് നൗഷാദിനെ കോടതി ഒഴിവാക്കി. തളിപ്പറമ്പ് പോലീസ് രജിസ്റ്റർ ചെയ്ത കേസിൽ പ്രോസിക്യൂഷൻ ഭാഗത്തുനിന്നു ഏഴു സാക്ഷികളെയും 12 രേഖകളും ഹാജരാക്കിയിരുന്നു. 2018 നവംബർ നാലിന് രാത്രി 9.45 നായിരുന്നു കേസിനാസ്പദമായ സംഭവം. കണ്ണൂർ -കാസർഗോഡ് റൂട്ടിലോടുന്ന കെ.എൽ15 - 9935 നമ്പർ ബസ് ഏഴാം മൈൽ എത്തിയ പ്പോൾ പ്രതി കല്ലുമായി റോഡിൽ കയറി ബസിനു നേരെ കല്ലെറിയുകയായിരുന്നു. കല്ലേറിൽ ബസിന്‍റെ മുന്നിലെ ഗ്ലാസ്‌ തകരുകയും ഡ്രൈവർക്ക് പരിക്കേൽക്കുകയും ചെയ്തു. അന്നത്തെ തളിപ്പറമ്പ് എസ്ഐ കെ. ദിനേശനാണ് അന്വേഷണം നടത്തി പ്രതികൾക്കെതിരേ കുറ്റപത്രം സമർപ്പിച്ചത്. പ്രോസിക്യൂഷനു വേണ്ടി അഡീഷണൽ പബ്ലിക് പ്രോസിക്യൂട്ടർ കെ.പി. രാജേന്ദ്ര ബാബു ഹാജരായി.

പതിനാലുകാരിയെ പീഡിപ്പിച്ച യുവാവ് അറസ്റ്റിൽ; സഹപാഠിക്കെതിരെയും കേസ്

കാഞ്ഞങ്ങാട്: ഹോസ്ദുർഗ് പോലീസ് സ്റ്റേഷൻ പരിധിയിലെ ഒൻപതാം ക്ലാസ് വിദ്യാർഥിനിയായ പതിനാലുകാരിയെ ശാരീരികമായി പീഡിപ്പിച്ചതിന് യുവാവ് അറസ്റ്റിൽ. കല്ലൂരാവി സ്വദേശി മഷൂഖി(25)നെയാണ് ഹോസ്ദുർഗ് പോലീസ് അറസ്റ്റ് ചെയ്തത്. പെൺകുട്ടിയുടെ മൊഴിയുടെ അടിസ്ഥാനത്തിൽ സഹപാഠിയായ ആൺകുട്ടിക്കെതിരെയും പോക്സോ വകുപ്പ് പ്രകാരം കേസെടുത്തു. സ്കൂളിൽ നടത്തിയ കൗൺസലിംഗിനിടെയാണ് ഇവർ ഇരുവരും രണ്ട് ദിവസങ്ങളിലായി തന്നെ ശാരീരികമായി പീഡിപ്പിച്ചിരുന്നതായി പെൺകുട്ടി വെളിപ്പെടുത്തിയത്.

മോഷണത്തിനിടെ കുഞ്ഞിനെ ചവിട്ടി രക്ഷപ്പെട്ട പ്രതി പിടിയിൽ

കുമ്പള: കവർച്ചാശ്രമത്തിനിടെ ഉറങ്ങിക്കിടന്ന കുഞ്ഞിന്‍റെ ദേഹത്ത് ചവിട്ടിയതിനെ തുടർന്നുണ്ടായ ബഹളത്തിനിടെ ഓടിരക്ഷപ്പെട്ട മോഷ്ടാവ് മണിക്കൂറുകൾക്കകം പിടിയിലായി. കുബണൂർ സഫ നഗറിലെ വാടക ഫ്ളാറ്റിൽ താമസിക്കുന്ന കയ്യാർ സ്വദേശി കലന്തർ ഷാഫി (34) യെയാണ് കുമ്പള എസ്ഐ കെ. ശ്രീജേഷും സംഘവും അറസ്റ്റ് ചെയ്തത്. വെള്ളിയാഴ്ച പുലർച്ചെ മൂന്നരയോടെയാണ് ഇയാൾ കയ്യാർ ജോഡ്കല്ലിലെ കെ. ഹരീഷിന്‍റെ വീടിന്‍റെ അടുക്കളവാതിൽ തള്ളിത്തുറന്ന് അകത്തുകയറിയത്. കിടപ്പുമുറിയിലെത്തി സാധനങ്ങൾ കവർച്ച ചെയ്യാൻ ശ്രമിക്കുന്നതിനിടയിലാണ് ഉറങ്ങിക്കിടന്ന കുഞ്ഞിന്‍റെ ദേഹത്ത് ചവിട്ടിയത്. കുഞ്ഞ് ഞെട്ടിയുണർന്ന് കരഞ്ഞതോടെ വീട്ടുകാർ ഉറക്കമുണരുകയും ഷാഫി ഓടി രക്ഷപ്പെടുകയുമായിരുന്നു. പുറത്ത് ഒരു ഓട്ടോറിക്ഷ സ്റ്റാർട്ട് ചെയ്ത് പോകുന്ന ശബ്ദം കേട്ടതായി ഹരീഷ് പറഞ്ഞതിന്‍റെ അടിസ്ഥാനത്തിൽ പോലീസ് സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് ഓട്ടോറിക്ഷയേയും ഷാഫിയേയും കണ്ടെത്തിയത്. നാലുവർഷം മുമ്പ് അഞ്ചുകിലോ കഞ്ചാവ് കടത്തിയ കേസിൽ വിചാരണ നേരിടുന്ന പ്രതിയാണ് ഷാഫിയെന്ന് പോലീസ് അറിയിച്ചു.

