വി​ഷുസ​ദ്യ ഒ​രു​ക്കാ​ൻ അ​ടു​ക്ക​ള​യി​ൽ വി​ല​ച്ചൂ​ട്
Saturday, April 13, 2024 1:15 AM IST
സ്വ​ന്തം ലേ​ഖ​ക​ൻ

തൃ​ശൂ​ർ: പു​റ​ത്ത് വേ​ന​ൽ​ച്ചൂ​ടു ക​ന​ക്കു​ന്പോ​ൾ അ​ടു​ക്ക​ള​യി​ൽ വി​ഷു​സ​ദ്യ ഒ​രു​ക്ക​ത്തി​ന് ഇ​ക്കു​റി വി​ല​ച്ചൂ​ടു പൊ​ള്ളി​ക്കും. ഇ​ന്ന​ലെ പ​ച്ച​ക്ക​റി​വി​പ​ണി​യി​ൽ മി​ക്ക ഇ​ന​ങ്ങ​ൾ​ക്കും വി​ല കു​തി​ച്ചു​ക​യ​റി. ത​മി​ഴ്നാ​ട് പ​ച്ച​ക്ക​റി കാ​ര്യ​മാ​യി എ​ത്താ​തി​രു​ന്ന​താ​ണു വി​ഷു​വി​നു ര​ണ്ടു​ദി​വ​സം മു​മ്പ് ഇ​ത്ത​ര​മൊ​രു വി​ല​ക്കൂ​ടു​ത​ലി​നു കാ​ര​ണ​മെ​ന്നു ക​ച്ച​വ​ട​ക്കാ​ർ പ​റ​യു​ന്നു.

വി​ഷു​വി​ന്‍റെ ത​ലേ​ന്നാ​ളാ​യ ഇ​ന്നും ഇ​ന്ന​ല​ത്തെ വി​ല​യി​ൽ​നി​ന്നു കാ​ര്യ​മാ​യ ചാ​ഞ്ചാ​ട്ടം ഉ​ണ്ടാ​വി​ല്ലെ​ന്നാ​ണ് വി​ല​യി​രു​ത്ത​ൽ. ഇ​ന്ന​ലെ സാ​മാ​ന്യം ന​ല്ല ക​ച്ച​വ​ടം പ​ച്ച​ക്ക​റി​വി​പ​ണി​യി​ൽ ന​ട​ന്ന​താ​യി വ്യാ​പാ​രി​ക​ൾ പ​റ​ഞ്ഞു.

ത​ക്കാ​ളി, പാ​വ​യ്ക്ക, വെ​ണ്ട​ക്കാ​യ, പ​ട​വ​ല​ങ്ങ, ബീ​ൻ​സ്, കാ​ര​റ്റ്, പ​യ​ർ എ​ന്നി​വ​യ്ക്കാ​ണ് ഇ​ന്ന​ലെ വി​ല കു​തി​ച്ചു​യ​ർ​ന്ന​ത്. ക​ഴി​ഞ്ഞ​ദി​വ​സം 35 രൂ​പ വി​ല​യു​ണ്ടാ​യി​രു​ന്ന പ​യ​റി​ന് ഇ​ന്ന​ലെ ചെ​റു​കി​ട​വി​പ​ണി​യി​ൽ 70 രൂ​പ​വ​രെ വി​ല ഉ​യ​ർ​ന്നു. ഹോ​ൾ​സെ​യി​ൽ മാ​ർ​ക്ക​റ്റി​ൽ 65 രൂ​പ​യാ​യി​രു​ന്നു വി​ല. മി​ക്ക പ​ച്ച​ക്ക​റി​ക​ൾ​ക്കും ഹോ​ൾ​സെ​യി​ൽ മാ​ർ​ക്ക​റ്റ് വി​ല​യെ​ക്കാ​ൾ പ​ത്തു​മു​ത​ൽ 20 രൂ​പ വ​രെ വി​ല​ക്കൂ​ടു​ത​ൽ റീ​ട്ടെ​യി​ൽ മാ​ർ​ക്ക​റ്റി​ൽ അ​നു​ഭ​വ​പ്പെ​ട്ടു.

30-32 രൂ​പ വി​ല​യു​ണ്ടാ​യി​രു​ന്ന ത​ക്കാ​ളി ഇ​ന്ന​ലെ കി​ലോ​യ്ക്ക് 45 രൂ​പ​വ​രെ കൂ​ടി. ഹോ​ൾ​സെ​യി​ലി​ൽ കി​ലോ​യ്ക്ക് 125 രൂ​പ​യു​മാ​യി ബീ​ൻ​സ് പ​ച്ച​ക്ക​റി​വി​പ​ണി​യി​ൽ പൊ​ള്ളും​താ​ര​മാ​യി. റീ​ട്ടെ​യി​ൽ വി​പ​ണി​യി​ൽ 140 മു​ത​ൽ 150 രൂ​പ വ​രെ ബീ​ൻ​സ് കി​ലോ​യ്ക്കു വി​ല​യെ​ത്തി. 85-90 എ​ന്ന വി​ല​നി​ല​വാ​ര​ത്തി​ൽ​നി​ന്നാ​ണ് ബീ​ൻ​സ് ഇ​ത്ര​യ​ധി​കം കു​തി​പ്പ് ന​ട​ത്തി​യ​ത്.

