സെമി ലൈനപ്പ് 77-ാം സീസണ്‍ സന്തോഷ് ട്രോഫി സെമി ഫൈനൽ പോരാട്ടം ആരൊക്കെ തമ്മിലെന്ന് ഇന്നറിയാം. ഇന്ന് നടക്കുന്ന ആദ്യ ക്വാർട്ടറിൽ ഗ്രൂപ്പ് ബി ചാന്പ്യന്മാരായ മണിപ്പുർ ഗ്രൂപ്പ് എ നാലാം സ്ഥാനക്കാരായ ആസാമിനെ നേരിടും. ഉച്ചകഴിഞ്ഞ് 2.30നാണ് ഈ മത്സരത്തിന്‍റെ കിക്കോഫ്. കേരളം x മിസോറം പോരാട്ടത്തോടെ ക്വാർട്ടർ അവസാനിക്കും. വ്യാഴാഴ്ചയാണ് സെമി ഫൈനൽ പോരാട്ടങ്ങൾ.
കേരളം x സർവീസസ് സെമി ഫൈനൽ ? യുപിയ: സന്തോഷ് ട്രോഫി ഫുട്ബോളിൽ സർവീസസും ഗോവയും സെമിയിൽ. ഇന്നലെ ഉച്ചകഴിഞ്ഞ് 2.30ന് നടന്ന ആദ്യ ക്വാർട്ടർ ഫൈനലിൽ സർവീസസ് 2-0ന് റെയിൽവേസിനെ കീഴടക്കി. രണ്ട് ഗോളും ആദ്യ പകുതിയിലാണ് പിറന്നത്. ഒന്പതാം മിനിറ്റിൽ ഷഫീലും 45+1-ാം മിനിറ്റിൽ സമീർ മുർമുവും സർവീസസിനുവേണ്ടി വലകുലുക്കി.
ഇന്ന് കേരളവും മിസോറവും തമ്മിൽ നടക്കുന്ന അവസാന ക്വാർട്ടറിലെ ജേതാക്കളെയാണ് സെമിയിൽ സർവീസസ് നേരിടുക. ഫൈനൽ റൗണ്ട് ഗ്രൂപ്പ് എ ചാന്പ്യന്മാരായി ആയിരുന്നു സർവീസസിന്‍റെ ക്വാർട്ടർ പ്രവേശം. ഗ്രൂപ്പ് എയിൽ മൂന്നാം സ്ഥാനക്കാരായിരുന്നു കേരളം. ഗ്രൂപ്പ് ഘട്ടത്തിൽ ഇരുടീമും ഏറ്റുമുട്ടിയപ്പോൾ 1-1 സമനിലയായിരുന്നു ഫലം.
ഇന്നലെ രാത്രി നടന്ന രണ്ടാം ക്വാർട്ടറിൽ ഗോവ 2-1ന് ഡൽഹിയെ കീഴടക്കി അവസാന നാലിൽ പ്രവേശിച്ചു. ജോബെറൻ കാർഡോസോ (20’), ലോയിഡ് കാർഡോസോ (29’) എന്നിവരായിരുന്നു ഗോവയ്ക്കുവേണ്ടി ഗോൾ നേടിയത്.