തി​രു​വ​ല്ല: 1.8 കി​ലോ​ഗ്രാം ക​ഞ്ചാ​വു​മാ​യി ര​ണ്ട് യു​വാ​ക്ക​ളെ തി​രു​വ​ല്ല പോ​ലീ​സ് അ​റ​സ്റ്റ് ചെ​യ്തു. കോ​ട്ട​യം പ​ള്ളി​ക്ക​ച്ചി​റ പാ​യി​പ്പാ​ട് അ​മ്പാ​ട്ട് പ​റ​മ്പി​ല്‍ വീ​ട്ടി​ല്‍ സു​മി​ത്ത് സാ​ബു (30), കോ​ട്ട​യം പാ​യി​പ്പാ​ട് തൃ​ക്കൊ​ടി​ത്താ​നം പ്ലാ​പ്പ​റ​മ്പി​ല്‍ വീ​ട്ടി​ല്‍ റ്റി​ന്‍​സ​ണ്‍ (അ​രു​ണ്‍, 28) എ​ന്നി​വ​രെ​യാ​ണ് പു​ളി​ക്കീ​ഴ് പോ​ലീ​സും ഡാ​ന്‍​സാ​ഫ് സം​ഘ​വും ചേ​ര്‍​ന്നു പി​ടി​കൂ​ടി​യ​ത്.

ക​ഴി​ഞ്ഞ ദി​വ​സം രാ​ത്രി ആ​ലം​തു​രു​ത്തി പാ​ല​ത്തി​നു സ​മീ​പ​ത്തു മാ​ന്നാ​ര്‍ ഭാ​ഗ​ത്തു​നി​ന്നും ബു​ള്ള​റ്റ് മോ​ട്ടോ​ര്‍ സൈ​ക്കി​ളി​ല്‍ വ​ന്ന യു​വാ​ക്ക​ളെ ത​ട​ഞ്ഞു ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. ക​ല്ലൂ​പ്പാ​റ​യി​ലു​ള്ള ഒ​രാ​ളി​ല്‍ നി​ന്നും 38000 രൂ​പ​യ്ക്ക് വാ​ങ്ങി​യ​ കഞ്ചാവുമായി മാ​ന്നാ​ര്‍ വ​ഴി കോ​ട്ട​യ​ത്തേ​ക്കു​ള്ള യാ​ത്ര​യ്ക്കി​ടെ​യാ​ണ് പോ​ലീ​സ് ക​സ്റ്റ​ഡി​യി​ലെ​ടു​ത്ത​ത്.

സു​മി​ത്ത് കീ​ഴ്വാ​യ്പൂ​ര്, തൃ​ക്കൊ​ടി​ത്താ​നം, തി​രു​വ​ല്ല തെ​ന്മ​ല പോ​ലീ​സ് സ്റ്റേ​ഷ​നു​ക​ളി​ല്‍ ര​ജി​സ്റ്റ​ര്‍ ചെ​യ്ത ക്രി​മി​ന​ല്‍ കേ​സു​ക​ളി​ല്‍ പ്ര​തി​യാ​ണ്. തി​രു​വ​ല്ല ഒ​ഴി​കെ​യു​ള്ള സ്റ്റേ​ഷ​നു​ക​ളി​ലെ​ത് ക​ഞ്ചാ​വ് ക​ട​ത്തു​മാ​യി ബ​ന്ധ​പ്പെ​ട്ട് എ​ടു​ത്ത കേ​സു​ക​ളാ​ണ്. പ്ര​തി​ക​ളെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍​ഡ് ചെ​യ്തു.

തി​രു​വ​ല്ല ഡി​വൈ​എ​സ്പി എ​സ്. ന​ന്ദ​കു​മാ​റി​ന്റെ മേ​ല്‍​നോ​ട്ട​ത്തി​ലാ​യി​രു​ന്നു പോ​ലീ​സ് ന​ട​പ​ടി. പോ​ലീ​സ് ഇ​ന്‍​സ്പെ​ക്ട​ര്‍ കെ. ​അ​ജി​ത് കു​മാ​ര്‍, എ​സ്ഐ ഉ​ണ്ണി​കൃ​ഷ്ണ​ന്‍, എ​സ് സി​പി​ഒ അ​നീ​ഷ്, സി​പി​ഒ​മാ​രാ​യ അ​നി​ല്‍ കു​മാ​ര്‍, അ​ജി​മോ​ന്‍ എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്.