ഡാ​ള​സ്: യു​വ സം​ഗീ​ത പ്ര​തി​ഭ​ക​ളു​ടെ കൂ​ട്ടാ​യ്മ​യി​ല്‍ പി​റ​ന്ന മ​റ്റൊ​രു പു​തി​യ ഭ​ക്തി​ഗാ​നം "എ​ല്ലാ നാ​ളും' സം​ഗീ​ത പ്രേ​മി​ക​ള്‍​ക്കി​ട​യി​ല്‍ ശ്ര​ദ്ധ നേ​ടു​ന്നു. പ്ര​ത്യാ​ശ​യും വി​ശ്വാ​സ​വും നി​റ​യു​ന്ന വ​രി​ക​ളും ഹൃ​ദ​യ​ത്തി​ല്‍ തൊ​ടു​ന്ന ഈ​ണ​വു​മാ​ണ് ഈ ​ഗാ​ന​ത്തെ വേ​റി​ട്ടു​നി​ര്‍​ത്തു​ന്ന​ത്.

ബ്ര​യാ​ന്‍ തോ​മ​സ് ര​ചി​ച്ച് സം​ഗീ​തം ന​ല്‍​കി​യി​രി​ക്കു​ന്ന ഈ ​ഗാ​നം ആ​ല​പി​ച്ചി​രി​ക്കു​ന്ന​ത് മെ​ര്‍​ലി​ന്‍ സ്റ്റീ​വാ​ണ്. കേ​ര​ള​ത്തി​ല്‍ നി​ന്ന് അ​മേ​രി​ക്ക​യി​ലേ​ക്ക് കു​ടി​യേ​റി​യ ശേ​ഷം, മ​ല​യാ​ള ഭ​ക്തി​ഗാ​ന​ങ്ങ​ളു​ടെ ര​ച​നാ ലോ​ക​ത്ത് തന്‍റേ​താ​യ വ്യ​ക്തി​മു​ദ്ര പ​തി​പ്പി​ച്ച് ശ്ര​ദ്ധേ​യ​നാ​വു​ക​യാ​ണ് യു​വ​ക​വി ബ്ര​യാ​ന്‍ തോ​മ​സ്.

അ​മേ​രി​ക്ക​യി​ലെ ഉ​ന്ന​ത വി​ദ്യാ​ഭ്യാ​സ​ത്തി​നു ശേ​ഷം ഒ​രു പ്ര​മു​ഖ ഐ​ടി ക​മ്പ​നി​യി​ല്‍ ജോ​ലി ചെ​യ്യു​ന്ന ബ്ര​യാ​ന്‍, ത​ന്‍റെ തി​ര​ക്കേ​റി​യ ഔ​ദ്യോ​ഗി​ക ജീ​വി​ത​ത്തി​നി​ട​യി​ലും ഭ​ക്തി​ഗാ​ന ര​ച​ന​യ്ക്കാ​യി സ​മ​യം ക​ണ്ടെ​ത്തു​ന്നു.

കെ.​എ​സ്. ബി​ജേ​ഷ് ആ​ണ് ഓ​ര്‍​ക്ക​സ്‌​ട്രേ​ഷ​നും പ്രോ​ഗ്രാ​മിം​ഗും നി​ര്‍​വ​ഹി​ച്ചി​രി​ക്കു​ന്ന​ത്. ഗാ​ന​ത്തി​ന് കൂ​ടു​ത​ല്‍ ആ​ഴം ന​ല്‍​കു​ന്ന​തി​ല്‍ അ​ദ്ദേ​ഹ​ത്തി​ന്‍റെ പ​ങ്ക് വ​ലു​താ​ണ്. ഗാ​ന​ത്തി​ന്‍റെ മി​ക്‌​സിം​ഗും മാ​സ്റ്റ​റിം​ഗും കൈ​കാ​ര്യം ചെ​യ്ത​ത് സി​ജി​ന്‍ വ​ര്‍​ഗീ​സ് ആ​ണ്.

വ​യ​ലി​ന്‍ വി​ദ​ഗ്ധ​നാ​യ ആ​ല്‍​വി​ന്‍ കു​ര്യാ​ക്കോ​സി​ന്‍റെ സോ​ളോ വ​യ​ലി​ന്‍ ഗാ​ന​ത്തി​ന് ഭം​ഗി ന​ല്‍​കു​ന്നു. മാ​ര്‍​ട്ടി​ന്‍ പ​റ​ക്ക​ന്‍ ആ​ണ് ഗാ​ന​ത്തി​ന്‍റെ ഛായാ​ഗ്ര​ഹ​ണ​വും എ​ഡി​റ്റിം​ഗും നി​ര്‍​വ​ഹി​ച്ചി​രി​ക്കു​ന്ന​ത്. റി​ക്കാ​ര്‍​ഡിം​ഗ് ആ​ര്‍​ട്ടി​സ്റ്റാ​യി അ​ബി വി​ല്‍​സ​ണ്‍ ജോ​സ് പ്ര​വ​ര്‍​ത്തി​ച്ചു.


ഇ​രു​ള്‍ നി​റ​ഞ്ഞ ജീ​വി​ത വ​ഴി​ക​ളി​ല്‍ വെ​ളി​ച്ചം തേ​ടു​ന്ന ഒ​രു മ​ന​സി​ന്‍റെ യാ​ത്ര​യും ക്രൂ​ശി​ന്‍റെ ത​ണ​ലി​ല്‍ അ​ഭ​യം ക​ണ്ടെ​ത്തു​ന്ന​തി​ന്‍റെ ആ​ത്മീ​യ​മാ​യ അ​നു​ഭ​വ​വും ഗാ​നം പ​ങ്കു​വ​യ്ക്കു​ന്നു.

ആ​ഴ​മാ​യ ആ​ത്മീ​യ ചി​ന്ത​ക​ള്‍​ക്കൊ​പ്പം സം​ഗീ​ത​ത്തി​ന്‍റെ എ​ല്ലാ സാ​ധ്യ​ത​ക​ളും പ്ര​യോ​ജ​ന​പ്പെ​ടു​ത്തി​യാ​ണ് ഈ ​ഗാ​നം ഒ​രു​ക്കി​യി​രി​ക്കു​ന്ന​ത്. സാ​മൂ​ഹി​ക മാ​ധ്യ​മ​ങ്ങ​ളി​ല​ട​ക്കം മി​ക​ച്ച പ്ര​തി​ക​ര​ണ​മാ​ണ് ഗാ​ന​ത്തി​ന് ല​ഭി​ച്ചു​കൊ​ണ്ടി​രി​ക്കു​ന്ന​ത്.

നി​രാ​ശ​യു​ടെ നി​മി​ഷ​ങ്ങ​ളി​ല്‍ പ്ര​ത്യാ​ശ​യു​ടെ വെ​ളി​ച്ചം പ​ക​രു​ന്ന ഈ ​ഗാ​നം കൂ​ടു​ത​ല്‍ ആ​ളു​ക​ളി​ലേ​ക്ക് എ​ത്തു​മെ​ന്നാ​ണ് അ​ണി​യ​റ പ്ര​വ​ര്‍​ത്ത​ക​രു​ടെ പ്ര​തീ​ക്ഷ.