ആരോഗ്യ മന്ത്രി രാജിവയ്ക്കണം: റോഡ് ഉപരോധിച്ച് മുസ്‌ലിം യൂത്ത് ലീഗ്

കണ്ണൂർ: ആരോഗ്യ മന്ത്രി രാജിവയ്ക്കണമെന്ന് ആവശ്യപ്പെട്ട് മുസ്‌ലിം യൂത്ത് ലീഗ് കണ്ണൂർ മണ്ഡലം കമ്മിറ്റിയുടെ നേതൃത്വത്തിൽ റോഡ് ഉപരോധിച്ചു. കണ്ണൂർ കാൽടെക്സ് ജംഗ്ഷനിൽ നടന്ന പരിപാടിക്ക് മണ്ഡലം പ്രസിഡന്‍റ് സി.എം. ഇസുദ്ധീൻ, ജനറൽ സെക്രട്ടറി അസ്‌ലം പാറേത്ത്, താഹിർ പള്ളിപ്രം, മൻസൂർ കാനച്ചേരി, കെ.പി. നൗഷാദ്, ഫായിസ് വാരം, റഷീദ് പടന്ന, ഇർഷാദ് പള്ളിപ്രം, സൈനുദ്ധീൻ മുണ്ടേരി എന്നിവർ നേതൃത്വം നൽകി. റോഡ് ഉപരോധിച്ച യൂത്ത് പ്രവർത്തകരെ പിന്നീട് ടൗൺ പോലീസ് അറസ്റ്റ് ചെയ്തു നീക്കി.

സിഐടിയുക്കാരനെ ആർഎസ്എസ് പ്രവർത്തകർ മർദിച്ചതായി പരാതി

കൂത്തുപറമ്പ്: തൊക്കിലങ്ങാടി ടൗണിൽ സിഐടിയുക്കാരനെ ആർഎസ്എസ് പ്രവർത്തകർ മർദിച്ചതായി പരാതി. പാലായി ചിത്രാലയത്തിൽ എം.പി. നകുലിനെ (35) യാണ് ഒരു സംഘം മർദിച്ചത്. ഇയാളെ തലശേരി സഹകരണ ആശുപത്രിയിൽ പ്രവേശിപ്പിച്ചു. ഇന്നലെ വൈകുന്നേരം തൊക്കിലങ്ങാടിയിലെ മത്സ്യ സ്റ്റാളിന് സമീപം നിൽക്കവെ ഇയാളെ റോഡിന് എതിർവശം കൊണ്ടുപോയി മർദിക്കുകയായിരുന്നുവെന്നാണ് പരാതി. തലയ്ക്കും കൈയ്ക്കും പരിക്കേറ്റ നകുലിനെ കൂത്തുപറമ്പ് താലൂക്ക് ആശുപത്രിയിലെ പ്രഥമ ശുശ്രൂഷയ്ക്കു ശേഷം തലശേരി കോ-ഓപ്പറേറ്റീവ് ആശുപത്രിയിലേക്ക് മാറ്റി. സിപിഎം ജില്ലാ സെക്രട്ടേറിയറ്റ് അംഗം എം. സുരേന്ദ്രൻ ഉൾപ്പെടെയുള്ള നേതാക്കൾ നകുലിനെ ആശുപത്രിയിൽ സന്ദർശിച്ചു.

സപ്ലൈകോ പീപ്പിൾസ് ബസാറിൽ ഭക്ഷ്യമന്ത്രിയുടെ മിന്നൽ പരിശോധന

കണ്ണൂർ: സപ്ലൈകോ പീപ്പിൾസ് ബസാറിൽ ഭക്ഷ്യമന്ത്രി ജി.ആർ.അനിലിന്‍റെ മിന്നൽ പരിശോധന. ഇന്നലെ രാവിലെ 9.45 ഓടെയാണ് കണ്ണൂർ ഫോർട്ട് റോഡ് സപ്ലൈകോ പീപ്പിൾസ് ബസാറിൽ മന്ത്രി പരിശോധനയ്ക്കെത്തിയത്. സാധനങ്ങളുടെ ലഭ്യതയും ജീവനക്കാരുടെയും തൊഴിലാളികളുടെയും പ്രശ്നങ്ങളും മന്ത്രി നേരിട്ട് ചോദിച്ചറിഞ്ഞു. കണ്ണൂർ ഡിപ്പോയ്ക്കു കീഴിൽ നേരിടുന്ന വെളിച്ചെണ്ണ ലഭ്യതക്കുറവ് പരിഹരിക്കുന്നതിനുള്ള നടപടികൾ ഉടൻ സ്വീകരിക്കുമെന്ന് മന്ത്രി ഉറപ്പു നൽകി. കയറ്റിറക്ക് തൊഴിലാളി വിഷയവുമായി ബന്ധപ്പെട്ട് വെളിച്ചെണ്ണ ലഭിക്കുന്നില്ലെന്ന കാര്യം പീപ്പിൾസ് ബസാർ മാനേജർ ചൂണ്ടിക്കാട്ടിയിരുന്നു. സപ്ലൈകോ വില്പന കൂടുന്നത് ജനങ്ങൾക്ക് ആശ്വാസമേകുന്ന കാര്യമാണെന്ന് മന്ത്രി പറഞ്ഞു.എല്ലാ ഔട്ട്‌ലെറ്റുകളിലും നിലവിൽ ആവശ്യത്തിന് സാധനങ്ങൾ സ്റ്റോക്കുണ്ട്. ഓണ വിപണി മുന്നിൽ കണ്ട് സപ്ലൈകോ പ്രവർത്തനങ്ങൾ ശക്തിപ്പെടുത്തുമെന്നും മന്ത്രി പറഞ്ഞു.

വെയിംഗ് മെഷീനിൽ കൃത്രിമം നടത്തി സ്ക്രാപ്പ് വില്പന; നാലുപേരെ വളപട്ടണം പോലീസ് അറസ്റ്റ്ചെയ്തു

