പ​ത്ത​നം​തി​ട്ട: ല​ഹ​രി​ക്കെ​തി​രേ​യു​ള്ള പോ​രാ​ട്ടം ശ​ക്ത​മാ​ക്കാ​ൻ സ​മൂ​ഹ​ത്തി​ലെ എ​ല്ലാ വി​ഭാ​ഗം ജ​ന​ങ്ങ​ളും ഒ​രു​മി​ക്കേ​ണ്ട​ത് അ​ത്യാ​വ​ശ്യ​മാ​ണെ​ന്ന് മു​ൻ മ​ന്ത്രി ര​മേ​ശ് ചെ​ന്നി​ത്ത​ല. മ​ല​യാ​ല​പ്പു​ഴ മു​സ​ലി​യാ​ർ ഇ​ൻ​സ്റ്റി​റ്റ്യൂ​ട്ട് ഓ​ഫ് മാ​നേ​ജ്മെ​ന്‍റി​ൽ "വാ​ക് എ​ഗൈ​ൻ​സ്റ്റ് ഡ്ര​ഗ്സ്" എ​ന്ന പ​രി​പാ​ടി​യിൽ വി​ദ്യാ​ർ​ഥി​ക​ളു​മാ​യി സം​വ​ദി​ക്കു​ക​യാ​യി​രു​ന്നു അ​ദ്ദേ​ഹം.

ന​മ്മു​ടെ യു​വ​ജ​ന​ങ്ങ​ളാ​ണ് രാ​ജ്യ​ത്തി​ന്‍റെ സ​മ്പ​ത്ത് അ​വ​രെ മ​യ​ക്കു​മ​രു​ന്നി​ന് വി​ട്ടു​കൊ​ടു​ത്താ​ൽ രാ​ജ്യ​ത്തി​ന്‍റെ ഭാ​വി ത​ന്നെ അ​പ​ക​ട​ത്തി​ൽ ആ​കും. എ​ന്തു വി​ല കൊ​ടു​ത്തും ല​ഹ​രി​യെ​യും അ​തി​ന്‍റെ ശൃം​ഖ​ല​ക​ളെ​യും വേ​രോ​ടെ പി​ഴു​തെ​റി​യു​ക എ​ന്ന​തി​നാ​ണ് സ​ർ​ക്കാ​ർ മു​ൻ​ഗ​ണ​ന ന​ൽ​കേ​ണ്ട​ത്. വി​ദ്യാ​ർ​ഥി​ക​ൾ​ക്ക് അ​ദ്ദേ​ഹം ല​ഹ​രി വി​രു​ദ്ധ പ്ര​തി​ജ്ഞ ചൊ​ല്ലി​ക്കൊ​ടു​ത്തു.

മു​സ​ലി​യാ​ർ എ​ഡ്യു​ക്കേ​ഷ​ൻ ട്ര​സ്റ്റ് ചെ​യ​ർ​മാ​ൻ ഷെ​രീ​ഫ് മു​ഹ​മ്മ​ദ് അ​ധ്യ​ക്ഷ​ത വ​ഹി​ച്ചു. പ്രി​ൻ​സി​പ്പ​ൽ ഡോ. ​പ്രി​യ ദാ​സ്, ഇ​ൻ​സ്റ്റി​റ്റ്യൂ​ട്ട് ഓ​ഫ് മാ​നേ​ജ്മെന്‍റ് ഡ​യ​റ​ക്ട​ർ ഡോ. ​സ്റ്റാ​ൻ​ലി ജോ​ർ​ജ്, പ്രൗ​ഡ് കേ​ര​ള ജി​ല്ലാ ചെ​യ​ർ​മാ​ൻ വെ​ട്ടൂ​ർ ജ്യോ​തി പ്ര​സാ​ദ്, ശ​ര​ത്ത് രാ​ജ്, ന​വീ​ൻ കോ​ശി എ​ന്നി​വ​ർ പ്ര​സം​ഗി​ച്ചു.