ഡി​ട്രോ​യി​റ്റ്: മി​ഷി​ഗ​ണി​ലെ ആ​ദ്യ ഇ​ന്ത്യ​ൻ ക​ലാ സാം​സ്കാ​രി​ക സം​ഘ​ട​ന​യാ​യ ഡി​ട്രോ​യി​റ്റ് കേ​ര​ള ക്ല​ബിന്‍റെ സു​വ​ർ​ണ ജൂ​ബി​ലി ആ​ഘോ​ഷ​മാ​യ ​കേ​ര​ളീ​യം’ മി​ഷി​ഗ​ണി​ലെ ഇ​ന്ത്യ​ൻ സ​മൂ​ഹ​ത്തി​ന് വേ​റി​ട്ട അ​നി​ഭ​വ​മാ​യി മാ​റി.

മി​ഷി​ഗ​ണി​ലെ രാ​ഷ്ട്രീ​യ​സാ​മൂ​ഹി​ക​സാം​സ്കാ​രി​ക നേ​താ​ക്ക​ൾ പ​ങ്കെ​ടു​ത്തു. ഇ​ൻ​ഡ്യാ​ന, ഒ​ഹാ​യോ, ക​ല​മാ​സൂ, കാ​ന​ഡ എ​ന്നി​വി​ട​ങ്ങ​ളി​ൽ നി​ന്നു​ള്ള​വ​രും പ​രി​പാ​ടി​യി​ൽ ഒ​ത്തു​ചേ​ർ​ന്ന​പ്പോ​ൾ വൈ​വി​ധ്യ​മാ​ർ​ന്ന ഇ​ന്ത്യ​ൻ സം​സ്കാ​ര​ത്തി​ന്‍റെ ഒ​ത്തു​ചേ​ര​ലാ​യി കേ​ര​ളീ​യം മാ​റി.

1975ൽ ​സ്ഥാ​പി​ത​മാ​യി, അ​ഞ്ച് പ​തി​റ്റാ​ണ്ടു​ക​ള്‍ പി​ന്നി​ട്ട ഡി​ട്രോ​യി​റ്റ് കേ​ര​ള ക്ല​ബിന്‍റെ ഈ ​മെ​ഗാ ഷോ​യി​ലൂ​ടെ വ​ർ​ണാ​ഭ​മാ​യ പ​രി​പാ​ടി​ക​ളാ​ണ് അ​വ​ത​രി​പ്പി​ക്ക​പ്പെ​ട്ട​ത്. കേ​ര​ള​ത്തി​ന്‍റെ ക​ലാ സാം​സ്കാ​രി​ക പാ​ര​മ്പ​ര്യ​വും വി​ശ്വാ​സാ​ചാ​ര മൂ​ല്യ​ങ്ങ​ളും വി​ളി​ച്ചോ​തു​ന്ന നി​റ​പ്പ​കി​ട്ടാ​ർ​ന്ന ക​ലാ​പ​രി​പാ​ടി​ക​ളും ഇ​ന്ത്യ​യി​ലെ മ​റ്റു സം​സ്ഥാ​ന​ങ്ങ​ളി​ൽ നി​ന്നു​ള്ള പ​ര​മ്പ​രാ​ഗ​ത നൃ​ത്ത​ക​ലാ രൂ​പ​ങ്ങ​ളും അ​വ​ത​രി​പ്പി​ക്ക​പ്പെ​ട്ടു.

ക​ഥ​ക​ളി, ക​ള​രി​പ്പ​യ​റ്റ് തു​ട​ങ്ങി​യ​വ​യ്ക്കൊ​പ്പം മോ​ഹി​നി​യാ​ട്ടം, ഒ​പ്പ​ന, മാ​ർ​ഗം​ക​ളി എ​ന്നി​വ അ​ര​ങ്ങേ​റി. കേ​ര​ള​ത്തി​ന്റെ ചെ​ണ്ട​മേ​ളം, മ​ഹാ​രാ​ഷ്ട്ര​യു​ടെ ഫോ​ക്ക് ഡാ​ൻ​സ്, തെ​ല​ങ്കാ​ന​യി​ലെ ബ​ത്തു​ക​മ്മ, ഡോ​ൽ​ചെ​ണ്ട ഫ്യൂ​ഷ​ൻ, ഫ്ലാ​ഷ്മോ​ബ് എ​ന്നി​വ കാ​ണി​ക​ളി​ൽ ആ​വേ​ശ​ക​ര​മാ​യ ആ​ന​ന്ദ​മാ​ണ് സൃ​ഷ്ടി​ച്ച​ത്.


