പ​ത്ത​നം​തി​ട്ട: വ​നം​വ​കു​പ്പി​ന്‍റെ​യും ഗ്രാ​മ​പ​ഞ്ചാ​യ​ത്തു​ക​ളു​ടെ​യും ആ​വ​ശ്യ​പ്ര​കാ​രം കാ​ട്ടു​പ​ന്നി​ക​ളെ വെ​ടി​വ​ച്ചു കൊ​ന്ന​തി​നു ചെ​ല​വാ​യ പ​ണം ര​ണ്ടു വ​ർ​ഷ​ത്തി​ലേ​റെ​യാ​യി കി​ട്ടാ​നു​ണ്ടെ​ന്ന് ഷൂ​ട്ട​ർ​മാ​ർ. പ​ന്നി​ക​ളെ കൊ​ല്ലാ​നു​ള്ള ഉ​ത്ത​ര​വാ​ദി​ത്വം ത​ദ്ദേ​ശ സ്ഥാ​പ​ന​ങ്ങ​ൾ​ക്കുമേ​ൽ ചു​മ​ത്തി കൈ​യൊ​ഴി​യാ​ൻ വ​നം​വ​കു​പ്പ് ശ്ര​മി​ക്കു​ക​യാ​ണ്. ജി​ല്ല​യി​ൽ തോ​ക്ക് ലൈ​സ​ൻ​സു​ള്ള മൂ​ന്നു പേ​രെ​യാ​ണ് പ​ന്നി​ക​ളെ വെ​ടി​വ​യ്ക്കു​ന്ന​തി​ന് അ​ധി​കൃ​ത​ർ ഇ​പ്പോ​ൾ വി​ളി​ക്കാ​റു​ള്ള​ത്. നേ​ര​ത്തേ ഇ​രു​പ​തോ​ളംപേ​ർ പ​ട്ടി​ക​യി​ലു​ണ്ടാ​യി​രു​ന്നു. ഇ​വ​രി​ൽ ഏ​റെ​പ്പേ​രും പി​ന്മാ​റി.

ര​ണ്ടു വ​ർ​ഷം മു​ന്പുവ​രെ പ​ന്നി​ക​ളെ വെ​ടി​വ​യ്ക്കാ​ൻ അ​ധി​കാ​രം വ​നം​വ​കു​പ്പി​ന്‍റെ റാ​പ്പി​ഡ് റെ​സ്പോ​ൺ​സ് ടീ​മി​നാ​യി​രു​ന്നു (ആ​ർ​ആ​ർ​ടി). പി​ന്നീ​ട് പ​ഞ്ചാ​യ​ത്തു​ക​ൾ​ക്ക് അ​ധി​കാ​രം ന​ൽ​കി. ഇ​തോ​ടെ പ​ണ​വും കി​ട്ടാ​താ​യി.

ഒ​രു പ​ന്നി​യെ വെ​ടി​വ​ച്ചു​കൊ​ല്ലാ​ൻ പോ​കു​ന്ന​തി​ന് കു​റ​ഞ്ഞ​ത് 1,500 രൂ​പ​യാ​ണ് ചെ​ല​വാ​കു​ന്ന​ത്. വ​നം​വ​കു​പ്പും പി​ന്നീ​ട് പ​ഞ്ചാ​യ​ത്തും അ​നു​വ​ദി​ക്കു​ന്ന തു​ക 1,000 മാ​ത്രം. പ​ണം എ​ന്നെ​ങ്കി​ലും കി​ട്ടു​മെ​ന്ന​ത് പ്ര​തീ​ക്ഷ മാ​ത്ര​മാ​യി. ഇ​നി വി​ളി​ച്ചാ​ൽ പോ​കി​ല്ലെ​ന്നാ​ണ് ഷൂ​ട്ട​ർ​മാ​രു​ടെ തീ​രു​മാ​നം.

പ​ത്ത​നം​തി​ട്ട​യി​ൽ ലി​സ്റ്റ് ചെ​യ്യ​പ്പെ​ട്ട ഷൂ​ട്ട​ർ​മാ​ർ​ക്ക് കൊ​ല്ലം, ആ​ല​പ്പു​ഴ ജി​ല്ല​ക​ളി​ലെ പ​ഞ്ചാ​യ​ത്തു​ക​ളി​ൽനി​ന്നു വി​ളി എ​ത്താ​റു​ണ്ട്. മു​ന്പൊ​ക്കെ ഇ​വി​ടെ​യും എ​ത്തു​മാ​യി​രു​ന്നു. ഇ​പ്പോ​ൾ പോ​കാ​തെ​യാ​യി. ഇ​തോ​ടെ വ​നം​വ​കു​പ്പ് ഷൂ​ട്ട​ർ​മാ​രെ തേ​ടു​ക‍​യാ​ണ് പ​ഞ്ചാ​യ​ത്തു​ക​ൾ.

