ക​രാ​റു​കാ​ര​ന് തു​ക കൂ​ട്ടി ന​ല്കും; വെ​ള്ള​രി​ക്കു​ണ്ട് താ​ലൂ​ക്കി​ലെ റേ​ഷ​ൻ പ്ര​തി​സ​ന്ധി തീ​ർ​ന്നു
Sunday, June 15, 2025 7:24 AM IST
വെ​ള്ള​രി​ക്കു​ണ്ട്: പ​ട​ന്ന​ക്കാ​ട്ടെ ഗോ​ഡൗ​ണി​ൽ നി​ന്ന് വെ​ള്ള​രി​ക്കു​ണ്ട് താ​ലൂ​ക്കി​ലെ റേ​ഷ​ൻ ക​ട​ക​ളി​ൽ സാ​ധ​ന​ങ്ങ​ളെ​ത്തി​ക്കു​ന്ന​തി​ന് വാ​ഹ​ന​ത്തി​ന്‍റെ വാ​ട​ക കൂ​ട്ടി ന​ല്ക​ണ​മെ​ന്നാ​വ​ശ്യ​പ്പെ​ട്ട് വി​ത​ര​ണ ക​രാ​റു​കാ​ര​ൻ ന​ട​ത്തി​യ നി​സ്സ​ഹ​ക​ര​ണ സ​മ​രം അ​വ​സാ​നി​പ്പി​ച്ചു.

വാ​ഹ​ന വാ​ട​ക 15 ശ​ത​മാ​നം കൂ​ട്ടി​ന​ല്കാ​ൻ പൊ​തു​വി​ത​ര​ണ വ​കു​പ്പ് അ​ധി​കൃ​ത​രു​മാ​യി ധാ​ര​ണ​യി​ലെ​ത്തി​യ​തോ​ടെ​യാ​ണ് സ​മ​രം അ​വ​സാ​നി​പ്പി​ച്ച​ത്. ഇ​തോ​ടെ താ​ലൂ​ക്ക് പ​രി​ധി​യി​ലെ റേ​ഷ​ൻ ക​ട​ക​ളി​ൽ സാ​ധ​ന​ങ്ങ​ളെ​ത്താ​ത്ത​തു​മാ​യി ബ​ന്ധ​പ്പെ​ട്ടു​ണ്ടാ​യ പ്ര​തി​സ​ന്ധി തീ​ർ​ന്നു.

മാ​ങ്ങോ​ട് പ്ര​വ​ർ​ത്തി​ച്ചി​രു​ന്ന ഗോ​ഡൗ​ൺ ഒ​രു വ​ർ​ഷ​ത്തി​ലേ​റെ​യാ​യി അ​ട​ഞ്ഞു​കി​ട​ക്കു​ന്ന​തി​നാ​ൽ വെ​ള്ള​രി​ക്കു​ണ്ട് താ​ലൂ​ക്കി​ലെ റേ​ഷ​ൻ ക​ട​ക​ളി​ലേ​ക്കു​ള്ള സാ​ധ​ന​ങ്ങ​ൾ പ​ട​ന്ന​ക്കാ​ട്ടെ ഗോ​ഡൗ​ണി​ൽ​നി​ന്നാ​ണ് കൊ​ണ്ടു​വ​രേ​ണ്ട​ത്. എ​ന്നാ​ൽ വി​ത​ര​ണ ക​രാ​റു​കാ​ര​ന് മാ​ങ്ങോ​ട് ഡി​പ്പോ​യി​ൽ നി​ന്നു​ള്ള വാ​ഹ​ന വാ​ട​ക മാ​ത്രം അ​നു​വ​ദി​ച്ച​താ​ണ് പ്ര​ശ്ന​മാ​യ​ത്.

ഇ​ത് മാ​റ്റി പ​ട​ന്ന​ക്കാ​ട്ട് നി​ന്നു​ള്ള ദൂ​ര​വും ഇ​ന്ധ​ന​ച്ചെ​ല​വും ക​ണ​ക്കാ​ക്കി വാ​ട​ക ന​ല്ക​ണ​മെ​ന്ന് ക​രാ​റു​കാ​ര​ൻ മാ​സ​ങ്ങ​ളാ​യി ആ​വ​ശ്യ​പ്പെ​ട്ടി​ട്ടും ഫ​ല​മി​ല്ലാ​താ​യ​തോ​ടെ​യാ​ണ് വെ​ള്ള​രി​ക്കു​ണ്ട് താ​ലൂ​ക്കി​ലേ​ക്കു​ള്ള സാ​ധ​ന​ങ്ങ​ൾ എ​ടു​ക്കാ​തെ നി​സ്സ​ഹ​ക​ര​ണ സ​മ​രം തു​ട​ങ്ങി​യ​ത്. സ​മ​രം അ​വ​സാ​നി​പ്പി​ച്ച​തോ​ടെ റേ​ഷ​ൻ ക​ട​ക​ളി​ലേ​ക്ക് അ​രി​യും പ​ഞ്ച​സാ​ര​യു​മ​ട​ക്ക​മു​ള്ള സാ​ധ​ന​ങ്ങ​ളു​മാ​യി ലോ​റി​ക​ൾ എ​ത്തി​ത്തു​ട​ങ്ങി.
Copyright @ 2018 , Rashtra Deepika Ltd.