കേ​ര​ളീ​യ സം​സ്കാ​ര​ത്തി​ന്‍റെയും ക​ല​യു​ടെ​യും വി​ശ്വാ​സാ​ചാ​ര​ങ്ങ​ളു​ടെ​യും നേ​ർ​ക്കാ​ഴ്ച്ച​യാ​യി​രു​ന്നു കേ​ര​ളീ​യ​ത്തി​ലൂ​ടെ സൗ​ത്ത് ഫീ​ൽ​ഡ് പ​വ​ലി​യ​നി​ൽ ഒ​രു​ക്കി​യ എ​ക്സി​ബി​ഷ​ൻ സെ​ന്‍ററുക​ൾ. കേ​ര​ള​ത്തി​ന്‍റെ പ്ര​കൃ​തി ഭം​ഗി വി​ളി​ച്ചോ​തു​ന്ന മ​നോ​ഹ​ര​മാ​യ ക​ട്ടൗ​ട്ടു​ക​ൾ കൊ​ണ്ട് അ​ല​ങ്ക​രി​ച്ച എ​ക്സി​ബി​ഷ​ൻ സെ​ന്‍ററുക​ൾ കേ​ര​ള​ത്തി​ൽ നേ​രി​ട്ടെ​ത്തി​യ ഒ​ര​നു​ഭ​വം കാ​ണി​ക​ൾ​ക്ക് സ​മ്മാ​നി​ച്ചു.

പ്ര​ശ​സ്ത ഗാ​യ​ക​ർ ഫ്രാ​ങ്കോ​യും ല​ക്ഷ്മി നാ​യ​രും ചേ​ർ​ന്ന ബാ​ക്ക് വാ​ട്ടേ​ഴ്സ് ബീ​റ്റ്സി​ന്‍റെ ഗാ​ന​മേ​ള, വ​ർ​ണാ​ഭ​മാ​യ ഫാ​ഷ​ൻ ഷോ, ​വെ​ർ​ച്യു​ൽ റി​യാ​ലി​റ്റി ഷോ ​എ​ന്നി​വ​യും കേ​ര​ളീ​യ​ത്തി​ന് മാ​റ്റ് കൂ​ട്ടി.​

കേ​ര​ള​ത്ത​നി​മ​യാ​ർ​ന്ന ഭ​ക്ഷ​ണ​ങ്ങ​ളു​ടെ​യും വ​സ്ത്ര​ങ്ങ​ളു​ടെ​യും ക​ര​കൗ​ശ​ല വ​സ്തു​ക്ക​ളു​ടെ​യും വി​പു​ല​മാ​യ ശേ​ഖ​ര​വു​മാ​യി നി​ര​വ​ധി സ്റ്റാ​ളു​ക​ൾ പ്ര​വ​ർ​ത്തി​ച്ചു. പ​വ​ലി​യ​നി​ൽ ഒ​രു​ക്കി​യ കേ​ര​ള ക്ല​ബ് ചാ​യ​ക്ക​ട ഏ​വ​ർ​ക്കും കേ​ര​ള​ത്തി​ലെ ചാ​യ​ക്ക​ട​യു​ടെ​യും അ​തി​ലെ നാ​ട​ൻ വി​ഭ​ങ്ങ​ളു​ടെ​യും ഗൃ​ഹാ​തു​ര​ത്വ​മാ​ര്‍​ന്ന അ​നു​ഭ​വ​മാ​യി മാ​റി.

മി​ഷി​ഗ​ണി​ലെ ഇ​ന്ത്യ​ൻ സ​മൂ​ഹ​ത്തി​ന് എ​ന്നും ഓ​ർ​മ​യി​ൽ സൂ​ക്ഷി​ക്കു​വാ​ൻ ന​വ്യാ​നു​ഭ​വം സ​മ്മാ​നി​ച്ച് ഡി​ട്രോ​യി​റ്റ് കേ​ര​ള ക്ല​ബിന്‍റെ "​കേ​ര​ളീ​യം’ വ​ൻ വി​ജ​യ​മാ​യി പ​ര്യ​വ​സാ​നി​ച്ചു.