തി​ര​ക​ൾ​ക്കും വി​ല കൂ​ടി

വെ​ടി​വ​യ്ക്കാ​നു​പ​യോ​ഗി​ക്കു​ന്ന തി​ര​ക​ൾ​ക്ക് വി​ല കൂ​ടി​യ​തോ​ടെ ചെ​ല​വ് പി​ന്നെ​യും ഏ​റി​യെ​ന്ന് ഷൂ​ട്ട​ർ​മാ​ർ പ​റ​ഞ്ഞു. നേ​ര​ത്തേ നൂ​റ് രൂ​പ​യി​ൽ താ​ഴ​യാ​യി​രു​ന്ന ഒ​രു തി​ര​യു​ടെ വി​ല ഇ​പ്പോ​ൾ 200 രൂ​പ​യോ​ള​മാ​യി. രാ​ത്രി​യി​ൽ കാ​ട്ടു​പ​ന്നി​ക​ളെ വേ​ട്ട​യാ​ടു​മ്പോ​ൾ തി​ര​ക​ൾ പാ​ഴാ​കാ​റു​ണ്ട്.

മ​നു​ഷ്യ​ജീ​വ​നും കൃ​ഷി​ക്കും ശ​ല്യ​മാ​കു​ന്ന കാ​ട്ടു​പ​ന്നി​ക​ളെ വെ​ടി​വ​ച്ചു കൊ​ല്ലാ​ൻ 2021ലാ​ണ് അ​നു​മ​തി ന​ൽ​കി​യ​ത്. വ​നം​വ​കു​പ്പി​ന്‍റെ ആ​ർ​ആ​ർ​ടി​ക​ൾ​ക്കാ​യി​രു​ന്നു ആ​ദ്യ ചു​മ​ത​ല. പി​ന്നീ​ട് അ​ധി​കാ​രം ഗ്രാ​മപ​ഞ്ചാ​യ​ത്തു​ക​ൾ​ക്ക് ന​ൽ​കി. പ​ന്നി​വേ​ട്ട​യ്ക്ക് ചെ​ല​വി​നു പ​ണം ക​ണ്ടെ​ത്താ​ൻ പ​ല പ​ഞ്ചാ​യ​ത്തു​ക​ളും ബു​ദ്ധി​മു​ട്ടു​ക​യാ​ണ്.

ശ​ല്യ​ക്കാ​രാ​യ കാ​ട്ടു​പ​ന്നി​ക​ളെ വെ​ടി​വ​ച്ചു കൊ​ല്ലാ​ൻ ഗ്രാ​മപ​ഞ്ചാ​യ​ത്തു​ക​ൾ പ്ര​മേ​യം പാ​സാ​ക്ക​ണം. ജ​ന​പ്ര​തി​നി​ധി​ക​ൾ നേ​രി​ട്ട് വി​ളി​ക്കു​മ്പോ​ഴാ​ണ് ഷൂ​ട്ട​ർ​മാ​ർ എ​ത്തു​ന്ന​ത്. കൊ​ല്ലു​ന്ന പ​ന്നി​ക​ളെ വ​നം​വ​കു​പ്പി​ന്‍റെ​യും ഗ്രാ​മ​പ​ഞ്ചാ​യ​ത്ത് അ​ധി​കൃ​ത​രു​ടെ​യും സാ​ന്നി​ധ്യ​ത്തി​ൽ കു​ഴി​ച്ചി​ട​ണ​മെ​ന്നാ​ണ് വ്യ​വ​സ്ഥ.

ഇ​തി​ന് 2,500 രൂ​പ​യാ​ണ് ചെ​ല​വ‌് നി​ശ്ച​യി​ച്ചി​രി​ക്കു​ന്ന​ത്. ത​ദ്ദേ​ശ സ്ഥാ​പ​ന​ങ്ങ​ൾ ത​ന​തു​ഫ​ണ്ടി​ൽനി​ന്നാ​ണ് പ​ണം ന​ൽ​കേ​ണ്ട​ത്. പ​ല പ​ഞ്ചാ​യ​ത്തു​ക​ൾ​ക്കും ത​ന​തു ഫ​ണ്ടി​ല്ല.