കണ്ണൂർ: എൻഎച്ച് 66 നിർമാണ കമ്പനിയായ വിശ്വ സമുദ്ര എൻജിനിയറിംഗ് പ്രൈവറ്റ് ലിമിറ്റഡിന്‍റെ പാപ്പിനിശേരിയിലെ സ്ക്രാപ്പ് യാർഡിൽ നിന്ന് സ്ക്രാപ്പ് വില്പനയ്ക്കിടെ തൂക്കത്തിൽ കൃത്രിമം കാണിച്ച് തട്ടിപ്പ് നടത്തിയ സംഭവത്തിൽ നാലു പേർ അറസ്റ്റിൽ. വിശ്വസമുദ്രയിലെ ജീവനക്കാരായ പി. വിഗ്നേഷ്, എസ്. രമേഷ്, ജി. വെങ്കടേഷ്, എൻ. സുനിൽ എന്നിവരെയാണ് വളപട്ടണം എസ്ഐ ടി.എൻ. വിപിന്‍റെ നേതൃത്വത്തിലുള്ള പോലീസ് സംഘം അറസ്റ്റ്ചെയ്തത്. ഇവരെ കൂടാതെ മുഖ്യപ്രതികളായ ആന്ധ്രാ സ്വദേശിയും മുൻ ജീവനക്കാരനുമായ കെ. മന്മദറാവു, സ്ഥാപനത്തിൽനിന്ന് സ്ക്രാപ്പ് വാങ്ങിക്കുന്ന ഡെൽറ്റ പവർ, എആർ ട്രേഡേഴ്സ് എന്നീ സ്ഥാപനങ്ങളുടെ ഏജന്‍റായ മുഹമ്മദലി എന്നിവർക്കായി അന്വേഷണം ഊർജിതമാക്കിയതായി പോലീസ് പറഞ്ഞു. എട്ടു മാസത്തോളമായി സംഘം നടത്തിയ തട്ടിപ്പിൽ കന്പനിക്ക് ഏകദേശം 40 ലക്ഷത്തോളം രൂപയുടെ നഷ്ടമുണ്ടായതായാണ് കണക്ക്. വെയിംഗ് മെഷീനിൽ അൾട്രേഷൻ നടത്തി തൂക്കത്തിൽ കുറവ് കാണിച്ചാണ് സംഘം തട്ടിപ്പ് നടത്തിയത്. സിസിടിവി, കന്പനിയുടെ അക്കൗണ്ട് എന്നിവ പരിശോധിച്ചപ്പോഴാണ് തട്ടിപ്പിന്‍റെ വ്യാപ്തി വ്യക്തമായത്. അന്വേഷണ സംഘത്തിൽ എസ്ഐ സുരേഷ് ബാബു, സിപിഒമാരായ തിലകേഷ്, സുമിത്ത് എന്നിവരുമുണ്ടായിരുന്നു.

നാരങ്ങക്കച്ചവടത്തിന്‍റെ മറവിൽ മയക്കുമരുന്ന്; മധ്യവയസ്കൻ അറസ്റ്റിൽ

പാപ്പിനിശേരി: വാഹനത്തിൽ ചെറുനാരങ്ങയും പച്ചക്കറികളും വിൽക്കുന്നതിന്‍റെ മറവിൽ വീട് വാടകയ്ക്കെടുത്ത് മെത്താഫിറ്റമിൻ ഉൾപ്പെടെയുള്ള മയക്കുമരുന്ന് വിൽക്കുന്നയാൾ പിടിയിൽ.പുതിയങ്ങാടി ഇട്ടമ്മൽ സ്വദേശി പി. കുഞ്ഞി അഹമ്മദിനെയാണ് (52) 3.562 ഗ്രാം മെത്തഫിറ്റമിനുമായി എക്സൈസ് സംഘം അറസ്റ്റ് ചെയ്തത്. പാപ്പിനിശേരി എക്സൈസ് റേഞ്ച് ഇൻസ്പെക്ടർ ജസീർ അലിയുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. ജില്ലയിലെ മയക്കുമരുന്ന് വിതരണ സംഘത്തിലെ പ്രധാനിയാണ് പിടിയിലായതെന്ന് എക്സൈസ് ഉദ്യോഗസ്ഥർ പറഞ്ഞു. വെങ്ങരയിൽ വാടക വീടെടുത്തായിരുന്നു മയക്കുമരുന്ന് കച്ചവടം. ലോറി ഡ്രൈവർ എന്ന നിലയിൽ അന്യസംസ്ഥാനങ്ങളിൽ പോയി ചെറുനാരങ്ങ, പച്ചക്കറികൾ എന്നിവയ്ക്കൊപ്പമാണ് മയക്കുമരുന്ന് കടത്തിക്കൊണ്ടു വരുന്നത്. കോളജ് വിദ്യാർഥികൾ ഉൾപ്പടെയുള്ളവർക്ക് മയക്കുമരുന്ന് വില്പന നടത്തിയതായി കണ്ടെത്തി. വാടക വീട്ടിൽ ലഹരിപാർട്ടികൾ നടത്താറുണ്ടെന്നും യുവതികളടക്കം എത്താറുണ്ടെന്നും എക്സൈസ് സംഘത്തിന്‍റെ അന്വേഷണത്തിൽ കണ്ടെത്തി. ഉത്തരമേഖല എക്സൈസ് കമ്മീഷണർക്ക് ലഭിച്ച രഹസ്യവിവരത്തെ തുടർന്ന് എക്സൈസ് സംഘം ഒരു മാസമായി പ്രതിയെ നിരീക്ഷിച്ചു വരികയായിരുന്നു. അസി. എക്സൈസ് ഇൻസ്പെക്ടർ പി.എം.കെ. സജിത്ത്കുമാർ, എക്സൈസ് കമ്മീഷണറുടെ സ്ക്വാഡ് അംഗം പി.പി. രജിരാഗ്, സിവിൽ എക്സൈസ് ഓഫീസർമാരായ കെ. സനിബ്, എം.കെ. വിവേക്, വനിതാ എക്സൈസ് ഓഫീസർ കെ.വി. ഷൈമ എന്നിവരും അന്വേഷണ സംഘത്തിലുണ്ടായിന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

