കൊ​ടു​മ​ൺ: കി​ണ​റ്റി​ൽ വീ​ണ വ​യോ​ധി​ക​യെ അ​ഗ്നി​ര​ക്ഷാ സേ​ന ര​ക്ഷ​പ്പെ​ടു​ത്തി. നാ​ല് മ​ണി​ക്കൂ​റോ​ളം കി​ണ​റ്റി​ൽ മോ​ട്ടോ​ർ പൈ​പ്പി​ൽ പി​ടി​ച്ചു കി​ട​ന്ന എ​ൺ​പ​ത്തേ​ഴു​കാ​രി​യെ​ അ​ടൂ​രി​ൽ നി​ന്നും അ​ഗ്നി ര​ക്ഷാ സേ​ന എ​ത്തി​യാ​ണ് ബു​ധ​നാ​ഴ്ച പു​ല​ർ​ച്ചെ ര​ക്ഷ​പ്പെ​ടു​ത്തി​യ​ത്.

ത​ട്ട മാ​മ്മു​ട് കു​ട​മു​ക്ക് വേ​ലം​പ​റ​മ്പി​ൽ ശാ​ന്ത (87) യെ​യാ​ണ് ര​ക്ഷ​പ്പെ​ടു​ത്തി​യ​ത്. വീ​ട്ടി​ലെ ത​ന്നെ ആ​ൾ​മ​റ ഇ​ല്ലാ​ത്ത കി​ണ​റ്റി​ലാ​ണ് രാ​ത്രി​യി​ൽ വീ​ണ​ത്. ഏ​ക​ദേ​ശം 30 അ​ടി താ​ഴ്ച​യും 15 അ​ടി വെ​ള്ളം ഉ​ള്ള​തു​മാ​യ കി​ണ​റ്റി​ൽ മോ​ട്ടോ​റി​ന്‍റെ പൈ​പ്പി​ൽ പി​ടി​ച്ചു കി​ട​ക്കു​ക​യാ​യി​രു​ന്നു.
ക​ത​കു തു​റ​ന്നു കി​ട​ക്കു​ന്ന​തു ക​ണ്ടു വീ​ട്ടു​കാ​ർ മു​റി പ​രി​ശോ​ധി​ച്ച​പ്പോ​ൾ ശാ​ന്ത​യെ ക​ണ്ടി​ല്ല.

പു​റ​ത്തു ന​ട​ത്തി​യ പ​രി​ശോ​ധ​ന​യി​ലാ​ണ് കി​ണ​റ്റി​ൽ വീ​ണു കി​ട​ക്കു​ന്ന​തു ക​ണ്ട​ത്. അ​ടൂ​ർ നി​ന്നും സീ​നി​യ​ർ റെ​സ്ക്യൂ ഓ​ഫീ​സ​ർ അ​ജി​ഖാ​ൻ യൂ​സു​ഫി​ന്‍റെ നേ​തൃ​ത്വ​ത്തി​ൽ എ​ത്തി​യ റെ​സ്ക്യൂ ടീം ​കി​ണ​റ്റി​ൽ ഇ​റ​ങ്ങി നെ​റ്റ് ഉ​പ​യോ​ഗി​ച്ച് ശാ​ന്ത​യെ പു​റ​ത്തെ​ത്തി​ച്ച് ആ​ശു​പ​ത്രി​യി​ലേ​ക്കു മാ​റ്റി.