മ​റ​യൂ​ർ: ച​രി​ത്രം ഉ​റ​ങ്ങു​ന്ന നാ​ടി​ന്‍റെ നേ​ർ​ക്കാ​ഴ്ച​ക​ൾ ദൃ​ശ്യ​വ​ത്ക​രി​ച്ച് പു​റം​ലോ​ക​ത്തി​ന് പ​രി​ച​യ​പ്പെ​ടു​ത്തി റി​ട്ട​യേ​​ഡ് അ​ധ്യാ​പി​ക ഡോ. ​എ. മീ​ര. മ​റ​യൂ​ർ ഗ​വ. ഹൈ​സ്കൂ​ളി​ൽ​നി​ന്ന് വി​ര​മി​ച്ച ഡോ. ​മീ​ര​യാ​ണ് "മ​റ​യി​ല്ലാ​തെ മ​റ​യൂ​ർ' എ​ന്ന ഹ്ര​സ്വ​ചി​ത്ര​ത്തി​ന്‍റെ ര​ച​ന​യും സം​വി​ധാ​ന​വും നി​ർ​വ​ഹി​ച്ചി​രി​ക്കു​ന്ന​ത്. ഭ​ർ​ത്താ​വും ആ​ലു​വ യു.​സി. കോ​ള​ജി​ലെ റി​ട്ട. പ്ര​ഫ​സ​റു​മാ​യ വി.​പി. മാ​ർ​ക്കോ​സാ​ണ് നി​ർ​മാ​ണം.

ക​ഴി​ഞ്ഞ മാ​ർ​ച്ചി​ലാ​ണ് മീ​ര ടീ​ച്ച​ർ അ​ധ്യാ​പ​ന​വൃ​ത്തി​യി​ൽ​നി​ന്ന് വി​ര​മി​ച്ച​ത്. തു​ട​ർ​ന്ന് താ​ൻ ക​ണ്ട നാ​ടി​ന്‍റെ ഡോ​ക്കുമെ​ന്‍റ​റി​യു​ടെ പ​ണി​പ്പു​ര​യി​ലാ​യി​രു​ന്നു. ഡോ​ക്കു​മെ​ന്‍റ​റി​യു​ടെ പ്ര​കാ​ശ​നം മ​റ​യൂ​ർ സ​ഹ​ക​ര​ണ ബാ​ങ്ക് ഹാ​ളി​ൽ ന​ട​ന്നു. ക​വി അ​ശോ​ക​ൻ മ​റ​യൂ​ർ, പ​ഞ്ചാ​യ​ത്ത് പ്ര​സി​ഡ​ന്‍റ് ഉ​ഷ ഹെ​ൻ​ട്രി എ​ന്നി​വ​ർ സ​ന്നി​ഹി​ത​രാ​യി​രുന്നു.

മ​റ​യൂ​ർ എ​ന്നാ​ൽ മ​റ​യ്ക്ക​പ്പെ​ട്ട ഊ​ര്, മ​റ​ഞ്ഞി​രി​ക്കു​ന്ന ഊ​ര്, വേ​ദ​ങ്ങ​ളു​ടെ ഊ​ര് എ​ന്നി​ങ്ങ​നെ പ​ല വ്യാ​ഖ്യാ​ന​ങ്ങ​ളു​ണ്ട്. മ​റ​യൂ​രി​നെ​ക്കു​റി​ച്ചു​ള്ള ച​രി​ത്ര​രേ​ഖ​ക​ൾ ക​ണ്ടെ​ത്തി കൂ​ടു​ത​ൽ തെ​ളി​മ​യോ​ടെ, ചാ​രു​ത​യോ​ടെ പ്രേ​ക്ഷ​ക​രി​ലേ​ക്ക് എ​ത്തി​ക്കു​ക​യാ​ണ് ഈ ​ഡോ​ക്കുമെ​ന്‍റ​റി. മ​റ​യൂ​രി​നെ സം​ബ​ന്ധി​ക്കു​ന്ന ഐ​തി​ഹ്യ​ങ്ങ​ൾ, മ​റ​യൂ​രി​ലെ ആ​ദി​മ നി​വാ​സി​ക​ളാ​യ മ​ല​പ്പു​ല​യ, മു​തു​വാ​ൻ ഗോ​ത്ര​ങ്ങ​ളു​ടെ സാം​സ്ക്കാ​രി​ക സ​വി​ശേ​ഷ​ത​ക​ൾ, മ​റ​യൂ​ർ ച​ന്ദ​നം, ശ​ർ​ക്ക​ര, മു​നി​യ​റ​ക​ൾ ഇ​വ​യെ​ല്ലാം ഉ​ൾ പ്പെ​ടു​ത്തി ത​യാ​റാ​ക്കി​യി​ട്ടു​ള്ള 45 മി​നി​റ്റ് നീ​ണ്ടു​നി​ൽക്കു​ന്ന ഹ്ര​സ്വ ചി​ത്ര​മാ​ണ്.

