നെ​ടു​ങ്ക​ണ്ടം: പാ​മ്പാ​ടും​പാ​റ​യി​ലെ ഏ​ല​ത്തോ​ട്ട​ത്തി​ല്‍​നി​ന്നു സ്ഥി​ര​മാ​യി ഏ​ല​ക്കാ മോ​ഷ​ണം ന​ട​ത്തി​വ​ന്നി​രു​ന്ന യു​വാ​ക്ക​ളെ നെ​ടു​ങ്ക​ണ്ടം പോ​ലീ​സ് അ​റ​സ്റ്റ് ചെ​യ്തു. പാ​മ്പാ​ടും​പാ​റ ആ​ദി​യാ​ര്‍​പു​രം സ്വ​ദേ​ശി​ക​ളാ​യ മ​ഠ​ത്തി​നാ​ല്‍ ആ​ഷ്‌​ലി (23), പു​തു​പ്പ​റ​മ്പി​ല്‍ അ​ഭി​ജി​ത്ത് (23), കൊ​ര​ണ്ടി​ച്ചേ​രി​ല്‍ വി​ഷ്ണു(23) എ​ന്നി​വ​രാ​ണ് പി​ടി​യി​ലാ​യ​ത്. പാ​മ്പാ​ടും​പാ​റ സ്വ​ദേ​ശി വി​ന്‍​സെ​ന്‍റി​ന്‍റെ ഉ​ട​മ​സ്ഥ​ത​യി​ലു​ള്ള പ​ത്ത് ഏ​ക്ക​ര്‍ ഏ​ല​ത്തോ​ട്ട​ത്തി​ല്‍​നി​ന്നു നാ​ളു​ക​ളാ​യി ഏ​ല​ക്കാ മോ​ഷ​ണം പോ​കു​ന്ന​താ​യി ശ്ര​ദ്ധ​യി​ല്‍​പ്പെ​ട്ട​തി​നെ​ത്തു​ട​ര്‍​ന്ന് നെ​ടു​ങ്ക​ണ്ടം പോ​ലീ​സി​ല്‍ പ​രാ​തി ന​ല്‍​കി​യി​രു​ന്നു.

ഇ​തി​നി​ടെ ഞാ​യ​റാ​ഴ്ച ഉ​ച്ച​യോ​ടെ തോ​ട്ട​ത്തി​ല്‍​നി​ന്നു ഏ​ല​ക്കാ മോ​ഷ്ടി​ക്കു​ക​യാ​യി​രു​ന്ന മൂ​ന്നു യു​വാ​ക്ക​ളെ വി​ന്‍​സെ​ന്‍റും പി​താ​വും ക​ണ്ടെ​ത്തി. തോ​ട്ടം ഉ​ട​മ​യെ ക​ണ്ട​തോ​ടെ മോ​ഷ്ടി​ച്ച ഏ​ല​ക്ക​യു​മാ​യി ര​ക്ഷ​പ്പെ​ടാ​ന്‍ ശ്ര​മി​ക്കു​ന്ന​തി​നി​ടെ ആ​ഷ‌്‌​ലി​യെ വി​ന്‍​സെ​ന്‍റി​ന്‍റെ പി​താ​വ് പി​ടി​കൂ​ടി. ബ​ല​പ്ര​യോ​ഗ​ത്തി​നി​ടെ വാ​ക്ക​ത്തി​കൊ​ണ്ട് ആ​ഷ്‌​ലി​യു​ടെ കൈ​വി​ര​ല്‍ മു​റി​ഞ്ഞു. തു​ട​ര്‍​ന്ന് ഇ​ദ്ദേ​ഹ​ത്തെ ത​ള്ളി​യി​ട്ട് ആ​ഷ്‌​ലി ഓ​ടി ര​ക്ഷ​പ്പെ​ട്ടു.

സം​ഭ​വം അ​റി​ഞ്ഞ് നെ​ടു​ങ്ക​ണ്ടം സി​ഐ ജെ​ര്‍​ലി​ന്‍ വി. ​സ്‌​ക​റി​യ​യു​ടെ നേ​തൃ​ത്വ​ത്തി​ലു​ള്ള സം​ഘം അ​ന്വേ​ഷ​ണം ആ​രം​ഭി​ച്ചു. നെ​ടു​ങ്ക​ണ്ടം മേ​ഖ​ല​യി​ലെ ആ​ശു​പ​ത്രി​ക​ളി​ല്‍ കൈ​മു​റി​ഞ്ഞ് ചി​കി​ത്സ തേ​ടി എ​ത്തി​യ​വ​രെ​ക്കു​റി​ച്ച് ന​ട​ത്തി​യ അ​ന്വേ​ഷ​ണ​ത്തി​ല്‍ നെ​ടു​ങ്ക​ണ്ടം താ​ലൂ​ക്ക് ആ​ശു​പ​ത്രി​യി​ല്‍​നി​ന്ന് ആ​ഷ്‌​ലി​യെ പി​ടി​കൂ​ടു​ക​യാ​യി​രു​ന്നു. ആ​ഷ്‌​ലി​യെ ചോ​ദ്യം ചെ​യ്ത​തി​ലൂ​ടെ കൂ​ട്ടു​പ്ര​തി​ക​ളാ​യ അ​ഭി​ജി​ത്ത്, വി​ഷ്ണു എ​ന്നി​വ​രെ​യും പോ​ലീ​സ് പി​ടി​കൂ​ടി. പാ​മ്പാ​ടും​പാ​റ​യി​ല്‍ എ​ത്തി​ച്ച് തെ​ളി​വെ​ടു​പ്പ് ന​ട​ത്തി​യ ശേ​ഷം പ്ര​തി​ക​ളെ കോ​ട​തി​യി​ല്‍ ഹാ​ജ​രാ​ക്കി.