താലൂക്ക് വികസന സമിതി : കൊട്ടിയൂർ ക്ഷേത്രത്തിലേക്കുള്ള റോഡ് വീതി കൂട്ടണം

ഇരിട്ടി: കൊട്ടിയൂർ തീർഥാടന കാലത്ത് തീർഥാടകരും പ്രദേശവാസികളും അനുഭവിച്ച ദുരിതവും 400 കെവി ലൈൻ നഷ്‍ടപരിഹാരവും താലൂക്ക് വികസന സമിതി യോഗത്തിൽ വീണ്ടും ചർച്ചയായി. കൊട്ടിയൂർ മറ്റൊരു ശബരിമലയായി മാറാൻ പോകുകയാണെന്നും അതിനുതകുന്ന അടിസ്ഥാന സൗകര്യ വികസനം പ്രദേശത്ത് ഉണ്ടാക്കണമെന്നും വികസന സമിതിയിൽ പ്രശ്‌നം ഉന്നയിച്ച കൊട്ടിയൂർ പഞ്ചായത്ത് പ്രസിഡന്‍റ് റോയി നമ്പുടാങ്കം പറഞ്ഞു. ക്ഷേത്രത്തിലേക്കുള്ള എല്ലാ റോഡുകളും വീതി കൂട്ടി നവീകരിക്കണം. പിഎംജിഎസ്‌വൈ പദ്ധതിയിൽ നവീകരിക്കുന്ന റോഡ് പോലും വികസിപ്പിക്കുന്നതിന് പൊതുമരാമത്ത് വകുപ്പ് തടസം നിൽക്കുകയാണ്. എട്ടുമീറ്റർ വീതിയിലുള്ള റോഡിൽ 3.75 മീറ്റർ മാത്രമാണ് ടാറിംഗ്. റോഡിന്‍റെ ഇരുവശങ്ങളിലും ഓവുചാൽ കഴിച്ച് ബാക്കിഭാഗം കോൺക്രീറ്റ് ചെയ്യണം. ഇക്കാര്യം ബന്ധപ്പെട്ടവരെ അറിയിച്ചപ്പോൾ പൊതുമരാമത്ത് ചീഫ് എൻജിനിയറിൽ നിന്ന് ഉണ്ടായ വിശദീകരണം നിരാശാജനകമാണ്. ഒരുമാസത്തേക്കുള്ള ഉത്സവത്തിന് അത്രയൊക്കെ വേണോ എന്നായിരുന്നു അദ്ദേഹത്തിന്‍റെ ചോദ്യമെന്ന് പഞ്ചായത്ത് പ്രസിഡന്‍റ് പറഞ്ഞു. കണ്ടപ്പന-നെല്ലിയോടി-39-ാം മൈൽ റോഡും, അമ്പായത്തോട്-മട്ടന്നൂർ വിമാനത്താവളം നാലുവരിപ്പാതയും ഉടൻ യാഥാർഥ്യമാക്കണം, കൊട്ടിയൂർ-കേളകം-പേരാവൂർ റോഡിന് 12 മീറ്റർ വീതിയുണ്ടെങ്കിലും അഞ്ചര മീറ്റർ മാത്രമാണ് ടാറിംഗ്. ഈ റോഡുകളും വികസിപ്പിക്കണം. ഉത്സവ ആരംഭത്തിന് മുന്പ് അവലോകന യോഗം ചേരാതെ ഇക്കുറിയുണ്ടായ സഹചര്യം കണക്കിലെടുത്ത് അടുത്ത ഉത്സവത്തിനായുള്ള ക്രമീകരണങ്ങൾ ഉണ്ടാകണമെന്ന് സണ്ണി ജോസഫ് എംഎൽഎ പറഞ്ഞു. റോഡുകളുടെ അടിസ്ഥാന സൗകര്യങ്ങൾ വർധിപ്പിക്കുന്നതിൽ പൊതുമരാമത്ത് വകുപ്പ് കാണിക്കുന്ന അനാസ്ഥക്കെതിരെ വികസന സമിതി അമർഷം രേഖപ്പെടുത്തുന്നതായും എംഎൽഎ പറഞ്ഞു. 400 കെവി ലൈൻ നഷ്ടപരിഹാര പാക്കേജ് അപര്യാപ്തം വയനാട്-കരിന്തളം 400 കെവി ലൈനുമായി ബന്ധപ്പെട്ട് പ്രഖ്യാപിച്ച നഷ്ടപരിഹാര പാക്കേജിലെ വ്യവസ്ഥകൾ അപര്യാപ്തമാണെന്ന് ജനപ്രതിനിധികൾ പറഞ്ഞു. ഭൂമിയുടെ കുറഞ്ഞ ന്യായവില 10000 രൂപയായി ഉയർത്തണമെന്നും ലൈൻ കടന്നുപോകുന്ന പ്രദേശത്തെ വീടുകൾക്ക് അനുവദിച്ച രണ്ടു ലക്ഷം രൂപ ഉയർത്തണമെന്നും യോഗം ആവശ്യപ്പെട്ടു. ഇക്കാര്യം ബന്ധപ്പെട്ടവരെ അറിയിക്കാമെന്ന് എംഎൽഎ പറഞ്ഞു. ഇരിട്ടി-പേരാവൂർ റോഡിലെ അപകടാവസ്ഥയിലായ മരങ്ങൾ മുറിക്കാൻ ടെൻഡർ നടപടികൾ പൂർത്തിയായതായി സാമൂഹിക വനവത്കരണ വിഭാഗം യോഗത്തെ അറിയിച്ചു. പഴശി പദ്ധതി പ്രദേശത്തെ ബഫർ സോൺ ആക്കികൊണ്ടുള്ള ജലവിഭവ വകുപ്പിന്‍റെ ഉത്തരവിൽ പ്രദേശവാസികൾക്ക് ഉണ്ടാകുന്ന പ്രയാസങ്ങൾ പരിഹരിക്കാൻ അടിയന്തര നടപടികൾ ഉണ്ടാകണമെന്ന് യോഗം ആവശ്യപ്പെട്ടു. ആന മതിൽ നിർമാണത്തിലെ കോടതി ഇടപെടലുകൾ യോഗത്തിൽ ചർച്ചയായി. കേളകം, കണിച്ചാൽ, കൊട്ടിയൂർ പഞ്ചായത്തുകളിൽ ആദിവാസികൾക്ക് പതിച്ചുനൽകിയ ഭൂമിയിലെ മരങ്ങൾ മുറിക്കുന്നതിന് ഏർപ്പെടുത്തിയ നിയന്ത്രണങ്ങൾ പിൻവലിക്കണമെന്ന് അംഗങ്ങൾ ആവശ്യപ്പെട്ടു. ഇരിട്ടി പുതിയ സ്റ്റാൻഡിലെ ശുചിമുറി പൂട്ടിയിട്ടതും മാലിന്യം പുഴയിലേക്ക് ഒഴുകിയ സംഭവവും യോഗത്തിൽ ചർച്ചയായി. പ്രശ്‌നം പരിഹരിച്ച് ശുചിമുറി തുറന്നെന്നും സ്ഥല പരിമിതി ഏറെ പ്രയാസം ഉണ്ടാക്കുന്നതായും ഇരിട്ടി നഗരസഭാ ചെയർ പേഴ്‌സൺ കെ. ശ്രീലത അറിയിച്ചു. യോഗത്തിൽ സണ്ണി ജോസഫ് എംഎൽഎ അധ്യക്ഷത വഹിച്ചു. ഇരട്ടി നഗരസഭാ ചെയർപേഴ്‌സൺ കെ. ശ്രീലത, ഇരട്ടി ബ്ലോക്ക് പഞ്ചായത്ത് പ്രസിഡന്‍റ് കെ. വേലായുധൻ, കൊട്ടിയൂർ പഞ്ചായത്ത് പ്രസിഡന്‍റ് റോയ് നമ്പുടാങ്കം, ആറളം പഞ്ചായത്ത് പ്രസിഡന്‍റ് കെ.പി. രാജേഷ്, ജില്ലാ പഞ്ചായത്ത് അംഗം ലിസി ജോസഫ്, വിവിധ രാഷ് ട്രീയ പാർട്ടി പ്രതിനിധികളായ തോമസ് വർഗീസ്, പി.സി. രാമകൃഷ്ണൻ, പി.കെ. ജനാർദനൻ, കെ.പി. ഷാജി, പി. മുഹമ്മദലി, ജോർജ് തയ്യിൽ തുടങ്ങിയവർ പ്രസംഗിച്ചു.