വ​ർ​ഷ​ങ്ങ​ൾ​ക്ക് മു​ൻ​പ് ആ​ലു​വ പ​ടി​ഞ്ഞാ​റേ ക​ടു​ങ്ങ​ല്ലൂ​ർ സ്കൂ​ളി​ൽ ജോ​ലി ചെ​യ്തു​വ​ര​വേ ഭ​ർ​ത്താ​വു​മാ​യി മ​റ​യൂ​രി​ൽ വി​നോ​ദ​സ​ഞ്ചാ​രി​യാ​യി എ​ത്തി​യ​താ​ണ് മീ​ര. മ​റ​യൂ​രി​നെ ഏ​റെ ഇ​ഷ്ട​പ്പെ​ട്ട അ​വ​ർ മ​റ​യൂ​ർ ഗ​വ.​ ഹ​യ​ർ സെ​ക്ക​ൻ​ഡ​റി സ്കൂ​ളി​ലേ​ക്ക് സ്ഥ​ലം മാ​റ്റം ചോ​ദി​ച്ചു​വാ​ങ്ങു​ക​യാ​യി​രു​ന്നു. സ്കൂ​ളി​ന്‍റെ സ​ർ​വ​തോ​മു​ഖ​മാ​യ പു​രോ​ഗ​തി​ക്ക് നേ​തൃ​ത്വം ന​ൽ​കി​യ മീ​ര ടീ​ച്ച​ർ വി​ര​മി​ച്ചി​ട്ടും മ​റ​യൂ​രി​ൽ ത​ന്നെ ത​ങ്ങി​യാ​ണ് ചി​ത്രം പൂ​ർ​ത്തി​യാ​ക്കി​യ​ത്. ഒരു വ​ർ​ഷ​ത്തെ പ​രി​ശ്ര​മ​ത്തിനൊ​ടു​വി​ലാ​ണ് ചി​ത്രം പൂർ​ത്തി​യാ​ക്കി​യ​ത്.

ഛായാ​ഗ്ര​ഹ​ണം അ​ജി​ത്ത് വി​ഷ്ണു​വും എ​ഡി​റ്റിം​ഗ് ടൈ​റ്റ​സ് ജോ​സ​ഫും സം​ഗീ​തം സാ​ബി​ർ മ​ദാ​റും ശ​ബ്ദ​മി​ശ്ര​ണം രാ​കേ​ഷ് ജ​നാ​ർ​ദ​ന​നു​മാ​ണ് നി​ർ​വ​ഹി​ച്ചി​രി​ക്കു​ന്ന​ത്. ടൈ​റ്റി​ൽ​സ്: സ​ജു കോ​ച്ചേ​രി, സ​ഹ​സം​വി​ധാ​നം: എ​സ്. ദേ​വ​ന​ന്ദ​ൻ.