കാ​ര​റ്റ് ഹോ​ൾ​സെ​യി​ൽ മാ​ർ​ക്ക​റ്റി​ൽ കി​ലോ​യ്ക്ക് 70 രൂ​പ വി​ല വ​ന്നു. ചെ​റു​കി​ട ക​ച്ച​വ​ട​ക്കാ​ർ 80 രൂ​പ​വ​രെ കാ​ര​റ്റി​ന് ഈ​ടാ​ക്കി​യി​രു​ന്നു. ക​ഴി​ഞ്ഞ​ദി​വ​സം 45 - 50 രൂ​പ ഹോ​ൾ​സെ​യി​ൽ വി​ല​യു​ണ്ടാ​യി​രു​ന്ന​തി​ൽ നി​ന്നാ​ണ് കാ​ര​റ്റ് ഈ ​വി​ല​യി​ലേ​ക്ക് എ​ത്തി​യ​ത്.

മൂ​വാ​ണ്ട​ൻ പോ​ലു​ള്ള സാ​ധാ​ര​ണ മാ​ങ്ങ​ക​ൾ​ക്ക് വി​ല 50 രൂ​പ​യി​ൽ​നി​ന്ന് തു​ട​ങ്ങി​യ​പ്പോ​ൾ കൂ​ട്ടാ​ൻ​മാ​മ്പ​ഴ​ത്തി​നു കി​ലോ​യ്ക്കു 100 രൂ​പ​യാ​യി​രു​ന്നു കു​റ​ഞ്ഞ വി​ല. 80 രൂ​പ​യി​ൽ​നി​ന്ന് പാ​വ​യ്ക്ക 110ലേ​ക്ക് ഹോ​ൾ​സെ​യി​ലി​ൽ കു​തി​ച്ചു​ക​യ​റി. 20 രൂ​പ​യി​ൽ​നി​ന്ന് 40 രൂ​പ​യാ​യി പ​ട​വ​ല​ങ്ങ​യും വി​ട്ടു​കൊ​ടു​ക്കാ​തെ വി​ല​യു​ള്ള പ​ച്ച​ക്ക​റി​യാ​യി. 35 - 40 റേ​ഞ്ചി​ൽ​നി​ന്ന് ചേ​ന​വി​ല 50 ആ​യി ഉ​യ​ർ​ന്നു. 80 -90 എ​ന്ന നി​ല​വാ​ര​ത്തി​ൽ എ​രി​ഞ്ഞു​നി​ന്നി​രു​ന്ന മു​ള​കി​നു വി​ല കു​ത്ത​നെ ഇ​ടി​ഞ്ഞ് 30 ആ​യി. മു​ള​കി​ന്‍റെ വ​ര​വു​കൂ​ടി​യ​താ​ണ് വി​ല കു​റ​യാ​ൻ കാ​ര​ണ​മെ​ന്നു ക​ച്ച​വ​ട​ക്കാ​ർ പ​റ​യു​ന്നു. ന​ല്ല ഇ​ഞ്ചി​ക്കു കി​ലോ​യ്ക്കു 150 രൂ​പ വി​ല​യു​ണ്ട്. എ​ന്നാ​ൽ, വി​ഷു​വി​നു ക​ണി​കാ​ണാ​നു​ള്ള ക​ണി​വെ​ള്ള​രി​ക്കു കി​ലോ​യ്ക്കു 20 രൂ​പ മാ​ത്ര​മാ​ണ് വി​ല​യു​ള്ള​ത്. മു​രി​ങ്ങ​ക്കാ​യ​യ്ക്ക് 60 മു​ത​ൽ 65 രൂ​പ​വ​രെ വി​ല വ​ന്നു.

ഇ​ന്നു ശ​നി​യാ​ഴ്ച ആ​യ​തു​കൊ​ണ്ട് ത​മി​ഴ്നാ​ട്ടി​ൽ​നി​ന്നു കൂ​ടു​ത​ൽ പ​ച്ച​ക്ക​റി​ലോ​റി​ക​ൾ മാ​ർ​ക്ക​റ്റു​ക​ളി​ൽ എ​ത്താ​ൻ സാ​ധ്യ​ത​യു​ള്ള​തു​കൊ​ണ്ട് ഇ​പ്പോ​ഴു​ള്ള വി​ല​യെ​ക്കാ​ൾ വ​ലി​യൊ​രു വ​ർ​ധ​ന​യ്ക്കു സാ​ധ്യ​ത​യി​ല്ലെ​ന്നും നേ​രി​യ വി​ല​ക്കൂ​ടു​ത​ൽ പ്ര​തീ​ക്ഷി​ക്കു​ന്ന​താ​യും ക​ച്ച​വ​ട​ക്കാ​ർ പ​റ​ഞ്ഞു.

Copyright @ 2022 , Rashtra Deepika Ltd.