കെപിസിസി പ്രസിഡന്‍റിന് സ്വീകരണവും ഉന്നത വിജയികൾക്ക് അനുമോദനവും

ഇരിട്ടി: ജനശ്രീ മിഷൻ ഇരിട്ടി ബ്ലോക്ക് കമ്മിറ്റിയുടെ നേതൃത്വത്തിൽ കെപിസിസി പ്രസിഡന്‍റ് സണ്ണി ജോസഫിന് സ്വീകരണം നൽകി. ചടങ്ങിൽ വിധ മത്സര പരീക്ഷകളിൽ ഉന്നതവിജയം നേടിയ വിദ്യാർഥികൾക്ക് അനുമോദനം നൽകി. ജനശ്രീ മിഷൻ ജില്ലാ ചെയർമാൻ ചന്ദ്രൻ തില്ലങ്കേരി അധ്യക്ഷത വഹിച്ചു. ജനശ്രീ മിഷൻ മണ്ഡലം യൂണിറ്റ് ഭാരവാഹികൾ സണ്ണി ജോസഫിനെ ഷാൾ അണിയിച്ച് അനുമോദിച്ചു. എസ്എസ്എൽസി, പ്ലസ്ടു പരീക്ഷകളിൽ എല്ലാ വിഷയത്തിലും എപ്ലസ് നേടിയവരെയും എൽഎസ്എസ്, യുഎസ്എസ് വിജയികൾക്കും സണ്ണി ജോസഫ് എംഎൽഎ ഉപഹാരം നൽകി. ഇരിട്ടി ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് പി.എ. നസീർ, ജനശ്രീ നേതാക്കളായ മനോജ് എം. കണ്ടത്തിൽ, ബാലൻ പടിയൂർ, തങ്കച്ചൻ കൊട്ടിയൂർ, സോമൻ കീഴ്പള്ളി, കെ. കുഞ്ഞികൃഷ്ണൻ, കെ.കെ. വിജയൻ, എ.കെ. കുഞ്ഞികൃഷ്ണൻ, പി.എ. ലാസർ, ജോർജ് വടക്കുംകര, ഉഷാ അനിൽ എന്നിവർ പ്രസംഗിച്ചു.

ബഷീറിന്‍റെ കഥകൾ തേടി വിദ്യാർഥികൾ വായനശാലയിൽ

പയ്യാവൂർ: വൈക്കം മുഹമ്മദ് ബഷീറിന്‍റെ "ഇമ്മിണി ബലിയ' കഥകൾ തേടി സ്കൂൾ വിദ്യാർഥികൾ വായനശാലയിലെത്തി. വായന മാസാചരണത്തോടനുബന്ധിച്ച് കാഞ്ഞിലേരി പൊതുജന വായനശാല സംഘടിപ്പിച്ച ബഷീർ അനുസ്മരണത്തിന്‍റെ ഭാഗമായാണ് കാഞ്ഞിലേരി എഎൽപി സ്കൂൾ വിദ്യാർഥികൾ വായനശാല സന്ദർശിച്ചത്. ജില്ലാ ലൈബ്രറി കൗൺസിൽ അംഗം മുകുന്ദൻ അയനത്ത് വിദ്യാർഥികൾക്ക് ബഷീർ കൃതികൾ പരിചയപ്പെടുത്തി. വായനശാലാ പ്രസിഡന്‍റ് പി. ജനാർദനൻ അധ്യക്ഷത വഹിച്ചു. സ്കൂൾ മുഖ്യാധ്യാപകൻ സി.പി. ചന്ദ്രൻ, പി. പ്രഭാകരൻ, പി. മഹിജാമണി, കെ.സി. കുഞ്ഞമ്പു നമ്പ്യാർ, പി. ശോഭന, കെ. സ്മിനി, കെ.കെ. നൗഷാദ്, വേദ ശ്രീകുമാർ, കെ.വി. അരുണിമ, അദിതി സന്തോഷ് എന്നിവർ നേതൃത്വം നൽകി.

മദ്യവില്പന പിടിക്കാനെത്തിയ എക്സൈസ് ഉദ്യോഗസ്ഥർക്കു നേരെ പരാക്രമം; യുവാവ് അറസ്റ്റിൽ

