റാ​ന്നി: ക​ഴി​ഞ്ഞ​ദി​വ​സം പു​ലി​യെ ക​ണ്ട വെ​ച്ചൂ​ച്ചി​റ പെ​രു​ന്തേ​ന​രു​വി താ​ന്നി​ക്കാ​പ്പു​ഴ​യി​ൽ കൂ​ട് സ്ഥാ​പി​ച്ചു. പു​ലി​യു​ടെ സാ​ന്നി​ധ്യം ശ്ര​ദ്ധ​യി​ൽ​പെ​ട്ട് 24 മ​ണി​ക്കൂ​റി​നു​ള്ളി​ൽ കൂ​ട് വ​യ്ക്കാ​ൻ അ​നു​മ​തി ല​ഭി​ച്ച​ത് ച​രി​ത്ര​മാ​ണെ​ന്ന് പ്ര​മോ​ദ് നാ​രാ​യ​ൺ എം​എ​ൽ​എ പ​റ​ഞ്ഞു.

എം​എ​ൽ​എ​യു​ടെ ശ​ക്ത​മാ​യ സ​മ്മ​ർ​ദ​ത്തേ തു​ട​ർ​ന്നാ​ണ് ഇ​ന്ന​ലെ കൂ​ട് എ​ത്തി​ച്ച​ത്. സാ​ധാ​ര​ണ നി​ല​യി​ൽ കാ​മ​റ നി​രീ​ക്ഷ​ണ​ത്തി​ലൂ​ടെ പു​ലി​യു​ടെ സാ​ന്നി​ധ്യം ഉ​റ​പ്പാ​ക്കി​യ​ശേ​ഷം ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രു​ടെ ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി​യാ​ണ് കൂ​ട് കൊ​ണ്ടു​വ​രു​ന്ന​ത്.

തി​ങ്ക​ളാ​ഴ്ച പു​ല​ർ​ച്ചെ​യാ​ണ് ടാ​പ്പിം​ഗ് തൊ​ഴി​ലാ​ളി താ​ന്നി​ക്കാ​പ്പു​ഴ​യി​ൽ പു​ലി​യെ ക​ണ്ട​ത്. കാ​ൽ​പ്പാ​ടു​ക​ൾ പ​രി​ശോ​ധി​ച്ച് പു​ലി​യു​ടെ സാ​ന്നി​ധ്യം വ​നം വ​കു​പ്പും സ്ഥി​രീ​ക​രി​ച്ചി​രു​ന്നു. സ്ഥ​ലം സ​ന്ദ​ർ​ശി​ച്ച ശേ​ഷ​മാ​ണ് എ​ത്ര​യും വേ​ഗം കൂ​ട് സ്ഥാ​പി​ക്ക​ണ​മെ​ന്ന് എം​എ​ൽ​എ വ​നം വ​കു​പ്പി​നോ​ട് ആ​വ​ശ്യ​പ്പെ​ട്ട​ത്.

ചീ​ഫ് വൈ​ൽ​ഡ് ലൈ​ഫ് വാ​ർ​ഡ​ൻ പ്ര​മോ​ദ് ജി. ​കൃ​ഷ്ണ​നാ​ണ് കൂ​ടു വ​യ്ക്കു​ന്നതിനു​ള്ള അ​ന്തി​മ തീ​രു​മാ​ന​മെ​ടു​ത്ത​ത്. കൂ​ട് വ​ച്ച സ്ഥ​ലം പ്ര​മോ​ദ് നാ​രാ​യ​ൺ എം​എ​ൽ​എ സ​ന്ദ​ർ​ശി​ച്ചു.

എം​എ​ൽ​എ​യെ കൂ​ടാ​തെ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ഇ. ​വി. വ​ർ​ക്കി, വൈ​സ് പ്ര​സി​ഡ​ൻ​റ് പൊ​ന്ന​മ്മ ചാ​ക്കോ, മെം​ബ​ർ​മാ​രാ​യ ടി. ​കെ. ജെ​യിം​സ്, സി​റി​യ​ക് തോ​മ​സ്, നി​ഷാ അ​ല​ക്സ്, റേ​ഞ്ച് ഓ​ഫീ​സ​ർ ബി. ​ആ​ർ. ജ​യ​ൻ, ആ​ർ വ​ര​ദ​രാ​ജ​ൻ എ​ന്നി​വർ എം​എ​ൽ​എ​യോ​ടൊ​പ്പം ഉ​ണ്ടാ​യി​രു​ന്നു.