ഫാ. ജയിംസ് മുല്ലശേരിക്ക് അവാർഡ് സമ്മാനിച്ചു
1565573
Saturday, June 7, 2025 7:20 AM IST
അയ്മനം: ദയ സാംസ്‌കാരിക സമിതി അയ്മനത്തെ ജനകീയ ഡോക്്ടർ പി.ആര്‍. കുമാറിന്‍റെ സ്മരണയ്ക്കായി ഏര്‍പ്പെടുത്തിയ പുരസ്‌കാരം മാന്നാനം കെഇ സ്‌കൂള്‍ പ്രിന്‍സിപ്പൽ ഫാ. ജയിംസ് മുല്ലശേരിക്ക് സമ്മാനിച്ചു. 10,000 രൂപയും ശില്‍പവും പ്രശസ്തിപത്രവും അടങ്ങുന്നാണ് പുരസ്‌കാരം.
തിരുവാറ്റയിലെ ക്ഷേത്ര ഓഡിറ്റോറിയത്തില്‍ ചേര്‍ന്ന സമിതിയുടെ വിദ്യാഭ്യാസ ജനകീയ സദസിലാണ് പുരസ്‌കാരം നല്കിയത്. സദസിന്‍റെ ഉദ്ഘാടനവും പുരസകാരം സമര്‍പ്പണവും മന്ത്രി വി.എന്‍. വാസവന്‍ നിര്‍വഹിച്ചു.
എസ്എസ്്എല്‍സി, പ്ലസ് ടു പരീക്ഷകളില്‍ ഉന്നത വിജയം നേടിയ വിദ്യാര്‍ഥികളെ മന്ത്രി ഉപഹാരം നല്കി അനുമോദിച്ചു. പഞ്ചായത്ത് പ്രസിഡന്റ് വിജി രാജേഷ് അധ്യക്ഷത വഹിച്ചു.