ആലക്കോട്: അനധികൃത മദ്യവില്പന പിടിക്കാനെത്തിയ എക്സൈസ് ഉദ്യോഗസ്ഥർക്കു നേരെ യുവാവിന്‍റെ പരാക്രമം. തിമിരി ചെറുപാറയിലെ ശിവപ്രകാശാണ് (45) റെയ്ഡിനെത്തിയ ഉദ്യോഗസ്ഥരെ അക്രമിക്കാൻ ശ്രമിച്ചത്. ഇയാളെ പിന്നീട് എക്സൈസ് ഇൻസ്പെക്‌ടർ സി.എച്ച്‌. നസീബിന്‍റെ നേതൃത്വത്തിലുള്ള എക്സൈസ് സംഘം അറസ്റ്റ് ചെയ്‌തു. രഹസ്യവിവരത്തെ തുടർന്നാണ് ഇന്നലെ എക്സൈസ് സംഘം ശിവപ്രകാശിന്‍റെ വീട്ടിലെത്തുന്നത്. അനധികൃത വില്പനയ്ക്കായി വീട്ടിലെ രഹസ്യ അറകളിലും സ്‌കൂട്ടറിലുമായി ഒളിപ്പിച്ച 15.5 ലിറ്റർ വിദേശമദ്യം അന്വേഷണസംഘം കണ്ടെത്തുകയും ചെയ്തു. പരിശോധനയ്ക്കിടയിൽ ശിവപ്രകാശ് എക്സൈസ് ഉദ്യോഗസ്ഥർക്കു നേരെ കത്തി വീശുകയായിരുന്നു. സ്വയം കൈത്തണ്ട മുറിച്ച് രക്ഷപ്പെടാൻ ശ്രമിക്കുകയും ചെയ്തു. ഇതിനിടയിൽ എക്സൈസ് ശിവപ്രകാശിനെ കസ്റ്റഡിയിലെടുക്കുകയായിരുന്നു. ഇയാളുടെ സ്കൂട്ടറും പിടിച്ചെടുത്തു. കോടതി റിമാൻഡ് ചെയ്ത ശിവപ്രകാശിനെ ചികിത്സയ്ക്കായി കുതിരവട്ടം മനസികാരോഗ്യകേന്ദ്രത്തിലേക്ക് മാറ്റി. അസി. എക്സൈസ് ഇൻസ്പെക്ട‌ർ ടി.കെ. തോമസ്, സിവിൽ ഓഫീസർമാരായ കെ.വി. സന്തോഷ്, ടി. പ്രണവ്, വി.പി. വിദ്യ, എം.മുനീറ എന്നിവരുടെ നേതൃത്വത്തിലുള്ള എക്സൈസ് സംഘമാണ് പ്രതിയെ പിടികൂടിയത്.

പൈതൽവാലി ലയൺസ് ക്ലബ് ആലക്കോട് സേവന പ്രവർത്തനങ്ങൾ നടത്തി

ആലക്കോട്: ആലക്കോട് പൈതൽവാലി ലയൺസ് ക്ലബിന്‍റെ സർവീസ് റവലൂഷൻ ഡേ ആചരണ ഭാഗമായി വിവിധ സേവനപ്രവർത്തനങ്ങൾ നടത്തി. ഒടുവള്ളി ചുണ്ടക്കുന്ന് ദിവ്യകാരുണ്യ ആശ്രമത്തിലെ അന്തേവാസികൾക്ക് ഭക്ഷ്യവസ്തുക്കൾ വിതരണം ചെയ്തു. പരിസ്ഥിതി സംരക്ഷണ ഭാഗമായി വൃക്ഷത്തെ നടീൽ, രയറോം ഗവ. ഹൈസ്കൂളിൽ ലഹരിവിരുദ്ധ ബോധവത്കരണം, ഡോ‌ക്‌ടേഴ്സ് ദിനാചരണത്തിൽ ഡോ. അമൽ ജോസ്, ഡോ. ബിബിൻ ജയിംസ് എന്നിവരെ ആദരിച്ചു. ചാർട്ടേഡ് അക്കൗണ്ടന്‍റ് ദിനാചരണ ഭാഗമായി സി.എ. ആഷിൻ കുര്യനെ ആദരിച്ചു. നിർധനരായ കാൻസർ, കിഡ്‌നി രോഗികൾക്ക് സാമ്പത്തിക സഹായവും സേവന പ്രവർത്തനങ്ങളുടെ ഭാഗമായി നൽകി. സേവന പ്രവർത്തനങ്ങളുടെ ഉദ്ഘാടനം ചുണ്ടക്കുന്ന് ദിവ്യകാരുണ്യ ആശ്രമത്തിൽ പൈതൽവാലി ലയൺസ് ക്ലബ് പ്രസിഡന്‍റ് ബിന്നി മാത്യു മദർ സുപ്പീരിയർ സിസ്റ്റർ ലൂസി കൊട്ടാരത്തിന് ഭക്ഷ്യവസ്തുക്കൾ നൽകി നിർവഹിച്ചു. ടോണി കെ. തോമസ്, ടോജോ കട്ടയ്ക്കൽ, ബോബി ജോർജ്, എം.പി. ബിജു എന്നിവർ നേതൃത്വം നൽകി.

സ്കൂൾ ലൈബ്രറിയിലേക്ക് കെസിവൈഎം പുസ്തകങ്ങൾ കൈമാറി

ചെറുപുഴ: വായന മാസാചരണത്തിന്‍റെ ഭാഗമായി കെസിവൈഎം കോഴിച്ചാൽ യൂണിറ്റ് കോഴിച്ചാൽ സെന്‍റ് അഗസ്റ്റിൻസ് എൽപി സ്കൂളിലെ ലൈബ്രറിയിലേക്ക് പുസ്തകങ്ങൾ നൽകി. ഫാ. ജോസഫ് കോയിപ്പുറം അധ്യക്ഷത വഹിച്ചു. മുഖ്യാധ്യാപിക എം.എം. മേരി, സിസ്റ്റർ ബെസി, അമൽ ആലായിൽ, മാർട്ടിൻ നോബിൾ, അലീന മറ്റത്തിനാനിക്കൽ, ഇഷ ബിജു പാഴൂര്, അജയ് പാറപ്പുറം, അയറിൻ കൂനംപാറയിൽ എന്നിവർ പ്രസംഗിച്ചു.

