എസ്ബി, സെന്റ് ആന്സ് സ്കൂളുകള്ക്ക് സമീപം വൃക്ഷശിഖരങ്ങള് വഴിയില് വെട്ടിയിട്ടു; വിദ്യാര്ഥികൾക്കു ദുരിതം
1430442
Thursday, June 20, 2024 7:06 AM IST
ചങ്ങനാശേരി: റോഡരികില് അപകടാവസ്ഥയില്നിന്ന വൃക്ഷങ്ങളുടെ ശിഖരങ്ങള് വെട്ടി ഫുട്പാത്തില് കൂട്ടിയിട്ടിരിക്കുന്നത് വിദ്യാര്ഥികളുടെ കാല്നടയാത്രയ്ക്കു ദുരിതമാകുന്നു.
ചങ്ങനാശേരി-വാഴൂര് റോഡില് എസ്ബി, സെന്റ് ആന്സ് സ്കൂളുകള്ക്കു സമീപമുള്ള ഫുട്പാത്തുകളിലാണ് വൃക്ഷശിഖരങ്ങള് കൂട്ടിയിട്ടിരിക്കുന്നത്. നിരവധി വിദ്യാര്ഥികളടക്കം യാത്രക്കാര് സഞ്ചരിക്കുന്ന ഫുട്പാത്തും പരിസരങ്ങളുമാണ് അധികാരികളുടെ അനാസ്ഥയില് അപകടക്കെണിയായി തുടരുന്നത്.
സ്കൂളിലേക്കു വിദ്യാര്ഥികളെത്തുന്ന രാവിലെയും സ്കൂള് വിടുന്ന വൈകുന്നേരങ്ങളിലും കുരിശുംമൂട് മുതല് ചങ്ങനാശേരി അരമനപ്പടി വരെ ഉണ്ടാകുന്ന ഗതാഗതക്കുരുക്കിനു പരിഹാരം കാണാന് ബന്ധപ്പെട്ട അധികാരികള് സത്വര നടപടികള് സ്വീകരിക്കണമെന്ന ആവശ്യവും ശക്തമാണ്.
റെയില്വേ മേല്പാലത്തിന്റെ ഇരുവശങ്ങളിലെയും അപ്രോച്ച് ഭാഗത്തെ ടാറിംഗ് തകര്ന്നുകിടക്കുന്നത് ഇരുചക്രവാഹന സഞ്ചാരികള്ക്ക് അപകടക്കെണിയാണ്.