ക്ഷീരമേഖലയിൽ വൻ കൊഴിഞ്ഞുപോക്ക്

പ​ത്ത​നം​തി​ട്ട: ജി​ല്ല​യി​ൽ പാ​ൽ ഉ​ത്പാ​ദ​ന​ത്തി​ൽ ​വ​ൻകു​റ​വ്. 50,000 - 60,000 ലി​റ്റ​ർ​വ​രെ പാ​ൽ വ​രെ പ്ര​തി​ദി​ന ഉ​ത്പാ​ദ​നം ഉ​ണ്ടാ​യി​രു​ന്ന സ്ഥാ​ന​ത്ത് നി​ല​വി​ൽ 36,000 ലി​റ്റ​റാ​യി കു​റ​ഞ്ഞു.ജി​ല്ല​യി​ൽ 167 ക്ഷീ​ര സം​ഘ​ങ്ങ​ൾ പ്ര​വ​ർ​ത്തി​ക്കു​ന്നു​ണ്ട് . ഇ​തി​ൽ​ സ​ജീ​വ​മാ​യു​ള്ള​ത് 50 ഓ​ളം എ​ണ്ണം മാ​ത്ര​മാ​ണ്.

പ​ശുവ​ള​ത്ത​ലി​ൽ പു​തു​ത​ല​മു​റ മു​ന്നോ​ട്ടു​വ​രു​ന്നി​ല്ലെ​ന്നു മാ​ത്ര​മ​ല്ല, അ​നു​ദി​നം ഉ​ത്പാ​ദ​ന​ച്ചെ​ല​വ് ഏ​റു​ന്ന​തോ​ടെ പ​ശു വ​ള​ർ​ത്ത​ൽത​ന്നെ ബുദ്ധിമുട്ടായി മ​റ്റ് വ​രു​മാ​ന മാ​ർ​ഗ​ങ്ങ​ൾ തേ​ടു​ക​യാ​ണ് ക​ർ​ഷ​ക​ർ. ജി​ല്ല​യു​ടെ പ്ര​ധാ​ന വ​രു​മാ​ന മാ​ർ​ഗ​ങ്ങ​ളി​ൽ ഒ​ന്നാ​യി​രു​ന്നു ക്ഷീ​രമേ​ഖ​ല. നി​ല​വി​ൽ ക​ർ​ഷ​ക​ർ കൊ​ഴി​ഞ്ഞു​കൊ​ണ്ടി​രി​ക്കു​ക​യാ​ണ്. 20,000 ഓ​ളം ക്ഷീ​ര ക​ർ​ഷ​ക​ർ ജി​ല്ല​യി​ലു​ണ്ടെ​ന്നാ​ണ് ഇ​പ്പോ​ഴ​ത്തെ ക​ണ​ക്കു​ക​ൾ.

ജി​ല്ല​യി​ല്‍ 30 ശ​ത​മാ​ന​ത്തി​ലേ​റെ ക​ര്‍​ഷ​ക​ര്‍ ക്ഷീ​രമേ​ഖ​ല​യി​ല്‍നി​ന്നു പി​ന്തി​രി​ഞ്ഞ​താ​യാ​ണ് ക​ണ​ക്കു​ക​ൾ. ഒ​ന്നും ര​ണ്ടും പ​ശു​ക്ക​ളെ വ​ള​ര്‍​ത്തി പാ​ല്‍ വി​ല്‍​ക്കു​ന്ന​വ​രു​ടെ എ​ണ്ണം ക്ര​മാ​തീ​ത​മാ​യി കു​റ​ഞ്ഞു.

പി​ടി​ച്ചു നി​ൽ​ക്കാ​നാ​കി​ല്ലെ​ന്ന് ക​ർ​ഷ​ക​ർ

പാ​ലി​ന്‍റെ വി​ല വ​ര്‍​ധ​ന​യ്ക്കു​ള്ള സാ​ഹ​ച​ര്യം ഇ​ല്ലാ​താ​യ​തോ​ടെ കൂ​ടു​ത​ല്‍ പേ​ര്‍ ഈ ​മേ​ഖ​ല​യി​ല്‍നി​ന്നു പി​ന്തി​രി​യു​മെ​ന്ന ആ​ശ​ങ്ക​യു​മു​ണ്ട്. നി​ല​വി​ല്‍ മി​ല്‍​മ​യി​ല്‍ പാ​ല്‍ ന​ല്‍​കി​യാ​ല്‍ 42 - 49 രൂ​പ​യാ​ണ് ക​ർ​ഷ​ക​നു പ​ര​മാ​വ​ധി ല​ഭി​ക്കു​ക.

മി​ല്‍​മ ഇ​തു പാ​യ്ക്ക​റ്റി​ലാ​ക്കി വി​ല്‍​ക്കു​ന്ന​ത് ലി​റ്റ​റി​ന് 56 രൂ​പ​യ്ക്കാ​ണ്. സൊ​സൈ​റ്റി​ക​ളി​ല്‍നി​ന്നു വി​ല്‍​ക്കു​ന്ന​ത് 60 രൂ​പ​യ്ക്കു വ​രെ. പൊ​തു​വി​പ​ണ​യി​ല്‍ പാ​ല്‍ വി​ല 60 - 62 രൂ​പ വ​രെ​യാ​ണെന്നു ക​ര്‍​ഷ​ക​ര്‍ പ​റ​യു​ന്നു. സ​ര്‍​ക്കാ​ര്‍ ഫാ​മു​ക​ളി​ല്‍ പോ​ലും പാ​ല്‍ വി​ല കൂട്ടിയിരുന്നു.

നല്ല ഇനം കാലികളുമില്ല

50 കി​ലോ വ​രു​ന്ന ഒ​രു ചാ​ക്ക് കാ​ലീ​ത്തി​റ്റ​യു​ടെ വി​ല 1,500 രൂ​പ മു​ത​ല്‍ മു​ക​ളി​ലേ​ക്കാ​ണ്. പൊ​തു​വി​പ​ണി​യി​ൽ കാ​ലി​ത്തീ​റ്റ വി​ല കു​തി​ച്ചു​യ​രു​ന്ന സാ​ഹ​ച​ര്യ​മാ​ണ്. മ​രു​ന്ന്, കാ​ൽ​സ്യം തു​ട​ങ്ങി​യ പ്ര​തി​ദി​ന പ്ര​തി​രോ​ധ ആ​വ​ശ്യ​ങ്ങ​ൾ​ക്കും ചെ​ല​വേ​റി. കാ​ലി​ത്തീ​റ്റ​യ്ക്കും മ​രു​ന്നി​നും അ​ട​ക്കം ഓ​രോ മൂ​ന്നു മാ​സം കൂ​ടു​മ്പോ​ഴും വി​ല ഉ​യ​രു​ന്ന സാ​ഹ​ച​ര്യ​മാ​ണ്.

വ​രാ​ന്‍ പോ​കു​ന്ന​ത് വേ​ന​ല്‍​ക്കാ​ല​മാ​യ​തി​നാ​ല്‍ തീ​റ്റ, വെ​ള്ള ക്ഷാ​മ​വും തി​രി​ച്ച​ടി​യാ​കും. ഇ​തി​നു പു​റ​മേ ന​ല്ല ഇ​നം ക​ന്നു​കാ​ലി​ക​ളെ കി​ട്ടാ​നി​ല്ലെ​ന്ന​തും പ്ര​തി​സ​ന്ധി സൃ​ഷ്ടി​ക്കു​ന്ന​താ​യി ക​ര്‍​ഷ​ക​ര്‍ പ​റ​യു​ന്നു.