ഹൈടെക് ബസ് വെയിറ്റിംഗ് ഷെൽട്ടർ ഉദ്ഘാടനം ചെയ്തു

കരുവഞ്ചാൽ: സജീവ് ജോസഫ് എംഎൽഎയുടെ വികസന ഫണ്ടിൽ നിന്ന് കരുവഞ്ചാൽ ടൗണിൽ നിർമിച്ച ഹൈടെക് ബസ് വെയിറ്റിംഗ് ഷെൽട്ടർ സജീവ് ജോസഫ് എംഎൽഎ ഉദ്ഘാടനം ചെയ്തു. ബസ് കയറാൻ വേണ്ടി കാത്തിരിക്കുന്ന യാത്രക്കാർക്ക് വേണ്ടി മ്യൂസിക് സിസ്റ്റം, മൊബൈൽ ഫോൺ ചാർജ് ചെയ്യാനുള്ള സൗകര്യം, ലൈറ്റിംഗ് സിസ്റ്റം, അത്യാധുനിക ഇരിപ്പിടം തുടങ്ങിയ സൗകര്യങ്ങളോടുകൂടിയാണ് നിർമാണം പൂർത്തീകരിച്ചത്. നടുവിൽ പഞ്ചായത്ത് പ്രസിഡന്‍റ് ബേബി ഓടമ്പള്ളിൽ അധ്യക്ഷത വഹിച്ചു. ബാബു പള്ളിപ്പുറം, ഡി.ഡി. ബാബു, വി.എ. റഹീം, പി.കെ. ബാലകൃഷ്ണൻ, പി. ബഷീറ, ജയിംസ് പുത്തൻപുര, സണ്ണി തെക്കേൽ, കെ.പി. നൗഷാദ്, എ.ഡി. സാബു, ബിനോയ് തോമസ്, സി.കെ. കൃഷ്ണൻ, ബിജു തൃകോഴിക്കൽ, മാത്യു ചാണക്കാട്ടിൽ, ജോൺസൺ ചിറവയൽ, ഉഷാ സുരേഷ്, ബിജു കൂവത്തോട്ട് എന്നിവർ പ്രസംഗിച്ചു.

കരുവഞ്ചാൽ പഴയ പാലം യാത്രാ യോഗ്യമാക്കി

കരുവഞ്ചാൽ: കരുവഞ്ചാൽ ടൗണിലുള്ള പഴയ പാലം യാത്രായോഗ്യമാക്കി വ്യാപാരികൾ. കരുവഞ്ചാൽ യൂണിറ്റ് വ്യാപാരി വ്യവസായി ഏകോപന സമിതിയുടെ നേതൃത്വത്തിലാണ് പഴയ പാലത്തിലുള്ള കുഴികൾ കോൺക്രീറ്റ് ചെയ്തു യാത്രാ യോഗ്യമാക്കിയത്. പുതിയപാലം യാഥാർഥ്യമായെങ്കിലും ആലക്കോട് ഭാഗത്തേക്കുള്ള വാഹനങ്ങൾ പഴയ പാലത്തിലൂടെയാണ് കടന്നുപോകുന്നത്. വാഹന യാത്ര അസാധ്യമായ വിധത്തിൽ പാലത്തിൽ നിരവധി കുഴികൾ രൂപപ്പെട്ടിരുന്നു. ഇതിനെതിരേ ഏകോപന സമിതി ഉൾപ്പെടെ അധികൃതർക്ക് പരാതി നൽകിയിട്ടും തിരിഞ്ഞു നോക്കാത്തതിൽ പ്രതിഷേധിച്ചാണ് വ്യാപാരികൾ കുഴികൾ കോൺക്രീറ്റ് ചെയ്തത്.

പ്രതിഷേധ പ്രകടനം നടത്തി

പയ്യാവൂർ: കോട്ടയം ഗവ. മെഡിക്കൽ കോളജ് ആശുപത്രി കെട്ടിടം തകർന്ന് വീട്ടമ്മയുടെ ജീവൻ നഷ്ടപ്പെട്ട സംഭവത്തിന്‍റെ ധാർമിക ഉത്തരവാദിത്തം ഏറ്റെടുത്ത് ആരോഗ്യ മന്ത്രി വീണ ജോർജ് രാജി വയ്ക്കണമെന്ന് ആവശ്യപ്പെട്ട് കോൺഗ്രസ് പയ്യാവൂർ മണ്ഡലം കമ്മിറ്റിയുടെ ആഭിമുഖ്യത്തിൽ ഇന്ദിരാഭവനിൽ നിന്ന് പയ്യാവൂർ ടൗണിലേക്ക് പ്രതിഷേധ പ്രകടനം നടത്തി. മണ്ഡലം പ്രസിഡന്‍റ് ഇ.കെ. കുര്യൻ, കോൺഗ്രസ് നേതാക്കളായ ബേബി മുല്ലക്കരി, ജയിംസ് തുരുത്തേൽ, ടി.പി. അഷ്റഫ്, ജേക്കബ് പനന്താനം, കുര്യാച്ചൻ മുണ്ടയ്ക്കൽ, കുര്യാക്കോസ് തെരുവത്ത്, തോമസ് കൊടിയംകുന്നേൽ, സജി അട്ടിയ്ക്കൽ, ജെയ്സൺ കാട്ടാങ്കോടൻ തുടങ്ങിയവർ പ്രകടനത്തിന് നേതൃത്വം നൽകി.

ഗുരുദേവ് ആർട്സ് ആൻഡ് സയൻസ് കോളജിൽ അന്തർദേശീയ സെമിനാർ

ചെറുപുഴ: മാത്തിൽ ഗുരുദേവ് ആർട്സ് ആൻഡ് സയൻസ് കോളജിൽ ഏഴ്, എട്ട് തീയതികളിൽ ദ്വിദിന അന്തർദേശീയ സെമിനാർ ന‌ടക്കും. കോളജ് ഇന്‍റേർണൽ ക്വാളിറ്റി അഷ്വറൻസ് സെല്ലും അസോസിയേഷൻ ഓഫ് ഇന്‍റർനാഷണൽ റിസർച്ചേഴ്സ് ഓഫ് ഇന്ത്യൻ ഒറിജിനും ചേർന്നാണ് സെമിനാർ സംഘടിപ്പിക്കുന്നത്. വിവിധ വിഷയങ്ങളിൽ പ്രബന്ധങ്ങൾ അവതരിപ്പിക്കും. പ്രഫ. അമൃത് ജി. കുമാർ ഉദ്ഘാടനം നിർവഹിക്കും. ഗുരുദേവ് കോളജ് പേട്രൻ ഡോ. ജോസഫ് മാർ തോമസ് അധ്യക്ഷത വഹിക്കും. റവ. ഡോ. വർഗീസ് താന്നിക്കാക്കുഴി ആമുഖ സന്ദേശം നൽകും. ജോർജ് ഐ.എച്ച്. കുക്ക്, ഡോ. ജിമോൾ തോമസ് ജോർജ്, പ്രഫ. ഏബ്രഹാം ഫ്രാൻസിസ് എന്നിവർ പ്രബന്ധങ്ങൾ അവതരിപ്പിക്കുമെന്ന് പ്രിൻസിപ്പൽ റവ. ഡോ. സാമുവേൽ പുതുപ്പാടി, കോളജ് നാക്ക് ആൻഡ് റിസർച്ച് കോ ഓഡിനേറ്റർ പി.കെ. സിന്ധു എന്നിവർ അറിയിച്ചു.

മുസ്‌ലിം യൂത്ത് ലീഗ് ദേശീയപാത ഉപരോധിച്ചു

തളിപ്പറമ്പ്: കോട്ടയം ഗവ. മെഡിക്കൽ കോളജിൽ പഴയ കെട്ടിടം തകർന്ന് ബിന്ദു എന്ന സ്ത്രീ മരിക്കാനിടയായതിന്‍റെ ഉത്തരവാദിത്വം ഏറ്റെടുത്ത് ആരോഗ്യ മന്ത്രി വീണ ജോർജ് രാജി വയ്ക്കണമെന്നാവശ്യപ്പെട്ട് മുസ്‌ലിം യൂത്ത് ലീഗ് തളിപ്പറമ്പ് കെഎസ്ഇബി ജംഗ്ഷനു സമീപം ദേശീയപാത ഉപരോധിച്ചു. സമരക്കാരെ അറസ്റ്റ് ചെയ്തു നീക്കാനുള്ള ശ്രമം പ്രവർത്തകർ പ്രതിരോധിച്ചതിനെ തുടർന്ന് വാക്കേറ്റവും ഉന്തും തള്ളുമുണ്ടായി. സമരക്കാരെ പിന്നീട് പോലീസ് അറസ്റ്റ് ചെയ്തു നീക്കി. യൂത്ത് ലീഗ് ജില്ലാ ജനറൽ സെക്രട്ടറി പി.സി. നസീർ, ജില്ലാ വൈസ് പ്രസിഡന്‍റ് ഫൈസൽ ചെറുകുന്നോൻ, എൻ.യു. ഷഫീക്ക്, എൻ.എ. സിദ്ദിഖ്, ഹനീഫ മദ്രസ, കെ. അഷ്റഫ്, അജ്മൽ പാറാട്, ഷബീർ മുക്കോല എന്നിവർ ഉപരോധത്തിന് നേതൃത്വം നൽകി.

വിദ്യാർഥികളുടെ നിരക്ക് വർധിപ്പിക്കണമെന്ന് ബസുടമകൾ

കണ്ണൂര്‍: 13 വർഷമായിട്ടും വിദ്യാര്‍ഥികളുടെ ബസ് നിരക്ക് കൂട്ടാത്തതിനെതിരെ ബസുടമകൾ സമരത്തിലേക്ക്. ഒരു രൂപയാണ് ഇപ്പോഴും മിനിമം നിരക്ക്. മിനിമം അഞ്ച് രൂപയെങ്കിലും ആക്കണമെന്നാണ് ബസുടമകളുടെ ആവശ്യം. ബസ് വ്യാവസായം നേരിടുന്ന പ്രശ്നങ്ങൾ പഠിക്കാൻ സർക്കാർ മൂന്ന് കമ്മീഷനുകളെ നിയമിച്ചിരുന്നു. മൂന്ന് കമ്മീഷനുകളും വിദ്യാർഥികളുടെ യാത്ര നിരക്ക് വർധിപ്പിക്കാതെ ബസ് വ്യവസായം മുന്നോട്ട് പോകില്ലെന്ന് റിപ്പോർട്ട് നല്കിയിരുന്നു. ഇത് നടപ്പിലാക്കാൻ സർക്കാർ ഇതുവരെ തയാറായിട്ടില്ലെന്ന് ബസുടമകൾ പത്ര സമ്മേളനത്തിൽ പറഞ്ഞു. തകര്‍ന്നുകൊണ്ടിരിക്കുന്ന ബസ് വ്യവസായത്തെ ദ്രോഹിക്കുന്ന തരത്തിലുള്ള നടപടികളാണ് സര്‍ക്കാര്‍ സ്വീകരിക്കുന്നതെന്നും ഭാരവാഹികള്‍ കുറ്റപ്പെടുത്തി. സ്വകാര്യ ബസുകളില്‍ വലിയ വില വരുന്ന ഫെറ്റിഗോ ഡിറ്റക്ഷന്‍ കാമറകള്‍ സ്ഥാപിക്കണമെന്ന സര്‍ക്കാര്‍ ഉത്തരവ് ബസുടമകളെ പ്രതിസന്ധിയിലാക്കിയിരിക്കുകയാണ്. നിലവില്‍ ഭൂരിഭാഗം സ്വകാര്യ ബസുകളിലും കാമറകള്‍ സ്ഥാപിച്ചിട്ടുണ്ട്. സ്പീഡ് ഗവര്‍ണര്‍, ജിപിഎസ് തുടങ്ങിയവയുടെ പേരില്‍ മോട്ടോര്‍ വാഹന വകുപ്പില്‍ ഒരു നിയന്ത്രണങ്ങളും ഇല്ലാതെ നടത്തുന്ന അശാസ്ത്രീയ പരിഷ്‌കരണങ്ങള്‍ ഒഴിവാക്കണമെന്നും വിദ്യാര്‍ഥികള്‍ക്ക് കെഎസ്ആര്‍ടിസി ബസില്‍ സ്‌പോട്ട് ടിക്കറ്റ് സമ്പ്രദായം നടപ്പിലാക്കണമെന്നും ബസുടമകൾ ആവശ്യപ്പെട്ടു. ഈ ആവശ്യങ്ങളെല്ലാം ഉന്നയിച്ച എട്ടിന് ജില്ലയിലെ സ്വകാര്യ ബസുകള്‍ പണിമുടക്കും. പ്രശ്‌നപരിഹാരം ഉണ്ടായില്ലെങ്കില്‍ 22 മുതല്‍ അനിശ്ചിതകാല സമരം നടത്താനാണ് തീരുമാനം. പത്രസമ്മേളനത്തിൽ ജില്ലാ ബസ് ഓപ്പറേറ്റേഴ്‌സ് അസോസിയേഷന്‍ ഭാരവാഹികളായ രാജ്കുമാര്‍ കരുവാരത്ത്, കെ. ഗംഗാധരന്‍, കെ. വിജയന്‍, പി.കെ. പവിത്രന്‍ എന്നിവര്‍ പങ്കെടുത്തു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]